Sipas Sport Bild, klubi madrilen nuk ndodhet aktualisht në rrethana për të ndjekur sulmuesin e Bayern Munich, ndërsa edhe prapa skenave situata mes dy klubeve të mëdha evropiane paraqitet e qetë.

Raportohet se në fillim të qershorit, presidenti i Bayern, Herbert Hainer, dhe presidenti i Real Madridit, Florentino Pérez, kanë arritur një “pakt joformal mos-sulmi”, që parashikon se asnjëri klub nuk do të përpiqet të marrë lojtarë nga tjetri pa pasur më parë komunikim mes palëve.

Qëllimi i këtij pakti është të evitojë tensionet dhe të pengojë fryrjen artificiale të çmimeve në tregun e transferimeve.

Sa i takon të ardhmes së Olise, raportime të tjera nga Sky dhe emisioni “Transfer Update – The Show” bëjnë të ditur se Bayern Munich nuk ka shqetësime për situatën e tij.

Klubi bavarez është i bindur se nuk ekziston asnjë negociatë dhe asnjë kontakt nga Real Madrid për futbollistin francez.

Një burim nga klubi deklaroi: “Bayern është 100 për qind i sigurt se Olise do të qëndrojë këtë verë”.

Në anën tjetër, Real Madrid ka dalë me qëndrim zyrtar duke mohuar çdo kontakt me lojtarin ose me përfaqësuesit e tij, ndërsa ka nënvizuar raportet e mira me Bayern Munich dhe ka shprehur keqardhje për spekulimet në media.

Klubi spanjoll shtoi se çdo interes i mundshëm duhet të trajtohet drejtpërdrejt mes klubeve, në frymën e respektit të ndërsjellë.

Ndërkohë, Bayern Munich po mendon t’ia zgjasë kontratën Michael Olise deri në vitin 2031. Francezi pritet të renditet mes lojtarëve më të paguar të ekipit, së bashku me emra si Harry Kane dhe Jamal Musiala.

Aktualisht, marrëveshja e Olise me klubin nga Mynihu është e vlefshme deri në vitin 2029. 24-vjeçari iu bashkua ekipit nga Crystal Palace në verën e vitit 2024, falë një klauzole lirimi prej vetëm 53 milionë eurosh, dhe prej atëherë ka spikatur në Mynih. Në 107 ndeshje zyrtare, ai shënoi 42 gola dhe dha 54 asiste.

The post Bayern dhe Real Madrid bien dakord për një “pakt të heshtur” lidhur me Olise, dalin në pah detajet appeared first on Albeu.com.

Siç raporton The Athletic, tekniku portugez synon afrimin e një lojtari të nivelit të lartë në këtë repart dhe e konsideron reprezentuesin argjentinas si një element të rëndësishëm të projektit të tij të ri në “Santiago Bernabeu”.

25-vjeçari Fernandez ishte ndër futbollistët më të dalluar të Argjentinës në Kupën e Botës, ndërsa thuhet se është i gatshëm të shtyjë përpara mundësinë e një kalimi te gjiganti spanjoll.

Megjithatë, Chelsea nuk synon të heqë dorë lehtësisht nga ylli i saj dhe për kartonin e tij kërkon më shumë se 130 milionë euro.

Në të njëjtën kohë, Real Madridi po ndjek edhe Ayyoub Bouaddin, pasi paraqitjet e tij bindëse me Marokun në Botëror kanë ngjallur interesin e klubit spanjoll.

Lille është i hapur të shqyrtojë oferta rreth 80 milionë euro për talentin 18-vjeçar, por në këtë moment ai nuk shihet si zgjedhja prioritare e madrilenëve.

Ndërkaq, Mateus Fernandes po zbehet si opsion në listën e Real Madridit, pasi mesfushori i West Hamit raportohet se ka prirje të zgjedhë një transferim te Tottenhami.

The post Real Madridi mban në fokus Enzo Fernandezin, Bouaddi mbetet alternativa e dytë appeared first on Albeu.com.

Bisedimet mes klubit dhe lojtarit nuk kanë avancuar, pasi kërkesat financiare të yllit brazilian konsiderohen shumë të larta dhe drejtuesit madrilenë nuk janë të prirur t’i pranojnë në kushtet aktuale.

