Artistja publikoi disa imazhe në Instagram, ku shfaqet e veshur si nuse pranë aktorit britanik, duke shoqëruar postimin me mbishkrimin e shkurtër: “Mr & Mrs”, çka ka nxitur reagime të shumta nga fansat dhe personazhet e njohur.

Në fotografitë e publikuara, Dua shfaqet me një fustan të bardhë elegant, realizuar nga Chanel, të dekoruar me detaje të ndritshme dhe pupla në pjesën e poshtme. Veshja kishte një dizajn të hapur në pjesën e shpinës, ndërsa ajo e kompletoi pamjen me një vello të gjatë dhe një aksesor të veçantë në flokë.
Në një nga imazhet më romantike, çifti shihet nën vellon e nusërisë duke shkëmbyer një moment intim, ndërsa në një tjetër pozon me humor përpara kamerës, duke treguar atmosferën e relaksuar dhe të lumtur të ditës së tyre të veçantë.

Një tjetër fotografi i tregon ata duke u puthur jashtë ambientit të ceremonisë, teksa rrezet e diellit krijojnë një atmosferë të ngrohtë dhe romantike. Callum Turner ishte veshur me një kostum klasik të zi me papion, duke ruajtur elegancën tradicionale të një dasme.
Pamjet tregojnë se ceremonia është zhvilluar në një ambient luksoz me arkitekturë klasike dhe elemente natyrore, ndërsa çifti dukej i buzëqeshur dhe i emocionuar gjatë gjithë kohës.

Postimi i Dua Lipës ka marrë mijëra pëlqime dhe komente brenda pak minutash, me fansat që kanë uruar çiftin dhe kanë shprehur entuziazmin për këtë kapitull të ri në jetën e këngëtares.
Romanca mes Dua Lipës dhe Callum Turner u bë publike vitin e kaluar dhe që prej asaj kohe ata janë shfaqur së bashku në disa evente dhe dalje publike. Fotografitë e publikuara sot duket se konfirmojnë një nga momentet më të rëndësishme në historinë e tyre të dashurisë.

The post Dua Lipa kurorëzon dashurinë me Callum Turner, publikohen pamjet e para nga dasma luksoze në Siçili appeared first on Albeu.com.

Çifti është fotografuar në plazhet e Taorminas, ku janë parë duke kaluar momente romantike pranë detit, mes përqafimeve dhe puthjeve.

Në imazhet e publikuara nga mediat ndërkombëtare, Dua Lipa shfaqet me bikini ngjyrë argjendi, ndërsa në fotografi të tjera çifti shihet duke shëtitur dorë për dore në rrugicat piktoreske të qytetit.

Pas ceremonisë së dasmës, të zhvilluar në Palermo, ata mbërritën më 8 qershor në një hotel luksoz në Taormina, që është kthyer në destinacionin e tyre për muajin e mjaltit.

Dasma e çiftit u mbajt në Villa Valguarnera, një rezidencë historike e shekullit të 18-të në Siçili, ku morën pjesë emra të njohur nga muzika, moda dhe kinemaja. Mes të ftuarve ishin Elton John, Donatella Versace, Joe Alwyn, Mark Ronson dhe Charli XCX.

Sipas raportimeve, një nga momentet më emocionuese të festimeve ishte interpretimi i këngës Your Song nga Elton John. Festimet e dasmës zgjatën tre ditë dhe u shoqëruan me masa të rrepta sigurie për të garantuar privatësinë e çiftit dhe të ftuarve.

The post Dua Lipa dhe Callum Turner shfaqen më të dashuruar se kurrë në Itali, momente të ëmbla në muajin e mjaltit në Siçili appeared first on Albeu.com.

Çifti u pa më herët këtë javë në hotelin luksoz San Domenico Palace në Taormina, pranë Catania-s, dhe më pas duke u shëtitur dorë për dore nëpër rrugët piktoreske të qytetit.

Shumë njerëz e njohin hotelin si vendin ku u xhirua sezoni i dytë i serialit të njohur The White Lotus, falë pozicionit të tij spektakolar mbi shkëmbinj dhe pamjes mahnitëse drejt Malit Etna.

