Në njoftimin e publikuar, dega fillimisht ka falënderuar strukturat lokale, aktivistët dhe anëtarësinë për angazhimin e treguar gjatë procesit zgjedhor. Mirënjohje u është shprehur edhe qytetarëve të Komunës së Lipjanit për pjesëmarrjen dhe kontributin në një proces zgjedhor demokratik, të qetë dhe dinjitoz.

Në postim thuhet se LDK-ja në Lipjan ka shënuar rritje, duke kaluar nga 6,338 vota, apo 19.40 për qind, në zgjedhjet e dhjetorit, në 6,455 vota, apo 23.60 për qind, në zgjedhjet e qershorit 2026.

Pavarësisht kësaj, Kryesia ka vlerësuar se ky rezultat mbetet ende larg pritshmërive dhe angazhimit të strukturave lokale. Ajo ka theksuar se rezultati në nivel vendi nuk mund t’u faturohet vetëm strukturave lokale, por pasqyron edhe gjendjen, organizimin, funksionimin dhe kapacitetin politik të partisë në nivel qendror.

The post Dega e LDK-së në Lipjan kërkon dorëheqjen e Abdixhikut appeared first on Albeu.com.

Ky vendim shënon një zhvillim të papritur për institucionin, duke ngritur pikëpyetje të shumta mbi situatën në drejtimin e universitetit. Ndërkohë, ende nuk janë bërë të ditura motivet zyrtare që çuan në largimin e tij nga detyra.

Dorëheqja vjen pas muajsh tensionesh me Bordin e Administrimit, të cilin Gjuraj e akuzon për vendimmarrje të paligjshme dhe për tejkalim të kompetencave. Ai kundërshton veçanërisht emërimin e administratorit të universitetit, shtyrjen e moshës së pensionit për anëtarët e bordit dhe mënyrën e menaxhimit të fondeve të projekteve.

“Rektori është i përkohshëm, Bordi i Administrimit i jashtëkohshëm, por Universiteti i Shkodrës ‘Luigj Gurakuqi’ është dhe mbetet i përhershëm”, shkruan ai në një nga pjesët e letrës së dorëheqjes.

“Mandati që buron nga komuniteti universitar nuk është vetëm një e drejtë për të drejtuar, por një detyrim për ta ushtruar atë me integritet, në respekt të autonomisë universitare dhe në shërbim të universitetit e qytetit të Shkodrës”, shkruan ai.

The post Ndërhyrjet politike në drejtimin e Universitetit të Shkodrës “Luigj Gurakuqi”, dorëhiqet rektori Tonin Gjuraj appeared first on Albeu.com.

Dorëheqja vjen vetëm pak javë pasi emri i tij u përfshi në debat publik për mungesat e gjata në punë. Sipas raportimeve të mediave në Maqedoninë e Veriut, Fetai nuk ishte paraqitur në detyrë prej muajsh, ndërsa aktivitetet e tij të fundit publike si zëvendëskryeministër datonin që nga marsi.

Çështja mori edhe më shumë vëmendje pasi Fetai mungoi në seancën e pyetjeve të deputetëve më 18 maj, megjithëse më herët ishte paralajmëruar pjesëmarrja e tij. Në të njëjtën periudhë u ngritën pyetje edhe nëse ai vazhdonte të merrte pagë nga buxheti i shtetit. Më herët, Mickoski kishte bërë të ditur se Fetai i kishte shprehur personalisht dëshirën për tu larguar nga Qeveria dhe për tu rikthyer në Bruksel, ku ka pasur angazhime profesionale para se të merrte detyrën në ekzekutiv.

Postimi i Fetait:

Të dashur miq dhe bashkëqytetarë, Sot i dorëzova Kryeministrit dorëheqjen time nga detyra e Zëvendëskryeministrit përgjegjës për Qeverisjen e Mirë. Gjatë këtyre dy viteve kam pasur nderin dhe privilegjin t’i shërbej vendit, duke kontribuar në reforma që synojnë forcimin e llogaridhënies, transparencës dhe shtetit të së drejtës, një mision sa i rëndësishëm aq edhe jofalenderues.

