Edi Ramës i janë zvjerdhur fjalët e i janë pjerdhur patronazhistët. Foli me 1 qershor, akuzoi grek e turk bashkë, tha nuk tërhiqet, dënoi firmat për rrethimin e policët, shtet e privat, që dhunuan protestuesit, priti të pakësohen a zbythen por në mbrëmje protestuesit më të shumtë se të djelën, më energjike e më rinorë.

Turoi në Shqipëri, me sebep 35 vjetorin e PS, imitoi, talli e përqeshi influencerat, nuk la pa përfshirë iranianët në komplot, këtyre iu shtoi antiizraelitët dhe antitrumpët por protestuesit u shtuan e shumuan në përvjetorin e Lidhjes së Prizrenit

Mblodhi patronazhistët në Sheshin Italia para stadiumit Air Albania (që nuk fluturon me), fiks në ditën e përvjetorit të dytë të partisë së vjetër por plot silikon e lifting, thirri në ndihmë teoritë fashiste, naziste, balliste, marksiste, por në mbrëmje protestuesit ia pushtuan sheshin në fjalë, duke i treguar se ishin shumë më shumë e shumë më të vendosur.

U sherros me mediet ndërkombëtare, pikërisht me ato që e kanë lavdëruar e perkedhelur, qe po ia sjellin para zyrës betejën e tyre me Trump duke përdorur të bijën e dhëndrin (harroi se 5 muaj më parë u mburr në parlament se nuk shkoi në Davos me kërkesën e babait që të kujdesej për të bijën) e që po amplifikonin një protestë laramane bazuar në thashetheme e gënjeshtra por u shtuan edhe artikujt, edhe lidhjet direkte siç u pasuruan memet tallëse të protestuesve dhe u shfaqën marshimet e përnatëshme demonstruese e paralajmëruese të tyre.

Shpresoi se protesta po mpakej pas një marshimi pa sens një mbrëmje drejt aeroportit, mori zemër dhe mbajti fjalimin e të shtunës, dje, ku akuzoi algoritmin e rrjeteve sociale që budalleps masivisht shqiptarët, por masa e protestuesve, qe edhe pse pa kryesi a kryetar, po tregon inteligjencë kolektive, reflektoi shpejt, korrigjoi metodën dhe në mbrëmjen e 20 qershorit vërshoi lumë në bulevard e ia rrethoi kalanë kryesore të qeverisë.

I dështoi propaganda fjalëshumë, i dështoi kulaçi me patronazhim, kërbaçi me policim e banditim.

Drama e tij e trefishtë!

Ndoshta nuk e kupton se nuk e duan më, masivisht dhe s’ka kënd pranë t’ia shpjegojë.

Ndoshta e kupton por nuk e pranon sepse ende shpreson se protestat do shterojnë, se ja, erdhi vera e do harbojnë, dhe s’ka kënd pranë t’ia provojë se e kundërta do vijojë.

Ndoshta e kupton dhe e pranon por nuk guxon kur imagjinon se ç’e pret e çdo heqë paskëtaj, dhe s’ ka kënd që ia merr përsipër ndërmjetësimin me protestuesit që kërkojnë asgjësimin e sistemit që ai e ngriti me kaq mund, para, drogë, propagandë, dhunë verbale e materiale

Si Odisea do mbërrijë me patjetër në fatin e paracaktuar edhe për neodiktatorët, i vetmuar, pa anije e pa shokë.

The post Mijëra shqiptarë në protestë, Artan Hoxha: Ramës i dështoi propaganda, i dështoi kulaçi me patronazhim, kërbaçi me policim e banditim appeared first on Albeu.com.

Hoxha ka zbuluar se kjo qeli i përket një personazhi shumë të rëndësishëm të botës së krimit, narkotrafikut dhe lojërave të fatit, i cili ka qenë ish-ortak i Ervis Martinajt.

Gazetari e krahasoi qelinë me një “hotel me 7 yje” dhe me ndërtesat luksoze të Dubait. Gjithashtu, ai shtoi se forcat speciale dhe drejtoria e burgjeve kanë bërë një kontroll dhe kanë konstatuar cënim të elementeve të sigurisë së burgut, pasi qelitë kanë struktura standarde që nuk lejohet të preken.

