Apeli ka lënë në fuqi sekuestrot për Karçanajn, ka liruar një pasuri të Agasit, ndërsa pjesa tjetër e pasurive të tij si dhe asetet e Ermal Beqirit mbeten të bllokuara.

Njoftimi i plote i gjykates:

Gjykata e Posaçme e Apelit për Korrupsionin dhe Krimin e Organizuar, me trup gjykues monokratik të përbërë nga gjyqtar Florjan Kalaja, sot më datë 02.06.2026, disponoi për çështjen penale nr. 20 akti, datë 19.05.2026 regjistrimi, regjistruar mbi ankimin e ankuesve A.P, M.K, E.B, A.K, Shoqëria “***”, Shoqëria “***”, Shoqëria “***”: “Ankim kundër vendimit nr. 289, datë 20.04.2026 të Gjykatës së Posaçme të Shkallës së Parë për Korrupsionin dhe Krimin e Organizuar, me objekt: Vendosjen e sekuestros preventive mbi disa pasuri të luajtshme dhe të paluajtshme”, vendosi:

Ndryshimin pjesërisht të Vendimit nr. 289, datë 20.04.2026 të Gjykatës së Posaçme të Shkallës së Parë për Korrupsionin dhe Krimin e Organizuar sa i takon personit nën hetim Z. G.H.

Rrëzimin e kërkesës së Prokurorisë së Posaçme kundër Korrupsionit dhe Krimit të Organizuar përsa i takon kërkimit të sekuestrimit të aseteve të shoqërisë *** sh.p.k. në shumën 123.629.664 Lekë, duke urdhëruar heqjen e sekuestros së ekzekutuar nga Byroja Kombëtare e Hetimit dhe Agjencia e Administrimit të Pasurive të Sekuestruara dhe të Konfiskuara.
Ndryshimin pjesërisht të Vendimit nr. 289, datë 20.04.2026 të Gjykatës së Posaçme të Shkallës së Parë për Korrupsionin dhe Krimin e Organizuar sa i takon personit nën hetim Z. A.P.

Rrëzimin e kërkesës së Prokurorisë së Posaçme kundër Korrupsionit dhe Krimit të Organizuar përsa i takon kërkimit të sekuestrimit të aseteve të subjektit *** sh.p.k. në shumën 410.595.663 Lekë dhe kërkimit të sekuestrimit të aseteve të subjektit *** sh.p.k. në shumën 94.423.883 Lekë, duke urdhëruar heqjen e sekuestros së ekzekutuar nga Agjencia e Administrimit të Pasurive të Sekuestruara dhe të Konfiskuara.

Ndryshimin pjesërisht të Vendimit nr. 289, datë 20.04.2026 të Gjykatës së Posaçme të Shkallës së Parë për Korrupsionin dhe Krimin e Organizuar sa i takon personit nën hetim Z. E.J.

Rrëzimin e kërkesës së Prokurorisë së Posaçme kundër Korrupsionit dhe Krimit të Organizuar përsa i takon kërkimit të sekuestrimit të aseteve të shoqërisë *** sh.p.k. në shumën 100.840.264 Lekë, duke urdhëruar heqjen e sekuestros së ekzekutuar nga Agjencia e Administrimit të Pasurive të Sekuestruara dhe të Konfiskuara.

Ndryshimin e Vendimit nr. 289, datë 20.04.2026 të Gjykatës së Posaçme të Shkallës së Parë për Korrupsionin dhe Krimin e Organizuar sa i takon disponimit mbi vendosjen e sekuestros preventive mbi pasurinë me nr. ***, e llojit “apartament” dhe me nr. ***, e ndodhur në Zonën Kadastrale nr. ***, në Vol. ***, faqe ***, ndodhur në objektin *** kate, Lagja ***, ***, në kryqëzimin e rrugës “***” me “***” dhe “***” në emër dhe për llogari të Z. E.A.

