Skuadra helvetike ishte superiore në pjesën më të madhe të ndeshjes dhe epërsia erdhi menjëherë pas nisjes së pjesës së dytë.

Në minutën e 46-të, Johan Manzambi pasoi saktë për Ruben Vargas, i cili e dërgoi topin në rrjetë për 1-0 me një goditje precize, ku topi u ndihmua edhe nga shtylla.

Edhe pse Kanadaja u përpoq të kundërpërgjigjej, Zvicra vazhdoi të krijonte më shumë rrezik para portës kundërshtare.

Goli i dytë erdhi në minutën e 57-të, kur Breel Embolo asistoi për Johan Manzambin dhe ky i fundit shënoi me qetësi, duke e çuar rezultatin në 2-0.

Ekipi i drejtuar nga Jesse Marsch nuk u dorëzua dhe u rikthye në ndeshje në minutën e 76-të. Nathan Saliba dërgoi një top të saktë në zonë, ndërsa Promise David realizoi për 2-1, duke i shtuar tensionin fundit të takimit.

Kanadezët patën një rast ideal në kohën shtesë për të barazuar. Pas një krosimi që kaloi mbi portierin Gregor Kobel, Derek Cornelius u gjend përballë portës së boshatisur, por në mënyrë të pabesueshme e dërgoi topin jashtë.

Johan Manzambi ishte një prej emrave më të spikatur të ndeshjes, duke kontribuar me një gol dhe një asistim në suksesin që i dha Zvicrës vendin e parë në grup. Një tjetër paraqitje të mirë në mesfushë bëri edhe kapiteni Granit Xhaka, i cili menaxhoi ritmin e lojës dhe organizoi aksionet e ekipit të Murat Yakinit.

Pas kësaj fitoreje, Zvicra e mbyll fazën e grupeve në krye me 7 pikë, ndërsa Kanadaja e përfundon në vendin e dytë me 4 pikë. Të dyja përfaqësueset avancojnë në fazën e eliminimit direkt të Kupës së Botës 2026.

The post Zvicra triumfon ndaj Kanadasë, mbyll grupin në krye dhe kualifikohet bashkë me kundërshtarin appeared first on Albeu.com.

Ndeshja pritet të sjellë ritëm të lartë, intensitet dhe përplasje të shumta në repartin e mesfushës.

Skuadra e Zvicrës paraqitet me një rreshtim të ekuilibruar dhe me eksperiencë në çdo repart. Në portë është Kobel, ndërsa katërshja e mbrojtjes përbëhet nga Jaquez, Elvedi, Akanji dhe Ricardo Rodríguez.

Në mesin e fushës janë vendosur Xhaka dhe Freuler si pika referimi, me Manzambi dhe Sow që plotësojnë repartin për t’i dhënë më shumë energji dhe dinamizëm ekipit. Në vijën e parë trajneri i ka besuar Vargas dhe Embolo.

Në anën tjetër, Kanadaja vjen me një formacion të konsoliduar dhe të strukturuar mirë. Crépeau është në portë, ndërsa në repartin defensiv aktivizohen Johnston, De Fougerolles, Cornelius dhe Laryea.

Në mesfushë luajnë Choiniere, Saliba, Buchanan dhe Ali Ahmed, ndërsa në sulm vendoset dyshja e rrezikshme Jonathan David dhe Cyle Larin.

Zvicra: Kobel; Jaquez, Elvedi, Akanji, Ricardo Rodríguez; Xhaka, Manzambi, Sow, Freuler; Vargas, Embolo

Kanadaja: Crépeau; Johnston, De Fougerolles, Cornelius, Laryea; Choiniere, Saliba, Buchanan, Ali Ahmed; Jonathan David, Larin.

The post Formacionet zyrtare të Zvicër – Kanada, sfidë për kreun e renditjes appeared first on Albeu.com.

Kapiteni i përfaqësueses helvetike e priti me vlerësim këtë konsideratë, duke theksuar se fjalë të tilla nga ish-futbollistë i shtojnë motivimin për të synuar arritje të tjera me ekipin kombëtar.

