Mbi bazën e ankesës së tyre, institucioni ka nisur verifikimin e veprimeve të deritanishme të policisë.

Aktivistët pretendojnë se procedimet ndaj tyre janë të pabazuara dhe synojnë dekurajimin e të drejtës së tyre për të protestuar.

Avokati i Popullit po vlerëson nëse këto veprime të policisë përmbushin parimet e proporcionalitetit dhe domosdoshmërisë, sipas Kushtetutës së Republikës së Shqipërisë dhe Nenit 11 të Konventës Evropiane për të Drejtat e Njeriut.

“E drejta për të protestuar paqësisht është e drejtë themelore dhe duhet garantuar me çdo kusht. Kur policia procedon qytetarë vetëm sepse protestuan, barra e provës nuk është tek protestuesit por te policia, e cila duhet të vërtetojë që ata realisht kanë shkelur ligjin”,-deklaroi Shabani.

Avokati i Popullit do të vijojë hetimin administrativ ndaj sjelljes së policisë për tu siguruar se në çdo rast e drejta për tubim të mos cenohet.

The post U proceduan për protestat kundër Ramës, Avokati i Popullit nis hetimin e veprimeve të policisë ndaj aktivistëve appeared first on Albeu.com.

Gjetjet janë rezultat i inspektimeve të kryera në 18 IEVP gjatë vitit 2025, si dhe analizës së 115 ankesave të trajtuara nga të burgosur dhe familjarë të tyre.

Avokati i Popullit, Endrit Shabani, deklaroi se kushtet aktuale përbëjnë shkelje të Kushtetutës dhe të detyrimeve ndërkombëtare të Shqipërisë.

“Kur shteti i mban të dënuarit në kushte degraduese, nuk po i ndëshkon, por po i poshtëron. Mbyllja e këtyre pesë institucioneve është detyrim kushtetues,” u shpreh ai.

Raporti evidenton se në IEVP Lezhë mbipopullimi arrin në 65%, me 181 persona mbi kapacitetin e parashikuar, ndërsa mesatarja e qëndrimit në paraburgim është 253 ditë, ose mbi 8 muaj pa një vendim përfundimtar gjykate.

Avokati i Popullit 

Avokati i Popullit: 5 burgje shqiptare duhen mbyllur. Cenojnë dinjitetin njerëzor

Në Lezhë, mbipopullimi i burgjeve arrin 65%. Të paraburgosurit kalojnë mesatarisht më shumë se 8 muaj në qeli pa qenë të dënuar.

Avokati i Popullit, ka konstatuar se trajtimi i personave të privuar nga liria në pesë institucione penitenciare të vendit afrohet me standardin e trajtimit degradues.

Kjo është një shkelje flagrante e Kushtetutës dhe e detyrimeve ndërkombëtare të Shqipërisë. Gjetjet bazohen në inspektime në 18 IEVP gjatë vitit 2025 dhe në 115 raste ankesash të trajtuara nga institucioni.

“Kur shteti i mban të dënuarit në kushte degraduese, nuk po i ndëshkon, por po i poshtëron. Mbyllja e këtyre pesë institucioneve është detyrim kushtetues”,-tha Avokati i Popullit, Endrit Shabani.

Tre shifrat kryesore

5 burgje duhen mbyllur: Burrel, Kosovë-Lushnjë, Kukës, “Mine Peza” (302), “Jordan Misja” (313).

65% mbipopullim në IEVP Lezhë, 181 të burgosur mbi kapacitetin e planifikuar.

253 ditë mesatarja e qëndrimit në paraburgim, pra më shumë se 8 muaj në qeli pa qenë i dënuar.

