Trajneri portugez tashmë ka marrë zyrtarisht drejtimin e Real Madridit dhe, në paraqitjen e tij të parë si teknik i madrilenëve, bëri të ditur se në këtë fazë fillestare po merret me vlerësimin e skuadrës.

“Kjo nuk është koha për të folur. Është koha për të qëndruar i qetë, për të analizuar, komunikuar, bërë pyetje, dhënë përgjigje dhe për t’u angazhuar në një dialog të hapur dhe të ndershëm”.

Ai theksoi se synimi i tij kryesor është të kontribuojë në zhvillimin e lojtarëve, të ekipit dhe të vetë klubit.

“Sepse në fund të fundit, ajo që dua është të ndihmoj lojtarët të përmirësohen, ekipin të përmirësohet dhe klubin të përmirësohet”.

Mourinho nënvizoi më tej se ardhja e tij në Madrid nuk lidhet me kritika ndaj askujt, por me gatishmërinë për të dëgjuar dhe për të mbështetur secilin brenda klubit.

“Jam këtu për të ndihmuar të gjithë – jo për të kritikuar, jo për të folur, por për të dëgjuar”.

Në përmbyllje, ai u ndal te Kylian Mbappe, për të cilin pati vlerësime të larta, duke e bërë të qartë se dëshiron ta ndihmojë që të arrijë një stad edhe më të lartë në karrierë.

“E vetmja gjë që mund të them për Mbappe është se ai është një lojtar fenomenal dhe unë do të përpiqem ta ndihmoj që të bëhet edhe më i mirë”.

Në anën tjetër, Mbappe, ashtu si shumë prej yjeve të Realit, është aktualisht i përqendruar te kombëtarja e tij me synimin për të fituar Kampionatin Botëror 2026./

The post Mourinho i bën premtim Mbappes: Do të punoj që ai të ngjitet në një nivel edhe më të lartë appeared first on Albeu.com.

Mesfushori anglez foli me superlativa për teknikun portugez, duke e konsideruar atë një figurë të madhe të trajningut.

“Mourinho është një top trajner”.

Futbollisti i Anglisë dhe i Real Madridit shprehu po ashtu kënaqësinë e tij për afrimet e bëra nga klubi në merkato, duke nënvizuar se skuadra është përforcuar me cilësi dhe eksperiencë.

“Jam shumë i lumtur. Kemi bërë gjithashtu nënshkrime të shkëlqyera, shumë afrime, me shumë cilësi dhe përvojë”.

“Do të jem shumë i lumtur të punoj me ta”, përfundoi Bellingham.

Në të njëjtën kohë, ylli i “Tre Luanëve” mbetet i përqendruar te objektivi për të fituar Kampionatin Botëror 2026 me Anglinë, që pas dy ndeshjeve ka grumbulluar katër pikë në fazën e grupeve.

Anglisë i ka mbetur për të luajtur edhe një takim në grup, përballë Panamasë.//

The post Jude Bellingham vlerëson Jose Mourinhon: Mezi pres të punoj me një trajner të madh appeared first on Albeu.com.

Mbrojtësi 23-vjeçar, që vetëm disa muaj më parë shihej si një nga prurjet më premtuese të klubit, tashmë nuk e ka më të garantuar vendin në projektin e ri të skuadrës.

Raportimet e fundit tregojnë se trajneri Jose Mourinho ka dhënë miratimin që klubi ta konsiderojë shitjen e Asencios, në rast se paraqitet një ofertë e kënaqshme.

Ndonëse qendërmbrojtësi është i lidhur me kontratë deri në vitin 2031, te drejtuesit e klubit madrilen kanë filluar dilemat sa i përket progresit të tij dhe peshës që mund të ketë në ekip.

Burime pranë klubit bëjnë me dije se stafi teknik synon të formojë një repart defensiv me më shumë përvojë dhe siguri të menjëhershme.

Në këtë situatë, Asencio mund ta ketë të vështirë të marrë minutat e nevojshme për të vijuar zhvillimin e tij.

