Burime të përfshira në bisedime i kanë bërë të ditura ZYRTARE.net se VLEN ka siguruar dy nga ministritë që i ka kërkuar gjatë negociatave, përkatësisht dikasteret që deri tani janë drejtuar nga dy kuadro të cilësuar si “problematik”, Igor Filkov dhe Ivan Stoilkoviç.

Sipas të njëjtave burime, në takimin e fundit mes drejtuesve të VLEN-it dhe kryeministrit Mickoski është arritur pajtim që Ministria e Drejtësisë, e cila aktualisht udhëhiqet nga Igor Filkov, t’i kalojë VLEN-it si pjesë e rikonstruimit. Në marrëveshje përfshihet edhe Ministria për Sistem Politik dhe Marrëdhënie ndërmjet Bashkësive, që tani drejtohet nga Ivan Stoilkoviç.

Po sipas burimeve, VLEN do të marrë drejtimin e Ministrisë së Kulturës dhe Turizimit, si edhe të Ministrisë së Sportit, ndërsa Ministria e Shëndetësisë dhe Ministria e Punës, Politikës Sociale dhe Demografisë pritet t’i kalojnë VMRO-DPMNE-së.

Pas këtij rikonstruimi, VLEN pritet të ketë një resor ministror më shumë se më parë, duke pasur parasysh se nuk do të mbajë më postin e zëvëndëskryeminstirit për qeverisje të mirë, funksion që deri dje e ushtronte Arben Fetai.

Nga VMRO-DPMNE bëhet e ditur se nuk parashihen ndryshime të shumta në kabinetin qeveritar, përveç disa lëvizjeve të caktuara, ku përmendet edhe pozicioni i ministrit aktual të Bujqësisë, Cvetan Tripunovski.

Me këtë rikonstruim, shumicës qeveritare pritet t’i bashkohet edhe Partia Demokratike e Turqve e deputetit Bejxhan Iljas, e cila deri tani ka qenë pjesë e Frontit Evropian të udhëhequr nga BDI.

Burimet thonë se bisedimet për ndarjen e dikastereve duhet të përfundojnë deri të premten, ndërsa gjatë fundjavës partnerët e qeverisë pritet të përmbyllin listën me emrat e ministrave të rinj, për t’i dërguar më pas për votim në Kuvend.

The post Rikonstruimi i Qeverisë drejt mbylljes, VLEN merr dikasteret që drejtohen nga Filkov dhe Stoilkoviç appeared first on Albeu.com.

Ai bëri të ditur se takimet e deritanishme kanë qenë konstruktive, ndërsa shtoi se edhe gjatë kësaj jave pritet të ketë një tjetër takim, për të cilin beson se do të jetë përmbyllës, përcjell SHENJA.

“Gjatë javës pres që këto të formalizohen edhe gjithë ajo edhe me emra dhe me specifikat tjera. Përndryshe po, ka opsione për ndryshime të resorëve, dhe po, kemi biseduar”, deklaroi Mickoski.

The post Mickoski: Gjatë kësaj jave pritet të mbyllen bisedimet përfundimtare, u diskutuan edhe lëvizje mes resorëve appeared first on Albeu.com.

Sipas informacioneve, një nga çështjet kryesore që po shqyrtohet në këto diskutime është edhe statusi i ministrit Fatmir Limani, për largimin e të cilit po insiston VLEN.

Gjatë takimit është folur edhe për punën dyvjeçare të kësaj përbërjeje qeveritare, si edhe për prioritetet dhe sfidat me të cilat do të përballet ekzekutivi në periudhën që vjen.

Për nesër, ndërkaq, është paralajmëruar edhe një takim tjetër i kryeministrit Mickoski me përfaqësuesit e ZNAM-it, partneri i dytë më i vogël në koalicionin qeveritar, ku po ashtu pritet të hapen temat që kanë të bëjnë me funksionimin dhe përbërjen e Qeverisë. /SHENJA/

The post Mickoski zhvillon takim me drejtuesit e VLEN-it për rikonstruimin e Qeverisë appeared first on Albeu.com.

Në podkastin “Ku janë paratë”, Mickoski tha se nevojiten analiza të hollësishme dhe planifikim disa dekada përpara, në mënyrë që të rinjtë në moshë pune të mbeten në vend dhe të japin kontribut në ekonominë vendore.

