Initially, Basha expressed his condolences to the victim’s family and relatives, and then commented on the public claims that had been made about the causes of the accident.

“Dear citizens, the tragic accident of June 14 on the ‘Dr. Ibrahim Rugova’ Highway, in which a female citizen lost her life, deeply affected us all. Once again, I express my deepest condolences to her family and relatives,” Basha wrote.

He stressed that, according to the official report of the Kosovo Police, the incident occurred as a result of the driver losing control of the vehicle.

“Today, the official report of the Kosovo Police shows that, based on professional investigations, the driver lost control of the car, first hitting the road signage and then the side protective barriers,” he said.

According to Basha, the report’s conclusions state that the road had no impact on causing the accident and that traffic was unobstructed.

“The report finds that both traffic lanes were open for movement and that the condition of the road did not contribute to causing the accident. These are official findings of the competent authorities,” he added.

Basha also criticized public statements that, according to him, sought to use this event for political gain.

“Let this be a lesson for everyone that such tragedies should not be used for political propaganda,” Basha said.

In the end, he once again repeated his condolences to the victim’s family.

The post Basha publishes report on fatal accident on the “Dr. Ibrahim Rugova” highway: The cause was not the condition of the road appeared first on Albeu.com.

Fillimisht, Basha u ka shprehur ngushëllime familjarëve dhe të afërmve të viktimës, ndërsa më pas ka komentuar pretendimet publike që janë bërë për shkaqet e aksidentit.

“Të dashur qytetarë, aksidenti tragjik i 14 qershorit në Autoudhën ‘Dr. Ibrahim Rugova’, ku humbi jetën një qytetare, na preku thellë të gjithëve. Edhe një herë, shpreh ngushëllimet më të thella për familjen dhe të afërmit e saj”, ka shkruar Basha.

Ai ka theksuar se, sipas raportit zyrtar të Policisë së Kosovës, ngjarja ka ardhur si pasojë e humbjes së kontrollit mbi automjetin nga ana e drejtuesit.

“Sot, Raporti zyrtar i Policisë së Kosovës tregon që në bazë të hetimeve profesionale, drejtuesi i automjetit e ka humbur kontrollin mbi veturën, duke goditur fillimisht sinjalizimin rrugor dhe më pas elementet mbrojtëse anësore”, ka deklaruar ai.

Sipas Bashës, në përfundimet e raportit thuhet se rruga nuk ka pasur ndikim në shkaktimin e aksidentit dhe se qarkullimi ka qenë i lirë.

“Raporti konstaton se të dy shiritat e qarkullimit kanë qenë të lirë për lëvizje dhe se gjendja e rrugës nuk ka ndikuar në shkaktimin e aksidentit. Këto janë gjetje zyrtare të organeve kompetente”, ka shtuar ai.

Basha ka kritikuar gjithashtu deklaratat publike që, sipas tij, janë përpjekur ta përdorin këtë ngjarje për përfitime politike.

“Le të jetë ky mësim për të gjithë se tragjeditë e tilla nuk duhet të përdoren për propagandë politike”, ka thënë Basha.

Në fund, ai ka përsëritur edhe një herë ngushëllimet për familjen e viktimës.

The post Basha publikon raportin për aksidentin fatal në autostradën “Dr. Ibrahim Rugova”: Shkak nuk ishte gjendja e rrugës appeared first on Albeu.com.

Në reagimet e para, Rama e akuzoi Bashën për paaftësi dhe manipulim, ndërsa ministri i hodhi poshtë këto pretendime, duke i quajtur shpifje.

Më pas debati u zgjerua edhe më tej, me përfshirjen e koordinatores së LVV-së, Dejona Mihali, si dhe të kryetarit të Skënderajt, Sami Lushtaku. Ky i fundit iu drejtua Mihalit me pyetjen se cili është “misioni” i saj në Kosovë, duke kërkuar njëkohësisht sqarime për ndikimin e saj në vendimmarrje.

Nga ana tjetër, Mihali u kundërpërgjigj duke dhënë sqarime për familjen e saj dhe duke e akuzuar Lushtakun për grabitje të vendit.

