Si rezultat i aksionit, u arrestuan shtetasit Marsel Varka, 35-vjeç, Elsaed Maqinaj, 25-vjeç, Fabian Zako, 29-vjeç dhe Kristaq Biba, 32-vjeç, ndërsa u shpallën në kërkim Kevin Vila, 21-vjeç dhe Bledar Avdillari, 28-vjeç.

Sipas hetimeve, gjashtë personat e mësipërm, së bashku me pesë shtetas të arrestuar më parë, vepronin si grup i organizuar kriminal, duke siguruar dhe shitur armë zjarri, lëndë plasëse dhe municion luftarak në kryeqytet.

Gjatë operacionit, policia sekuestroi 7 armë zjarri, konkretisht 4 pistoleta dhe 3 automatikë, si dhe municion luftarak dhe sende të tjera që do t’i shërbejnë hetimit.

Autoritetet bëjnë me dije se gjatë gjithë periudhës hetimore dhe aksioneve të zhvilluara kundër këtij grupi kriminal janë arrestuar gjithsej 9 persona, ndërsa janë sekuestruar 17 armë zjarri, 4 kallëpë lëndë plasëse, një sasi e konsiderueshme municioni, 4 automjete dhe 13 telefona celularë.

Hetimet vijojnë për identifikimin e personave të tjerë të përfshirë në aktivitetin kriminal dhe për dokumentimin e plotë të veprimtarisë së grupit.

The post Goditet grupi kriminal në Tiranë, katër persona vihen në pranga, dy të tjerë shpallen në kërkim (EMRAT) appeared first on Albeu.com.

Operacioni u zhvillua nga specialistët e Sektorit për Hetimin e Krimeve të Rënda dhe të Sektorit për Hetimin e Krimeve Kundër Personit në Drejtorinë Vendore të Policisë Vlorë, në bashkëpunim me Forcën Kombëtare të Sigurisë, Njësia Fier, dhe nën drejtimin e Prokurorisë së Vlorës.

Në kuadër të operacionit u arrestuan në flagrancë 6 shtetas, mes tyre dy persona të shpallur në kërkim kombëtar dhe një shtetas i shpallur në kërkim ndërkombëtar nga Italia, i dënuar më parë për trafik droge dhe pjesëmarrje në organizatë kriminale.

Po ashtu, u kap edhe autori i dyshuar i plagosjes me armë zjarri të ndodhur dy ditë më parë në Vlorë, si dhe një tjetër person i shpallur në kërkim kombëtar, të dyshuar për përfshirje në të njëjtën ngjarje dhe vepra të tjera penale.

Gjatë operacionit, i zhvilluar në një lokal në fshatin Vranisht, u sekuestruan 4 armë zjarri pistoleta të markave “Glock”, “Sig Sauer” dhe “Canik”, municion luftarak, 7 celularë, 1.850 euro dhe 3 automjete, mes tyre edhe një automjet i blinduar.

Nga hetimet ka rezultuar se një nga automjetet e sekuestruara, tip “BMW X5”, është përdorur nga një prej të arrestuarve për t’u larguar nga vendi i ngjarjes pas plagosjes së 7 qershorit 2026 në Vlorë.

Policia bën me dije se hetimet vijojnë për dokumentimin e plotë të aktivitetit kriminal të grupit, ndërsa materialet i janë referuar Prokurorisë së Vlorës për veprime të mëtejshme.

The post Goditet grupi kriminal në Vlorë, arrestohen gjashtë persona/ Sekuestrohen armë, automjete dhe para appeared first on Albeu.com.

Ngjarja ndodhi në Ankona, rreth orës 07:00, në stacionin e trenit të linjës Pescara-Milano.

Viktima është një shqiptar 53-vjeçar, identiteti i të cilit nuk është bërë ende i ditur. Policia hekurudhore dhe zjarrfikësit shkuan në vendngjarje për të shpëtuar këmbësorin, por pa sukses.

Sipas raporteve fillestare, akti dyshohet se ishte i qëllimshëm. Kjo e bazuar në deklaratat e një dëshmitari që e pa 53-vjeçarin që jetonte në Merano, të binte qëllimisht në shina, ndërsa një tren i ‘Frecciarossa’ po afrohej nga jugu.

Skena ka qenë tronditëse për udhëtarë dhe qytetarë të shumtë, teksa hetimet janë në proces për zbardhjen e plotë të ngjarjes.

Paraprakisht, dyshohet për një akt flijimi, por pa e përjashtuar edhe faktorin e një aksidenti apo gjendjen shëndetësore.

Media italiane informon se shërbimi i rregullt i trenave në linjën Adriatike, ku ndodhi ngjarja, ka rifilluar së fundmi.

