Sipas Mekulit, sjellja dhe deklaratat e kreut të qeverisë shqiptare po marrin formën e një stili prej “mbreti mediatik”, ndërsa ai shprehu shqetësim edhe për raportin e Shqipërisë me shqiptarët jashtë kufijve shtetërorë, si dhe për zhvillimet gjeopolitike në rajon.

“Politika e Edi Ramës tashmë është kthyer në një teatër personal ku e vërteta nuk ka më vlerë; Në vend që të dëgjojë zërin e popullit që protestojnë kundër shkatërrimit të Shqipërisë, ai zgjedh të bëjë hajgare dhe të fyejë shqiptarët. Kur ky njeri shigjetoj ironitë e tij edhe kundër shqiptarëve të Kosovës dhe të Maqedonisë, Rama tregoi se për të ruajtur pushtetin e tij është gati të bëjë gjënë më të ulët: të përçajë kombin shqiptar.

Edi dRama, ka vendosur të luajë aktin më të rrezikshëm të karrierës së tij: atë të mbretit mediatik; Përballë një populli që përditë e përnatë po cohet në këmbë kundër krimit kultiror, ambientalist dhe oligarkisë në Tiranë, dRama nuk zgjodhi llogaridhënien para popullit, por yrnekun e vjetër të diktatorëve të rrëzuar: e quajti revoltën e popullit shqiptar «histeri kolektive» dhe, me një arrogancë të katundari të shekullit XIX, ktheu thikat e ironisë së tij bajate drejt shqiptarëve të Kosovës dhe Maqedonisë së Veriut. Aspak e papritshme nga dRama, apo jo?”

Mekuli u shpreh gjithashtu se qasja e Ramës ndaj shqiptarëve që jetojnë jashtë Shqipërisë përbën, sipas tij, një shkelje të Kushtetutës së shtetit.

Ai nënvizoi se shqiptarët kudo janë hisedarë në Shqipëri dhe jo mysafirë, teksa shtroi pyetjen se “…kush është Edi Rama që të vendosë kurthe emocionale dhe politike mes shqiptarëve?”

“Kjo sjellje e këtij njeriu është një shkelje flagrante e kontratës sonë mbijetuese si komb: Neni 8 i Kushtetutës së Republikës së Shqipërisë e përcakton si detyrim mbrojtjen dhe jetësimin e lidhjeve me shqiptarët jashtë kufijve shtetërorë të Shqipërisë. Prandaj askush nuk ka as mandat kushtetues, as autoritet etik dhe as të drejtë morale të tallet me shqiptarët e Kosovës apo të trojeve të tjera. Shqiptarët jashtë kufijve administrativë të vitit 1912 nuk janë mysafirë në shtëpinë e tyre; ata janë hisedarë. Po, po, ne jemi hisedarë. Pikë! Ne historikisht e kemi ndërtuar, shpëruar dhe krijuar këtë gjysmë Shqipërie bashkë. Këta burra si Isa Boletini, Hasan Prishtina e Idriz Seferi me shokë shumë erdhën për të «shpëtuar Shqipërinë» apo Serbinë, Edi dRama? Kush e vulosi pavarësinë në Vlorë, dRama? E kush është Edi dRama që të vendosë kurtha emocionale dhe politike mes shqiptarëve? Këtë strategji e ka Serbia dhe akademia serbe e Beogradit, dRama. Si bëhet që ti aq bukur të përshtatesh me propagandën e Serbisë së moçme për të ndarë e për të coptuar shqiptarët?

dRama shpërfaq hapur strategjinë e tij të preferuar: Divide et Impera (përçaj dhe sundo). Ai dëshiron një popull të hallkatur, të ndarë në parcela krahinore, sepse vetëm mbi përçarjen mund të ngrejë perandorinë e tij të propagandës”, shtjelloi njohësi i çështjeve politike.

Më tej, Mekuli vlerësoi se Rama i ka shkaktuar dëme të mëdha kombit shqiptar, veçanërisht përmes bashkëpunimit me Vuçiqin dhe qëndrimit kritik e refuzues ndaj Kurtit.

Në këtë kontekst, ai përmendi edhe planin për ndarjen e Kosovës, si edhe projektin e “Ballkanit të Hapur”.