Pavarësisht kësaj, “Los Blancos” synojnë ta sqarojnë sa më shpejt këtë situatë dhe nuk përjashtojnë as opsione të tjera nëse marrëveshja nuk arrihet, mes tyre edhe transferimin e futbollistit.

Vinicius, që në këtë moment po spikat me Brazilin në Kupën e Botës, nuk e hedh poshtë mundësinë për të qëndruar deri në fund të kontratës së tij, por ky është një skenar që Real Madridi kërkon ta evitojë.

Te klubi madrilen ekziston vetëdija se largimi pa dëmshpërblim i një lojtari të nivelit të Vinicius do të përbënte një humbje të rëndë, veçanërisht duke pasur parasysh se ai ka ende shumë vite karrierë përpara.

Edhe pse të dyja palët vazhdojnë të jenë të interesuara për ta zgjatur bashkëpunimin për disa sezone të tjera, mospërputhjet në aspektin kontraktual dhe financiar mbeten pengesa kryesore në negociata.

25-vjeçari e ka nisur në mënyrë ideale Kupën e Botës 2026, teksa në dy ndeshjet e para me kombëtaren e Brazilit ka shënuar dy gola dhe ka dhënë një asistim./

The post Real Madridi shtyn vendimin për Vinicius Jr pas Botërorit 2026, shitja mbetet në tryezë appeared first on Albeu.com.

Ndonëse 26-vjeçari ka si dëshirë një kalim te Barcelona, klubi madrilen nuk po e shqyrton në asnjë rrethanë shitjen e tij te gjiganti katalunas.

Kjo vjen në një moment kur raportet mes Atleticos dhe Barcelonës duket se janë tensionuar ndjeshëm, pas përpjekjeve të vazhdueshme të klubit katalunas për të siguruar shërbimet e sulmuesit argjentinas.

Së fundmi, Alvarez i habiti drejtuesit e Atleticos kur kërkoi publikisht largimin gjatë kësaj vere, menjëherë pas ndeshjes së Argjentinës në Kupën e Botës ndaj Austrisë.

Nga ana tjetër, Real Madridi nuk po planifikon të bëjë lëvizje për argjentinasin, edhe pse raportohet se Atletico ka refuzuar një ofertë prej 150 milionë eurosh nga madrilenët.

Prioritetet e “Los Blancos” në këtë afat kalimtar veror janë të tjera dhe afrimi i një sulmuesi qendror nuk bën pjesë mes tyre.

The post Atletico nuk e përjashton shitjen e Julian Alvarezit te Real Madridi, Barcelona jashtë loje appeared first on Albeu.com.

Ky reagim vjen pasi sulmuesi argjentinas bëri të ditur se dëshiron të largohet nga Atletico këtë verë, ndërsa sipas raportimeve, Barcelona mbetet opsioni i tij i preferuar.

“Barcelona nuk na respekton dhe beson se mund të na nënvlerësojë. Ndjej një trishtim të madh për deklaratat e Julian Alvarez”.

Gil theksoi gjithashtu se koha kur lojtari zgjodhi të fliste ishte e papërshtatshme, duke nënvizuar se ajo ditë i përkiste triumfit të Argjentinës dhe Lionel Messit.

“Nuk ishte dita e duhur për të bërë ato deklarata. Ishte dita e Messit dhe e kombëtares argjentinase, jo vetëm e Julianit. Vitin e kaluar, Barcelona bëri diçka shumë të ngjashme me Nico Williams dhe Athletic Bilbaon”.

Sipas drejtuesit të klubit, Alvarez ka ambiciet e tij, por edhe Atletico ka objektivat e veta dhe qëndrimi i klubit për këtë çështje i është bërë i qartë lojtarit.

“Julian ka një ëndërr dhe edhe ne te Atletico kemi ëndrrat tona. Është e vërtetë që ai foli me ne, por është po aq e vërtetë që ai e njeh shumë mirë qëndrimin tonë, sepse kemi qenë shumë të qartë: Atletico nuk dëshiron ta shesë”.

“Ai është një lojtar i madh dhe ne jemi shumë krenarë që e kemi në skuadrën tonë”.

Në përfundim, Gil konfirmoi se Atletico do të ndërmarrë veprime zyrtare ndaj Barcelonës për këtë rast.

“Përgjegjësia jonë është të mbrojmë interesat e Atleticos dhe për këtë arsye do të paraqesim një ankesë në FIFA kundër Barcelonës për negociata me një lojtar që ka kontratë aktive gjatë periudhës së mbrojtur”, përfundoi Gil.

