Të lënduarit janë transportuar drejt spitalit të traumës në Tiranë, ndërkohë që njëri nga të lënduarit ndodhet në gjendje të rëndë shëndetësore. Në vendin e ngjarjes kanë mbërritur forcat e policisë, të cilat po punojnë për zbardhjen e plotë të rrethanave të aksidentit.

The post Aksident i rëndë në Lezhë-Milot, plagosen katër persona appeared first on Albeu.com.

74-vjeçari u transportua menjëherë për ndihmë mjekësore, por si pasojë e dëmtimeve të marra ka ndërruar jetë. Autori është shoqëruar në polici, teksa hetimet po vijojnë, pasi nuk dihet se cili ishte shkaku që çoi në krimin e rëndë brenda familjes.

The post Krimi brenda familjes në Kavajë, ja si ndodhi ngjarja e rëndë appeared first on Albeu.com.

Në periudhën kur prodhimi në sera ka arritur kulmin, ata e përshkruajnë situatën si mjaft të vështirë. Edhe pse prodhimi ka qenë i mirë, të ardhurat që sigurojnë nuk mjaftojnë për të përballuar shpenzimet, ndërsa hendeku mes çmimit që marrin në fermë dhe atij që paguhet në treg mbetet i madh.

Fermeri Marsel Cani thotë: “Aktualisht çmimi është 20 lekë të vjetra. Edhe 20 lekë, edhe t’i sillesh mirë, s’ta merr. Fajin as vetë s’e di nga është. Njerëzit vetë e blejnë atje me 150 lekë në dyqan, nuk çohet të thotë pse është kaq. Tregtari ma merr me 20 lekë mua dhe e shet 50 lekë. Te tjetri shkon në 5 duar derisa të vejë te konsumatori”.

Sipas tij, fermerët janë pjesa më e pafavorizuar e gjithë zinxhirit të tregtimit, megjithëse mbi ta bien të gjitha kostot dhe puna e përditshme në terren.

“A jeni ju fermerët ata të cilët marrin gjithmonë më pak? Po, më shumë merr ai që rri në hije me kondicioner. Edhe ai ka lodhje, se çdo punë ka lodhje, por merr më shumë se unë që po rri gjithë ditën këtu. Kam ardhur që në 5 të mëngjesit dhe tani është ora 11, unë s’kam ikur akoma në shtëpi”, shprehet Cani.

Shpenzimet e larta për prodhimin, të kombinuara me çmimin e ulët të shitjes, po i shtyjnë shumë fermerë drejt problemeve financiare. Kësaj gjendjeje i shtohet edhe mungesa e krahut të punës, të cilën fermerët thonë se po e ndiejnë nga viti në vit gjithnjë e më shumë.

I pakënaqur me realitetin që po përjeton, fermeri shprehet se e konsideron veten tashmë të falimentuar dhe po mendon të largohet nga vendi.

“Unë po rri vetëm për inat, se dua të nxjerr lekët e mia. Përndryshe s’do të rrija fare. Por kam borxhe. Unë kam falimentuar, jo jam drejt falimentimit. Jam bërë shumë pishman. Do t’i marr kalamajtë dhe do të iki. Të paktën jam më i qetë andej”, thotë fermeri.

Edhe pse serat e Muriqanit dhe e gjithë zona bujqësore e Elbasanit vazhdojnë prodhimin, fermerët kërkojnë më shumë mbështetje me politika konkrete dhe një treg më të drejtë, në mënyrë që puna e tyre të mos përfundojë në humbje dhe braktisje të bujqësisë.

The post Çmimi i ulët në fermë dhe shitja e shtrenjtë në treg, fermerët e kastravecit në Elbasan ngrenë shqetësimin për fitimet minimale appeared first on Albeu.com.

Si pasojë e intensitetit të reshjeve, është ulur ndjeshëm dukshmëria, ndërsa lëvizja e automjeteve është bërë më e vështirë në aksin Korçë–Pogradec, si edhe në kahun e kundërt, ku drejtuesit janë përballur me kushte të pafavorshme qarkullimi.

