Ekziston mundësia që një skuadër e cila e mbyll fazën në grupe në vendin e katërt, të kualifikohet në vend të skuadrës që e mbyll grupin në vendin e tretë. Kjo, pasi FIFA ka vendosur që në rast pikësh të barabarta, të mos marrë parasysh golavarazhin e përgjithshëm në grup, por bilancin direkt mes skuadrave.

Në Grupin D, kjo krijon një paradoks të madh. Në ndeshjet e fundit, Turqia luan ndaj SHBA dhe Paraguai ndaj Australisë. Nëse Turqia dhe Australia fitojnë ndeshjet përkatëse, Turqia do të ishte e treta në grup me 3 pikë dhe një golavarazh të përgjithshëm më të mirë se Paraguai.

Por për shkak të ndeshjeve direkte, Paraguai do të ishte ekipi që do të merrte vendin e tretë në klasifikim me një shans për të vazhduar më tej, në dëm të Turqisë, edhe pse kjo e fundit në teori do të kishte më shumë mundësi me një golavarazh të përgjithshëm që merret parasysh në renditjen e vendeve të treta.

Sipas ekspertëve, kjo do të krijojë një situatë ku në të ardhmen skuadrat e vogla do të përqendrohen vetëm në një ndeshje të veçantë në grup, pasi ajo mund t’u sigurojë kalimin në fazën tjetër të turneut.

The post Rregullorja e FIFA-s për Botërorin bën gjithçka lëmsh, vendi i katërt mund të kualifikohet në fazën tjetër appeared first on Albeu.com.

Pavarësisht vapës së madhe prej 30 gradësh, të dyja skuadrat e nisën ndeshjen në sulm, duke dhuruar emocione të forta.

Ky barazim bën që Belgjika të ketë humbur vetëm një nga 16 ndeshjet e fundit në fazën e grupeve të Kupës së Botës (8 fitore, 7 barazime). Ndërkohë, edhe pse Egjipti nuk arriti të regjistronte ndeshjen e pestë pa pësuar gol në gjashtë takimet e fundit, kjo paraqitje jep arsye për optimizëm për një nga përfaqësueset më të forta të futbollit afrikan.

Goli i Ashur në minutën e 19-të dhe autogoli i Hanit në minutën e 66-të vulosën këtë përballje.

AUTOGOLI I HANIT: VIDEO 

GOLI I ASHUR: VIDEO 

The post VIDEO/ Belgjika dhe Egjipti ndajnë pikët appeared first on Albeu.com.

E gjitha ndodhi gjatë transferimit të ekipit nga ‘Palm Beach’, në Florida, drejt Kansas, ku Anglia ka vendosur bazën e saj për zhvillimin e turneut. Lajmi u raportua nga mediat britanike BBC dhe Sky News, ndërsa më pas u konfirmua edhe nga Federata Angleze e Futbollit, e cila nuk dha shumë detaje për të mos penguar hetimet.

Si ndodhi grabitja?

Sipas informacioneve të para, furgonët që transportonin pajisjet e skuadrës drejt kompleksit sportiv “Swope Soccer Village” në Kansas City janë hapur me forcë, menjëherë pas mbërritjes në qytet. Nga grabitja rezultojnë të mungojnë qindra topa stërvitorë, uniforma të stërvitjes, pajisje mjekësore dhe disa mjete teknologjike të përdorura nga trajneri Tuhel dhe stafi i tij. Mes sendeve të vjedhura raportohet se ndodhen edhe këpucë futbolli të personalizuara të lojtarëve, përfshirë ato të Herri Kejn dhe Xhud Bellingam.

Gjithashtu, ka dyshime se mund të jenë zhdukur edhe disa uniforma zyrtare të ndeshjes, megjithëse ky detaj ende nuk është konfirmuar. Pas incidentit, drejtuesit e Federatës Angleze të Futbollit kontaktuan furnizuesit zyrtarë për të siguruar zëvendësimin sa më të shpejtë të materialeve të humbura, me qëllim që përgatitjet e ekipit të mos ndërpriten dhe stërvitjet të zhvillohen sipas programit. zbardhjen e plotë të ngjarjes.