A jam plotësisht i kënaqur me atë që kemi arritur? Sigurisht që jo. Gjithmonë ka hapësirë për më shumë, për më mirë dhe për më shpejt. Por a kam punuar me përkushtimin maksimal për të vendosur themele të shëndosha mbi të cilat mund të ndërtohet më tej? Pa asnjë mëdyshje, po. Largohem me kokën lart dhe me ndërgjegje të pastër. Ky është një vendim i mirëmenduar, i marrë me bindjen se në rrethanat aktuale kjo është gjëja më e drejtë dhe më dinjitoze.

Falënderoj të gjithë ata që më kanë besuar, më kanë mbështetur dhe kanë bashkëpunuar me mua gjatë këtij rrugëtimi. Mirënjohje e veçantë për ekipin tim, partnerët ndërkombëtarë, shoqërinë civile dhe qytetarët që më kanë dhënë forcë e motivim në çdo hap. Shërbimi ndaj interesit publik nuk mbaron kur mbaron funksioni. Përkundrazi, ai vazhdon kudo ku ka nevojë për integritet, kurajë dhe zëra të lirë në mbrojtje të së mirës së përbashkët. Letrën e dorëheqjes mund ta lexoni më poshtë.

The post Jep dorëheqjen nga detyra zv.kryeministri i Maqedonisë së Veriut: Po largohem me kokën lart appeared first on Albeu.com.

Në shenjë proteste, partia Progresiste e Spruds tërhoqi mbështetjen e saj për koalicionin qeverisës të Silinës, duke bërë që ai të rrëzohej disa muaj para zgjedhjeve të përgjithshme të planifikuara në tetor.

“Duke parë një kandidat të fortë për postin e ministrit të mbrojtjes… mashtruesit politikë kanë zgjedhur një krizë, po jap dorëheqjen, por nuk po dorëzohem”, tha Silina.

Pasojat politike u shkaktuan nga depërtimi i tre dronëve në hapësirën ajrore letoneze më 7 maj, aksidenti i dytë i tillë që nga fillimi i vitit 2026. Si Letonia ashtu edhe Ukraina pranuan se dronët mund të kenë qenë (UAV) ukrainas të destinuar për të synuar Rusinë, sinjalet e së cilës ishin bllokuar, duke i bërë ata të humbnin rrugën drejt Letonisë. Një dron u rrëzua në tokë, ndërsa një tjetër goditi një depo të zbrazët të produkteve të naftës pranë qytetit Rezekne. I treti fluturoi brenda dhe jashtë hapësirës ajrore letoneze. Nuk pati viktima apo të lënduar por banorët vendas u thanë mediave se reagimi zyrtar ndaj incidentit kishte qenë i vonuar dhe i pamjaftueshëm. Ata thanë se sistemi i alarmit të transmetimit celular nuk ishte aktivizuar për një orë pasi një nga dronët u rrëzua pranë Rezeknes. Silina është shprehur pas incidentit: Diçka shkoi keq. Nuk mund ta përballojmë që kjo situatë të vazhdojë.

Ajo tha se i kishte kërkuar gjithashtu Spruds të jepte dorëheqjen për shkak të situatës në sektorin e mbrojtjes letoneze në tërësi. Evika Silina u emërua kryeministre e Letonisë në shtator 2023, duke kryesuar një qeveri koalicioni me tre parti. Qeveria e saj ka qenë e palëkundur në mbështetjen e saj për Ukrainën kundër Rusisë. Letonia, ashtu si dy vendet e tjera baltike, Lituania dhe Estonia, ndihet gjithnjë e më nervoze për agresionin e mundshëm rus. Ajo ka përshpejtuar ndjeshëm aftësitë e saj mbrojtëse dhe ka rivendosur zyrtarisht shërbimin e detyrueshëm ushtarak një vit pasi Moska nisi pushtimin e saj në shkallë të plotë të Ukrainës.

The post Kryeministrja letoneze jep dorëheqjen, shkak dronët ukrainas që hynë në hapësirën e shtetit appeared first on Albeu.com.

Televizioni shtetëror ERT njoftoi se ministrat e bujqësisë dhe të mbrojtjes civile kanë dhënë dorëheqjen, së bashku me një zëvendësministër të shëndetësisë, ndërsa zëdhënësi i qeverisë pritet të bëjë njoftime për një riformatim të kabinetit.

Prokurorët evropianë po hetojnë një numër në rritje te politikanëve të partisë në pushtet në Greqi, pasi dyshojne për përvetësim të mundshëm të subvencioneve bujqësore të BE-së. Skandali po zgjat prej nje viti dhe e ka shtuar presionin ndaj qeverisë.

