Kos e ka cilësuar procesin zgjedhor si të qetë, gjithëpërfshirës dhe të rregullt, duke theksuar rëndësinë e standardeve demokratike në Kosovë.

Ajo ka nënvizuar se përparimi i Kosovës në rrugën drejt Bashkimit Evropian kërkon bashkëpunim mes forcave politike dhe gjetjen e kompromiseve për të siguruar stabilitet institucional.

“Që Kosova të përparojë në rrugën e saj drejt BE-së, forcat politike tani duhet të bashkohen dhe të gjejnë kompromis për të ndërtuar stabilitet institucional”, është shprehur ajo.

Komisionerja evropiane gjithashtu ka shprehur gatishmërinë për të vizituar Kosovën në të ardhmen e afërt, me qëllim intensifikimin e punës për integrimin evropian dhe zbatimin e Planit të Rritjes për Ballkanin Perëndimor.

Sipas saj, angazhimi i BE-së mbetet i fortë në mbështetje të reformave dhe zhvillimit ekonomik të Kosovës në kuadër të procesit të integrimit evropian.

The post Marta Kos uron Kurtin për fitoren dhe bën thirrjen: Kompromis politik për rrugën e Kosovës drejt BE-së appeared first on Albeu.com.

Kos deklaroi se reformat në drejtësi kanë sjellë rezultate konkrete, duke përmendur procesin e vettingut për gjyqtarët dhe prokurorët, si edhe ngritjen e institucioneve të reja të drejtësisë.

Sipas saj, krijimi i SPAK-ut ka qenë një ndër zhvillimet më të rëndësishme në luftën kundër korrupsionit dhe krimit të organizuar.

“Kemi pasur ngritjen e SPAK-ut, strukturës së posaçme kundër korrupsionit dhe krimit të organizuar, që është institucioni flamurtar antikorrupsion në Shqipëri, i cili ka vërtetuar që mund të japë rezultate dhe të bëhet institucioni më i besuar në Shqipëri”, deklaroi Komisionerja.

Në fjalën e saj, ajo shtoi se Bashkimi Europian tashmë ka përcaktuar edhe objektivat përfundimtare për kapitujt më të rëndësishëm që lidhen me shtetin e së drejtës, drejtësinë, antikorrupsionin dhe luftën kundër krimit të organizuar.

Komisionerja Europiane për Zgjerimin, Marta Kos: Jemi këtu për të shënjuar një hap të madh të Shqipërisë në procesin e anëtarësimit, pas Malit të Zi. Në vitin 2024, Shqipëria është e dyta nga vendet tona kandidate që ka plotësuar piketat e ndërmjetme të shtetit të së drejtës, të caktuara në vitin 2024. Dhe kjo është një arritje për t’u kremtuar, është vlerësim i punës së madhe prej më shumë se një dekade, sepse nuk është diçka që ndodh brenda ditës.

Kështu që, kur konfirmojmë këto piketa të ndërmjetme për shtetin e së drejtës, konfirmojmë që puna juaj në këtë fushë ka qenë e suksesshme. Janë miratuar ligje për të mbrojtur të drejtat themelore dhe grupet në nevojë. Hapa vendimtarë janë hedhur për t’u siguruar që të gjithë shqiptarët të kenë të drejtë për një proces të rregullt ligjor.

Kemi parë vettingun e qindra gjyqtarëve dhe prokurorëve dhe ngritjen e institucioneve të reja të qeverisjes së gjyqësorit, që kanë ulur ndikimin e politikës në gjyqësor. Kemi pasur ngritjen e SPAK-ut, strukturës së posaçme kundër korrupsionit dhe krimit të organizuar, që është institucioni flamurtar antikorrupsion në Shqipëri, i cili ka vërtetuar që mund të japë rezultate dhe të bëhet institucioni më i besuar në Shqipëri.

Kjo reflekton mbështetjen e fortë të popullit shqiptar për reforma të thella në sistemin e drejtësisë. Dhe fuqia transformuese e anëtarësimit në BE duhet, më së pari dhe mbi të gjitha, të ndihet nga shqiptarët vetë.

Ky është një themel i fortë për të punuar mbi të, për të arritur këtë rrugë kilometrike. Sot ne po vendosim me vetëbesim termat e rrugëtimit përfundimtar drejt anëtarësimit në BE. Sot kemi vendosur objektivat e fundit. Shtetet anëtare kanë përcaktuar piketat mbyllëse për kapitujt më të rëndësishëm, për shtetin e së drejtës dhe të drejtat themelore, për sistemin e drejtësisë, antikorrupsionin dhe luftën kundër krimit të organizuar.

