Këto çështje u ngritën në panelin e diskutimit me temë “Forcimi i kapaciteteve profesionale në ndjekjen dhe gjykimin e krimeve të luftës në Kosovë”, të organizuar nga Fondi për të Drejtën Humanitare në Kosovë.

Sipas Amer Alijës nga Fondi për të Drejtën Humanitare në Kosovë, proceset që lidhen me krimet e luftës vazhdojnë të përbëjnë një nga sprovat më të ndërlikuara për sistemin e drejtësisë.

Alija: Gjykimi për krime lufte një nga sfidat më komplekse të sistemit të drejtësisë

“Në Kosovë mbetet një nga sfidat më të rëndësishme dhe komplekse të sistemit të drejtësisë. Përtej rëndësisë juridike këto procese kanë ndikim të drejtpërdrejtë në sigurimin e drejtësisë të viktimave të luftës, luftimin e mosndëshkimit dhe forcimin e besimit të qytetarëve ne institucione e drejtësisë. Gjatë viteve të fundit kemi parë zhvillime të rëndësishme në këtë fushë, përfshirë rritjen e numrit të aktakuzave për krimet e luftës dhe zbatimin e gjykimeve në mungesë”, tha Alija.

Udhëheqësi i Departamentit për Krime të Luftës në Prokurorinë Speciale, Ilir Morina, deklaroi se ekziston gatishmëri institucionale për trajtimin e këtyre rasteve, por se vështirësitë tejkalojnë vetë vullnetin e institucioneve.

Ai nënvizoi se një nga problemet për prokurorinë mbetet përdorimi i ligjeve të vjetra të ish-Jugosllavisë, si dhe mungesa e bashkëpunimit juridik ndërkombëtar, veçanërisht me Serbinë.

Morina tha gjithashtu se mungesa e një databaze për mbledhjen e provave po ia vështirëson Prokurorisë Speciale procesin e grumbullimit të tyre.

Morina: Ka mungesë të një databaze të veçantë të rasteve të krimeve të luftës

“Mungesa e vullnetit nuk është, ka një gatishmëri për punë në aderimin e krimeve të luftës, sfidat janë përtej vullnetit. Ne kemi bërë maksimumin brenda kapaciteteve dhe mundësive, çoftë buxhetore, institucionale… Korniza ligjore aktuale nuk është e mjaftueshme, një kornizë ligjore e cila është e përshtatshme për krim të organizuar. Ne këtë sfidë e kemi ende sepse po punojmë me ligje të vjetra, çoftë ai i ish Jugosllavisë, kodi i procedurës i cili nuk është mjaftueshëm i përshtatshëm në rastet e krimeve të luftës. Struktura institucionale, kur e kemi pranuar këtë çështje nga EULEX-i, është dashur t’i ndërtojmë mekanizmat e brendshëm, në mënyrë që të jemi të gatshëm të përballemi me sfidat.. sfidë shumë e madhe mungesa e bashkëpunimit juridik ndërkombëtare, në theks të veçantë me Serbinë por edhe me vende të tjera, ish gjykatën penale e Jugosllavisë. Te gjitha provat gjenden ne serbi apo jashtë territorit të Kosovës, por edhe të pandehurit. Mungesa e këtij bashkëpunimi është një sfidë e madhe. Tani kemi një mundësi të paraqesim aktakuza në mungesë, gjykimi në mungesë nuk është për herë të parë. Është zgjidhja më e mire dhe po mundohemi me apliku. Në kuadër të kësaj, është mungesa e një data baze të veçantë të rasteve të krimeve të luftës, identifikimi i provave është një sfidë e madhe, shume informacione ekzistojnë por janë të shpërndara. Frika që nuk ka informacion nuk ekziston, por ato duhet mbledhur dhe vendosur ne një vend në shërbim të prokurorisë speciale”, tha Morina.

Nga ana tjetër, zëvendëskryetari i Odës së Avokatëve të Kosovës, Naim Rudari, tha se një prej sfidave për këtë institucion mbetet gjykimi në mungesë, të cilin shumica e avokatëve nuk po e pranojnë edhe pse bëhet fjalë për detyrë zyrtare.