Sipas autoriteteve dhe burimeve vendore, deri në këto momente nuk ka raportime për dëme materiale apo incidente të shkaktuara nga rrufetë.

Ndërkohë, situata po mbahet nën vëzhgim, teksa kushtet e motit pritet të mbeten të paqëndrueshme edhe në disa zona të juglindjes së vendit.

The post Moti i keq godet Korçën, qarkullimi vështirësohet në rrugën drejt Pogradecit appeared first on Albeu.com.

Sipas njoftimit të policisë, rreth orës 20:30, në fshatin Agonas, dy vëllezërit ishin në arë duke mbledhur bazën ushqimore për blegtorinë, kur në rrethana që ende nuk janë sqaruar, shtetasi M. Rr., 76 vjeç, dyshohet se ka goditur me mjet prerës, thikë, vëllain e tij E. Rr., 74 vjeç.

Pas ngjarjes, i dëmtuari u dërgua me urgjencë për të marrë ndihmë mjekësore, por për shkak të plagëve të marra nuk arriti të mbijetonte dhe ndërroi jetë në spital.

Policia ka bërë të mundur kapjen dhe shoqërimin e autorit të dyshuar, ndërsa ndaj tij po kryhen veprimet e mëtejshme procedurale.

Nën drejtimin e Prokurorisë, grupi hetimor po vazhdon punën për të zbardhur plotësisht rrethanat e kësaj ngjarjeje dhe për dokumentimin e saj ligjor.

The post Tragjedi në Kavajë, 74-vjeçari vdes pasi dyshohet se u qëllua me thikë nga vëllai appeared first on Albeu.com.

Me çadra dhe mjete të tjera mbrojtëse ndaj shiut, qytetarët u nisën në disa prej akseve kryesore të kryeqytetit. Gjatë marshimit, ata artikuluan thirrje kundër qeverisë dhe ritheksuan kërkesat që kanë paraqitur prej javësh në tubimet e mbajtura në Tiranë.

Pjesëmarrja e qytetarëve nuk u zbeh nga shiu i pandërprerë, ndërsa ata vijuan lëvizjen sipas itinerarit të përcaktuar nga organizatorët. Në disa raste, protestuesit u ndalën për të mbajtur fjalime dhe për të përcjellë mesazhet e tyre ndaj institucioneve shtetërore.

Sipas pjesëmarrësve, dalja e tyre në protestë pavarësisht motit të keq tregon vendosmërinë për ta vazhduar aksionin qytetar. Ata shprehën bindjen se reshjet e shiut nuk e zbehin pakënaqësinë qytetare dhe nuk mund të ndalin protestat që po zhvillohen prej disa javësh.

The post Protestuesit dalin në marshim nëpër Tiranë pas përfundimit të fjalimeve appeared first on Albeu.com.

Në disa qytete të kësaj pjese të vendit janë vërejtur shkarkesa të shumta elektrike, ndërsa deri në këto momente nuk ka raportime për dëme apo incidente të rënda.

Si pasojë e reshjeve intensive, të shoqëruara edhe me rrufe të forta, qarkullimi i automjeteve u vështirësua për disa minuta. Drejtuesit e mjeteve u detyruan të ecin me kujdes, për shkak të rënies së ndjeshme të shikueshmërisë.

The post Stuhi me reshje të dendura godet juglindjen e vendit appeared first on Albeu.com.

Narcizmi karakterizohet nga një ndjenjë e ekzagjeruar e rëndësisë personale, nevoja për admirim dhe bindja se dikush meriton trajtim të veçantë. Siç është shprehur eksperti i narcizmit Keith Campbell, “është si një sëmundje ku personat që vuajnë ndihen mjaft mirë, por njerëzit përreth tyre vuajnë”.

Sipas profesoreshës së psikologjisë Gwendolyn Seidman, kërkimet shkencore japin një përgjigje të qartë për pyetjen që shumë njerëz bëjnë: narcisistët e dinë se janë të tillë. Në studime të ndryshme, pjesëmarrësve u është kërkuar të vlerësojnë sa i përshkruan fraza “Unë jam narcisist”. Ata që e pranonin këtë pohim kishin gjithashtu rezultate të larta në testet profesionale që matin narcizmin.