Prokurorët kërkuan të mërkurën që 11 deputetëve t’u hiqet imuniteti parlamentar, dhe përmendën edhe shtatë politikanë të tjerë të dyshuar për përfshirje, përfshirë edhe një ish-ministër të bujqësisë. Dyshohe se ne skemën abusive jane edhe dy deputete te tjere.

Zyra e Prokurorit Publik Evropian akuzon përfituesit e subvencioneve se kane bërë kekrese per subvencione për toka që nuk i zotëronin dhe kishin rritur numrin e bagetive në ferma. Disa prej personave që merrnin pagesa nuk kishin asnjë lidhje me bujqësinë.

Ne tetorine kalaur apsi arrestime, ndersa fermerët bene protesta pasi u ishin vonuar subvencionet. Po hetohen 20 politikane te partisë në pushtet, Demokracia e Re dhe mendohet se abuzimi mund te shkoje ne dhjetëra milionë euro subvencione.

The post Dorëhiqen tre anëtarë të qeverisë greke / Qeveria nën presion nga skandali me abuzimet me subvencionet në bujqësi appeared first on Albeu.com.

Ai njoftoi për dorëheqjen e tij gjatë një konference për media të mbajtur në Banjallukë më 16 mars. Ai tha po ashtu se është konsultuar me presidentin e Republikës Sërska, Sinisha Karan, dhe se ai do ta propozojë sërish për mandatar për ekzekutivin e ri.

Miniq, që është anëtar i Aleancës së Socialdemokratëve të Pavarur, subjekt i Millorad Dodikut, shtoi se e ka mbështetjen e shumicës në Kuvendin Popullor të RS-së.

Ai tha se për këtë hap u vendos me qëllim që të sigurohet legaliteti dhe legjitimiteti i Qeverisë, duke shtuar se ka kundërshtime edhe nga ana e bashkësisë ndërkombëtare, pa shpjeguar konkretisht se për çfarë bëhet fjalë.

Kuvendi Popullor i RS do ta shqyrtojë dorëheqjen e tij pasditen e së hënës, në një seancë që është thirrur menjëherë pas konferencës së tij për media.

Kjo është hera e dytë në disa muajt e fundit që Miniq jep dorëheqje dhe paralajmëron se do të jetë sërish mandatar për formimin e Qeverisë së entitetit serb.

Më herët ai kishte qenë ministër i Bujqësisë në Republikën Sërpska dhe u emërua kryeministër i entitetit më 2 shtator të vitit të kaluar.

Gjykata Kushtetuese e Bosnje e Hercegovinës vendosi më 23 janar se kjo Qeveri nuk ishte kushtetuese, pasi atë e kishte propozuar për mandatar në gushtin e kaluar Millorad Dodik, i cili në atë kohë pretendonte se ishte president i Republikës Sërpska.

Sipas Kushtetutës së RS, mandatarin mund ta propozojë vetëm presidenti i entitetit, ndërsa ky post i ishte hequr Dodikut pasi një vendim i gjyqësorit për mosrespektim të vendimeve të përfaqësuesit të lartë, u bë i formës së prerë. Ky vendim ia ndalon Dodikut ushtrimin e funksioneve publike për gjashtë vjet.

Disa ditë para vendimit të Gjykatës Kushtetuese të Bosnje e Hercegovinës, Miniq dha dorëheqje. Si mandatar e propozoi ushtruesja e atëhershme e detyrës së presidentit të RS, Ana Trishiq Babiq, dhe ai më pas u bë sërish kryeministër.

Deputetët e Partisë së Aksionit Demokratik dhe të Frontit Demokratik në Dhomën e Përfaqësuesve të Parlamentit të Bosnje e Hercegovinës edhe pas këtij emërimi iu drejtuan Gjykatës Kushtetuese të Bosnje e Hercegovinës, duke kërkuar që ai të shfuqizohet.

Në ankesën e tyre, ndër të tjera, ata pretendojnë se emërimi i kryeministrit mbi bazën e propozimit të ushtrueses së detyrës së presidentit përbën “shkelje të drejtpërdrejtë dhe të vetëdijshme të parimit të sundimit të ligjit” që burgon nga Kushtetuta e Bosnje e Hercegovinës.

Gjykata Kushtetuese e Bosnje e Hercegovinës ende nuk ka dal me një vendim për këtë çështje.