The post E rëndë në Itali, shqiptari goditet për vdekje nga treni appeared first on Albeu.com.

Fëmija ndodhej në gjendje të rëndë shëndetësore dhe u transportua me helikopter drejt spitalit të Vlorës, pasi ambulanca nuk mundi të shkonte në zonë për shkak të mungesës së rrugës.

Aksi rrugor rezulton i shembur prej pesë ditësh, së bashku me një pjesë të malit, problematikë për të cilën është raportuar edhe ditët e fundit.

The post E RËNDË/ Fëmija goditet nga mushka në kokë, niset me helikopter drejt spitalit sepse rruga është e prishur appeared first on Albeu.com.

Siç raportohet nga Corriere della Sera, 18-vjeçari ishte ulur në skuterin e tij, duke folur me një mik, me shpinën nga timoni, kur iu afruan pesë persona në dy skuterë dhe u godit me thikë dy herë.

I transportuar menjëherë në Spitalin San Paolo në Fuorigrotta, ai iu nënshtrua një ndërhyrjeje kirurgjikale urgjente përfshirë heqjen e shpretkës dhe është i shtruar në njësinë e kujdesit intensiv me një prognozë të kujdesshme.

Hetimet filluan menjëherë, por dje pasdite një 15-vjeçar u dorëzua dhe pak më vonë, katër 17-vjeçarë të tjerë iu bashkuan atij.

Katër prej tyre u arrestuan dhe një i pestë u akuzua dhe lirua. Motivi i sulmit do të përcaktohet, megjithëse mënyra e sulmit e zbuluar në video sugjeron një lloj bastisjeje ndëshkuese kundër futbollistit.

The post Ngjarje e rëndë/ Plagoset Futbollisti 18-vjeçar, i riu po lufton për jetën në një spital appeared first on Albeu.com.

Në pranga janë vënë 22 persona, 5 janë arrestuar më herët gjatë fazës hetimore, ndërsa 6 të tjerët janë ende në kërkim.

22 personat e arrestuar janë: Renaldo Dalipi 32 vjeç, Engelbert Pjetri 33 vjeç, Armandi Hajdini 43 vjeç, Olsi Mici 32 vjeç,Fatjon Cela (Çela) 34 vjeç, Xhon Boci 31 vjeç, Laert Murataj 23 vjeç, Artan Pullazi 47 vjeç, Erald Sina 39 vjeç, Blerim Mali 34 vjeç, Gentjan Vercani 39 vjeç, Valerjos Bushi 19 vjeç, Olkid Hajdari 35 vjeç, Dylber Alijaj 39 vjeç, Angjelos Mema 23 vjeç, Majdi Musa 19 vjeç, Jurgen Hekurani 29 vjeç, Erdison Gjella 31 vjeç, Abdurahman Bollati 20 vjeç, Klodian Rrucaj 27 vjeç, Indri Nakaj 22 vjeç dhe Genti Kraja 20 vjeç.

Policia sekuestroi 10 kg kanabis dhe 100 doza, rreth 500 gramë kokainë, 5 automjete, 28 celularë, 6 peshore elektronike dhe 3 000 euro.

Nga hetimet rezultoi se aktiviteti kriminal i shitjes së lëndëve narkotike shtrihej në disa zona të qytetit të Tiranës, kryesisht në: Bllok, Kamëz, Laprakë, Selitë, Tiranë e Re, Shkozë, Ali Demi, Xhamllik, Pazari i Ri, Shkolla e Kuqe, Astir, Myslym Shyri dhe Komuna e Parisit.

Lëndët narkotike shiteshin në lokale, tabakino, mjete taksi, si dhe të kamufluara si shpërndarje porosish të ndryshme.

Njoftimi i policisë:

Tiranë/Finalizohet pas 4 javësh hetime, nga Seksioni për Hetimin e Narkotikëve, në bashkëpunim me Prokurorinë e Tiranës, operacioni policor i koduar “Labirinti 2”.

Goditet një grup kriminal që shiste lëndë narkotike.

Identifikohen 33 shtetas, pjesëtarë të grupit kriminal, të cilët, individualisht ose të organizuar në grupe, ushtronin veprimtarinë e paligjshme të shitjes së lëndëve narkotike, në trajta të ndryshme.

Ekzekutohet masa e sigurisë “Arrest në burg” për 22 prej tyre.

5 shtetas janë arrestuar gjatë periudhës hetimore, ndërsa vijon puna për kapjen e 6 shtetasve të tjerë të identifikuar si pjesë e këtij grupi kriminal.