Realiteti njerëzor pas shifrave

Në shumicën e institucioneve, të dënuarit dhe të paraburgosurit i mbajnë rrobat dhe sendet personale në qese plastike, sepse nuk ka dollapë. Mjeku është prezent vetëm katër orë në ditë. Spitalet rajonale shpesh refuzojnë trajtimin e të burgosurve për “arsye sigurie”. Për personat me probleme të shëndetit mendor nuk ekziston asnjë institucion i specializuar mjekësor, megjithëse ata aktualisht mbahen në IEVP-në e Shën Kollit.

Gjatë vitit 2025, Avokati i Popullit ka trajtuar 115 raste të paraqitura nga të burgosur dhe familjarët e tyre.

Mbipopullimi, i lokalizuar, jo kombëtar

Në total, sistemi penitenciar është nën kapacitet (5.029 të burgosur dhe 5.747 vende gjithësej = 87%).

Por shpërndarja është thellësisht e pabarabartë:

IEVP Lezhë: +65% (181 persona mbi kapacitet)

IEVP “Jordan Misja”: +11% (55 persona)

IEVP Vlorë: +10% (16 persona)

IEVP Fushë-Krujë: +2,4% (9 persona)

56,8% e popullsisë penitenciare janë në paraburgim, pra mbahen në burg megjithëse ende janë të padënuar. Ky është një tregues që cenon parimin e prezumimit të pafajësisë.

Kushtet që cënojnë dinjitetin

Inspektimet kanë konstatuar:

Ambiente të amortizuara, pa ajrim, ndriçim apo ngrohje të mjaftueshme.

Të burgosur që mbajnë sendet personale në qese plastike sepse nuk ka dollapë.

Mungesë e produkteve bazë të higjienës dhe detergjentëve për pastrimin e qelive.

Sisteme ngrohjeje e ftohjeje jofunksionale, sidomos në mot ekstrem.

Mungesë larmishmërie dhe sasie të pamjaftueshme në ushqim.

Mundësi të kufizuara për aktivitete social-kulturore dhe rehabilitim.

Kujdesi shëndetësor: reagim ndaj emergjencave, jo shërbim i vazhdueshëm

• Asnjë mjek me kohë të plotë në shumicën e IEVP-ve. Aty ku ka mjek, qëndrojnë vetëm 4 orë në ditë.
• Mungesë autoambulancash dhe vështirësi për konsulta me specialistë.
• Spitalet rajonale refuzojnë trajtimin për “arsye sigurie”.
• Mungesë e shërbimit stomatologjik dhe e medikamenteve bazë.
• Asnjë institucion i specializuar për të burgosurit me probleme të shëndetit mendor.

Çfarë kërkon Avokati i Popullit 

Avokati i Popullit i kërkon Qeverisë dhe Ministrisë së Drejtësisë:

1.Rishqyrtim të politikës së paraburgimit. 56,8% të padënuar është një shifër e papranueshme në një shtet që pretendon respektimin e prezumimit të pafajësisë.

2.Plan të menjëhershëm për kujdesin shëndetësor në burgje, përfshirë ngritjen e një institucioni të specializuar mjekësor për të burgosurit me probleme të shëndetit mendor.

3.Mbyllje të pesë IEVP-ve të identifikuara deri në rikonstruktimin e plotë të tyre, dhe një rivlerësim kombëtar të kapaciteteve të sistemit penitenciar.

The post Avokati i Popullit ngre alarmin: Nuk ka ngrohje e as kushte higjienike, 5 burgje duhen mbyllur, cenohet dinjiteti njerëzor appeared first on Albeu.com.

Njoftimi:

Avokati i Popullit monitoroi përgjatë gjithë itinerarit protestën e opozitës të zhvilluar ditën e diel në kryeqytet.

Grupi i punës së institucionit, vizitoi spitalet dhe komisariatet për të parë dhe intervistuar protestuesit e ndaluar apo të lënduar.

Nga të dhënat paraprake, të paktën 12 persona në moshë madhore janë ndaluar, ndërsa 4 të mitur u lanë të lirë pas marrjes në pyetje.

