Këngëtarja 30-vjeçare dhe aktori 36-vjeçar organizuan një festë madhështore në Villa Valguarnera, një rezidencë historike në Bagheria, në lindje të Palermos, ku shkëmbyen betimet martesore gjashtë ditë pas ceremonisë së tyre zyrtare në Bashkinë e Marylebone në Londër, raporton DailyMail.

Megjithëse ende nuk janë publikuar fotografi të çiftit nga ceremonia e së shtunës, është e qartë se kjo ishte dasma më e bujshme e vitit deri tani, falë madhështisë dhe organizimit të saj.

Çifti i mirëpriti rreth 200 të ftuar me ëmbëlsira, muzikë dhe vallëzim, duke u kujdesur që në çdo detaj të pasqyroheshin elemente që simbolizonin historinë e tyre të dashurisë. Besohet se e gjithë ngjarja kushtoi rreth 1.7 milion euro.

Festimet nisën në pasditen e vonë në Villa Valguarnera, një rezidencë e shekullit XVIII. Gjatë ceremonisë, Sir Elton John interpretoi këngën e tij të famshme “Your Song”, pasi mbërriti me avion privat nga Farnborough vetëm një orë para fillimit të ceremonisë.

Një kamarier i tha gazetës Daily Mail:

“Një person e mbante nga secili krah për ta udhëhequr, sepse nuk mund të shihte mirë, por ai luajti pianon në mënyrë të mrekullueshme.”

Masat e sigurisë ishin jashtëzakonisht të rrepta. Rreth vendit të ngjarjes ishte vendosur një perimetër i dyfishtë sigurie, ndërsa të interesuarit që prisnin të shihnin të famshëm mbetën të zhgënjyer, pasi e vetmja personazh VIP që u pa ishte stilistja Donatella Versace.

Ajo kishte krijuar dy fustane të bardhë për Duan: i pari, i mbuluar me diamante vezulluese për ceremoninë, dhe i dyti për festën e madhe që pasoi.

Muzika dëgjohej fuqishëm nga altoparlantët, por për të mos shqetësuar banorët e zonës, ata ishin orientuar drejt brendësisë së vilës.

Policia kishte bllokuar rrugët përreth, ndërsa personeli i sigurisë kontrollonte me kujdes çdo punonjës që hynte në ambientet e vilës. Kamarierëve iu kërkua të dorëzonin telefonat e tyre celularë.

Njëri prej tyre tregoi:

“Na kërkuan të mbulonim kamerat dhe mikrofonët e telefonave me ngjitëse dhe më pas t’i fusnim në qese plastike. E dorëzova telefonin në orën 11 të paradites dhe ma kthyen pas mesnatës. Ishte hera më e gjatë që kam qëndruar pa telefon dhe ndoshta më bëri mirë.”

Siç raporton DailyMail, burime pranë organizimit thanë se në dasmë kishte edhe një homazh për trashëgiminë shqiptare të Dua Lipës.
Gazeta shkruan se një grup shqiptar interpretoi muzikë dhe valle shqiptare, ndërsa prindërit e Duas kërcyen dhe duartrokitën me entuziazëm.

Shkëmbimi i betimeve martesore nuk kishte vlerë ligjore, pasi çifti ishte martuar zyrtarisht fundjavën e kaluar në Londër. Ceremonia në Siçili u organizua për rreth 150 familjarë dhe miq.

Përballë vilës ishte vendosur një gjysmërreth karrigesh, ndërsa në qendër ndodhej një pavijon ku çifti shqiptoi betimet.

Në ditën e fundit të festimeve triditore, nusja mbërriti rreth orës 18:00 sipas kohës lokale, duke bërë një hyrje spektakolare përgjatë një rruge prej afro 200 metrash të rrethuar me bougainvillea.

Me temperaturat që afroheshin pranë 30 gradë Celsius, të ftuarit përdornin abaniko të vendosura mbi karrige, të qëndisura me inicialet “D” dhe “C”, si dhe fshinin djersën me shami ku ishte qëndisur me të kuqe fraza romantike:

“Stay mad with me forever” (“Qëndro përgjithmonë i/e çmendur pas meje”).