“Tani, mirë që u lajmërove se shumë e ke sikletin e madh dhe ti. Mos pahiri PDK po bën ndonjë dakordim e po lëviz nga bllokada ku ka ngecur.

Aty ku e do ti. Të ngecur, nëpër marifetet e tua dhe atyre që të vinë rrotull. E do një PDK sa për vete, sa me t’i la ty gjynahet. Po dije që dhe ata një ditë kanë me u largu nga ty, se nuk ta kanë me borxh.

Sa për Aleksandrin, që ta dish, se për ta kuptuar nuk kupton dot: Nënkolonel Aleksandër Mihali ka lindur në Tiranë e do vdes po atje, ku i ka varret e babës, nënës e krejt familjes.

Ti dhe soji yt që për 1 vit që ke mbajt armën në krah, i ke dhënë vetes të drejtën me grabit pasurinë popullit tënd 20 vjet, nuk i afroheni as të këmbët Aleksandrit dhe shokëve të tij.

Se ata po i afrohen të 80-tave dhe kurrë nuk ia kanë punuar pas shpine as Shqipërisë as shqiptarisë. E kundërta, krejt jetën kanë punuar me nder. E ashtu do t’i mbyllin sytë, të nderuar”, ka shkruar Mihali.

Për zhvillimet e fundit dhe zgjerimin e hendekut politik mes pushtetit dhe opozitës ka folur për “Bota sot” analisti politik Lirim Gashi, i cili vlerëson se kjo ndarje nuk është krijuar tani, por ka rrënjë më të hershme.

Sipas tij, pas disa cikleve zgjedhore të humbura, do të ishte e natyrshme që partitë opozitare të bënin një analizë të vetes dhe të kërkonin arsyet e dështimit.

“Këto përplasje nuk janë shkaku i hendekut politik; ato janë simptoma e tij. Hendeku është krijuar shumë më herët, në momentin kur një pjesë e opozitës vendosi ta zëvendësojë autokritikën me akuzën ndaj popullit. Pas disa palë zgjedhjeve të humbura, do të ishte logjike që partitë opozitare të pyesnin veten se çfarë kanë bërë gabim, pse kanë humbur besimin e qytetarëve dhe pse një pjesë e madhe e elektoratit vazhdon t’i shohë si simbol të një epoke të korrupsionit, klientelizmit dhe kapjes së shtetit. Por në vend të pastrimit të oborrit të vet, ato kanë zgjedhur një metodë më komode: ta shpallin popullin fajtor për verdiktin e tij. Kjo është ndoshta forma më e rafinuar e arrogancës politike: të humbasësh zgjedhjet dhe të dalësh në përfundimin se nuk ke gabuar ti, por votuesi. Është si studenti që bie vazhdimisht në provim dhe fillon të dyshojë në inteligjencën e profesorëve, fakultetit dhe ligjeve të fizikës, por kurrë në nivelin e vet të dijes”, shprehet Gashi.

Analisti thekson se LVV vazhdon të shihet nga një pjesë e madhe e publikut si një alternativë përballë modelit të vjetër politik.

Sipas tij, sa më shumë opozita shmang përballjen me gabimet e veta të së kaluarës, aq më shumë e thellon vetë ndarjen që pretendon se ia ka shkaktuar kundërshtari.

