Në një postim në Facebook, ai ka shkruar se nga disa publikime në rrjete sociale, por edhe në disa media, të bëra sipas tij nga individë jokompetentë dhe me synime politike, po tentohet qëllimshëm të shtrembërohet realiteti dhe të ndërtohen narrativa të gabuara për pjesëmarrjen e Kosovës në Samitin e NATO-s.

“Duke u nisur nga disa shkrime në rrjete sociale dhe por edhe në disa media nga individë jo kompetentë dhe me qëllime politike, po vërehet një tentativë e qëllimshme për të deformuar realitetin dhe për të ndërtuar narrativa të pasakta lidhur me pjesëmarrjen e Republikës së Kosovës në Samitin e NATO-s. Duhet të jetë e qartë: Samitet e NATO-s nuk janë ngjarje të hapura për interpretime politike apo keqlexime mediatike sipas narrativave dhe kalkulimeve të brendshme politike, por procese strikt institucionale të NATO-s, të bazuara në statusin e shteteve anëtare dhe partnerëve të Aleancës. Prandaj, çdo përpjekje për ta paraqitur mospjesëmarrjen e Kosovës si “mesazh politik” është e pabazuar, e shtrembëruar dhe në thelb e dëmshme për të kuptuar realitetin institucional”, ka shkruar ai në Facebook.

Sipas Zemajt, Kosova mbetet thellësisht mirënjohëse ndaj NATO-s për ndërhyrjen humanitare dhe ushtarake vendimtare të vitit 1999, e cila u ndërmor për të ndalur dhunën sistematike, terrorin dhe krimet e rënda të regjimit të atëhershëm të Serbisë ndaj popullit të Kosovës, deri në shkallë gjenocidi dhe katastrofës humanitare që rrezikonte të përhapej edhe në rajon.

Ai ka theksuar se kjo ndërhyrje historike ushtarake, e vetmja e tillë në gjithë historinë e NATO-s, hapi rrugën për paqen, lirinë dhe shtetndërtimin e Kosovës.

Zemaj është shprehur gjithashtu se për më shumë se dy dekada, KFOR-i si mision i udhëhequr nga NATO ka qenë garancia kryesore për sigurinë dhe stabilitetin në Kosovë, ndërsa Ekipi Këshillues dhe Ndërlidhës i NATO-s (NALT) ka qenë dhe vazhdon të jetë pjesë thelbësore e bashkëpunimit strategjik dhe zhvillimit institucional të vendit.

“Po ashtu, për më shumë se dy dekada, KFOR-i si mision i udhëhequr nga NATO, ishte garancia kryesore e sigurisë dhe stabilitetit në Kosovë, ndërsa Ekipi Këshillues dhe Ndërlidhës i NATO-s (NALT) ka qenë dhe mbetet pjesë thelbësore e bashkëpunimit strategjik dhe zhvillimit institucional të vendit tonë. Secilit pjestar ushtarak dhe civil të NATO-s, ju jemi përjetësisht mirënjohës per kontributin dhe sakrificën e tyre tani rreth tri dekada. Po ashtu, Republika e Kosovës mbetet plotësisht e përkushtuar në rrugën e saj euroatlantike dhe në synimin strategjik për anëtarësim të plotë në NATO. Çdo narrativë që synon të minojë këtë orientim, të deformojë raportin me Aleancën apo të dobësojë besimin institucional ndërmjet Kosovës dhe NATO-s, është politikisht e dëmshme dhe faktikisht e pasaktë. Institucionet e Republikës së Kosovës nuk duhet të sulmohen mbi baza narrative të fabrikuara, e as të mbështeten interpretime që i shërbejnë agjendave që historikisht kanë qenë kundër shtetësisë së Kosovës. Prandaj, Kosova nuk devijohet nga asnjë narrativë e fabrikuar. Rruga jonë dhe qëllimi është e qartë dhe e pandryshueshme: partneritet i thellë me NATO-n dhe integrimi i vazhdueshëm deri tek anëtarësim i plotë në Aleancë dhe strukturat tjera euroatlantike në të ardhmen”, tha ai.

The post Zemaj: Interpretimet për mungesën e Kosovës në Samitin e NATO-s po shtrembërojnë realitetin appeared first on Albeu.com.

