During his speech, the head of state said the event was being held at a time when citizens are publicly expressing their concerns and expectations peacefully.

Begaj stressed that, in keeping with the constitutional position and neutrality of the President, the right to express oneself and to take part in public life is a value protected by the Constitution.

According to him, this right must be exercised in accordance with the Constitution and the laws of the country.

The President underlined that the consolidation of democracy and the country’s sustainable development rest on the shared commitment of citizens and institutions to act in line with the Constitution, the national interest, and the public interest.

“The constitutional framework, together with the rules of the rule of law and democracy, constitute the main guarantee for the proper functioning of society,” Begaj said.

The head of state added that he remains committed to defending the Constitution, the fundamental rights and freedoms of citizens, as well as fostering a climate of cooperation and dialogue that serves the national interest, the country’s European future, and its Euro-Atlantic values.

In the rest of his speech, Begaj praised the Tirana Prefecture as an institution that, since 1926, has served as a bridge between central government and local communities, ensuring stability, order, and development.

He said the 100th anniversary of this institution is a moment for reflection on the role of public administration and the need to improve the quality of service to citizens.

The post President Begaj’s message on the protests: The right to express oneself is constitutional. Civic engagement and respect for the law go hand in hand appeared first on Albeu.com.

Gjatë fjalës së tij, kreu i shtetit u shpreh se aktiviteti zhvillohet në një moment kur qytetarët po shprehin publikisht shqetësimet dhe pritshmëritë e tyre në mënyrë paqësore.

Begaj theksoi se, në respekt të pozicionit dhe neutralitetit kushtetues të Presidentit, e drejta për t’u shprehur dhe për të marrë pjesë në jetën publike është një vlerë e mbrojtur nga Kushtetuta.

Sipas tij, kjo e drejtë duhet të ushtrohet në pajtim me Kushtetutën dhe ligjet e vendit.

Presidenti nënvizoi se konsolidimi i demokracisë dhe zhvillimi i qëndrueshëm i vendit mbështeten te angazhimi i përbashkët i qytetarëve dhe institucioneve për të vepruar në përputhje me Kushtetutën, interesin kombëtar dhe atë publik.

“Korniza kushtetuese, së bashku me rregullat e shtetit ligjor dhe demokracisë, përbëjnë garancinë kryesore për funksionimin e drejtë të shoqërisë”, u shpreh Begaj.

Kreu i shtetit shtoi se mbetet i përkushtuar në mbrojtje të Kushtetutës, të të drejtave dhe lirive themelore të qytetarëve, si dhe në nxitjen e një klime bashkëpunimi dhe dialogu që i shërben interesit kombëtar, të ardhmes europiane dhe vlerave euroatlantike të vendit.

Në pjesën tjetër të fjalës, Begaj vlerësoi Prefekturën e Tiranës si një institucion që prej vitit 1926 ka shërbyer si urë lidhëse mes qeverisjes qendrore dhe komuniteteve vendore, duke garantuar stabilitet, rend dhe zhvillim.

Ai tha se 100-vjetori i këtij institucioni është një moment reflektimi për rolin e administratës publike dhe nevojën për rritjen e cilësisë së shërbimit ndaj qytetarëve.

The post Presidenti Begaj mesazh për protestat: E drejta për t’u shprehur është kushtetuese. Angazhimi qytetar dhe respekti për ligjin ecin së bashku appeared first on Albeu.com.

Kreu i shtetit shkruan se liria e Kosovës erdhi falë sakrificës së mijëra burrave dhe grave, luftës së UÇK-së dhe vendosmërisë së aleatëve strategjikë.

“Urime Ditën e Çlirimit, Kosovë! Liria e Kosovës erdhi në sajë të sakrificës sublime të mijëra burrave dhe grave, luftës heroike të Ushtrisë Çlirimtare të Kosovës dhe vendosmërisë së aleatëve tanë strategjikë”, shkruan Begaj.

Presidenti shprehu falenderim të veçantë për NATO-n, duke theksuar rolin e saj në një nga momentet më vendimtare të historisë së Kosovës.

“Faleminderit NATO-s që qëndroi në anën e drejtësisë, lirisë dhe dinjitetit njerëzor në një nga momentet më vendimtare të historisë së kombit tonë”, vijon reagimi.

Begaj shprehu gjithashtu, mirënjohje për luftëtarët e Ushtrisë Çlirimtare të Kosovës, dëshmorët dhe të gjithë ata që kontribuuan për lirinë e vendit.

