Drejtuesit sportivë tashmë e konsiderojnë të mbyllur çështjen e Julian Alvarezit, pasi lojtari kërkoi zyrtarisht largimin nga klubi. Ata besojnë se nga shitja e tij do të sigurojnë një shumë marramendëse, mbi 150 milionë euro, nisur nga interesimi i klubeve si Barcelona, Real Madrid, Arsenal dhe PSG.

Në zyrat e Metropolitano-s pritet me optimizëm hyrja e kapitalit që parashikohet të vijë në qershor 2026. Këto para, së bashku me shitjet strategjike që janë planifikuar për norvegjezin Alexander Sorloth dhe mesfushorin argjentinas Thiago Almada, do të përdoren për të mbuluar operacionet për afrimin e tre futbollistëve të nivelit të lartë.

Objektivi i menaxhmentit të Atletico Madridit është i qartë dhe tejet ambicioz: ngritja e ekipit në një tjetër dimension, në mënyrë që skuadra të shndërrohet në kandidaten kryesore për fitimin e titullit në La Liga.

Për këtë arsye, sekretariati teknik ka përgatitur tashmë ofertat zyrtare për të sjellë njëkohësisht një qendërmbrojtës me peshë të madhe, një bomber zone që do të marrë përsipër barrën e golave dhe një organizator loje që bën diferencën në të tretën e fundit të fushës, i aftë të mbajë përgjegjësinë krijuese në skemën e Diego Pablo Simeones.

Guri i parë i projektit të ri në repartin defensiv është Cuti Romero.

Komiteti teknik i Atleticos po bën gati një ofertë fillestare prej 60 milionë eurosh, me synimin për të bindur Tottenham Hotspur që të pranojë transferimin përfundimtar të mbrojtësit argjentinas.

Ndërkohë, goditja e dytë e madhe e verës është menduar për sulmin, ku objektivi kryesor i trajnerit për pozicionin e qendërsulmuesit mbetet Lautaro.

Klubi madrilen synon të përdorë një pjesë të konsiderueshme të të ardhurave nga largimet e Sorloth dhe Almada për të provuar të bindë Interin, një nga forcat e mëdha të Serie A, që të lejojë largimin e kapitenit të tyre, i cili ka kontratë deri në verën e vitit 2029.

Nëse në Itali paraqiten pengesa të pakalueshme, stafi teknik i Atleticos ka gati edhe alternativa të nivelit të lartë, ku përfshihen nigeriani Victor Osimhen i Galatasaray, holandezi Brian Brobbey i Sunderland dhe portugezi Gonçalo Ramos i PSG.

Emri i tretë në këtë plan ambicioz është Kang-In Lee, mesfushori ofensiv i klubit parisien, i cili konsiderohet si zgjedhja kryesore për të marrë në dorë drejtimin krijues në mesin e fushës.

Futbollisti aziatik 25-vjeçar vlerësohet për driblimin dhe pasimin vendimtar, cilësi që e bëjnë atë profilin ideal për të mbushur boshllëkun e lënë nga ylli francez Antoine Griezmann, si dhe një partner të përshtatshëm për repartin ofensiv.

The post Atletico Madridi projekton tre goditje të mëdha në merkato me fondet nga largimi i Alvarezit appeared first on Albeu.com.

Sipas The Times, ndërsa konfirmimi ka ardhur edhe nga Fabrizio Romano, klubi anglez e çmon futbollistin anglez rreth 35 milionë funte, që përkthehen afërsisht në 40 milionë euro. Krahas kësaj shume, Liverpooli kërkon edhe 10 deri në 15 për qind nga një shitje e ardhshme e lojtarit.

Raportimet theksojnë se drejtuesit e Liverpoolit nuk janë të kënaqur me mënyrën si ka vepruar Interi, pasi ofertën e paraqitur nga klubi italian e shohin dukshëm nën vlerësimin që i kanë bërë Jonesit.