Ndërkohë, Atletico ka refuzuar 100 milionë euro nga Barcelona, si edhe 150 milionë euro nga Real Madridi për yllin argjentinas./

The post Atletico ngre tonet ndaj Barcelonës: Alvarez nuk largohet, Gil paralajmëron padi në FIFA appeared first on Albeu.com.

Barcelona prej vitesh po kërkon një futbollist që të marrë përsipër drejtimin e repartit ofensiv, dhe Alvarez përmbush profilin që kërkohet për shkak të moshës, eksperiencës dhe nivelit të paraqitjeve. 26-vjeçari nuk dallohet vetëm për golat, por edhe për presionin që ushtron, lëvizjet mes linjave, rikthimin në mbrojtje dhe aftësinë për të ngritur lojën e skuadrës.

Që nga ardhja e tij në La Liga, ndikimi i tij ka qenë i menjëhershëm. Me fanellën e Atletico Madridit, ai ka regjistruar statistika shumë të larta, duke realizuar 49 gola që prej bashkimit në vitin 2024, një tregues që shpjegon pse disa nga klubet më të mëdha të Evropës e konsiderojnë si një mundësi të rëndësishme në treg.

Megjithatë, operacioni mbetet tejet i ndërlikuar për klubin katalunas. Alvarez ka kontratë deri në vitin 2030 dhe klauzola e lirimit përbën një pengesë të madhe, edhe pse qëndrimi i lojtarit ka ndryshuar dinamikën e çështjes. Te Barcelona janë të vetëdijshëm se një transferim i tillë do të ishte jashtëzakonisht i vështirë, por një futbollist i këtij niveli rrallëherë afrohet kaq shumë me tregun.

Pengesa kryesore është që Atletico nuk ka dëshirë të ndajë rrugët me yllin e vet. Klubi madrilen ka refuzuar tashmë një ofertë prej 150 milionë eurosh nga Real Madridi dhe nuk synon të hyjë në bisedime për një shumë më të ulët. Pikërisht kjo e detyron Decon të mendojë për lëvizje të forta në aspektin financiar.

Strategjia e parashikuar përfshin tre emra të rëndësishëm. I pari është Jules Kounde, vlera e të cilit në treg mund të shkojë pranë 100 milionë eurove në rast se vjen një ofertë serioze. Ndarja me të do të ishte e vështirë në planin sportiv, por do t’i sillte klubit të ardhura të konsiderueshme.

Emri i dytë është Roony Bardghji, shitja e të cilit mund të gjenerojë rreth 30 milionë euro nëse konkretizohet interesi i disa skuadrave evropiane.

Ndërkohë, lojtari i tretë është Marc Casado, për të cilin ekzistojnë oferta nga Liga Premier në vlerën e rreth 20 milionë eurove, shumë që do të ndihmonte në kompletimin e skemës financiare.

Nëse këto tre operacione realizohen, Barcelona do t’i afrohej shumës së kërkuar, edhe pse më pas do të duhej të përballonte edhe pagat dhe amortizimin. Bëhet fjalë për një investim të madh, por po aq i madh do të ishte edhe efekti i afrimit të njërit prej sulmuesve më vendimtarë të La Ligas.

The post Barcelona mendon tre largime për të siguruar 150 milionë eurot e nevojshme për Julian Alvarez appeared first on Albeu.com.

Pas triumfit të Argjentinës ndaj Austrisë, Alvarez e pranoi publikisht mbrëmë dëshirën për t’u larguar, ndonëse sinjalizoi se para përfundimit të Kupës së Botës nuk pritet të mbyllet ndonjë marrëveshje.

“Nuk është koha për të folur për këtë, por nuk mund ta fsheh. Po përpiqem të jem i sinqertë. Kam folur me njerëz në Atletico Madrid dhe mendoj se një transferim është zgjidhja më e mirë për të gjithë. Dua ta përmbush ëndrrën time”, u tha Alvarez gazetarëve.

26-vjeçari, i cili ka fituar gjithçka me River Plate, City dhe Argjentinën, synon të kalojë te një skuadër ku mund të sigurojë trofe të tjerë.