“Lavdi të përjetshme dëshmorëve të lirisë”, shkruan Presidenti Begaj.

The post Presidenti Begaj uron Kosovën për Ditën e Çlirimit: Mirënjohje për UÇK-në dhe NATO-n appeared first on Albeu.com.

Begaj përgëzoi qytetarët e Kosovës për zhvillimin e një procesi zgjedhor të qetë, të rregullt dhe demokratik. Sipas tij, zgjedhjet dëshmuan edhe një herë forcën e institucioneve dhe kulturën demokratike të shtetit të Kosovës.

“Urime Albin Kurti për rezultatin e arritur në zgjedhjet parlamentare në Republikën e Kosovës”, shkruan Begaj.

Presidenti theksoi se në këtë fazë, është e rëndësishme që të gjitha forcat politike në Kosovë të angazhohen me përgjegjësi dhe frymë konstruktive.

Ai nënvizoi nevojën për dialog dhe kompromis institucional, në funksion të stabilitetit, zhvillimit të mëtejshëm të vendit dhe përmbushjes së aspiratave të qytetarëve të Kosovës.

“Në këtë fazë, është me rëndësi që të gjitha forcat politike të angazhohen me përgjegjësi dhe frymë konstruktive për të garantuar dialogun dhe kompromisin institucional, në funksion të stabilitetit, zhvillimit të mëtejshëm të vendit dhe përmbushjes së aspiratave të qytetarëve të Kosovës”, shprehet Begaj.

Po ashtu, Presidenti i Republikës, theksoi se Shqipëria do të vijojë ta mbështesë Kosovën në rrugëtimin e saj euroatlantik dhe europian.

“Shqipëria do të vijojë të mbështesë Kosovën në çdo hap të rrugëtimit të saj euroatlantik dhe europian”, shkruan kreu i shtetit.

The post Zgjedhjet në Kosovë/ Presidenti Begaj uron Kurtin: Me rëndësi që forcat politike të angazhohen për të garantuar dialogun institucional appeared first on Albeu.com.

Pas takimit, Begaj vlerësoi marrëdhëniet mes Shqipërisë dhe Lituanisë, duke theksuar se ato bazohen në besim reciprok, respekt të ndërsjellë dhe vlera euroatlantike.

Ai tha se të dy vendet rikonfirmuan angazhimin për forcimin e dialogut politik dhe zgjerimin e bashkëpunimit në fusha me interes të përbashkët.

Integrimi evropian i Shqipërisë, ishte një nga temat kryesore të diskutimit. Presidenti Begaj, falenderoi Lituaninë për mbështetjen e vazhdueshme ndaj procesit të anëtarësimit të Shqipërisë në Bashkimin Evropian dhe vlerësoi qëndrimin e saj në favor të zgjerimit të BE-së dhe perspektivës evropiane të Ballkanit Perëndimor.

Ai u shpreh se Shqipëria ka hyrë në një fazë të rëndësishme të procesit të integrimit dhe do të vijojë me reformat e nevojshme, për të avancuar drejt anëtarësimit të plotë në Bashkimin Evropian.

Begaj tha se gjatë presidencës lituaneze të Këshillit të Bashkimit Evropian në gjysmën e parë të vitit 2027, zgjerimi pritet të mbetet një prioritet i rëndësishëm në agjendën evropiane.

Dy presidentët diskutuan gjithashtu, mundësitë për forcimin e bashkëpunimit ekonomik. Sipas Begajt, ekziston potencial për të zgjeruar marrëdhëniet në sektorët e teknologjisë dhe digjitalizimit, energjisë, turizmit, bujqësisë, industrisë agro-përpunuese dhe inovacionit.

Presidenti shqiptar vuri në dukje se numri i turistëve nga Lituania që vizitojnë Shqipërinë, është në rritje dhe mirëpriti iniciativa që afron më tej qytetarët dhe bizneset e dy vendeve.

Në fushën e sigurisë, Begaj theksoi se Shqipëria dhe Lituania, si vende aleate në NATO, ndajnë të njëjtin vizion për sigurinë euroatlantike.

Ai vlerësoi kontributin e Lituanisë në forcimin e sigurisë evropiane dhe ritheksoi angazhimin e Shqipërisë për të kontribuar në përpjekjet e përbashkëta të Aleancës, përfshirë rritjen e buxhetit të mbrojtjes sipas dakordësisë së Samitit të Hagës.