“Sigurisht që do të thotë shumë për mua. Jashtë fushës ka gjithmonë njerëz që të duan më shumë ose më pak. Por kur e dëgjon këtë nga ish-lojtarët dhe shokët e skuadrës, është një kënaqësi e madhe. Më jep motivim dhe vullnet për të arritur diçka të madhe sërish”, ka deklaruar Xhaka për Blue Sport.

Megjithatë, mesfushori me prejardhje shqiptare nuk pranoi të përcaktojë vetë se kush meriton të quhet futbollisti më i mirë në historinë e Zvicrës.

Ai u shpreh se gjatë periudhës së tij te kombëtarja kanë kaluar shumë lojtarë të mëdhenj dhe se është e vështirë të veçohet vetëm një emër. Sipas tij, ai nuk është ithtar i vlerësimeve individuale, pasi e sheh veten si një futbollist që vendos ekipin në plan të parë, ndërsa gjykimin ua lë të tjerëve.

“Ka pasur shumë lojtarë të mëdhenj në ekipin kombëtar gjatë periudhës sime. Është e vështirë të zgjedhësh vetëm një. Nuk jam adhurues i çmimeve individuale, por jam një lojtar që mendon për ekipin. Janë njerëzit ata që duhet të gjykojnë dhe të vendosin, jo unë”, u shpreh ai.

Mes atyre që e kanë përzgjedhur Granit Xhakën si më të mirin në historinë e kombëtares zvicerane përmenden Dominique Herr, Erni Maissen, Alexandre Rey, Karl Engel, Sani Gygax dhe Admir Mehmedi.

Këto vlerësime vijnë pas një rruge të jashtëzakonshme të Xhakës me fanellën e Zvicrës, ku për shumë vite ai ka qenë lider dhe një nga elementët më të rëndësishëm të përfaqësueses helvetike.

The post Granit Xhaka shmang krahasimet, edhe pse shumë emra të mëdhenj e quajnë më të mirin në historinë e Zvicrës appeared first on Albeu.com.

Pas analizimit të 36 ndeshjeve të para të turneut, në vendin e parë figuron mesfushori i Zvicrës, Granit Xhaka, i cili është vlerësuar me 91.8 pikë.

Kapiteni i përfaqësueses zvicerane është dalluar për saktësinë dhe efikasitetin në qarkullimin e topit në momente të ndërlikuara, kur kundërshtarët ushtrojnë presion të drejtpërdrejtë.

Menjëherë pas tij vjen mesfushori i Spanjës, Rodri, me 90.8 pikë. Futbollisti spanjoll vazhdon të dëshmojë statusin e tij si një nga organizatorët më të mirë të lojës në futbollin botëror, duke pasur rol kyç në kontrollin e ritmit të ndeshjeve.

Në pozitën e tretë renditet befasueshëm mbrojtësi qendror i Zvicrës, Manuel Akanji, me 88.2 pikë. Lojtari i Manchester Cityt ka shfaqur qetësi të madhe dhe saktësi të lartë në ndërtimin e aksioneve nga zona defensive.

Pesëshja e parë përmbyllet me koreano-jugorin Lee Kang-in në vendin e katërt me 87.3 pikë dhe me mbrojtësin e Turqisë, Zeki Çelik, në pozitën e pestë me 86.1 pikë.

Në këtë listë bie në sy edhe emri i mesfushorit të Barcelonës dhe Spanjës, Pedri, i cili pozicionohet i gjashti me 84.9 pikë.

Kjo statistikë nuk kufizohet vetëm te saktësia e pasimeve, por mat cilësinë e tyre në çaste kur lojtarët veprojnë nën trysninë e kundërshtarëve. Për këtë arsye, ajo shihet si një tregues i rëndësishëm i aftësisë së futbollistit për të komanduar lojën dhe për të marrë vendime në situata të vështira.

Performancat e Xhakës, Rodrit dhe Akanjit kanë qenë mes elementëve kryesorë që kanë ndihmuar Zvicrën dhe Spanjën të paraqesin nivel të lartë organizimi në fazën e grupeve, ndërsa kjo renditje nënvizon edhe një herë peshën e lojtarëve që përcaktojnë ritmin e lojës nga mesfusha dhe prapavija.

