Në sfidën e parë të grupit J në Kupën e Botës 2026, Messi hyri në histori duke realizuar për herë të parë një het-trik në këtë kompeticion. Tre golat e tij kundër Algjerisë e çuan në kuotën e 16 realizimeve në Kupën e Botës, po aq sa Miroslav Klose, me të cilin tani ndan vendin e parë në renditjen e golashënuesve më të mirë të turneut.

Në moshën 38 vjeç e 357 ditë, ylli argjentinas u shndërrua në lojtarin më të vjetër që shënon një het-trik në një Kupë Bote, duke lënë pas rekordin që Cristiano Ronaldo kishte vendosur në vitin 2018 përballë Spanjës. Po ashtu, ai u bë edhe futbollisti më i vjetër që realizon më shumë se një gol në një ndeshje të Kupës së Botës, duke thyer rekordin e Roger Milla.

Pas përfundimit të takimit, trajneri i Argjentinës foli me superlativa për liderin e skuadrës së tij.

“Nuk kam fjalë për Leon. Ai po e bën këtë prej 20 vitesh. Ajo që bën dhe ajo që transmeton është e pabesueshme”.

“Përveç tre golave, Messi e mori skuadrën mbi supe dhe, derisa ai të dëshirojë, do të jetë më i miri. Është emocionuese ta shohësh në këtë nivel, pothuajse në moshën 39-vjeçare. Është e vështirë të shpjegohet”.

Sipas Scalonit, periudha më e bukur e Messit me kombëtaren ka ardhur pikërisht në vitet e fundit.

“Ai gjithmonë ka luajtur shumë mirë, por vitet e fundit me Argjentinën kanë qenë të mrekullueshme. Ai gjeti një grup miqsh që luajnë me të, jo që e shohin si një zot. Ai transmeton diçka që është e vështirë të shpjegohet, ka një aurë të veçantë”.

Ndërkohë, vetë Messi e uli peshën e rekordit të arritur, duke bërë të qartë se nuk janë statistikat ato që e shtyjnë përpara.

“Të them të drejtën, nuk më intereson. Është një nder të jem aty për shkak të asaj që përfaqëson Klose. Aty është edhe Ronaldo, është edhe Mbappe. Është vetëm një statistikë dhe asgjë më shumë”.

“Jemi krenarë që mund të krahasohemi me ta, por kjo nuk do të thotë asgjë për mua. Ronaldo ishte një nga lojtarët më të mëdhenj të të gjitha kohërave dhe nuk është i pari në atë listë, kështu që është vetëm një statistikë”./

The post Scaloni lartëson Messin pas mbrëmjes historike: Sa kohë të luajë, ai mbetet numri një në botë appeared first on Albeu.com.

Për një teknik që mori frenat e kombëtares në përvojën e tij të parë si trajner kryesor, ajo që ka arritur mbetet e jashtëzakonshme.

Synimi i radhës, megjithatë, është edhe më i madh: ruajtja e titullit botëror në Kupën e Botës 2026.

Vetëm Italia në vitet 1934 dhe 1938, si edhe Brazili i udhëhequr nga Pele në vitet 1958 dhe 1962, kanë mundur të fitojnë dy Botërorë njëri pas tjetrit. Pikërisht për këtë, Argjentina synon të futet në histori.

Tradita e këtij turneu tregon se mbrojtja e kurorës është ndër detyrat më të vështira në futboll. Gjermania u ndal që në fazën e grupeve në vitin 2018, Spanja në 2014, Italia në 2010 dhe Franca në vitin 2002.

Skuadra e vetme që, si kampione në fuqi, arriti deri në finale ishte Franca e Didier Deschamps në Katar 2022.

Sidoqoftë, zgjerimi i formatit në 48 ekipe dhe një short relativisht i favorshëm i japin Argjentinës një shans real për të shkuar sërish larg.

Që kjo të ndodhë, Scaloni mund të detyrohet të bëjë diçka që nuk e ka aplikuar shpesh: të mbështetet më shumë te brezi i ri.

Argjentina ka mbërritur në Botërorin 2026 me një grup që ngjan shumë me atë që fitoi trofeun në Katar.

Nga 26 futbollistët e grumbulluar, 17 ishin pjesë e skuadrës kampione të vitit 2022. Madje, nga formacioni titullar që nisi finalen ndaj Francës, mungon vetëm Angel Di Maria, i cili u largua nga kombëtarja pas suksesit në Copa America 2024.

Kjo vazhdimësi ka qenë një prej pikave më të forta të Scalonit. Pjesa më e madhe e lojtarëve janë bashkë prej më shumë se pesë vitesh dhe kanë krijuar një lidhje të fortë brenda grupit.

Por ekziston edhe një rrezik i qartë: koha nuk kursen askënd.

Mosha po kthehet në një çështje për këtë përfaqësuese. Nëntë lojtarë të skuadrës aktuale janë mbi 30 vjeç, mes tyre emra të rëndësishëm si Emiliano Martinez, Rodrigo De Paul dhe natyrisht Lionel Messi, i cili gjatë këtij Botërori do të mbushë 39 vjeç.

Në krahun tjetër, vetëm tre futbollistë janë nën 25 vjeç: Giuliano Simeone, Valentin Barco dhe Nico Paz.

Kjo hendek i madh mes brezave ka sjellë pikëpyetje nëse Argjentina ka bërë mjaftueshëm për të përgatitur zëvendësuesit e gjeneratës së artë.

Debatet janë shtuar edhe më shumë nga mungesa në listë e talenteve si Franco Mastantuono dhe Alejandro Garnacho.