Më pas të ftuarit shijuan një koktej në tarracë përpara se të uleshin për një darkë me tre pjata, të përgatitur nga shefi i njohur Tony Lo Coco, i vlerësuar nga guida Michelin.

Menuja përfshinte:

Anelletti alla Norma (makarona siciliane me patëllxhan);

Panelle (petulla tradicionale me miell qiqrash);

Crocché (toptha patatesh të skuqura).

Për ëmbëlsirë u shërbyen cannoli dhe cassata, një tortë tradicionale siciliane.

Brendësia e vilës ishte zbukuruar me bozhure dhe zymbylë, ndërsa ishin vendosur edhe kabina fotografike ku të ftuarit mund të bënin fotografi kujtim.

Perdja e kabinës ishte e qëndisur me mbishkrimin “Dua & Callum”.

Një nga të ftuarit, Antoine Billore, publikoi në Instagram disa fotografi që tregonin dekorimin elegant të tavolinave brenda vilës.

Pak para orës 23:30, qielli mbi Villa Valguarnera u ndriçua nga një spektakël mahnitës fishekzjarrësh që zgjati dhjetë minuta.

Fishekzjarrët me ngjyra ari, të bardhë dhe blu ndriçuan natën, ndërsa të pranishmit ngritën kokën për të shijuar pamjen spektakolare.

Në mesnatë, të ftuarit ngritën dolli me shampanjë Blanc de Blanc, ndërsa pak më vonë disa nga të ftuarit më të moshuar u larguan.

Muzika e Carl Cox, Martin Garrix, David Guetta dhe Peggy Gou pushtoi pistën e vallëzimit, ku të rinjtë vazhduan festën deri në orët e para të mëngjesit.

Një burim tha:

“Donatella dhe Elton u larguan pas darkës; nuk qëndruan për fishekzjarrët. Disa nga të ftuarit më të moshuar u larguan menjëherë pas mesnatës. Por të rinjtë vazhduan festën. Fillimisht vallëzimi u zhvillua në sallën kryesore, pastaj festa vazhdoi brenda me DJ që luanin muzikë deri në orën 6 të mëngjesit.”

Edhe pse kishte zëra se në dasmë mund të merrnin pjesë Madonna, Harry Styles dhe Robbie Williams, ata nuk u panë. Megjithatë, në mesin e të ftuarve kishte shumë emra të njohur, përfshirë Charli XCX dhe bashkëshortin e saj, George Daniel, bateristin e grupit The 1975.

Gjithashtu besohet se të pranishëm ishin aktori Joe Alwyn, producenti Mark Ronson me bashkëshorten Grace Gummer, Kevin Turner, Laura Vandall, Edgar Kerri dhe këngëtarja Olivia Dean.

Në fund të festës, të ftuarit u larguan me një flotë furgonësh të zinj Mercedes Vito, duke i dhënë fund tre ditëve të festimeve.

Çdo detaj i ngjarjes duket se ishte planifikuar me kujdes nga organizatorja e famshme e dasmave, Alessandra Grillo.

Vëmendja ndaj detajeve kishte nisur që në mbrëmjen e mirëseardhjes të së premtes, kur sheshi ku u organizua kokteji ishte dekoruar me rafte librash, një referencë e ëmbël ndaj mënyrës se si çifti ishte njohur.

Megjithëse kishin qenë pranë takimit disa herë më parë, Dua Lipa dhe Callum Turner u njohën për herë të parë në restorantin River Cafe në Londër, ku u prezantuan nga Ruthie Rogers, pronarja e restorantit të famshëm.

Takimi i parë ishte i shkurtër dhe nuk solli asgjë më shumë në atë kohë. Por një vit më vonë, në vitin 2024, ata u takuan sërish rastësisht dhe kështu nisi historia e tyre e dashurisë.

The post “Muzikë dhe valle shqiptare në dasmën e Dua Lipës”, Daily Mail zbulon detaje nga ‘dasma e vitit’ në Sicili appeared first on Albeu.com.