Madje, studimet tregojnë se narcisistët jo vetëm që e njohin këtë anë të personalitetit të tyre, por shpesh e konsiderojnë atë një avantazh. Edhe kur e kuptojnë se tipare si arroganca apo mendjemadhësia mund të krijojnë reagime negative tek të tjerët, ata besojnë se këto cilësi i ndihmojnë të arrijnë sukses, prestigj dhe ndikim.

Psikologët kanë vënë re gjithashtu se njerëzit me nivele të larta narcizmi e përshkruajnë veten si më inteligjentë, më tërheqës dhe më karizmatikë se të tjerët. Në të kundërt, ata nuk i kushtojnë shumë rëndësi faktit nëse perceptohen si të sjellshëm, të ngrohtë apo të dhembshur.

Një tjetër zbulim interesant është se teoria e përhapur se narcisistët fshehin një ndjenjë të thellë inferioriteti nuk mbështetet fort nga provat shkencore. Përkundrazi, shumë prej tyre kanë një vlerësim shumë të lartë për veten dhe besojnë sinqerisht në aftësitë e tyre, veçanërisht kur bëhet fjalë për statusin, pamjen apo suksesin.

Kjo reflektohet edhe në marrëdhëniet e tyre. Narcisistët kanë tendencë t’i japin më shumë rëndësi prestigjit, statusit social dhe pamjes së partnerit sesa cilësive si besnikëria, mirësia apo afërsia emocionale. Në të njëjtën mënyrë, qëllimet e tyre në jetë shpesh fokusohen te fama, pasuria dhe njohja publike.

Në fund, ekspertët theksojnë se narcisistët e dinë që mund të perceptohen si arrogantë apo të vështirë në sjellje. Megjithatë, ata nuk i shohin këto karakteristika si problem që duhet korrigjuar. Përkundrazi, i konsiderojnë mjete që i ndihmojnë të arrijnë atë që vlerësojnë më shumë: suksesin, ndikimin dhe prestigjin.

The post A e dinë narcisistët që janë narcistët? Studimet e psikologëve japin përgjigjen e qartë appeared first on Albeu.com.

Në vendngjarje ndodhen policia dhe shërbimet përkatëse, të angazhuara për administrimin e trafikut si edhe për sqarimin e rrethanave të aksidentit.

Sipas të dhënave nga terreni, qarkullimi në këtë aks ka qenë i ndërprerë për mbi një orë, ndërsa dhjetëra mjete janë detyruar të qëndrojnë në pritje në radhë të gjata deri në rikthimin e normalitetit.

Pamjet e siguruara tregojnë radhë kilometrike kamionësh dhe automjetesh në të dy korsitë e rrugës. Deri tani nuk ka informacion zyrtar për persona të lënduar, ndërsa pritet ndërhyrja e mjeteve të specializuara për zhvendosjen e kamionit dhe normalizimin e qarkullimit.

The post Kamion i përmbysur në Librazhd, trafiku u ndërpre për më shumë se një orë appeared first on Albeu.com.

Pasditen e kësaj të marte, reshjet e dendura të breshërit kanë prekur fshatin Drizë në Gramsh, ku banorët raportojnë dëme të mëdha në kulturat e stinës dhe në vreshta.

Sipas dëshmive të banorëve, stuhia ka zgjatur vetëm disa minuta, por ka qenë e mjaftueshme për të shkaktuar dëmtime në një pjesë të prodhimit bujqësor, duke rrezikuar punën dhe investimet e kryera gjatë muajve të fundit.

Fermerët kërkojnë që dëmet të vlerësohen, ndërsa kushtet e paqëndrueshme atmosferike vazhdojnë të mbeten shqetësuese për bujqësinë, blegtorinë dhe infrastrukturën gjatë kësaj periudhe.

The post Breshëri godet Gramshin, dëmtohen rëndë kulturat bujqësore dhe vreshtat në fshatin Drizë appeared first on Albeu.com.