Në një reagim të publikuar në Facebook, Rexhepi thekson se Komuna e Tetovës mban përgjegjësi si bashkautore për anulimin e emrave të rrugëve dhe shesheve.

“Sot, në mbledhjen e strukturave partiake të BDI – Dega Tetovë, në prani të liderit Ali Ahmeti, u vendos qartë: Tetova nuk do të heshtë përballë këtij akti poshtërues ndaj historisë, identitetit dhe dinjitetit të saj. Pas heshtjes së Komunës së Tetovës ndaj kërkesës sonë për seancë urgjente dhe pas arsyetimit të Gjykatës Kushtetuese, ku dëshmohet se për gati një vit Komuna katër herë nuk i është përgjigjur kërkesave për dokumentacion, bëhet e qartë se kjo nuk është pakujdesi, por bashkëautorësi”.

Ai shton se, sipas tij, kjo çështje shkon përtej emërtimeve të rrugëve.

“Kjo nuk është vetëm çështje emrash rrugësh. Është tentativë për të mohuar Rilindasit, historinë, trashëgiminë dhe çdo të arritur shqiptare të ndërtuar me sakrificë në 20 vitet e fundit. Tetova është djepi i kulturës, arsimit dhe krenarisë shqiptare. Këtu kanë nisur dhe do të nisin lëvizjet që i çojnë shqiptarët përpara. Prandaj, nuk pranojmë të kthehemi pas dhe nuk pranojmë asgjë më pak se dinjitetin tonë të plotë”.

Rexhepi ka bërë thirrje që të premten, më 26 qershor, në ora 20:00, qytetarët të mblidhen në Sheshin Iliria dhe t’i bashkohen Marshit Protestues.

“Të premten, më 26 qershor, në ora 20:00, nga Sheshi Iliria, ftojmë çdo qytetar, çdo intelektual, çdo zë të lirë dhe çdo atdhetar, pa dallim bindjeje politike, të bashkohet në Marshin Protestues. Eja edhe ti. Zëri yt është zëri i Tetovës!”, ka shkruar Rexhepi.

The post BDI thërret protestë në Tetovë për çështjen e emrave të rrugëve: Historia nuk fshihet appeared first on Albeu.com.

Ahmeti said that developments in Albania are being followed with ցավ?

The post Ahmeti: Protests in Albania are being used by enemies of the nation to fuel insecurity appeared first on Albeu.com.

Ahmeti u shpreh se zhvillimet në Shqipëri po ndiqen me dhimbje, duke kujtuar rolin që ky shtet ka pasur për shqiptarët. Ai tha se Shqipëria ka strehuar Kosovën dhe se është pjesë e pandashme e lirisë së saj, duke shtuar se pa ndihmën dhe mjetet e Shqipërisë, Kosova nuk do të ishte ajo që është sot.

“Ka ca ngjarje, zhvillime edhe në Shqipëri. Ai është vend ku ne na kanë ndihmuar. Shqipëria ka strehuar Kosovën. Shqipëria është pjesë e pandarë e lirisë së Kosovës. Pa ndihmën, pa mjetet e Shqipërisë, Kosova nuk do ishte Kosova që është sot. Prandaj, me dhimbje po i përcjellim gjërat. Ne e shohim që këtu Shqipëria, nga këto protesta që nuk dihet ku e kanë kokën, merr dy goditje. Goditje të forta”.

Duke folur për pasojat ekonomike, ai nënvizoi se protestat po dëmtojnë drejtpërdrejt turizmin. Ahmeti tha se fushata e parë, sipas tij, erdhi nga Greqia, pasi turizmi shqiptar po i rrezikon këtij vendi interesat në këtë sektor. Më tej ai shtoi se reagimet e para nisën pikërisht nga Greqia, ndërsa pyeti edhe se kush u bë zëdhënësi i parë i kësaj fushate në Beograd, duke thënë se i njëjti person që bën fushatë për protestat në Serbi, e bën edhe për protestat në Shqipëri.

“Industria kryesore e Shqipërisë është turizmi. Goditet tek turizmi. Nga doli fushata e parë? Nga Greqia, sepse turizmi po i rrezikohet nga Shqipëria, po i rrezikohet Greqisë. Që një shtet fqinj s’bën me menduar kështu për fqinjin e vet, po ja që ka ndodhur, që deklarata e parë dhe reagimet e para erdhën nga Greqia. Kush u bë zëdhënësi i parë i kësaj fushate? Në Beograd? I njëjti që bën fushatën e protestave në Serbi, bën fushatën për protestat në Shqipëri”.

