Sipas agjendës, mbledhja do të hapet nga kryetari i Grupit Parlamentar socialist, Taulant Balla, ndërsa më pas fjalën do ta marrë kryeministri Rama.

Një nga çështjet kryesore që do të diskutohet është ecuria e procesit të integrimit europian. Deputetët do të informohen mbi konkluzionet e Konferencës së Tetë Ndërqeveritare Shqipëri-Bashkimi Europian dhe zhvillimet më të fundit të negociatave për anëtarësimin e vendit në BE.

Në rendin e ditës është përfshirë edhe prezantimi i paketës së ligjeve që lidhen me procesin e anëtarësimit në Bashkimin Europian, ndërsa secili deputet socialist do të ketë në dispozicion deri në dy minuta për të ngritur pyetje ose për të kërkuar sqarime.

Një tjetër pikë me interes të veçantë pritet të jetë informimi mbi procedurat e ndjekura deri më tani për projektin e investimit në Zvërnec dhe interesin e shprehur për zhvillimin turistik në ishullin e Sazanit.

Gjithashtu, bashkëkryetari i Komisionit të Reformës Administrative, Arbjan Mazniku, do të paraqesë një përditësim mbi ecurinë e reformës territoriale, ndërsa Taulant Balla, do të raportojë për detyrat e lëna nga mbledhja e kaluar dhe performancën e anëtarëve të grupit parlamentar.

Takimi do të mbyllet me fjalën përfundimtare të Edi Ramës dhe Taulant Ballës. Mbetet për t’u parë nëse gjatë diskutimeve kryeministri do të komentojë edhe zhvillimet e fundit politike, përfshirë çështjen që lidhet me deputeten Martjana Koçeku apo deklaratat e fundit të kryeparlamentares Elisa Spiropali në lidhje me protestat.

The post Rama mbledh sot Grupin Parlamentar të PS-së, në fokus integrimi në BE appeared first on Albeu.com.

Gjatë punimeve të Kuvendit, drejtuesi i Grupit Parlamentar të PD-së, Gazmend Bardhi, pritet të paraqesë propozimet për ndryshimet statutore, të cilat do t’i nënshtrohen diskutimit dhe miratimit nga delegatët.

Në rendin e ditës është parashikuar edhe miratimi i përbërjes së re të Këshillit Kombëtar, një strukturë kyçe në organizimin dhe funksionimin e partisë.

Kuvendi Kombëtar pritet të përcaktojë edhe drejtimet politike dhe organizative që Partia Demokratike do të ndjekë në periudhën e ardhshme.

Sipas asaj që është bërë e ditur më herët, ndryshimet nuk do të prekin të ashtuquajturin “Neni Basha”, i cili parashikon kufizime për drejtuesit që humbasin zgjedhjet, si dhe mekanizmin e Primareve për përzgjedhjen e kandidatëve.

The post PD mbledh sot Kuvendin Kombëtar, votohen ndryshimet statutore dhe anëtarët e rinj të Këshillit appeared first on Albeu.com.

Takimi, i cili pritet të nisë në orën 08:30, vjen si pjesë e një serie takimesh që synojnë koordinimin e punës në terren dhe vlerësimin e ecurisë së projekteve në nivel vendor.

Në fokus të diskutimeve pritet të jenë prioritetet e qeverisë, organizimi i strukturave në qarqe si dhe përshpejtimi i realizimit të projekteve infrastrukturore dhe zhvillimore në të gjithë vendin.

The post Turi “Punët për Shqipërinë”, Rama mbledh sot drejtuesit politikë të qarqeve appeared first on Albeu.com.

Vendimi është bërë publik bashkë me axhendën e plotë të mbledhjes.

Më herët, gjatë ditës së sotme PD bëri publike garën për kreun e ri të partisë, apo hapjen e garës për kandidatët e mundshëm përballë Berishës. Afati për dorëzimn e dokumentacionit në selinë blu, është më pak se 24 orë, pasi mbyllet nesër 30 prill ora 12:00.

Sipas dokumentit, Kuvendi do të zhvillohet në mbështetje të Statutit të partisë dhe do të fokusohet në analizën e situatës politike në vend, sfidat e integrimit evropian, si dhe çështjet që lidhen me funksionimin e demokracisë dhe shtetit ligjor.

Një nga pikat kryesore të rendit të ditës, do të jetë përcaktimi i vijës së aksionit politik të PD-së për periudhën në vijim. Po ashtu, pritet prezantimi i ndryshimeve statutore të hartuara nga grupet përkatëse të punës.

Në axhendë përfshihen edhe iniciativa për dixhitalizimin dhe modernizimin e partisë, si dhe forcimi i organizimit të strukturave në diasporë.