Rudari: Ka sfida për gjykimin në mungesë

“Po e shohim se është përforcuar, janë shumëfishuar edhe aktakuzat, ndonëse është e vështirë për prokurorinë për të mbledhur provat, pasi kanë kaluar shume vite pas luftës. Nevojitet për ta argumentuar secilindo krim. Kemi persona që kërkojnë drejtësi, ndonëse prokuroria na ka kundërshtarë në aspektin profesional, por në këtë rast oda e avokatëve dhe prokuroria kemi sfida me angazhimin e avokatëve sipas detyrës zyrtare në gjykimin në mungesë. Gjykimi në mungesë është institut i ri tek ne, akoma ka nevojë për përgatitje, trajnime, aplikimin e këtij institucioni me profesionalizëm të lartë.. ne jemi munduar që t’i bindim përveç detyrimit është ndihmesë në drejtësi. Na mungojnë trajnimet sidomos nga ekspertë ndërkombëtarë të kësaj fushe, ka vështirësi të aplikimit të gjykimit në mungesë”, tha Rudari.

The post Korniza e vjetruar ligjore dhe mungesa e një databaze vështirësojnë hetimet për krimet e luftës në Kosovë appeared first on Albeu.com.

Sipas tij, çdo zgjidhje që synon ndërtimin e institucioneve duhet ta vendosë në plan të parë programin zhvillimor dhe agjendën strategjike të Kosovës.

“Bashkëpunimi partiak e institucional është udha e vetme për ta thyer rrethin vicioz, për t’i dhënë fund krizave politike, që nënkupton kthimin e stabilitetit”, ka shkruar Haziri.

Ky është postimi i plotë i tij:

“Bashkëpunimi partiak e institucional është udha e vetme për ta thyer rrethin vicioz që po e lodh Republikën!

Kosova sot ka nevojë për agjendë të zbardhur kur jemi në fund të javës së dytë pas zgjedhjeve të 7 qershorit.

Cilido opsion që arrin marrveshjen gjithëpërfashirëse, programin zhvillimor dhe agjendën strategjike duhet ta ketë në qendër të saj, ndërkaq skenari i ndarjes së përgjegjesive institicionale vjen në fund.

Bashkëpunimi partiak e institucional është udha e vetme për ta thyer rrethin vicioz, për t’i dhënë fund krizave politike, që nënkupton kthimin e stabilitetit.

Kemi premtu që Republika e Kosovës është faktor i stabilitetit rajonal, duke respektu vlerat demokaratike. Ky rol i stabilitet rajonal buron nga stabiliteti dhe bashkëpunimi brenda Kosovës.

Republika e Kosovës i ‘duron’ zgjedhjet e shpeshta vetëm kur e kujton që mundet me mbetë edhe pa zgjedhje një ditë.

Një njeri dhe një parti është kauzë e humbur me 17 shkurt!

Republika, mbi të gjithë!”

The post Haziri: Dalja nga kriza institucionale vjen vetëm përmes bashkëpunimit politik appeared first on Albeu.com.

Ai tha se shumë shpejt opozita do të mbajë një protestë kombëtare. Ai tha se i shtrin dorën çdo lëvizjeje që është kundër qeverisë Rama, madje shton se do të bashkëpunonte edhe me Erion Braçen.

“Kudo ku kam qenë kam dhënë dorën e bashkëpunimit. Arlind Qori është koherent në qëndrimet e tij, ka të njëjtin emërues kur vjen puna te debati dhe kundërshti ndaj Ramës. Për sa kohë Qori, Lapaj, Agron Shehaj, apo çdo drejtues tjetër i një forcë është në konflikt të hapur dhe është në oponencë e Ramën, jam pro bashkëpunimit. Do të bashkëpunoja dhe me zotin Braçe. S’mund të heq një paralele mes Ballukut dhe Majkos.

