Para gazetarëve, në takimin e sotëm, Gashi bëri të ditur se në fokus të bisedimeve do të jetë bashkëpunimi parlamentar, duke nënvizuar se deri tani ai nuk ka qenë intensiv. Sa u përket ndryshimeve kushtetuese, ai tha se do të ritheksojë qëndrimet që tashmë janë bërë publike, të cilat sipas tij përfaqësojnë si pozicionin shtetëror, ashtu edhe bindjen e tij personale.

“Duhet të flasim, duhet të ecim përpara, të gjejmë një mënyrë për të qenë së bashku në BE. Mendoj se e ardhmja duhet të na bashkojë, jo e kaluara, kështu që po shkoj me mendim pozitiv dhe dua të marr pjesë në përmirësimin e marrëdhënieve midis dy vendeve tona dhe dy parlamenteve”, tha Gashi.

Duke folur për raportet mes dy kuvendeve, ai theksoi se situata politike në Bullgari dhe zgjedhjet e shpeshta atje kanë pamundësuar deri më tani krijimin e një komunikimi të mirëfilltë dhe të drejtpërdrejtë me parlamentin bullgar.

“Tani po përpiqemi të krijojmë komunikim të mirë me përbërjen e re pas zgjedhjeve parlamentare atje”, tha Gashi.

Në takimin që po mbahet në Sofje tashmë janë të pranishëm dy deputetë, ndërsa Gashi do t’u bashkohet atyre nesër.

Një javë më parë, në kuadër të SEECP-së që u drejtua nga Bullgaria, në takime në Sofje morën pjesë edhe Presidentja Gordana Sijanovska Davkova dhe Ministri i Jashtëm Timcho Mucunski.

The post Gashi udhëton nesër drejt Sofjes për takim me kryeparlamentaren bullgare: Qasjet tona për ndryshimet kushtetuese mbeten të pandryshuara appeared first on Albeu.com.

Sipas saj, autori i krimit ka vepruar pa u penguar dhe ngjarja ka ndodhur në prani të policisë, e cila, siç pretendon ajo, nuk ka ndërmarrë masat e nevojshme.

Ajo shprehu kritika edhe ndaj institucioneve evropiane dhe kërkoi, sipas deklarimeve të saj, një mbrojtje më të fortë për të drejtat e bullgarëve në Maqedoni.

Në fjalimin e saj, Lajkova ritheksoi disa prej pozicioneve të Sofjes në mosmarrëveshjen e kahershme me Shkupin, duke pretenduar se gjuha maqedonase është një “dialekt i bullgarishtes” dhe duke paraqitur qëndrime lidhur me origjinën e popullsisë.

Më tej, ajo vlerësoi se një pjesë e historisë maqedonase është, siç u shpreh ajo, “e falsifikuar”, ndërsa këto pretendime i lidhi me periudhën e komunizmit jugosllav dhe me historianët në Beograd.

Këto deklarata vijnë në një periudhë kur raportet mes Shkupit dhe Sofjes vazhdojnë të mbeten të tensionuara për shkak të mosmarrëveshjeve rreth historisë, gjuhës dhe identitetit, çështje që ndikojnë ndjeshëm në rrugën evropiane të Maqedonisë.

The post Lajkova kërkon reagim nga BE-ja dhe mbrojtje për të drejtat e bullgarëve në Maqedoni appeared first on Albeu.com.

Që nga mesnata, euro u bë monedha e vendit dhe levi u zhduk nga historia.

Hyrja e Bullgarisë në zonën euro, do ta çojë numrin e evropianëve që përdorin monedhën në më shumë se 350 milionë.

Vendi i fundit që iu bashkua grupit të monedhës së vetme ishte Kroacia në janar 2023.

“Paratë tona do të jenë në një monedhë tjetër – nëse kam 10,000 leva, tani do të kem 5,100 euro. Është njësoj. Dhe mendoj se do të jetë më mirë”, tha Stefan Bisterkov, një instruktor drejtimi për Reuters.

Përveç ndryshimit të monedhës, bërja anëtare e 21-të e eurozonës do të thotë që Bullgaria merr një vend në Këshillin Drejtues të Bankës Qendrore Evropiane që përcakton normat e interesit.

Qeveritë e njëpasnjëshme bullgare janë përpjekur ta bëjnë këtë hap që kur vendi ballkanik me 6.7 milionë banorë iu bashkua BE-së në vitin 2007.