Rrëzimin e kërkesës së Prokurorisë së Posaçme kundër Korrupsionit dhe Krimit të Organizuar përsa i takon sekuestrimit preventiv të pasurinë me nr. ***, e llojit “apartament” dhe me nr. ***, e ndodhur në Zonën Kadastrale nr. ***, në Vol. ***, faqe ***, ndodhur në objektin *** kate, Lagja ***, ***, në kryqëzimin e rrugës “***” me “***” dhe “***”, duke urdhëruar heqjen e sekuestros së ekzekutuar nga Agjencia e Administrimit të Pasurive të Sekuestruara dhe të Konfiskuara dhe kthimin e pasurisë tek subjekti apelues *** sh.p.k.

Miratimin e pjesës tjetër të disponimeve të Vendimit nr. 289, datë 20.04.2026 të Gjykatës së Posaçme të Shkallës së Parë për Korrupsionin dhe Krimin e Organizuar.

Urdhërohet Prokuroria e Posaçme kundër Korrupsionit dhe Krimit të Organizuar, Byroja Kombëtare e Hetimit dhe Agjencia e Administrimit të Pasurive të Sekuestruara dhe të Konfiskuara për ekzekutimin e këtij vendimi.
Kundër vendimit mund të ushtrohet rekurs në Gjykatën e Lartë brenda 45 ditëve, duke nisur ky afat nga dita e nesërme e njoftimit të vendimit të arsyetuar.

The post Dosja “AKSHI”/ Apeli i GJKKO lë në fuqi sekuestrot për Mirlinda Karçanajn! Liron vetëm 1 nga pasuritë e Ergys Agasit, të bllokuara mbeten asetet e Ermal Beqirit, ja vendimi për të tjerët appeared first on Albeu.com.

Shkalla e dytë e gjyqësorit ka shpallur të pafajshëm Bllakon për një nga episodet e akuzës për korrupsion, konkretisht për përfitimin e shumës rreth 7 milionë lekëve në formë page nga Vladimir Bezhani.

Ndërkohë, Apeli ka lënë në fuqi dënimin për episodin tjetër, që lidhet me përfitimin e parregullt në vlerën 119 mijë euro, të dyshuara si të marra nga pronarët e inceneratorëve Klodian Zoto dhe Mirel Mërtiri.

Si rezultat, gjykata ka ulur dënimin nga 4 vite burg (me gjykim të shkurtuar) në 2.8 vite, dhe më pas në 2 vite burg pas aplikimit të uljeve ligjore.

Sipas vendimit, Bllako ka vuajtur tashmë pjesën më të madhe të dënimit në burg, ndërsa pjesa e mbetur do të kryhet me masën e shërbimit të provës.

The post Inceneratori i Tiranës/ Apeli i GJKKO zbut dënimin për Alqi Bllakon appeared first on Albeu.com.

Apeli konfirmoi vendimin e mëparshëm që dënon Kokën me 10 vite burg, dënim që për shkak të gjykimit të shkurtuar ulet në 6 vite e 8 muaj heqje lirie.

Në të njëjtën çështje, Apeli ka lënë në fuqi edhe dënimet për ish-deputetin Alqi Bllako dhe personat e tjerë të përfshirë në dosjen e inceneratorit të Elbasanit: Pellumb Abeshi, Bardhyl Cabiri, Serafin Papa, Jonida Zeqo, Mirel Mërtiri, Stela Gugallja dhe Klodian Zoto.

The post Inceneratori i Elbasanit, Apeli i GJKKO lë në fuqi dënimin për ish-ministrin Lefter Koka, Alqi Bllakon dhe të pandehurit e tjerë appeared first on Albeu.com.

Pas shqyrtimit të ankimit të paraqitur nga mbrojtja kundër vendimit të shkallës së parë të GJKKO-së, gjyqtari Florjan Kalaja, vendosi zëvendësimin e masës “arrest në burg” me masën “garanci pasurore”.

Sipas vendimit të shpallur këtë të mërkurë, Shabani duhet të depozitojë një garanci prej 30 mijë eurosh deri më 31 maj 2026, shumë që mund të dorëzohet nga familjarët ose avokati i tij në një bankë të nivelit të dytë për llogari të SPAK.

Po ashtu, Apeli caktoi ndaj tij edhe masën “detyrimi për t’u paraqitur në policinë gjyqësore”, duke e urdhëruar të paraqitet çdo të hënë të parë të muajit, në orën 11:00, pranë oficerit të policisë gjyqësore që ndjek hetimet.