Aktualisht, dallimi mes asaj që kërkon Liverpooli dhe asaj që ofron Interi mbetet i madh, ndaj bisedimet nuk po ecin me shpejtësinë e dëshiruar.

Pavarësisht kësaj situate, Interi vazhdon të jetë optimist se transferimi mund të konkretizohet për shkak të dy elementeve të rëndësishëm.

I pari lidhet me dëshirën e vetë Jones për t’u larguar nga “Anfield” gjatë kësaj vere. I dyti ka të bëjë me trajnerin e ri të Liverpoolit, Andoni Iraola, i cili, sipas raportimeve, nuk e sheh anglezin në planet e tij për edicionin e ardhshëm.

Po sipas këtyre raportimeve, Iraola synon ta forcojë repartin e mesfushës me opsione të tjera, ku përmendet Elliott Anderson ose edhe një afrim tjetër i një niveli të lartë.

Vullneti i lojtarit për të ndryshuar skuadër, së bashku me mungesën e një roli të rëndësishëm në projektin e ri të Liverpoolit, i japin Interit besim se marrëveshja mund të arrihet, edhe pse aktualisht ekziston një hendek i ndjeshëm financiar mes dy klubeve.

Nerazzurrët duan ta përfundojnë këtë operacion përpara startit të fazës përgatitore në mesin e muajit korrik, duke vendosur kështu një afat të qartë për të dyja palët që të gjejnë një kompromis në javët në vijim.

The post Liverpooli i thotë jo ofertës së Interit për Curtis Jones appeared first on Albeu.com.

Situata e 24-vjeçarit ka marrë tjetër drejtim pas emërimit të Vincenzo Italiano në stol. Me teknikun italian, Asllani mund të ketë mundësinë të marrë një tjetër shans.

Sipas “Orta Çizgi”, gjiganti turk synon të zbusë kërkesat financiare të Interit, skuadër që mban kartonin e lojtarit. Shifra prej 11 milionë konsiderohet e lartë, ndaj bisedimet mes palëve pritet të shtohen për të arritur një marrëveshje në kushte më të favorshme për transferimin e Asllanit.

Gjatë sezonit që sapo u mbyll, mesfushori i Kombëtares u aktivizua në 17 ndeshje, ku regjistroi 2 gola dhe 2 asiste.

The post Besiktasi nuk heq dorë nga Kristjan Asllani, klubi turk kërkon formulë të re për të bindur Interin appeared first on Albeu.com.

Siç raporton La Gazzetta dello Sport, Interi nuk synon të heqë dorë lehtësisht nga një prej futbollistëve më të rëndësishëm të skuadrës. Për këtë arsye, klubi zikaltër i ka vendosur Bastonit një çmim prej rreth 70 milionë euro.

Ndërkohë, te Real Madridi çdo hap i mundshëm për këtë transferim pritet të kushtëzohet edhe nga qëndrimi i trajnerit të ri, Jose Mourinho. Ai është duke shqyrtuar alternativat për të përforcuar repartin defensiv për sezonin e ardhshëm.

Raporti thekson gjithashtu se raportet mes Interit dhe Real Madridit janë afruar kohët e fundit, sidomos pas kalimit të Denzel Dumfries në “Santiago Bernabeu” për 20 milionë euro.

Në të njëjtën kohë, presidenti i Interit, Beppe Marotta, mësohet se është takuar në kryeqytetin spanjoll me presidentin e Real Madridit, Florentino Perez, ku në bisedë ka qenë edhe e ardhmja e Bastonit.

“Los Blancos” e kanë përforcuar tashmë mbrojtjen me afrimin e qendërmbrojtësit francez Ibrahima Konate si lojtar i lirë, por klubi mbetet në kërkim të opsioneve të tjera për të shtuar konkurrencën dhe cilësinë në prapavijë.

Bastoni vlerësohet si një nga mbrojtësit më cilësorë në Serie A dhe si një pjesë thelbësore e skemave të Interit. Tani mbetet për t’u parë nëse Real Madridi do të pranojë kushtet financiare të klubit italian për ta mbyllur marrëveshjen.

