Sipas Sport Bild, klubi madrilen nuk ndodhet aktualisht në rrethana për të ndjekur sulmuesin e Bayern Munich, ndërsa edhe prapa skenave situata mes dy klubeve të mëdha evropiane paraqitet e qetë.

Raportohet se në fillim të qershorit, presidenti i Bayern, Herbert Hainer, dhe presidenti i Real Madridit, Florentino Pérez, kanë arritur një “pakt joformal mos-sulmi”, që parashikon se asnjëri klub nuk do të përpiqet të marrë lojtarë nga tjetri pa pasur më parë komunikim mes palëve.

Qëllimi i këtij pakti është të evitojë tensionet dhe të pengojë fryrjen artificiale të çmimeve në tregun e transferimeve.

Sa i takon të ardhmes së Olise, raportime të tjera nga Sky dhe emisioni “Transfer Update – The Show” bëjnë të ditur se Bayern Munich nuk ka shqetësime për situatën e tij.

Klubi bavarez është i bindur se nuk ekziston asnjë negociatë dhe asnjë kontakt nga Real Madrid për futbollistin francez.

Një burim nga klubi deklaroi: “Bayern është 100 për qind i sigurt se Olise do të qëndrojë këtë verë”.

Në anën tjetër, Real Madrid ka dalë me qëndrim zyrtar duke mohuar çdo kontakt me lojtarin ose me përfaqësuesit e tij, ndërsa ka nënvizuar raportet e mira me Bayern Munich dhe ka shprehur keqardhje për spekulimet në media.

Klubi spanjoll shtoi se çdo interes i mundshëm duhet të trajtohet drejtpërdrejt mes klubeve, në frymën e respektit të ndërsjellë.

Ndërkohë, Bayern Munich po mendon t’ia zgjasë kontratën Michael Olise deri në vitin 2031. Francezi pritet të renditet mes lojtarëve më të paguar të ekipit, së bashku me emra si Harry Kane dhe Jamal Musiala.

Aktualisht, marrëveshja e Olise me klubin nga Mynihu është e vlefshme deri në vitin 2029. 24-vjeçari iu bashkua ekipit nga Crystal Palace në verën e vitit 2024, falë një klauzole lirimi prej vetëm 53 milionë eurosh, dhe prej atëherë ka spikatur në Mynih. Në 107 ndeshje zyrtare, ai shënoi 42 gola dhe dha 54 asiste.

The post Bayern dhe Real Madrid bien dakord për një “pakt të heshtur” lidhur me Olise, dalin në pah detajet appeared first on Albeu.com.

Sipas Falk, te drejtuesit e Bayern Munichut kishte pasur pakënaqësi pas raportimeve të publikuara në fillim të muajit qershor, ku thuhej se Florentino Perez po përgatiste një ofertë për yllin francez.

Ai shpjegoi se në Mynih këto lajme kishin shkaktuar irritim, ndërsa kishte edhe habi pasi Perez kishte deklaruar publikisht se ishte i gatshëm të ofronte 150 milionë euro për një superyll. Kjo, sipas tij, solli edhe reagimin e fortë publik nga Herbert Hainer.

Falk theksoi se afërsia mes Bayernit dhe Real Madridit u forcua edhe më tepër gjatë dhe rreth dueleve të tyre në çerekfinalet e Ligës së Kampionëve. Presidentët Herbert Hainer dhe Florentino Perez, sipas tij, gëzojnë një marrëdhënie të ngushtë dhe kishin shfaqur respekt të ndërsjellë edhe përpara ndeshjes së parë, gjatë një takimi në restorantin e njohur Zalacain në Madrid.

Sipas gazetarit, pikërisht kjo marrëdhënie ka qenë vendimtare për të shmangur tensionet në lidhje me situatën e Michael Olise.

Ai tha se presidentët nuk dëshironin që çështja rreth Olise të përshkallëzohej, ndaj zhvilluan bisedime private dhe e mbyllën temën. Sipas marrëveshjes së tyre parimore, asnjëri prej dy klubeve nuk do të përpiqet të transferojë një futbollist të klubit tjetër pa e njoftuar më parë palën përkatëse për interesimin.