Dua dhe Callum mbërritën të hënën pasi udhëtuan nga Palermo, ku kishin kurorëzuar dashurinë e tyre në një ceremoni disa ditore të mbushur me të ftuar të famshëm, mes tyre Charli XCX, Elton John dhe Mark Ronson.

Madje, sipas raportimeve, Elton John i këndoi çiftit ndërsa ata shkëmbenin betimet martesore.

Hotel San Domenico Palace, që shërbeu si lokacioni kryesor i sezonit të dytë të “The White Lotus”, është një nga hotelet më prestigjioze në Itali dhe ka një histori të pasur me mysafirë të famshëm ndër vite, përfshirë edhe shkrimtarin Oscar Wilde.

Ky hotel i rrjetit Four Seasons ndodhet në qytetin kodrinor të Taorminës, pranë Detit Jon. Një suitë aty mund të kushtojë mbi 4,000 euro për natë.

I vendosur pranë vreshtave, një teatri të lashtë grek dhe fshatrave mesjetare, qëndrimi i Duas dhe Callumit përkoi edhe me nisjen e klubit veror të leximit të hotelit, i cili këtë vit u fokusua në listën e librave të rekomanduar nga platforma e këngëtares, Service95.

Dua, 30 vjeçe, dhe Callum, 36 vjeç, njihen si adhurues të mëdhenj të letërsisë. Madje, në dasmën e tyre në Palermo ishte vendosur edhe një bibliotekë simbolike që pasqyronte dashurinë e përbashkët të çiftit për librat.

Burime pranë çiftit thanë se Dua ishte e veshur me pantallona të zeza dhe me flokët e kapura bisht, ndërsa ata shoqëroheshin në mënyrë diskrete nga një truprojë. Në një moment, ata u ndalën edhe për të bërë fotografi me fansat.

The post Dua Lipa dhe Callum Turner shijojnë muajin e mjaltit luksoz në Itali pas dasmës milionëshe appeared first on Albeu.com.

Sipas artistes, bëhet fjalë për një mëngjes të përgatitur nga Callum, i cili përfshin një kombinim të pasur ushqimesh tradicionale britanike. Krumpetat me gjalpë dhe Marmite, vezët, proshuta, salçiçet, domatet, kërpudhat dhe avokadoja janë pjesë e menusë që e ka bërë këtë zakon një nga momentet më të dashura për çiftin.

“Ne kemi këtë gjë tonën, e quajmë ‘kafeja e Cal-it’. Është mëngjesi, sepse ai e bën shumë mirë”, u shpreh Dua Lipa.

Këngëtarja tregoi gjithashtu se ajo dhe bashkëshorti i saj kalojnë shumë kohë së bashku në kuzhinë dhe e shijojnë gatimin si një mënyrë për t’u relaksuar dhe për të forcuar lidhjen e tyre. Megjithatë, me nota humori, Dua pranoi se mendon se është pak më e zonja në gatim se partneri i saj.

Pas martesës së tyre në maj të vitit 2026, çifti vazhdon të tërheqë vëmendjen e publikut, ndërsa duket se gjejnë lumturinë në momentet më të thjeshta të përditshmërisë.

The post Dua Lipa zbulon ritualin e veçantë që ndan me bashkëshortin çdo mëngjes! appeared first on Albeu.com.

Festimet, që zgjatën për tri ditë, u organizuan në ambientet elegante të Villa Valguarnera-s, pranë Palermos, ku morën pjesë familjarë, miq dhe emra të njohur të botës së artit.

Mes shumë momenteve të veçanta të dasmës, vëmendje të veçantë mori edhe gjesti i komunitetit arbëresh të Sicilisë.

Sipas raportimeve, përfaqësues nga Piana degli Albanesi udhëtuan drejt vendit ku po zhvillohej ceremonia për t’i rezervuar artistes shqiptare një surprizë të veçantë.

Një grup prej dhjetë vajzash, të veshura me kostumet tradicionale karakteristike të zonës, interpretuan këngë të vjetra arbëreshe, duke sjellë në festë tinguj dhe elemente të trashëgimisë shqiptare që ruhen prej shekujsh në Sicili.

Përveç performancës muzikore, mjeshtrit artizanë të komunitetit i dhuruan çiftit një kujtim simbolik dhe me vlerë kulturore.