Begaj rikonfirmoi gjithashtu mbështetjen e Shqipërisë për Ukrainën, sovranitetin dhe pavarësinë e saj, duke theksuar se siguria e Evropës kërkon një përgjigje të bashkuar ndaj kërcënimeve ndaj vlerave demokratike.

Në bisedime u trajtuan edhe zhvillimet në Ballkanin Perëndimor. Presidenti shqiptar vlerësoi mbështetjen e Lituanisë për procesin e zgjerimit të BE-së në rajon dhe ritheksoi rëndësinë e integrimit euroatlantik të Kosovës.

Ai falënderoi Presidentin Nausėda për mbështetjen që Lituania i ka dhënë Kosovës, përfshirë kontributin në KFOR dhe votën pro anëtarësimit të saj në Këshillin e Evropës, duke kërkuar që kjo mbështetje të vijojë edhe në të ardhmen.

Në përfundim, Begaj u shpreh se vizita e Presidentit Nausėda do t’i japë një shtysë të re marrëdhënieve mes dy vendeve dhe do të krijojë mundësi të reja bashkëpunimi në interes të qytetarëve dhe të ardhmes evropiane të tyre.

The post Presidenti Begaj pret homologun lituanez në Tiranë: Mbështetje për integrimin e Shqipërisë dhe Kosovës në strukturat euroatlantike appeared first on Albeu.com.

Në reagimin e tij, Begaj ka shprehur ngushëllime për humbjen tragjike të policit Enea Mekolli në krye të detyrës, si dhe plagosjen e rëndë të kolegut të tij, Edison Adri.

Reagimi i Begajt:

“Bashkohem thellësisht më dhembjen për humbjen tragjike të jetës në krye të detyrës të policit Enea Mekolli dhe plagosjen rëndë të kolegut të tij, Edison Adri.

I shpreh familjes ngushëllimet dhe solidaritetin më të lartë në emër të shtetit shqiptar në këtë ditë mjaft të rëndë për ta!
I uroj shërim të plotë dhe sa më të shpejtë punonjësit të Policisë së Shtetit, i cili mbeti i plagosur!

Policia e Shtetit nuk do të zbrapset nga kjo humbje e do ta kthejë dhembjen në forcë e vendosmëri për të luftuar krimin në çdo skutë.

Populli shqiptar është masivisht përkrah policisë në mbrojtje të sigurisë dhe rendit publik”, shkruan Begaj.

The post Vrasja e efektivit të “Shqiponjave” në Maliq, reagon Begaj: Ngushëllime familjes, solidaritet në emër të shtetit shqiptar appeared first on Albeu.com.

Të ftuarit e veçantë të këtij viti,  ishin fëmijët e grave që shërbejnë në Forcat e Armatosura të Republikës së Shqipërisë.

Në fjalën përshëndetëse, Presidenti Begaj, vlerësoi sakrificën dhe përkushtimin e grave në uniformë, ndërsa uroi fëmijët e pranishëm në këtë ceremoni festive.

Kreu i Shtetit i cilësoi gratë që shërbejnë në Forcat e Armatosura si krenari kombëtare, që përfaqësojnë denjësisht Shqipërinë kudo dhe kurdoherë që vendi ka nevojë, duke ngritur lart flamurin shqiptar.

Presidenti ftoi fëmijët të gëzojnë, të luajnë dhe të bëjnë sa më shumë miq.

“Të dashur fëmijë, sot mendoj që lojërat do t’ju bëjnë më shumë miq me njëri-tjetrin, sepse kështu duhet të jetë jeta, e ndërtuar me miqësi dhe dashuri. Shumë faleminderit dhe gëzuar 1 Qershorin”, u shpreh Presidenti Begaj.

Edhe Zonja e Parë, Armanda Begaj, uroi fëmijët për festën e 1 Qershorit, ndërsa vlerësoi figurën e grave që shërbejnë në uniformë.

“Të luajmë së bashku me ju është gjithnjë kënaqësi, por fillimisht doja të ftoja fëmijët të duartrokasin për ato nëna që bëjnë krenare jo vetëm fëmijët e tyre, por të gjithë ne, nënat që shërbejnë me shumë përkushtim në ushtri. Faleminderit që keni ardhur dhe gëzuar festën”, u shpreh Zonja Begaj.

Fëmijët e pranishëm lëshuan tullumbace në qiell, si simbolikë e ëndrrave dhe dëshirave të tyre.

Më pas aktiviteti vijoi me një program artistik, ku performuan artistë të vegjël nga Durrësi. Pjesë e festës ishte edhe një shfaqje nga Teatri i Kukullave, me artisten Shegushe Bebeti, e cila ka frymëzuar breza me radhë me artin e saj.