“Gjeopolitikish dhe kulturalisht, ky (pa)krye-ministër është insani që i ka sjellë dëme të pandreqshme kombit shqiptar; kujtoni projektin famëkeq të «Ballkanit të Hapur», një plan i krijuar sall për hatër të gjeopolitikës serbe të Aleksandër Vuçiçit. Kujtoni thikat pas shpine që dRama ia nguli vazhdimisht Kryeministrit të Kosovës, Albin Kurti, dhe vetë shtetësisë së Kosovës. Kujtoni lobimin e tij të ethshëm për ndarjen e Kosovës, të koordinuar me një klasë të korruptuar politike dhe mediatike në Prishtinë. Kur e sheh këtë forografi, kupton se dRama jeton komplet jashtë kontekstit historik e gjeopolitik të shqiptarëve; A po jo, të nderuar lexues?

Nuk ka asgjë origjinale në teatrin e dRamës; përpjekja për të shitur rezistencën mbarëshqiptare si «histeri kolektive» është thjesht një kopje e frikshme e diktaturave të rëna; edhe këta e lexonin zemërimin popullor, si «të çmendur», «të manipuluar» apo «histerikë».”

Në vijim, ai renditi edhe disa figura politike që, sipas tij, Rama po i imiton, duke shtuar se edhe fati i tij mund të jetë i ngjashëm.

“Ja, këtu më poshtë po ja kujtoj dRamës fatin dhe gjuhën e atyre që ky e imiton:

1.Erich Honecker dhe RDGJ (1989): Kur gjermanët e Lindjes u ngritën në protestat popullore për liri, dinjitet dhe bashkim kombëtar, Honeckeri dhe aparati i tij i korruptuar propagandistik i quanin ato saktësisht «histeri kolektive» të nxitur nga agjenturat e jashtme. Honeckeri deklaronte me arrogancë se Muri i Berlinit do të qëndronte edhe 100 vjet të tjerë. Por, ashtu siç po ndodh sot në Tiranë, ku po bashkohet fryma e lartë politike dhe kulturore e shqiptarëve nga të gjitha trojet, ajo «histeri» gjermane ishte në fakt zgjimi i një kombi. Brenda pak muajsh, ai mur i turpit, që ndau kombin gjerman, u rrënua dhe Honeckeri përfundoj ashtu siq edhe e meritoj. Prandaj protestat e gjermanëve më1989 në Berlin, kanë shumë ngjajshmëri me protestat e shqiptarëve ne Tiranë me 2016…

2.Nicolae Ceaușescu (Rumani): Vetëm pak ditë para se populli t’i tregonte vendin në dhjetor të vitit 1989, Ceaușescu i quante protestuesit në Timishoara si «huliganë» dhe «provokatorë histerikë» që donin të shkatërronin vendin. Ai mbajti fjalimin e tij të fundit nga ballkoni, i rrethuar nga një turmë që filloi ta fishkëllente; një skenë që i ngjan aq shumë frikës që dRama ka sot nga sheshi dhe nga populli protestues në krejt Shqipërinë dhe jashtë sajë.

3.Anwar Sadat (Egjipt): Kur u përball me revoltat popullore kundër oligarkisë dhe marrëveshjeve që shitnin interesat e vendit, i trajtonte lëvizjet opozitare si «devijime mendore» dhe «histeri kolektive», duke refuzuar të shihte realitetin e shtypjes ekonomike dhe tradhtisë politike”.

Mekuli vazhdoi më tej kritikat ndaj Ramës, duke u ndalur te qasja e tij përqeshëse ndaj shqiptarëve të Kosovës dhe të Maqedonisë së Veriut.

Ai paralajmëroi gjithashtu se historia ka treguar vazhdimisht se fundi i shfaqjeve të diktatorëve është i njëjtë.

“Ashtu si Gjermania e vitit 1989 që shkundi themelet e komunizmit përmes bashkimit gjerman, edhe protestat e sotme në Tiranë nuk janë «histeri kolektive», por një manifestim i një fryme të lartë kulturore dhe kombëtare. Kur dRama përqesh shqiptarët e Kosovës dhe të Maqedonisë që marshojnë në Tiranë, ai harron se ashtu si gjermanët që nuk pyetën për telat me gjemba të Honeckerit, as shqiptarët nuk pyesin për kufijtë administrativë që na lanë jashtë Shqipërisë në vitin 1913; sepse Shqipëria është oksigjeni publik e politik i shqiptarëve kudo që frymojnë, apo jo, Edi dRama?

dRama po aktron në ballkonin e tij të fundit, por historia na ka treguar se shfaqja e diktatorëve përfundon gjithmonë në të njëjtën mënyrë: me triumfin e popullit sovran”, nënvizoi njohësi.