“Duhet të bëhen analiza dhe të mendohet disa dekada përpara, me qëllim që të rinjtë e aftë për punë të qëndrojnë në vend dhe të kontribuojnë në ekonominë vendore. Absolutisht do të vijë koha, ndoshta jo tani, por pas 15, 20–25 vjetësh, që pamja demografike në Maqedoni të ndryshojë tërësisht. Unë vlerësoj se nga perspektiva e sotme, pas 15, 20–25 vjetësh, Maqedonisë do t’i mungojnë ndoshta nga 150 deri në 250 mijë njerëz. Ku qëndron problemi? Ai është pjesë e një zinxhiri. Nëse Evropa ka problem me demografinë, dhe e ka madje më të madh se ne, atëherë një pjesë e potencialit tonë shkon atje. Pavarësisht zhvillimit të tyre të mëtejshëm si individë dhe si njerëz, ata krijojnë një zbrazëti këtu. Që kjo ekonomi të vazhdojë të zhvillohet, dikush duhet ta plotësojë atë hapësirë të zbrazët dhe është logjike që njerëz dhe punëtorë nga vende të treta të vijnë dhe ta mbushin atë boshllëk që do të lënë ata që largohen drejt Evropës Perëndimore. Prandaj, nëse në Evropën Perëndimore përmirësohet situata demografike dhe arrijmë në një normë fertiliteti prej 2,1, atëherë të rinjtë që janë të aftë për punë do të qëndrojnë këtu dhe do të kontribuojnë në ekonominë vendore”, potencoi Mickoski.

Ai nënvizoi gjithashtu se kjo çështje është thelbësore për zhvillimin e ardhshëm të shtetit, por shtoi se sa herë flet për familjen dhe demografinë, përballet me tallje dhe fyerje nga ajo që e quajti pjesë të caktuara të shoqërisë.

Sipas Mickoskit, drejtimi i shtetit kërkon shqyrtim afatgjatë të të gjitha proceseve, dhe jo qasje të përditshme pa vizion për dekadat që vijnë.

“Kur flas për familjen dhe kur flas për demografinë, ka struktura të caktuara në shoqëri, të cilat unë i quaj fundërrina e shoqërisë, që më përqeshin, më ofendojnë, shkruajnë keq për mua e kështu me radhë, por kjo është thjesht e ardhmja. Nëse ju sot nuk mendoni se çfarë do të ndodhë pas 50, 75 apo 100 vjetësh, atëherë nuk duhet të merreni me këtë punë, kërkoni ndonjë punë tjetër, ndonjë punë që bëhet dita ditës dhe vazhdoni. Nëse e udhëhiqni shtetin dhe Qeverinë, ju duhet t’i analizoni të gjitha aspektet disa dekada përpara, nëse dëshironi të jeni një njeri që lë gjurmë. Nëse dëshironi të jeni një mediokër në politikë dhe për fat të keq kemi pasur shumë të tillë, atëherë do të përfundojmë në këtë situatë”, theksoi Mickoski.

The post Mickoski paralajmëron sfidë të thellë demografike për Maqedoninë appeared first on Albeu.com.

Në një postim publik, Sali e cilësoi këtë zhvillim si një zgjidhje përfundimtare për një çështje që për vite të tëra kishte penguar funksionimin e plotë institucional të universitetit.

Sipas tij, në Kuvend u miratuan ndryshimet dhe plotësimet në Statutin e Universitetit “Nënë Tereza” në Shkup, ndërsa mbështetja për këtë vendim u konfirmua me 59 vota “PËR” dhe pa asnjë votë kundër.

Ai theksoi se këto ndryshime bëjnë të mundur zyrtarizimin dhe funksionalizimin e Fakultetit Juridik, Fakultetit Ekonomik dhe Fakultetit të Shkencave Humane, në përputhje me standardet ligjore dhe me nevojat reale të studentëve.

Sali vlerësoi se ky vendim përfaqëson jo vetëm një arritje institucionale, por edhe një fitore për arsimin e lartë shqip, për studentët dhe për të ardhmen e brezave të rinj.

Ai shtoi se UNT-ja hyn tashmë në një etapë të re zhvillimi, me baza më të forta, më shumë stabilitet dhe një perspektivë më të qartë akademike.

Në fund, Sali nënvizoi se Universiteti “Nënë Tereza” mbetet një shtyllë e rëndësishme e dijes, shkencës dhe përparimit të arsimit në vendin tonë./InfoShqip.com/

The post Bekim Sali: Me miratimin e ndryshimeve në Statutin e UNT-së, zyrtarizohen tre fakultete të reja appeared first on Albeu.com.