“Përplasjet me LVV-në bëhen më të ashpra pikërisht sepse LVV-ja, me të gjitha mangësitë e saj, vazhdon të perceptohet nga një pjesë e madhe e qytetarëve si alternativë ndaj modelit të vjetër politik. Dhe sa më shumë që opozita refuzon të përballet me gabimet e veta historike, aq më shumë e thellon vetë hendekun që pretendon se e ka krijuar kundërshtari. Një problem tjetër serioz është paqartësia kronike e opozitës për çështjen e Veriut. Shpesh krijohet përshtypja sikur disa prej drejtuesve të saj nuk janë të shqetësuar nga fakti që shteti shtrin sovranitetin në veri, por nga fakti që këtë po e bën dikush tjetër. Kjo e bën diskursin e tyre të duket kontradiktor: deklarativisht kërkojnë sovranitet, por praktikisht kritikojnë pothuajse çdo hap që e forcon atë. Po aq problematik mbetet edhe përpjekja e vazhdueshme për ta përdorur luftën çlirimtare si certifikatë të përhershme imuniteti politik. Lufta për liri është një nga faqet më të ndritura të historisë sonë kombëtare, por ajo nuk mund të shndërrohet në biletë të përjetshme për korrupsion, zhvatje të pasurisë publike apo kompromise të dëmshme me Serbinë. Heroizmi i djeshëm nuk e amniston askënd nga përgjegjësia e sotme”, deklaron analisti.

Gashi vlerëson më tej se këto përplasje mund të kenë pasoja edhe në nivelin qendror.

Ai nënvizon se thelbi i problemit nuk qëndron te mungesa e komunikimit mes pozitës dhe opozitës, por te mungesa e reflektimit serioz brenda opozitës për shkaqet që e kanë çuar në gjendjen aktuale.

“Këto përplasje kanë potencial të ndikojnë edhe në nivel qendror, por jo për shkakun që pretendojnë protagonistët e tyre. Problemi kryesor nuk është mungesa e komunikimit ndërmjet pozitës dhe opozitës. Problemi është mungesa e një reflektimi serioz brenda opozitës për arsyet që e kanë sjellë në pozitën ku ndodhet sot. Vështirë se mund të ndërtohet një konsensus i qëndrueshëm me forca politike që ende nuk kanë vendosur nëse humbjet zgjedhore janë rezultat i gabimeve të tyre apo i “keqkuptimit” të popullit. Demokracia funksionon mbi parimin që populli zgjedh, jo që partitë e pakënaqura korrigjojnë popullin. Po ashtu, qytetarët e kanë të vështirë të besojnë te një opozitë që për vite të tëra ka treguar më shumë servilizëm ndaj ndërmjetësve ndërkombëtarë sesa këmbëngulje në mbrojtjen e interesave të Kosovës. Shpesh kemi parë liderë opozitarë që kanë kundërshtuar më ashpër institucionet e Kosovës sesa diplomatët e huaj që kanë promovuar zgjidhje të dëmshme ose diskriminuese për vendin. Në disa raste, dukej sikur parimi i tyre politik ishte i thjeshtë: nëse një propozim e dëmton Kosovën, duhet parë fillimisht kush e propozon; nëse vjen nga ndonjë qendër e fuqishme ndërkombëtare, atëherë dëmi paraqitet si “realizëm politik”, ndërsa kundërshtimi si “papjekuri”. Ky mentalitet ka prodhuar një kulturë nënshtrimi diplomatik që qytetarët e kanë vërejtur dhe e kanë ndëshkuar me vote”, shton Gashi.

Në përmbyllje, ai thotë se thelbësore nuk është thjesht nëse do të arrihet apo jo një konsensus pas certifikimit të rezultateve, por mbi çfarë baze do të ndërtohet ai.

Sipas Gashit, problemi kryesor mbetet fakti se opozita ende nuk e ka kuptuar arsyen pse po humb zgjedhjet.

“Prandaj, çështja nuk është nëse do të ketë apo jo konsensus pas certifikimit të rezultateve. Çështja është se mbi çfarë baze do të ndërtohet ai konsensus. Nëse opozita vazhdon të sillet si një njeri që kërkon të ndryshojë pasqyrën sepse nuk i pëlqen fytyra që sheh në të, atëherë bllokadat do të vazhdojnë. Por nëse ajo gjen guximin të pastrojë mbeturinat politike të së kaluarës, të distancohet qartë nga kultura e pandëshkueshmërisë, të mbrojë pa ekuivoke sovranitetin e Kosovës dhe të ndërtojë një raport më dinjitoz me faktorin ndërkombëtar, atëherë mund të shndërrohet sërish në alternativë të besueshme. Në fund, problemi i Kosovës nuk është se opozita humb zgjedhjet. Problemi është se një pjesë e saj ende nuk e ka kuptuar pse i humb. Dhe derisa të mos e kuptojë këtë, do të vazhdojë të kërkojë fajtorë kudo — te populli, te mediat, te kundërshtarët, te rrethanat, madje edhe te graviteti — përveçse aty ku fillon çdo reformë serioze: te vetja”, përfundon analisti.