Real Madridi vazhdon ta çmojë potencialin e lojtarit, por një ndarje mund të rezultojë zgjidhja më e përshtatshme për të dyja palët, veçanërisht nëse klubi kërkon të sigurojë fonde për afrimin e një mbrojtësi më me eksperiencë.

Aktualisht nuk ka oferta konkrete në tryezë, por e ardhmja e Asencios pritet të jetë një nga çështjet më të diskutuara të verës në “Santiago Bernabeu”.

Gjatë javëve të ardhshme pritet të shtohet interesimi nga klube të ndryshme evropiane, ndërsa vetë futbollisti mbetet i fokusuar te Real Madridi.

Sidoqoftë, nëse rrethanat mbeten të pandryshuara, një transferim mund të shfaqet si zgjidhja më e favorshme për vazhdimësinë e karrierës së tij.

The post Mourinho miraton mundësinë e shitjes së parë te Real Madridi në verë appeared first on Albeu.com.

Sipas ESPN, Real Madridi synon që gjatë kësaj vere të firmosë me një mesfushor qendror elitar, ndërsa në listën e objektivave kryesorë janë Enzo Fernandez, Mateus Fernandes dhe Ayyoub Bouaadi.

Pas marrjes së kontrollit të plotë mbi lëvizjet në merkato te madrilenët, Mourinho ka nisur të përcaktojë vetë emrat që dëshiron të sjellë në ekip.

Enzo Fernandez e ka pasur ëndërr të luajë për Los Blancos, megjithatë pengesa më e madhe mbetet vlera prej 130 milionë eurosh që Chelsea kërkon për të.

Një tjetër alternativë është Fernandes i West Hamit, një profil që Mourinho e vlerëson shumë dhe që ua ka propozuar drejtuesve të Real Madridit, ndërsa “Hammers” e çmojnë kartonin e tij në 80 milionë euro.

Po ashtu, vëmendjen e Real Madridit e ka tërhequr edhe talenti i Lille, Bouaddi, i cili aktualisht po spikat fuqishëm me Marokun në Kupën e Botës 2026.

Los Merengues e dinë se, përpara se të realizojnë nënshkrime të tjera, duhet të kryejnë shitje të rëndësishme, duke qenë se këtë verë kanë afruar tashmë disa lojtarë të rinj.

The post Mourinho synon një tjetër mesfushor te Real Madridi, tre emra në krye të listës appeared first on Albeu.com.

Gjatë afatit kalimtar të verës, mbrojtja e madrilenëve ka pësuar tashmë ndryshime të dukshme me afrimet e Marc Cucurellas, Denzel Dumfries dhe Ibrahima Konates.

Por për trajnerin portugez, puna nuk mbyllet me kaq. Sipas gazetarit Miguel Serrano, emri që Mourinho ka veçuar si objektivin kryesor për qendrën e mbrojtjes është Alessandro Bastoni i Interit.

Qendërmbrojtësi italian 27-vjeçar vlerësohet prej kohësh si një ndër më të mirët në Evropë në rolin e tij dhe ka qenë vazhdimisht në radarët e klubeve të mëdha.

Në të kaluarën, Bastoni ishte ndër dëshirat kryesore të Barcelonës, por ekipi i drejtuar nga Hansi Flick u tërhoq dalëngadalë nga tentativa për ta transferuar.

Gjithsesi, një marrëveshje për të nuk parashikohet e thjeshtë. Presidenti i Interit, Giuseppe Marotta, e ka bërë të qartë se klubi zikaltër nuk synon të heqë dorë nga një prej figurave kryesore të skuadrës.

“Ai kurrë nuk ka kërkuar të largohet. Është shumë i lumtur këtu dhe ne nuk jemi një klub që shet lojtarët e tij”, deklaroi Marotta.

Përkundër këtij pozicioni, Real Madridi vazhdon të mbajë gjallë interesimin për reprezentuesin italian dhe në javët e ardhshme mund të tentojë me një ofertë të rëndësishme.

Raportimet tregojnë se kartoni i Bastonit vlerësohet mes 50 dhe 70 milionë eurove, një shumë që për gjigantin spanjoll nuk do të ishte problem i madh nëse Mourinho e vendos italianin si prioritet absolut për mbrojtjen.