Është mirë që zoti Arlind Qorri ka njoftuar të enjten një protestë, e Lapaj ka nisur një të tillë. Ne ende nuk e kemi thirrur një protestë kombëtare. Ai formati që ndodh para Kryeministrisë, është vetëm për një target të caktuar. Shumë shpejt do të kemi një protestë kombëtare. Por sa i përket planeve, apo dhe për realizimin e veprimeve të deputetëve apo dhe ngujimin tonë në Kuvend, ka një plan dhe hapa. Çdo gjë do të merret me hapa. Kemi një plan të qartë, që shihet deri përtej vjeshtës tjetër që duam të arrijmë”, tha ai në News24.

The post “Bashkë kundër Ramës”/ Belind Këlliçi i shtrin dorën për bashkëpunim Qorit, Shehajt dhe Lapajt appeared first on Albeu.com.

Pyetje-pergjigje:

Elhaida Dani: Të gjitha këngët kanë tituj shumë interesantë. A mund t’i them?

Rudina Magjistari: Sigurisht, për ne është ekskluzive.

Elhaida Dani: Kam shumë qejf sepse janë shumë interesante. Një është “Lotët diamante” që është me Don Phenom, “Ditët e fundit” dhe flet për një histori që mbaron në ditët e fundit të një vere. Kjo këngë është bashkëpunim me Olsi Bylykun. Kënga ime e zemrës së kësaj EP-je është “Pasqyra e mbretëreshës” dhe e kam solo. Një këngë tjetër që e kam solo është “Njëmijë shishe” dhe flet për një dashuri e cila ka mbaruar, por ti mundohesh të tregohesh e fortë, krenare, të mos i tregosh atij që po vuan, por ndërkohë ke pirë njëmijë shishe atje mbrapa, por në shoqëri dhe gjithandej tregohesh sikur je shumë e fortë.

Rudina Magjistari: Pse më duket si tekst i Aida Barakut mua ky?

Elhaida Dani: Është absolutisht një tekst i Aida Barakut. Kënga e fundit është “Dhimbja ime nga Tirana” që flet gjithmonë për një dashuri, akoma nuk e kam kuptuar tamam shumë mirë si është kjo dashuria, e dhimbshme apo e lumtur dhe është një duet me Mc Kreshën.

Në prapaskenat ekskluzive për “Rudina” nga videoklipi i parë me Don Phenom, Elhaida përshkruan ndjesitë e saj.

“Shumë e emocionuar, nuk është vetëm një këngë. sot është klipi i parë, por janë pesë këngë dhe mezi po pres t’i publikoj.”

Ajo tregon edhe si ndihet në këtë bashkëpunim të parë me një reper shkodran.

“S’jemi takuar asnjëherë, do të takohemi sot për herë të parë. Dy shkodranë merren vesh edhe kështu me valë, nuk ka nevojë fare të takoheshim. Më pëlqen shumë si ka dalë bashkëpunimi, kënga, kështu që besoj se edhe publiku do ta pranojë.”

Së njëjtës pyetje i përgjigjet edhe Don Phenom, për të cilin ndjesia është reciproke.

“Është gjithmonë kënaqësi dhe normale kur je djepi i artit, kulturës dhe sportit është mirë t’i bashkosh forcat që të shprehësh talentin në të gjithë botën”, e më pas shton: “Kam pasur qejf ta sfidoj veten në zhanër komplet ndryshe nga këngët që kam bërë dhe mendoj që e kam shprehur veten artistikisht.”

Në pamjet e filmuara, shihet që pas kamerës qëndron Ajola Xoxa, që Elhaida i ka besuar edhe për mini-albumin e kaluar. Ajo thotë se e gjen veten te vizioni i regjisores dhe mprehtësia e saj artistike.

Elhaida Dani: Me Ajolën kam filluar të punoj që në 2019 nëse nuk gabohem, ose 2020. Ka kuruar EP-në “Zanin”, e ka kuruar duke marrë elementët ajër, toka, zjarri, uji dhe duke i sjellë në këto lloj formash. Është një vajzë me shumë ide artistike, por gjëja më e bukur që unë dua tek Ajola është dedikimi në çdo detaj, nuk është përtace, rri mbrapa çdo detaji në veshjen time, në veshjen e balerinave, në baluken time, të balerinave. Është shumë avantgardë Ajola dhe unë ia besoj shumë fjalën dhe nëse më thotë bëje këtë gjë, ia besoj dhe edhe pse mendoj që nuk më duket mirë, prapëseprapë e bëj se di diçka, ka një nuhatje shumë interesante dhe kam shumë besim.