The post Gashi për tensionet Rama-Basha-Mihali-Lushtaku: Kriza e opozitës buron nga mungesa e vetëreflektimit appeared first on Albeu.com.

Ambasadori britanik në Prishtinë, Jonathan Hargreaves, tha se e uroi Bashën për postin e tij dhe se me të u “pajtuan” se Kuvendi duhet të konstituohet plotësisht sa më parë, megjithëse as Kuvendi e as Basha nuk folën për pajtueshmëri të tillë në komunikatat e publikuara pas takimit.

“U pajtuam mbi rëndësinë e konstituimit të plotë të Kuvendit sa më shpejt që të jetë e mundur, duke respektuar çdo vendim të Gjykatës Kushtetuese”, shkroi Hargreaves në Facebook.

Basha e shpalli njëanshëm të përfunduar seancën konstituive të Kuvendit të Kosovës të dielën, pavarësisht se nuk u zgjodh nënkryetari i pestë dhe i fundit nga komuniteti joshumicë serb – për çfarë u kritikua nga partitë e tjera parlamentare.

Nga pesë nënkryetarët e kërkuar me Kushtetutë, katër u zgjodhën – tre shqiptarë dhe një përfaqësues i pakicave joserbe – ndërsa i pesti, nga komuniteti serb, nuk arriti t’i siguronte votat e mjaftueshme.

Kuvendi i Kosovës nuk dha shumë hollësi në njoftimin e tij për takimin e Bashës me ambasadorin Hargreaves dhe bisedën e tyre në lidhje me seancën konstituive, përveç asaj se kryetari e njoftoi ambasadorin “për zhvillimet e fundit politike në vend, me theks të veçantë për procesin e seancës konstituive të Kuvendit”.

Ndërkohë, më vonë, Basha shkroi në Facebook se me ambasadorin “diskutuam për zhvillimet e fundit politike në vend dhe për përfundimin e seancës konstituive të Kuvendit”.

Hargreaves tha se shpreson që ngërçi politik të zgjidhet shpejt në mënyrë që Kuvendi dhe një qeveri e re të mund ta vazhdojnë punën jetike për të mirën e të gjithë qytetarëve të Kosovës.

Ai tha se bisedoi me Bashën edhe për rëndësinë e konsultimit të mirëfilltë me komunitetin serb të Kosovës, për të siguruar pjesëmarrjen e tyre të plotë në shoqërinë kosovare.

Kuvendi theksoi se Basha e siguroi ambasadorin se Kosova mbetet e palëkundur në mbrojtjen e interesave dhe të drejtave të të gjithë qytetarëve të vet.

Më vonë Basha e priti në zyrën
“Kryetari dhe përfaqësuesi i BE-së diskutuan lidhur me ngjarjet e fundit politike në Kosovë dhe biseduan për rëndësinë e një legjislature efektive për realizimin e politikave integruese në BE”, thuhet në një njoftim të Kuvendit në Facebook.

Oravo, në anën tjetër, shkroi në X se me Bashën bisedoi për nevojën për të respektuar proceset kushtetuese, duke siguruar institucione gjithëpërfshirëse dhe shumetnike.

Ai shtoi se “BE-ja është këtu për të mbështetur Kosovën”, dhe se formimi i komiteteve qeveritare dhe parlamentare është kyç për avancimin e Planit të Rritjes. Bllokada politike pas zgjedhjeve të shkurtit po i kushton vendit miliona euro nga Plani i Rritjes i BE-së për Ballkanin Perëndimor.

