Një marrëdhënie e shëndetshme duhet t’ju japë ndjesinë e sigurisë, respektit dhe mbështetjes. Megjithatë, kur përballë keni një person që nuk arrin të reflektojë mbi sjelljen e vet, një debat mund të bëhet shumë shpejt rraskapitës, i paqartë dhe emocionalisht i rëndë.

Personat me pak vetëdije për veten zakonisht e kanë të vështirë të mbajnë përgjegjësi, të dëgjojnë tjetrin dhe ta shohin situatën në një kënd më të gjerë. Në vend që të përpiqen të kuptojnë thelbin e problemit, ata mund ta devijojnë bisedën, të futen menjëherë në mbrojtje ose t’ju bëjnë ju të ndiheni fajtorë.

Në pamje të parë, mund të duken të qetë, racionalë apo edhe bindës. Por sapo nis përplasja, bëhet e dukshme sa e vështirë është të zhvillosh me ta një bisedë të ndershme dhe të barabartë.

Këto janë disa nga sjelljet më të zakonshme që shfaqin gjatë konfliktit njerëzit me shumë pak vetëdije për veten, transmeton Telegrafi.

1. E vendosin veten në rolin e viktimës, edhe kur nuk janë

Një nga shenjat më të lodhshme është prirja për ta paraqitur veten si të dëmtuar, edhe kur rrethanat nuk e justifikojnë këtë. Në vend që t’i kushtojnë vëmendje përvojës suaj, ata e zhvendosin qendrën e bisedës te vetja.

Për shembull, mund ta zvogëlojnë dhimbjen, mundin ose përjetimin tuaj duke thënë se edhe ata “e dinë shumë mirë si është”, ndonëse situata reale është krejt tjetër. Kështu, jo vetëm që nuk ju dëgjojnë, por marrin për vete të gjithë hapësirën emocionale të bisedës.

Në vend që të thonë: “E kuptoj që kjo të ka lënduar”, mund të përgjigjen me: “Po edhe unë kam vuajtur”, duke e larguar vëmendjen nga problemi kryesor.

2. Kalojnë shumë shpejt nga qetësia te sulmi

Gjatë debatit, një person që nuk ka vetëdije të mjaftueshme për sjelljen e vet mund të ndryshojë menjëherë tonin, duke kaluar nga qetësia në sulm personal. Në një çast mund të duket i arsyeshëm, ndërsa në tjetrin të bëhet i ashpër, fyes apo akuzues.

Mund të kërkojë falje dhe menjëherë më pas të rikthehet te sulmi. Për disa sekonda mund t’ju flasë me butësi, pastaj ta përdorë të njëjtën bisedë për t’ju ngarkuar me faj.

Kjo ndodh sepse synimi i tij nuk është domosdoshmërisht zgjidhja e problemit, por kontrolli mbi mënyrën se si po paraqitet ngjarja. Ai kërkon të dalë mirë në fund të debatit, edhe nëse kjo nënkupton shtrembërim faktesh ose ndryshim qëndrimi nga një moment në tjetrin.

3. Ju flasin me përçmim dhe ju vendosin poshtë

Një tjetër sjellje e shpeshtë është përdorimi i një toni përçmues. Këta njerëz shpesh përpiqen të ruajnë një pamje të qetë dhe të kontrolluar, por pikërisht atë qetësi e përdorin për t’ju folur nga lart.

Mund të thonë fjali si: “Ti nuk e kupton”, “Po e dramatizon”, “Je shumë i/e ndjeshëm/e” ose “Nuk ia vlen të flas me ty kur je kështu”.

Shprehje të tilla nuk ndihmojnë aspak në zgjidhjen e konfliktit. Përkundrazi, e bëjnë tjetrin të ndihet i nënvlerësuar dhe i poshtëruar. Në vend që debati të shërbejë për mirëkuptim, ai shndërrohet në një garë për epërsi.