The post Elhaida Dani paralajmëron albumin me tre reperë surprizë appeared first on Albeu.com.

Ajo i është bashkuar zyrtarisht labelit SBS Entertainment, i cili do të menaxhojë rrugëtimin e saj artistik në vazhdim.

Lajmin e ka bërë publik përmes një postimi në rrjetet sociale, ku ka ndarë emocionet dhe pritshmëritë që e shoqërojnë në këtë etapë të re të jetës së saj profesionale.

Në postimin e saj në Instagram, Egli shkruan: “Jam e lumtur t’ju njoftoj se nga sot, karriera ime muzikore është zyrtarisht nën menaxhimin e labelit SBS Entertainment”.

“Ky është një hap i ri dhe shumë i rëndësishëm në rrugëtimin tim artistik, dhe mezi pres t’ju sjell projekte të reja, muzikë dhe emocione të forta, gjithmonë me përkushtim dhe dashuri për ju që më keni mbështetur deri tani, që nuk mund t’ua kthej kurrë mjaftueshëm. Faleminderit për besimin dhe që jeni pjesë e këtij rrugëtimi. Ju dua, e juaja, Egli”, tha ndër tjerash.

Ky bashkëpunim i ri pritet të sjellë projekte të freskëta dhe të fuqishme nga artistja, e cila është tashmë një emër i njohur në muzikën shqiptare.

Fansat kanë shprehur mbështetjen e tyre të menjëhershme në komentet e postimit, duke pritur me padurim krijimet e radhës që Egli premton të sjellë me pasion dhe dedikim.

The post Egli Tako i bashkohet labelit SBS Entertainment: Një hap i ri dhe shumë i rëndësishëm në karrierën time appeared first on Albeu.com.

Projekti i tyre që pritet të lansohet më 20 shtator, titullohet “Ma Bella”.

Së fundmi, artistët publikuan në Instagram një sekuencë të këngës së re si dhe një sekuencë të videoklipit.

Kënga e Dafina Zeqirit në bashkëpunim me dy artistët me famë ndërkombëtare pritet të jetë plot ritëm.

Në bazë të sekuencës të shkurtër këngëtarja e hitit “A të ka mungu”, dukej plot sharm me një fustan të bardhë, shumë elegant.

Vetëm këtë verë, Dafina solli projekte dhe bashkëpunime të shumta muzikore. Ajo gjithashtu ka qenë tejet e angazhuar me koncerte.

The post Dafina Zeqiri po vjen me një super projekt me artistët Gims dhe Accaoui, publikohet një sekuencë e këngës së tyre appeared first on Albeu.com.

Meta tha në një konferencë për gazetarët se opozita duhet të organizohet mirë, teksa theksoi se PL po shkon drejt një rithemelimi.

“Vetë Rithemelimi i Partisë së Lirisë që do të ndodhë në konventën e ditës së shtunë është një reflektim për të përmirësuar të gjitha gabimet e deritanishme të funksionimit të vetë Partisë së Lirisë. Nëse ne ngremë shqetësimin se opozita ka pasur dobësi të theksuara në organizimin e saj, edhe për shkak të regjimit. Ne asnjëherë nuk e kemi përjashtuar veten tonë nga përgjegjësitë që kemi ne. Ne nuk duhet të ndalojmë asnjë sekondë përmirësimin e organizimit tonë në mënyrë që ta shembim këtë regjim të kalbur sa më parë.

Nuk ka vlerë të kesh një program të mirë, një ide, një vizion të mirë nëse nuk ke organizimin e duhru dhe perfekt por të ekzekutuar këtë ide dhe ne po shkojmë drejt Rithemelimit të një partie që ka 5 prioritete shumë të qarta që i shërbejnë gjithë shqiptarëve, gjithë vendit”, tha Meta.