55-vjeçari ishte ekstraduar nga Kroacia vitin e kaluar, pasi ishte shpallur në kërkim ndërkombëtar.

Ai akuzohet se, në bashkëpunim me persona të tjerë dhe në kuadër të një grupi të strukturuar kriminal, ka kontrabanduar cigare për të cilat paguhet akcizë, duke i shkaktuar shtetit shqiptar një dëm ekonomik prej 366,034,540 lekësh.

Sipas dosjes hetimore, ndaj Shabanit rëndojnë akuzat për “kontrabandë me mallra për të cilat paguhet akcizë”, kryer në formën e grupit të strukturuar kriminal, si edhe “kryerja e veprave penale nga organizata kriminale”.

Vendimi:

The post Akuzohej për kontrabandë cigaresh dhe grup kriminal, Apeli i GJKKO liron Emin Shabanin appeared first on Albeu.com.

Ne vendimin e Apelit të GJKKO, thuhet se o pandehuri kishte kërkuar zëvendësimin e masës së sigurisë me alternativa më të lehta, si arrest shtëpie, garanci pasurore, detyrim paraqitjeje në policinë gjyqësore ose ndalim të daljes jashtë vendit.

Ankesa ishte paraqitur përmes mbrojtësit ligjor, avokatit Kujtim Cakrani.

Sipas vendimit, palët do të njoftohen zyrtarisht, ndërsa ndaj këtij vendimi mund të ushtrohet rekurs në Gjykata e Lartë.

Vendimi i Apelit të GJKKO

Gjykata e Posaçme e Apelit për Korrupsionin dhe Krimin e Organizuar, me trup gjykues monokratik të përbërë nga gjyqtare Saida Dollani, sot më datë 04.05.2026, shpalli vendimin mbi çështjen penale nr. 120 akti, datë 22.04.2026 regjistrimi, mbi ankimin e ankuesit I.M: “Ankim kundër vendimit nr. 242, datë 24.03.2026 të Gjykatës së Posaçme të Shkallës së Parë për Korrupsionin dhe Krimin e Organizuar, me objekt: zëvendësimin e masës së sigurimit personal të arrestit në burg, në një masë tjetër: arrest në shtëpi, garanci pasurore, detyrimi për t’u paraqitur në policinë gjyqësore, ose ndalimi i daljes jashtë shtetit” dhe vendosi:

Mospranimin e ankimit të paraqitur nga i pandehuri I.M., nëpërmjet mbrojtësit av. Kujtim Cakrani, ndaj disponimit nr. 242, datë 24.03.2026 të Gjykatës së Posaçme të Shkallës së Parë për Korrupsionin dhe Krimin e Organizuar.

Ky vendim t’i njoftohet palëve.

Ndaj këtij vendimi mund të bëhet rekurs në Gjykatën e Lartë.

Tiranë, më 04.05.2026.

The post Ofroi 50 mijë euro garanci në këmbim të lirisë, Apeli i GJKKO lë në burg Ilir Metën appeared first on Albeu.com.

Lami ishte arrestuar në muajin mars të vitit 2024, por me një vendim të dytë, po të Apelit të GJKKO, ishte rikthyer në qeli.

Vendimi i kthimit në qeli ndaj tij ishte marrë më 25 korrik 2024, kurse sot është liruar, teksa iu revokua masa e sigurisë “arrest me burg”, pas kërkesës së palës mbrojtëse dhe pas dy vitesh paraburgimi.

Rikthimi në qeli më 25 korrik 2024 dhe akuzat ndaj tij

Apeli GJKKO-së ka rikthyer në qeli biznesmenin Ervis Lami, ndaj të cilit Gjykata e Posaçme më 14 qershor, kishte zbutur masën e sigurisë duke e lënë nga arrest me burg në arrest shtëpie.

Ervis Lami, administronte firmën ‘DAAM’, e cila sipas SPAK ishte në pronësi të kreut të ARRSH-së Evis Berberi. SPAK thotë se përfitimi i Berberit ka qenë një shumë gati 2.2 milionë euro të cilat përmes kompanisë ‘DAAM’ shpk., janë investuar në pasuri të paluajtshme.