Megjithatë, duket se ky ka qenë vetëm një hap i parë, pasi “festa e vërtetë” pritet të zhvillohet ditët në vijim.

Mediat italiane po raportojnë se një mega-festë dasme do ta “ndezë” Sicilinë, ku eventit i janë lidhur pritshmëri të mëdha. Thuhet se organizimi do të mbahet në ambientet luksoze dhe magjepsëse të Villa Valguarnera, ku pritet të mblidhen emra të mëdhenj nga Hollywood-i dhe industria botërore e muzikës.

Edhe pse gjithçka po mbahet hermetike, raportimet e fundit flasin për një listë të mundshme të ftuarish dhe performuesish ku përmenden emra si Elton John, Charli XCX, si dhe figura të rëndësishme të modës globale.

Pavarësisht sekreteve që e rrethojnë këtë ngjarje, një detaj – sipas burimeve – duket se është i sigurt: në këtë organizim treditor pritet të mos mungojë as atmosfera shqiptare.

Burime të sigurta i kanë bërë të ditur Prive By Liberta Spahiu se në dasmën e Dua Lipës do të performojë Sinan Vllasaliu, një nga emrat më të njohur dhe më të dashur të muzikës shqiptare.

Me hitet e tij të njohura dhe ritmin që zakonisht i ngre të gjithë në këmbë, prania e Sinan Vllasaliut pritet t’i japë një “shije” të veçantë kësaj dasme VIP, duke dëshmuar edhe njëherë lidhjen e fortë të Dua Lipës me rrënjët e saj.

Mbetet të shihet nëse në mesin e të ftuarve apo performuesve do të ketë edhe emra të tjerë nga estrada shqiptare.

The post Sinan Vllasaliu pritet të këndojë në dasmën e Dua Lipës me Callum Turner? appeared first on Albeu.com.

Burimet bëjnë me dije se ceremonia do të zhvillohet mes datave 5 dhe 7 qershor, ndërsa çifti ka organizuar gjithçka në fshehtësi të plotë. Fillimisht përflitej për një datë tjetër, por duket se planet janë ndryshuar në momentet e fundit, duke e afruar ceremoninë shumë më shpejt.

Për vendin e martesës është përzgjedhur Bagheria, një qytet historik pranë Palermos në Sicili, i njohur për atmosferën romantike dhe arkitekturën aristokratike. Ceremonia kryesore raportohet se do të mbahet në “Villa Valguarnera”, një rezidencë madhështore e shekullit XVIII që konsiderohet ndër vendet më luksoze dhe elegante të zonës.

Për të ruajtur privatësinë e plotë të çiftit dhe të ftuarve VIP, organizatorët kanë marrë masa të forta sigurie. Mediat italiane raportojnë se dy kate të tëra të hotelit luksoz me pesë yje “Rocco Forte” janë rezervuar ekskluzivisht për këtë event.

Ndërkohë, përgatitjet në Sicili kanë hyrë në fazën finale, ndërsa emrat e të ftuarve po mbahen sekret. Dasma pritet të mbledhë personazhe të njohur nga bota e muzikës, filmit dhe modës.

Romanca mes Dua Lipës dhe Callum Turner ka qenë një nga më të komentuarat muajt e fundit në mediat rozë ndërkombëtare. Çifti është parë shpesh së bashku në evente publike dhe pushime luksoze, duke tërhequr vazhdimisht vëmendjen e fansave dhe paparacëve.

Tani duket se historia e tyre e dashurisë po shkon drejt hapit më të madh: martesës.

The post Dasma sekrete e Dua Lipës? Del data dhe vendi luksoz në Itali appeared first on Albeu.com.

Ajo ka treguar emocionet e asaj dite, duke e shoqëruar me një foto të rrallë krah motrës dhe vëllait.

“Gëzimi i madh. Megjithëse isha shumë e re. Erdhi shumë natyrshëm. Ishte periudhë shumë e bukur kur u njoha me shpëtimin. Çdo gjë erdhi natyrshëm. Me në tre fëmijët është shumë e çuditshme, ne të tre, edhe motra dhe vëllai na kanë ardhur kështu punët. Kam dy fëmijë, Era dhe Drini. Era bëri 30 vjeç pak javë më parë, ndërsa Drini bëri 26 vjeç”, u shpreh ajo.