Ai tregoi edhe kushtin e vetëm për të bashkëpunuar sërish me Sali Berishën.

“Kushti i vetëm që Berisha të mos bëjë kompromis me parimet e tij dhe regjimin e Ramës. E përshendes doktorin për qëndrimin e tij..besoj se ndryshimi do jetë shumë i fortë”, tha Meta.

The post “Të mos bëjë kompromis”, Meta tregon kushtin e vetëm për të bashkëpunuar me Sali Berishën appeared first on Albeu.com.

Sikurse shihet, dyshja ndodhen brenda një studio muzikore. Pas publikim të këtyre pamjeve, menjëherë vëmendja shkon se mos ndoshta, artistët do të sjellin bashkëpunimin e tyre të parë.

Kujtojmë se secili prej tyre është i suksesshëm dhe ka një numër të lartë fansash, ndaj padiskutim që projekti i tyre do jetë hit. (Gjithmonë nëse një projekt të tillë është duke u punuar)

Po ashtu, ju rikujtojmë se Luizi tashmë është nën menaxhimin e “SBS Music”, e cila ndodhet në Kosovë.

The post Ç’po planifikojnë? Luizi dhe Ledri filmohen së bashku appeared first on Albeu.com.

Kështu të paktën ka lënë të kuptohet me anë të një postimi të shpërndarë në Instagram.

Artistja e njohur nga Ferizaj gjithashtu zbulon se është një bashkëpunim, por duke mbajtur akoma të fshehtë emrin e këngëtarit/es.

“Edhe pak ft…së shpejti. Si dihet ndoshta del nesër në Spotify”, ka shkruar ajo.

Reagimet e fansave qenë të menjëhershme, të cilët mezi po presin për këtë këngë.

Fifi të fundit projekt e solli vetëm një muaj më parë të titulluar “Budalla”.

Ajo pëlqehet tejet shumë nga publiku dhe këngët e saj numërojnë miliona klikime në YouTube

View this post on Instagram

A post shared by FIFI (@fifi.official.fr)

The post Fifi paralajmëron këngën e re, njofton se është bashkëpunim appeared first on Albeu.com.

Ajo ka publikuar një fotografi ku shfaqet përkrah senzacionit të edicionit të dytë të Big Brother VIP Albania, Luiz Ejlli. Fotografia ka tërhequr vëmendjen e ndjekësve të tyre dhe ka nxitur spekulime për një mundësi të bashkëpunimit të ardhshëm. Në imazhin e publikuar, të dy yjet e spektakleve të njohura të reality-të shihen të buzëqeshur në shoqërinë e tre personave të tjerë. Ajo që e bën këtë foto edhe më intriguese është etiketimi i televizionit Klan Kosova nga ana e Julianës, i cili ka bërë që shumë të pyesin nëse dyshja po planifikon diçka të re dhe emocionuese për ekranet e Kosovës.

Ndërkohë që detajet për çdo projekt të mundshëm ende nuk janë bërë publike, fansat dhe spekulimet rreth një bashkëpunimi të mundshëm janë në rritje. Juliana dhe Luizi janë të njohur për personalitetet e tyre të fuqishme dhe performancat e tyre mbresëlënëse, duke i bërë ideale për çdo lloj iniciative televizive.

Luiz Ejlli, i njohur për zërin e tij dhe fitues i edicionit të Big Brother VIP Albania, ka qenë gjithashtu një figurë e rëndësishme në skenën muzikore shqiptare, ndërsa Juliana Nura ka qenë një prej banoreve më të dalluara të Big Brother VIP Kosova, duke lënë gjurmë me natyrën e saj të hapur dhe të sinqertë.

Fansat tani janë të etur të mësojnë më shumë rreth kësaj takimi dhe mundësive që mund të sjellë bashkëpunimi i tyre. Etiketimi i Klan Kosova nuk është një veprim i rastësishëm dhe mund të sinjalizojë fillimin e një kapitulli të ri për yjet e dashur të ekranit.

The post Xhuli dhe Luiz Ejlli bëhen bashkë, lindin dyshimet për një projekt të përbashkët mes dyshes appeared first on Albeu.com.