Ndonëse ky përkufizim në pamje të parë tingëllon kundërthënës, ai përfaqëson një emërtim teknik dhe marketingu që Mercedes po e përdor për gjeneratën e ardhshme të sistemeve të elektrifikuara me performancë të lartë. Synimi është që motorët elektrikë dhe konfigurimet hibride të rikrijojnë fuqinë, karakterin dhe performancën që tradicionalisht lidhen me motorët V8 me benzinë.

Sipas të dhënave në dispozicion, prodhuesi synon të ruajë emocionin dhe performancën që motorët V8 kanë mishëruar prej vitesh në modelet AMG, por njëkohësisht të ofrojë konsum dukshëm më të ulët dhe përputhje me standardet e reja mjedisore.

Në të njëjtën kohë, ekspertët vlerësojnë se Mercedes po punon paralelisht për një gjeneratë të re sistemesh të elektrifikuara në kuadër të divizionit AMG, ku gjithnjë e më shpesh po ndërthuren motorët me djegie të brendshme me motorë elektrikë të fuqishëm për të siguruar performancë më të lartë dhe efikasitet më të madh.

Kjo qasje përfshihet në strategjinë më të gjerë të industrisë së automobilave, ku prodhuesit e makinave luksoze dhe sportive po kërkojnë të gjejnë ekuilibër mes kalimit drejt automjeteve elektrike dhe ruajtjes së “zërit dhe ndjesisë” tipike të motorëve të fuqishëm me djegie të brendshme.

Deri më tani, Mercedes nuk ka bërë publike detaje për prodhimin serik apo për specifikat e sakta teknike të këtij sistemi.

The post Mercedes po përgatit një gjeneratë të re elektrifikuar që e quan “V8-i i motorëve elektrikë” appeared first on Albeu.com.

Nën kapak gjendet motori i ri me kodin M177 Evo, i cili sjell një sërë ndërhyrjesh të rëndësishme teknike. Mes tyre përfshihen një bosht me gunga flat-plane, një sistem i ri i furnizimit me karburant, si edhe përmirësime në marrjen e ajrit.

Këto ndryshime përkthehen në reagim më të menjëhershëm të motorit dhe në rritje të performancës.

Fuqia shkon në rreth 603 kuaj fuqi, ndërsa çift rrotullues arrin afërsisht 850 Nm. Po ashtu, sistemi hibrid i butë 48 volt është në gjendje të ofrojë fuqi shtesë, duke përmirësuar reagimin gjatë nisjes.

Sipas shifrave të publikuara nga Mercedes-AMG, GLE 63 S përshpejton nga 0 në 100 km/h për rreth 3.6 sekonda. Ndërkohë, GLS 63, për shkak të dimensioneve më të mëdha, e realizon të njëjtin sprint në rreth 3.9 sekonda. Shpejtësia maksimale mbetet rreth 280 km/h.

Përveç anës mekanike, këto SUV kanë pësuar edhe rifreskime në pamje. Ato marrin një grilë të re AMG, drita të përditësuara, hyrje ajri më të mëdha dhe përmirësime në sistemin e pezullimit aktiv, për të ofruar sjellje më sportive në rrugë.

Edhe pse industria automobilistike po lëviz drejt automjeteve elektrike, Mercedes-AMG lë të kuptohet se ende e konsideron motorin V8 si një element të rëndësishëm të identitetit të saj në segmentin e performancës.

The post Mercedes-AMG mban në jetë V8-in te GLE 63 S dhe GLS 63 appeared first on Albeu.com.

Sipas Financial Times, Mercedes-Benz pritet të bashkëpunojë me startup-in Tytan Technologies, që merret me prodhimin e dronëve interceptues.

Në kuadër të këtij bashkëpunimi, Mercedes do të sigurojë furgonë Sprinter dhe mjete sportive G-Class, të destinuara për transportin e sistemit “Drone Defender”, një platformë e lëvizshme për lëshimin e dronëve.

Raporti thekson se ky sistem pritet të kushtojë më pak se zgjidhjet rivale dhe të bëhet i disponueshëm më shpejt sesa sistemet më të ndërlikuara të projektuara për përdorim në vijën e parë të frontit.

Tytan Technologies, që fokusohet në zhvillimin dhe prodhimin e dronëve autonomë interceptues të drejtuar nga inteligjenca artificiale dhe bashkëpunon me Ukrainën, synon që prodhimin ta nisë deri në fund të këtij viti.