The post Real Madridi interesohet për Bastonin, Interi cakton vlerën e mbrojtësit italian appeared first on Albeu.com.

Sipas asaj që raporton Gazzetta dello Sport, klubi zikaltër ka formalizuar propozimin për futbollistin anglez, emër që prej kohësh gjendet mes objektivave të skuadrës nga Milano.

Nuk është hera e parë që Interi përpiqet për këtë transferim, pasi një tentativë ishte bërë edhe në afatin kalimtar të janarit, por pa u konkretizuar.

Edhe pse Jones është i lidhur me Liverpoolin me kontratë deri në qershor të vitit 2027, raportimet tregojnë se 25-vjeçari është i gatshëm të shqyrtojë një lëvizje drejt Italisë. Madje, sipas të njëjtave burime, edhe disa sinjale të ardhura nga bashkëlojtarët e tij kanë shtuar idenë e një largimi të mundshëm.

Gjithsesi, shifra e ofruar nga Interi nuk arrin nivelin e kërkuar nga klubi anglez, pasi Liverpooli e vlerëson lojtarin rreth 30 milionë euro.

Te Interi e dinë se për të finalizuar marrëveshjen do të duhet një ofertë më e lartë, por drejtuesit italianë synojnë t’i vijojnë bisedimet në ditët e ardhshme, me synimin për të fituar garën për mesfushorin dhe për t’i dhënë trajnerit Cristian Chivu përforcimin e parë të verës.

The post Interi nis lëvizjen për Curtis Jones me ofertën e parë ndaj Liverpoolit appeared first on Albeu.com.

Sipas The Athletic, emrat që janë futur në listën e dëshirave për verën janë Ruben Dias, Nico Schlotterbeck dhe Alessandro Bastoni.

Pasi objektivi kryesor i madrilenëve, Josko Gvardiol, është pranë rinovimit me Manchester Cityn dhe nuk ka pasur asnjë progres në tentativën për Riccardo Calafiori të Arsenalit, drejtuesit e Los Blancos kanë nisur të shqyrtojnë alternativa të tjera.

Një prej tyre është Ruben Dias. Mbrojtësi portugez i Manchester Cityt po ndiqet nga afër nga Real Madridi, ndërsa situata e tij në Etihad mbetet e paqartë pas largimit të Pep Guardiolës. Jose Mourinho, trajneri i ri i klubit madrilen, e pëlqen bashkatdhetarin e tij dhe synon ta transferojë në Madrid.

Edhe pse së fundmi ka firmosur një rinovim afatgjatë me Borussia Dortmundin, Nico Schlotterbeck vazhdon të konsiderohet një objektiv real për Real Madridin. Klubi spanjoll po sheh mundësinë e aktivizimit të një klauzole të posaçme largimi në kontratën e tij, e cila kap shifrën 50-60 milionë euro.

Sa i përket Alessandro Bastonit, ai më parë ishte përmendur për një lëvizje të mundshme te Barcelona, rivali i madh i Real Madridit. Megjithatë, kjo pistë tashmë ka rënë, për shkak të vlerësimit që i bën Interi lojtarit dhe fokusit të klubit katalunas për të investuar në repartin ofensiv.

Ndërkohë, Real Madridi ka mbyllur tashmë një marrëveshje për afrimin e Ibrahima Konate si lojtar i lirë, si edhe ka siguruar rinovimin e kontratës së Antonio Rudiger.

The post Real Madridi shqyrton Dias, Schlotterbeck dhe Bastoni për repartin defensiv appeared first on Albeu.com.

Interesi i katalanasve për Bastonin është histori e njohur. Por ditët e fundit në skenë ka dalë edhe Reali i Zhoze Murinjos. Portugezit i mungon vetëm njoftimi zyrtar. Ale pak ditë më parë vendosi një “like” në Instagram lidhur me lajmin e rikthimit të “Special One” në Bernabeu.

Një të dhënë në favor të qendërmbrojtësit të Interit jepet nga fjala kyçe që do të hapë merkaton e Madridit në lidhje me prapavijën, “revolucion”.