Në fund, ai theksoi se shqiptarët e Kosovës, Maqedonisë, Luginës, Malit të Zi dhe Çamërisë kanë qenë, janë dhe do të mbeten gjithmonë krah i Shqipërisë, ndërsa e paralajmëroi Ramën se “karrigia juaj do të thyhet dhe propaganda do të shterret”.

“Si mundet një kryeministër të jetë kaq idiot para gjakut dhe kujtesës sonë kolektive? Gjatë tmerrit të luftës në Kosovë, populli i varfër por me zemër të madhe në Shqipëri hapi dyert e shtëpive, ndau bukën, kripën, lotin, vuajtjen dhe fishekun me vëllezërit e motrat e tyre të dëbuar e të dhunuar nga ushtria serbe. Sot Shqipëria ka nevojë për ndihmën e shqiptarëve të Kosovës dhe të të gjithë shqiptareve. Prandaj shqiptaret tok duhet të jenë në Tiranë, jo sall kundër një njeriu por kundër një sistemi të qelbur që krijoj ky njeri me oligarkët e tij.

Konsekuent deri në fund; Asnjë shfaqje teatrore nuk mund ta zhbëjë dot të vërtetën: Shqiptarët e Kosovës, Maqedonisë, Luginës, Malit të Zi e Çamërisë kanë qenë, janë dhe do të mbeten krah i Shqipërisë dhe do ta ndihmojnë Shqipërinë, ashtu siq shqiptarët e Shqipërise ndihmuan Kosovën. Solidariteti nuk është «histerie kolektive», por drita e një vetëdijeje kombëtare që nuk do të shuhet, pavarësisht skenarëve të lodhta të dRamës & Co.

Zoti Kryeministër, kur karrigia juaj të thehet dhe propaganda të shtjerret, si do t’i shihni në sy shqiptarët e Kosovës dhe të Maqedonisë, pasi i ofenduat vetëm për të mbrojtur b*then tënde?” përmbylli Gëzim Mekuli për “Bota sot”.

The post Gëzim Mekuli sulmon Ramën: Po sillet si “mbret mediatik” dhe, sipas tij, po thellon përçarjen mes shqiptarëve appeared first on Albeu.com.

Në një intervistë për KosovaPress, që është edhe e fundit e tij si shef i Misionit të Bashkimit Evropian për Sundimin e Ligjit në Kosovë, Barbano thekson se EULEX-i, në cilësinë e reaguesit të dytë në Kosovë, është i gatshëm të veprojë kur kjo të jetë e nevojshme. Sipas tij, ky përbën një mesazh politik me rëndësi të madhe.

Barbano: Shtetet e BE-së janë gati ta rrezikojnë jetën e policëve të tyre për ta mbështetur Kosovën

“Policia e Kosovës është reaguesi i parë i sigurisë, ndërsa KFOR-i është reaguesi i tretë. Në mes tyre, EULEX vepron si reaguesi i dytë i sigurisë, me kërkesë të qartë të Policisë së Kosovës, nëse situata e kërkon. Duke e bërë këtë, ne ushtrojmë rolin tonë si reagues i dytë në përputhje me vullnetin e shteteve anëtare të Bashkimit Evropian. Kjo do të thotë se shtetet anëtare të BE-së janë të gatshme të rrezikojnë jetën e policëve të tyre që shërbejnë në EULEX për të mbështetur Kosovën dhe institucionet e saj. Ky është një mesazh politik shumë i rëndësishëm që duhet kuptuar. Do të thotë se ne jemi të gatshëm të ndërhyjmë nëse është e nevojshme”, thotë Barbano për KosovaPress.

Ai shton më tej se EULEX-i vazhdon të jetë i përkushtuar në kontributin për ruajtjen e sigurisë, ndërsa bën të ditur se ekzistojnë edhe mekanizma për sigurimin e përforcimeve nga njësitë rezervë policore, nëse paraqitet nevoja.