Sipas Limajt, një përfshirje e tillë është e papranueshme dhe cenon historinë e luftës çlirimtare. Ai ka nënvizuar se “themelet e lirisë” nuk duhet të preken për shkak të interesave apo përplasjeve të politikës së ditës.

Në reagimin e tij, Limaj ka ndalur te figura e dëshmorit Tahir Sinani, për të cilin është shprehur se përfaqëson një nga simbolet më të fuqishme të rezistencës dhe flijimit në radhët e Ushtria Çlirimtare e Kosovës.

“Heroi i kombit, Tahir Sinani, i kthyer në frymëzim dhe simbol të qëndresës për çdo luftëtar të UÇK-së, është në themel të lirisë së kombit tonë. Ai e ka shkruar me gjak historinë e lavdishme të UÇK-së dhe emri i tij mbetet i paharruar në ndërgjegjen kombëtare,” thuhet në qëndrimin e Limajt.

Në përmbyllje të reagimit të tij, ai ka theksuar se sakrifica e dëshmorëve nuk duhet të vihet në pikëpyetje, duke bërë thirrje për respekt ndaj figurave të luftës çlirimtare.

“Lavdi Tahir Sinani dhe të gjithë dëshmorëve të kombit!”

The post Limaj dënon deklaratën e Ballës: Tahir Sinani, figurë e palëkundur e UÇK-së appeared first on Albeu.com.

Në adresimin e saj, Haxhiu u shpreh se raporti mes Kosovës dhe EULEX-it është ndërtuar përgjatë trajtimit të çështjeve të vështira dhe të ndjeshme.

Ajo nënvizoi angazhimin e Misionit në disa fusha me rëndësi të veçantë për shoqërinë tonë, duke përmendur drejtësinë tranzicionale, si dhe reagimin institucional ndaj dhunës në familje dhe dhunës me bazë gjinore.

“Pikërisht për shkak të ndjeshmërisë së këtyre çështjeve, dialogu ka pasur gjithmonë rëndësi. Institucionet i shërbejnë më së miri qytetarëve kur flasin qartë, dëgjojnë me kujdes dhe e mbajnë përgjegjësinë ndaj qytetarëve në qendër të veprimit”, theksoi kryetarja Haxhiu.

Ajo tha më tej se gjatë kohës sa drejtoi EULEX-in, Giovanni Pietro Barbano ka mbajtur një përgjegjësi të rëndësishme në një periudhë të ndjeshme.

“Kosova e vlerëson profesionalizmin, seriozitetin institucional dhe qasjen e respektueshme. Dëshiroj të shpreh vlerësimin tim për përgjegjësinë që keni mbajtur në këtë detyrë, si dhe për shërbimin dhe bashkëpunimin tuaj”, theksoi kryetarja Haxhiu.

Sipas saj, misionet ndërkombëtare janë të përkohshme nga vetë natyra e tyre, ndërsa institucionet nuk janë.

“Prandaj, matësi i vërtetë i bashkëpunimit nuk është sa gjatë qëndron një mision, por sa më të forta, më të përgjegjshme dhe më të pavarura bëhen institucionet shtetërore. Në Kosovë, institucionet janë forcuar në kapacitet, profesionalizëm dhe përgjegjësi, dhe vazhdojnë t’i kryejnë detyrat kushtetuese e demokratike që i takojnë Republikës”, tha Haxhiu.

Në përmbyllje, kryetarja e Kuvendit i uroi z. Giovanni Pietro Barbano suksese në angazhimet e tij të ardhshme.

“Shpresoj që nga Kosova të merrni me vete kujtimin e një vendi të ri në shtetësi, të qartë në vullnetin e tij demokratik dhe thellësisht të përkushtuar ndaj drejtësisë dhe të ardhmes evropiane”, tha në fjalën e saj kryetarja Haxhiu.

The post Haxhiu në mbylljen e mandatit të Barbano-s në EULEX: Kosova çmon bashkëpunimin dhe qasjen profesionale appeared first on Albeu.com.

Sipas njoftimit, biseda u fokusua te kontinenti evropian, si edhe te operacionet dhe aktivitetet kryesore të NATO-s, me theks të veçantë te Kosova dhe Fronti Jugor.

Njoftimi:

“Fokusi ishte gjithashtu në forcimin e mbrojtjes kontinentale, përtej perimetrit të 27 shteteve të BE-së, si shtylla evropiane e Aleancës”, thuhet në njoftim.