The post Mourinho e vendos Bastonin në krye të listës për mbrojtjen e Real Madridit appeared first on Albeu.com.

Gjatë këtij muaji, Mourinho u zyrtarizua si trajneri i ri i Real Madridit, duke u kthyer sërish në “Santiago Bernabeu”, aty ku më parë drejtoi skuadrën nga viti 2010 deri në 2013 dhe fitoi një titull të La Ligës si edhe një Kupë të Mbretit.

Sidoqoftë, jo të gjithë e kanë pritur me të njëjtin entuziazëm rikthimin e 63-vjeçarit, pasi mes tifozëve dhe analistëve vazhdojnë të ekzistojnë pikëpyetje për personalitetin e tij të fortë dhe mënyrat me të cilat ai punon.

Portieri belg, që ka qenë pjesë e Chelsea-t nën drejtimin e Mourinhos, u shpreh se marrëdhënia e tyre ka qenë përgjithësisht shumë e mirë, edhe pse nuk kanë munguar herë pas here mosmarrëveshjet.

“Mourinho është një trajner shumë i drejtpërdrejtë. Edhe unë jam i tillë. Marrëdhënia jonë ka qenë gjithmonë shumë e mirë”.

34-vjeçari rikujtoi një episod nga koha te Chelsea, kur tekniku portugez vendosi ta linte në bankë pas një ndeshjeje jo bindëse.

“Kemi pasur edhe përplasjet tona herë pas here”, tha Courtois duke qeshur.

“Për shembull, ai më la në stol kundër Evertonit sepse në ndeshjen paraprake ndaj Aston Villas kisha gabuar në dy topa të krosuar. Ishte mënyra e tij për të më provokuar. Javën tjetër u riktheva në portë kundër West Hamit dhe bëra pesë ose gjashtë pritje vendimtare”.

Në të njëjtën konferencë, gardiani belg preku edhe çështjen e së ardhmes së tij, duke bërë të qartë se dëshira e tij është ta mbyllë karrierën si lojtar i Real Madridit.

“Për mua, ideale do të ishte ta përfundoja karrierën në Madrid”.

“Te Real Madridi ekziston parimi që pas moshës 30-vjeçare kontratat rinovohen vit pas viti, kështu që jam mjaft i qetë. Nëse vazhdoj të performoj si deri më tani, rinovimi nuk do të jetë problem. Por Real Madridi është një klub i nivelit më të lartë dhe në një moment do të duhet të mendojë edhe për pasardhësin tim”.

Courtois ka kontratë me Real Madridin deri në verën e vitit 2027 dhe vazhdon të konsiderohet një nga figurat kyçe të skuadrës madrilene./

The post Courtois flet për përplasjet me Mourinhon: Më uli në stol, por gjithmonë e kam vlerësuar sinqeritetin e tij appeared first on Albeu.com.

Në lidhje me këtë akord mediet spanjolle kanë zbuluar edhe një tjetër detaj mjaft interesant. Trajneri portugez nuk mund të përdorë kaosin në dhomat e zhveshjes si alibi pasi ai është informuar mbi gjithçka që ka ndodhur në ditët e fundit.

Sipas të përditshmes spanjolle “AS”, 63-vjeçari është habitur nga sjellja e Kylian Mbappé. Ylli francez është një element prej të cilit Perez nuk heq dorë për asnjë motiv dhe ky është një problem me të cilin Mourinho do të duhet që të bëjë llogaritë që në javët e para pas rikthimit në Valdebebas.

The post Prapaskena/ Real-i ka informuar Mourinho-n për çfarë ka ndodhur në dhomat e zhveshjes, portugezi i habitur nga sjellja e Kylian Mbappé appeared first on Albeu.com.

ÇFARË NDODHI?

Fenerbahçe, ka konfirmuar se Mourinho është shkarkuar pasi klubi u eliminua nga Liga e Kampionëve në fazën play-off.

Klubi turk humbi me rezultat të përgjithshëm 1-0 ndaj Benficës dhe drejtuesit morën masa të shpejta dhe vendimtare.