Barbano: Nëse ka nevojë, mund të marrim përforcime nga njësitë rezervë për ruajtjen e sigurisë

“Shpresojmë që të mos ketë nevojë për këtë, por kemi gjithashtu mekanizma për të marrë përforcime nga njësitë rezervë policore të siguruara nga Forca Evropiane e Xhandarmërisë. Ne mbetemi të përkushtuar për të kontribuar në përpjekjet për ruajtjen e sigurisë. Në këtë drejtim kemi përmirësuar mekanizmat për trajnim të përbashkët dhe shkëmbim të vazhdueshëm të informacionit, si dhe kemi rritur ndërveprueshmërinë tonë me Policinë e Kosovës dhe KFOR-in. Kjo ka dëshmuar efektivitet në disa raste”, nënvizon ai.

The post Kreu i EULEX-it: Vendet e BE-së janë të gatshme të vënë në rrezik jetën e policëve të tyre në mbështetje të Kosovës appeared first on Albeu.com.

Në mbledhjen e parë fizike të Qeverisë pas zgjedhjeve të parakohshme, Kurti tha: “Po takohemi fizikisht pas zgjedhjeve të parakohshme parlamentare të 7 shkurtit. Më lejoni t’i uroj qytetarët për procesin e rregullt, të lirë dhe demokratik zgjedhor. Kosova nuk kishte nevojë për këto zgjedhje dhe ky rezultat e dëshmon këtë, të cilën e kemi thënë e ripërsëritur para se ato të ndodhnin”.

Ai theksoi se, sapo të bëhet certifikimi i rezultatit, do të fillojnë puna dhe bisedimet për krijimin e institucioneve të reja.

“Sido që të jetë, qytetarët folën sërish qartë. Rezultati duhet të pranohet e të respektohet, dhe vullneti i popullit të zbatohet e të përkthehet në institucione funksionale, demokratike, të angazhuara e të përkushtuara për zhvillim e mirëqenie, arsim e shëndetësi, për siguri e mbrojtje, industri e prodhim, investime të mëdha infrastrukturore, nga hekurudhat, te digat e jo vetëm. Andaj, posa të certifikohet rezultati i zgjedhjeve, do të nisim punën dhe diskutimet për formimin e institucioneve të reja, konstituimin e legjislaturës së 11-të të Kuvendit, formimin e qeverisë së re, dhe zgjedhjen e presidentit apo presidentes”, u shpreh ai.

Gjatë mbledhjes së Qeverisë, Kurti komentoi edhe arrestimin e pesë ish-pjesëtarëve të policisë serbe, të dyshuar për përfshirje në masakrën e Reçakut, ndërsa kritikoi mungesën e veprimeve për këtë çështje për më shumë se dy dekada.

“Afër 27 vjet e gjysmë pas masakrës së Reçakut, janë arrestuar pesë ish-pjesëtarë të policisë së Serbisë. Ndërkohë që në njërën anë përgëzojmë institucionet për arrestimin e të dyshuarve, pas siç u tha, një hetimi prej gjashtë muajsh, nuk mund të mos vëmë në spikamë faktin se deri në vitin 2020, askush nuk është marrë me këtë rast. Rrjedhimisht, nga mijëra lëndë të trashëguara nga EULEX-i, asnjë nuk ishte për masakrën e Reçakut. Në njërën anë kemi arrestim pas gjashtë muajsh hetim, e në anën tjetër, kemi më shumë se dy dekada dështim apo kurrfarë përpjekjesh për ndjekje të përgjegjësve dhe zero angazhim për drejtësi lidhur me këtë rast”, tha ai.

Kurti e hapi mbledhjen duke u shprehur ngushëllime familjeve të tre të rinjve që humbën jetën në dy ngjarje të ndara gjatë ditëve të fundit.

“Jam thellësisht i pikëlluar nga vdekja tragjike e tre të rinjve tanë në dy raste të ndryshme ditëve të fundit. Motrat Erza dhe Aulona Zubaku në një aksident rrugor në Gjermani dhe Valmir Morina në vendin e tij të punës në Prizren. Në emrin tim dhe të Qeverisë së Republikës së Kosovës, shpreh ngushëllimet më të sinqerta për familjet Zubaku nga komuna e Kamenicës dhe Morina nga komuna e Malishevës”, tha ai.