Ekipi i Cirkut Kombëtar i dhuroi festës atmosferë dhe magji përmes interpretimeve të tij, ndërsa fëmijët u përfshinë në lojëra popullore, gara artistike dhe aktivitete sportive në natyrë.

Aktiviteti i 1 Qershorit në Presidencë u zhvillua si një festë kushtuar fëmijëve, por edhe si një vlerësim për nënat që shërbejnë në Forcat e Armatosura.

The post Presidenti Begaj dhe Zonja e Parë presin fëmijët e grave ushtarake për 1 Qershorin appeared first on Albeu.com.

Në mesazhin e tij drejtuar besimtarëve myslimanë, Kreu i Shtetit uroi më shumë begati, shëndet dhe harmoni për familjet shqiptare.

“Kurban Bajrami është kujtesë për sakrificën, përkushtimin ndaj Zotit, solidaritetin me njëri-tjetrin dhe kujdesin për ata që kanë më shumë nevojë. Shoqëria bëhet më e fortë kur njerëzit ndajnë jo vetëm gëzimin, por edhe dhembjen dhe përgjegjësinë për tjetrin”, u shpreh Begaj në mesazhin e tij.

Ai theksoi gjithashtu se ndodhet në qytetin e shenjtë të Mekës, ku miliona besimtarë nga e gjithë bota bashkohen në lutje, përulësi dhe paqe, me ftesë të Mbretit Salman bin Abdulaziz Al Saud.

Bajram Begaj: Të dashur besimtarë myslimanë,

Nga Meka, qyteti i shenjtë i besimit dhe paqes, në këtë ditë të shënuar të Kurban Bajramit, ju përcjell urimet më të përzemërta për më shumë begati, shëndet, harmoni dhe mirësi në familjet tuaja!

Kurban Bajrami është kujtesë për sakrificën, përkushtimin ndaj Zotit, solidaritetin me njëri-tjetrin dhe kujdesin për ata që kanë më shumë nevojë. Shoqëria bëhet më e fortë kur njerëzit ndajnë jo vetëm gëzimin, por edhe dhembjen dhe përgjegjësinë për tjetrin.

Festa si Kurban Bajrami na rikujtojnë vlerat që i kemi mbajtur gjallë ndër shekuj: besimin, familjen, mikpritjen dhe respektin për njëri-tjetrin.

Jam veçanërisht i nderuar që këtë festë ta pres në Mbretërinë e Arabisë Saudite me ftesë të Mbretit Salman bin Abdulaziz Al Saud, në vendin ku miliona besimtarë nga e gjithë bota bashkohen në lutje, përulësi dhe paqe.

Gëzuar Kurban Bajramin!

Zoti sjelltë paqe, mirësi dhe begati në çdo vatër shqiptare!

The post Presidenti Begaj u uron besimtarëve myslimanë Kurban Bajramin nga Meka: Kujtesë për sakrificë dhe kujdes për ata që kanë nevojë! appeared first on Albeu.com.

Takimi mes Kreut të Shtetit dhe Atit të Shenjtë u zhvillua në një atmosferë të përzemërt, ndërsa në qendër të bisedës ishin marrëdhëniet shumë të mira mes Shqipërisë dhe Selisë së Shenjtë, procesi i anëtarësimit të vendit në Bashkimin Evropian, si edhe roli i Shqipërisë në ruajtjen e paqes dhe stabilitetit në rajon.

Gjatë takimit, një vëmendje e veçantë iu kushtua besimit dhe historisë së persekutimit të klerikëve dhe besimtarëve të krishterë gjatë periudhës së komunizmit në Shqipëri.

Gjithashtu, Presidenti Begaj, theksoi se Shqipëria ka vuajtur rëndë nga ndalimi i besimit gjatë regjimit komunist, duke nënvizuar se shqiptarët, edhe në periudhat më të vështira, e kanë ruajtur besimin në Zot dhe e kanë ushtruar atë me qëndresë, deri në martirizim.

“Shqipëria ka vuajtur në mënyrë të tmerrshme nga ndalimi i besimit gjatë regjimit komunist”, u shpreh Presidenti Begaj.

Kreu i Shtetit i përcolli Papa Leones XIV ftesën për të zhvilluar një vizitë në Shqipëri, duke theksuar rëndësinë e veçantë që një vizitë e tillë do të kishte për vendin.

Gjatë qëndrimit në Vatikan, Presidenti Begaj, zhvilloi edhe një takim me Kardinalin Pietro Parolin, Sekretar i Shtetit të Vatikanit.