Ahmeti tha se qëndrimi i tij nuk është mbrojtje për Edi Ramën, por për Shqipërinë. Sipas tij, po goditet jo vetëm shtylla kryesore e industrisë, turizmi, por edhe investimet e huaja dhe vendore. Ai theksoi se pasiguria sjell pasoja për investitorët vendas dhe se aq më tepër të huajt nuk e vendosin kapitalin e tyre në një vend ku mungon stabiliteti.

“Dikush mund të ngrihet dhe të thotë: Ali Ahmeti po mbron Edi Ramën. Jo, Ali Ahmeti mbron Shqipërinë dhe i dhimbet Shqipëria. Po goditet. Po goditet dega kryesore e industrisë, turizmi; dega kryesore, investimet e huaja dhe vendore. Mos kujtoni që nuk ka pasoja për investitorët vendorë, e mos flasim më për të huaj. Se asnjë investitor vendor nuk rrezikon kapitalin e vet aty ku ka pasiguri”.

Në fund, ai u shpreh se ata që synojnë të prodhojnë pasiguri në Shqipëri janë armiqtë e kombit shqiptar. Megjithatë, Ahmeti sqaroi se nuk i konsideron armiq ata që kanë dalë në shesh, por tha se ata kanë rënë në grackën e kundërshtarëve, pa i analizuar dhe studiuar siç duhet pasojat që, sipas tij, i shkaktohen kombit jo vetëm në Shqipëri, por edhe më gjerë.

“Dhe kush tenton pasigurinë ta krijojë në Shqipëri? Armiqtë e kombit shqiptar. Unë nuk them që këta kanë dalë në shesh aty, janë armiq, po kanë rënë në grackën e armiqve, pa analizuar dhe pa e studiuar mirë pasojat që i shkaktojnë kombit, jo vetëm në Shqipëri, por edhe më gjerë”, tha Ahmeti./Telegrafi/

The post Ahmeti: Përmes protestave në Shqipëri po nxitet pasiguri nga armiqtë e kombit appeared first on Albeu.com.

Sipas partisë opozitare, ky qëndrim mbështetet në arsyetimin e bërë publik nga Gjykata Kushtetuese. Në të thuhet se gjatë procedurës janë dërguar katër kërkesa zyrtare për Komunën e Tetovës dhe tri të tjera për Qeverinë, me qëllim sigurimin e dokumentacionit të nevojshëm për shqyrtim të plotë të lëndës.

BDI vlerëson se as Komuna dhe as Qeveria nuk e kanë dorëzuar materialin e kërkuar, duke e lënë kështu të pambrojtur vendimin që, sipas saj, prej gati dy dekadash ka qenë pjesë e identitetit urban të Tetovës.

Në reagimin e partisë thuhet se “Në shtatë raste të ndara, institucionet e udhëhequra nga VLEN dhe OBRM-PDUKM nuk ndërmorën as hapin më elementar për mbrojtjen e emrave shqiptarë të rrugëve dhe shesheve të Tetovës”.

Këtë zhvillim BDI e quan “skandal institucional” dhe shpreh dyshime për mënyrën se si autoritetet përgjegjëse e kanë trajtuar çështjen. Ajo kërkon sqarime publike se kush ka marrë vendimin që Komuna e Tetovës të mos e mbrojë këtë vendim dhe përse Qeveria nuk ka reaguar edhe pas tri kërkesave të Gjykatës Kushtetuese.

“Qytetarët kanë të drejtë të dinë nëse bëhet fjalë për paaftësi, neglizhencë apo për një vendim të vetëdijshëm politik”, thekson BDI.

Sipas partisë, pasojat e këtij mosveprimi po bien mbi qytetarët e Tetovës, ndërsa përgjegjësia politike për zhvillimet e fundit, sipas saj, nuk mund të shmanget.

Në fund, BDI kërkon përgjegjësi të plotë politike nga Komuna e Tetovës dhe Qeveria për atë që e cilëson si mosmbrojtje të vendimit që lidhet me emërtimet shqiptare të rrugëve dhe shesheve në qytet.

The post BDI akuzon Komunën e Tetovës dhe Qeverinë për mosmbrojtjen e emërtimeve shqip të rrugëve appeared first on Albeu.com.

Në reagimin e saj, Komuna thotë se gjykatësit shqiptarë të Gjykatës Kushtetuese, të zgjedhur nga pushteti i kaluar, në vend që të mbronin interesin shqiptar në këtë institucion, po merren me politikë ditore.