The post Kurti: Pas certifikimit të rezultateve do të nisim formimin e institucioneve të reja, zgjedhjet nuk ishin të nevojshme appeared first on Albeu.com.

Në një postim publik, ai ka hedhur kritika ndaj personave që, sipas tij, në disa procese zgjedhore janë marrë më shumë me rënien e LDK-së sesa me ngritjen e saj, ndërsa i akuzoi edhe për sabotim të partisë në zgjedhjet e fundit.

Sipas Manajt, po të kishte ekzistuar një unitet funksional në këto zgjedhje, LDK-ja do ta kishte pasur të lehtë të renditej si subjekti i dytë politik në vend. Ai shtoi gjithashtu se vizioni i kryetarit Lumir Abdixhiku për bashkim me presidenten Vjosa Osmani ka dhënë efekt pozitiv.

Postimi i plotë:

Ndryshimet në LDK mund t’i bëjë vetëm vullneti i anëtarësisë së saj! Por ato nuk mund t’i udhëheqin ata që në disa palë zgjedhje kanë folur më shumë për rënien e LDK-së sesa për ringritjen e saj. Nuk mund t’i bëjnë ata që statuset për “ndryshim” i kishin gati pa u mbyllur kutitë e votimit, e që nuk i pritën as rezultatet e exit poll-eve. Ata qe e sabotuan LDK në këtë proces zgjedhor. Dhe ata kanë emër dhe mbiemër. I njohim të gjithë! Një nga një po e tregojnë vetën!

Me një unitet funksional në këto zgjedhje e kemi pas mundësinë që lehtësisht të dalim subjekti i dytë politik në vend! Vizioni i kryetarit Lumir Abdixhiku për bashkim me Presidenten Vjosa Osmanin ka pas efekt pozitiv. Prandaj, janë turrur planet e nates kundër LDK-së!

LDK do t’i bëjë ballë sfidave, siç ju ka bërë në kohërat me të vështira! Secili që do ballafaqim, këtu jemi! Kush e do ndarjen e LDK dhe mbylljen e saj, e ka gabim!

LDK do të jetë këtu e fortë, se bashku me anëtarësinë e saj dhe me popullin e Kosovës në funksion të shtetit të Kosovës!

The post “I njohim të gjithë me emër e mbiemër” – Shkëmb Manaj reagon ndaj kritikëve të udhëheqjes së LDK-së appeared first on Albeu.com.

Lidhur me këtë çështje, për “Bota sot” ka folur publicisti Lis Bukuroca, i cili thotë se ironia e Ramës ka një synim të qartë: të largojë vëmendjen nga protesta që po zhvillohet në Tiranë.

Sipas Bukurocës, pas revoltës së ngritur kundër tij, Ramës i nevojitet një ndarje me shqiptarët jashtë Shqipërisë për të mbajtur veten politikisht.

“Mendoj se ironizimi i Edi Ramës ndaj shqiptarëve nga Kosova dhe Maqedonia e Veriut kishte një qëllim të qartë politik: ta relativizojë protestën dhe ta zhvendosë fokusin nga pakënaqësia reale brenda Shqipërisë te shqiptarët jashtë.

Pra, mesazhi i tij ishte: problemi nuk qëndron te qeverisja, por te perceptimet, emocionet kolektive dhe ndikimet e jashtme. I duhet një përçarje, paragjykime ndaj shqiptarëve jashtë, për të mbijetuar brenda.

Kjo është një strategji në politikë: kur rritet pakënaqësia e brendshme, krijohet narrativa se revolta po fryhet artificialisht nga rrjetet sociale, nga propaganda ose nga aktorë të jashtëm”.

Publicisti vlerëson gjithashtu se me këtë qasje, kryeministri po i nënçmon si protestuesit, ashtu edhe shqiptarët që jetojnë në trojet e tjera.

Ai thekson se interesimi i shqiptarëve për zhvillimet në Tiranë është diçka krejt natyrshme dhe plotësisht legjitime.

“Po, unë mendoj se me këtë qasje Rama po nënvlerëson jo vetëm protestuesit, por edhe të drejtën legjitime të shqiptarëve nga Kosova dhe trojet e tjera shqiptare për të shprehur solidaritet dhe shqetësim për zhvillimet në Shqipëri.

