“Kjo është një korsi ndërkombëtare detare. Asnjë vend nuk lejohet të vendosë taksa ose tarifa në një korsi ndërkombëtare detare”, u tha Rubio gazetarëve, duke shtuar se ai besonte se “të gjitha vendet në këtë rajon do të pajtoheshin me ne”.

Diplomati amerikan mbërriti në Abu Dhabi të martën, ndalesa e parë në një turne në vendet e Gjirit që synonte të qetësonte aleatët e SHBA-së që janë goditur nga raketat dhe dronët iranianë gjatë luftës me Iranin, të cilën ata e kundërshtuan.

Me mbërritjen e tij në Abu Dhabi, sekretari i shtetit i SHBA-së konfirmoi se protokolli i marrëveshjes me Iranin do të diskutohej në bisedime.

“Kjo me siguri do të diskutohet gjatë këtyre bisedimeve”, u tha ai gazetarëve kur u pyet nëse do të kërkonte të qetësonte aleatët e Gjirit, të cilët janë goditur rëndë nga hakmarrja iraniane për sulmet SHBA-Izrael.

“Disa pika që nuk janë në memorandumin e mirëkuptimit padyshim do të diskutohen, por vetë memorandumi me siguri do të duhet të shqyrtohet”, tha ai.

Ai shtoi se “një lexim i kujdesshëm i memorandumit të mirëkuptimit tregon qartë se kur flasim, për shembull, për një ndërprerje të plotë dhe përfundimtare të armiqësive në të gjithë rajonin, kjo nuk është e mundur për sa kohë që përfaqësuesit e Iranit lëshojnë raketa dhe dronë nga Iraku dhe përfshihen në akte terroriste, siç kanë bërë Hamasi dhe Hezbollahu.”

Sekretari amerikan do të takohet me autoritetet e Emirateve nesër, të mërkurën, përpara se të udhëtojë për në Kuvajt, pastaj për në Bahrein për takimin e Këshillit të Bashkëpunimit të Gjirit të enjten.

The post Rubio siguron ndërkombëtarët: Irani nuk do të lejohet të vendosë tarifa për anijet që kalojnë në Ngushticën e Hormuzit appeared first on Albeu.com.

Por megjithatë një numër i vogël anijesh po përpiqen të kalonë në këtë rrugë. Pesë anije janë parë duke hyrë në Ngushticën e Hormuzit mëngjesin e sotëm, dy ditë pasi Garda Revolucionare e Iranit tha se kanali do të mbyllet për shkak të sulmeve të vazhdueshme të Izraelit në Liban.

Gjithashtu edhe ditën e djeshme kaluan pesë anije nga 26 të vërejtura një ditë më parë, sipas të dhënave të gjurmimit të anijeve nga firma analitike Kpler.

Megjithatë, situata në kanalin ujor është e pasigurt, pasi Centcom-i i SHBA-së mohoi se ngushtica ishte mbyllur dhe tha se 55 anije tregtare kishin kaluar të shtunën, një shifër ende shumë më e ulët se mesatarja prej 130 anijesh para luftës.

The post Irani paralajmëroi mbylljen e Ngushticës së Hormuzit, bie ndjeshëm trafiku detarë appeared first on Albeu.com.

Teherani tha se e ka mbyllur ngushticën – përmes së cilës para luftës kalonin rreth 20 për qind e furnizimeve botërore me naftë dhe gaz – në shenjë hakmarrjeje ndaj shkeljeve të një marrëveshjeje të përkohshme armëpushimi nga SHBA-ja dhe Izraeli.

Të dhënat nga firma analitike, Kpler, treguan se më 21 qershor vetëm pesë anije kaluan ngushticën, nga 26 të regjistruara një ditë më parë.

Tre prej tyre u identifikuan si anije shumë të mëdha për transport nafte (VLCC) – secila me rreth 2 milionë fuçi naftë dhe karburant të papërpunuar saudit – dhe njëra prej tyre ishte duke u drejtuar për në Japoni.

Disa anije mund të mos jenë përfshirë në statistika, sepse kanë fikur pajisjet e gjurmimit gjatë kalimit në Gjirin Persik.

Teherani e hoqi bllokadën e ngushticës javën e kaluar, pasi arriti marrëveshje me SHBA-në për të zgjatur armëpushimin e shpallur në prill edhe për 60 ditë të tjera, me qëllim që t’u jepej hapësirë negociatave për paqe.

Por, më 20 qershor, Garda Revolucionare Islamike e Iranit (IRGC) e deklaroi sërish të mbyllur këtë rrugë ujore, në përgjigje të sulmeve izraelite në Liban.