Qamil Durakoviq, nënkryetar i RS-së, i ka kërkuar Gjykatës Kushtetuese të RS-së vlerësimin e kushtetutshmërisë së zgjedhjes së Trishiq Babiq në atë funksion, duke pasur parasysh se Kushtetuta e entitetit nuk e njeh funksionin e ushtruesit të detyrës së presidentit.

Gjykata Kushtetuese e RS-së më 25 shkurt pezulloi procedurën për vlerësimin e kushtetutshmërisë të emërimit të saj./ REL

The post Kryeministri i Republikës Sërpska jep dorëheqjen: Ky hap u vendos që të sigurohet legjitimiteti i Qeverisë appeared first on Albeu.com.

Në një shënim të gjatë në rrjetet sociale, Hysaj shkruan se pakënaqësi lidhur me listën e deputetëve në Durrës dhe mungesën e hapjes së partisë.

Më tej ish-kandidatja liston edhe disa arsye të tjera që e çuan të merrte këtë vendim.

“Forma dhe mënyra e organizimit të funksionimit të kësaj force politike ka arritur në një pikë ku edhe anëtarët e Kryesisë mësojnë vendime të rëndësishme nga mediat dhe jo nga strukturat e partisë. Kjo nuk është mënyra se si duhet të funksionojë një parti demokratike dhe as mënyra se si respektohen institucionet e saj”, thekson ajo në postimin e saj.

Po ashtu Hysaj ka falenderuar edhe

Postimi i plotë:

Pas më shumë se 20 vitesh angazhimi të pandërprerë në jetën politike dhe në shërbim të qytetarëve, kam marrë vendimin të jap dorëheqjen nga të gjitha pozicionet që kam mbajtur dhe që më janë besuar me votë, si edhe nga anëtarësia ime në Partinë Demokratike të Shqipërisë.

Ky është një vendim i vështirë, por i domosdoshëm. Ai vjen si pasojë e një sërë zhvillimesh dhe vendimmarrjesh të njëpasnjëshme që, në gjykimin tim, janë larguar nga parimet mbi të cilat duhet të ndërtohet dhe të funksionojë një Parti Demokratike.

Së pari, mënyra se si u trajtua funksioni im si Sekretare për Marrëdhëniet me Publikun. Ndërkohë që imazhi dhe përgjegjësia publike e këtij funksioni vazhduan të përdoren, kompetencat reale që i përkasin këtij roli. Një funksion i zgjedhur me votë nga anëtarët e Këshillit Kombëtar që u kufizuan dhe në praktikë u zhveshën nga përmbajtja e tyre. Kjo nuk cenon vetëm një individ, por vetë parimin e përfaqësimit që buron nga vota.

Së dyti, përjashtimi sistematik nga përfaqësimi në këshillat bashkiakë i njerëzve me kompetencë dhe integritet, të cilët kanë një kontribut të provuar në terren. Në vend të një përfaqësimi të hapur dhe meritokratik, vendimmarrja është përqendruar në një rreth gjithnjë e më të ngushtë njerëzish, duke e kthyer përfaqësimin politik në një proces të kontrolluar dhe jo në një proces të vërtetë demokratik.

Së treti, mënyra e hartimit të listave të mbyllura për Qarkun e Durrësit, ku u lanë jashtë figura që kanë investuar vite të tëra pune dhe përkushtimi në terren. Kjo nuk është vetëm një çështje personale, është tregues i një kulture vendimmarrjeje që nuk respekton meritën dhe kontributin.

Së katërti, mënyra se si kjo forcë politike menaxhoi procesin për institucionin e Avokatit të Popullit. Në gjykimin tim, ky ishte një gabim politik dhe institucional që dëmton seriozitetin dhe besueshmërinë e opozitës.

Por mbi të gjitha, problemi themelor mbetet mungesa e hapjes reale brenda Partisë Demokratike. Një parti politike duhet të jetë hapësirë debati, ideje dhe përfaqësimi. Sot, fatkeqësisht, ajo funksionon brenda një rrethi të ngushtë njerëzish, ku shpesh mungon respekti minimal jo vetëm ndaj bazës, por edhe ndaj vetë strukturave dhe hierarkisë së saj.

Forma dhe mënyra e organizimit të funksionimit të kësaj force politike ka arritur në një pikë ku edhe anëtarët e Kryesisë mësojnë vendime të rëndësishme nga mediat dhe jo nga strukturat e partisë. Kjo nuk është mënyra se si duhet të funksionojë një parti demokratike dhe as mënyra se si respektohen institucionet e saj.