Ndërkohë, me gjithë dyshimet lidhur me konstituimin e Kuvendit, partia e Bashës, Lëvizja Vetëvendosje (LVV), ka ndër mend të vazhdojë përpjekjet për formimin e Qeverisë së re, pasi ajo pritet ta rikonfirmojë liderin e vet dhe kryeministrin në detyrë, Albin Kurti, për kryeministër të vendit.
Këtë e konfirmoi për Radio Evropa e Lirë zëdhënësi i LVV-së, Arlind Manxhuka, i cili tha se një mbledhje e partisë fituese të zgjedhjeve të shkurtit do të mbahet të dielën e 7 shtatorit.

Pas asaj mbledhje, LVV-ja do ta dërgojë te presidentja e vendit, Vjosa Osmani, emrin e Kurtit për të provuar formimin e Qeverisë së re.

Megjithatë, nuk është e qartë nëse presidentja Osmani do ta mandatojë kandidatin e LVV-së për kryeministër në këtë gjendje.

Presidenca e Kosovës tha në fillim të javës se ekipi ligjor po e analizon procesin e konstituimit të Kuvendit pasi Basha e shpalli atë të përfunduar.

Ajo nuk iu përgjigj të enjten Radios Evropa e Lirë nëse janë nxjerrë përfundimet mbi procesin dhe nëse e vlerëson të konstituuar Kuvendin.

Për këtë çështje, Osmani i priti në takime Hargreavesin dhe ambasadorin e Gjermanisë në Kosovë, Jorn Rohde.
Osmani tha se, në lidhje me konstituimin e institucioneve të vendit, do të veprojë “në përputhje të plotë me Kushtetutën dhe ligjet në fuqi”.

I gjithë procesi i konstituimit të Kuvendit është përcjellë me kritika për shkelje ligjore dhe aktgjykime nga Gjykata Kushtetuese.

Një vlerësim i kushtetutshmërisë nga kjo gjykatë pritet edhe për rastin e fundit të dërguar nga Lista Serbe, e cila e konsideroi shkelje kushtetuese votimin ndaras të dy nënkryetarëve nga komuniteti joshumicë./REL/

The post Ambasadorët i shkojnë Dimal Bashës në takim, diskutojnë për çështjen e konstituimit të Kuvendit të Kosovës appeared first on Albeu.com.

Ai tha se është bazuar në rregulloren e punës së Kuvendit të Kosovës kur e konstituoi parlamentin.

“Në atë moment kam vlerësuar se Kuvendi nuk duhet të mbetet jofunksional për shkak të moszgjedhjes së një nënkryetari“-u shpreh Basha.

Për ta njoftuar për situatën, Basha është takuar mesditën e së hënës edhe me Presidenten e Kosovës, Vjosa Osmanin.

Megjithatë, tha së nuk kanë diskutuar mbi mandatarin për formimin e qeverisë, proces i cili e pason konstituimin e Kuvendit.

“Unë vetëm e kam njoftu për seancën konstituive dhe arsyetimin prapa sic edhe ju njoftova edhe juve. Por nuk e kemi biseduar atë pjesë sepse nuk më takon mua”.

E nga Lëvizja Vetëvendosje, që si fitues i zgjedhjeve e ka këtë të drejtë pa dhënë afat thonë se do e kërkojnë nga presidentja të ia japë të drejtën për të propozuar kabinetin qeveritar para kuvendit .

“Na duhet paraprakisht që të kemi një mbledhje të këshillit të përgjithshëm ku e votojmë mandatarin e pastaj zonja Arbërie Nagavci që është njëherit edhe kryesuesi e këshillit të përgjithshëm të LVV-së ta dërgojë emrin e kryeministrit Kurti te Presidentja Osmani dhe pastaj presim që presidentja të veprojë në këtë drejtim”-shprehet Albulena Haxhiu.

Pas konstituimit, Presidentja e Kosovës duhet të pres në takim përfaqësuesin e Lëvizjes Vetëvendosje për t’i dhënë mandatin për formimin e qeverisë. Nga ajo dite, partia e parë e dalë nga zgjedhjet e nëntë shkurtit ka afat 15 ditë për të siguruar shumicën prej 61 votash.