The post Granit Xhaka në krye, Rodri pas tij – zbulohet renditja e mesfushorëve më të mirë të Botërorit në pasime nën presion appeared first on Albeu.com.

Mesfushori shqiptar foli hapur për paraqitjet e skuadrës, ndërsa një pjesë e mediave i lexuan komentet e tij si sinjal të pakënaqësive brenda kampit helvetik.

Madje, e përditshmja zvicerane Blick shkroi se pas fjalëve të liderit të ekipit, në dhomat e zhveshjes së Zvicrës ishte krijuar një atmosferë e tensionuar dhe toksike.

Në anën tjetër, drejtori i Përfaqësueses së Zvicrës, Pierluigi Tami, i ka mohuar këto pretendime dhe është shfaqur publikisht në mbështetje të Xhakës.

“Njerëzit mund të kenë opinione të ndryshme, por ne të gjithë duhet të jemi në të njëjtën faqe. Kushdo që nuk pajtohet me të tilla deklarata, mund të konfrontohet me Xhakën”.

“Është e rëndësishme të jemi të sinqertë dhe të hapur me njëri-tjetrin. Rezultati i mirë në fushë po ashtu na ndihmon me këtë”.

“Paraqitja ndaj Bosnjë-Hercegovinës ishte e pastër. Ishte përgjigja e duhur për gjithë diskutimet”, deklaroi Tami për Blue Sport.

Me këtë qëndrim, Tami la të kuptohet se kritikat e Xhakës nuk perceptohen si shqetësim brenda ekipit, por si pjesë e një kulture ku futbollistët dhe stafi duhet të komunikojnë hapur dhe me sinqeritet me njëri-tjetrin.

Fitorja bindëse e Zvicrës ndaj Bosnjë-Hercegovinës në Botëror duket se e ka zbutur situatën rreth kombëtares helvetike, teksa drejtuesit e skuadrës besojnë se përgjigjja më e mirë ndaj kritikave dhe spekulimeve jepet gjithmonë në fushën e lojës.

The post Tami mohon zërat për tensione te Zvicra dhe del në mbrojtje të Granit Xhakës appeared first on Albeu.com.

Të dhënat e publikuara nga FIFA Training Centre tregojnë se mesfushori zviceran ishte lojtari që i vuri më shumë në vështirësi boshnjakët, pasi provoi 39 pasime që çanin linjat kundërshtare dhe i finalizoi me sukses 31 prej tyre.

Në këtë tregues, Xhaka dallohej qartë nga pjesa tjetër e ekipit, pasi shifra e tij ishte më shumë se dy herë më e lartë se ajo e çdo futbollisti tjetër të Zvicrës, duke e bërë organizatorin kryesor të lojës.

Me pasimet e tij depërtuese, ai prishi vazhdimisht organizimin mbrojtës të Bosnjës, duke nxjerrë jashtë loje linja të tëra të strukturës defensive dhe duke u hapur rrugë vazhdimisht rasteve të rrezikshme për sulmuesit zviceranë.

Sa herë që topi kalonte nga këmbët e tij, loja e Zvicrës fitonte terren, ndërsa kalimi nga mbrojtja në sulm bëhej me shpejtësi dhe saktësi të madhe.

Paraqitja e Xhakës u dallua mbi të gjitha për tre cilësi themelore: vizionin e jashtëzakonshëm, saktësinë teknike dhe efikasitetin në shpërndarjen e topit.

Ai jo vetëm që diktoi ritmin e takimit, por përcaktoi edhe mënyrën se si Zvicra ndërtonte aksionet dhe depërtonte në hapësirat kundërshtare.

Me këtë performancë, Xhaka u konfirmua si dirigjenti i vërtetë i skuadrës, duke forcuar edhe një herë reputacionin e tij si një nga mesfushorët më të zgjuar dhe më me ndikim në futbollin ndërkombëtar modern.