Në Spitalin e Traumës, ekipi i Avokatit të Popullit administroi ankesën e një protestuesi që raportoi ushtrim dhune nga ana e policisë, për të cilën ka nisur hetimi përkatës.

Raporti e detajuar do të publikohet në përfundim të hetimit administrativ.

Avokati i Popullit, gjen rastin të theksojë se ndërsa inkurajon vetëm tubimet paqësore, i bën thirrje forcave të rendit për vetëpërmbajtje dhe profesionalizëm, pavarësisht dinamikës së protestës.

Gjithashtu, thekson domosdoshmërinë për transparencë mbi protokollet e përdorura nga policia për përshkallëzimin e forcës dhe përdorimin e mjeteve për shpërndarjen e turmave, si gazi lotsjellës apo uji.

The post Protesta e opozitës/ Avokati i Popullit: Ka raportime për dhunë policore, thirrje forcave të rendit për vetëpërmbajtje appeared first on Albeu.com.

Shabani në këtë post do të zëvendësoj Erinda Ballancën, ndërkohë që mandati i tij zgjat për 5 vite.

Në momentin që do të bëhej zgjedhja e Avokatit të Popullit, Opozita ka braktisur seancën duke u larguar nga Kuvendi.

The post Me votat e PS-së, Endri Shabani zgjidhet Avokat i Popullit appeared first on Albeu.com.

Me 77 vota kundër, 30 pro dhe një abstenim kërkesa është hedhur poshtë dhe emri i Avokatit të Popullit zgjidhet sot.

Më herët, opozita deklaroi se kishte tërhequr firmat për kandidatët dhe kërkoi anulimin e procesit.

6 janë kandidatët të cilët sot do të hidhen në votim në Kuvend, Endri Shabani, Adriana Kalaja, Besim Ndregjoni, Aranita Braho, Skënder Haluci dhe Tartar Bazaj.

The post Mazhoranca rrëzon kërkesën e opozitës për ndryshimin e rendit të ditës, Avokati i Popullit do të zgjidhet sot appeared first on Albeu.com.

Kandidatët që kanë kaluar pragun ligjor me shume se 28 firma

Adriana Kalaja – 44 firma

Aranita Brahaj – 35 firma

Besim Ndregjoni – 34 firma

Endrit Shabani – 35 firma

Skënder Haluci – 30 firma

Tartar Bazaj – 28 firma

Këta gjashtë emra, konsiderohen tashmë si kandidatë që plotësojnë kriteret ligjore dhe vijojnë garën për postin e Avokatit të Popullit.

Kandidatët që nuk kanë plotësuar kriteret

Dardan Mustafaj – 38 firma, por të depozituara jashtë afatit

Jola Hysaj – 27 firma, nën kufirin minimal

Shkëlqim Sulo – 19 firma, nën kufi

Saimir Vishaj – 26 firma, nën kufi

Këta kandidatë nuk do të vijojnë më tej procesin, për shkak të mungesës së firmave të mjaftueshme ose mosrespektimit të afatit të paraqitjes.

The post Gara për Avokatin e Popullit/ Zbulohen emrat që plotësojnë kushtet ligjore, ja kush mori më shumë firma appeared first on Albeu.com.

Verifikimet janë fokusuar në shoqërimin e tij nga ambientet e paraburgimit në Durrës drejt një klinike private, ku ai iu nënshtrua disa analizave mjekësore.

Burime bëjnë me dije se Komisioneri për Parandalimin e Torturës pranë institucionit të Avokatit të Popullit, Ahmet Prenci, ka zhvilluar kontakt të drejtpërdrejtë me Veliajn për të marrë informacion mbi kushtet e trajtimit të tij dhe respektimin e të drejtave të njeriut në institucionin e paraburgimit.

Pak ditë më parë, në një reagim të gjatë në “Facebook”, Veliaj e quajti të qëllimshme dhe poshtëruese shoqërimin e tij me 30 efektivë, gjatë një ekzaminim të domosdosëm mjekësor në spital.