Sondazhet e opinionit tregojnë se bullgarët janë të ndarë për këtë çështje, megjithëse bizneset janë kryesisht në favor.

“Pritjet e mia nga adoptimi i euros janë pozitive, nuk mendoj se do të ketë ndonjë gjë për t’u shqetësuar, përkundrazi. Ne vetëm do të përfitojmë nga kjo dhe do të jetë vetëm më e dobishme për ne”, tha Antonia Tsvetkova, një argjendare.

“Kushdo që shkon në një udhëtim nuk do të ketë probleme me shkëmbimin e valutave, tani gjithçka do të jetë normale”.

Disa bullgarë shqetësohen se përdorimi i euros do të rrisë çmimet, ose janë dyshues ndaj një sistemi politik vendas që është në krizë.

Qeveria dha dorëheqjen muajin e kaluar mes protestave të përhapura kundër rritjes së propozuar të taksave.

The post Bullgaria hyn në eurozonë, monedha lev zhduket nga qarkullimi appeared first on Albeu.com.

Ai iu përgjigj me shkrim deputetëve Xhipo Xhipov dhe Elisaveta Belobradova nga Bullgaria Demokratike.

Përgjigja gjendet në faqen e internetit të Asamblesë Kombëtare.

“Bullgaria është në dijeni të nismës së Shqipërisë, Kroacisë dhe Kosovës dhe po analizon me kujdes tekstin e Deklaratës së Përbashkët të nënshkruar nga ministrat e Mbrojtjes të tre vendeve në Tiranë më 18 mars 2025. Informacioni publik që sugjeron se Bullgaria ka shprehur interes jozyrtar për t’iu bashkuar deklaratës është i pasaktë”, shpjegoi Georgiev.

Ministria e Jashtme bullgare ka marrë një kopje zyrtare të dokumentit të nënshkruar përmes nga Ambasada e Shqipërisë në Sofje më 25 mars.

“Në asnjë moment nuk është kontaktuar apo konsultuar Ministria apo pala bullgare në lidhje me iniciativën nga propozuesit e saj dhe as nuk është bërë ndonjë ftesë zyrtare për anëtarësim”, tha Georgiev.

Në mars, ministri shqiptar i Mbrojtjes, Pirro Vengu tha se Bullgaria kishte treguar interes për nismën. Po ashtu, ministri i Mbrojtjes i Kosovës, Ejup Maqedonci theksoi se Bullgaria ka shfaqur interesim.

“Bullgaria mban marrëdhënie të shkëlqyera dypalëshe me secilin nga tre vendet – dy prej tyre janë aleatë të NATO-s dhe një kontingjent ushtarak bullgar është pjesë e misionit paqeruajtës të udhëhequr nga NATO në Kosovë (KFOR), detyra kryesore e të cilit është të sigurojë paqen dhe stabilitetin”, tha Georgiev.

Qëllimi i deklaratës është të forcojë bashkëpunimin midis tre vendeve dhe të krijojë një kornizë për përgjigje të përbashkëta ndaj sfidave të sigurisë, kërcënimeve hibride dhe rreziqeve të tjera për stabilitetin rajonal.

Dokumenti parashikon bashkëpunim të zgjeruar midis industrive të mbrojtjes, ndërveprim më të madh nëpërmjet arsimit, trajnimit dhe stërvitjeve të përbashkëta dhe mbështetje të plotë për integrimin euro-atlantik, sipas faqes së internetit të Ministrisë Kroate të Mbrojtjes.

Në lidhje me marrëveshjen e bashkëpunimit në mbrojtje ndërmjet Serbisë dhe Hungarisë, të nënshkruar më 1 prill, Georgiev tha se nuk mund të komentojë një dokument dypalësh në të cilin Bullgaria nuk është palë

The post Bullgaria mohon përfshirjen në aleancën e mbrojtjes mes Kosovës, Shqipërisë dhe Kroacisë appeared first on Albeu.com.

Në aktivitet morën pjesë edhe përfaqësues të Komisionit Evropian, Kompanisë Kombëtare të Infrastrukturës Hekurudhore dhe Agjencisë së Infrastrukturës Rrugore, njofton “BGNES”.

Zv. kryeministri Karaxhov dha informacion të detajuar për projektet hekurudhore në territorin bullgar përgjatë Korridorit 8 dhe theksoi se tuneli ndërkufitar midis Bullgarisë dhe Maqedonisë së Veriut nuk është vetëm një lidhje fizike midis dy vendeve, por edhe një mundësi për lëvizje të papenguar nga Adriatik në Detin e Zi.