The post Crosetto dhe Grynkewich në Romë bisedojnë për rolin e NATO-s në Evropë dhe Kosovë appeared first on Albeu.com.

Ajo e cilëson këtë si një fyerje dhe poshtërim të rëndë ndaj figurës së babait të saj, të cilin e përshkruan si komandant legjendar të UÇK-së.

“Vetëm një i paskrupullt mund ta bëjë këtë. Taulant Balla urgjentisht t’i duhet të kërkosh falje publike. Sot ti ma vrave për së dyti babën! Gjaku i tij do ua thyejë qafën ty e gjithë atyre që prekin te plaga që hala dhemb,” shprehet ajo.

Postimi i plotë:

Sapo pashë letrën e publikuar nga Taulant Balla, kinse një listë me emrat e marcenarëve në UÇK, se kështu i quaka ai luftëtarët e lirisë. Një letër gjysmake, pa specifika, ku në krye qëndron emri i babait tim, Heroit të Kombit Tahir Sinani. Njeriu që sakrifikoi çdo gjë për çeshtjen kombëtare, çlirimtari i tre luftërave. Sot Taulant Balla, një mbetje e Politikës shqiptare, përdhos dhe fyen emrin dhe gjakun e babait tim.

TURP!!!!

Vetëm një i paskrupullt mund ta bëjë këtë. Taulant Balla urgjentisht ti duhet të kërkosh falje publike. Sot ti ma vrave për së dyti babën! Gjaku i tij do jua thejë qafën ty e gjithë atyre që prekin te plaga që hala dhemb.

Tahir Sinani ra dëshmor për lirinë e trojeve shqiptare, jo për parti politike. E në qoftë se nuk e njeh ti Tahir Sinanin e njeh gjithë shqiptaria. Ai shkoi me lavdi po ti ça do lësh mbrapa?! Turp për ty!

Organizata e Veteranëve të Luftës së UÇK-së Detyra juaj është të mbroni të drejtat e veteranve, të familjeve të dëshmorve dhe vlerave të luftës dhe jo të merreni me politikë nën petkun e UÇK-së nëpërmjet kësaj organizate. Përndryshe të shpërbëheni menjëherë si grup drejtues dhe të drejtohet nga persona që ja dinë vlerën luftes e gjakut të dëshmorve.

Pas gati 25 vitesh nga rënia dëshmor e babit të përjetosh këtë poshtërim është e rëndë!

The post Vajza e Tahir Sinanit shpërthen ndaj Ballës pas publikimit të listës: Ma vrau babanë për herë të dytë, gjaku i tij do t’ua thyejë qafën appeared first on Albeu.com.

Sipas njoftimit, ky konsiderohet një hap i rëndësishëm në drejtim të zhdukjes së deponive ilegale dhe ndërtimit të një sistemi më të rregullt, më të sigurt dhe më të ligjshëm për menaxhimin e mbeturinave.

Mbeturinat nga qytetarët do të pranohen në deponitë sanitare të Mirashit, Landovicës, Velekincës dhe Dumnicës.

MMPH ka njoftuar gjithashtu se pranimi do të bëhet çdo të shtunë, nga ora 08:00 deri në 16:00, me një tarifë prej 10.31 euro për ton, ndërsa pagesa do të mund të kryhet vetëm me kartelë bankare.

Në njoftim theksohet se në deponi do të lejohen vetëm mbeturinat e parrezikshme, në përputhje me legjislacionin në fuqi, ndërsa nuk do të pranohen mbeturina të rrezikshme, toksike, spitalore, shpërthyese apo të ndaluara me ligj.

Po ashtu, ministria ka bërë të ditur se qytetarët tashmë kanë një mundësi të ligjshme për deponimin e mbeturinave, ndaj çdo hedhje e tyre në natyrë apo në vende të papërshtatshme do të trajtohet me tolerancë zero dhe do të ndëshkohet sipas ligjit. Në njoftim shtohet se mbrojtja e mjedisit është përgjegjësi e secilit prej nesh.

The post MMPH njofton se qytetarët do të mund t’i dërgojnë mbeturinat në deponitë sanitare appeared first on Albeu.com.