“Për t’u siguruar që, përveç vetting-ut të jashtëm, të kaloja edhe vetting-un e brendshëm të të gjithë organeve”, tha Veliaj.

The post Avokati i Popullit nis hetimet për trajtimin e Erion Veliajt në paraburgim appeared first on Albeu.com.

Duke bërë thirrje për ndëshkimin e autorit të ngjarjes, Dervish Hasi, i cili akuzohet për trafikim të të miturve dhe pornografi, Avokati i Popullit, thekson se ministria e Drejtësisë ka vlerësuar rekomandimet e bëra për ndryshimet ligjore në Kodin e Familjes dhe Kodin Penal.

“Duke i vlerësuar të domosdoshme përmirësimet e mëtejshme të kuadrit normativ, Avokati i Popullit ka theksuar se mbrojtja e fëmijëve nga dhuna dhe abuzimi seksual është e domosdoshme për sigurinë dhe zhvillimin e tyre të shëndetshëm. Përsa më sipër, Avokati i Popullit ka rekomanduar ndryshime ligjore në Kodin e Familjes dhe Kodin Penal për të hequr të gjitha përjashtimet ligjore që lejojnë martesat nën 18-vjeç apo abuzimit me të mitur.

Ndërsa e konsideron ngjarjen alarmante për të drejtat e të miturave, Avokati i Popullit ka evidentuar rëndësinë e harmonizimit të legjislacionit vendas me Konventën e Kombeve të Bashkuara për të Drejtat e Fëmijëve dhe Konventën për Eleminimin e të gjitha Formave të Diskriminimit ndaj Grave.

Rekomandimet konkrete të Avokatit të Popullit për të përmirësuar mbrojtjen e fëmijëve do të integrohen në ndryshimet e Kodit Penal, veçanërisht në seksionin “Krime seksuale me të mitur”. Ministria e Drejtësisë i ka vlerësuar këto rekomandime në ndërmarrjen e hapave konkrete në përmirësimin e legjislacionit, për të garantuar që mosha minimale për martesë të jetë 18-vjeç”,– thuhet në reagimin e institucionit.

Kuijtojmë se në dëshminë e dhënë, 16 vjeçarja në Tiranë kishte deklaruar se ishte martuar me mjekun Dervish Hasi, nga një hoxhë para një viti dhe se për këtë gjë kishin dijeni edhe 3 gratë e tjera të 42 vjeçarit.

Mjeku kardiokirurg i Sanatoriumit, Hasi, do të qëndrojë në burg pa afat nën akuzën e “trafikimit të të miturve” dhe “p*ornografisë”, duke rënë në këtë mënyrë vepra penale fillestare me të cilën u referua materiali në prokurori, ajo e “prostitucionit”.

The post Rasti i rëndë i mjekut që mbante 16-vjeçaren si gruan e katërt, reagon Avokati i Popullit appeared first on Albeu.com.

“Me qëllim që procedura kushtetuese të jetë sa më transparente për publikun dhe dialogu parlamentar ndërmjet palëve të jetë i bazuar në një metodologji dhe kritere të qarta që synojnë arritjen e konsensusit, Grupi Parlamentar i Partisë Demokratike propozon ndërtimin e një procesi transparent dhe demokratik për përzgjedhjen e një kandidature dinjitoze për funksionin kushtetues të Avokatit të Popullit, me lehtësimin e kryetares së Kuvendit” shkruan Bardhi.

Por a do ta marrë Nikolla letrën në konsideratë? Kjo mbetet për t’u parë pasi seanca e djeshme ishte e mbushur me tension dhe debate për shkak se Nikolla po shkon drejt njohjes së Lulzim Bashës si kryetar grupi të PD-së, i cili ka deleguar këtë post tek Flutura Açka.

The post Bardhi, letër Nikollës: Jam gati të ulem me PS-në për Avokatin e Popullit appeared first on Albeu.com.