Në një deklaratë për mediat, autoritetet konfirmuan se po hetojnë vjedhjen e një automjeti transportues të skuadrës dhe humbjen e disa pajisjeve. policia bëri të ditur se dy persona janë ndaluar dhe po merren në peyote në lidhje me rastin, ndërsa hetimet vazhdojnë për të përcaktuar përgjegjësit dhe për të rikuperuar materialet e vjedhura.

Si u kthyen pajisjet e vjedhura

Anglisë i janë kthyer shumica e pajisjeve stërvitore të cilat iu vodhën të shtunën, para arritjes në Kansas City të shtunen. Burimet e BBC-së kanë konfirmuar se janë kthyer pajisjet e vjedhura nga automjeti që i transferonte ato në kampin bazë në Kansas City. Atletet ishin prej gjërave të vjedhura, por nuk ishin ato më të mirat. Asgjë që mund të ndikojë në ndeshje nuk është vjedhur, ka shkruar BBC-ja. Zyrtarët policorë kanë njoftuar se kanë arrestuar dy persona që lidhen me këtë incident. /PANORAMASPORT.AL

The post Anglia tronditet para debutimit në Kupën e Botës, ja çfarë ndodhi në kombëtaren e Tuhel appeared first on Albeu.com.

Ai e kualifikoi këtë kombëtare, por në shkurt të këtij viti dha dorëheqjen për shkak të vajzës së tij të sëmurë pasi i duhej të kujdesej për të. Por në maj pasi gjendja e saj u përmirësua , lojtarët dhe Federata iu lutën të rikthehej për këtë turne dhe ai pranoi.

Emocionet janë të papërshkrueshme për 78-vjeçarin duke bërë një arritje kaq të madhe. Madje ata shënuan edhe golin e nderit kundër Gjermanisë.

The post VIDEO/ Emocione të papërshkrueshme dhe histori prekëse! Trajneri i Kuraçaos shpërthen në lot para ndeshjes së parë në Botëror appeared first on Albeu.com.

Skuadra zvicerane dominoi në ndeshje dhe gjeti avantazhin me anë të penalltisë së fituar nga Frojler (penalltia e akorduar në favor të Zvicrës VIDEO) në pjesën e parë të takimit, e transformuar saktësisht nga Embolo (SHIKONI GOLIN).

Sulmuesi ishte ai i cili u vonua t’i bashkohej grumbullimit pasi e kthyen në aeroport meqë kishte probleme me dokumentacionin e udhëtimit për në SHBA.

Por kur dukej se gjithçka po shkonte drejt fitores për Zvicrën që do merrte vendin e parë, një goditje me kokë e Khoukhi në minutat shtesë të ndeshjes, vendosi baraspeshën dhe vulosi barazimin 1-1 që lë gjithçka në ekuilibër në Grupin B të turneut. (SHIKONI GOLIN)

The post VIDEO/ Tronditet Zvicra, Katari i bën surprizën në shtesë, 1-1 appeared first on Albeu.com.

Siç shihet, edhe këtë të premte, që është dita e dytë e kompeticionit më të ndjekur futbollistik, njerëzit kanë zgjedhur sheshin.

Fillimisht u mendua që nisja e eventit madhor do merrte vëmendjen e njerëzve, por nuk ndodhi kështu, pasi në Shqipëri, numri i atyre që zgjedhin të protestojnë është i lartë.

The post Protestuesit sfidojnë Botërorin, rrugët e Tiranës plot me qytetarë që marshojnë me thirrjet: Rama, jep dorëheqjen! appeared first on Albeu.com.

Kupa e Botës 2026 nuk do të mbledhë vetëm futbollistët më të mirë të planetit, por edhe disa nga sportistët më të pasur në histori. Në listën e yjeve me pasurinë më të madhe spikat Cristiano Ronaldo, i cili vazhdon të dominojë jo vetëm në fushë, por edhe në aspektin financiar.