Nga ana tjetër, drejtori ekzekutiv i Mercedes, Ola Källenius, ka deklaruar së fundmi për Wall Street Journal se kompania mund ta zgjerojë praninë e saj në fushën e mbrojtjes, por pa e kthyer atë në aktivitetin e saj kryesor, pasi do të mbetet një sektor i veçantë.

Krijimi i këtij sistemi të ri po ndodh në një periudhë kur në Gjermani po shtohen shqetësimet për sulme të mundshme me dronë ndaj infrastrukturës kritike.

Së fundmi, Zyra Federale Gjermane për Mbrojtjen e Kushtetutës u ka kërkuar kompanive gjermane të marrin masa mbrojtëse kundër dronëve, pasi në vitet e fundit është konstatuar një rritje e ndjeshme e pranisë së tyre, sidomos pranë aeroporteve dhe objekteve ushtarake.

Ndërkohë, Mercedes ka nënshkruar edhe një marrëveshje me vlerë 1 miliard euro me qeverinë e Lituanisë për furnizimin e forcave të armatosura të vendit me automjete Mercedes-Benz G-Class si dhe me kamionë ushtarakë Unimog, Zetros dhe Arocs, të prodhuar nga Daimler Truck.

Sipas Ministrisë së Mbrojtjes së Lituanisë, marrëveshja parashikon që dorëzimet e automjeteve të realizohen në mënyrë graduale nga viti 2026 deri në vitin 2032.

The post Mercedes zgjeron praninë edhe në sektorin e mbrojtjes appeared first on Albeu.com.

Në krahun tjetër, BMW vazhdoi rritjen e divizionit të saj M për të 14-in vit me radhë, duke vendosur një rekord të ri me 213,457 njësi.

Pavarësisht këtij hendeku, Mercedes synon ta arrijë rivalin e tij deri në përfundim të dekadës.

Për këtë qëllim, kompania ka përgatitur një ofensivë të gjerë produktesh, e cila parashikon hedhjen në treg të më shumë se 27 veturave përgjatë tre viteve të ardhshme.

Shefi ekzekutiv i Mercedes-AMG, Michael Schiebe, ka shpjeguar këtë valë të re modelesh.

Pas prezantimit të GT 4-Door Coupe plotësisht elektrik, vijnë edhe GLE 63 dhe GLS 63, që të dyja të pajisura me motorin e ri V8.

Ende mbetet për t’u zbuluar modeli i shumëpritur Mythos, një CLE me një motor të fuqishëm V8, nga i cili pritet të dalë edhe një version më pak ekstrem i CLE 63.

Ndërkohë, Mercedes-AMG është duke zhvilluar edhe një G63 Convertible, një GT Black Series të re, si dhe një C53 me gjashtë cilindra, i cili do të reflektojë GLC 53 të prezantuar së fundmi dhe që përdor po ashtu një motor me gjashtë cilindra.

Në zhvillim është edhe një SUV elektrik, i ndërtuar mbi të njëjtën platformë si GT 4-Door Coupe i ri.

The post Mercedes-AMG nis ofensivën me mbi 27 modele të reja për të ngushtuar diferencën me BMW appeared first on Albeu.com.

Vlerësimet e para tregojnë se kjo makinë pritet të tërheqë interes të madh për dy elemente kryesore: çmimin konkurrues dhe autonominë e lartë, pra distancën që mund të përshkojë me një karikim ose mbushje. Këta faktorë mund të ushtrojnë presion ndaj rivalëve në tregun evropian dhe atë global.

CLA e re bazohet në një platformë të re teknologjike të zhvilluar nga Mercedes dhe do të ofrohet si në variante elektrike, ashtu edhe hibride, me synimin për të bashkuar efikasitetin, performancën dhe stilin sportiv që e ka karakterizuar këtë model.

Nga ana e brendshme, automjeti sjell një kabinë plotësisht të digjitalizuar, me ekrane të integruara dhe me sistemet më të fundit të asistencës për shoferin, duke e renditur mes veturave më moderne të këtij segmenti.

Me këtë gjeneratë të re të CLA, Mercedes synon të konsolidojë më tej praninë e saj në tregun e veturave elektrike dhe t’i bëjë ballë konkurrencës në rritje nga prodhuesit gjermanë dhe aziatikë.