Ushtria amerikane deklaroi se anijet tregtare vazhdojnë të operojnë normalisht. Ndërkohë, në orët e para të 22 qershorit u raportua se SHBA-ja dhe Irani janë pajtuar për një plan drejt arritjes së marrëveshjes përfundimtare për paqe./REL

The post Tensionet në Lindjen e Mesme/ Irani mbyll sërish Ngushticën e Hormuzit, ngadalësohet trafiku detar appeared first on Albeu.com.

Marrëveshja parashikon rihapjen e Ngushticës së Hormuzit, një plan prej 300 miliardë dollarësh për rindërtimin e Iranit, si dhe angazhimin e SHBA-së për t’i dhënë fund të gjitha llojeve të sanksioneve ndaj Teheranit.

Megjithatë, çështja e programit bërthamor iranian, arsyeja kryesore e deklaruar nga Uashingtoni për konfliktin, mbetet ende e pazgjidhur.

Palët kanë rënë dakord që negociatat për këtë temë të vazhdojnë për një periudhë 60-ditore, e cila mund të zgjatet nëse është e nevojshme.

Presidenti amerikan Donald Trump, i cili nënshkroi marrëveshjen në Francë gjatë samitit të G7-ës, e mbrojti këtë hap duke deklaruar se ai do të shmangte një “katastrofë ekonomike”.

Megjithatë, ai paralajmëroi se Shtetet e Bashkuara do të ndërmerrnin veprime të ashpra ushtarake kundër Iranit nëse nuk arrihet një marrëveshje përfundimtare.

Nga ana tjetër, presidenti iranian Masoud Pezeshkian, konfirmoi nënshkrimin e dokumentit nga Teherani.

Kryetari i Parlamentit iranian dhe një nga negociatorët kryesorë, Mohammad Bagher Ghalibaf, deklaroi për mediat shtetërore se mosbesimi i Iranit ndaj SHBA-së mbetet i pandryshuar.

“Gishti ynë mbetet mbi këmbëzën e armës. Nëse armiku nuk kupton gjuhën e logjikës, do të rikthehemi te gjuha e forcës”, tha ai për transmetuesin shtetëror iranian.

Marrëveshja konsiderohet një hap i rëndësishëm drejt uljes së tensioneve, por e ardhmja e saj do të varet nga rezultati i negociatave mbi programin bërthamor iranian në javët e ardhshme.

The post SHBA dhe Irani nënshkruajnë marrëveshjen fillestare të paqes, nga hapja e Ngushticës së Hormuzit te plani i rindërtimit, çfarë parashikohet appeared first on Albeu.com.

Në të njëjtën kohë, ai sqaroi se marrëveshja nuk është përfundimtare dhe paralajmëroi se Uashingtoni mund të kthehet në operacione ushtarake nëse përcakton se Teherani nuk po i përmbush angazhimet e tij.

Duke folur para gazetarëve, Trump përsëriti pikëpamjen e tij se marrëveshja SHBA-Iran është e fortë, pavarësisht se detajet e saj nuk janë bërë ende publike.

“Askush nuk e di saktësisht se çfarë përfshin, por është shumë e fortë”, tha ai.

“Nëse nuk më pëlqen mua, nëse nuk sillen mirë, do të kthehemi menjëherë duke hedhur bomba pikërisht në mes të kokës së tyre, në rregull, sepse janë sjellë keq për 47 vjet”.

The post Trump për marrëveshjen me Iranin: Nuk është përfundimtare, nëse nuk sillen mirë, do t’iu hedhim përsëri bomba mbi kokë appeared first on Albeu.com.

“Nuk më ka interesuar kurrë ndryshimi i regjimit, por mendoj se do të ketë ndryshim regjimi”, tha Trump pas një takimi me Emirin e Katarit, Tamim bin Hamad Al Thani.

Megjithatë, në fillim të konfliktit SHBA-Izrael kundër Republikës Islamike më 28 shkurt, Trump u kishte bërë thirrje iranianëve të merrnin kontrollin e vendit të tyre. Në një postim në Truth Social, ai shkruante: “Kjo është mundësia më e madhe për popullin iranian që të rimarrë vendin e tyre.”

Administrata Trump ka argumentuar vazhdimisht se eliminimi i disa figurave të larta të udhëheqjes iraniane ka sjellë në mënyrë efektive një ndryshim në strukturën e pushtetit në vend.

Duke folur në samitin e G7, Trump tha se anëtarë të “nivelit të parë” dhe “nivelit të dytë” të udhëheqjes iraniane janë vrarë, si edhe disa pjesëtarë të “nivelit të tretë”. Sipas tij, personat me të cilët Shtetet e Bashkuara po zhvillojnë negociata aktualisht janë të arsyeshëm, jo të radikalizuar dhe të gatshëm për të ndihmuar vendin e tyre.