Atletico Madridi e transferoi Alvarezin nga Manchester City dy vjet më parë për 75 milionë euro. Gjatë kësaj periudhe, ai ka realizuar 49 gola dhe ka dhënë 17 asistime në 106 paraqitje, por pa arritur të fitojë ndonjë trofe.

Mësohet se “ëndrra” e tij është Barcelona, por raportet mes dy klubeve janë acaruar. Klubi katalanas ka tentuar tashmë ta afrojë Alvarezin, mirëpo oferta prej 100 milionë eurosh është hedhur poshtë.

Madje, Atletico Madrid ka paralajmëruar se mund ta padisë Barcelonën për mënyrën si i është afruar lojtarit, ndërsa ka bërë të ditur se sulmuesi mund të largohet vetëm nëse paguhen 500 milionë euro.

“Nuk ka asnjë shumë për të cilën Barca mund ta blejë Julian Alvarez. Ai nuk do të transferohet te Barcelona”, tha Atletico për gazetën AS, e cila citoi një burim nga klubi: “Ose do të paguajnë klauzolën e blerjes prej 500 milionë eurosh ose nuk do të ketë asgjë nga marrëveshja”.

Alvarez është i lidhur me një kontratë katërvjeçare, ku përfshihet edhe klauzola e lartpërmendur e lirimit. Kishte pasur raportime se Atletico do të pranonte ta shiste për 150 milionë euro, por ato dolën të pavërteta.

The post Atletico vendos kushte të hekurt për Julian Alvarez dhe i dërgon mesazh të qartë Barcelonës appeared first on Albeu.com.

Interes për futbollistin 26-vjeçar kanë shprehur Barcelona, Paris Saint-Germain dhe Arsenali, ndërsa muajin e kaluar Real Madridi paraqiti një ofertë prej 150 milionë eurosh, por ajo u hodh poshtë nga Atlético.

Pas triumfit 2-0 të Argjentinës kundër Austrisë në Kupën e Botës, Alvarez tha për ESPN se kishte zhvilluar biseda me drejtuesit e klubit dhe se e sheh largimin si alternativën më të mirë për të gjitha palët e përfshira.

“E di që ndoshta nuk është koha e duhur për të folur, por gjithashtu nuk dua të fshihem. Fola me njerëzit në klub që duhej ta kisha bërë. Mendoj se transferimi është gjëja më e mirë për të gjithë. Dua ta bëj ëndrrën time realitet”, u shpreh sulmuesi argjentinas.

Ndonëse nuk ka treguar publikisht se ku dëshiron të vazhdojë karrierën, burime të ESPN bëjnë me dije se zgjedhja e tij e preferuar është Barcelona. Klubi katalanas është në kërkim të një zëvendësuesi afatgjatë për Robert Lewandowskin dhe e ka vendosur Alvarezin si objektivin kryesor të merkatos, pasi më herët mori Anthony Gordon nga Newcastle United për 70 milionë euro.

Sipas ESPN, gara për ish-sulmuesin e Manchester Cityt mbetet e hapur edhe nga PSG dhe Arsenali. Në të njëjtën kohë, lëvizjet e Barcelonës dhe Real Madridit nuk janë pritur mirë nga Atletico Madridi.

Klubi nga Madridi iu kundërpërgjigj interesimit të Barcelonës me disa mesazhe në rrjetet sociale, ku akuzoi rivalët për “rrjedhje të llogaritura informacioni, lajme të rreme dhe mungesë të vazhdueshme respekti”. Madje, Atletico publikoi edhe oferta ironike për Lamine Yamal, Pedri dhe Raphinha.

I njëjti qëndrim u mbajt edhe ndaj Real Madridit, me Atleticon që bëri të ditur se nuk do të “studionte dhe as merrte në konsideratë” asnjë ofertë për sulmuesin argjentinas.

The post Julian Alvarez kërkon largimin nga Atletico Madridi, mes interesimit të gjigantëve evropianë appeared first on Albeu.com.

Raportimet e mediave spanjolle bëjnë të ditur se Marc Casado, mesfushori i formuar te “La Masia”, nuk shihet më si pjesë qendrore e projektit të teknikut gjerman për edicionin e ardhshëm.

Mësohet se Flick ua ka bërë të qartë presidentit Joan Laporta dhe drejtuesve sportivë se 21-vjeçari nuk konsiderohet një hallkë e rëndësishme e skuadrës, çka e ka futur atë mes emrave që mund të largohen.