Një tjetër shqetësim lidhet me konsumin fizik të shumë lojtarëve kryesorë. Copa America, Botërori 2022, sezonet e gjata me klubet dhe angazhimi në Kupën e Botës për Klube kanë lënë pasoja.

Që nga fillimi i sezonit 2024/25, Enzo Fernandez dhe Julian Alvarez kanë luajtur nga 121 ndeshje për klubet dhe kombëtaren.

Alvarez pati probleme fizike në fund të sezonit me Atletico Madridin, ndërsa ekzistojnë dyshime nëse ky ritëm i lartë mund të ndikojë edhe te futbollistë të tjerë gjatë turneut.

Rast më vete është Alexis Mac Allister. Mesfushori i Liverpoolit ka regjistruar 119 paraqitje në dy sezonet e fundit dhe shumë analistë mendojnë se lodhja ka ndikuar në rënien e formës së tij.

Ish-lojtari i Liverpoolit, Jermaine Pennant, e kritikoi publikisht për paraqitjet e tij gjatë sezonit.

“Pas dëmtimit që pati, duket sikur ka humbur energjinë. Në disa ndeshje dukej sikur thjesht po vraponte pa ndikim në lojë”, deklaroi Pennant.

Pikërisht për këto arsye, Scaloni mund të detyrohet të përshpejtojë kalimin drejt brezit të ri që gjatë vetë turneut.

Lojtarë si Nico Paz, Valentin Barco dhe Giuliano Simeone shihen si e ardhmja e kombëtares, ndërsa tifozët vazhdojnë të kërkojnë më shumë minuta edhe për talente të tjera të reja.

Nëse Argjentina synon të mbrojë titullin botëror dhe t’i japë Lionel Messit një lamtumirë të paharrueshme në Kupën e tij të gjashtë dhe të fundit, atëherë ndërthurja mes përvojës së kampionëve dhe energjisë së brezit të ri mund të rezultojë vendimtare.

Scaloni ka ngritur një nga periudhat më të suksesshme në historinë e futbollit argjentinas. Tashmë, prova e tij më e madhe mund të jetë gjetja e çastit të duhur për t’ia kaluar stafetën brezit të ardhshëm, pa humbur mundësinë për një tjetër triumf historik.

The post Scaloni përballë sfidës së re te Argjentina, rinovimi i skuadrës mund të jetë çelësi për lamtumirën ideale të Messit appeared first on Albeu.com.

Në prag të debutimit të tyre, trajneri i Albiceleste, Lionel Scaloni, dha një intervistë për gazetën Olé duke analizuar rolin e Messit në ekip.

Trajneri foli gjithashtu për atë që do të thotë të menaxhosh një ekip të kalibrit të lartë në një Kupë Bote.

“Askujt nuk i pëlqen të zëvendësohet, përfshirë Messin,” pranoi ai, duke e bërë të qartë se nuk e kontrollon ekipin. “Unë nuk marr asnjë vendim pa u konsultuar me Messin”, tha Scaloni.

The post Lionel Scaloni: Nuk marr asnjë vendim pa u konsultuar me Messi-n! appeared first on Albeu.com.

Në këtë kuptim, klubi do të kishte nisur kontaktet fillestare me Lionel Scaloni, aktualisht në krye të kombëtares së Argjentinës, për të shqyrtuar mundësinë që ai të marrë postin.

Scaloni, i njohur në botën e futbollit për karrierën e tij të jashtëzakonshme si lojtar, kaloi kohë te Lazio midis 2007 dhe 2013, me një periudhë të shkurtër në huazim te Mallorca.

Kjo lidhje e mëparshme mund të jetë një faktor përcaktues në konsiderimin e tij si një kandidat për të drejtuar ekipin romak, siç raportohet nga ‘Corriere dello Sport’. Megjithatë, trajneri argjentinas ka një kontratë aktuale me Albiceleste deri në vitin 2026, gjë që mund të komplikojë ardhjen e tij eventuale te Lazio.

Përveç Scalonit, emra të tjerë që janë shfaqur si opsione të mundshme për bankinën e Laziales janë Igor Tudor, aktualisht pa ekip, Sergio Conceicao i Portos dhe Alberto Gilardino i Genoas.

Bordi i Blanquileste do të vlerësonte të gjitha këto alternativa për të marrë një vendim që i përgjigjet nevojave të ekipit dhe që mund të garantojë performancë të mirë në garat e ardhshme. /Telegrafi/

The post Scaloni mund të përfundojë në Serie A appeared first on Albeu.com.

Skuadra e drejtuar nga trajneri Roberto Mancini ishte e detyruar të luajë në fazën e play-off-it dhe befasisht u eliminua pas humbjes me rezultat minimal 1-0 kundër Maqedonisë së Veriut.

Goli i minutave shtesë i realizuar nga Trajkovci rezultoi të jetë fatal për “Azzurrët” dhe Roberto Mancinin.

Eliminimin e tyre si të pamerituar e ka quajtur trajneri i Argjentinës Lionel Scaloni i cili mendon se Italia është njëra ndër skuadrat më të mira në botë.

“Ata u përjashtuan në mënyrë të pamerituar, janë një nga skuadrat më të mira në botë dhe janë kampionë të Evropës. Kjo tregon se sa i vështirë është futbolli, sa e vështirë është të luash mirë futboll”, ka thënë Lionel Scaloni.

Kjo është hera e dytë radhazi që Italia dështon të kualifikohet në një Kampionat Botëror pas atij të vitit 2018.

The post Eliminimi i Italisë, Scaloni: I pamerituar appeared first on Albeu.com.