“Kjo është qelia e një personazhi shumë të rëndësishëm të botës në krimin shqiptar, të narkotrafikut, të lojërave të fatit. Del te çështja e Ervis Martinajt. Është ortaku i Ervis Martinajt, mos gaboj unë në atë kohë. E para, s’lejohet të bëhet kjo gjë. Se buxheti ia mban.

Si kanë hyrë ato ore? Ka hyrë punonjësi i gipsit, ka hyrë muratori, ka hyrë zdruthari, ka hyrë arreduesi. Thashë, unë s’besoj në Shqipëri të kemi hotele me atë lloj kosto arredimi. E dyta, prandaj mora shkas nga kjo parrulla “Rama në burg, Berisha në burg”, se thashë shiko çfarë niveli burgu kemi.

Tjetra, në dijeninë time dhe nga verifikimet që kam bërë, di që punonjësit apo drejtuesit e forcave speciale dhe të policisë së burgjeve në një kontroll që kanë bërë atje kanë konstatuar cënim të sigurisë së burgut. Sepse janë cënuar elementë të sigurisë së burgut, sepse çdo qeli burgu ka disa elementë që nuk mund të cënohen, nuk mund të preken, nuk mund të ndërhysh ti aty.

Në rastin konkret aty jo ka ndërhyrë, po ai të mos ishin janë ato hekurat dhe ai kuadrati do dukej si Burg Khalifa në Dubai”, tha ai.

The post Artan Hoxha zbulon të dënuarin në qelinë e luksit: Personazh shumë të rëndësishëm të botës së krimit… appeared first on Albeu.com.

Arredimi është bërë me detaje teksa në video shihet edhe tavani i ambientit i zbukuruar me gips. Hoxha theksoi gjithashtu se, ka parë investime në burg të bëra nga personazhe të botës së krimit, por asnjëherë në një nivel të tillë duke e cilësuar si të pabesueshme.

“Kemi një video, ka edhe audio. Kjo është një qeli burgu. Në burgun e sigurisë së lartë në Peqin. U them protestuesve ta shikojnë këtë videon kur bërtasin “Rama në burg, Berisha në burg”, duhet të kenë parasysh që mund të gjejnë edhe këto ambiente në burg. Po them unë, hotele nuk ka rastisur të këtij niveli dhe ky lloj arredimi. Shikoni si është dhoma e gatimit aty, dollapët, edhe punimet, shikoni se është shumë interesante.

Unë kam parë investime në burg të bëra nga personazhe të botës së krimit, por të këtij niveli mu u duk e pabesueshme. Pra, kjo këtu është dera, dera e qelisë. Dera e qelisë dhe ai kuadrati, dritarja që sheh gardiani. Aq i lejohet gardianit, s’hyn brenda. Tani, kur kalon videoja në krahun tjetër, këtu te dritarja shikoni hekurat e qelisë.

Pra, kjo është qeli në regjimin e brendshëm të burgut të sigurisë së lartë të Peqinit. Pra, siguri e lartë, nuk është një kamp i zakonshëm. Ky personi që është i dënuar, është i burgosur, ky ka bërë videot. Po nuk është qelia e tij.

Kjo është qelia e një personazhi shumë të rëndësishëm të botës së krimit, të narkotrafikut, të lojërave të fatit”, u shpreh ai.

The post VIDEO/ Skandal në burgun e Peqinit! Artan Hoxha publikon pamjet: Qelia si hotel me 7 yje… appeared first on Albeu.com.

“Kjo pjesa, ky projekt i madh që ka kjo mazhorancë, që me këto projektet për zhvillimin e turizmit do të rrisë ekonominë kombëtare, kjo është flluskë e madhe.

Pa u bërë Green Coast, flija 5-7 ditë jashtë atje. Tani çfarë ndodhi, shoh tani kamionët dhe betonieret e Milo Gjikurisë.

Shoh papritur një tabelë, që paraqiste një resort turistik, hotel dhe mol. Më mbrapa çfarë ndodhi? Kur u projektua dhe u tha për Green Coast, na u tha do te jetë resort turistik, por përfundoi vila private. Në fund e bëri hotelin ai pasi shiti vilat. Kjo propagandë e këtyre…”, tha ndër të tjera Hoxha.