The post FIFA nxjerr pamjet që tregojnë si Granit Xhaka e dominoi Bosnjën me pasimet e tij brilante appeared first on Albeu.com.

Zvicra arriti më në fund fitoren e parë në këtë Kupë Bote, pasi mposhti Bosnje dhe Hercegovinën me rezultat 4-1. Pas këtij suksesi, te ekipi kombëtar ndihet qartë një klimë lehtësimi, gjë që u reflektua edhe në episodin më të fundit të podkastit të Blick, “FORZA!”.

Në analizën e bërë nga Xhemaili dhe redaktori i futbollit te Blick, Tobias Wedermann, u theksua se elementet pozitive të lojës së Zvicrës ishin dukshëm më të shumta se ato negative, ndonëse sipas tyre paraqitja nuk ishte krejtësisht e përkryer.

Pas ndeshjes në Katar, vëmendja kryesore u përqendrua te kapiteni Granit Xhaka. Jo vetëm loja e tij, por sidomos komentet kritike që ai bëri, krijuan mjaft zhurmë. Sipas raportimit të Blick, ato deklarata nuk ishin pritur mirë nga të gjithë brenda kampit të kombëtares.

Në këtë debat u përfshi edhe Xhemaili, ish-futbollisti shqiptar që ka përfaqësuar Zvicrën, i cili theksoi se futbollistët duhet të jenë të gatshëm të përballen me kritika dhe se në rastin e Xhakës ato kishin pasur ndikim pozitiv.

“Në futboll, duhet të jesh në gjendje të pranosh kritikat. Përndryshe, je në vendin e gabuar në një Kupë Bote. Si kapiten, duhet të dish se çfarë lloj lojtarësh ke në ekip. Një lojtar si Graniti mund të kritikohet dhjetë herë dhe kjo vetëm sa do ta nxisë atë. Të tjerët mund të thyhen nga kjo”, deklaroi fillimisht Xhemaili.

Më tej, ai shtoi: “Që nga minuta e parë, ai ishte një lojtar ndryshe. Ai luajti me më shumë intensitet, më shumë drejtpërdrejtshmëri dhe më shumë prani.

Ndoshta Graniti ka nevojë për këtë kritikë. Ai e ka dhënë edhe një herë fjalën e tij”, përfundoi ish-mesfushori.

Edhe kryeredaktori i Blick, Wedermann, vlerësoi se Xhaka në rolin e kapitenit përcillte një energji tjetër nga ajo që kishte treguar në ndeshjen ndaj Katarit.

Xhemaili dhe Wedermann ishin po ashtu të një mendimi se festa e Xhakës pas golit ishte një mesazh i drejtuar pikërisht ndaj mediumit Blick.

The post Xhemaili për Xhakën: Në futboll duhet të dish të pranosh kritikat appeared first on Albeu.com.

I futur nga pankina në moshën 20 vjeç e 247 ditë, Manzambi u bë lojtari më i ri rezervist që shënon dy herë në një ndeshje të Kupës së Botës.

Në minutën e 97-të, Zvicra fitoi një penallti dhe sulmuesi i ri iu afrua kapitenit Granit Xhaka. Pas një komunikimi të shkurtër mes tyre, ishte Xhaka ai që mori përsipër ekzekutimin, duke shënuar golin që vulosi fitoren 4-1.

Nëse penalltia do t’i ishte besuar Manzambit dhe ai do ta kthente në gol, futbollisti zviceran do të hynte në listën e golashënuesve më të rinj që kanë realizuar het-trik në kampionatin botëror, duke u renditur i treti pas brazilianit Pele dhe gjermanit Edmund Conen.

Xhaka sqaroi më pas arsyen e vendimit të tij, duke theksuar se skuadra funksionon mbi baza të qarta. “Ne kemi rregulla në ekip. Ai është i ri, ka një të ardhme të ndritur përpara, por penalltitë duhet të ekzekutohen nga lojtarë me përvojë. Do të vijë koha e tij për t’i ekzekutuar ato”, ka thënë Xhaka.

Nga ana tjetër, Manzambi nuk la të kuptohej se ishte i pakënaqur me zgjedhjen e kapitenit.