Në të njëjtën kohë, presidenti amerikan theksoi se përvoja e tij me ndryshimet e regjimeve në vende të tjera nuk ka qenë pozitive.

“Kam parë ndryshime regjimi për vite me radhë dhe ato nuk kanë funksionuar”, u shpreh Trump.

The post Mbi tre muaj tensione mes SHBA-së dhe Iranit, deklarata e Trump: Nuk më ka interesuar kurrë ndryshimi i regjimit te tyre appeared first on Albeu.com.

Duke folur në një konferencë për shtyp para samitit të G7 në Francë, Von der Leyen theksoi se sanksionet janë vendosur për të nxitur ndryshime konkrete në politikat dhe veprimet e Iranit.

“Parimi i sanksioneve është i qartë: nevojitet një ndryshim i vërtetë në praktikë përpara se të mund të mendohet për heqjen e tyre”, u shpreh ajo.

Sipas presidentes së Komisionit Evropian, nëse sjellja e Iranit ndryshon në mënyrë të besueshme dhe të verifikueshme, atëherë mund të hapet rruga për lehtësimin ose heqjen e sanksioneve.

Von der Leyen përsëriti gjithashtu qëndrimin e kahershëm të Shteteve të Bashkuara, sipas të cilit nuk do të ketë transferim fondesh dhe as heqje sanksionesh pa përmbushjen e kushteve të caktuara nga ana e Iranit.

Ndërkohë, media iraniane raportuan se rreth 12 miliardë dollarë asete iraniane të ngrira duhet të lirohen përpara nisjes së bisedimeve të detajuara mes SHBA-së dhe Iranit për arritjen e një marrëveshjeje gjithëpërfshirëse paqeje.

The post Von der Leyen: Irani duhet të ndryshojë rrënjësisht sjelljen e tij para heqjes së sanksioneve appeared first on Albeu.com.

Lajmi u bë publik nga kryeministri pakistanez, Shehbaz Sharif, i cili e cilësoi marrëveshjen si një hap historik drejt paqes në rajon, raporton Reuters.

Sipas tij, marrëveshja parashikon ndërprerjen e menjëhershme të operacioneve ushtarake në të gjitha frontet, përfshirë edhe Libanin, si dhe nisjen e një procesi negociatash brenda 60 ditëve për arritjen e një marrëveshjeje përfundimtare mes palëve.

Nënshkrimi zyrtar i marrëveshjes është planifikuar të zhvillohet më 19 qershor në Gjenevë të Zvicrës, ndërsa gjatë kësaj jave do të mbahen takime teknike për përgatitjen e zbatimit të saj.

Sharif deklaroi se ndërmjetësuesit do të zhvillojnë një sërë konsultimesh paraprake, për të vendosur bazat e zbatimit të marrëveshjes dhe për të përgatitur ceremoninë zyrtare të nënshkrimit.

Nga ana tjetër, zëvendësministri i Jashtëm i Iranit, Kazem Gharibabadi, konfirmoi se negociatat kanë qenë të gjata dhe intensive, duke zbuluar se përfaqësues të Katarit zhvilluan rreth 14 deri në 15 orë bisedime për finalizimin e memorandumit të mirëkuptimit mes Teheranit dhe Uashingtonit.

Pak pas njoftimit të Islamabadit, presidenti amerikan Donald Trump konfirmoi se marrëveshja me Iranin është përfunduar.

Ai njoftoi gjithashtu hapjen e plotë të Ngushticës së Hormuzit dhe heqjen e bllokadës detare amerikane ndaj porteve iraniane, megjithëse më vonë sqaroi se këto masa do të hyjnë në fuqi pas nënshkrimit zyrtar të marrëveshjes të premten.

Trump deklaroi se hapja e Ngushticës së Hormuzit do të lejojë rikthimin e qarkullimit normal të naftës në tregjet ndërkombëtare, duke e cilësuar marrëveshjen si një garanci për paqen dhe sigurinë në rajon.

Ndërkohë, në një intervistë për Fox News, zëvendëspresidenti amerikan J.D. Vance tha se planifikon të marrë pjesë në ceremoninë e nënshkrimit në Gjenevë, ndërsa nuk përjashtohet as prania e vetë presidentit Trump.

Sipas autoriteteve iraniane, marrëveshja hap rrugën për negociata të reja që do të fokusohen në katër çështje kryesore, heqjen e sanksioneve ndaj Iranit, programin bërthamor iranian, rindërtimin dhe zhvillimin ekonomik të vendit, si dhe krijimin e një mekanizmi monitorimi për zbatimin e angazhimeve të marra nga të dyja palët.