Sipas Komunës, e vërteta është se vendimi për riemërtimin e rrugëve në Tetovë nuk mori kurrë fuqi të plotë, pasi 4 qeveritë e BDI-së pas vitit 2007 nuk e proceduan atë si vendim në Qeveri. Për këtë arsye, theksohet se këto emërtime nuk janë regjistruar asnjëherë as në Kadastër dhe as në Regjistrin Qendror.

Në të njëjtin reagim thuhet se, pavarësisht kësaj situate, gjykatësit shqiptarë në Gjykatën Kushtetuese nuk është dashur të lejonin hapjen e kësaj procedure pikërisht në kohën kur Komuna e Tetovës ndodhet pranë përmbylljes së procesit për riemërtimin zyrtar të rrugëve në Tetovë.

Komuna shton se me këtë veprim synimi është i qartë për të nxitur tensione ndëretnike, ndërsa pas kësaj tendence, sipas saj, qëndron BDI-ja.

The post Komuna e Tetovës: Emërtimi i rrugëve nga viti 2007 nuk u miratua në Qeveri dhe nuk rezulton në Kadastër appeared first on Albeu.com.

Sipas tij, kjo gjendje është pasojë e një qasjeje manipuluese politike që, siç tha ai, është ndërtuar prej vitesh nga Bashkimi Demokratik për Integrim dhe Ali Ahmeti.

“Me sllavët, me maqedonasit nuk punohet kështu. Sepse ata kur janë ngusht bëjnë marrëveshje, por pastaj e rinegociojnë atë marrëveshje deri sa të lodhin. Fatkeqësisht kjo është vetëm maja e Ajsbergut të një politike manipuluese të BDI-së dhe Ali Ahmetit. Emrat e rrugëve zyrtarisht nuk kanë ekzistuar kurrë, as përdorimi zyrtar i gjuhës shqipe, as çlirimi i popullit”, tha Thaçi.

Ai theksoi gjithashtu se me kalimin e kohës, qytetarët do të ndihen edhe më të zhgënjyer nga, siç u shpreh, gënjeshtrat e BDI-së.

Pas vendimit të Gjykatës Kushtetuese, kujtojmë se partia VLEN e akuzoi BDI-në për përpjekje për të nxitur skenarë ndëretnikë, në një kohë kur çështja e emërtimit të lagjeve është duke u shqyrtuar nga një komision komunal. Nga ana tjetër, BDI deklaroi se Tetova ka historinë e saj shqiptare dhe se rikthimi i emrave jugosllavë dëshmon pafuqinë e VLEN-it për t’u përballur me vendime anti-shqiptare.

The post Thaçi: Në Tetovë, emërtimet shqip të rrugëve dhe përdorimi zyrtar i shqipes nuk kanë qenë asnjëherë të formalizuara appeared first on Albeu.com.

Sipas BDI-së, VLEN po mundëson rikthimin e simbolikës së ish-Jugosllavisë në qytet.

Partia vlerëson se Tetova i ka figurat, identitetin dhe historinë e vet, ndaj nuk duhet, sipas saj, të rikthehet prapa përmes emërtimeve që qytetarët i kanë braktisur prej shumë vitesh.

Në reagimin e plotë thuhet se arsyetimet banale, me të cilat po tentohet të relativizohet vendimi për ndryshimin e emrave të rrugëve, shesheve dhe urave në Tetovë, zbulojnë më shumë sesa çdo deklaratë publike e VLEN-it.

Sipas tyre, dikush mund të ndiejë nostalgji për Josip Broz Titon.

Po ashtu, sipas reagimit, dikush mund t’i ketë kushtuar poezi lavdëruese Titos dhe madje të ketë përfituar edhe shpërblime për to. BDI thekson se kjo i përket bindjeve personale, por shton se nostalgjia dhe adhurimi për Titon duhet të mbeten brenda shtëpisë dhe jo të shndërrohen në rikthim të simbolikës jugosllave në Tetovë. Sipas tyre, Tetova e ka mbyllur këtë kapitull prej kohësh.

BDI nënvizon se Tetova ka historinë, identitetin dhe figurat e saj, prandaj nuk e meriton të kthehet pas në kohë dhe as t’i rikthehen emërtimet që qytetarët i kanë lënë pas shumë vite më parë.