Në këtë takim u diskutua për zhvillimet ndërkombëtare, me fokus të veçantë rajonin e Ballkanit Perëndimor dhe procesin e integrimit evropian të Shqipërisë.

Pjesë e bisedës ishte edhe Kosova, si edhe rëndësia e zgjidhjes së çështjeve të hapura në rajon përmes dialogut dhe bashkëpunimit. Në takim u theksua gjithashtu rëndësia e integrimit në Bashkimin Evropian të të gjithë rajonit të Ballkanit Perëndimor.

The post Presidenti Begaj pritet nga Papa Leone XIV në Vatikan, fton Atin e Shenjtë për vizitë në Shqipëri appeared first on Albeu.com.

Gjatë takimit tête-à-tête dhe më pas në takimin mes delegacioneve, dy presidentët diskutuan mbi procesin e integrimit të Shqipërisë në Bashkimin Europian, sfidat e sigurisë si vende aleate në NATO, si edhe bashkëpunimin ekonomik mes dy vendeve.

Në konferencën e përbashkët për mediat, Presidenti Begaj vlerësoi mbështetjen e vazhdueshme të Sllovakisë për anëtarësimin e Shqipërisë në European Union, duke e cilësuar shtetin sllovak një partner dhe aleat të rëndësishëm në rrugëtimin europian të vendit.

Kreu i Shtetit deklaroi se Shqipëria ka hapur të gjithë grupkapitujt brenda një viti, duke e cilësuar këtë një ritëm rekord në procesin e negociatave, ndërsa objektivi mbetet mbyllja e tyre në vitin 2027 dhe anëtarësimi i plotë në Bashkimin Europian në vitin 2030.

“Shqipëria ka hapur për një vit të gjithë grupkapitujt, një kohë rekord, dhe synon mbylljen e tyre në vitin 2027 dhe për t’u bërë pjesë e Bashkimit Evropian si anëtare në vitin 2030”, u shpreh Presidenti Begaj, duke falënderuar Presidentin, qeverinë dhe shtetin sllovak për mbështetjen ndaj Shqipërisë në procesin e integrimit europian.

Presidenti vlerësoi gjithashtu rolin e Sllovakisë si një nga mbështetëset më aktive të Shqipërisë në procesin e anëtarësimit, duke theksuar se vendi ka ndihmuar me ekspertizë dhe mbështetje konkrete në reformat institucionale.

Dy presidentët konfirmuan vullnetin për forcimin e bashkëpunimit në fusha me interes të përbashkët si energjia, turizmi, bujqësia, shëndetësia, energjia e rinovueshme dhe tranzicioni i gjelbër. Ata theksuan nevojën për institucionalizimin e mëtejshëm të bashkëpunimit përmes marrëveshjeve ekzistuese dhe krijimit të instrumenteve të reja të partneritetit.

Në këtë kuadër, hapja e linjave direkte të fluturimit Tiranë – Bratislavë u konsiderua si një zhvillim që pritet të afrojë më tej dy popujt dhe të forcojë lidhjet mes tyre.

Sa i takon rajonit, Presidenti Begaj nënvizoi se stabiliteti i Ballkanit Perëndimor mbetet thelbësor për sigurinë e Europës dhe se integrimi europian i rajonit duhet të mbetet prioritet strategjik për Bashkimin Europian.

Duke falënderuar Sllovakinë për pjesëmarrjen me trupa në KFOR, Kreu i Shtetit shprehu besimin për një rivlerësim të qëndrimit të saj ndaj Kosovo, të paktën në mosbllokimin e rrugëtimit të Kosovës drejt organizatave ndërkombëtare.

Gjatë qëndrimit në Bratislava, Presidenti Begaj zhvilloi takime edhe me Kryeministrin Robert Fico dhe me Kryetarin e Këshillit Kombëtar të Republikës Sllovake, Richard Raši, prej të cilëve mori mbështetje për anëtarësimin e Shqipërisë në Bashkimin Europian.

Presidenti Begaj nderoi gjithashtu viktimat e komunizmit në memorialin “Porta e Lirisë”, kushtuar personave që humbën jetën duke tentuar të kalonin “Perden e Hekurt” të ish-Çekosllovakisë.

The post Presidenti Begaj pritet nga homologu sllovak Pellegrini në Bratislavë: Shqipëria synon mbylljen e negociatave në 2027 dhe anëtarësimin në BE në 2030 appeared first on Albeu.com.