The post Konferenca Ndërqeveritare, Marta Kos: SPAK, institucioni më i besueshëm! Janë përcaktuar piketat mbyllëse për kapitujt më të rëndësishëm appeared first on Albeu.com.

Gjatë një konference të përbashkët me Marta Kos, Kurti kërkoi që aplikimi i Kosovës në Bashkimin Europian të avancojë. Ai tha se nuk duan rrugë të shkurtra apo derë të pasme por vetëm proces meritor, pasi Kosova ka përparuar shumë në plotësimin e kritereve.

Gjithashtu, Kurti theksoi se janë bërë 40 muaj që kur Kosova ka aplikuar për anëtarësim dhe se është koha që BE ta avancojë atë, ndërsa u ankua për Serbinë duke përmendur sulmet terroriste në Banjskë dhe Iber Lepenc.

Kjo duke theksuar se Kosova është përpjekur për bashkëpunim rajonal. Në fund, kryeministri shtoi se me komisioneren bisedoi dhe faktin se Bosnja e Hercegovina ende nuk i ka hequr vizat për Kosovës.

Komisionerja për Zgjerim e Bashkimit Evropian, Marta Kos, gjatë konferencës së përbashkët me Kryeministrin Albin Kurti, e vendosi theksin te stabiliteti i institucioneve dhe funksionimi i tyre.

Gjatë fjalës së saj, Kos tha se plani i rritjes falë fondeve të BE është një mbështetje e rëndësishme për vendin, ndërkohë shtoi, se BE është e përkushtuar në të ardhmen europiane të Kosovës.

Kjo është vizita e parë e Marta Kos në Kosovë që kur ajo e mori detyrën në Komisionin Evropian, më 1 dhjetor 2024.

Që prej marrjes së mandatit, ajo ka vizituar të gjitha shtetet e tjera të përfshira në procesin e zgjerimit të Bashkimit Evropian, si në Ballkanin Perëndimor, ashtu edhe në Partneritetin Lindor, disa prej tyre edhe më shumë se një herë.

The post Marta Kos vizitë zyrtarë për herë të parë në Kosovë: Të zgjidhen çështjet me Serbinë, Kurti: Kosova është e rreshtuar me politikën e jashtme të BE appeared first on Albeu.com.

Sipas njoftimeve zyrtare, Kos do të pritet fillimisht nga ushtruesja e detyrës së presidentes së Kosovës, Albulena Haxhiu. Takimi është parashikuar të mbahet në orën 10:00.

“Ushtruesja e Detyrës së Presidentes së Republikës së Kosovës, Albulena Haxhiu, pret në takim Komisioneren Evropiane për Zgjerim, Marta Kos”, thuhet në njoftimin e Presidencës.

Më pas, komisionerja europiane do të zhvillojë takim edhe me kryeministrin në detyrë të Kosovës, Albin Kurti, në orën 10:45.

“Kryeministri në detyrë i Republikës së Kosovës, Albin Kurti, pret në takim Komisioneren e Bashkimit Evropian për Zgjerim, Marta Kos”, thuhet në njoftimin e qeverisë.

Kjo vizitë shënon udhëtimin e parë zyrtar të Marta Kos në Kosovë, që prej marrjes së detyrës si komisionere për zgjerim në vitin 2024.

Ajo kishte planifikuar të vizitonte Kosovën më 12 mars, por vizita u anulua për shkak të zhvillimeve politike të asaj periudhe, kur presidentja Vjosa Osmani kishte nxjerrë dekretin për shpërndarjen e Kuvendit të Kosovës.

The post Marta Kos për herë të parë vizitë në Kosovë, takim me Albin Kurtin dhe Albulena Haxhiun appeared first on Albeu.com.

Kos tha se qeveria greke është shumë e angazhuar në procesin e zgjerimit, veçanërisht në Ballkanin Perëndimor. Komisionerja u shpreh se gjatë takimit, u diskutua edhe për hapa të mundshëm për të vazhduar ndërtimin e besimit mes Turqisë dhe të gjitha shteteve anëtare të BE-së, veçanërisht Qipros.

“Në Athinë, me Kryeministrin Mitsotakis, diskutuam zhvillimet e fundit pozitive në Mal të Zi, Shqipëri, Ukrainë dhe Moldavi, si dhe rrugën më të gjerë të Bashkimit Europian për Ballkanin Perëndimor. Gjithashtu u takova këtu edhe me Giorgos Gerapetritis. Qeveria greke është shumë e angazhuar në procesin e zgjerimit, veçanërisht në Ballkanin Perëndimor, dhe do të luajë një rol kyç në shtyrjen përpara të progresit gjatë Presidencës së saj të Këshillit të BE-së, në një moment të rëndësishëm vitin e ardhshëm. Diskutuam gjithashtu për hapa të mundshëm për të vazhduar ndërtimin e besimit mes Turqisë dhe të gjitha shteteve anëtare të BE-së, veçanërisht Qipros,”,u shpreh ajo pas takimit me kryeministrin Mitsotakis.

