Sipas njoftimit të MPB-së, ai dyshohet me bazë për veprat penale “kundër sigurisë së njerëzve dhe pronës në komunikacion” dhe “mosdhënien e ndihmës personit të lënduar në aksident rrugor”, lidhur me një ngjarje penalo-juridike të ndodhur në Shkup më 09.01.2026.

MPB bëri të ditur se ndaj tij është caktuar masa e paraburgimit dhe se ai është dërguar në Burgun e Shkupit për procedurë të mëtejshme.

The post Ekstradohet nga Serbia në Maqedoninë e Veriut 19-vjeçari nga Shkupi i kërkuar ndërkombëtarisht appeared first on Albeu.com.

Boçvarski rikujtoi se në nisje të mandatit, Toshkovski kishte premtuar një polici profesionale dhe efikase, reforma, nivel më të lartë sigurie dhe forcim të besimit te qytetarët. Sipas tij, ishin premtuar edhe kritere profesionale për avancim, të mbështetura në arsim, përvojë dhe aftësi, e jo në përcaktime politike.

Sipas deputetit të LSDM-së, në vend të reformave të paralajmëruara, janë sjellë zgjidhje ligjore që, siç tha ai, krijojnë mundësi për ndikim politik dhe partizim të policisë.

“U përpoqët përmes parimeve që nuk i takojnë një vendi që synon të anëtarësohet në Bashkimin Evropian dhe NATO, të cenoni parimin e sistemit të karrierës, ligj që seriozisht krijon hapësirë për ndikime politike dhe partizim të policisë si në periudhën deri në vitin 2017”, deklaroi Boçvarski.

Ai theksoi gjithashtu se ekspertët, sindikatat dhe opinioni profesional kanë paralajmëruar edhe më herët për rreziqet që lidhen me politizimin, mungesën e transparencës dhe dëmtimin e sistemit të meritës në MPB.

Boçvarski vlerësoi se qytetarët kanë parë nga afër një përkeqësim serioz të gjendjes së sigurisë në vend. “Në vitet e fundit publiku ishte dëshmitar i një serie vrasjesh, tentativash për vrasje, përleshjesh të armatosura dhe krimesh të tjera të rënda që krijuan ndjenjë pasigurie tek qytetarët”, tha ai.

Ai shtoi se shqetësim shtesë përbëjnë edhe dyshimet për zbulim të sekreteve zyrtare, aferat që lidhen me persona nga rrethet më të larta shtetërore, si dhe rastet që ngrenë pikëpyetje mbi efikasitetin e kontrollit të brendshëm në MPB.

The post Boçvarski: Pas dy vitesh, zotimet e Toshkovskit për siguri dhe polici profesionale dolën fjalë pa mbulim appeared first on Albeu.com.

Nga MPB njoftojnë se më 24.06.2026, në orën 08:20 në Strumicë, zyrtarë policorë nga SPB Strumicë e arrestuan P.P. (48) nga Strumica, pas një kallëzimi të mëhershëm nga ish-partnerja e tij 43-vjeçare. Ajo ka deklaruar se më 23.06.2026, rreth orës 23:00, në oborrin e shtëpisë së saj familjare, pas një përleshjeje të shkurtër, ai e kishte sulmuar fizikisht. Sipas denoncimit, për një kohë më të gjatë ai e kishte keqtrajtuar psikologjikisht dhe fizikisht, si edhe e kishte kërcënuar.

Më 23.06.2026, në orën 16:30, efektivë policorë nga njësia policore në fshatin Zajas, në rajonin e Kërçovës, e privuan nga liria F.R. (45), pasi ishte raportuar se në shtëpinë familjare kishte sulmuar motrën e tij me një send druri.

Në Veles, më 24.06.2026 në orën 03:40, policia nga SPB Veles arrestoi K.Sh. (18), pasi sipas denoncimit ai e mbante në shtëpinë e tij partneren 18-vjeçare nga një fshat i rajonit të Vinicës, e kërcënonte dhe nuk e lejonte të largohej. Për këtë rast janë informuar prokurori publik dhe Qendra për Punë Sociale në Veles.

Po ashtu, më 23.06.2026 në orën 18:30, në rrugën “108” në Tetovë, nëpunës policorë nga SPB Tetovë e ndaluan P.A. (36), pas denoncimit të babait të tij 60-vjeçar. Sipas deklarimit, në oborrin e shtëpisë familjare ai ishte sjellë në mënyrë agresive, kishte dëmtuar një pjesë të orendive shtëpiake dhe kishte kërcënuar atë dhe bashkëshorten e tij.