Portugezi kryeson renditjen me një pasuri të vlerësuar në rreth 1.2 miliardë euro, duke qenë futbollisti i vetëm në turne që ka arritur këtë shifër marramendëse. Menjëherë pas tij vjen rivali i përhershëm, Lionel Messi, me 868 milionë euro pasuri.

Vendin e tretë e mban Neymar, me 391 milionë euro, ndërsa në pozitën e katërt renditet Kylian Mbappe. Sulmuesi francez, i cili konsiderohet një nga figurat kryesore të futbollit modern, ka një pasuri të vlerësuar në 218 milionë euro.

Në pesëshen e parë gjendet edhe Harry Kane me 129 milionë euro, ndërsa Mohamed Salah renditet i gjashti me 122 milionë euro. Të dy vazhdojnë të jenë ndër emrat më të rëndësishëm të futbollit botëror dhe ndër lojtarët më të paguar të brezit të tyre.

Lista vazhdon me Son Heung-min, i cili ka grumbulluar 87 milionë euro, ndërsa Riyad Mahrez renditet i teti me 74 milionë euro. Sulmuesi algjerian mbetet një nga futbollistët afrikanë më të suksesshëm financiarisht.

Befasi për shumë tifozë mund të jetë pozita e Erling Haalandit. Ylli norvegjez, pavarësisht statusit si një nga futbollistët më të mirë në botë, renditet i nënti me 69 milionë euro pasuri, kryesisht për shkak të moshës së re krahasuar me rivalët e tij në listë.

Top 10-shen e mbyll James Rodriguez. Kolumbiani, i cili vazhdon të jetë një emër i njohur në futbollin ndërkombëtar, ka një pasuri të vlerësuar po ashtu në 69 milionë euro.

Renditja dëshmon se Kupën e Botës 2026 nuk do ta karakterizojë vetëm lufta për trofeun më të madh në futboll, por edhe prania e disa prej sportistëve më të pasur dhe më të famshëm të globit. /Telegrafi/

The post Ronaldo në krye, Messi i dyti – njihuni me 10 futbollistët më të pasur që do të luajnë në Kupën e Botës 2026 appeared first on Albeu.com.

Lamine Yamal dhe Kylian Mbappé, Gianni Infantino dhe Donald Trump. Mirë se erdhët në spektaklin më të madh, pas Big Bang. Para dhe fuqi, fuqi dhe para. Starton nesër Kupa e Botës më e pasur se kurrë më parë.

Sigurisht, do të jetë Botërori i parë me 48 skuadra, në emër të globalizmit. Jo vetëm kaq. Industria e topit, e aftë të rezistojë edhe ndaj një pandemie, është në rritje të vazhdueshme. Më shumë publik, më shumë sponsorë, më shumë investitorë.

Është Kupa e Botës e organizuar nga SHBA-të, pra e ekonomisë që mes krizës së naftës dhe kërcënimit kinez, vazhdon të diktojë planetin, me Kanadanë dhe Meksikën në krah. E dini se sa është vlera e merkatos së 1248 lojtarëve në listat e 48 kombëtareve pjesëmarrëse? Plot 13 miliardë euro, sipas Football Benchmark dhe Transfermarkt.

Vlera e 10 skuadrave të para është rritur me 1 miliard në krahasim me edicionin 2022. Yjet e futbollit global, me talentin e tyre dhe ndjekjen e amplifikuar nga ‘new media’ që thyejnë çdo barrierë, janë aset shumë i çmuar, të aftë të shkëlqejnë edhe më shumë.

Shikoni Lamine Yamal: në moshën 18-vjeçare ka fituar si protagonist një Europian me Spanjën dhe 2 tituj kampion me Barcelonën. Videot e tij prej ‘teenager’-i çmendin rrjetet sociale. Në TikTok ka më shumë ndjekës se të gjithë (44 milionë).

Është futbolli i ri në shprehjen më të qartë dhe vlera e tij teorike e merkatos tashmë ka shkuar në 292 milionë për Football Benchmark. Gati dyfishi i një vitit më parë, kur klubi katalanas e blindoi deri në 2031-shin me një klauzolë 1 milard euro.