Bëhet fjalë për vathët tradicionalë të njohur si “Panieri”, të punuar tërësisht me dorë, të cilët përfaqësojnë një nga elementet më të njohura të artizanatit arbëresh.

Ky gjest është vlerësuar si një shprehje e lidhjes së fortë që komuniteti arbëresh vazhdon të ruajë me rrënjët shqiptare, duke nderuar figura që promovojnë emrin shqiptar në arenën ndërkombëtare.

The post FOTO/ Dua Lipa merr një dhuratë unike nga komuniteti arbëresh në dasmën e saj! appeared first on Albeu.com.

Ky projekt është realizuar në bashkëpunim me Google Maps dhe Service95. Përmes tij, nëse kërkoni në Google Maps, mund të zbuloni lehtësisht vendet e përzgjedhura nga artistja, përfshirë edhe ato në Prishtinë.

Ndër rekomandimet e saj në kryeqytet është Galeria Kombëtare e Kosovës, një hapësirë e rëndësishme arti që pasqyron krijimtarinë bashkëkohore dhe historinë kulturore të vendit. Për të përjetuar më nga afër jetën e përditshme të qytetit, ajo sugjeron edhe vizitën te Tregu i Gjelbër, një nga zonat më të vjetra tregtare të Prishtinës.

Pranë tij ndodhet edhe Muzeu Etnologjik i Kosovës, një monument i shekullit XVIII që prezanton historinë dhe trashëgiminë kulturore të Kosovës.

Sa i përket gastronomisë dhe kafeneve, Dua rekomandon disa vende të njohura si Tiffany, Soma Slow Food, Churchill, Basilico dhe të tjera cilat ofrojnë një atmosferë të veçantë për vizitorët.

Në listën e saj nuk mungon as festivali i njohur Sunny Hill Festival, një nga ngjarjet më të mëdha muzikore në rajon, i cili organizohet nga vetë ajo dhe babai i saj, Dukagjin Lipa.

Duke qenë një adhuruese e librit, ajo rekomandon gjithashtu edhe librarinë Dukagjini, një nga pikat më të njohura për libradashësit në kryeqytet.

The post Dua Lipa ndan me botën vendet që duhet t’i vizitojnë në Prishtinë appeared first on Albeu.com.

Megjithatë, duket se ky ka qenë vetëm një hap i parë, pasi “festa e vërtetë” pritet të zhvillohet ditët në vijim.

Mediat italiane po raportojnë se një mega-festë dasme do ta “ndezë” Sicilinë, ku eventit i janë lidhur pritshmëri të mëdha. Thuhet se organizimi do të mbahet në ambientet luksoze dhe magjepsëse të Villa Valguarnera, ku pritet të mblidhen emra të mëdhenj nga Hollywood-i dhe industria botërore e muzikës.

Edhe pse gjithçka po mbahet hermetike, raportimet e fundit flasin për një listë të mundshme të ftuarish dhe performuesish ku përmenden emra si Elton John, Charli XCX, si dhe figura të rëndësishme të modës globale.

Pavarësisht sekreteve që e rrethojnë këtë ngjarje, një detaj – sipas burimeve – duket se është i sigurt: në këtë organizim treditor pritet të mos mungojë as atmosfera shqiptare.

Burime të sigurta i kanë bërë të ditur Prive By Liberta Spahiu se në dasmën e Dua Lipës do të performojë Sinan Vllasaliu, një nga emrat më të njohur dhe më të dashur të muzikës shqiptare.

Me hitet e tij të njohura dhe ritmin që zakonisht i ngre të gjithë në këmbë, prania e Sinan Vllasaliut pritet t’i japë një “shije” të veçantë kësaj dasme VIP, duke dëshmuar edhe njëherë lidhjen e fortë të Dua Lipës me rrënjët e saj.

Mbetet të shihet nëse në mesin e të ftuarve apo performuesve do të ketë edhe emra të tjerë nga estrada shqiptare.

The post Sinan Vllasaliu pritet të këndojë në dasmën e Dua Lipës me Callum Turner? appeared first on Albeu.com.

Së fundmi këngëtarja ka ndarë në Instagram pamje të reja nga ceremonia intime, duke e shoqëruar postimin me datën “31.05.2026”, ditën kur çifti u bë zyrtarisht burrë e grua.