“Ne presim përgjigje dhe komente nga Shkupi për marrëveshjen e propozuar për të planifikuar një takim ekspertësh për ta diskutuar këtë”, theksoi Karaxhov.

Ai shprehu gatishmërinë se nëse Maqedonia nuk ka kundërshtime lidhur me dokumentin, atëherë nënshkrimi i tij do të organizohet menjëherë. Sipas tij, Bullgaria mund të fillojë menjëherë ndërtimin e seksionit të munguar prej 2,4 kilometrash nga Gjuesheva deri në kufi, por fillimisht duhet të ndërtohet objekti i tunelit.

The post Bullgaria prezanton planin e Korridorit 8 para ambasadorëve të BE-së dhe NATO-s: Presim përgjigje nga Shkupi appeared first on Albeu.com.

Sipas Europol nga një hetim që përfshiu Bullgarinë, Kolumbinë, Kosta Rikën dhe Panamanë, nisur në qershor të vitit 2022, u zbulua se anëtarët e rrjetit ishin shtetas nga Shqipëria, Bullgaria, Kolumbia dhe Spanja, të cilët organizuan trafikimin e sasive të mëdha të kokainës nga vendi i origjinës në Evropë.

Sipas Europol secili prej anëtarëve të organizatës mori rol të ndryshëm brenda zinxhirit të trafikut të drogës.

“Anëtarët shqiptarë, me qendër në Dubai, vepruan si investitore dhe siguruan financat e nevojshme për të paguar prodhuesit për dërgesat nga Kolumbia”, thotë Europol, ndërsa shtetasit kolumbianë trajtonin dërgesat nga Kolumbia në Evropë, shtetasit bullgarë, kolumbianë dhe spanjollë mbikëqyrnin marrjen dhe shpërndarjen e mëtejshme të drogës.

Nga hetimet policore, siaps Europol, ka rezultuar se anëtarët e rrjetit u fshehën në një kontejner për të hyrë fshehurazi në port dhe me ndihmën e punëtorëve të korruptuar nxorrën kokainën gjatë natës.

Europol thotë se anëtarët e rrjetit pastronin të ardhurat nga krimet e tyre dhe sipas policsë rrjeti kriminal kishte kapacitet për të marrë deri në një ton kokainë në javë.

Në tetor 2024, autoritetet kapën 4.1 ton kokainë në Panama, me destinacion Spanjën, në lidhje me këtë rrjet.

Sipas Europol rrjeti dyshohet se është i lidhur me konfiskimet e kokainës me një total prej rreth gjashtë tonësh. Gjithashtu, autoritetet e zbatimit të ligjit kishin sekuestruar edhe dy ton kokainë në Spanjë që nga fillimi i hetimeve.

Në rezultatet e aksionit, të realizuar në tre faza, midis dhjetorit 2024 dhe janarit 2025 Europol thotë se janë kryer 22 arrestime në Spanjë si dhe 27 bastisje shtëpish.

Europol thotë se krahas sasive të drogës sekuestroi 6.5 milionë euro cash, 35 automjete, përfshirë 8 makina luksoze (vlerësuar rreth 2.5 milionë euro), orë luksoze dhe stoli ( vlerësuar rreth 1.5 milionë euro) 48 armë si dhe 53 llogari bankare të ngrira nëpër banka.

Siaps Europol rritja e dërgesave të kokainës nga Amerika e Jugut në Evropë, si dhe depërtimi i rrjeteve kriminale në biznese të ligjshme dhe të paligjshme në Bashkimin Europain nxiti krijimin e një Task Force Operacionale në Europol.

Europol tha se koordinoi gjatë hetimit, shkëmbimin e informacionit midis autoriteteve kombëtare, duke i bashkuar ato për të synuar në mënyrë efikase të gjithë rrjetin e trafikut të drogës./VOA

The post Goditet rrjeti drogës nga Shqipëria, Bullgaria, Kolumbia dhe Spanja. 6 tonë kokainë dhe 6 milionë euro të sekuestruara appeared first on Albeu.com.

Lideri i partisë politike të ekstremit të djathtë në Bullgari, Rilindja (Prerodbas), Kostadin Kostadinov, tha të enjten se “nuk ka asgjë më logjike se dy shtete me histori të përbashkët, origjinë të përbashkët, gjuhë të përbashkët dhe popull të përbashkët, si Bullgaria dhe Maqedonia, që të bëhen një shtet i vetëm”. Kjo deklaratë u dënua si “e turpshme dhe e pandershme” nga presidentja e Maqedonisë së Veriut, Gordana Silanovska-Davkova.