Paratë madrilenëve nuk i mungojnë, ndonëse akoma ideja Bastoni është më shëmë fantazi mediatike se sa realitet.

The post Barcelona dhe Reali në garë për shërbimet e tij, Bastoni trazon Interin në Itali appeared first on Albeu.com.

Falë barazimit të djeshëm të Napolit, zikaltrit janë tashmë vetëm 1 pikë larg sigurisë matematikore të titullit dhe duan ta mbyllin çdo llogari përballë tifozëve të tyre, në një ngjarje të rrallë që mungon prej 37 vitesh. Ishte viti i largët 1989 kur Interi siguronte për të herë të fundit matematikisht titullin në “San Siro” si pritës, ndaj të gjithë po bëhen gati për një mbrëmje të veçantë.

Stadiumi është mbushur pasi janë shitur të gjitha biletat dhe do të jenë mbi 75 mijë persona të pranishëm, me koreografi speciale të përgatitur për një mbrëmje që pritet të jetë e veçantë. Klubi ka prenotuar një lokal për të grumbulluar skuadrën pas ndeshjes, ndërsa pas dy javësh, në sfidën ndaj Veronës në shtëpi, do të bëhet edhe festa “zyrtare” me trofeun që do t’i dorëzohet ekipit.

Ndërkohë, sot pritet të jetë në fushë edhe Lautaro Martinez, i cili ka kërkuar specifikisht që të ketë disa minuta në dispozicion në fund të takimit, për të shijuar atmosferën te vërshëllima finale që dekreton suksesin e radhës të tij me fanellën zikaltër.

The post Interi bëhet gati për festën që priti për 37 vite, Lautaro kërkon të luajë ndeshjen historike appeared first on Albeu.com.

Por, gjithnjë nga Spanja, vijnë të reja; sipas të përditshmes ‘Sport’, Barcelona ka gati alternativën e Bastonit për të cilin Interi kërkon të paktën 70 milionë euro dhe nuk ka ndërmend të përfshijë futbollistë në një operacion të mundshëm.

Plani B quhet Cristian Romero, qendërmbrojtësi i Tottenham që ka një vlerë më të ulët në krahasim me Bastonin.

Gjithnjë sipas ‘Sport’, Bastoni dhe Interi duken të shqetësuar ndaj një skenari të ri. Situata është kjo; mbrojtësi tundohet nga ideja për të lënë klubin zikaltër dhe Italinë për të nisur një aventurë të re, por nëse nuk do t’ia dalë të shkojë te Barcelona, ai do të rrijë te Interi deri në përfundim të kontratës në 2028.

Nga ana tjetër, drejtuesit e Interit janë gati ta lejojnë largimin e futbollistit por vetëm në bazë të kushteve të përcaktuara, pra nuk ka ndërmend ta shesë lirë kartonin e tij.

‘Bastoni ka një kontratë me Interin dhe aktualisht nuk ka situata të tilla që të mendosh largimin e tij nga Interi-tha përpara disa javësh, Drejtori Sportiv i Interit, Piero Ausilio-Barcelona? Nuk e di se çfarë thonë në Spanjë, por ne jemi të kënaqur me atë që Bastoni ka dhënë te Interi dhe jemi të sigurt që do të japë akoma më shumë. Nëse dikush është i interesuar për të, të na telefonojë, i dinë numrat e telefonëve tanë’. Pra, Inter është në pritje të lëvizjeve të mundshme dhe ofertës së duhur.

The post Alessandro Bastoni, Barcelona ka gati planin B; Inter nuk heq dorë dhe pret ofertën e duhur appeared first on Albeu.com.

Goli i Vlashiç (VIDEO)

Goli i Simeone (VIDEO)

Goli i Bisek (VIDEO)

Goli i Turam (VIDEO)

The post VIDEO/ Interi duhet të presë për festën e titullit, Torino e ndal me dy gola në 10 minuta appeared first on Albeu.com.