Shqipëria nuk është thjesht një shtet administrativ për shqiptarët jashtë kufijve të saj; ajo ka edhe peshë simbolike, kombëtare dhe emocionale. Për këtë arsye, interesimi i shqiptarëve jashtë Shqipërisë për atë që ndodh në Tiranë është i natyrshëm dhe legjitim”.

Sipas Bukurocës, tallja dhe ironia e përdorur nga Rama nuk janë të rastit, por pasqyrojnë më shumë pozitën e tij të vështirë politike sesa realitetin e protestuesve.

Në përfundim, ai u shpreh se kryeministri ndodhet në një situatë të rëndë për shkak të kësaj revolte popullore.

“Tallja dhe sarkazma ndaj tyre nuk mendoj se janë rastësore. Ato janë pjesë e një përpjekjeje për ta shfuqizuar kritikën dhe për ta paraqitur pakënaqësinë si të tepruar ose të importuar.

Por realiteti është ndryshe: burimi kryesor i revoltës nuk vjen nga jashtë Shqipërisë, por nga brenda saj; nga pakënaqësitë e akumuluara për standardin e jetesës, për mungesën e transparencës, për pengimin e drejtësisë, për korrupsionin, tenderët dhe krizën e besimit ndaj institucioneve.

Prandaj, reagimi i Ramës më shumë flet për pozitën e tij të vështirë politike sesa për protestuesit. Kur pushteti fillon ta zëvendësojë argumentin me ironi dhe sarkazëm, kjo shpesh tregon vështirësi për t’u përballur me thelbin e problemit.

Ai po mban ligjërata dhe nuk po merret me problemin! Rama është në gazep! E tregon sapo hap gojën!” – përmbylli Lis Bukuroca për “Bota sot”.

The post “Ironia nuk vjen kot” – Lis Bukuroca kritikon ashpër Ramën për deklaratën e fundit mbi shqiptarët e Kosovës appeared first on Albeu.com.

Nga të dhënat e ASK-së rezulton se gjatë muajit maj, numri më i lartë i përfituesve është regjistruar te programi i mbështetjes financiare për shtesat për fëmijë, që vazhdon të mbetet ndër skemat më të përhapura të përkrahjes sociale në Kosovë.

Sipas këtyre statistikave, përbërja e përfituesve nga skemat e mirëqenies sociale mbetet e përqendruar kryesisht te mbështetja për personat e moshuar, kategoritë e dala nga lufta dhe familjet në nevojë.

Në kuadër të skemave sociale përfshihen edhe pensionet familjare, pensionet paraplegjike dhe tetraplegjike, pensionet për familjet e dëshmorëve dhe invalidët e luftës, pensionet e pjesëtarëve të Forcës së Sigurisë së Kosovës, pensionet e Trepçës, si edhe programe të tjera të veçanta të mbështetjes sociale.

ASK vlerëson se këto statistika japin një pasqyrë të rëndësishme për mënyrën e shpërndarjes së mbështetjes financiare dhe për kategoritë që përfitojnë nga skemat e mirëqenies sociale në Kosovë.

The post ASK publikon të dhënat për maj 2026, këto janë kategoritë që përfituan më shumë nga skemat sociale në Kosovë appeared first on Albeu.com.

Përmes një postimi në Facebook, Pozhari ka rikthyer në vëmendje nismën “Ballkani i Hapur”, deklaratat e Ramës në favor të Serbisë, si edhe anulimin e mbledhjes së përbashkët mes dy qeverive, të cilat ai i ka cilësuar si hapa që kanë dëmtuar marrëdhëniet ndërmjet Kosovës dhe Shqipërisë.

Ai ka përfshirë në kritikat e tij edhe projektin për Asociacionin e komunave me shumicë serbe, duke shprehur akuza të forta ndaj qasjes së kreut të qeverisë shqiptare, përcjell “Bota sot”.

Linku i shkrimit të plotë:

… Gjatë pesë viteve të fundit, besoj se mbani mend se Kosova dhe qeveria e saj kanë qenë nën sulm të përhershëm nga Edi Rama. Kujtoni Ballkanin e hapur, projektin që e kthen hapësirën shqiptare në një koloni ekonomike të Serbisë.