Kur dikush ju drejtohet me përçmim, shpesh qëllimi nuk është të kuptojë çfarë ka ndodhur, por të vendosë veten në rolin e personit “më të arsyeshëm”, ndërsa ju në rolin e atij “më problematik”.

4. Nuk thonë kurrë se kanë gabuar

Personat që nuk kanë vetëdije për mënyrën si sillen e kanë tepër të vështirë të pranojnë: “Kam gabuar” ose “Më vjen keq që të lëndova”. Edhe kur faktet janë të qarta, ata gjejnë mënyra për ta zhvendosur fajin diku tjetër.

Nëse gabojnë, mund të thonë se janë provokuar. Nëse ju lëndojnë, mund të pretendojnë se ju i keni keqkuptuar. Nëse sillen padrejtësisht, mund të arsyetohen se kishin motive të forta.

Në këtë mënyrë, përgjegjësia nuk mbetet asnjëherë te ta. Fajtori është gjithmonë dikush tjetër: ju, rrethanat, stresi, e kaluara ose “mënyra si e thatë”.

Në një marrëdhënie të shëndetshme, pranimi i gabimeve është pjesë e rritjes. Por për njerëzit që nuk arrijnë ta shohin veten me ndershmëri, çdo gabim përjetohet si një kërcënim për egon.

5. Ju ngarkojnë me problemet që i kanë vetë

Në debatet më të forta, këta persona shpesh ju akuzojnë pikërisht për ato sjellje që i shfaqin vetë. Nëse ata tregohen të ashpër, mund t’ju thonë juve se jeni agresivë. Nëse po manipulojnë, mund t’ju akuzojnë ju për manipulim. Nëse nuk po dëgjojnë, mund të pretendojnë se jeni ju ata që nuk po i kuptoni.

Kjo njihet si projektim: kur dikush ia vesh tjetrit ndjenjat, frikën ose sjelljet që nuk dëshiron t’i pranojë te vetja.

Të debatoni me një person që projekton vazhdimisht është shumë rraskapitëse, sepse ju detyroheni të mbroheni nga akuza që nuk ju përkasin. Në vend që biseda të përqendrohet te problemi real, ajo kthehet në një betejë për të vërtetuar se nuk jeni “i çmendur”, “i padrejtë” apo “fajtori”.

Çfarë duhet të mbani mend

Jo çdo njeri që sillet keq në debat është medoemos manipulues apo i pandryshueshëm. Të gjithë mund të kemi momente kur mbrohemi më shumë seç duhet, flasim keq ose nuk e pranojmë menjëherë gabimin.

Por nëse këto sjellje përsëriten vazhdimisht, nëse çdo debat ju lë të rraskapitur, të hutuar dhe me ndjesinë se po mbani mbi vete gjithë fajin, atëherë është e rëndësishme të vendosni kufij.

Në një debat të shëndetshëm, të dyja palët duhet të kenë mundësi të flasin, të dëgjohen dhe të marrin përsipër pjesën e tyre të përgjegjësisë. Kur një person nuk e bën asnjëherë këtë, problemi nuk qëndron vetëm te debati, por te mënyra se si ai e sheh veten, ju dhe marrëdhënien.

Në fund, mbani parasysh: nuk është e nevojshme ta fitoni çdo debat. Nganjëherë, zgjedhja më e shëndetshme është të mos hyni në lojën e një personi që nuk kërkon mirëkuptim, por vetëm kontroll mbi versionin e vet të së vërtetës.

The post Si ta kuptoni se po debatoni me një person që nuk e pranon fajin appeared first on Albeu.com.

Rama shkruan se pavarësisht nga sa përpiqet të interpretohet, nuk do të ketë ulje pagash për këtë kategori.