The post Artan Hoxha: Edhe për Green Coast thanë do të jetë zhvillim i madh, por u bënë 500 vila! appeared first on Albeu.com.

“Kjo ngjarje, e datës 4 qershor, një i ri Eglant Koçi, është zhdukur pa lënë gjurmë nuk ka asnjë informacion. Punonte si postier midis disa pikave të këmbimit valuator për kriptomonedhat.

Ky është rasti i rradhës dhe besoj se në të ardhmen do të kemi probleme të ngjashme me këtë. Duhet bërë apel që nëse është i gjallë, kushdo që mund të ndihmojë do të ishte e vlefshme si informacion. Policia dhe familja janë munduar.

Janë parë lëvizjet. Për herë të fundit e kanë parë te sheshi Wilson. Ka fikur telefonin dhe nuk është përgjigjur. Ai ishte postieri që shkonte te change për të këmbyer kriptomonedhat me cash. Në llogarinë që ka ai nuk është lëvizur.

Te 5 maji një person i panjohur, ka lënë motorrin e personit të humbur dhe është larguar. Kjo mund të jetë bërë edhe për të humbur gjurmët, pasi motorri është gjetur të nesërmen. Sa më shumë kohë kalon nga momenti i rrëmbimit, aq më pak janë shanset që të gjendet personi.

Janë shtuar shumë këto rrëmbimet. Kemi rrëmbime personash nga Saranda deri në Shkodër. Sa më shumë të ketë raste rrëmbimesh dhe mos zbulim të tyre, bëhet problematike”,– u shpreh gazetari Hoxha.

The post Zhdukja e 35-vjeçarit në Tiranë, gazetari Artan Hoxha jep detaje: Ishte postier për këmbimin e kriptomonedhave me cash… appeared first on Albeu.com.

Ai u shpreh se policia e di se kush e ka bërë këtë akt të rëndë, por po pret që ta thotë viktima e sulmit të rëndë.

“Kjo është ngjarje tipike mafioze e viteve të fundit. Si e libanezit që e rrahën te Gjiri i Lalzit. Ky ka qenë zyrtar i hipotekës dhe ka marrë një dënim për një ndërtim te Rana e Hedhun.

Për këtë s’po fliste njeri, as Qytetari Digjital. Sot foli kryetari i bashkisë së Lezhës, Pjerin Ndreu, pastaj PD-ja Lezhë.

Duke mos reaguar policia, është shumë e rëndë që kapet njeri në austosradë dhe e çuan te Spitali i Traumës. E kanë gjumtuar që të vuajë. E kanë kapur në austradë ku ecet me shpejtësi shumë të madhe dhe kanë patur kohë t’i hyjnë me shkop bejsbolli dhe në atë vend nuk ka kamera.

Zotëria shpresojmë t’ia hedhë dhe të japë deklarimet.

Është përfaqësues politik. Ka qenë zyrtar i rëndësishëm në bashki te hipoteka. Nuk është i panjohur, sikur s’ka autoritet.

Edhe sot Kryetari i bashkisë u kujdes që të thotë se është lënduar te veshi dhe jo pse e kanë dhunuar.

Ngjarja ka ndodhur të shtunën dhe ende nuk ka nga policia se nëse është shpallur kush në kërkim. Policia e di kush e ka bërë, por po pret ta thotë viktima. Por pas 48 orësh ata që e kanë bërë, kanë ikur në Novi Sad, ose ja ku është kufiri me Malin e Zi.

Qarku i Lezhës ka ngjarje shumë të rënda, siç u vra çifti pra pak kohësh.

Veprimi krijon panik të madh sepse nuk kanë patur qëllim ta vrasin, por ta dëmtojnë”- tha Hoxha.

The post “Ngjarje tipike mafioze e viteve të fundit”, Artan Hoxha jep detaje për dhunimin e ish-kreut të PD-së në Lezhë appeared first on Albeu.com.

