Çështja tashmë po trajtohet nga Prokuroria Publike në Shkup, e cila ka dhënë urdhër për kontrolle në tre lokacione. Sipas të dhënave të para nga hetimi paraprak, mjeku, i cili është i punësuar në Qendrën Klinike “Nënë Tereza”, kishte porositur 199 flakona Botox nga një kompani koreane, me vlerë prej 615 mijë denarësh. Ai ishte marrë vesh që në faturë ato të paraqiteshin si 10 copë produkte kozmetike, me vlerë të përgjithshme prej 80 dollarësh.

Më pas, sipas njoftimit, ai i kishte kërkuar të dyshuarës së dytë, një infermiere e angazhuar në Qendrën Klinike Nënë Tereza, të figurojë si pranuesja e mallrave. Ajo, thuhet më tej, e kishte ndihmuar në realizimin e veprave duke pranuar që porosia të mbërrinte në emrin dhe adresën e saj, si edhe duke shlyer faturën nga llogaria e saj e transaksionit.

Rasti u zbulua nga zyrtarët doganorë gjatë një kontrolli të detajuar të një dërgese postare të paraqitur për zhdoganim importi. Dërgesa shoqërohej me një faturë ku ishin shënuar 10 mostra kozmetike dhe ku në mënyrë të pasaktë deklarohej se vlera e tyre ishte vetëm 80 dollarë. Megjithatë, në të vërtetë bëhej fjalë për 199 flakona Botox, me vlerë reale prej 615 mijë denarësh.

Ndryshe, Botox nuk lejohet të importohet në Maqedoni pa miratimin e Agjencisë për Barna dhe Pajisje Mjekësore MALMED.

“Kjo nuk është vetëm një përpjekje për të mashtruar sistemin, por edhe një rrezik potencial për shëndetin e qytetarëve. Prandaj, Drejtoria e Doganave mbetet e përkushtuar fuqimisht për të mbrojtur interesin publik dhe do të vazhdojë me një politikë tolerance zero ndaj kujtdo që përpiqet të veprojë në kundërshtim me ligjin”, thotë Drejtori i Doganave, Boban Nikollovski./Telegrafi/

The post Doganat e Maqedonisë: Mjeku dhe infermierja dyshohen për kontrabandë me 199 shishe Botox nga Korea appeared first on Albeu.com.

Sipas njoftimit, të dyshuarit i kishin blerë në Turqi bizhuteritë e arit, konkretisht katër zinxhirë ari me peshë të përgjithshme 190.6 gramë, dhe më pas, me synim kontrabandimin, i kishin vendosur në trup dhe i kishin mbuluar me rrobat e tyre.

Rasti është përcjellë te Departamenti i Hetimeve, i cili ka paraqitur kallëzime penale ndaj autorëve në Prokurorinë Publike në Gjevgjeli.

Ky përbën sekuestrimin e 11-të të arit gjatë këtij viti nga Drejtoria e Doganave, ndërsa sasia totale e bizhuterive të arit të konfiskuara deri tani arrin në dy kilogramë. Katër prej rasteve janë zbuluar në Bogorodicë, pesë në Aeroportin Ndërkombëtar të Shkupit, si dhe nga një rast në Tabanoc dhe Bllacë. Në nëntë raste, dhjetë persona janë ndjekur penalisht nga Departamenti i Hetimeve Kundër krimit e kontrabandës, vepër e dënueshme sipas Kodit Penal.

Nga Doganat e Maqedonisë theksojnë se mesazhi i tyre është i qartë: pavarësisht mënyrave që përdorin kontrabandistët, shërbimet doganore do t’i zbulojnë dhe do të kujdesen që krimi të ndëshkohet në masën më të plotë. Sipas tyre, raste të tilla dëshmojnë qartë përkushtimin e fortë të Administratës Doganore për të luftuar të gjitha format e krimit, për të mbrojtur interesat financiare të shtetit dhe për të garantuar konkurrencë të ndershme në treg.

The post Doganat e RMV-së sekuestruan në Bogorodicë bizhuteri ari me vlerë 1.1 milion denarë appeared first on Albeu.com.