The post “Zhvillime pozitive për Shqipërinë dhe Malin e Zi në rrugën drejt BE-së”, Marta Kos nga Athina: Greqia do luajë rol kyç në procesin e zgjerimit appeared first on Albeu.com.

Ajo theksoi se nuk e mbështet këtë nismë, duke shtuar se vendet duhet të jenë anëtare të plota të BE-së. Sipas saj, ose je anëtar i Unionit me të drejta të plota, ose nuk je.

“Nuk ka anëtarësim “light”. Ose je anëtar dhe atëherë i merr të gjitha të drejtat. Ose nuk je anëtar dhe nuk i merr të drejtat.

Por sigurisht, e kuptoj këtë letër nga zoti Vuçiç dhe Rama, në kuptimin që nëse BE-ja do të ketë probleme, e dini, për të vazhduar me procesin e zgjerimit, ata do të ishin të kënaqur me diçka më pak.

Kjo është zgjedhja e tyre. Unë nuk e mbështes këtë, sepse roli im është t’i ndihmoj ato vende të bëhen anëtare të plota të BE-së. Rregulli i thjeshtë është ky: nëse një vend përmbush të gjitha reformat dhe kriteret, duhet të bëhet anëtar i plotë i Bashkimit Evropian. Kështu është ndërtuar edhe Traktati ynë Evropian”, tha ajo.

Ajo foli gjithashtu edhe për ambicien e Malit të Zi për t’u bërë pjesë e Unionit deri në vitin 2028.

“E dini, zakonisht ne nuk vendosim data në procesin e anëtarësimit, sepse kjo varet vërtet nga meritat. Pra, varet nga mënyra se si vendet po japin rezultate. Por sigurisht, ne mbështesim objektiva ambicioze. Së pari për Malin e Zi, është e mundur që ne t’i mbyllim.

Pra, është e mundur që Mali i Zi me 650,000 banorë të bëhet anëtari i 28-të i Bashkimit Evropian. Është gjithashtu e mundur që Shqipëria të bëhet anëtare deri në vitin 2030 ose edhe më herët. Dhe pastaj sigurisht, tani ndoshta do të kemi një vend të ri kandidat. Unë po e pres me shumë padurim”, shtoi ajo.

The post Ose je anëtar me të drejta të plota, ose nuk je/ Marta Kos kundër iniciativës Rama-Vuçiç: Rregulli është i thjeshtë, nëse përmbush reformat duhet të jesh pjesë e BE appeared first on Albeu.com.

Ajo u shpreh se procesi i reformave është i vështirë dhe kërkesat për t’u bërë pjesë e Schengen-it, apo tregut të përbashkët janë shumë të larta.

“Nuk jam e sigurt nëse Vuçiç dhe Rama e dinë sa duhet të arrijnë nëse duan të jenë pjesë e Shengenit apo të tregut të përbashkët dhe se procesi i reformave është i vështirë si për integrimin ekonomik, ashtu edhe për anëtarësimin në BE”, ka thënë Kos në intervistë për Politico.

Ajo shtoi gjithashtu se; procesi i reformave është i vështirë, si në aspektin ekonomik, ashtu edhe për anëtarësimin në BE.

“Pa vendimet e vendeve anëtare nuk mund të ecim përpara. BE-ja duhet të ndryshojë rregullat e saj për të mundësuar një valë të re anëtarësimesh”, tha Kos, duke bërë thirrje që ata që nuk mbështesin idetë e Komisionit të propozojnë planet e tyre alternative.

Ajo bëri të ditur se Komisioni ka paraqitur tre opsione për politikën e zgjerimit, ruajtjen e status quo-së, integrimin gradual dhe integrimin e fazuar.

Sipas saj, as opsioni i tretë, që parashikon anëtarësim të shpejtë të ndjekur nga reforma, dhe as ruajtja e sistemit aktual nuk janë të pranueshme.

“Opsioni i tretë do të ishte një revolucion, ndërsa i pari nuk është më një zgjedhje”, u shpreh Kos, duke shtuar se diskutimet po fokusohen në përmirësimin e modelit të integrimit gradual për ta bërë procesin më të shpejtë.

The post Marta Kos hedh poshtë propozimin e Ramës dhe Vuçiç për integrimin në BE pa të drejtë vote: Ata nuk e dinë se sa shumë duhet të bëjnë që të jenë pjesë e tregut të përbashkët appeared first on Albeu.com.

