Njoftimi i Policisë:

“Më datë 20.06.2026, rreth orës 23:30, në aksin rrugor “Lushnje-Rrogozhinë”, shtetasi T. V., 37-vjeç, duke udhëtuar me biçikletë, dyshohet se është aksidentuar nga një automjet me drejtues shtetasin B. M., 41-vjeç, dhe më pas dyshohet se është përplasur edhe nga një automjet tjetër me drejtues shtetasin F. M., 39-vjeç.

Si pasojë e aksidentit rrugor, shtetasi T. V. ka humbur jetën në vendngjarje.

Shërbimet e Policisë kanë identifikuar dhe shoqëruar në Komisariat dy drejtuesit e automjeteve, për kryerjen e veprimeve procedurale të nevojshme, të cilët, në përfundim të veprimeve të para hetimore, janë arrestuar në flagrancë si të dyshuar për kryerjen e veprës penale “Shkelja e rregullave të qarkullimit rrugor”, me pasojë vdekjen, parashikuar nga neni 290/3 i Kodit Penal.

Grupi hetimor, nën drejtimin e Prokurorisë, vijon kryerjen e veprimeve hetimore për sqarimin dhe dokumentimin e plotë të rrethanave të aksidentit”.

The post Identifikohet viktima e aksidentit në Lushnje/ Policia: U godit nga dy makina njëra pas tjetrës, arrestohen shoferët! appeared first on Albeu.com.

43-vjeçari, sipas policisë, kishte kryer manovra të rrezikshme dhe kishte bërtitur para komisariatit të Lushnjës. Pasi pikasi patrullën, thuhet se 43-vjeçari ka nisur të lëvizë me shpejtësi dhe është përplasur me bordurat anësore të rrugës, në vendin e quajtur “Rrethrrotullimi i Plasmasit” dhe është përmbysur.

Goditja ka qenë fatale, duke i marrë jetën Xhumarit.

Lushnje/ Informacion paraprak

Rreth orës 01:45, të datës 02.06.2026, punonjësit e sallës operative të Komisariatit të Policisë Lushnjë, nëpërmjet kamerave të sigurisë, kanë konstatuar përpara Komisariatit, një automjet tip “Mercedes-Benz”, duke kryer manovra të çrregullta, dhe më pas drejtuesi i automjetit ka dalë nga automjeti duke bërtitur para Komisariatit, veprim të cilin e ka përsëritur disa herë.

Në këto kushte, salla operative ka njoftuar Patrullën e Përgjithshme që ishte me shërbim në qytet, për t’u afruar në Komisariat, me qëllim verifikimin e drejtuesit të automjetit dhe arsyen e sjelljeve të tij.

Drejtuesi i automjetit, sapo ka parë Patrullën e Përgjithshme që vinte drejt Komisariatit, është larguar me shpejtësi të madhe dhe pas disa minutash dyshohet se për shkak të shpejtësisë së madhe dhe humbjes së kontrollit mbi drejtimin e automjetit nga ana e drejtuesit, automjeti është përplasur me bordurat anësore të rrugës, në vendin e quajtur “Rrethrrotullimi i Plasmasit” dhe është përmbysur. Si pasojë, drejtuesi i automjetit, shtetasi E. Xh., 43 vjeç, banues në Tiranë, ka humbur jetën.

Grupi hetimor, në drejtimin e Prokurorisë, po punon për zbardhjen e plotë të rrethanave dhe shkakut të aksidentit”, njofotn policia.

The post Tentoi t’i shpëtonte policisë, por u përplas për vdekje, 43-vjeçari, vëllai i zv.ministres së Mjedisit appeared first on Albeu.com.

Në këto kushte, salla operative ka njoftuar Patrullën e Përgjithshme që ishte me shërbim në qytet, për t’u afruar në Komisariat, me qëllim verifikimin e drejtuesit të automjetit dhe arsyen e sjelljeve të tij.