Besoj i mbani mend deklaratat e Ramës drejtuar Evropës për të mirëkuptuar Serbinë dhe për të mos i vendosur sanksione. Dhe si për ironi të fatit ishte Rama i pari që i vendosi sanksione Kosovës duke anuluar mbledhjen e përbashkët të dy qeverive.

Besoj e mbani mend si shpalli një projekt për themelimin e Zajednicës, projekt tashmë i harruar dhe nuk dihet kush fshiu së fundi b…me atë…

Linku i shkrimit të plotë:

https://5pyetjet.al/…/ilir-babaramo-shqiptare-te…/

The post Pozhari sulmon sërish Ramën: Të mos harrohet dëmi që, sipas tij, iu shkaktua Kosovës appeared first on Albeu.com.

Sipas njoftimit të misionit të UNMIK-ut në Kosovë, ai pritet të qëndrojë në vend për dy ditë.

Gjatë kësaj vizite, Lacroix do të zhvillojë takime me zyrtarë të lartë të Kosovës, me partnerë ndërkombëtarë, me përfaqësues të shoqërisë civile, si dhe me kolegët e tij nga UNMIK-u.

Në agjendën e tij përfshihet edhe vizita në lokacionet e projekteve që mbështeten nga OKB-ja.

“Diskutimet do të përqendrohen në ruajtjen e paqes së Kombeve të Bashkuara, angazhimin shumëpalësh dhe mbështetjen e vazhdueshme për paqen dhe stabilitetin në rajon. Pas Kosovës, ai do të udhëtojë për në Serbi dhe Bosnjë e Hercegovinë si pjesë e vizitës së tij rajonale”, thuhet në njoftimin e UNMIK-ut në Facebook.

The post Zëvendëssekretari i Përgjithshëm i OKB-së mbërrin sot për vizitë në Kosovë appeared first on Albeu.com.

Përmes një postimi në Facebook, Gacaferi i është kundërpërgjigjur ministrit, duke sjellë sërish në vëmendje disa çështje dhe zhvillime politike në rajon, mes tyre debatet për “Open Balkan”, qasjen ndaj Serbisë, situatën në veriun e Kosovës dhe marrëdhëniet mes Tiranës dhe Prishtinës, përcjell “Bota sot”.

Shkrimi i plotë

Jo, nuk e harrojmë as:

Refuzimin për ta votuar rezolutën në Parlament që dënonte Serbinë për gjenocidin e ushtruar mbi shqiptarët

Open Balkanin

Veriun tokë të askujt

Pro Zajednicës

Kufirin ndarës të shqiptarëve me serbët te Patriarkana e Pejës

I pari me sanksione kundër Kosovës

Thikat mbi hartë

Vuçiçi, vëllau i jem

Ramushi KM i Kosovës, gomar

Vajtje-ardhje Kosovë–Tiranë 10 euro

The post “Nuk i kemi harruar”/ Gacaferi i kundërpërgjigjet ministrit të Ramës për deklaratën mbi Kosovën dhe rikthen episode nga e kaluara appeared first on Albeu.com.

The public polemic was sparked by a statement from Latifi, also distributed by the INA news agency, which said: “An Albanian from Macedonia may grab you by the throat over Palestine, but when their Albanian name is changed, they turn their head the other way.”

Following this statement, Behluli reacted immediately, accusing part of the opinion-making class in Kosovo of lacking gratitude and of maintaining constant prejudice toward Albanians living outside Kosovo’s borders.

“The number of Albanians from Kosovo, especially those who have media influence, who find excuses at every turn to go after the Albanians of Macedonia and the Albanians of the Valley, is not small!

Look at what this ‘intellectual’ Blerim Latifi says about the Albanians of Macedonia — this man with the snout of a wild boar, this man who during the war in Kosovo carried a piss-poor Chinese rifle, hidden away in the mountains of Drenica without ever firing a single bullet, while his family members were safe among the Albanians of Macedonia, among those very Albanians whom he is now talking shit about, judging their Albanian identity, while never once having publicly praised them, because this pig carried a Chinese rifle and has spent his whole life selling patriotism.

But some of us are witnesses to one truth: the Albanians of Kosovo can never repay the debt they owe to the Albanians of Macedonia for receiving and sheltering Kosovar refugees!”, Behluli wrote. /INA/

The post Bujanovac journalist responds to Blerim Latifi: Kosovo cannot repay its debt to the Albanians of Macedonia appeared first on Albeu.com.