Në një komunikatë, MSH-ja thekson se raporti konfirmon se institucioni ka marrë opinion të pamodifikuar për Pasqyrat Financiare Vjetore, çka nënkupton se ato paraqesin një pasqyrë të drejtë në të gjitha aspektet materiale dhe janë në përputhje me standardet dhe legjislacionin në fuqi. Sipas së njëjtës komunikatë, Zyra Kombëtare e Auditimit ka vlerësuar gjithashtu se, me përjashtim të çështjeve të identifikuara në raport, transaksionet e realizuara gjatë ekzekutimit të buxhetit të Ministrisë së Shëndetësisë janë kryer, në të gjitha aspektet materiale, sipas kritereve të përcaktuara nga legjislacioni në fuqi.

Ministria ka reaguar edhe ndaj interpretimeve që, sipas saj, janë paraqitur pjesërisht gjatë ditës në raportimet mediale, duke nënvizuar se raporti zyrtar i Zyrës Kombëtare të Auditimit e konfirmon opinionin e pamodifikuar për Pasqyrat Financiare Vjetore të saj. Po ashtu, në raport përfshihen rekomandime që synojnë avancimin e mëtejshëm të proceseve të kontrollit, monitorimit dhe dokumentimit në fusha të caktuara të menaxhimit financiar dhe administrativ.

Sipas MSH-së, raporti nxjerr në pah disa fusha ku nevojiten përmirësime të mëtejme në drejtim të menaxhimit, monitorimit dhe dokumentimit të proceseve të caktuara administrative dhe operative. Ministria thekson se të gjitha gjetjet dhe rekomandimet e auditorit trajtohen me prioritet dhe se do të ndërmerren veprime për adresimin e tyre brenda afateve të përcaktuara.

Në komunikatë theksohet gjithashtu se gjatë auditimit për vitin 2025 është konstatuar se të tri rekomandimet e dhëna nga Zyra Kombëtare e Auditimit për vitin paraprak janë zbatuar plotësisht nga Ministria e Shëndetësisë, duke dëshmuar përkushtimin institucional për forcimin e kontrollit të brendshëm, rritjen e transparencës dhe avancimin e llogaridhënies.

Ministria e Shëndetësisë shprehet se mbetet e angazhuar për përmirësimin e vazhdueshëm të proceseve të menaxhimit financiar dhe administrativ, me synimin për të ofruar shërbime sa më cilësore për qytetarët dhe për të siguruar përdorim sa më të përgjegjshëm të fondeve publike.

The post MSH përshëndet raportin e auditimit për Pasqyrat Financiare Vjetore 2025 appeared first on Albeu.com.

Sipas saj, pikëkthesa në mënyrën si e sheh Osmanin erdhi në ditën kur presidentja mori vendimin për shpërndarjen e Kuvendit.

Gërvalla ka përmendur edhe deklarimin e Osmanit se kryeministri në detyrë, Albin Kurti, kishte mbajtur një takim në Bruksel me presidentin e Serbisë, Aleksandar Vuçiq.

Në deklaratën e saj publike, ajo theksoi se pakënaqësia dhe zhgënjimi që ndien nuk kanë të bëjnë me raportin personal mes tyre, por me qëndrimet politike të presidentes.

“Pezmi im është shumë jopersonal. Pezmi im është shumë politik, e edhe zhgënjimi im është shumë politik dhe aspak personal. Dikush që ka qenë president i vendit ka detyrim, ka obligim ndaj opinionit publik, të tregojë më shumë dinjitet dhe më shumë karakter, edhe atëherë kur jemi në kampe kundërshtare”, deklaroi Gërvalla.

The post Donika Gërvalla zbulon momentin kur ndryshoi qasjen ndaj Vjosa Osmanit dhe e akuzon për “gënjeshtër” appeared first on Albeu.com.

Mbledhja u drejtua nga Zëvendësministri i Parë në detyrë i Ministrisë së Zhvillimit Rajonal, z. Ali Dula, i cili po ashtu udhëheq këtë proces, me synim bashkërendimin e aktiviteteve ndërinstitucionale për të çuar përpara themelimin e Qendrës për Zhvillim Rajonal Juglindje.

Të pranishëm në takim ishin Zëvendësministri i Ministrisë së Administrimit të Pushtetit Lokal, z. Arton Konushevci, Kryetari i Komunës së Ferizajt, z. Agim Aliu, Kryetari i Komunës së Hanit të Elezit, z. Mehmet Ballazhi, Nënkryetari i Komunës së Shtimes, z. Adnan Ademi, përfaqësues të Komunës së Shtërpcës, znj. Arta Ahmeti Xhylani, zëvendësuese e U.D. Sekretares së Përgjithshme të MZHR-së, Drejtori i AZHR Lindje, z. Agim Zeka, Drejtoresha e AZHR Qendër, znj. Mimoza Tafarshiku, drejtorë të drejtorive komunale dhe përfaqësues të tjerë institucionalë.