Po ashtu, Falk nënvizoi se si Real Madridi, ashtu edhe Bayerni, nuk kanë interes të ushqejnë gara ofertash përmes thashethemeve të merkatos në media.

Gazetari gjerman shtoi se raportet mes dy institucioneve vazhdojnë të jenë shumë të forta edhe jashtë fushës.

Si shembull për këtë, ai përmendi faktin se Herbert Hainer do të mbajë një fjalim para rreth 1.200 studentëve, me ftesë të Real Madridit, në stadiumin Santiago Bernabeu më 30 qershor.

Në të njëjtën kohë, Bayern mbetet në kontroll të plotë sa i takon së ardhmes së anësorit francez.

Falk sqaroi se Olise ka kontratë me Bayernin deri në vitin 2029 dhe se lojtari francez nuk posedon klauzolë lirimi. Për këtë arsye, sipas tij, klubi gjerman i ka të gjitha kartat në dorë, ndërsa në prapaskenë të dy klubet kanë arritur qartësi të plotë për këtë çështje.

The post Real Madridi dhe Bayerni kishin një marrëveshje të fshehtë që bllokoi lëvizjen për Michael Olise appeared first on Albeu.com.

Përpara se faza e grupeve të hyjë në ndeshjet vendimtare, kjo është panorama e asaj që ka rënë më shumë në sy deri në këtë moment.

10 ndeshjet më të mira të Botërorit

1. Uruguai 2-2 Kepi i Gjelbër

Një sfidë që prodhoi gjithçka: befasi, përmbysje, tension dhe raste të shumta. Pa diskutim, një prej ndeshjeve më elektrizuese të këtij turneu.

2. Norvegjia 3-2 Senegali

Erling Haaland konfirmoi edhe një herë formën e tij të shkëlqyer me dy gola të tjerë, megjithëse Senegali nuk u dorëzua deri në çastet e fundit.

3. Anglia 4-2 Kroacia

Një përballje e hapur dhe ritmike, ku katër gola u shënuan që në pjesën e parë dhe spektakli vazhdoi deri në fund.

4. Holanda 2-2 Japonia

Dy ekipe me qasje sulmuese dhuruan një ndeshje të paparashikueshme, e cila mbeti e hapur deri në sinjalin përfundimtar.

5. Holanda 5-1 Suedia

Holandezët ishin shkatërrues në pjesën e parë, edhe pse Suedia pati gjithashtu mjaft mundësi për të gjetur rrugën e rrjetës.

6. Irani 2-2 Zelanda e Re

Irani reagoi dy herë pasi u gjend në disavantazh, duke ia mohuar Zelandës së Re fitoren e parë historike në një Botëror.

7. Spanja 0-0 Kepi i Gjelbër

Edhe pse nuk pati gola, emocioni nuk mungoi. Në qendër të vëmendjes ishte portieri 40-vjeçar Vozinha, autor i pritjeve të jashtëzakonshme.

8. Uzbekistani 1-3 Kolumbia

Kolumbia dominoi në repartin ofensiv, ndërsa Uzbekistani dha prova karakteri dhe qëndrese.

9. Australia 2-0 Turqia

Shifrat përfundimtare nuk e tregojnë saktësisht atë që ndodhi në fushë. Turqia krijoi më shumë raste, por Australia u tregua jashtëzakonisht efikase para portës.

10. SHBA 4-1 Paraguai

Amerikanët e nisën turneun me një mesazh të qartë, duke lënë gjurmë që në paraqitjen e tyre të parë.

10 momentet më të mira të Botërorit

1. Hat-tricku historik i Lionel Messit

Me tre golat ndaj Algjerisë, Messi barazoi rekordin absolut të golave në Kupat e Botës, duke treguar se edhe në moshën 38-vjeçare mbetet vendimtar.

2. Cristiano Ronaldo bëhet i pari që shënon në gjashtë Botërorë

Ylli portugez hyri në histori falë dy golave të realizuar kundër Uzbekistanit.

3. Goli i Kepit të Gjelbër ndaj Uruguait

Kevin Pina firmosi një çast historik kur kaloi në epërsi afrikanët përballë njërit prej pretendentëve.