The post Mira Konçi si nuse, foto e rrallë e dasmës: Çdo gjë erdhi natyrshëm, ishte periudhë e bukur shumë (VIDEO) appeared first on Albeu.com.

Ndryshe nga herët e tjera, këtë vit ka disa ndryshime.

Çiftin do t’a zgjedhë publiku nesër përmes një televotimi.

Banorët që vendosin të bëhen çift për këtë dasmë, publiku nesër ka të drejtë të zgjedhë se kush të bëjë rolin e nuses dhe dhëndrit.

“Banorë, siç e do tradita e Big Brother VIP rikthehet dasma. Por, ndryshe nga herët e tjera, këtë vit, dyshen që do të martohet do ta zgjedhë publiku përmes një televotimi që do të hapet nesër. Kujdes, në këtë televotim nuk do të përfshiheni të gjithë, por vetëm ata që vendosin bashkarisht si dyshe, duke vendosur emrat në vazon që ndodhet në shtëpi. Vetëm dyshet që bien dakord për të shkruar emrat do të bëhen pjesë e televotimit. Keni 60 minuta kohë për të vendosur me njëri-tjetrin”, shkruhej në zarfin e bardhë.

The post “Siç e do tradita e Big Brother VIP rikthehet dasma”/ Kush do të jetë çifti “bashkëshortor” në këtë edicion? appeared first on Albeu.com.

Çifti, të dy në fund të të 20-ave, u martuan në gusht në Paris, në një ngjarje që tashmë është quajtur “kurorëzimi i vitit”. Së fundmi, ata ndanë për herë të parë detaje dhe fotografi nga ceremonia, të cilën nusja e përshkroi si “të pabesueshme”, sipas DailyMail.

Vëllezërit e Sean-it, Lucas dhe Matthew de Givenchy, ishin kumbarët, ndërsa të pranishëm ishin edhe xhaxhai i Sean-it, dizajneri amerikan i bizhuterive James Taffin, si dhe e afërmja Stella de Givenchy. Babai i Sean-it, Hubert Taffin de Givenchy, ndërroi jetë në 2016, dhe Sean-i mori emrin e tij nga xhaxhai i njohur Hubert de Givenchy.
Kurorëzimi ishte kulmi i një festë tre-ditore, e cila nisi me një darkë provuese në restorantin luksoz ‘La Fontaine Gaillon’. Ditën e ardhshme, mysafirët morën pjesë në një “brunch mirëseardhjeje” në hotelin ‘Le 5 Particulier’, ku u argëtuan dhe shijuan ëmbëlsira. Pas ceremonisë, festimet vazhduan në Le Pavillon Dauphine St Clair.

Dahye, për Vogue, deklaroi: “Vizioni im për kurorëzimin ishte i përjetshëm, klasik dhe padyshim parisien. Kur u ndjeva e kënaqur me ‘vision board’-in tim – një prezantim PowerPoint me mbi 100 slajde – e ndava me planifikuesen tonë, Marie Bitton, dhe ajo bëri magjinë e saj”.

Megjithëse familja e Sean-it është e lidhur me një emër të njohur mode, Dahye zgjodhi të vishej me fustan të dizajnerit Andrew Kwon. Ajo pranoi se nuk ishte “dashuri me shikim të parë”.

“Derisa e gjeta këtë fustan, kisha vizituar mbi 10 sallone martesash në Manhattan dhe ende nuk e kisha gjetur ‘fustanin e duhur’. Humbja shpresa”, rrëfeu ajo.

Por pasi pa një dizajn të ngjashëm në ngjyrë të zezë, vendosi të rrezikojë dhe kërkoi nga ekipi i Kwon-it të krijonte fustanin për të. Pas shumë orësh pune, fustani doli perfekt. Nga aksesorët, ajo mbante vetëm varësen e nënës së saj dhe perlat e gjyshes së Sean-it.