“Për shkak të pasojave të ngjarjes është detyruar familja e autorit të ngjarjes gruaja dhe fëmijët janë larguar menjëherë nga lagjja se janë nga Mirdita siç janë edhe familjet e Muça dhe Nikolli të dy fëmijëve të vdekur. Ata edhe dhe kanë bërë edhe një letër atyre ku kërkojnë ndjesë. Problemi është se duket sikur jemi në mesjetë se gjërat bëhen me kanun. Ngjarjen e ka bërë personi dhe ata largohen se mos ka hakmarrje.

Ai inspektori i zonës është për të shmangur këto ngjarje. A e di sa familje janë sot që ruhen me policë?”- tha Hoxha.

The post Vrasja e fëmijëve në Durrës, Artan Hoxha: Familja e autorit u largua nga lagjja, kanë frikë nga hakmarrja appeared first on Albeu.com.

Hoxha tha se përdorur AKSHI dhe Hipotekën, biznesmeni Ergys Agasi ka arritur të marrë kontrollin e një prone në Petrelë

Më tej gazetari shtoi se kjo pronë është përdorur si një “qendër aktiviteti”, ku, sipas pretendimeve të tij, janë zhvilluar takime dhe kanë hyrë zyrtarë të niveleve të ndryshme.

Artan Hoxha: Ajo që ndodhi gjatë kësaj kohe, është se brenda investitorit të ri, u fut Ergys Agasi dhe e ktheu pronën në shtabin e grupi, u bënë takim e u morën vendime, hynë zyrtarë, aty u gjet edhe koleksioni i verërave. Ne deri tani kemi parë foto të nxjerra nga video të zyrës në Bllok, në këtë nuk e dimë, nëse është kapur këtu është edhe më e madhe gama. Aty shihen zyrtarë të të gjithë niveleve, edhe kolegë tanë, nëse kapet është spektakël më vete. Edhe pse u ble objekti, brenda janë ndërtuar objekte të reja pa leje. Duke përdorur AKSHI dhe Hipotekën, ku çuan njeriun e tyre atje dhe kjo është në hetim e sipër, bënë tjetërsimin e pronës, pronar i ri figuron Agasi.

Ndaj aty ka aq shumë sipërfaqe. Kanë privatizuar edhe çakallin që gjendej në pyll. Aty anë qenë, vendi ku priteshin biletat, i kanë paraqitur edhe 5 mijë metra rreth e qark,. Në dhomat e zhveshjes dhe ËC i kanë futur sërish 6 mijë metra. Kanë legalizuar në kohë rekord, e kanë rregulluar edhe në hipotekë. Plani ishte që të merrej e gjithë zona dhe biznesmenin e kanë parë të lehtë që mund t’i merrnin të gjithë pronën. Kur ai i ka kërkuar pronën pasi nuk është paguar sasia e parave, sheh se llokma të mëdha të pronës ishin marrë. I kishin lënë vetëm stallën e kuajve, hotelin dhe restorantin. Brenda pronës së tij ishin ndërtuar dhe atij i kishin ngelur vetëm disa pjesë të vogla. Problemi është që ata i kanë legalizuar dhe i kanë me dokumente të rregullta, duke kontrolluar, INUK, Policinë, AKSHI dhe Hipotekën. Aty del sa fuqi kanë pasur. Kanë çuar drejtorin e Hipotekës që të legalizojnë pasuritë.

The post Hetimet e SPAK, Artan Hoxha bën deklaratën e fortë: Ergys Agasi përdori AKSHI-n dhe Hipotekën për të grabitur pronën në Petrelë appeared first on Albeu.com.

Hoxha shpjegoi mekanizmin si funksiononte paracaktimi i tenderave dhe pronat që janë blerë, ndërkohë tha se kjo dosje tregon se si ka funksionuar pushteti.

“Ajo që do ta quaja interesante në këtë hetim të SPAK, është fakti që më në fund na zbërthehet edhe në rrugë ligjore skema se si funksionon pushteti që kemi sot. Brenda grupit, po ti marrësh personazhet, ti shikon skemën se si funksionon shteti, nga maja e thojit deri te qimja e flokut. Si kanë korruptuar administratën, si kanë menaxhuar taksat, tenderat, si kanë blerë median, si kanë blerë edhe pyllin atje në Petrelë, pra kishin aq shumë lekë, por nuk e kanë blerë, kanë falsifikuar letra, kanë ndërtuar pa leje. Kanë emëruar drejtoreshën e kadastrës. Shumica e pronave janë te Equos Resort. Pjesë dërrmuese, pyll, është rreth e rrotull këtij objekti. Edhe këtë e kanë grabitur. Çdo gjë e kanë kërkuar qyl.