Gjatë punimeve të Kuvendit Kombëtar, do të zgjidhen edhe anëtarët e Këshillit Kombëtar.

The post Partia Demokratike mbledh Kuvendin Kombëtar, zbulohet data appeared first on Albeu.com.

Takimi po mbahet me dyer të mbyllura në Pallatin e Kongreseve dhe ka nisur që nga ora 11:00.

Burime bëjnë me dije se mbledhja do të ketë në fokus emergjencat civile në pushtetin vendor dhe përgjigjen e institucioneve vendore.

Ndërkohë, një incident duket se ka ndodhur me kryebashkiakun e Pukës Rrok Dodaj, i cili është paraqitur për të marrë pjesë në mbledhje, por nuk është lejuar të futet në godinë, pasi sipas tij i është bërë me dije se emri nuk i figuron në listë.

Ndërsa Rrokaj pretendon se ftesa i ka ardhur me e-mail.

The post Rama mbledh kryebashkiakët socialistë, incidenti me kreun e Bashkisë Pukë, nuk u lejua të futet në takim sepse… appeared first on Albeu.com.

Burime nga brenda mbledhjes, i thanë gazetares së Euronews Albania, Eksiola Shehu, se javën e ardhshme deputetët, ministrat dhe drejtuesit politik në qarqe të PS do të nisin një tur të quajtur “Punët për Shqipërinë”.

Turi do të ketë disa tematika çdo javë dhe pritet të nisë me çështjen e integrimit.

Ky tur, do të vijojë në të gjithë vendin deri në 12 qershor kur shënohet dhe 35 vjetori i krijimit të PS.

Veç kësaj parafushate, kryetaret e bashkive pritet të zhvillojnë takime me qytetarët për të dhënë llogari mbi premtimet e bëra dhe realizimin e tyre.

The post Rama mbledh grupin dhe qeverinë, zbardhet nisma e re e socialistëve appeared first on Albeu.com.

Agjenda e plotë:

11:00 Hapja e Mbledhjes

Fjala e Kryetarit të Grupit Parlamentar të PSSH, Taulant Balla.

Fjala e Kryeministrit, Kryetarit të PSSH, Edi Rama.

Raportime

Raportim i Drejtoreshës së Agjencisë Shtetërore të Kadastrës Lorena Goxhobelli

Pyetje / diskutime jo më shumë se 2 minuta për çdo folës

Raportim i Bashkëkryetarit të Komisionit të Posaçëm Arbjan Mazniku

Për Reformën Administrativo – Territoriale

Pyetje / diskutime jo më shumë se 2 minuta për çdo folës

Prezantim i Strategjisë së Komunikimit Erjona Ismaili

Pyetje / diskutime jo më shumë se 2 minuta për çdo folës

Anjeza Maja 5’

Jonida Shehu 5’

Konkluzione

Fjala e Kryeministrit, Kryetarit të PSSH, Edi Rama.

Fjala e Kryetarit të Grupit Parlamentar të PSSH, Taulant Balla.

The post PS mbledh të shtunën grupin e zgjeruar parlamentar, në fokus raportimet për kadastrën dhe reformën territoriale appeared first on Albeu.com.

Ky vendim, është marrë pasi thirrja e seancës konsiderohet e paligjshme dhe në kundërshtim me Rregulloren e Kuvendit. Qëndrimi u bë publik nga kreu i grupit parlamentar demokrat, Gazment Bardhi.

Sipas kreut të Grupit Parlamentar të PD, Gazment Bardhi, seanca është thirrur jashtë ditës së zakonshme të zhvillimit të saj, që është e enjtja, dhe me një rend dite që përfshin vetëm miratimin e procesverbalit dhe njoftime.

Ai theksoi se kjo nuk është një seancë normale parlamentare, por një mbledhje e thirrur për axhendën personale të Kryeministrit Edi Rama dhe të kreut të Kuvendit Niko Peleshi, pa një rend dite të miratuar apo të shpallur zyrtarisht dhe në shkelje të procedurave që parashikon Rregullorja e Kuvendit.

Sipas Bardhit, një parlament pa rend dite, pa debat dhe pa të drejtë fjale për opozitën nuk mund të funksionojë normalisht dhe rrezikon të kthehet në një instrument në shërbim të qeverisë.

Ai shtoi se në vend që Parlamenti të merret me problemet reale të qytetarëve dhe të ushtrojë kontroll mbi qeverinë, është shndërruar në një mekanizëm që pengon edhe drejtësinë në hetimin e korrupsionit.

“Grupi Parlamentar i Partisë Demokratike vendosi të mos marrë pjesë në seancën plenare të ditës së martë, një seancë e paligjshme, e thirrur në kundërshtim të hapur me Rregulloren e Kuvendit, jashtë ditës normale të saj (e enjte) dhe me Rend Dite: miratim procesverbali dhe njoftime.

