Bëhet fjalë për një vonesë të dukshme nga ana e kuqebluve, që vetëm tani iu drejtuan ish-lojtarit të tyre. Bajrami mbajti veshur fanellën e Vllaznisë për dy sezone, por raporti i tij me trajnerin Edi Martini u tensionua gjatë ndeshjeve “finale” të sezonit të kaluar.

REAGIMI:

Faleminderit, Melos Bajrami! Pas dy sezoneve me fanellën kuqeblu, rrugëtimi i Melos Bajramit me Vllazninë mbyllet këtu. Me përkushtimin, seriozitetin dhe kontributin e tij në fushën e lojës, Melosi ishte pjesë e skuadrës sonë në një periudhë të rëndësishme për klubin.

KF Vllaznia e falënderon për gjithçka ka dhënë për këto ngjyra dhe i uron suksese të mëtejshme në karrierën e tij sportive dhe në çdo sfidë që e pret në të ardhmen. Faleminderit, Melos!

The post Vllaznia reagon me vonesë për Melos Bajramin, mbrojtësi prej 8 ditësh është pjesë e Spartak Trnava appeared first on Albeu.com.

Karriera e gardianit do të vijojë te Botosani. Ka qenë vetë klubi rumun që, përmes rrjeteve sociale, ka bërë të ditur se ka finalizuar transferimin e Gurau nga Bylisi. Qëndrimi i rumunit në Ballsh zgjati vetëm 6 muaj.

Gurau iu bashkua Bylisit në janar të këtij viti, pasi u transferua nga Unirea Slobozia. Gjatë kësaj periudhe ai u aktivizua në katër takime, mes kampionatit dhe Kupës së Shqipërisë, ku pësoi gjithsej 8 gola.

The post I jep fund qëndrimit te Bylisi, Ionut Gurau rikthehet në Rumani dhe firmos me Botosanin appeared first on Albeu.com.

Futbollisti është zyrtarizuar te Germania Halberstadt, skuadër që militon në ligën e pestë gjermane. Kjo nuk është hera e parë e tij me këtë ekip, pasi ai ka qenë pjesë e tij edhe në periudhën 2017-2018.

Pas asaj eksperience, Doçi u aktivizua me ekipe si Magdeburg dhe formacionet e të rinjve të Wolfsburgut. Në vitin 2024 ai iu bashkua Dinamos si një lojtar me perspektivë, por nuk arriti asnjëherë të kishte hapësirat e nevojshme për të shfaqur cilësitë e tij.

NJOFTIMI I KLUBIT Halberstadt

The post Pas largimit nga Dinamo, Adrian Doçi rikthehet në Gjermani dhe firmos në kategorinë e pestë appeared first on Albeu.com.

Mbrojtësi 34-vjeçar ka shprehur vlerësime dhe mirënjohje për klubin kryeqytetas. Kujtojmë se Hoxha iu bashkua Dinamos në korrik të vitit 2023, pasi përfundoi aventurën e tij me Ballkanin.

Duhet theksuar gjithashtu se 34-vjeçari prej 1 viti ka mbetur jashtë fushave, për shkak të një dëmtimi të rëndë që pësoi verën e kaluar.

REAGIMI:

Mbas 3 vitesh të mbushura me emocione, suksese dhe trofe, nga sot nuk do të jem më pjesë e Dinamos. Dua të falënderoj nga zemra të gjithë familjen e madhe dinamovite: presidentin, stafin, shokët e skuadrës dhe tifozët për mbështetjen dhe besimin gjatë gjithë kësaj periudhe. I uroj Dinamos shumë suksese në vazhdim. Faleminderit për gjithçka!

The post Rustem Hoxha mbyll rrugëtimin me Dinamon: Pas 3 vitesh emocionesh, suksesesh dhe trofesh, faleminderit për gjithçka appeared first on Albeu.com.

Edhe pse lojtari kishte në dispozicion mundësinë për të zgjatur kontratën edhe për një sezon tjetër, rinovimi nuk u konkretizua. Kështu, 25-vjeçari mbyll aventurën te të kuqtë pas një sezoni ku regjistroi 2 gola dhe 2 asiste.

Bytyçi iu bashkua Partianit në gusht të vitit 2023, menjëherë pasi përfundoi eksperiencën e tij me Kukësin. Ndërkohë, njoftimin për largimin nga skuadra e kuqe e ka dhënë vetë futbollisti përmes rrjeteve sociale.

Sot po mbyllet një kapitull shumë i rëndësishëm për mua. Pas tre viteve, ka ardhur momenti të largohem nga ky ekip që për mua ishte më shumë se një klub. Kemi kaluar bashkë ditë të vështira, momente zhgënjimi, por edhe emocione e fitore që nuk do t’i harroj kurrë. Në çdo stërvitje, në çdo ndeshje dhe në çdo sakrificë, kemi qenë gjithmonë ekip dhe familje.

Një falënderim shumë special shkon edhe për tifozët, për Ultras Guerrils, që kanë qenë gjithmonë pranë ekipit në çdo moment, si në ditët më të mira ashtu edhe në ato më të vështira.