Partia pretendon se e gjithë kjo po ndodh me bekimin e VLEN-it dhe për këtë arsye, sipas saj, qytetarët duhet të marrin përgjigje të qarta.

Në këtë kuadër, BDI ngre disa pyetje publike për Bilall Kasamin: a është kontaktuar Komuna e Tetovës nga Gjykata Kushtetuese lidhur me këtë lëndë, cili ka qenë qëndrimi i komunës gjatë kësaj procedure, a ka pasur komunikim zyrtar ose jozyrtar me Gjykatën Kushtetuese, cili ka qenë roli i përfaqësuesve të VLEN-it në Qeveri dhe çfarë qëndrimi ka mbajtur Qeveria para Gjykatës Kushtetuese në lidhje me emërtimet e miratuara në vitin 2007?

Më tej, BDI shprehet se qytetarët meritojnë transparencë të plotë dhe se shqiptarët kanë të drejtë të dinë kush heshti, kush u pajtua dhe kush kontribuoi që të vihet në shënjestër identiteti i Tetovës.

Në fund, partia bën thirrje që qytetarët të mos nënvlerësohen dhe durimi i tyre të mos konsiderohet si dobësi, duke theksuar se shqiptarët nuk do të pranojnë që të arriturat e tyre të cenohen në heshtje. Sipas tyre, edhe durimi ka fund.

The post BDI: Tetova ka identitetin dhe historinë e saj, nuk do të kthehet në Tetovën e Marshall Titos appeared first on Albeu.com.

Sipas kësaj partie, një veprim i tillë paraqet goditje të rëndë ndaj identitetit dhe dinjitetit të shqiptarëve.

Në reagimin e saj, BDI e akuzoi VLEN-in se nuk ka ndërmarrë asnjë hap juridik për ta mbrojtur vendimin e vitit 2007. Po ashtu, BDI vlerësoi se pretendimi i VLEN-it, sipas të cilit vendimi për emërtimin e rrugëve kinse nuk ka qenë në fuqi, është argumenti më i dobët dhe më i paqëndrueshëm që mund të jepet, duke theksuar se ata nuk mund t’i shmangen përgjegjësisë.

“VLEN nuk mund të ikë nga përgjegjësia. Tetovën e qeverisin prej pesë vitesh. Gjysmëkryetari i VLEN-it, gjegjësisht kryetari aktual i Komunës, Bilall Kasami, ka qenë pjesë e pushtetit qendror edhe në periudhën 2020-2024, për më shumë se dy vite si pjesë e koalicionit qeveritar edhe atë si pjesë e koalicionit ‘Mozheme’. Veçanërisht shqetësues është fakti se kërkesa për shfuqizimin e vendimit është dorëzuar në Gjykatën Kushtetuese që në mars të vitit 2025. Pra, VLEN ka pasur më shumë se një vit kohë për të reaguar, për të ndërmarrë hapa juridikë, për të mbrojtur vendimin dhe për të informuar qytetarët. Nuk bënë asgjë. Sot, në vend të përgjegjësisë, ofrojnë arsyetime të dëshpëruara. Nëse do të ishte kështu, atëherë sipas logjikës së VLEN-it, Gjykata Kushtetuese po merret me akte që nuk prodhojnë pasoja juridike dhe që ndodhen jashtë qarkullimit juridik. Kjo do të ishte jo vetëm juridikisht e papranueshme, por edhe në kundërshtim me vetë kompetencat e Gjykatës Kushtetuese. Me këtë arsyetim, VLEN jo vetëm që po e mbron vendimin e Gjykatës kushtetuese por po e demaskon edhe veten. Sa më shumë flasin, aq më e qartë bëhet se nuk kanë as argumente juridike dhe as përgjigje politike për dështimin e tyre”, thuhet nga BDI.

The post BDI: VLEN mban përgjegjësi për Tetovën prej pesë vitesh dhe s’mund të shmangë fajin për emrat e rrugëve appeared first on Albeu.com.

Në një konferencë për media, këshilltari Berat Murati deklaroi se ky aktvendim përbën një goditje të qëllimshme ndaj identitetit shqiptar dhe dinjitetit të tetovarëve.

“Kërkuam seancë urgjente në lidhje me aktvendimin e Gjykatës Kushtetuese, që nuk është vetëm vendim, por një goditje ndaj identitetit shqiptar dhe dinjitetit tonë. Në vitin 2006, BDI e miratoi këtë vendim me votat e të gjithë këshilltarëve nga të gjitha komunitetet dhe sipas parimit të Badinterit. Sot kërkojmë që ky vendim të rimiratohet sërish. Tetova nuk guxon të kthehet prapa, duhet të mbrohet historia jonë”, tha Murati.