“Përkundrazi, synimi për ta shprehur në mënyrë të njëanshme në këtë mënyrë në fakt do të thotë mosrespektim, do të thotë mosnjohje”, tha Gordana Silanovska-Davkova.

Ministria për Punë dhe Tregti të Jashtme e Maqedonisë së Veriut e dënoi ashpër deklaratën e Kostadinovit, i cili është gjithashtu deputet aktual në Kuvendin Popullor të Bullgarisë, duke thënë se kjo deklaratë “shpreh pretendime të qarta territoriale ndaj Maqedonisë së Veriut”.

“Deklarata të tilla dashakeqe të zyrtarëve të skenës politike bullgare janë sulm i drejtpërdrejtë ndaj sovranitetit, integritetit dhe pavarësisë së vendit tonë dhe në të njëjtën kohë janë në kundërshtim të drejtpërdrejtë me rregullat dhe parimet e së drejtës ndërkombëtare, mosndërhyrjen e shteteve në punët e tyre të brendshme dhe politika e ndërtimit të marrëdhënieve të mira fqinjësore”, thuhet në reagim.

Në anën tjetër, Venko Filipçe, deputet dhe lider i Lidhjes Socialdemokrate (LSDM) në opozitë, kërkoi që Sofja të reagojë dhe të distancohet qartë dhe pa mëdyshje nga deklaratat e Kostadinovit, ndërsa Bashkimi Evropian, siç tha ai, (BE) të dënojë deklaratën e tij.

“I bëj thirrje Bashkimit Evropian që të dënojë qartë këtë qëndrim, i cili cenon të drejtat universale të njeriut dhe vlerat evropiane, dhe të tregojë se deklarata të tilla nuk kanë vend në BE”, shkroi të enjten Filipçe, në profilin e tij zyrtarë në Facebook.

Kostadinov shkroi se nuk ka asgjë “më logjike dhe më normale sesa dy vende me histori, origjinë, gjuhë dhe popull të përbashkët, si SHBA dhe Kanadaja, të bëhen një shtet i vetëm”.

“E njëjta situatë është edhe me Maqedoninë (e Veriut). Nuk ka asgjë më logjike se dy shtete me histori të përbashkët, origjinë të përbashkët, gjuhë të përbashkët dhe popull të përbashkët, si Bullgaria dhe Maqedonia, që të bëhen një shtet i vetëm”, shtoi Kostadinov.

Në të njëjtin kontekst, ai mbështeti gjithashtu pretendimet e Trumpit për kthimin e kontrollit mbi Kanalin e Panamasë, duke theksuar se SHBA-ja ishte pronarja e parë e asaj zone, “të cilët e ndërtuan dhe e kontrolluan deri në vitin 1979”.

Ky qëndrim i Kostadinov vjen në një periudhë marrëdhëniesh të ndjeshme mes Maqedonisë së Veriut dhe Bullgarisë, që lidhen me historinë, identitetin dhe gjuhën, çka kanë ndikuar edhe në bllokadën nga ana e Bullgarisë ndaj procesit të anëtarësimit të vendit në Bashkimin Evropian (BE).

Bullgaria kërkon që Maqedonia e Veriut ta njohë pakicën bullgare si pakicë kombëtare. Për ta bërë këtë, nevojiten ndryshime kushtetuese. Ndërkohë, Qeveria në Shkup, e udhëhequr nga kryeministri Hristijan Mickoski, kërkon zgjidhje afatgjate. Mickoski ka propozuar që, nëse miratohen, ndryshimet të kenë një zbatim të shtyrë, një ide që është kundërshtuar nga BE-ja.

Këshilli i Çështjeve të Përgjithshme i BE-së, më 19 dhjetor 2024, në Samitin Be-Ballkani, miratoi konkluzionet për zgjerim, për vendet e Ballkanit Perëndimor. Në lidhje me Maqedoninë e Veriut, u theksua nevoja për të përshpejtuar dhe përfunduar ndryshimet kushtetuese, të cilat përfshijnë përfshirjen e minoritetit bullgar në preambulën e Kushtetutës së vendit.