‘Gjykata e Posaçme e Apelit për Korrupsionin dhe Krimin e Organizuar, me trup gjykues monokratik të përbërë nga gjyqtare Saida Dollani, sot më 25.07.2024, shpalli vendimin mbi çështjen penale nr. 160 akti, datë 17.07.2024 regjistrimi, mbi ankimin e Prokurorisë së Posaçme kundër Korrupsionit dhe Krimit të Organizuar, me objekt: “Ankim ndaj vendimit nr. 312, datë 13.06.2024 të Gjykatës së Posaçme të Shkallës së Parë për Korrupsionin dhe Krimin e Organizuar”, ndaj shtetasit nën hetim E.L., disponuar në lëndë të masave të sigurimit personal, dhe vendosi: Ndryshimin e vendimit nr. 312, datë 13.06.2024 të Gjykatës së Posaçme të Shkallës së Parë për Korrupsionin dhe Krimin e Organizuar në pikën e disponimit për zëvendësimin e masës së sigurimit personal si më poshtë: Vazhdimin e masës së sigurimit personal me karakter shtrëngues “arrest në burg” parashikuar nga neni 238 i K.Pr.Penale, e caktuar me vendimin nr. 21, datë 13.03.2024 të Gjykatës së Posaçme të Shkallës së Parë për Korrupsionin dhe Krimin e Organizuar, ndaj personit nën hetim E.L.’- njoftoi Apeli i GJKKO-së pas vendimit për ta rikthyer në qeli Lamin vitin e kaluar.

Arrestimet e Berberit dhe të tjerëve, 2,2 mln eurot e përfituara

Berberi dhe 2 biznesmenët u arrestuan mbrëmjen e 13 marsit 2024 me urdhër të Prokurorisë së Posaçme kundër Krimit të Organizuar dhe Korrupsionit. SPAK po heton Berberin për “Korrupsion” dhe “Pastrim parash” ndërsa dy biznesmenët për korrupsion aktiv dhe pastrim parash.

Sipas akuzës Evis Berberi gjatë kohës që ka qenë në krye të Agjencisë për Efiçencën e Energjisë dhe në krye të Autoriteti Rrugor Shqiptar ka dhënë 6 tenderë kompanisë së ortakut të tij, Valter Begaj “NET – GROUP”, sh.p.k.

Të paktën 2.2 milionë euro ka qenë përfitimi i drejtorit të ARRSH-së, Evis Berberi, i prangosur së bashku me Valter Begajn dhe Elvis Lamin, nga bashkëpunimi me këta të fundit në tendera dhe shitje fiktive.

Vlera e parave sipas SPAK është kaluar nga Begaj, përmes kompanisë së tij ‘Net-Group’ shpk në firmën DAAM shpk, e cila ndër vite e kishte kaluar pronësinë në disa duar, por mbetej në zotërim indirekt të Evis Berberit.

The post Përfitoi tendera nga ARRSH/ Apeli i GJKKO liron nga qelia biznesmenin Elvis Lami, lidhja me ish-drejtorin Evis Berberi dhe akuzat appeared first on Albeu.com.

Vendimi konfirmon kështu që pajisjet e sekuestruara mund të hapen dhe të analizohen nga hetuesit, si pjesë e hetimeve që po kryen SPAK.

Kompania Senka shpk, e cila është një nga subjektet e kontrolluara me urdhër të SPAK në këtë dosje, kishte ankimuar vendimin e GJKKO që lejonte kqyrjen e celularëve të sekuestruar.

Gjykata e Apelit të Posaçëm e rrëzoi këtë ankim, duke konfirmuar vendimin e shkallës së parë.

The post Dosja “Balluku”/ Apeli i GJKKO lë në fuqi vendimin për këqyrjen e celularëve të sekuestruar appeared first on Albeu.com.

Kujtojmë që seanca e mëparshme u shty për shkak të problemeve procedurale që lidhen me njoftimin e të pandehurit nga Drejtoria e Burgut të Durrësit.

Sipas gjyqtares Saida Dollani, institucioni kishte paraqitur vetëm një kopje të dokumentit që provonte dijeninë e Veliajt për gjyqin, dhe jo versionin origjinal, ç`ka u konsiderua parregullsi.