Murati shtoi gjithashtu se, nëse BDI merr ndonjë vendim për protesta kundër Gjykatës Kushtetuese, të gjithë këshilltarët e koalicionit do ta mbështesin.

The post Opozita në Këshillin e Tetovës kërkon mbledhje urgjente për emërtimet e rrugëve, vendimi i Kushtetueses cilësohet goditje për identitetin shqiptar appeared first on Albeu.com.

Sipas BDI-së, ky reagim vjen pikërisht në ditën kur shqiptarët, siç thuhet në kumtesë, po përballen me pasojat e vendimit të Gjykatës Kushtetuese, e cila shfuqizoi emërtimet e rrugëve me përmbajtje dhe simbolikë shqiptare në Tetovë.

“Në ditën kur shqiptarët po përballen me pasojat e vendimit të Gjykatës Kushtetuese që shfuqizoi emërtimet e rrugëve me përmbajtje dhe simbolikë shqiptare në Tetovë, eksponentët e VLEN-it vazhdojnë të merren me BDI-në, duke përsëritur akuza të shteruara”, thuhet në reagim.

Partia opozitare vlerëson se përfaqësuesit e VLEN-it duhet të japin sqarime për zhvillimet e fundit në Tetovë, në vend që, sipas saj, të vijojnë me akuza ndaj opozitës.

“Në vend që të japin llogari se si u lejua rikthimi i emrave të periudhës jugosllave dhe zhbërja e një pjese të identitetit historik shqiptar në Tetovë, ata vazhdojnë të kërkojnë fajtorë aty ku nuk janë. Kjo është dëshmi e mungesës së vizionit, guximit dhe përgjegjësisë politike”, vlerëson partia.

Në reagimin e saj, BDI i referohet edhe raportit më të fundit të Parlamentit Evropian për Maqedoninë e Veriut, duke nënvizuar se institucionet evropiane kanë shprehur shqetësim për ndikimin e konceptit të ashtuquajtur “Botë Serbe”.

“Ironia është se ndërsa VLEN nuk sheh asgjë problematike në drejtimin që po merr shteti, Parlamenti Evropian në raportin e tij më të fundit ka ritheksuar shqetësimet për ndikimin e konceptit të ashtuquajtur ‘Botë Serbe’ në Maqedoninë e Veriut dhe në rajon. Institucionet evropiane e shohin rrezikun, e identifikojnë dhe e adresojnë atë publikisht. Por VLEN jo”, thuhet në kumtesë.

BDI rendit gjithashtu disa çështje për të cilat, sipas saj, VLEN ka zgjedhur të mos reagojë.

“VLEN nuk e pa problem sjelljen në qeveri të eksponentëve që promovojnë narrativat e ‘Botës Serbe’. Nuk e pa problem depërtimin e ndikimeve politike dhe ekonomike që burojnë nga ky koncept. Nuk e pa problem sulmin ndaj Balancuesit. Nuk e pa problem relativizimin e mekanizmit të Badenterit. Nuk e pa problem përpjekjet për dobësimin e pozitës së gjuhës shqipe. Nuk e pa problem as vendimin që sot po kthen në Tetovë emra dhe simbole të një periudhe që shqiptarët e kanë tejkaluar historikisht”, thekson BDI.

Në fund të reagimit, partia shprehet se do të vijojë të mbrojë të drejtat e shqiptarëve dhe frymën e Marrëveshjes së Ohrit.

“Parlamenti Evropian e sheh. Shqiptarët e shohin. Opinioni publik e sheh. Vetëm VLEN nuk e sheh. Dhe arsyeja është e qartë. Ata janë verbuar nga dy gjëra: nga jugonostalgjia e tyre dhe nga obsesioni i tyre me BDI-në”, thuhet në reagim.

BDI shton se “do të vazhdojë të mbrojë të drejtat e fituara të shqiptarëve, identitetin kombëtar dhe frymën e Marrëveshjes së Ohrit, pavarësisht përpjekjeve të atyre që sot heshtin përballë kthimit të simboleve të së kaluarës dhe sulmeve ndaj arritjeve historike të shqiptarëve”.

The post BDI: Raporti i Parlamentit Evropian sinjalizon ndikimin e “Botës Serbe” në Maqedoninë e Veriut, ndërsa VLEN po hesht appeared first on Albeu.com.