“Zbatimi i marrëveshjeve dypalëshe në mirëbesim dhe me rezultate të prekshme, përfshirë Marrëveshjen e Prespës me Greqinë dhe Traktatin e Miqësisë, Fqinjësisë së Mirë dhe Bashkëpunimit me Bullgarinë mbeten me rëndësi thelbësore”, thuhet në deklaratë.

Marrëveshja e Prespës me Greqinë, e arritur me ndërmjetësim ndërkombëtar, i mundësoi Maqedonisë së Veriut anëtarësimin e saj në NATO, kurse Traktati i Miqësisë dhe Fqinjësisë së Mirë me Bullgarinë, i nënshkruar në 2017, ka për qëllim forcimin e bashkëpunimit dhe zgjidhjen e çështjeve të mbetura mes dy vendeve (Maqedonie Veriut – Bullgari), që burojnë nga dokumenti i njohur si “Propozimi francez”.

Për të realizuar ndryshimet kushtetuese, nevojitet një shumicë prej dy të tretash. Shumica parlamentare në Maqedoninë e Veriut aktualisht përbëhet nga 78 deputetë nga gjithsej 120sa numëron Parlamenti./REL

The post Shkupi dënon deklaratën e deputetit bullgar për bashkimin e Maqedonisë së Veriut me Bullgarinë appeared first on Albeu.com.

Një grua 43-vjeçare vdiq pasi e goditi një dru që u rrëzua në Varna mbrëmjen e së shtunës, ndërkaq dy pjesëtarë të emergjencës u lënduan po ashtu, tha policia përmes një njoftimi.

Një dru ra mbi një makinë që po kalonte në Sofje të shtunën, duke vrarë vozitësin 65 vjeç dhe duke lënduar rëndë gruan e tij, thanë autoritetet.

“Moti i lig rezultoi me humbje të jetës. Erërat e fuqishme dhe shirat e rrëmbyeshëm, në disa vende edhe reshje të borës, e bënë shumë të vështirë punën e ekipeve emergjente”, tha kryetari i Varnës, Blagomir Kotsev, të dielën, duke njoftuar për shpalljen e gjendjes së jashtëzakonshme dhe duke u bërë thirrje banorëve që të qëndrojnë në shtëpitë e tyre.

“Furnizimet me energji janë ndërprerë në pesë qarqe të komunës. Rrugët janë bllokuar për shkak të druve që janë rrëzuar”, shtoi ai.

Aeroporti në Varna vazhdon të jetë i hapur, por disa fluturime janë shtyrë apo anuluar. Dy komuna më të vogla në afërsi të Varnës po ashtu kanë shpallur gjendje të jashtëzakonshme të dielën.

Shërbimi kombëtar i motit në Bullgari ka aktivizuar kodin portokalli për shkak të rrezikut nga erërat e fuqishme në mbarë lindjen e Bullgarisë të dielën, duke paralajmëruar se erërat mund të arrijnë deri në 125 kilometra në orë dhe valët mund të arrijnë mbi 5 metra përgjatë bregdetit të Detit të Zi.

E njëjta stuhi ka goditur edhe Rumaninë fqinje, që ka detyruar shtetin të mbyllë portet në Detin e Zi.

Shërbimi kombëtar i motit në Rumani ka rritur alarmin e motit në nivelin më të lartë për shkak të reshjeve të mëdha të shiut dhe erërave të fuqishme. Autoritetet u kanë bërë thirrje banorëve që të qëndrojnë brenda në shtëpi.

Mijëra amvisëri kanë mbetur pa energji elektrike, teksa zjarrfikësit kanë intervenuar për të larguar 140 dru që u rrëzuan. Nga moti i lig u dëmtuan edhe 40 makina.

“Fatmirësisht nuk ka viktima”, thanë për AFP-në zyrtarë nga shërbimet emergjente në Rumani.

Dy persona vdiqën më herët gjatë muajit në Bullgari për shkak të motit të lig, pasi stuhia Ciaran goditi perëndimin e Evropës.

Shkencëtarët kanë paralajmëruar se bota do të përballet me mot më ekstrem për shkak të ngrohjes globale të shkaktuar nga lirimi i gazrave serrë./rel

The post Bullgaria goditet nga moti i keq, stuhia shkakton dy të vdekur appeared first on Albeu.com.

“Jam gjithmonë gati kur më thërret kombëtarja. Të gjithë duhet të jenë kështu. Pavarësisht se ishte një sfidë miqësore për ne ishte e rëndësishme të mbajmë ritmin dhe moralin lart të kombëtares.