Gjatë diskutimeve, u.d. Drejtoreshë e DPKZHR-së, znj. Kreshnike Arifi, paraqiti ecurinë e procesit për themelimin e Qendrave për Zhvillim Rajonal, duke shpjeguar kornizën institucionale, objektivat dhe funksionin e tyre në nxitjen e zhvillimit të balancuar rajonal.

Nga ana tjetër, Drejtoresha e DPAR-së, znj. Shyhrete Kastrati, prezantoi veprimet dhe hapat që kërkohen për zbatimin e Udhëzuesit për Identifikimin e Zonave për Investime Strategjike dhe Studimin e Fizibilitetit për Zhvillim Socio-Ekonomik Rajonal, me theks te identifikimi i potencialeve zhvillimore dhe krijimi i kushteve për tërheqjen e investimeve.

Në këtë takim u trajtuan edhe veprimet e ardhshme për funksionalizimin e Qendrës për Zhvillim Rajonal Juglindje, si dhe pesha që ajo pritet të ketë në bashkërendimin e prioriteteve zhvillimore, përgatitjen e planeve operative rajonale, zhvillimin dhe zbatimin e projekteve të përbashkëta, si edhe në mobilizimin e fondeve dhe investimeve për rajonin.

Në mbyllje të takimit, pjesëmarrësit shprehën gatishmërinë për të vazhduar bashkëpunimin ndërinstitucional dhe ndërkomunal për themelimin dhe funksionalizimin e Qendrës për Zhvillim Rajonal Juglindje, duke e vlerësuar këtë nismë si një hap të rëndësishëm për avancimin e zhvillimit rajonal të balancuar dhe të qëndrueshëm.

The post MZHR koordinon veprimet për krijimin dhe vënien në funksion të Qendrës për Zhvillim Rajonal Juglindje appeared first on Albeu.com.

Diana Matoshi Krasniqi, koordinatore për avokim dhe hulumtim në KDI, tha: “Të bëhet një analizë e efikasitetit të proceduarave të konkurrencës dhe sigurimit të vlerës si dhe të propozohen reforma ligjore të cilat mbështesin jo vetëm digjitalizimin dhe modernizim por formim strukturor të gjithë procesit”,

Në panel u theksua se, bazuar në përvojat e deritanishme në prokurimin publik, reforma e orientuar drejt performancës dhe cilësisë është e domosdoshme, me qëllim që të sigurohen më shumë transparencë dhe llogaridhënie.

Deputetja e Kuvendit të Kosovës, Eliza Hoxha, u shpreh: “Roli jonë sot edhe tutje do të ishte me qenë qysh mundemi me i përmirësu, tash sfida e parë është a ka vullnet politik, institucionet përkatëse edhe spektri horizontal të institucioneve tjera të cilat lidhen me proceset e prokurimit, me pas grup punues m atë gjanë edhe me pas gjithë përfshirje që është parimi i bazë i shoqërive demokratike”,

Ndërkaq, deputetja e Kuvendit të Kosovës, Janina Ymeri, vuri në pah problemin e buxhetimit, duke thënë: “Buxhetimi është ne fillim problem buxheti shtrihet aq shumë për një projekt të caktuar që është dembeli institucionale projekt me nda thjeshtë në katër pesë vite, kjo i pengon edhe komunat edhe ministritë me kry një punë si duhet”,

Presioni nga mediat dhe verdikti i votës së qytetarëve u vlerësuan si elemente me peshë për rritjen e llogaridhënies dhe për të garantuar një prokurim publik të drejtë e efikas. Megjithatë, u theksua se ndryshimi i vërtetë kërkon transparencë të plotë, mbikëqyrje të vazhdueshme dhe zbatim të pakompromis të ligjit, në mënyrë që të ndërtohet një sistem prokurimi që mbron interesin publik dhe garanton që çdo euro e taksapaguesve të kthehet në vlerë reale për qytetarët.

The post Prokurimi publik në Kosovë kërkon reformë të thellë strukturore appeared first on Albeu.com.