4. Mbappe thyen rekordin e golave me Francën

Dy golat e shënuar kundër Senegalit i mjaftuan sulmuesit francez për të kaluar rekordin e Oliver Giroud.

5. Debutimi heroik i Vozinhas

Portieri veteran i Kepit të Gjelbër u kthye në sensacion pas performancës së madhe ndaj Spanjës.

6. Curaçao barazon ndaj Gjermanisë

Livano Comencia realizoi një gol historik që tronditi gjermanët.

7. RD Kongo merr pikën e parë në histori

Yoane Wissa shënoi golin e barazimit kundër Portugalisë në minutat e fundit.

8. Harry Kane barazon Gary Lineker

Qendërsulmuesi anglez arriti në kuotën e 10 golave në Kupat e Botës.

9. Hat-tricku i Jonathan David

Kanadaja regjistroi fitoren e saj të parë historike në Botëror me suksesin spektakolar 6-0 ndaj Katarit.

10. Dy golat e Haaland në debutim

Ylli i Norvegjisë nuk vonoi të dëshmonte cilësinë e tij në skenën më të madhe.

10 lojtarët më të mirë të Botërorit deri tani

1. Lionel Messi (Argjentina)

Pesë gola në dy ndeshje. Një tjetër turne i jashtëzakonshëm nga legjenda e Argjentinës.

2. Kylian Mbappe (Franca)

Katër gola në dy ndeshje e vendosin mes kandidatëve kryesorë për “Këpucën e Artë”.

3. Erling Haaland (Norvegjia)

Një makineri golash që po e udhëheq Norvegjinë drejt fazës eliminatore.

4. Denis Undav (Gjermania)

“Super-zëvendësuesi” i Gjermanisë ka dhënë kontribut me tre gola dhe dy asistime.

5. Vinicius Junior (Brazili)

Një gol spektakolar ndaj Marokut dhe paraqitje shumë të mira edhe më pas.

6. Michael Olise (Franca)

Deri tani ka qenë një nga futbollistët më krijues të turneut.

7. Ayyoub Bouaddi (Maroku)

Mesfushori adoleshent ka impresionuar me pjekurinë dhe talentin e tij.

8. Yan Diomande (Bregu i Fildishtë)

Një tjetër emër i ri që po zgjon interesin e klubeve më të mëdha të Evropës.

9. Daniel Munoz (Kolumbia)

Dy gola dhe paraqitje mbresëlënëse nga krahu i djathtë.

10. Jonathan David (Kanada)

Udhëheqësi i sulmit të Kanadasë po zhvillon një turne fantastik.

10 golat më të bukur të Botërorit

1. Messi ndaj Algjerisë

Një goditje e mrekullueshme nga distanca që përfundoi në trekëndësh.

2. Mbappe ndaj Senegalit

Një goditje e fuqishme nga rreth 30 metra që nuk i la asnjë mundësi reagimi Edouard Mendyn.

3. Balogun ndaj Paraguait

Një realizim që bashkoi shpejtësinë, teknikën dhe një përfundim perfekt.

4. Gio Reyna ndaj Paraguait

Një goditje elegante me pjesën e jashtme të këmbës.

5. Ayari ndaj Tunizisë

Një supergol nga distanca për Suedinë.

6. Vinicius Junior ndaj Marokut

Braziliani realizoi një kryevepër individuale për të rikthyer baraspeshën në rezultat.

7. Mahmic ndaj Zvicrës

Një volej fantastik pas një goditjeje nga këndi.

8. Ali Olwan ndaj Austrisë

Një aksion individual i nisur nga mesi i fushës dhe i mbyllur me klas të lartë.

9. Daniel Munoz ndaj Uzbekistanit

Një volej i devijuar me mjeshtëri pas një krosimi perfekt.

10. Nmecha ndaj Curaçaos

Një kombinim i bukur me Florian Wirtz u finalizua me një gol elegant.

Ndërsa faza e grupeve po i afrohet kulmit, mbetet për t’u parë nëse Messi, Mbappe dhe Haaland do të vazhdojnë të dominojnë këtë turne, apo në javët vendimtare të Kupës së Botës 2026 do të dalin në skenë heronj të rinj.