Pas tij është Mbappe, alter ego në ‘Clásico’. Sulmuesi i Real Madrid vlen 221 milionë dhe udhëheq Francën në vend të parë mes kombëtareve, me 1.6 miliardë, përpara Spanjës (1.5 miliardë). Kohë më parë protagonistë të ‘Clásico’ ishin Lionel Messi dhe Cristiano Ronaldo, tani në Botërorin e fundit, i destinuar për ndërrimin e një stafete gjeneratash.

Nëse futbolli në këtë shekull është transformuar në një biznes pa kufij gjeografikë, merita është edhe e tyre. Pasi bënë të madhe Europën e ‘top club’-ev, shkuan në kërkim të territoreve të reja, në linjë perfekte me shënjestrat ekspansionistike të këtij sporti, mes Amerikës dhe Lindjes së Mesme. Paraja ka shkuar në të njëjtin hap me një polarizim gjithmonë e më të markuar.

Pesë kombëtaret me vlerën më të lartë (Franca, Spanja, Anglia, Gjermania dhe Portugalia) bëjnë bashkë 6.5 miliardë euro dhe përfaqësojnë gjysmën e vlerës totale të 48 pjesëmarrësve. Pesë lojtarët e parë (Lamine Yamal, Mbappe, Haaland, Bellingham dhe Olise) vlejnë vetëm 8% të totalit.

Nga ana tjetër, Botërori është i bukur edhe sepse është i ndryshëm. Jordania dhe Katari vlejnë 19 milionë. Këto vlerësime reflektojnë rritjen konstante të të ardhurave. FIFA, ashtu si UEFA, prej kohësh është protagoniste në luftën mes mbajtësve të të drejtave për pjesën e tregut.

Asnjë event sportiv nuk mund ta kalojë për të ardhura Kupën e Botës në futboll. Edicioni i këtij viti, duke shfrytëzuar formatin ‘extralarge’ dhe vitrinën amerikane, pritet të kapë shifrën e 10 miliardë dollarëve. Olimpiada e Parisit arkëtoi vetëm gjysmën.

The post Botërori më i pasur i të gjitha kohërave, sa vlejnë lojtarët dhe skuadrat që marrin pjesë! appeared first on Albeu.com.

Në Botërorin 2026 ekipet që mund të kenë avantazh në këtë drejtim do të jetë dy. Bëhet fjalë për Bosnje dhe Hercegovinë dhe Norvegjinë. Të dy kombëtaret në fjalë kanë një shtatlartësi mesatare të konsiderueshme, mesatarisht 187,2 centimetra për lojtar. Të dy kombëtaret kanë lënë pas skuadra si ajo e Suedisë (186,2 cm), Belgjikës (185,8 cm) dhe Republikës Çeke (185,7 cm).

Sa u përket fuqive të mëdha të futbollit kryeson Gjermania, e cila renditet e gjashta me mesatare 185,4 cm ndërsa Holanda dhe Franca ndjekin me një mesatare prej 184,9 cm për futbollist.

Anglia mban vendin e 14-të me një mesatare 184,2 cm ndërsa pas tyre renditet Brazili me 182,8 cm. Pesë herë kampionët e botës janë “shkurtuar” me 5 cm krahasuar me kombëtaren që dërguan në Katar 2022.

Spanja gjendet në mesin e tabelës me 181,7 cm, duke mbajtur vetëm vendin e 31-të mes 48 kombëtareve. “La Roja” qëndron pas skuadrave si Maroku, Kanadaja, Koreja e Jugut apo edhe Uzbekistani edhe pse krahasuar me Katar 2022 është rritur me 1 cm në këtë mesatare.

Në Amerikën Latine diferencat mes kombëtareve janë edhe më të dukshme. Brazili ka përfaqësuesen më shtatlartë të kontinentit së bashku me Paraguajin me një mesatare prej 181,6 cm për futbollist. Argjentina gjendet në fundin e këtij klasifikimi “falë” 179,7 cm për futbollist.