Në total, te 40 mln euro, këto janë sekuestro dhe jo konfiskim. Ë rëndësishme është që në këtë total, është nëj shumë e madhe në para, 7 milionë euro, është sasi e konsiderueshme.

Në vitin 2023, ka shkuar një kompani e afërt me zotin Agasi, të blejë Equos Resort, për 9 mln euro dhe një kredi që kishte marrë biznesmeni. Gjatë kësaj kohe nuk është paguar kredia, as 9 mln euro, por brenda objektit është vendosur fillimisht zyrë e Agasit. Ky ambjent është kthyer në shtab. Duke çuar në Kadastër njeriun e vet dhe në hipotekë, kanë bërë që të ndërtojnë aty pa leje. Kanë ndërtuar, janë të paktën 3 mijë e ca metra katrorë. Kanë legalizuar dhe kanë kthyer në pronë të vetë, edhe atë që ishte në pronë shtetërore. E kanë marrë me kodra cfarë kishte aty. Zotëria në fjalë, pas tre vjetësh ka kërkuar ti rikthehet prona. Nuk ka dalë pronar Agasi por Orest Sota.

I gjithë ky investim që është bërë aty, SPAK ka shkuar dhe e ka kapur. Për këtë është nën hetime dhe ish drejtoresha e kadastrës”, tha ndër të tjera Hoxha.

The post “I donin të gjitha qyl”, Artan Hoxha për dosjen “AKSHI”: Skemë tipike se si ka funksionuar pushteti! appeared first on Albeu.com.

Sipas tij, edhe në rastin kur afatet përfundojnë dhe kalon periudha 3 mujore nga kërkesa e depozituar nga SPAK për arrestimin e saj, Prokuroria e Posaçme mund të bëjë një kërkesë të dytë me të njëjtin objekt.

Hoxha u shpreh se gjithçka po bëhet që të përfitojë kohë kryeministri Edi Rama dhe mazhoranca, ndërsa hapat e ndërmarra me shtyrjen e mbledhjes së Këshillit të Mandateve, deri në një vendim nga Gjykata Kushtetuese dhe me çuarjen në Kushtetuese të masës së sigurisë nga zv kryeministres, janë mesazh që i çohet SPAK se ku i ka “vijat e kuqe”.

“Ka media ku sa hyj në studio më thonë kujdes mos fol për Ballukun. Pra na kanë çuar në një situatë ku jemi bërë një vend qesharak. Kemi nr 2 të qeverisë që nuk kalon dot Qafën e Thanës.
Mazhoranca thotë pres vendimin e GJK, Kur çështja në Kushtetuese ëhstë për masë sigurie. Kërkesa e SPAK është komplet tjetër gjë. Nëse zvarritet çështja, afatet kalojnë dhe SPAK duhet të paraqesë një kërkesë të re.

Kjo kërkesë që ka shkuar në Kuvend e ka firmosur në porën e fundit në detyrë Altin Dumani dhe u mbrojt në Kuvend nga zoti Braho. Gjithçka që po ndodh nuk e shpëton Ballukut. Kjo i jep kohë tjetër kujt të marrë masa. Balluku është e pandehur, atë e shpëton vetëm gjyqi i themelit.
Gjithçka po ndodh është që po i tregohet kufiri SPAK, këta që janë janë dëshmorët e mjaftueshëm për t’i treguar ndërkombëtarëve për drejtësinë e re.

Balluku vetëm po mundohet të shtyjë datën e përballjes por nuk shpëton dot. Ai që përfiton është Rama dhe mazhoranca”, tha ai.

The post Artan Hoxha: Zvarritja e çështjes nuk shpëton dot Ballukun, por i “blen” kohë Ramës, ja mesazhi që po i jepet SPAK-ut appeared first on Albeu.com.