The post Botërori 2026 pas dy javësh magjike: ndeshjet, golat dhe çastet që kanë spikatur më shumë appeared first on Albeu.com.

Botërori 2026 po sjell shifrën më të lartë të regjistruar ndonjëherë të lojtarëve që luajnë për një kombëtare tjetër nga vendi i tyre i lindjes.

Të dhënat zyrtare të FIFA-s tregojnë se afërsisht 23% e futbollistëve në këtë turne kanë lindur jashtë shtetit që përfaqësojnë.

Studimet e Universitetit të Oksfordit tregojnë se kjo përqindje ka lëvizur mes 2% dhe 14% për shumë dekada. Në Botërorin 2022 ajo shkoi në 16.5%, ndërsa në vitin 2026 ka kaluar mbi 23%, konkretisht 289 lojtarë nga 1.248 në total.

Profesori holandez Gijsbert Oonk, njohës i migrimit dhe identitetit, e konsideron këtë zhvillim si një reflektim të qartë të realitetit bashkëkohor.

“Pothuajse 4% e popullsisë së botës jeton në një shtet ku nuk ka lindur. Kjo përqindje është edhe më e lartë tek profesionistët e kualifikuar dhe sportistët elitarë. Futbolli thjesht pasqyron këto lëvizje migratore”, shpjegon ai.

Nga 48 përfaqësueset pjesëmarrëse në Botërorin 2026, vetëm tetë nuk kanë në skuadër asnjë futbollist të lindur jashtë vendit të tyre.

Një nga shembujt më ekstremë është debutuesja Curaçao, ku vetëm një nga 26 lojtarët ka lindur në ishullin karaibik, ndërsa shumica dërrmuese e ekipit ka lindur në Holandë.

Në krahun tjetër, Katari përfshin futbollistë me origjinë nga 10 vende të ndryshme, mes tyre shtete nga Afrika, Evropa dhe Amerika e Jugut.

Mes rasteve më të njohura në këtë Botëror është Michael Olise. Sulmuesi, i lindur dhe rritur në Londër, vendosi të luajë për Francën, vendin nga vjen nëna e tij.

Një histori e ngjashme vjen edhe nga Shtetet e Bashkuara. Antonee Robinson ka lindur në Angli, por mban fanellën e SHBA-së falë origjinës së babait të tij.

Një prej episodeve më të spikatura të këtij edicioni është ai i Ibrahim Mbaye. Sulmuesi i lindur në Francë realizoi për Senegalin në humbjen 3-1 përballë Francës, duke u kthyer në një tjetër simbol të futbollistëve që zgjedhin prejardhjen familjare përpara vendit ku kanë lindur.

Ky rast sjell ndër mend edhe ngjarjen e vitit 2022, kur Breel Embolo, sulmuesi i Zvicrës i lindur në Kamerun, u bë lojtari i parë në historinë e Kupës së Botës që shënonte ndaj vendit të tij të lindjes. Në vend që të festonte, ai ngriti duart si shenjë respekti për origjinën e tij.

Botërori 2026 ka prodhuar edhe histori të rralla brenda familjeve, pasi katër çifte vëllezërish po përfaqësojnë kombëtare të ndryshme.

Desire Doue luan për Francën, ndërsa Guela Doue për Bregun e Fildishtë.

Nico Williams përfaqëson Spanjën, kurse Inaki Williams Ganën.

Harry Souttar është pjesë e Australisë, ndërsa John Souttar i Skocisë.

Derrick Luckassen luan për Ganën, ndërsa Brian Brobbey për Holandën.

Para vitit 2026, një rast i tillë ishte parë vetëm me vëllezërit Boateng, Jerome dhe Kevin-Prince, që përfaqësuan Gjermaninë dhe Ganën në Botërorët 2010 dhe 2014, madje u përballën me njëri-tjetrin në të dyja turnetë.

Kur FIFA u krijua në vitin 1904, nuk kishte rregulla të mirëpërcaktuara për përfaqësimin kombëtar dhe futbollistët mund të luanin për cilindo shtet që dëshironin.