Kjo nuk është një seancë normale parlamentare, por një mbledhje e thirrur për axhendën personale të Kryeministrit dhe të Kryetarit të Kuvendit, pa asnjë rend dite të miratuar apo të shpallur zyrtarisht, si dhe në shkelje të procedurave minimale që garanton Rregullorja e Kuvendit.

Një parlament pa rend dite, pa debat dhe pa të drejtë fjale për opozitën nuk është më parlament, por një dekor për propagandën e qeverisë. Një dyqan personal që nuk i shërben interesit publik.

Në vend që Parlamenti të merret me problemet reale të qytetarëve dhe të ushtrojë kontroll mbi qeverinë, ai është kthyer në një instrument antidemokratik në shërbim të Kryeministrit, duke penguar drejtësinë në hetimin e korrupsionit dhe duke u shndërruar në një pengesë serioze për anëtarësimin e plotë të Shqipërisë në Bashkimin Europian.

Për këtë arsye, opozita refuzon të bëhet pjesë e kësaj fasade parlamentare nesër dhe zgjedh të jetë aty ku duhet të jetë çdo opozitë e përgjegjshme: pranë qytetarëve.

Prioriteti ynë këtë javë mbetet takimi me qytetarët në të gjithë vendin dhe mobilizimi për protestën e 22 marsit. Sepse problemi real i Shqipërisë sot është një qeveri që është kthyer në rrezik kombëtar. Prandaj opozita është e vendosur të qëndrojë me qytetarët dhe të udhëheqë betejën për ndryshim, luftë me tolerancë zero ndaj korrupsionit, si dhe një qeverisje të përgjegjshme në shërbim të qytetarëve”, shkruan Bardhi në në p[ostim në rrjetet sociale.

The post PS mbledh Kuvendin, PD e bojkoton duke e cilësuar të paligjshëm/ Çfarë pritet në seancën plenare appeared first on Albeu.com.

Sipas gazetarit Osman Stafa, gjatë mbledhjes është vendosur që zgjedhjet në degët e PD-së në të gjithë vendin të përfundojnë deri më 30 prill.

Gjithashtu, është caktuar që procesi për zgjedhjen e kryetarit të Partisë Demokratike të zhvillohet më 23 Maj, ndërsa Kuvendi Kombëtar do të mblidhet më 6 qershor.

Ndërkohë, është përcaktuar edhe kalendari për proceset e tjera organizative brenda partisë.

Grupi për Rishikimin e Statutit:

1. Gazment Bardhi – Kryetar

2. Oerd Bylykbashi – Anëtar

3. Ivi Kaso – Anëtar

4. Gent Strazimiri – Anëtar

5. Enno Bozdo – Anëtar

6. Elda Hoti – Anëtar

7. Keltis Kruja – Anëtar

8. Adriana Kalaja – Anëtar

9. Marash Logu – Anëtar

10. Franc Nuri – Anëtar

Më herët, gjatë fjalës së tij në mbledhjen e kryesisë, Berisha tha se:

“Të vazhdojmë në këtë drejtim, të finalizojmë sipas përcaktimeve që u lexuan zgjedhjet në degë, ta mbyllim këtë proces, ta finalizojmë me Kuvendit në fillim të qershorit dhe rikthehemi krahas kryengritjes paqësore, rikthehemi tek përgatitjet për zgjedhjet vendore, për të cilat duhet të angazhohemi me të gjithë forcën”.

The post PD mbledh Kuvendin Kombëtar më 6 qershor, zbulohet data kur do të mbahen zgjedhjet për kryetarin appeared first on Albeu.com.

Siç raporton gazetari i Klan News Enkel Xhangoli, Kryesia e PD-së do të mblidhet në orën 12:00, ku pritet të diskutohet vijimi i aksionit opozitar të kësaj force politike, që siç e kemi parë kohët e fundit, i ka intensifikuar protestat kombëtare. Protesta e radhës do

Megjithatë, do të ketë diskutime edhe për sa i përket riorganizimit të PD-së dhe zgjedhjeve të brendshme që do të mbahen në parti brenda pak muajsh.

Në orën 14:00, pritet të mblidhet gjithashtu edhe grupi parlamentar i Partisë Demokratike, një mbledhje rutinë e cila zhvillohet gjithmonë një ditë përpara seancave plenare, në mënyrë që deputetët të koordinohen mbi qëndrimet që do të mbajnë në Parlaament.

The post Partia Demokratike mbledh sot Kryesinë, çfarë pritet të diskutohet appeared first on Albeu.com.