Drejtuesi i automjetit, sapo ka parë Patrullën e Përgjithshme që vinte drejt Komisariatit, është larguar me shpejtësi të madhe dhe pas disa minutash dyshohet se për shkak të shpejtësisë së madhe dhe humbjes së kontrollit mbi drejtimin e automjetit nga ana e drejtuesit, automjeti është përplasur me bordurat anësore të rrugës, në vendin e quajtur “Rrethrrotullimi i Plasmasit” dhe është përmbysur. Si pasojë, drejtuesi i automjetit, shtetasi Ernis Xhumari, 43-vjeç, banues në Tiranë, ka humbur jetën.

Grupi hetimor, në drejtimin e Prokurorisë, po punon për zbardhjen e plotë të rrethanave dhe shkakut të aksidentit.

The post Manovrat e rrezikshme, dalja nga mjeti në mes të natës duke bërtitur para komisariatit dhe përplasja fatale, zbardhen detaje nga aksidenti tragjik që ndodhi në Lushnje appeared first on Albeu.com.

Yannick Dainese, i cili në dhjetor të vitit 2013 punonte për kompaninë e shpëtimit ajror SAF Hélicoptères, ishte pjesë e ekipit që ndërhyri në resortin e skive Méribel Alpina pas aksidentit që ndryshoi jetën e Schumacherit.

Duke folur për gazetën sportive franceze L’Équipe, Dainese kujtoi momentin kur mësoi identitetin e personit të plagosur.

“Një shpëtimtar zbriti nga helikopteri me mjekun dhe më tha: ‘Po shkojmë te Schumacher’. Në fillim mendova se po bënte shaka”, rrëfeu ai.

“Kur komandanti urdhëroi të hiqnim mikrofonat dhe kamerat GoPro dhe ndaloi gazetarët të na shoqëronin, e kuptova se ishte e vërtetë”, tha piloti.

Edhe pse nuk ishte tifoz i madh i Formula 1, Dainese ishte i vetëdijshëm për famën e jashtëzakonshme të Schumacherit.

“Në mënyrë të pavetëdijshme presioni ishte aty, sepse e dija se ai adhurohej si një perëndi. Por për mua ai ishte thjesht një person i plagosur rëndë që kishte nevojë për ndihmë”, u shpreh ai.

Sipas tij, pista e skive u izolua menjëherë dhe atmosfera ishte jashtëzakonisht e tensionuar. Schumacher u vendos në një dyshek vakumi dhe më pas u transportua me helikopter drejt një spitali në Grenoble.

Fluturimi zgjati rreth 25 minuta dhe u zhvillua pothuajse në heshtje totale.

Dainese tha se nuk e dinte shkallën e vërtetë të dëmtimeve të Schumacherit deri disa ditë më vonë.

Kur u kthye në të njëjtin spital për të transportuar një pacient tjetër, ai u përball me një skenë të pazakontë.

“Ishte e pabesueshme. Kishte autobusë, flamuj të kuq dhe njerëz kudo. Ambientet e spitalit ishin shndërruar në një pistë Formula 1”, kujtoi ai.

Më 29 dhjetor 2013, Schumacher pësoi një dëmtim të rëndë në kokë gjatë një aksidenti në ski në Alpet Franceze. Sipas hetimeve, ai nuk po lëvizte me shpejtësi të madhe kur goditi një shkëmb të fshehur nën dëborë.

Përplasja e hodhi përpara dhe ai goditi kokën në një gur të madh, duke e çarë helmetën në dy pjesë.

Ish-kampioni botëror iu nënshtrua dy operacioneve të mëdha dhe u vendos në koma të induktuar, e cila zgjati rreth 250 ditë.

Dainese shpjegoi se vendosi të mos fliste publikisht për 12 vjet për të respektuar privatësinë e familjes Schumacher.

Bashkëshortja e tij, Corinna Schumacher, ka ruajtur me rigorozitet informacionet mbi gjendjen shëndetësore të ish-pilotit, duke kufizuar qasjen vetëm te familjarët, miqtë e afërt dhe një grup i vogël mjekësh.

Edhe sot, detajet mbi gjendjen aktuale të Schumacherit mbeten kryesisht private, ndërsa familja ka konfirmuar vetëm se ai vazhdon të marrë trajtim mjekësor.

The post Shpëtoi jetën e Schumacher, flet pas 12 vitesh piloti i helikopterit: Atë e adhuronin si Perëndi, por për mua… appeared first on Albeu.com.