“E pyeta nëse do të gjuante, ai tha se po. Ai shënoi, kështu që edhe unë jam i lumtur. Fitorja është shumë më e rëndësishme sesa të shënoj një tregolësh”, tha Manzambi.//

The post Granit Xhaka tregon pse nuk ia la penalltinë Manzambit për të kompletuar het-trikun appeared first on Albeu.com.

Të enjten, më 18 qershor 2026, ai tërhoqi vëmendje të madhe pasi ishte i pranishëm në dy ndeshje brenda ditës. Fillimisht ndoqi suksesin bindës 5-1 të Zvicrës, skuadrës së tij vendase, ndaj Bosnjës dhe Hercegovinës, e më pas u shfaq edhe në përballjen Kanada-Katar.

Prania e tij në të dyja sfidat u konsiderua befasuese, pasi mes tyre kishte vetëm një orë diferencë dhe atij iu desh të lëvizte nga një vend në tjetrin në një interval shumë të shkurtër.

Shpjegimi lidhet me faktin se kreu i FIFA-s përdor avionin e tij privat, i cili udhëton në vende të ndryshme për t’i dhënë mundësi të ndjekë disa ndeshje gjatë së njëjtës ditë.

Infantino e kishte marrë si dhuratë një avion privat për Kupën e Botës nga Qatar Airëays, ndërsa gëzon edhe leje të posaçme sigurie që ia lehtësojnë udhëtimin e shpejtë.

Po ashtu, presidenti i FIFA-s nuk qëndron për gjithë kohëzgjatjen e ndeshjeve, por merr pjesë vetëm në një pjesë të tyre, gjë që i krijon mundësinë të shfaqet në disa takime brenda ditës.

The post Si arrin Gianni Infantino të jetë në dy ndeshje të Kupës së Botës FIFA brenda së njëjtës ditë? appeared first on Albeu.com.

Mesfushori e udhëhoqi sërish repartin e mesit të Zvicrës në fitoren 4-1 ndaj Bosnjës dhe Hercegovinës, ndërsa në fund të takimit vulosi rezultatin përfundimtar me golin e fundit të ndeshjes.

Pasi shënoi nga pika e bardhë, futbollisti zviceran me prejardhje shqiptare bëri një gjest që imitonte të folurin dhe bisedën, duke dërguar kështu një mesazh të qartë.

Sipas mediave në Zvicër dhe Gjermani, ky reagim ishte i drejtuar ndaj mediave zvicerane, të cilat e kishin akuzuar për krijimin e një klime toksike dhe të pashëndetshme në dhomën e zhveshjes dhe brenda ekipit.

Gjithçka lidhet me reagimin e tij pas barazimit me Katarin, kur Xhaka kritikoi ashpër paraqitjen e Zvicrës, sidomos pas golit të pësuar në çastet e fundit të ndeshjes. Në rolin e kapitenit, ai foli hapur për ekipin e tij, por më pas u përball me akuza nga mediat e atjeshme se po nxiste trazira.

Me festën e golit ndaj Bosnjës dhe Hercegovinës, Xhaka duket se zgjodhi t’u përgjigjej pikërisht këtyre kritikave, pasi realizoi penalltinë që vendosi rezultatin 4-1.

“Nuk është gjithmonë e lehtë. Do të gënjeja nëse do të thosha se hyri nga një vesh dhe doli nga tjetri. Më dhemb. Ka gjëra që thjesht nuk i kuptoj. Janë shkruar shumë, pardje pati një artikull të madh që nuk mund ta injorosh”, tha Xhaka pas fitores.

Në ndryshim nga reagimi pas ndeshjes së parë, kësaj here ai i përgëzoi bashkëlojtarët për paraqitjen si grup, disiplinën dhe luftën e treguar gjatë të 90 minutave. Xhaka nënvizoi gjithashtu se Zvicra u paraqit e fortë dhe e bashkuar në fushë.

The post Mesazhi i Xhakës pas golit ndaj Bosnjës dhe Hercegovinës, zbulohet kujt iu drejtua appeared first on Albeu.com.