Megjithatë, kurorëzimi në Londër ishte vetëm pjesa zyrtare e martesës.

Çifti po përgatitet tani për një festë madhështore tre-ditore në Sicili të Italisë, e cila do të zhvillohet nga 5 deri më 7 qershor në Villa Valguarnera, pranë Palermos.

Eventi pritet të jetë një festë ultra-luksoze me pjesëmarrjen e shumë emrave të njohur nga bota e artit dhe shoubizit.

Madje, sipas burimeve, është diskutuar edhe mundësia që Elton John të performojë në dasmën e tyre.

Për këtë rast, organizatorët thuhet se kanë rezervuar një hotel të tërë për mysafirët, duke siguruar privatësi dhe komoditet për të gjithë të ftuarit.

Megjithëse kurorëzimi në Londër u zhvillua në një atmosferë intime, festa e madhe në Itali pritet të marrë vëmendjen e mediave dhe të shndërrohet në një nga ngjarjet më të komentuara të vitit.

The post Dua Lipa publikon pamje të reja nga ceremonia e kurorëzimit në Londër appeared first on Albeu.com.

Mes emocioneve, buzëqeshjeve dhe pranisë së njerëzve më të afërt, çifti shkëmbeu betimet në Bashkinë e Old Marylebone, duke i dhënë zyrtarisht fund statusit të beqarisë dhe duke nisur rrugëtimin e tyre si bashkëshortë.

E bukura Dua rrëmbeu vëmendjen me paraqitjen e saj të sofistikuar, e veshur me të bardha, ndërsa plot hijeshi mbante në duar doreza elegante dhe një kapelë që i jepte një prekje klasike pamjes së saj. Në krah të saj qëndronte Callum Turner, i veshur me një kostum blu të errët dhe kravatë në të njëjtën nuancë, duke kompletuar në mënyrë perfekte një nga ditët më të rëndësishme të jetës së tyre.

Pas ceremonisë, të afërmit dhe miqtë më të ngushtë të çiftit u rreshtuan në shkallët e Marylebone Registry Office, ku i pritën të sapomartuarit me duartrokitje dhe konfeti shumëngjyrëshe. Nën atmosferën festive dhe mes urimeve të ngrohta, çifti u largua me një taksi tradicionale londineze, duke shijuar momentet e para si burrë dhe grua.

Megjithatë, kjo ceremoni e thjeshtë ishte vetëm fillimi. Sipas raportimeve, Dua dhe Callum po përgatiten për një tjetër festë madhështore, e cila do të zgjasë tre ditë dhe do të mbahet në Siçili, ku pritet të mblidhen emra të njohur të botës së muzikës dhe kinemasë.

Në listën e të ftuarve thuhet se figurojnë artistë të njohur të skenës ndërkombëtare, ndërsa nuk mungojnë as spekulimet për surpriza të veçanta muzikore. Burime pranë çiftit kanë bërë të ditur se organizimet janë menduar deri në detaj, me ambiente luksoze të rezervuara posaçërisht për këtë ngjarje që pritet të jetë një nga dasmat më të komentuara të vitit në botën e showbiz-it.

Nga skenat më të mëdha të botës deri te dita e saj më e veçantë personale, Dua Lipa vazhdon të shkëlqejë. Këtë herë jo me një hit të ri muzikor, por me historinë e bukur të dashurisë që tashmë është kurorëzuar me martesë.

Një detaj që ka ngjallur kuriozitet të madh lidhet me fustanin e nuses. Sipas raportimeve, stilisti i famshëm francez Simon Porte Jacquemus, themeluesi i markës së njohur Jacquemus, besohet se ka krijuar të paktën një prej fustaneve që Dua do të veshë gjatë festimeve të dasmës, duke e bërë paraqitjen e saj edhe më të shumëpritur nga mediat dhe fansat.

Historia e dashurisë së çiftit ka qenë një nga më të komentuarat në shoëbizin ndërkombëtar. Lajmi për fejesën e tyre u bë publik në fund të vitit 2024, kur Callum Turner i propozoi martesë Duas pas rreth një viti lidhjeje. Më vonë, vetë këngëtarja e konfirmoi fejesën në një intervistë për British Vogue, duke folur hapur për emocionet që po përjetonte.