Në seancën gjyqësore bën me dije gazetari Fatmir Popja, Prokuroria është përfaqësuar nga prokurori Adnand Hoxha, i cili ka paraqitur para gjykatës kërkesën për vleftësimin si të ligjshëm të ndalimit të personit nën hetim, si edhe caktimin ndaj tij të masës së sigurimit personal “Arrest në burg”, bazuar në nenin 238 të Kodit të Procedurës Penale.

Sipas organit të akuzës, ndaj Petri Bozos ekzistojnë dyshime të arsyeshme për përfshirjen në aksidentin fatal që tronditi opinionin publik në Elbasan, ku humbi jetën një fëmijë vetëm 7 vjeç.

Ngjarja solli reagime të shumta të komunitetit elbasanas dhe jo vetëm dhe ka rikthyer vëmendjen mbi mungesën e sigurisë rrugore në zonën e Mengelit të Elbasanit si dhe respektimin .

Gjatë seancës janë paraqitur argumentet e palëve, ndërsa gjykata po shqyrton provat dhe rrethanat paraprake të çështjes për të vendosur mbi kërkesën e Prokurorisë.

Në përfundim të seancës së sotme pritet që Gjykata të shpallë vendimin për masën e sigurimit ndaj personit nën hetim Petri Bozo, duke përcaktuar nëse do të pranohet kërkesa e Prokurorisë për “Arrest në burg” apo do të vendoset një masë tjetër sigurimi.

The post Përplasi për vdekje 7-vjeçarin në Elbasan, Prokuroria kërkon “arrest në burg” për producentin Petri Bozo appeared first on Albeu.com.

7-vjeçari që u përplas për vdekje paraditen e së hënës, 25 maj, në aksin rrugor Elbasan-Librazhd, është përcjellë mes lotësh dhe dhimbjes së madhe për në banesën e fundit.

I vogli u përplas nga automjeti që drejtohej nga regjisori, Petri Bozo, teksa po lëvizte në aksin pranë shkollës së fshatit Mengel.

Fëmija ishte me të ëmën duke shkuar në shkollë, teksa i shpëtoi asaj nga duart duke kaluar rrugën dhe pësoi aksidentin fatal.

Në dëshminë e tij para uniformave blu, Bozo mësohet të ketë thënë se nuk ka qenë me shpejtësi. Megjithatë, sipas dëshmive të banorëve të zonë për mediat, ai ka qenë duke lëvizur me shpejtësi të lartë.

“Rreth orës 08:00, në aksin rrugor “Elbasan-Librazhd”, automjeti me drejtues shtetasin P. B., 61 vjeç, ka përplasur një fëmijë rreth 7 vjeç, i cili si pasojë ka humbur jetën. Drejtuesi i automjetit është shoqëruar në Komisariat, për veprime të mëtejshme. Grupi hetimor në vendngjarje po punon për zbardhjen e rrethanave të aksidentit”, thuhej në njoftimin e policisë për aksidentin.

The post VIDEO/ U përplas për vdekje nga regjisori Petri Bozo, 7-vjeçari përcillet për në banesën e fundit appeared first on Albeu.com.

Ngjarja e rëndë u regjistrua rreth orës 08:00 në aksin nacional “Elbasan–Librazhd”, saktësisht në fshatin Mengël, ku automjeti i drejtuar nga regjisori përplasi për vdekje të miturin përballë shkollës 9-vjeçare “Sulejman Rranci”.

Mëngjesin e djeshëm, viktima kishte shoqëruar motrën në shkollë bashkë me nënën e tij, ndërsa vetë i ndiqte mësimet pasdite. Dëshmitarët nga vendngjarja tregojnë se teksa nëna dhe djali po drejtoheshin për në një dyqan aty pranë, i mituri dyshohet se i ka shpëtuar nga dora të ëmës, duke i prerë rrugën makinës së Bozos.

The post Aksidenti tragjik ku humbi jetën 7-vjeçari në Elbasan, arrestohet regjisori Petri Bozo appeared first on Albeu.com.

Shkaktari i aksidentit dyshohet regjisori dhe producenti Petri Bozo, djali i ish-deputetes së PS-së, Luljeta Bozo, i cili është shoqëruar në ambientet e policisë për të dhënë shpjegime.