Shembulli më i njohur mbetet Luis Monti. Argjentinasi luajti finalen e Botërorit 1930 me Argjentinën dhe katër vjet më pas fitoi trofeun me Italinë. Ai mbetet ende futbollisti i vetëm që ka luajtur në finale të Kupës së Botës me dy kombëtare të ndryshme.

Në vitin 1962, FIFA vendosi kriteret e para të qarta mbi shtetësinë, ndërsa në vitin 2004 lejoi ndërrimin e kombëtares për lojtarët që kishin luajtur vetëm me ekipet e moshave.

Sot, një futbollist mund të luajë për një shtet nëse ka prind ose gjysh të lindur aty, ose nëse ka jetuar të paktën pesë vite në atë vend.

Këto ndryshime rregullash kanë ndihmuar veçanërisht vendet me diasporë të madhe, si Maroku.

Gjatë viteve 2010, Federata Marokene ngriti një rrjet vëzhguesish në Francë, Holandë dhe Belgjikë për të gjetur talente me origjinë marokene.

Kjo qasje luajti rol kyç në ecurinë historike të Marokut në Botërorin 2022, kur u bë kombëtarja e parë afrikane që siguroi një vend në gjysmëfinale.

Në çerekfinalen me Spanjën, dy nga tre lojtarët që shënuan penalltitë ishin të lindur jashtë Marokut: Hakim Ziyech në Holandë dhe Achraf Hakimi në Spanjë.

Sipas studiueses Myriam Cherti, ky është shembulli ideal i një shteti që e ka përfshirë diasporën si pjesë thelbësore të projektit të tij futbollistik.

Zgjedhja e një kombëtareje nuk përcaktohet vetëm nga karriera sportive, por shpesh ndikohet edhe nga lidhjet emocionale, familjare dhe kulturore.

Ibrahim Mbaye, i cili kishte përfaqësuar Francën në të gjitha grupmoshat, vendosi në moshën 17-vjeçare të luante për Senegalin.

“Nuk do të pendohem kurrë për zgjedhjen e Senegalit, sepse ishte një vendim i zemrës”, deklaroi ai.

Edhe më parë ka pasur raste të ngjashme. Pepe, legjenda e Portugalisë, refuzoi një ftesë nga Brazili dhe zgjodhi Portugalinë, vendin ku u formua si futbollist profesionist.

Megjithatë, ajo që njihet si “zgjedhja e flamurit” vazhdon të mbetet objekt debati.

Ish-presidenti i FIFA-s, Sepp Blatter, kishte paralajmëruar vite më parë se natyralizimet në masë mund të ndryshonin identitetin e kombëtareve.

Edhe mes tifozëve mendimet janë të ndara. Një pjesë mendojnë se ekipet kombëtare e humbasin lidhjen me popullin kur mbështeten shumë te lojtarët e lindur jashtë vendit, ndërsa të tjerë argumentojnë se futbollistët duhet të kenë të drejtën të përfaqësojnë vendin me të cilin ndihen më të lidhur.

Një gjë mbetet e qartë: Botërori 2026 po tregon se futbolli modern është gjithnjë e më shumë një pasqyrë e migrimit, globalizimit dhe identiteteve të shumëfishta që karakterizojnë botën e sotme.

The post Pse Botërori 2026 ka numrin më të madh ndonjëherë të lojtarëve që përfaqësojnë një shtet tjetër nga ai ku kanë lindur appeared first on Albeu.com.

Edhe pse më herët iu refuzua një ofertë prej 150 milionë eurosh për Julian Alvarez, klubi spanjoll nuk e ka braktisur synimin për të afruar një emër të madh në repartin ofensiv gjatë këtij afati kalimtar.

Sipas raportimeve nga Ramon Alvarez de Mon, emri kryesor në listën e dëshirave të Real Madridit është Michael Olise. Anësori i Bayern Munichut konsiderohet si profili i duhur për të sjellë më shumë krijimtari dhe ekuilibër në krahun e djathtë të sulmit, një pozicion që në klub vlerësohet si kyç për të ardhmen.

Në ambientin e brendshëm të klubit ekziston bindja se reprezentuesi francez mund të ndërtojë edhe një bashkëpunim shumë të fortë me Kylian Mbappe, duke krijuar një dyshe tepër të rrezikshme në fazën sulmuese.