Në atë kohë, Dua po përmbyllte turneun e saj gjigant “Radical Optimism”, me 81 koncerte dhe sukses të jashtëzakonshëm në mbarë botën. Duke folur për planet e martesës, ajo kishte rrëfyer se po shijonin periudhën e fejesës pa nxituar drejt altarit.

“Dua të përfundoj turneun tim dhe Callum të mbyllë angazhimet e tij profesionale, ndaj po e shijojmë këtë periudhë”, ishte shprehur artistja.

Madje, ajo kishte treguar se kurrë nuk kishte qenë personi që ëndërronte për dasmën apo për ditën kur do të bëhej nuse.

“Nuk kam qenë kurrë dikush që e ka menduar shumë martesën apo se çfarë lloj nuseje do të isha. Papritur e gjeta veten duke menduar: ‘Çfarë do të vesh?’”, kishte thënë ajo me humor.

Megjithatë, përtej ceremonisë dhe detajeve luksoze, ajo që e emociononte më shumë këngëtaren ishte vetë kuptimi i martesës.

“Vendimi për t’u plakur së bashku, për të ndërtuar një jetë të re dhe për t’u bërë miqtë më të mirë përgjithmonë është një ndjenjë jashtëzakonisht e veçantë”, kishte rrëfyer Dua.

Një nga detajet më prekëse të historisë së tyre lidhet me unazën e fejesës. Këngëtarja zbuloi se Callum e kishte dizajnuar posaçërisht për të, duke u konsultuar me motrën e saj, Rinën, e cila pritet të ketë një rol të veçantë në ceremonitë festive si një nga shoqërueset e nuses.

“Jam e fiksuar pas saj. Është kaq shumë unë. Është e mrekullueshme të dish se personi me të cilin do të kalosh pjesën tjetër të jetës të njeh kaq mirë”, ishte shprehur ajo.

Ashtu si mikja e saj e ngushtë, Charli XCX, edhe Dua zgjodhi që fillimisht të formalizonte martesën në një ceremoni civile në Mbretërinë e Bashkuar, përpara se të festojë me një organizim luksoz jashtë vendit.

The post FOTO/ Nga skenat e botës drejt altarit të dashurisë, Dua Lipa i jep fund beqarisë appeared first on Albeu.com.

Burimet bëjnë me dije se ceremonia do të zhvillohet mes datave 5 dhe 7 qershor, ndërsa çifti ka organizuar gjithçka në fshehtësi të plotë. Fillimisht përflitej për një datë tjetër, por duket se planet janë ndryshuar në momentet e fundit, duke e afruar ceremoninë shumë më shpejt.

Për vendin e martesës është përzgjedhur Bagheria, një qytet historik pranë Palermos në Sicili, i njohur për atmosferën romantike dhe arkitekturën aristokratike. Ceremonia kryesore raportohet se do të mbahet në “Villa Valguarnera”, një rezidencë madhështore e shekullit XVIII që konsiderohet ndër vendet më luksoze dhe elegante të zonës.

Për të ruajtur privatësinë e plotë të çiftit dhe të ftuarve VIP, organizatorët kanë marrë masa të forta sigurie. Mediat italiane raportojnë se dy kate të tëra të hotelit luksoz me pesë yje “Rocco Forte” janë rezervuar ekskluzivisht për këtë event.

Ndërkohë, përgatitjet në Sicili kanë hyrë në fazën finale, ndërsa emrat e të ftuarve po mbahen sekret. Dasma pritet të mbledhë personazhe të njohur nga bota e muzikës, filmit dhe modës.

Romanca mes Dua Lipës dhe Callum Turner ka qenë një nga më të komentuarat muajt e fundit në mediat rozë ndërkombëtare. Çifti është parë shpesh së bashku në evente publike dhe pushime luksoze, duke tërhequr vazhdimisht vëmendjen e fansave dhe paparacëve.

Tani duket se historia e tyre e dashurisë po shkon drejt hapit më të madh: martesës.

The post Dasma sekrete e Dua Lipës? Del data dhe vendi luksoz në Itali appeared first on Albeu.com.