E pyetur mbi situatën aktuale, përfshirë hetimet e SPAK dhe rastet që lidhen me ish-zyrtarë të lartë, Kos u shpreh se:

“Janë disa çështje, ju përmendët rastin e çështjes Balluku, të cilat ne po i monitorojmë me vëmendje. Siç e dini SPAK po bën një punë të shkëlqyer në Shqipëri dhe në fakt është normale që ata të hetojnë apo të gjejnë shkelje. Një tjetër element për ne është edhe fakti se përpos çështjeve nën hetim, të rëndësishme janë dhe reagimet. Ne po monitorojmë edhe ato”, tha Kos.

Kos theksoi se institucionet evropiane po monitorojnë nga afër zhvillimet, duke përfshirë edhe rastet konkrete që janë në hetim, ndërsa nënvizoi se më e rëndësishme është mënyra se si autoritetet reagojnë ndaj tyre.

Ajo shtoi se sfida kryesore për vendet kandidate mbetet jo vetëm krijimi i një kuadri të fortë ligjor, por edhe ndryshimi i perceptimit shoqëror ndaj korrupsionit.

“Mund të kesh legjislacionin më të mirë kundër korrupsionit, por nëse ai pranohet nga shoqëria, atëherë kemi një problem tjetër”, theksoi Kos.

The post PS nuk i hoqi imunitetin Ballukut, Komisionerja Marta Kos: Çështjen po e monitorojmë me kujdes, SPAK po bën një punë shumë të mirë appeared first on Albeu.com.

Ajo theksoi se ky është një gabim i së shkuarës, dhe sipas saj duhet të korrigjohet. Komisionerja e BE iu drejtua liderëve të rajonit duke thënë që “shtëpia juaj, Europa po ju pret”.

Marta Kos, shtoi se vendet e Ballkanit janë tashmë pjesë e Europës, por shtoi se thjesht duhet bërë në mënyrë institucionale, pra të bëhen shtete anëtare të BE.

“Evropa nuk mund të jetë e sigurt pa BP. Ky është një gabim që kemi bërë në të shkuarën dhe duhet ta korrigjojmë. Ndaj jam shumë e kënaqur që këto takime që ne po bëjmë për planin e rritjes, po hapim gjithnjë e më shumë dyer.

Shumë dyer të tjera do të hapen, dhe shtëpia juaj, Europa po ju pret. Ju jeni pjesë e Evropës, ne thjesht duhet ta bëjmë në mënyrë institucionale, të bëheni shtet anëtar i BE”, u shpreh Marta Kos.

The post Marta Kos: Europa s’mund të jetë e sigurt pa Ballkanin, është një gabim që kemi bërë në të shkuarën appeared first on Albeu.com.

Gjatë takimit, Komisionerja Kos vlerësoi rezultatet e arritura nga Shqipëria, duke theksuar se vendi ka bërë progres mbresëlënës.

“Është e lehtë të mbështesësh Shqipërinë për shkak të performancës së lartë. Zgjerimi e bën Europën më të fortë. Shqipëria në vitet e fundit ka bërë një punë të shkëlqyer. Vlerësojmë shumë mbështetjen popullore dhe konsensusin politik e parlamentar për integrimin në BE”, u shpreh ajo.

Kryetari Peleshi nënvizoi angazhimin e palëkundur të Shqipërisë për integrimin evropian, duke e cilësuar atë si prioritet madhor dhe objektiv strategjik kombëtar.

“Integrimi evropian ka rrënjë në historinë dhe identitetin tonë, në moton e rilindasve “për Shqipërinë dielli lind nga perëndon”. Kuvendi do të vazhdojë të garantojë legjitimitetin demokratik, transparencën dhe karakterin gjithëpërfshirës të procesit. Si Kryetar i Kuvendit do të mbështes aksesin dhe kontributin e opozitës dhe qytetarëve në integrim”, u shpreh ai.

Në takim mori pjesë edhe Nënkryetari i Kuvendit, z. Agron Gjekmarkaj dhe Kryetari i Komisionit për Europën dhe Punët e Jashtme, z. Igli Hasani. Z. Gjekmarkaj theksoi mbështetjen e opozitës për integrimin në BE, duke insistuar në rëndësinë e standardeve demokratike.

Takimi u përmbyll me angazhimin e përbashkët për të çuar përpara ritmin e negociatave dhe forcimin e bashkëpunimit me institucionet europiane.

The post Komisionerja për Zgjerim, Marta Kos, në Kuvend: Mbështetje e plotë për rrugëtimin e Shqipërisë në BE appeared first on Albeu.com.