Gjithsesi, madrilenët nuk janë përqendruar vetëm te ky variant. Real Madridi ka përzgjedhur edhe opsione të tjera të nivelit “Galactico”, nëse lëvizja për Olise nuk arrin të realizohet.

Ndonëse kohët e fundit kanë qarkulluar lajme për kontakte mes palëve, Real Madridi ka deklaruar publikisht se nuk ka zhvilluar bisedime me përfaqësuesit e futbollistit. Pavarësisht kësaj, sipas burimeve pranë klubit, skenarët e brendshëm për një operacion të mundshëm mbeten ende në fuqi.

Nga ana financiare, një transferim i tillë do të ishte shumë i vështirë, pasi raportohet se kostoja e përgjithshme e operacionit mund të shkojë deri në 222 milionë euro.

Me Jose Mourinhon në drejtimin e skuadrës dhe me synimin për të ngritur një ekip dominues për vitet që vijnë, Real Madridi duket i përgatitur për të ndërmarrë një tjetër goditje të madhe në tregun e transferimeve./

The post Real Madridi vendos për Michael Olise, ndërsa Bayern Munich kërkon mbi 220 milionë euro appeared first on Albeu.com.

Pas suksesit të Francës ndaj Senegalit në Kupën e Botës 2026, Olise pothuajse nuk u vu re fare në zonën e intervistave. Me tuta të veshura, kapuç në kokë dhe një çantë shpine, ai u shfaq sërish i tërhequr, shumë larg figurës së superyllit që mishëron gjatë ndeshjeve.

Didier Deschamps, trajneri i Francës, foli me vlerësim për rritjen e jashtëzakonshme të lojtarit, duke nënvizuar se për Olisen prioritet absolut mbetet loja.

“Michael ka pasur një sezon fantastik. Ai është ndër lojtarët më të mirë në botë, por vëmendja mediatike nuk është ajo që e motivon. Për të ka rëndësi vetëm fusha e lojës,” deklaroi Deschamps.

Real Madridi e ndjek me kujdes

Interesi i Real Madridit për 24-vjeçarin tashmë dihet, megjithatë Olise nuk ka bërë asnjë deklaratë publike për atë që mund ta presë në të ardhmen. Në dallim nga emra si Kylian Mbappé apo Vinícius Júnior, ai nuk synon të ndërtojë një profil të madh komercial përtej futbollit.

Thierry Henry, një prej legjendave të Francës, që e ka pasur nën drejtim te skuadra olimpike franceze, e përshkroi Olisen si një individ me personalitet të veçantë.

“Njerëzit e shohin talentin e tij në fushë, por ndonjëherë e kanë të vështirë ta kuptojnë jashtë saj. Në realitet, ai është një djalë fantastik dhe një njeri shumë i mirë”, tha Henry.

Larg sponsorëve dhe botës së marketingut

Një nga tiparet që e bën Olisen të ndryshëm nga shumica e futbollistëve të nivelit më të lartë është qëndrimi i tij kundrejt marrëveshjeve me markat sportive.

Francezi nuk është i lidhur me asnjë kontratë sponsorizimi me kompani të njohura dhe parapëlqen t’i zgjedhë vetë pajisjet që përdor.

Ai madje vazhdon të luajë me modele këpucësh sportive që janë hedhur në treg më shumë se një dekadë më parë, duke qëndruar larg prirjeve moderne të marketingut sportiv.

Një rrugëtim dhe prejardhje e veçantë

Olise ka një sfond të pasur kulturor. Ai zotëron shtetësi franceze, angleze, algjeriane dhe nigeriane. Edhe pse kishte mundësinë të përfaqësonte Anglinë, ai vendosi për Francën, një zgjedhje ku rol të madh luajtën familja e tij dhe Federata Franceze e Futbollit.

E gjithë karriera e tij është formuar në Angli, ku ishte pjesë e akademive të Arsenal, Chelsea, Manchester City dhe më pas të Reading, përpara se të shpërthente te Crystal Palace.