Çifti u njoh në vitin 2018, gjatë studimeve në Universitetin McGill në Montreal. Sean tregoi se e kishte vënë re Dahye-n kur ajo po bënte vullnetarizëm në një ngjarje, por nuk kishte guxim t’i afrohej menjëherë. Miqtë e inkurajuan dhe më pas ata u fejuan në New York.

Megjithëse ceremonia kryesore u zhvillua në Paris, qyteti ku Sean u rrit, çifti kishte edhe një ceremoni civile në New York në shkurt. Dahye atëherë, për respekt ndaj trashëgimisë familjare, veshi një çantë ‘Givenchy’ me fustanin e markës ‘Khaite’.

The post E cilësuar si “Dasma e vitit”, pasardhësi i familjes ‘Givenchy’ martohet me të dashurën e tij në Paris appeared first on Albeu.com.

Steve Martin, i cili ishte gjithashtu i pranishëm në emision, bëri shaka për ftesën në dasmë, ndërsa Martin Short e ngatërroi me humor Benny Blanco-n me reperin Bad Bunny, duke shkaktuar të qeshura.

Selena dhe Benny u fejuan në dhjetor 2024 dhe pas një feste beqarie muajin e kaluar, të gjitha shenjat duket se tregojnë se dita e madhe është shumë afër.

The post Selena Gomez lë të kuptohet me një detaj se mund të martohet me Benny Blanco këtë fundjavë appeared first on Albeu.com.

Postimi i plotë i Genar Topallit

Të dashur miq, familjare dhe te njohur, Мё 13 shtator 2025 perjetova ditën me te bukur te jetës sime: u kurorezova me Cindy Marina. Edhe pse nuk kemi asnje detyrim te japim shpjegime për jetën private, dua ta bëj këtë reagim për transparence. Ceremonia u zhvillua në Bazilikën e Shën Marisë, te Altari i Qiejve – nje bekim i madh shpirtëror, për te cilin, siç dihet, nuk ka pagesë, por vetëm një donacion simbolik.

Më pas, darka u mbajt ne një ambient në Romë, me kosto që nuk kalon shpenzimet e zakonshme të një dasme në Shqipëri (çdokush mund ta verifikoje lehtësisht me nje kerkim te thjeshte ne Google). Gjithçka eshtë menduar, organizuar dhe financuar prej meje dhe Cindy-t, me mbështetjen e prinderve të saj.

Ne jetojme e punojme në SHBA, ku drejtojmë së bashku biznesin tonë ne fushën e transportit, ndersa Cindy, perveç angazhimeve te tjera, menaxhon një nga klubet më të mëdha të volejbollit ne Kaliforninë Jugore, në pronësi te familjes së saj. Prinderit e Cindy-t jetojnë në SHBA prej afro 30 vitesh dhe sot kanë ndërtuar biznese te suksesshme në fushën e transportit dhe të sportit, me mbi 150 të punësuar.

Ky sqarim bëhet vetëm për të shmangur çdo keqkuptim dhe për të hedhur poshtë komentet me shifra krejtësisht të pavërteta e spekulative. Falënderoj me zemër te gjithë ju qe na uruat ne këtë ditë te shenjte per familjen tonë.

Dasma e tij me Cindi Marina është komentuar edhe nga ish-e dashura e tij, moderatorja sportive Eva Murati. Murati shkroi në hapsirën e komenteve në rrjetet sociale se nuk do donte ti uronin vdekjen miliona shqiptarë me para që mund të ishin të vjedhura nga fondet publike.

“Nuk dua që miliona shqiptarë të më urojnë vdekjen sepse po mburrem me para që mund të jenë të vjedhura nga fondet publike” shkroi Murati.

The post Pas akuzave dhe spekulimve mbi të ardhurat e shpenzuar në dasmën e tij! Reagon Genar Topalli: Gjithçka eshtë menduar, organizuar dhe financuar prej meje dhe Cindy-t appeared first on Albeu.com.

Ndonëse një ndër personazhet më diskrete kur vjen puna te jeta sentimentale, gjithnjë këngëtarja e ka pranuar hapur raportin e saj të konsoliduar tanimë.