Vendimi për pezullimin e afateve ishte marrë më herët nga Gjykata e Posaçme kundër Korrupsionit dhe Krimit të Organizuar, në dy seanca të ndara, për shkak të mungesës së disa të pandehurve të tjerë në proces.

Veliaj e kundërshton këtë praktikë, duke argumentuar se ka qenë vazhdimisht i përfaqësuar nga avokati i tij dhe se afatet e paraburgimit nuk duhet të pezullohen në mënyrë kolektive për të gjithë të akuzuarit, për shkak të vonesave që lidhen me persona të tjerë.

Çështja ka nxitur debat më të gjerë në sistemin e drejtësisë, pasi praktika e pezullimit të afateve për të gjithë të pandehurit po konsiderohet problematike nga juristët.

Avokatët kërkojnë rishikim të dispozitave në Kodi i Procedurës Penale, duke theksuar se kjo qasje mund të cenojë të drejtat individuale dhe të mbajë në paraburgim persona që nuk kanë përgjegjësi për zvarritjet e procesit.

Sipas legjislacionit në fuqi, koha e kaluar në paraburgim llogaritet me koeficient më të lartë në dënimin përfundimtar, duke e bërë këtë çështje edhe më të ndjeshme për të pandehurit.

Kryebashkiaku i Tiranës ndodhet në masë sigurie “arrest me burg” që prej 10 shkurtit 2025. Ndaj tij rëndojnë disa akuza, përfshirë korrupsion pasiv në disa raste, pastrim parash, mosdeklarim pasurie dhe shpërdorim detyre.

The post Kryebashkiaku i Tiranës ankimoi pezullimin e afateve të paraburgimit, Apeli i GJKKO rrëzon kërkesën e Veliajt appeared first on Albeu.com.

Për shkak të kësaj procedure, dënimi i tij është ulur në 2 vite heqje lirie, të cilat sipas vendimit gjyqësor rezultojnë të shlyera.

Në të njëjtin proces, gjykata ka shpallur fajtor edhe Altin Hajri, i përshkruar në dosje si një person me precedentë të dyshuar kriminalë, duke e dënuar atë me 3 vite burg.

Ndërkohë, i pandehuri tjetër, Ahmet Masha, është dënuar me 2 vite e 6 muaj heqje lirie.

Vendimi i Apelit vjen pas shqyrtimit të ankimeve dhe lë në fuqi përgjegjësitë penale të përcaktuara më herët nga gjykata e shkallës së parë.

The post Apeli i GJKKO lë në fuqi dënimet për ish-deputetin Jurgis Çyrbja dhe dy të bashkëpandehurit e tjerë appeared first on Albeu.com.

Kujtojmë që më 13 mars, Gjykata e Posaçme e Shkallës së Parë për Korrupsionin dhe Krimin e Organizuar, rrëzoi kërkesën e ish-zv.kryeministres dhe ish-ministres së Infrastrukturës dhe Energjisë, Belinda Balluku, për shuarjen e masës së pezullimit nga detyra, pasi është marrë e pandehur nga SPAK.

Belinda Balluku, ankimoi vendimin për masën e sigurisë “pezullim nga detyra”, pas vendimit të GJKKO më datë 22 nëntor.

Gjykata e Posaçme, caktoi dy masa sigurie për ish-zëvendëskryeministren Belinda Balluku, “pezullim i ushtrimit të detyrës dhe funksionit” dhe “ndalim i daljes jashtë vendit” në kuadër të hetimeve për shkelje të barazisë në tenderë.

Disa ditë më vonë, qeveria dërgoi në Gjykatën Kushtetuese kërkesën e saj për pezullimin nga detyra të zv.kryeministres Belinda Ballukun.

Kryeministri Edi Rama, e cilësoi cenim të ekzekutivit vendimin e Gjykatës së Posaçme për të pezulluar nga detyra ministren e Energjisë dhe Infrastrukturës dhe zv.kryeministren Belinda Balluku, por GJK rrëzoi pretendimet e kreut te qeverise

The post Apeli i GJKKO rrëzon ankimin e Ballukut, lë në fuqi masën e pezullimit nga detyra appeared first on Albeu.com.