“Por ndërkohë, s’mund të rri dot pa i shtruar një pyetje kësaj shoqatës së re: Po për shqelmimin e vazhdueshëm si askund në Europë të prezumimit të pafajësisë dhe kthimin e arresteve me burg pa gjyq në një praktikë rutinë, e cila e ka njollosur Shqipërinë botërisht, duke na renditur si dele të zezë në bisht të kontinentit europian dhe kthyer në subjekt publik shqetësimi të Komitetit të Këshillit të Europës për Parandalimin e Torturës, a keni ndonjë gjë për të deklaruar?!”, shkruan kryeministri.

Postimi i plotë:

Paska dalë edhe një shoqatë prokurorësh e re – ende e paregjistruar deri tani sipas ligjit, po brenda afatit për regjistrim – e cila ka deklaruar solidaritet me shoqatat e gjyqtarëve, duke kërkuar “që të mos ulen pagat”!!!

Pra, orvajtja absurde e kategorisë më të privilegjuar të piramidës së pagave të shtetit shqiptar, për t’ia rritur akoma më shumë pagat vetes me gjyq, tani na del si përpjekja e një grupi të diskriminuar nga qeveria, për të ndaluar uljen e pagave!!!

A e kuptoni apo jo se çfarë quhet “ulje pagash” në fillin e çuditshëm të këtij arsyetimi?

Mosngritja e pagave aq sa duan shoqatat e gjyqtarëve!!!

Pra, shqip, një pagë që s’më ngrihet sa ç’dua unë, është një pagë e ulur!!!

Duket totalisht e pabesueshme, po është shumë fatkeqësisht e vërtetë!

Absurditet total pra, sepse vetëm s’ka pasur asnjë tentativë, po as nuk i ka shkuar mendja askujt për të ulur pagat e gjyqtarëve! Madje kaq e madhe është vëmendja e qeverisë ndaj pushtetit gjyqësor, sa prej thuajse një viti tanimë po punojmë për të mundësuar ndërtimin e një Poli Drejtësie, si askund në Ballkan, që edhe kushtet e punës së trupës së drejtësisë të jenë njësoj si pagat, më të mirat në rajon!

Por ndërkohë, s’mund të rri dot pa i shtruar një pyetje kësaj shoqatës së re:

Po për shqelmimin e vazhdueshëm si askund në Europë të prezumimit të pafajësisë dhe kthimin e arresteve me burg pa gjyq në një praktikë rutinë, e cila e ka njollosur Shqipërinë botërisht, duke na renditur si dele të zezë në bisht të kontinentit europian dhe kthyer në subjekt publik shqetësimi të Komitetit të Këshillit të Europës për Parandalimin e Torturës, a keni ndonjë gjë për të deklaruar?!

Paska dalë edhe një shoqatë prokurorësh e re – ende e paregjistruar deri tani sipas ligjit, po brenda afatit për regjistrim – e cila ka deklaruar solidaritet me shoqatat e gjyqtarëve, duke kërkuar “që të mos ulen pagat”!!!

Pra, orvajtja absurde e kategorisë më të privilegjuar…

— Edi Rama (@ediramaal) February 4, 2026

The post Debati për pagat/ Edi Rama s`kursehet ndaj Shoqatës së Prokurorëve: S’do të ketë ulje rrogash, arrestet pa gjyqe kanë njollosur Shqipërinë botërisht appeared first on Albeu.com.

Celibashi sqaroi se nuk mund të ketë dorëheqje nga kandidimi pasi listat janë miratuar.

“Kleana Xhuveli, e renditur në listën e mbyllur të këtij koalicioni më sipër, vlerësoj që i takon asaj e drejta për të marrë mandatin e deputetit. Për sa kohë ajo e ka interesin për këtë”, u shpreh ai.

Celibashi: “Kjo është e qartë në Kodin Zgjedhor. Si mundet një kandidat të tërhiqet në datën e zgjedhjeve apo një ditë pas? Nuk mund ta bëjë këtë. Për sa kohë KQZ nuk ka vendosur për të shpallur kandidatët fitues, është në të drejtën e çdo kandidati për të hequr dorë.