Si rezultat i operacionit u sekuestruan rreth 500 gramë lëndë e dyshuar narkotike Kokainë; 10 kg lëndë e dyshuar narkotike Cannabis Sativa dhe 100 doza të kësaj lënde; 5 automjete; 28 celularë; 6 peshore elektronike dhe 3 000 euro.

Në kuadër të operacionit u ekzekutua masa e sigurisë “Arrest në burg”, për shtetasit:

R. D., 32 vjeç, E. P., 33 vjeç, A. H., 43 vjeç, O. M., 32 vjeç, F. C. (Ç), 34 vjeç, Xh. B., 31 vjeç, L. M., 23 vjeç, A. P., 47 vjeç, E. S., 39 vjeç, B. M., 34 vjeç, G. V., 39 vjeç, V. B., 19 vjeç, O. H., 35 vjeç, D. A., 39 vjeç, A. M., 23 vjeç, M. M., 19 vjeç, J. H., 29 vjeç, E. Gj., 31 vjeç, A. B., 20 vjeç, K. Rr., 27 vjeç, I. N., 22 vjeç dhe G. K., 20 vjeç.

Gjatë periudhës hetimore janë arrestuar shtetasit: A. V., 23 vjeç, E. P., 22 vjeç, G. V., 19 vjeç, S. C., 22 vjeç dhe R. Gj., 22 vjeç, të cilëve iu janë sekuestruar sasi të ndryshme lëndësh narkotike.

Nga hetimet rezultoi se aktiviteti kriminal i shitjes së lëndëve narkotike shtrihej në disa zona të qytetit të Tiranës, kryesisht në:
Bllok, Kamëz, Laprakë, Selitë, Tiranë e Re, Shkozë, Ali Demi, Xhamllik, Pazari i Ri, Shkolla e Kuqe, Astir, Myslym Shyri dhe Komuna e Parisit.

Lëndët narkotike shiteshin në lokale, tabakino, mjete taksi, si dhe të kamufluara si shpërndarje porosish të ndryshme.

6 shtetas të tjerë të identifikuar si pjesë e këtij rrjeti janë shpallur në kërkim. Vijon puna për kapjen e tyre dhe për dokumentimin e plotë të kësaj veprimtarie kriminale.

Materialet procedurale iu referuan Prokurorisë së Tiranës, për veprime të mëtejshme.

The post Goditet grupi që shiste lëndë narkotike në Tiranë, identifikohen 33 anëtarë appeared first on Albeu.com.

Mes të arrestuarve, mësohet se është edhe djali i ish-deputetit socialist Rrahman Rraja.

Ende nuk dihen detajet e plota të operacionit, por pritet të zbardhen në vijim.

The post Goditet grupi kriminal Rraja/ Arrestohen disa persona, mes tyre edhe djali i ish-deputetit të PS appeared first on Albeu.com.

Të arrestuarit u ndaluan teksa ktheheshin nga një grabitje e fundit e kryer në zonën e Pordenones.

Sipas mediave italiane, grupi dyshohet për një sërë vjedhjesh në banesa dhe për përvetësimin e sendeve të çmuara, me një dëm që vlerësohet rreth 200 mijë euro.

Gjatë kontrolleve në një apartament të marrë me qira, ku grupi fshihte sendet e vjedhura, autoritetet zbuluan bizhuteri të shumta floriri, ora luksoze, para cash dhe mjete të përdorura për thyerje.

Hetimet zbuluan se anëtarët e grupit kishin profile të ndryshme kriminale:

25-vjeçari, pa precedentë penalë më parë, tentoi të largohej për t’iu shmangur arrestimit. Ai jetonte në Itali që prej vitit 2018.

35-vjeçari, rezident në Itali që nga viti 2005, ishte dënuar më herët në vitin 2012 për vjedhje, si edhe në 2023 për armëmbajtje pa leje dhe posedim të mjeteve të vjedhjes.

34-vjeçari kishte disa arrestime të mëparshme në vitet 2023 dhe 2024 për vjedhje dhe rezultonte i kërkuar nga Prokuroria e Teramos për një tjetër rast të grabitjes me thyerje.

36-vjeçari, me disa dënime në vitet 2011, 2013 dhe 2021, ishte gjithashtu i kërkuar për një vendim prej dy vitesh e gjysmë burg në lidhje me rreth 40 vjedhje në rajonin Tri-Veneto.

Materialet e sekuestruara u morën në cilësinë e provave, ndërsa të katër të arrestuarit janë dërguar në paraburgimin e Pordenones, ku pritet të dalin për masë sigurie dhe më pas të përballen me akuzat për vjedhje të organizuar.