Sipas Taravarit, raporti më i fundit evropian sjell një mesazh të qartë inkurajues për këtë temë, ndaj sipas tij nuk ka vend për interpretime shtesë apo “përkthime” të standardeve ndërkombëtare, por vetëm për pranimin dhe zbatimin e tyre.

Postimi i plotë i Arben Taravarit:

“Mos u lodhni me Komisionin e Venecias. Raporti i fundit evropian ju inkurajon qartë se provimi i jurisprudencës mund të jepet edhe në gjuhën shqipe.

Nuk keni nevojë për “përkthim” të standardeve evropiane, duhet vetëm t’i pranoni ato.”

The post Taravari: Raporti i fundit evropian e bën të qartë çështjen e provimit të jurisprudencës në shqip appeared first on Albeu.com.

“Ky nuk është vendim juridik, por një goditje e rëndë dhe e qëllimshme ndaj identitetit historikë, realitetit shoqëror dhe dinjitetit qytetar të Tetovës. Në vitin 2006 BDI, e meratoi këtë vendim me votim të të gjithë këshilltarëve, të të gjithë etnive, me marrëveshje të plotë politike dhe me votim sipas parimit të badenterit. Sot kërkojmë që ky vendim të ri-miratohet mënjeher, duke pasur parasysh se, sipas regjistrimit të fundit për këtë çështje nuk kërkohet votim I dyfishtë me bandenter në këshillin e komunës së Tetovës”, KËSHILLTARËT E AKI-SË.

Për këtë kërkesë ka reaguar edhe nënkryetari i Komunës së Tetovës, Albi Qamili, i cili deklaroi se prapa këtyre veprimeve qëndrojnë BDI dhe Gjykata Kushtetuese. Sipas tij, vendimi i vitit 2007 për emërtimin e rrugëve në gjuhën shqipe ka qenë një vendim gjysmak i BDI-së, ndërsa tani, tha ai, emërtimet do të regjistrohen në përputhje me ligjin.

“Është një orkestrim dhe një skenarë I qartë I dyshës BDI-Gjykata Kushtetuese, të cilët po mundohen të fokusojnë opinionin, pikërishtë në momentin kur ne po e finalizojmë procesin e emërtimit të rrugëve në Tetovë. Ata po shfyqizojnë një vendim që kurrë nuk është implementuar, opinioni e dinë mirë se vendimi i Këshillit komunal I vitit 2007, që kanë bërë ri-emërtimin e 11 rrugëve, gjegjësishtë edhe të sheshit të Iliria, nuk ka hyrë në fuqi, shkaku se nuk ka pasur në atë kohë pëlqim nga qeveria”, ALBI QAMILI, NËNKRYETAR I KOMUNËS SË TETOVËS.

The post Opozita në Tetovë kërkon mbledhje urgjente për emërtimet e rrugëve, Qamili akuzon BDI-në dhe Gjykatën Kushtetuese për skenar të koordinuar appeared first on Albeu.com.

Sipas të dhënave të publikuara në image.png, afati për aplikim do të zgjasë nga 23 qershor deri më 10 korrik 2026.

Të drejtën për të përfituar këtë mbështetje e kanë të gjithë nxënësit që janë regjistruar në klasën e parë deri në 22 qershor 2026.

Për t’u përfshirë në këtë program, prindërit duhet fillimisht të sigurojnë formularin e aplikimit. Ai mund të merret fizikisht në Sektorin për Veprimtari Publike në Komunën e Tetovës, ose të shkarkohet online nga faqja zyrtare e komunës.

Pas plotësimit, i gjithë dokumentacioni i nevojshëm duhet të dorëzohet i kompletuar në të njëjtin institucion, përkatësisht në Sektorin për Veprimtari Publike në Komunën e Tetovës.

Kjo masë synon të lehtësojë familjet tetovare që po përgatisin fëmijët për nisjen e arsimit fillor në vitin e ri shkollor. /INA/

The post Tetova hap aplikimet për vauçerët prej 100 eurosh për nxënësit e klasës së parë appeared first on Albeu.com.

“ZNAM hyri në këtë koalicion që të mos shihnim përsëritje të asaj që ndodhi në të kaluarën. Motivet tona për të hyrë në qeveri ishin që maqedonasit të mos ndiheshin më si qytetarë të dorës së dytë në vendin e tyre”, deklaroi Dimitrievski në “Telma”.