Në rastin konkret Kleana Xhuveli ka pohuar se do të marrë mandatin nëse do jetë rasti. E ka bërë këtë deklarim edhe Zeqir Kordhoni, por Xhuveli është renditur më sipër, vlerësoj që i takon asaj e drejta për të marrë mandatin e deputetit”.

The post Debati Lapaj-Shabani për mandatin e “Nisma Shqipëria Bëhet”/ KQZ merr vendimin, ja kush do të futet në Parlament appeared first on Albeu.com.

Ai shton se elementet e tjerë si një kullë metalike, një copë rrethimi, një portë dhe një fragment kangjelle të përfshira në kontratë, do të realizohen vetëm pas zbërthimit të detajuar bazuar në foto e dëshmi historike si edhe do të jenë të çmontueshme në rast ndërhyrjesh të tjera në vijim sipas Planit të Menaxhimit. Gjithashtu Gonxhja thekson se çdo përgjegjësi gjatë fazës zbatuese është nën shqyrtim.

POSTIMI:

Duke i uruar të gjithëve një fundjavë të mbarë, nisur nga disa debate që vijojnë edhe në mediume publike e rrjete sociale, shpresoj se pamjet nga Spaçi provojnë reagimin dhe situatën korrekte të punës konservuese.

Mbi disa pikëpyetje shtesë:
Nuk është pjesë e ndërhyrjes ringritja e banjove dhe terracës mbi to, as nuk është aprovuar nga IKTK dhe as nuk përfshihet në projekt e kontratë!

Elementet e tjerë si një kullë metalike, një copë rrethimi, një portë dhe një fragment kangjelle të përfshira në kontratë, do të realizohen vetëm pas zbërthimit të detajuar bazuar në foto e dëshmi historike si edhe do të jenë të çmontueshme në rast ndërhyrjesh të tjera në vijim sipas Planit të Menaxhimit (çdo informacion do të jetë publik).

Çdo përgjegjësi gjatë fazës zbatuese është nën shqyrtim. Sqarimi i MEKI ka qenë shterrues dhe po ashtu masat nga IKTK.

Faleminderit për mirëkuptimin tërë të interesuarve që me të drejtë u alarmuan nga dy foto të punimeve fillestare. Ndjesë për shqetësimin, edhe pse në çdo rast zbatimi do të respektonte projektin dhe kushtet e kontratës!

The post Debati për Spaçin/ Gonxhja: Ndërhyrja do realizohet vetëm pas zbërthimit të detajuar bazuar në foto e dëshmi historike, do të jenë të çmontueshme appeared first on Albeu.com.

I pyetur nga Ylli Rakipi në emisionin Të Paekspozuarit në MCN TV, lidhur me kërkesën për qeveri teknike, Noka tha se beteja me “autokracinë” kërkon “konsistencë” dhe hapi i parë në betejë është “delegjitimimi i zgjedhjeve”.

Biseda në studio:

Ylli Rakipi: Edhe para zgjedhjeve kishit kërkuar qevveri teknike dhe nuk e morët. Tani kërkoni sërish qeveri teknike. Kaq budalla e dini Ramën ju që të pranojë qeveri teknike? Si e impononi ju qeverinë teknike?

Flamur Noka: U zhvilluan zgjedhjet në Serbi. Raporti i OSBE/ODHIR për zgjedhjet në Shqipëri është disa herë më i zi se në Shqipëri. Sot e kësaj dite zgjedhjet në Serbi nuk janë njohur.

Ylli Rakipi: Tani mos merr zgjedhjet e gjithë botës. Unë po të them Edi Ramën si e detyron ti për qeveri teknike?

Flamur Noka: Unë përgjigjem për ato që di.