Sot, pas një sezoni të shkëlqyer te Bayern Munich, Olise shihet si një nga futbollistët më të talentuar të brezit të tij. Nëse në fushë duket si një “galaktik”, jashtë saj mbetet një njeri i thjeshtë, që zgjedh të flasë përmes lojës së tij.

The post Michael Olise shkëlqen në fushë, por zgjedh thjeshtësinë larg reflektorëve appeared first on Albeu.com.

Sipas raportimeve nga Spanja, bavarezët nuk e shohin francezin si lojtar të shitshëm, ndërsa në një rrethanë të pazakontë do të pranonin të hapnin bisedime vetëm për një ofertë prej 222 milionë eurosh.

Një shumë e tillë do të barazonte kalimin e Neymarit nga Barcelona te Paris Saint-Germaini në vitin 2017, që mbetet ende transferimi më i kushtueshëm në historinë e futbollit.

Që prej ardhjes së tij në “Allianz Arena”, Olise është shndërruar në një nga figurat më të rëndësishme të Bayernit.

Me paraqitjet e tij të forta, mjeshtërinë në duelet një kundër një, kreativitetin dhe ndikimin në fazën sulmuese, ai konsiderohet pjesë kyçe e projektit afatgjatë të klubit.

Drejtuesit e Bayern Munich besojnë se futbollistë me profilin e francezit janë të rrallë në treg dhe nuk kanë asnjë synim ta shesin.

Pikërisht për këtë arsye, klubi kërkon të japë një sinjal të qartë se nuk është nën presion financiar dhe nuk ka nevojë të sakrifikojë yjet e tij.

Emri i Olise është përmendur shpesh në lidhje me Real Madridin, një destinacion që do të dukej i natyrshëm duke pasur parasysh prirjen e klubit spanjoll për të investuar te talentët e rinj me potencial të madh.

Megjithatë, madrilenët kanë mohuar publikisht se kanë ndonjë interes konkret për lojtarin, duke zbehur zërat që qarkulluan gjatë javëve të fundit.

Edhe pse spekulimet kanë vazhduar, Bayerni ka bërë të qartë se nuk do të shqyrtojë oferta të zakonshme për 24-vjeçarin.

Nga këndvështrimi i klubit, vetëm një shifër historike do t’i ulte bavarezët në tryezën e negociatave.

Aktualisht, Olise konsiderohet i paprekshëm te Bayern Munich.

Ndikimi i tij në skuadër, mosha e re dhe potenciali i madh e kanë kthyer në një nga asetet më të çmuara të futbollit evropian.

Mesazhi i Bayernit është i qartë: kushdo që synon ta largojë Michael Olise nga “Allianz Arena”, duhet ta bëjë atë transferimin më të shtrenjtë në historinë e futbollit.

The post Bayern i cakton shifrën rekord Olises, kërkon ta kthejë në transferimin më të shtrenjtë ndonjëherë appeared first on Albeu.com.

Në një prononcim për L’Equipe, legjenda e futbollit francez u shpreh se talenti, krijimtaria dhe rritja e shpejtë e Olise e vendosin atë mes lojtarëve më premtues të gjeneratës së tij.

“Koha do të tregojë nëse ai do të bëhet një Zidane, një Platini apo një lojtar i atij niveli. Por për një gjë jam i bindur: ai e ka potencialin. Ai ka potencialin e Zidane. Ka atë kreativitet, atë finesë dhe atë efikasitet që e bëjnë të veçantë”, deklaroi Vieira.

Ish-kapiteni i Francës ndaloi vëmendjen edhe te forma shumë e mirë që Olise ka treguar këtë edicion me Bayern Munichun, duke e konsideruar atë si provë të qartë të përparimit të tij të madh.

“Ajo që ka bërë me Bayernin këtë sezon është vërtet e jashtëzakonshme. Ai është një lojtar që, me më shumë përvojë në nivel klubesh dhe me kombëtaren e Francës, do të piqet edhe më shumë. Dhe kur kjo të ndodhë, ai do të shpërthejë plotësisht”, shtoi Vieira.

Vieira e çoi edhe më tej këtë vlerësim, duke e përmendur Olise si një emër që në të ardhmen mund të synojë çmimin më të rëndësishëm individual në futboll.