The post SHBA-ja dhe Irani arrijnë marrëveshje paraprake për t’i dhënë fund luftës, kur prit të bëhet nënshkrimi appeared first on Albeu.com.

Teherani po përpiqet ta mbajë çështjen e Libanit lart, ndërsa thotë se nuk do t’i përmbushë afatet e SHBA-së për nënshkrim.

Në një postim të dielën vonë, kryenegociatori iranian Mohammad Bagher Ghalibaf i referohet Libanit dhe thekson se “Nuk do të kenë kurrë sukses në rrëzimin e asnjë prej shtyllave të rezistencës, për sa kohë që ata mbeten të bashkuar dhe të palëkundur”.

Ai shton se “luftërat heroike të luftëtarëve të guximshëm të Libanit dhe diplomacia e fortë e Republikës Islamike të Iranit garantojnë sovranitetin dhe integritetin territorial të Libanit tonë të dashur dhe do të përmbysin mashtrimet absurde të regjimit luftëdashës izraelit – pavarësisht se sa përpiqemi ta paraqesim ndryshe”.

Ushtria izraelite sulmoi objektivat e Hezbollahut në periferitë jugore të Bejrutit të dielën, në fortesën e grupit të njohur si Dahiyya , sipas një deklarate të përbashkët nga kryeministri Benjamin Netanyahu dhe ministri i Mbrojtjes Israel Katz.

Kjo është përgjigja e Izraelit ndaj zjarrit të Hezbollahut në zonat izraelite, sipas të njëjtës deklaratë.

Në një postim në X, ambasadori i Izraelit në Shtetet e Bashkuara, Yechiel Leiter, shkruan se Ali Musa Dakduk , një komandant i lartë i Hezbollahut, u vra gjatë sulmit në Bejrut.

Sipas ambasadorit, Dakduk ishte personalisht përgjegjës për një sulm terrorist në vitin 2007 kundër trupave amerikane, ndërsa koordinonte planin e Hezbollahut për të pushtuar dhe pushtuar Izraelin verior. Ai gjithashtu shkroi se ishte burgosur nga SHBA-të dhe një shpërblim prej 5 milionë dollarësh ishte ofruar për kapjen e tij.

The post Irani vë në dyshim marrëveshjen me SHBA-të: Nuk do të kenë kurrë sukses, për sa kohë mbeten të lëkundur appeared first on Albeu.com.

Zëdhënësi i Ministrisë së Jashtme iraniane, Esmaeil Baghaei, tha se mundësia për një marrëveshje në ditët në vijim mbetet e hapur, por theksoi se Teherani mbetet i kujdesshëm për shkak të asaj që e cilësoi si “paqëndrueshmëri të palës tjetër”.

“Mundësia që kjo të ndodhë në ditët në vijim nuk përjashtohet. Megjithatë, për shkak të paqëndrueshmërisë së palës tjetër, duhet të jemi të kujdesshëm ndaj çdo deklarate në lidhje me këtë proces”, u shpreh Baghaei, sipas agjencisë iraniane Tasnim.

Ai sqaroi se dokumenti në diskutim nuk përbën një marrëveshje përfundimtare mes Iranit dhe SHBA-së, por një memorandum që përcakton pikat kryesore të mosmarrëveshjeve dhe kushtet për përfundimin e konfliktit.

Deklaratat e zyrtarit iranian vijnë pasi kryeministri i Pakistanit, Shehbaz Sharif, njoftoi se kushtet e marrëveshjes mund të finalizohen brenda 24 orëve të ardhshme. Mesazhi i tij në rrjetin social X u ripostua më pas edhe nga Presidenti amerikan Donald Trump në platformën Truth Social.

Ndërkohë, Ministria e Jashtme e Pakistanit bëri të ditur se ceremonia e nënshkrimit elektronik të marrëveshjes është planifikuar për nesër. Sipas autoriteteve pakistaneze, ministri i Jashtëm Mohammad Ishaq Dar ka zhvilluar gjithashtu bisedime me homologun e tij nga Arabia Saudite lidhur me zhvillimet e fundit.

Edhe një burim i afërt me negociatat i tha CNN se nënshkrimi elektronik i marrëveshjes mund të realizohet deri në fund të ditës së nesërme, ose edhe më herët. Deri tani, Shtëpia e Bardhë nuk ka dhënë një koment zyrtar mbi raportimet.

The post Pritej firma për marrëveshjen gjatë kësaj fundjave, Irani ndërron mendje dhe kërkon ende kohë appeared first on Albeu.com.