Ylli Rakipi: Doktori shkollën më të mirë që ka krijuar është kjo, nuk ka rëndësi pyetja, jep përgjigjen që do.

Flamur Noka: Ne kemi mbledhur pafund dokumenta, plus atyre që ka OSBE/ODHIR. Po bëjmë dosje të farsës dhe po e përcjellim.

Ylli Rakipi: Ti thua më kanë vjedhur votat, nxirr njerëzit aty. Ti nuk je historian që mbledh dokumenta.

Flamur Noka: Nëse bëjmë atë që thua ti i bie të jemi analistë. Ne do të bëjmë ato që gjykojmë.

Ylli Rakipi: Ti thua më ka vjedhur Rama me farsë. Nxirri njerëzit dhe të ikë të fshihet Edi Rama.

Flamur Noka: Mos më këshillo por më lër. Autokracitë, narko-regjimet, kërkojnë konsistencë në betejë. Qartë? Delegjitimim të kësaj farsë. Hapi i parë.

The post “Kaq budalla e dini Ramën, që t’ju japë qeveri teknike?”/ Flamur Noka: Zgjedhjet nuk do të njihen, si në Serbi appeared first on Albeu.com.

Gjithçka nisi kur Gjesti reagoi për një nishan në trupin e Eglit, duke shkaktuar tension mes tyre.

Në spektaklin prime, moderatorja Rozana Radi, e vuri Gjestin para përgjegjësisë, duke i kërkuar që të shfaqte më shumë dashuri ndaj Eglit.

Megjithatë, artisti reagoi ashpër, duke shpërthyer në ulërima dhe duke deklaruar se nuk ka ndjenja për të.

Ky moment ka marrë shumë reagime nga publiku në faqen zyrtare të “Big Brother VIP”, mes tyre edhe nga ish-partnerja e Gjestit, Xheneta.

Ajo ka pëlqyer postimin, gjë që disa e kanë interpretuar si një shenjë mbështetjeje për të.

Situata mes dy banorëve mbetet e tensionuar, ndërsa fansat e programit presin të shohin si do të vijojë dinamika e tyre brenda shtëpisë.

The post Debati mes Gjestit dhe Eglit, reagon për herë të parë Xheneta (FOTO) appeared first on Albeu.com.

“Jo, unë respektoj presidentin dhe respektoj popullin amerikan, mendoj se ne duhet të jemi shumë të hapur dhe shumë të sinqertë. Nuk jam i sigurt nëse bëmë diçka të keqe. Mendoj se disa gjëra duhet t’i diskutojmë jashtë mediave, me gjithë respektin për demokracinë dhe mediat e lira”, tha presidenti i Ukrainës.

Volodymyr Zelensky, shtoi se marrëdhënia e tij me SHBA-në mund të riparohet ende pas shkëmbimeve të ashpra me Donald Trump dhe JD Vance në Shtëpinë e Bardhë.

“Do të jetë e vështirë pa mbështetjen tuaj”, tha Zelensky në Fox.

Presidenti Trump, u tha gazetarëve më vonë të premten se Zelensky po “tepron” dhe duhet të pranojë të mbyllë luftën “menjëherë”.

The post Përplasja e ashpër në Zyrën Ovale/ Zelensky refuzon t’i kërkojë falje Presidentit Trump: Nuk bëmë asgjë të keqe appeared first on Albeu.com.

Veliaj shprehet se ky dialog zhvillohet në “thertoren e Erion Kasapit”, duke iu referuar gjyqtarit Erion Bani.

“Kjo gjuhë dhe atmosferë, sikur Sigurimsat janë kthyer nga penxherja, pasi i nxorrëm nga dera, nuk duhet toleruar më”, shkruan Veliaj.

Postimi i Erion Veliajt:

Ky është një nga dialogjet në thertoren e Erion Kasapit! Lexojeni se me çfarë gjuhe flet prokurori i SPAK-ut, aq të ulët sa edhe Erion Kasapi duket xhentëllmen para tij!