Goli? Roli im në fushë jam një lojtar 8-tësh. Kam detyra të ndihmoj edhe sulmuesit edhe mbrojtësit. Sylvinho më kërkon të ndihmoj ekipin në dy fazat dhe unë do të jem i përqendruar të jam maksimumin në ekipin kombëtar.

Lutfi Nuri ndërpret intervistën dhe puth mesfushorin, si për ta përgëzuar për paraqitjen e bërë në ndeshjen e sotme.

Dhomat e zhveshjes si është  kombëtarja? Të gjithë lojtarët jemi me këmbë në tokë. Pavarësisht se ishte një ndeshje miqësore, por në mendjen tonë nuk ishte e tillë. Duhet të përgatitemi shumë për ndeshjen e radhës, na duhen pikë dhe ne kërkojmë vetëm vendin e parë” – tha ai.

The post Laçi pas golit me Bullgarinë: Duam vendin e parë në kualifikuese appeared first on Albeu.com.

Sylvinho u shfaq në konferencë për shtyp, ku iu përgjigj pyetjeve të gazetarëve.

“Mund të ketë patjetër disa ndryshime. Një parantezë që iu bënë pyetjet Strakoshës. Ai ka pasur mundësi të luajë në Premier League. Ne kemi dy portierë shumë të mirë, si Berisha dhe Strakosha. Ne jemi shumë të sigurtë sepse kemi lojtarë me eksperiencë. Strakosha luajti me Poloninë dhe bëri mirë. Sa i përket miqësores së nesërme me Bullgarinë, kam 5-6 vite që e kam humbur konceptin e miqësoreve. Ritmi është shumë i çmendur. Nuk ka ndeshje miqësore. Ne kemi dërguar një person nga stafi ynë për të parë Bullgarinë. Kanë një skuadër shumë të mirë. Në aspektin fizik janë lojtarë të gjatë. Është normale që një lojtar që të provojë shumë lojtarë. Por, nuk mund të bëhen 6-7 ndryshime sepse humb ekuilibri. Edhe lojtarët që bëjnë shumë ndeshje, kanë një ritëm shumë të madh, duhet t’i respektojmë që mos t’i ngarkojmë shumë.

Miqësore? Sigurisht që lojtarët e kanë kuptuar për pjesën e mentalitetit. Është një ndeshje që do të ketë një audiencë të madhe. Kam vendosur me mendjen time që të bëj disa ndryshime, të paktën 3-4 lojtarë. Nuk mund t’i them emrat sepse nuk është e drejtë. Të shohim deri nesër dhe më pas do të vendosim se çfarë mund të bëjmë.

Bullgaria- E kam studiuar Bullgarinë. Unë shikoj diçka të Bullgari jo diçka e drejtë me dy pikë. Në futboll kjo nuk është e drejtë se ka vetëm dy pikë dhe meritonte më shumë. Ka ekip të mirë, luan në bllok ka lojtarë të fortë. Në futboll nuk ka çelës apo sekret, por të gjithë duhet të mendojnë për të njëjtin gjë, flas për futbollin botëror në përgjithësi. Deri tani kemi bërë një punë të mirë, kemi një grup kompakt që ka treguar një shpirt gare në fushë. Tani mendojmë vetëm për ndeshjet e nëntorit dhe asgjë tjetër.

Armando Broja? Është një lojtar që ka ardhur nga një dëmtim i rëndë. I është dashur 9 muaj të kthehet në fushë. Një ndeshje para se të vinte te ne ka luajtur 45 minuta. U zëvendësua sepse kishte probleme fizike. Ai bëri kontrolle fizike te Chelsea. Erdhi këtu dhe kishte një shqetësim. U ulëm dhe biseduam. Ishte e qartë që nuk ishte në gjendje për të luajtur. Bashkë me lojtarin dhe me klubin vendosëm që ai të kthehet për t’u rikuperuar.

Europiani? Sa i përket objektivave që kemi ne, nuk mendojmë aktualisht. Mendojmë vetëm për nëntorin për të arritur objektivin zyrtarisht. Me Çekinë kemi bërë një hap të rëndësishëm. Jemi në një grup të fortë që ka pasur shumë luhatje. Janë disa skuadra në garë për t’u kualifikuar. Në kombëtaren shqiptare të gjithë janë të ndërgjegjshëm për forcën që kemi”,  – tha ai.

The post Miqësorja me Bullgarinë, Sylvinho: Nuk ju tregoj se kush do luaj appeared first on Albeu.com.