Mourinho, është përfolur për një rikthim të bujshëm në Angli, ku ai ka fituar tre herë Premier Leaguen me Chelsean, dhe Nottingham Forest është përmendur si një opsion për të siguruar shërbimet e tij.

Tani që ai është përsëri i lirë në tregun e trajnerëve, pritet që disa klube të lidhen me këtë takticien me shumë përvojë.

Mourinho e udhëhoqi Fenerbahçen drejt vendit të dytë në kampionatin e kaluar, por e mbylli sezonin pa asnjë trofe. Trofeu i tij i fundit ishte Conference League, të cilën e fitoi me Romën në vitin 2022.

KAMUOYUNUN BİLGİSİNE

Profesyonel Futbol A Takımımızın 2024-2025 sezonundan itibaren teknik direktörlük görevini yürüten Jose Mourinho ile yollarımız ayrılmıştır. Kendisine bugüne kadar takımımız için verdiği emekler için teşekkür eder, gelecek kariyerinde başarılar dileriz.… pic.twitter.com/7MpkzNhEN4

— Fenerbahçe SK (@Fenerbahce) August 29, 2025

The post Çfarë ka ndodhur? Jose Mourinho shkarkohet nga Fenerbahçe appeared first on Albeu.com.

Pavarësisht spekulimeve në rritje se sulmuesi i krahut ishte pranë një kalimi në Stamboll, trajneri i mëparshëm i Chelsea, Real Madrid dhe Romës i ka kërkuar klubit të braktisë përpjekjet për nënshkrimin e tij.

Sipas mediumit turk Fanatik, Mourinho i ka këshilluar bordit të Fenerbahces që të kërkojë alternativa të tjera në krahë, duke i dhënë fund interesit për Sanchon.

Kjo vendim u mor pasi Mourinho konsultoi Ruben Amorimin, trajnerin aktual të Manchester United, dhe kërkoi informacion rreth arsyes pse Sancho nuk bën pjesë më në planin afatgjatë të klubit në ‘Old Trafford’. Dy trajnerët kanë një marrëdhënie të ngushtë.

Mourinho, i njohur për standardet e tij të rrepta menaxheriale, besohet se ka bazuar vendimin e tij në perceptimin për mungesën e motivimit dhe profesionalizmit të Sanchos.

Tekniku portugez shprehu rezerva për të sjellë në skuadër një lojtar që beson se ka mungesë angazhimi ndaj ekipit dhe mund të jetë më shumë i interesuar për një fitim të lartë financiar sesa për të kontribuar në fushë.

Me një të ardhme në Turqi jashtë skenës, Sancho po i afrohet një kapitulli të ri në Itali.

Manchester United raportohet se ka pranuar një ofertë prej 25 milionë eurosh nga gjiganti i Serie A, Juventus.

Negociatat për kushtet personale thuhet se janë në një fazë të avancuar, dhe bisedimet janë përshpejtuar pas miratimit të tarifës së transferimit.

The post Mourinho ia mbyll derën transferimit të yllit anglez tek Fenerbahce appeared first on Albeu.com.

Sipas “Haber Global TV” bëhet me dije se garës për shërbimet e tij i është futur edhe Fenerbahce e Jose Mourinhos.

Portugezi dëshiron që ta ketë 25-vjeçarin në ekip, i cili sezonin e kaluar me ekipin francez në Ligue 1 bëri paraqitje të shkëlqyera

Shënoi 25 gola dhe asistoi në 12 raste në 49 ndeshje. Kjo e ka vënë në qendër të vëmendjes dhe merkatos dhe për shkak të interesimeve të shumta lojtari po merr kohën e duhur për të vendosur.

Siç dihet kontrata aktuale i përfunon në fund të këtij muaji dhe më pas del lojtar i lirë në treg. Mbetet të shihet se ku do të jetë destinacioni i tij i ardhshëm.

The post Kërkohet nga ekipet “big”, Jose Mourinho dëshiron lojtarin e Ligue 1 appeared first on Albeu.com.