Dhe më në fund gjithçka duket gati për dasmën e shumëpritur. Këngëtarja ka bërë gati të gjitha detajet, për martesën që do të bëhet me 14 shtator.

Edhe në ditën e saj të shënuar, artistja ka preferuar që të mbajë gjithçka sa më diskrete. Ajo dhe Tedi, do t’i thonë njëri-tjetrit “Po”, në një lokacion shumë të veçantë, larg Tiranës.

Dasma është projektuar të jetë sa më private, me shumë pak miq dhe personazhe të famshëm. Vetë këngëtarja ka kërkuar që të ftuarit të mos postojnë asgjë nga dasma e saj, duke preferuar që edhe ceremonia të kalojë pa u zbuluar në media, apo në rrjetet sociale.

Ajo dhe Tedi, janë në një lidhje të konsoliduar prej vitesh tanimë, ndonëse e jetojnë këtë histori dashurie larg syve të publikut.

Për të gjithë ata që nuk e njohin, Tedi është një emër i njohur si ekspert juridik dhe ka preferuar që të mbajë një profil të ulët edhe në profesionin e tij. Pas disa vitesh në një lidhje, çifti më në fund ka vendosur që të bëjë edhe dasmën e tyre.

Me miqtë e ngushtë dhe të afërmit e tyre, çifti ka zgjedhur një resort lart kryeqytetit për të festuar dashurinë. Disa nga emrat më të njohur të skenës, do të jenë të ftuar për të performuar live në festë. E deri me 14 shtator, mendojmë se do të jetë e pashmangshme, që disa foto, apo pamje nga ceremonia mos të ‘rrëshqasin’ në rrjetet sociale.

Në një dalje të saj mediatike, Besa rrëfeu se është më e dashuruar se kurrë dhe se partneri i saj është mbështetja më e madhe në ditët e ngarkuara.

“Kur jam e stresuar, ai është i vetmi që më qetëson. Kuptimi i jetës për mua është dashuria”, – u shpreh këngëtarja, duke treguar se ndjenjat janë në qendër të gjithçkaje për të. Por surprizat nuk përfunduan këtu. Besa la të kuptohet se dasma është shumë afër. “Po, themi që së shpejti do të kemi dasmë”, – tha ajo me entuziazëm, duke shtuar se do të ketë më shumë se një fustan. “Jam gocë serioze, një herë në jetë dua të martohem. Nuk dua të më mbetet gjë peng”, – përfundoi artistja.

Nga ana tjetër, ajo theksoi se gjithmonë ka pasur frikë për të marrë një vendim kaq të rëndësishëm si martesa. “Kam frikë të futem tek diçka nga e cila s’dal dot”, – tha ajo.

The post Besa Kokëdhima martohet së shpejti, zbulohen detaje nga dasma private/ Kush është djali që i ka fituar zemrën këngëtares? appeared first on Albeu.com.

23-vjeçari ndërroi jetë një ditë pas dasmës së tij, në një fshat në provincën veriore të Giresunit.

Një e afërme nga ana e dhëndrit, e dyshuar për të shtënat fatale është arrestuar.

Aksidentet nga të shtëna të ngjashme gjatë festimeve janë të zakonshme në Turqi, ku sipas vlerësimeve të një fondacioni vendas, ka rreth 40 milionë armë zjarri në qarkullim, shumica e të cilave janë të paligjshme.

Një person u vra aksidentalisht dhe dy të tjerë u plagosën javën e kaluar, në një incident të ngjashëm në një dasmë në provincën fqinje të Trabzonit.

🔴Giresun’da düğün sırasında damat ve gelin uğurlanırken ateş açılması sonucu yaralanan damat Ali K., hastanede hayatını kaybetti.

🔴Ateş açan kişinin damadın yengesi F.K. olduğu tespit edilirken, şüpheli şahıs gözaltına alındı. pic.twitter.com/xJhcUONFZt

— Nupel Haber (@nupelonline) August 27, 2025

The post Dasma kthehet në tragjedi/ Të shtënat gjatë festës plagosin dhëndrin, 23-vjeçari ndërron jetë një ditë pas ngjarjes appeared first on Albeu.com.