Kjo gjuhë dhe atmosferë, sikur Sigurimsat janë kthyer nga penxherja, pasi i nxorrëm nga dera, nuk duhet toleruar më.

The post Erion Veliaj publikon pjesë nga debati me Prokurorin Ols Dado, gjatë seancës në GJKKO appeared first on Albeu.com.

Ai ka ndarë një video nga përplasja në Kuvend dhe akuzon Flamur Nokën, si sekretar i PD, se partia më e madhe opozitare në vend ka interes të mbajë në pushtet mazhorancën socialiste.

“Të dashur miq, ajo që ndodhi sot në Kuvendin e Shqipërisë është e paprecedentë në këto 33 vjet demokraci. Një përfaqësues i opozitës që i kërkon llogari mazhorancës dhe ministres për një aferë prej 1.3 mld euro largohet me dhunë nga foltorja jo nga përfaqësues të mazhorancës, jo nga garda, por nga sekretari i partisë opozitare më të madhe në Shqipëri.

Kjo tregon qartë që të gjithë kanë një interes të mbajnë pushtetin e tyre si ata që janë në pushtet dhe ata që janë në opozitë. Por kam një mesazh për të gjithë ata që mendojnë se me dhunë mund të na ndalojnë. Ne nuk dorëzohemi.

Jemi të vetëdijshëm që i gjithë sistemi ka interes që gjërat mos të ndryshojnë që të vazhdojnë në këtë mënyrë. Ne do të vazhdojmë, nuk dorëzohemi aty do na keni pavarësisht dhunës që ju ushtroni”, shkruan Agron Shehaj, kreu i Partisë Mundësia.

The post VIDEO/ Sherri fizik midis deputetëve në Kuvend, reagon Shehaj: PD ka interes që socialistët të qëndrojnë në pushtet! appeared first on Albeu.com.

Seanca po zhvillohet mes tensioneve të shumta, pasi të akuzuarit nga SPAK i janë kundërvënë bashkëpunëtorit të drejtësisë, duke i ndërprerë dëshminë.

I akuzuari, Petrit Qoli i është drejtuar me fjalët: “Nuredin Dumani, krijesa më e shpifur njerëzore që kam njohur në 53 vitet e jetës time”.

Nuredin Dumani: Dorjan shkoza na jep info per nje komshiun e vet ne shijak per ta grabitur. Erdhi dhe talo cela per te pare vendin, menduam se do mernim 500 mije euro. Agron qafa, talo, gent sharra dhe nje person qe quhet qimja. Kemi shkuar ne 4 te mengjesit. Ishim te gjithe me arme, me kallshnikov. Une me talon hapem deren me shkelm. Perballe kishim nje grua te vjeter dhe filluam u shperndame. Tek dhoma e gjumit gjetem nje grua me dy femije, i zume gojen asah gruas dhe i thashe mos fol se nk te prekim. Gjetem nje kuti druri dhe morem unazat dhe nja 2-3 mil lek. Dolem qe aty ikem.

Rast tjeter me te njejtet perosna ishte ne kavaje. Jemi orgënizuar une, ilirjan feci, gent sharra dhe talo celo. Me audi te vjeter, dhe shtëpinë e Fecit e kishim si baze. Kemi shkuar afer shtepise, ne nje pallat te vjeter. Edhe e pritem viktimen qe do grabisnim. Kisha kapale dhe nje maske te thjehste, i ra talo me leve ne surrat 2-3 here. Ra ne toke dhe nuk fliste dot se iu thye nofulla. Kishte nje cante me vete ia mora dhe ikem me vrap. Kemi mare diku tek 20 mil leke.

The post Plas debati në sallën e gjyqit/ Flet i penduari Nuredin Dumani në GJKKO, shpërthejnë ish-bashkëpunëtorët: Je krijesa më e … appeared first on Albeu.com.