Lista

Bosnie dhe Herzegovina 187,2 cm

Norvegjia      187,2 cm

Suedia          186,2 cm

Belgjika        185,8 cm

Re. Çeke        185,7 cm

Gjermania      185,4 cm

Zvicra          185,2 cm

Holanda         184,9 cm

Franca          184,9 cm

Kroacia         184,8 cm

Austria         184,7 cm

Tunizia         184,6 cm

Skocia          184,5 cm

Anglia          184,2 cm

Senegali        184,0 cm

Turqia          183,8 cm

Irani           183,7 cm

Australia      183,6 cm

Zelanda e Re    183,5 cm

SHBA           183,4 cm

Irak            183,2 cm

Bregu Fildishtë      182,9 cm

Brazil          182,8 cm

Algjeri         182,7 cm

Marok           182,7 cm

Gana            182,6 cm

Kanada          182,1 cm

Kore e Jugut    181,9 cm

Kuraçao        181,9 cm

Uzbekistan      181,8 cm

Espanja         181,7 cm

Paraguaji       181,6 cm

Panama          181,6 cm

Portugali       181,5 cm

Haiti           181,4 cm

Japonia         181,3 cm

Kepi i Gjelbërt      181,3 cm

Egjipti         181,2 cm

Rep. D. Kongo   181,0 cm

Ekuador         180,5 cm

Uruguaji        180,5 cm

Jordania        180,4 cm

Kolombia        180,0 cm

Argjentina      179,7 cm

Meksikë         179,5 cm

Katar           179,4 cm

Afrika e Jugut 178,8 cm

Arabia Saudite 178,4 cm

The post Kuriozitete Botërori 2026/ Bosnje dhe Hercegovina dhe Norvegjia kombëtaret më shtatlarta… Spanja “rritet” me 1 cm Brazili humb 5 cm! appeared first on Albeu.com.

Gjithçka për të bërë lojën më të shpejtë dhe më të pastër, sipas tij, duke shtuar dinamikën e asaj që ndodh në fushën e lojës dhe për të zhdukur vonesat.

Në një intervistë të dhënë së fundmi, ai ka shpjeguar shkurtimisht rregullat e reja që do ndeshen shpesh në Botëror.

“Do i tregohet një karton i kuq çdo lojtari që mbulon gojën gjatë një përballjeje me një lojtar tjetër, si dhe çdo lojtari që largohet nga fusha pa leje, ose çdo trajneri që e inkurajon atë ta bëjë këtë. Në rivëniet nga porta, nëse ka një vonesë prej 5 sekondash pas paralajmërimit të gjyqtarit, do të akordohet një goditje nga këndi. E njëjta gjë vlen edhe për rivëniet anësore. Kur ka zëvendësime, një lojtar duhet të largohet nga fusha brenda 10 sekondave, përndryshe zëvendësuesi i tij nuk mund të hyjë në fushë deri një minutë më vonë. Një lojtar i lënduar që kërkon kujdes mjekësor duhet të qëndrojë jashtë fushës për 60 sekonda ndërsa merr trajtim.

VAR-i? Ka disa ndryshime. Kartonët e dytë të verdhë që rezultojnë në një karton të kuq mund të rishikohen nga VAR. Goditjet e qarta nga këndi të dhëna gabimisht gjithashtu mund të rishikohen para se të ekzekutohen. Nuk ka kuptim të akordohet një goditje nga këndi nëse të gjithë mund ta shohin se nuk është një goditje nga këndi. Kjo ndodhi në ndeshjen e Ligës së Kampionëve midis Barçës dhe Atletikos dhe para se të rifillonte loja, të gjithë lojtarët në fushë pranojnë përmbysjen e vendimit. Imagjinoni një ekip që humbet turneun për shkak të një goditjeje nga këndi që nuk ekziston”, tha Kolina.

The post Gjëra që nuk janë parë ndonjëherë, Kolina shpjegon rregulloren e re në Botëror: Imagjinoni të humbësh turneun për një goditje këndi appeared first on Albeu.com.