Gjatë seancës së sotme plenare në Kuvend, kreu i Grupit Parlamentar të PS-së, Taulant Balla i kërkon Gazment Bardhit që të uleshin bashkë për të përzgjedhur 3-4 emra më të përshtatshëm si kandidatura që do t’i propozohen Kuvendit si Avokat i Popullit.

Ky zhvillim vjen në një kohë kur mungon një dialog i përshtatshëm mes palëve politike, pasi për të zgjedhur Avokatin e Popullit nevojiten 84 vota, të cilat socialistët nuk i kanë në dispozicion.

Aktualisht, institucioni i Avokatit të Popullit drejtohet nga Erinda Ballanca, e cila u propozua nga opozita dhe i ka përfunduar mandati. Megjithatë, pyetja që ngrihet është se a do të vazhdojë kjo traditë edhe këtë herë, ku një kandidat i propozuar nga opozita do të zgjidhet në këtë institucion kushtetues?

Gara ka nisur tashmë dhe mësohet se deri më tani, Av. Edison Frangu, është i vetmi kandidat që ka marrë firmat vetëm nga deputetët e opozitës. Burime bëjnë me dije se ka arritur të mbledhë 35 firma deputetësh ku përfshihen të dy fraksionet e Partisë Demokratike por edhe deputete të tjerë të opozitës, duke e bërë atë një figure konsensuale brënda opozitës.

Av. Edison Frangu ka mbaruar studimet në Fakultetin e Drejtësisë, në Universitetin e Tiranës. Ai ka pasur përvojë si Këshilltar dhe Ekspert i disa Kryetarëve të Bashkive të Shqipërisë, si dhe si pedagog në disa universitete, Themelues edhe Drejtor Ekzekutiv i Open Gov Hub Albania, President i Initiative Group Alpbach Albania – Anëtare e European Forum Alpbach me seli në Vienë si dhe Drejtor Ekzekutiv i Ëalk Together.

Av. Edison Frangu ka një përvojë të gjatë në punë që lidhet me të drejtat e njeriut, që është fokusi kryesor i detyrës së Avokatit të Popullit. Ai ka punuar dhe shërbyer në disa nga organizatat më të mira në Shtetet e Bashkuara të Amerikës dhe Europë, me fokus në qeverisjen e mirë, transparencën, llogaridhënien, luftën kundër korrupsionit dhe të drejtat e njeriut. Një prej tyre është Open Gov Hub, ku ai ka qenë ndihmës i Drejtoreshës së Open Gov Hub në Ëashington DC, SHBA. Ai ka qenë pjesë e programit Atlas Corps me bursë të plotë, mbështetur nga Ambasada Amerikane në Tiranë dhe Departamenti i Shtetit.

Drejtoresha e këtij programi ka drejtuar një letër rekomandimi për Parlamentin shqiptar, duke shprehur mbështetjen për Frangun në kandidimin e tij për postin e Avokatit të Popullit.

Parlamenti shqiptar ka marrë gjithashtu edhe rekomandime të tjera nga Instituti Robert Schumman, Open Government Partnership dhe institucione të tjera ndërkombëtare dhe vendase, që kërkojnë mbeshtetjen e deputetëve për kandidaturën e Av. Edison Frangut.

Në listën e kandidatëve të cilët kanë arritur të sigurojnë firma të deputetëve opozitarë janë Alket Jaupi me profesion avokat, Besim Ndregjonaj. Ndërsa bien në sy edhe emrat e Vitore Tushës ish kryetare e Gjykatës Kushtetuese, Ilir Rusmajli anëtarë i KAS, Lefteri Luzi ish kryetare e KQZ, etj.

The post Nis gara për Avokatin e Popullit, organizatat dhe Institucionet Ndërkombëtare i rekomandojnë Parlamentit Av.Edison Frangun appeared first on Albeu.com.