Mbështetja dhe dashuria juaj nuk harrohen kurrë. Dua të falënderoj çdo shok skuadre, trajner, staf dhe çdo person që ka qenë pjesë e këtij rrugëtimi. Largohem me zemër plot emocione, krenar që kam veshur këtë fanellë dhe mirënjohës për çdo kujtim. Partizani do të ketë gjithmonë një vend special në zemrën time. Ju uroj suksese nga zemra në vazhdim. Faleminderit për gjithçka.

The post Mbyllet bashkëpunimi me Partizanin, Altin Bytyçi përshëndet të kuqtë appeared first on Albeu.com.

Pas vendimit për largimin, ka ardhur edhe reagimi i parë nga vetë futbollisti. Përmes një postimi në rrjetin social “Instagram”, Mala ka falënderuar Vllazninë për katër vitet e kaluara me fanellën kuqeblu, ndërsa ka veçuar edhe mbështetjen e tifozëve shkodranë.

Ky ishte mesazhi i Malës:

Pas 4 viteve të paharrueshme, ka ardhur momenti të mbyll një kapitull të rëndësishëm në jetën time. Dua të falënderoj nga zemra klubin për besimin dhe mundësinë që më dha të jem pjesë e kësaj familjeje. Një falënderim i veçantë shkon për bashkëlojtarët, trajnerët, stafin dhe drejtuesit. Falënderoj çdo tifoz kuq e blu dhe Vllaznit Ultras për mbështetjen si në ditët e mira dhe të vështira.

Mbi të gjitha, faleminderit qytetit dhe qytetarëve të Shkodrës, të cilët më kanë respektuar, mbështetur dhe bërë të ndihem gjithmonë si në shtëpi. Largohem me krenari, respekt dhe keqardhje që nuk mundëm të festonim dot titullin kampion. Ky klub do të ketë gjithmonë një vend të veçantë në zemrën time. Faleminderit për gjithçka!

The post Esat Mala flet pas ndarjes me Vllazninë: Ishin 4 vite të paharrueshme, falënderimi im shkon mbi të gjitha për tifozët shkodranë appeared first on Albeu.com.

Lajmi në përditësim…

The post Zyrtare te Vllaznia, Esat Mala mbyll aventurën me skuadrën shkodrane appeared first on Albeu.com.

Trajneri 37-vjeçar mori drejtimin e ekipit në dhjetor të vitit 2025, në periudhën kur Oltijon Kërnaj u largua nga skuadra B për të marrë në dorë ekipin A të të kuqve.

Vendimi është bërë publik nga vetë klubi kryeqytetas përmes një postimi zyrtar.

FK Partizani njofton mbylljen e bashkëpunimit me trajnerin e Partizanit B, Ergys Luga. E falënderojmë trajnerin Luga për profesionalizmin, përkushtimin dhe kontributin e dhënë gjatë drejtimit të skuadrës kuqe. Klubi i uron Ergys Lugës suksese në vazhdim të karrierës së tij sportive.

The post Partizani mbyll bashkëpunimin me Ergys Lugën, largohet trajneri i skuadrës B appeared first on Albeu.com.

Marrëveshja e estonezit përfundon në këtë qershor, ndërsa Teuta nuk e konsideron pjesë të projektit për sezonin e ardhshëm. Jurgens iu bashkua “Djemve të Detit” në nëntorin e kaluar dhe gjatë 19 ndeshjeve të zhvilluara realizoi vetëm 1 gol, si edhe dha 2 asiste.

Klubi ka bërë edhe njoftimin zyrtar për këtë ndarje.

KF Teuta njofton zyrtarisht përfundimin e bashkëpunimit me sulmuesin Oliver Jurgens. Klubi e falënderon lojtarin për kontributin, përkushtimin dhe profesionalizmin e treguar gjatë kohës së tij me fanellën blu, duke i uruar njëkohësisht shumë suksese në vazhdim të karrierës së tij sportive.

The post Mbyllet aventura e Oliver Jurgens te Teuta, sulmuesi ndahet me durrsakët pas vetëm 1 goli appeared first on Albeu.com.

38-vjeçari ishte rikthyer te klubi durrsak në verën e vitit 2024, menjëherë pasi kishte mbyllur eksperiencën e tij me Partizanin. Gjatë karrierës, Vila ka luajtur edhe për ekipe si Dinamo e Zagrebit, Lokomotiva e Zagrebit, PAS Giannina, AOK Kerkyra, Inter Baku dhe Skënderbeu.

Në njoftimin e publikuar, KF Teuta bën me dije përfundimin e bashkëpunimit me mesfushorin Emiliano Vila. Klubi sqaron se, pas periudhës së kaluar së bashku, lojtari nga sot nuk do të jetë më pjesë e ekipit.

Po ashtu, durrsakët e falënderojnë Vilën për profesionalizmin, përkushtimin dhe kontributin e dhënë me fanellën e Teutës, ndërsa i urojnë suksese në vijim të karrierës sportive dhe në sfidat e ardhshme.

The post ZYRTARE/ Teuta mbyll bashkëpunimin me Emiljano Vilën appeared first on Albeu.com.