Për të gjitha këto arsye, kam vendosur të largohem, duke ruajtur mbi të gjitha integritetin tim personal dhe politik.

Dua të falënderoj të gjithë qytetarët, bashkëpunëtorët dhe mbështetësit që më kanë qëndruar pranë gjatë këtij rrugëtimi 20-vjeçar. Besimi i tyre ka qenë motivimi im më i madh për të punuar çdo ditë me përgjegjësi dhe përkushtim.

Angazhimi im për të kontribuar për qytetarët dhe për jetën publike nuk përfundon këtu. Ai do të vazhdojë me të njëjtin besim se Shqipëria ka nevojë për një politikë më të hapur, më meritokratike dhe më të ndershme ndaj qytetarëve.

The post Ish-kandidatja për deputete jep dorëheqje nga posti në PD, shpërthen në kritika të ashpra: Partia nuk po hapet dhe funksionon brenda një grupimi njerëzish appeared first on Albeu.com.

Radev, i cili pritej të ushtronte një rol kryesisht ceremonial deri në janar të vitit 2027, deklaroi se do ta paraqesë dorëheqjen në Gjykatën Kushtetuese të martën. Nëse ajo miratohet, detyrën e presidentit do ta marrë zëvendëspresidentja Iliana Iotova deri në mbajtjen e zgjedhjeve presidenciale në nëntor.

Presidenti ka shprehur vazhdimisht skepticizëm ndaj përpjekjeve të fundit të Bullgarisë, për t’u bashkuar me euron dhe pikëpamjet miqësore me Kremlinin në lidhje me luftën në Ukrainë, u zgjodh president në vitin 2016 dhe përsëri në vitin 2021.

Dorëheqja e tij vjen në kulmin e krizës politike në vend, e cila e ka çuar Bullgarinë drejt zgjedhjeve të teta parlamentare brenda vetëm katër viteve.

The post Presidenti i Bullgarisë njoftoi dorëheqjen, dyshohet se ai do të krijojë një parti të re politike appeared first on Albeu.com.

Lidhja Demokratike të Kosovës ka pranuar humbjen në zgjedhjet e 28 dhjetorit, pasi rezultatet zgjedhore ishin dukshëm më të dobëta sesa pritjet e tyre.

“Trajtuam të gjitha çështjet politike dhe të ardhmen që na pret në vijim. Siç ju kam njoftuar edhe sonte, ju njoftoj se në konsultim kemi vendosur që të thërrasim kryesinë e LDK-së dhe pastaj Kuvendin e LDK-së, e kam obligim moral e politike që të marr përgjegjësinë dhe ta shtroj tutje organizimin politik të LDK-së, nëpërmjet ofrimit te Kuvendi i LDK-së dorëheqjen”, tha Abdixhiku.

Kosova zhvilloi më 28 Dhjetor zgjedhjet e dyta parlamentare, vetëm 9 muaj pas procesit të parë zgjedhor, të përsëritura si pasojë e dështimit të Lëvizjes Vetëvendosje për të formuar qeverinë dhe krizës institucionale që e çoi vendin drejt kolapsit politik.

Sipas të dhënave, Lëvizja Vetëvendosje kryesoi bindshëm me më shumë se 49.30% të votave; në vend të dytë u rendit Partia Demokratike e Kosovës (PDK) nën drejtimin e Bedri Hamzës, ndërsa e treta Lidhja Demokratike e Kosovës (LDK), e drejtuar nga Lumir Abdixhiku.

The post Mori rezultat të dobët në zgjedhjet e fundit, Lumir Abdixhiku ofron dorëheqjen në Kuvendin e LDK appeared first on Albeu.com.

Dorëheqja mësohet se është paraqitur si gjest moral, pas firmave të dhëna për Endri Shabanin, i cili u zgjodh me votëbesim në Kuvend si Avokat i Popullit.

Gjithashtu bëhet me dije se mbrëmjen e sotme, kryedemokrati Sali Berisha ka refuzuar dorëheqjen e Gjekmarkajt, duke e konsideruar të panevojshme largimin e tij nga rradhët e PD.

The post Firmat për Endri Shabani/ Agron Gjekmarkaj dorëzoi dorëheqjen nga funksioni i nënkryetarit të PD, Berisha ia refuzon appeared first on Albeu.com.