The post Mercedes synon suksesin me CLA-në e re appeared first on Albeu.com.

Duke e ndarë pasionin e tij për makinat luksoze, ai ka publikuar një video në Instagram nga oborri i shtëpisë së tij, ku shfaqet koleksioni i tij i jashtëzakonshëm i veturave.

Në video mund të shihen tri vetura të nivelit të lartë: një Mercedes elegant, një Lamborghini portokalli, dhe një Porsche e blerë së fundmi.

Ky koleksion luksoz është një shenjë e suksesit dhe përkushtimit të Don Xhonit në karrierën e tij muzikore.

Në një fotografi tjetër të postuar në Instagram, reperi nga Drenasi qëndron krenar pranë veturave të tij, duke shfaqur një mesazh frymëzues për fansat e tij: “Beso te vetja edhe kur askush nuk beson në ty, ëndrrat bëhen realitet”.

Don Xhoni, i cili ka fituar popullaritet të madh me hitet e tij muzikore dhe stilin unik, vazhdon të jetë një frymëzim për të gjithë të rinjtë që duan të ndjekin rrugën e hip-hopit.

The post Mercedes, Lamborghini e Porsche – Don Xhoni prezanton koleksionin e tij të veturave luksoze appeared first on Albeu.com.

Mick Schumacher, djali i legjendës së Formula 1, është larguar nga Ferrari për të kaluar te Mercedes. Gjermani ndërpreu marrëdhënien që e lidhi me skuadrën e Maranellos dhe, pasi u hoq nga Haas, pranoi rolin e pilotit rezervë për vitin 2023 të ofruar nga Toto Wolff.

Kështu, 23-vjeçari do të jetë në gjendje të qëndrojë në cirkun e F1 dhe do të zëvendësojë Hamilton dhe Russell në disa seanca praktike të lira gjatë Kampionatit Botëror.

“Jam i emocionuar që jam pjesë e ekipit F1 Mercedes-AMG PETRONAS si pilot rezervë për vitin 2023 dhe jam i përkushtuar të jap maksimumin për të kontribuar në performancën e tyre në këtë mjedis shumë konkurrues dhe profesional. E konsideroj një fillim të ri dhe jam i emocionuar dhe mirënjohës për Toto dhe të gjithë të përfshirët për besimin e tyre tek unë. F1 është një botë kaq magjepëse dhe gjithmonë mëson shumë”, është shprehur Mick Schumacher./h.ll/albeu.com

The post Mick Schumacher largohet nga Ferrari, djali i legjendës nënshkruan me Mercedes appeared first on Albeu.com.

The post Audi, BMW apo Mercedes, cila është më e mira? (VIDEO) appeared first on Albeu.com.

Makina është version më i avancuar i “Mercedesit” dhe kushton rreth 1.6 milion euro dhe përdoret po ashtu nga diktatori i Koresë së Veriut, Kim Jong Un.

Makina, me të cilën udhëton Erdogani,  është e blinduar dhe rezistenente ndaj të gjitha sulmeve me armë zjarri. “Mercedesi” është i veshur nga një fletë çeliku 13 cm të trashë.

Po ashtu, makina në fjalë është e izoluar tërësisht nga ambienti i jashtëm me qëllim parandalimin e çdo sulmi me armë kimike apo biologjike.

Presidenca turke bleu tre makina të tilla dy vjet më parë duke shkaktuar reagime të shumta në vend për shkak të kostos së lartë. Të njëjtat makina ai i mori edhe në vizitën e fundit që kreu në SHBA. /

The post 13 cm çelik, i reziston çdo sulmi, “bisha” që po shoqëron Erdoganin në Shqipëri (FOTO LAJM) appeared first on Albeu.com.

Në fakt BMW fhe Mersedes  prej kohësh janë makinat më të shitura në botë.

Gjatë vitit 2021 BMW arriti të mposht në garë Mercedesin duke shitur më shumë vetura.

BMW në mbarë botën shiti 2,2 milionë vetura, ndërsa Mercedes arriti të shesë 2,05 milionë makina.

Ndërkohë si makina më e shitur për vitin që lamë pas është BMW 5 Series me 319.067 shitje, duke lënë prapa Mercedes E Class me 294.356 shitje, ndërsa vendin e tretë e zuri Audi A6 me 241.425. r.t/albeu.com

The post BMW “mposht” Mercedesin si makina më e shitur në botë appeared first on Albeu.com.