Bozo, në deklarimet e para, gjatë shoqërimit të tij në Komisariat, ka thënë se po qarkullonte brenda kufijve të shpejtësisë së lejuar në një rrugë nacionale.

Një nga dëshmitarët e ngjarje ka deklaruar për News24, se autori pretendonte se ka qenë duke lëvizur me vetëm 10 kilometra në orë.

“Ai tha se ishte duke ecur me 10 km në orë. Tha; jam duke ecur në rrugë nacionale, kam të drejtën time, isha me 10 km/h””, sqaroi banori i zonës, ndërsa shton se rruga është bërë shumë e rrezikshme në këtë lagje dhe se edhe më parë kanë ndodhur aksidente.

“Fëmijën e ka nxjerrë një çun me shumë kujdes, ndërsa shoferi thoshte që unë jam në rrugë nacionale, kam të drejtën time. Ai thoshte që kam qenë me 10 km në orë. Edhe një herë tjetër ka ndodhur në të njëjtin vend dhe po një fëmijë është shtypur. Rruga në këtë lagje është bërë shumë e rrezikshme”, është shprehur banori.

The post Përplasi për vdekje 7-vjeçarin në Elbasan, zbardhet dëshmia e Petri Bozos: Isha duke ecur në rrugë nacionale… appeared first on Albeu.com.

Ministria e Punëve të Brendshme, sqaron se 76-vjeçari nga Kosova me iniciale B.B., i cili po drejtonte kamionin ka humbur kontrollin mbi automjetin dhe ka kaluar përmes gardhit metalik në drejtimin e kundërt të autostradës, ku është përplasur me veturën ‘BMW’ me targa të Shkupit, të drejtuar nga R.V. 51-vjeç nga Shkupi.

Pas përplasjes, në të dyja automjetet ka shpërthyer zjarr, ku makina dhe kabina e kamionit janë djegur plotësisht.

Në vendin e ngjarjes kanë ndërruar jetë shoferi i makinës BMW R.V si dhe pasagjerët A.V. 20-vjeç dhe P.M. 20-vjeç nga Shkupi. Viktimë ka mbetur edhe një person tjetër, identiteti i të cilit ende nuk është përcaktuar.

Bëhet e ditur se shoferi i kamionit është arrestuar dhe është ndaluar në stacion policor.

“Pas zbardhjes dhe dokumentimit të plotë të rastit do të parashtrohet kallëzim përkatës”, thuhet në njoftimin e policisë.

The post Aksidenti tragjik në Maqedoninë e Veriut/ Identifikohen katër viktimat, arrestohet shoferi i kamionit nga Kosova appeared first on Albeu.com.

I pandehuri, Nikoll Radaçi, është paraqitur në sallën e gjyqit dhe është vendosur në “kafazin e xhamit”. Siç shihet edhe nga pamjet, ai shfaqet e penduar, i heshtur dhe me kokën ulur.

Aksidenti i rëndë ndodhi mesditën e 4 majit në lagjen nr.15 të Durrësit. 3 fëmijë ishin duke luajtur me top në trotuar kur 57-vjeçari në gjendje të dehur, humbi kontrollin e mjetit dhe mori para të miturit, duke lënë të vdekur 2 prej tyre.

Dy prej tyre, E. M., 12-vjeç dhe K. N., 10-vjeç ndërruan jetë, ndërsa fëmija tjetër 8-vjeç, arriti të mbijetojë, por me plagë të rënda.

Kujtojmë e shoferi ishte raportuar disa herë në polici nga banorët e zonës, ndërsa ishte gjobitur dhe nga Rrugorja për shkelje të rregullave të sigurisë.

Ngjarja në fjalë ka sjellë reagime të opinionit publik, si dhe përplasje të mëdha mes opozitës dhe mazhorancës. Dje në Kuvend u kërkua forcim i Kodit Rrugor.

The post VIDEO/ Aksidentoi për vdekje dy fëmijë, një tjetër mbeti i plagosur, i penduar dhe me kokën ulur, Nikoll Radaçi në kafazin e xhamit për masë siguri appeared first on Albeu.com.