Brenda vetëm pak muajsh, rrethanat e Casados kanë ndryshuar dukshëm. Edhe pse ai kishte arritur të fitonte minuta me ekipin e parë, konkurrenca e fortë në mesfushë e ka zbehur ndjeshëm vendin e tij në planet e stafit teknik.

Me synimin për të ndërtuar një grup më të qartë dhe me detyra të mirëpërcaktuara, Flick nuk duket se e përfshin Casadon në projektin e tij afatgjatë.

Barcelona nuk planifikon ta lërë të largohet pa nxjerrë përfitim, por mbetet e hapur për të shqyrtuar oferta që i konsideron të përshtatshme.

Brenda klubit vlerësohen profesionalizmi, përkushtimi dhe rruga e tij në akademi, por në këtë rast më shumë peshë po marrin kërkesat sportive dhe ato financiare.

Një huazim mbetet ende në tavolinë si mundësi, por drejtuesit katalanas po analizojnë edhe opsionin e një shitjeje përfundimtare, duke ruajtur ndikim mbi të ardhmen e lojtarit përmes klauzolave të riblerjes ose përqindjeve nga një transferim i ardhshëm.

Flick ka dëshmuar se nuk stepet përpara vendimeve të vështira, edhe kur ato prekin futbollistë që kanë lidhje emocionale me klubin dhe me tifozët.

Për trajnerin gjerman, objektivi kryesor mbetet ngritja e një skuadre që përputhet plotësisht me filozofinë e tij.

Tashmë vendimi kalon te Joan Laporta dhe drejtuesit sportivë. Nëse qëndrimi i Flick mbetet i pandryshuar, Barcelona do të duhet të marrë seriozisht në konsideratë çdo ofertë për Casadon, i cili nga ana e tij kërkon më shumë minuta aktivizimi për të vijuar zhvillimin e karrierës.

Liga Premier, bashkë me disa klube të tjera evropiane, po e ndjekin me vëmendje situatën e mesfushorit spanjoll, ndërsa javët në vazhdim pritet të jenë vendimtare për të ardhmen e tij.

Të gjitha sinjalet tregojnë se Marc Casado mund të jetë një nga largimet e Barcelonës gjatë kësaj vere, ndërsa Hansi Flick vazhdon ta ndërtojë skuadrën sipas ideve të veta.

The post Flick i hap rrugë largimit të Marc Casados nga Barcelona appeared first on Albeu.com.

Mbrojtësi 23-vjeçar, që vetëm disa muaj më parë shihej si një nga prurjet më premtuese të klubit, tashmë nuk e ka më të garantuar vendin në projektin e ri të skuadrës.

Raportimet e fundit tregojnë se trajneri Jose Mourinho ka dhënë miratimin që klubi ta konsiderojë shitjen e Asencios, në rast se paraqitet një ofertë e kënaqshme.

Ndonëse qendërmbrojtësi është i lidhur me kontratë deri në vitin 2031, te drejtuesit e klubit madrilen kanë filluar dilemat sa i përket progresit të tij dhe peshës që mund të ketë në ekip.

Burime pranë klubit bëjnë me dije se stafi teknik synon të formojë një repart defensiv me më shumë përvojë dhe siguri të menjëhershme.

Në këtë situatë, Asencio mund ta ketë të vështirë të marrë minutat e nevojshme për të vijuar zhvillimin e tij.

Real Madridi vazhdon ta çmojë potencialin e lojtarit, por një ndarje mund të rezultojë zgjidhja më e përshtatshme për të dyja palët, veçanërisht nëse klubi kërkon të sigurojë fonde për afrimin e një mbrojtësi më me eksperiencë.

Aktualisht nuk ka oferta konkrete në tryezë, por e ardhmja e Asencios pritet të jetë një nga çështjet më të diskutuara të verës në “Santiago Bernabeu”.

Gjatë javëve të ardhshme pritet të shtohet interesimi nga klube të ndryshme evropiane, ndërsa vetë futbollisti mbetet i fokusuar te Real Madridi.

Sidoqoftë, nëse rrethanat mbeten të pandryshuara, një transferim mund të shfaqet si zgjidhja më e favorshme për vazhdimësinë e karrierës së tij.

The post Mourinho miraton mundësinë e shitjes së parë te Real Madridi në verë appeared first on Albeu.com.