Ai bëri të ditur se ZNAM nuk ka firmosur marrëveshje formale koalicioni me OBRM-PDUKM dhe koalicionin VLEN, por theksoi se pas zgjedhjeve parlamentare është arritur dakordësi për një program të përbashkët qeveritar, ku përfshihen prioritetet programore dhe angazhimet e Lëvizjes ZNAM.

Sipas Dimitrievskit, ministrat e ZNAM, Goran Minçev dhe Igor Filkov, janë duke e zbatuar në mënyrë konsekuente programin e qeverisë, në harmoni me prioritetet e Axhendës së Reformave.

Duke folur për rezultatet e arritura, ai rikujtoi edhe vlerësimet e Presidentit të Këshillit Evropian, Antonio Costa, gjatë vizitës së tij në Maqedoni, kur u vu në pah përparimi në administratën publike dhe në sundimin e ligjit, fusha që drejtohen nga kuadro të ZNAM.

Në mesin e çështjeve politike që ai i cilësoi si më të rëndësishmet në periudhën e fundit, Dimitrievski veçoi qëndrimin për paprekshmërinë e Kushtetutës në kushte të lëshimeve të reja, duke rikonfirmuar edhe një herë konceptin e ndryshimeve kushtetuese me kusht, propozim që, siç tha, e mbështet prej disa vitesh.

“Qëndrimi ynë mbetet i pandryshuar. Koncepti i ndryshimeve kushtetuese me kusht është një zgjidhje që mbron interesat kombëtare dhe ofron garanci të qarta për shtetin dhe qytetarët”, theksoi kryetari i ZNAM-it.

The post Dimitrievski: ZNAM iu bashkua qeverisë që maqedonasit të mos trajtohen si qytetarë të dorës së dytë appeared first on Albeu.com.

Kasami tha për Alsat: “Nga kongresi i parë që mbajti VLEN-i, tanimë kemi një strukturë të re të VLEN-it që nga presidenca, lidershipi dhe kuvendi qendror. Në gjithë këto formacione politike të VLEN-it, Fatmir Limani nuk bën pjesë. Ai vetë vendosi dhe zgjodhi të vetëdistancohet, kështu që në bisedimet me kryeministrin ashtu si në herën e parë kur është formatuar Qeveria, por edhe në riformatimet e saj edhe tash, do të flasim si dy partnerë të koalicionit, ku çdonjëri do të propozojë kandidatët e tij që i ka. kështu që në këto kombinatorika mund te them që Fatmir Limani nuk është pjesë”.

Mbrëmjen e kaluar, edhe kryeministri Hristijan Mickoski foli për këtë temë në një intervistë për Alsat, duke nënvizuar se statusi i Fatmir Limanit do të trajtohet gjatë takimeve me partnerët e VLEN-it.

“Kur të jenë bisedimet për qeverinë, do të diskutojmë, do t’i hapim të gjitha temat, do të bëjmë analizë të përbashkët, unë jam i bindur se me partnerët e VLEN-it, deri tani kemi pasur dialog të hapur dhe të sinqertë, dialog partneriteti, ashtu edhe do të vazhdojmë të bashkëpunojmë në të ardhmen”, tha mbrëmë kryeministri Hristijan Mickoski.

Debati për rikonstruimin e kabinetit qeveritar po vazhdon prej më shumë se 7 muajsh, por pavarësisht emrave që janë përmendur në media dhe në opinion, deri tani nuk ka asnjë konfirmim zyrtar. Përveç Fillkovit, në qarkullim janë edhe zëvendësime të mundshme në postin e ministrit të Administratës, Goran Minçev, si dhe të ministrit të Kulturës, Zoran Lutkov.

Në kampin politik shqiptar, VLEN-i, përveç emrit që duhet të propozojë për pozitën e Limanit, pritet të nxjerrë kandidat edhe për postin që mbante Arben Fetai, i cili dha dorëheqje nga detyra e zëvendëskryeministrit për Qeverisje të Mirë. Edhe pse sipas kryeministrit të gjitha opsionet mbeten të hapura, ai ka theksuar se kriteri kryesor do të jetë cilësia dhe jo sasia. /Alsat.mk.

The post Kasami: Fatmir Limani jashtë formulave të VLEN-it për rikonstruimin e Qeverisë appeared first on Albeu.com.