The post Plani për qeverinë e re, kryetari i kuvendit Dimal Basha: Parlamenti i Kosovës s’mund të jetë peng i nënkryetarit serb appeared first on Albeu.com.

Asnjë nga deputetët e komunitetit serb, nuk mori shumicën e nevojshme për të marrë postin e nënkryetarit.

Në rrethanat që u krijuan pas dështimit të zgjedhjes së njërit nga deputetët e komunitetit serb si nënkryetar i Kuvendit, Dimal Basha, theksoi se të gjitha opsionet për këtë proces ishin ezauruar.

Ai njoftoi se Kuvendi nuk ka mundësi tjetër, për të vazhduar me zgjedhjen e nënkryetarit të Kuvendit të pestë, që vjen nga komuniteti serb.

“Ne si Kuvend nuk kemi mundësi tjetër për të vazhduar, sa i përket nënkryetarit që vjen nga komuniteti jo shumicë serb. Prandaj, me këtë rast, konsideroj se kemi ezauruar edhe pikën e katërt të rendit të ditës të seancës konstituive. Dhe, meqenëse nuk ka mundësi tjetër për të proceduar tutje, konsideroj se kjo seancë konstituive përmbyllet. Në emër të funksionalizimit të Kuvendit dhe materializimit të rezultatit zgjedhor të 9 shkurtit, konsideroj se moszgjedhja e njërit nga 5 nënkryetarët apo njërit nga 6 anëtarët e kryesisë nuk mund të bëhet pengesë që bllokon konstituimin e Kuvendit të Kosovës. Pas përmbylljes së seancës konstituive, Kuvendi duhet të vazhdojë punën, siç parashihet me Kushtetutë. Sa i përket hapave të ardhshëm për punën tonë si Kuvend, do t’i konsultoj anëtarët tanë të zgjedhur si nënkryetarë të Kuvendit, mbledhje që do të mbahet të hënën në ora 13:00”, tha Basha.

Seanca konstituive e Kuvendit të Kosovës nisi më 15 prill, pas zgjedhjeve parlamentare të jashtëzakonshme të mbajtura më 9 shkurt.

Nga ajo kohë deri sot, janë bërë 61 tentativa për konstituimin e plotë të Kuvendit të Kosovës.

Në tentimin e 59, u zgjodh kryetari i Kuvendit, Dimal Basha, tre nënkryetarë nga PDK, LDK dhe LVV, si dhe nënkryetarja nga pakicat tjera joserbe.

The post Dimal Basha mbyll seancën për konstituimin e Kuvendit të Kosovës, çfarë ndodh më pas appeared first on Albeu.com.

Mesazhi i Begajt:

“Urime, z. Dimal Basha, për zgjedhjen në krye të Kuvendit të Kosovës! Bashkëpunimi politik dhe institucional është një domosdoshmëri që uroj dhe shpresoj të vijojë në të mirë të Kosovës e qytetarëve të saj”, u shpreh kreu i shtetit shqiptar.

Zgjedhja e Bashës, vjen pas disa muajsh bllokimi institucional, duke i hapur rrugë normalizimit të punës së Kuvendit të Kosovës.

The post Presidenti Begaj mesazh urimi për kryeparlamentarin e ri Dimal Basha: Shpresoj që bashkëpunimi të vijojë në të mirë të Kosovës appeared first on Albeu.com.

Propozimin e Bashës e bëri deputetja dhe ministrja në detyrë e Arsimit, Arbërie Nagavci.

Pas propozimit, kryesuesi i seancës e hodhi në votim këtë propozim.

Basha mori 73 vota për, kundër ishin 30 dhe 3 kanë abstenuar.

Avni Dehari konstatoi se Kuvendi zgjodhi për kryetar të këtij institucuoni, deputetin Dimal Basha.

Ishte hera e dytë që emri i Bashës u propozua për kryeparlamentar. Në përgjithësi ishte emri i pestë i propozuar nga Lëvizja Vetëvendosje

The post Dimal Basha zgjedhet kryetar i Kuvendit, mori vota edhe nga PDK appeared first on Albeu.com.