The post Goditet grupi i “skifterëve” shqiptarë në Itali, 4 të arrestuar, sekuestrohen sende me vlerë 200 mijë € appeared first on Albeu.com.

Në kuadër të operacionit të koduar “Posta e Rreme” janë vënë në pranga shtetasit e huaj C. F., 51 vjeç, dhe H. Y., 45-vjeç.

Hetimet kanë nisur pas njoftimeve të marra nga qytetarë për dërgimin e SMS-ve mashtruese që imitonin faqen zyrtare të Postës Shqiptare, me qëllim përfitimin e të dhënave personale dhe bankare të përdoruesve

“Hetimet kanë treguar se këta shtetas kishin hyrë në territorin e Republikës së Shqipërisë më datë 27 tetor 2025 dhe kishin krijuar një faqe interneti identike me atë të Postës Shqiptare, për të mashtruar qytetarët dhe për të mbledhur të dhëna personale e bankare.

Gjatë kontrollit të ushtruar në ambientin ku qëndronin, u gjetën dhe u sekuestruan në cilësinë e provës materiale 17 telefona, 1 laptop, 12 pasaporta, 11 karta bankare, 7 karta identiteti, 1 patentë dhe shuma parash në valuta të ndryshme.

Vijon puna hetimore për zbardhjen e plotë të ngjarjes, me qëllim dokumentimin e plotë të aktivitetit kriminal dhe identifikimin e mundshëm të autorëve të tjerë të përfshirë në këtë veprimtari”, – thuhet në njoftimin e Policisë.

Materialet procedurale i janë referuan Prokurorisë së Tiranës për veprat penale “Mashtrimi kompjuterik”, “Ndërhyrja në të dhëna kompjuterike” dhe “Falsifikimi kompjuterik”.

Policia e Shtetit rikujton qytetarët të tregojnë kujdes maksimal ndaj çdo mesazhi apo faqeje që kërkon të dhëna personale apo bankare dhe apelon:

Mos klikoni në lidhje (linke) të dyshimta të dërguara përmes email-it, SMS-ve apo rrjeteve sociale;
Mos jepni asnjëherë të dhëna personale, numra kartash, PIN apo fjalëkalime në faqe që nuk janë zyrtare;
Kontrolloni gjithmonë adresën e saktë të faqes përpara se të kryeni çdo veprim online;

Në rast dyshimi, raportoni menjëherë pranë Policisë së Shtetit ose Drejtorisë së Hetimit të Krimit Kibernetik.

Gjithashtu, Policia e Shtetit ka dhe një thirrje për qytetarët:

“Nëse ndonjë qytetar i është përgjigjur mesazheve mashtruese dhe ka vendosur të dhënat e tij personale apo bankare në faqet e falsifikuara, i bëjmë thirrje të paraqitet sa më shpejt në Drejtorinë e Hetimit të Krimit Kibernetik, pranë Drejtorisë së Përgjithshme të Policisë së Shtetit në Tiranë, ose të kontaktojë menjëherë për të raportuar rastin dhe për të marrë ndihmën e nevojshme”.

The post “Posta e Rreme”/ Goditet një grup i huaj që zhvasnin shqiptarët përmes mashtrimit appeared first on Albeu.com.

Në një dalje televizive, Gjoni tha se në disa qarqe do të ketë reshje, ndërsa në zonat malore priten edhe reshje dëbore.

Gjithashtu, ekpertja tha se ditët më kritike do të jenë e enjtja dhe e premtja, pa lënë mënjanë të shtunën e të dielën.

“Këtë gjë e kemi njoftuar prej të hënës. Presim që ky mot të na shoqërojë gjatë fundjavës. Nuk është se presim të na informojnë homologët në vendet fqinje. Presim mot me stuhi, reshje mesatare dhe intensive në disa qarqe, në formën e shtrëngatave. Duhet përmendur se në zonat malore priten reshje dëbore deri në lartësitë 800 metra.

Mund të kemi vërshime të ujit në qytete si Durrësi, Vlora, Berati, Gjirokastra dhe Kukësi.

Era do të jetë problematike, me intensitet që do të variojë nga mesatar në të fortë, ndërsa temperaturat do të pësojnë rënie të ndjeshme, me minimumet që pritet të zbresin deri në 7°C dhe maksimumet që nuk do të kalojnë 16°C.

Ditët më kritike do të jenë e enjtja dhe e premtja, kur reshjet do të jenë më të theksuara. Të shtunën pritet që situata të përmirësohet dhe reshjet të ndërpriten”,-tha Gjoni.

The post Shqipëria goditet nga stuhitë/ Ekspertja zbulon si parashikohet situata e motit për fundjavën appeared first on Albeu.com.