“Ai është një fitues i ardhshëm i Topit të Artë, pa asnjë dyshim. Kupa e Botës do t’i japë edhe më shumë vetëbesim dhe më pas ai do të shpërthejë plotësisht në skenën botërore”, përfundoi Vieira.

The post Vieira e sheh Olise me potencialin e Zidane dhe kandidat për Topin e Artë appeared first on Albeu.com.

Lajmi në përditësim…

DEKLARATA ZYRTARE:

Pas lajmeve të publikuara në media të ndryshme për një interes të pretenduar të klubit tonë ndaj lojtarit të Bayern Munich, Michael Olise, Real Madrid C.F. dëshiron të sqarojë se nuk ka zhvilluar asnjë kontakt, qoftë të drejtpërdrejtë apo të tërthortë, me futbollistin në fjalë, me përfaqësuesit e tij apo me ndonjë person nga rrethi i tij.

Po ashtu, Real Madrid dëshiron të nënvizojë marrëdhënien shumë të mirë institucionale që ka me Bayern Munich, klub me të cilin ndan një histori të gjatë respekti, bashkëpunimi dhe admirimi reciprok, ndërsa shpreh keqardhje për qarkullimin e spekulimeve që nuk përputhen me realitetin.

Të dyja klubet kanë mbajtur gjithmonë një raport të ndërtuar mbi besimin dhe respektin e ndërsjellë. Kjo pasqyrohet edhe në bindjen e përbashkët se çdo interes i mundshëm për një lojtar që i përket klubit tjetër duhet fillimisht të diskutohet mes vetë klubeve, në përputhje me parimet e besnikërisë institucionale që kanë udhëhequr historikisht marrëdhënien mes Bayern Munich dhe Real Madrid.

The post Real Madrid mohon zyrtarisht kontaktet për Michael Olise: Me Bayernin na lidh një marrëdhënie e shkëlqyer appeared first on Albeu.com.

Ndonëse merkatoja për klubet e La Ligës nis zyrtarisht më 1 korrik, klubi madrilen ka qenë tepër i angazhuar në tregun e transferimeve.

Deri në këtë fazë, madrilenët kanë afruar tre emra të rëndësishëm nga Liga Premier. Bernardo Silva i Manchester Cityt dhe mbrojtësi i Liverpoolit, Ibrahima Konate, pritet t’i bashkohen ekipit si lojtarë të lirë gjatë javëve në vijim.

Në të njëjtën kohë, Real Madridi ka kompletuar edhe transferimin e mbrojtësit të Chelseat, Marc Cucurella, për 60 milionë euro, duke i ofruar një kontratë gjashtëvjeçare.

Por lëvizjet e klubit nuk mbarojnë këtu. Sipas mediumit spanjoll Defensa Central, drejtuesit po analizojnë mundësinë që Aurelien Tchouameni ose Eduardo Camavinga të përfshihen në negociatat që lidhen me Michael Olise.

Raporti sqaron se çdo marrëveshje ku do të hynte njëri prej dy mesfushorëve francezë do të trajtohej ndaras nga transferimi i Olise te “Santiago Bernabeu”.

Në varësi të mënyrës se si do të ndërtohet operacioni, Real Madridi mund të paraqesë një ofertë prej 100 deri në 130 milionë euro për yllin e Bayern Munichut, ndërsa njëkohësisht mund të diskutojë edhe shitjen e njërit prej mesfushorëve të vet.

Edhe pse në pamje të parë një marrëveshje e tillë duket mjaft ambicioze, i njëjti raport pretendon se vlerësimi i kahershëm i Bayern Munichut për Tchouamenin dhe Camavingan e bën këtë skenar të mundshëm.

Po ashtu, thuhet se kampioni gjerman e ka shqyrtuar edhe më herët mundësinë për transferimin e të dy futbollistëve, diçka që Real Madridi mund ta përdorë në favorin e tij gjatë bisedimeve për Michael Olise.

The post Real Madridi mendon ofertë rekord për Michael Olise, me dy emra të mëdhenj të përfshirë në bisedimet me Bayernin appeared first on Albeu.com.