Në një tjetër rast, më 23.06.2026 në orën 19:40, nëpunës policorë nga NJPB Kriva Pallankë e arrestuan M.S. (19), pasi ishte raportuar se gjatë periudhës së kaluar, në disa raste, kishte ndjekur, shqetësuar dhe kërcënuar ish-të dashurën e tij 18-vjeçare. Siç bëjnë të ditur nga MPB, ai është shoqëruar në stacion policor.

Në përfundim, nga MPB theksojnë se po merren masa për ndriçimin e plotë të rasteve dhe se, pas dokumentimit të tyre, ndaj personave të përfshirë do të parashtrohen kallëzimet përkatëse.

The post Pesë të arrestuar për raste të dhunës në familje në mbarë vendin brenda 24 orëve appeared first on Albeu.com.

Sipas njoftimit, një kamion “Volvo” me targa të Shkupit dhe me rimorkio me targa të Velesit, që drejtohej nga S.D. (55) nga Velesi, ka goditur këmbësorin O.G. (54), po ashtu nga Velesi.

Si pasojë e plagëve të marra, këmbësori ka humbur jetën në vendin e aksidentit, ndërsa vdekja e tij është konfirmuar nga një mjek i Shërbimit të Urgjencës Mjekësore të Velesit.

Nga MPB thonë se shoferi S.D. është privuar nga liria, ndërsa në vendin e ngjarjes është kryer inspektim nga një prokuror publik dhe një ekip inspektimi nga Shërbimi i Kujdesit Shëndetësor i Velesit. Me urdhër të prokurorit publik, trupi i të ndjerit është dërguar për obduksion.

The post Kamioni përplas për vdekje një këmbësor në Veles appeared first on Albeu.com.

Toshkovski theksoi në fjalën e tij se migracioni nuk duhet parë si një çështje e largët politike, por si një realitet të cilin e ndiejnë çdo ditë shtetet, institucionet dhe qytetarët.

Ai u shpreh se migracioni shihet në kufij, në komunitete dhe në jetën e njerëzve, duke shtuar se Maqedonia gjatë viteve ka kuptuar se menaxhimi i mirëfilltë i kësaj sfide kërkon investim të pandërprerë në burime njerëzore, përmirësim të infrastrukturës kufitare dhe bashkëpunim të afërt me vendet fqinje dhe agjencitë evropiane.

Duke folur për Paktin e ri të Bashkimit Evropian për migracionin dhe azilin, ministri theksoi se zbatimi i tij me sukses është i mundur vetëm nëse vendet e Ballkanit Perëndimor përfshihen aktivisht në procesin e përafrimit dhe zbatimit të politikave të reja.

Sipas Toshkovskit, pakti nuk mund të japë efekt të plotë nëse zbatohet vetëm brenda Bashkimit Evropian, ndërsa vendet e Ballkanit Perëndimor mbeten vetëm përballë pasojave dhe vështirësive. Ai kërkoi bashkëpunim real, mbështetje financiare të qëndrueshme, ndihmë operative dhe mekanizma formalë partneriteti që do të sigurojnë harmonizimin e legjislacionit, shkëmbimin e informacionit dhe veprimtari të përbashkëta.

Ministri shtoi se Maqedonia e Veriut mbetet e përkushtuar ndaj modernizimit të menaxhimit kufitar, zhvillimit të konceptit të kufijve inteligjentë, forcimit të trajnimeve dhe shkëmbimit të informacionit me institucionet partnere, si edhe mbrojtjes së kategorive të rrezikuara të qytetarëve dhe luftës kundër kontrabandimit të emigrantëve.

Gjatë takimit priten disa sesione tematike të përqendruara te përgatitjet për Konferencën e Pestë Ministrore të Procesit të Pragës dhe Planin e ri të Veprimit 2028–2032, politikat aktuale të migrimit në rajon, si dhe masat dhe veprimet konkrete për adresimin e sfidave të migracionit.

The post Toshkovski kërkon bashkëpunim dhe mbështetje konkrete për përballimin e migracionit appeared first on Albeu.com.

Nga numri i përgjithshëm, 13 persona janë kapur duke vozitur pa patentë shoferi, mes tyre edhe dy të mitur, ndërsa dy të tjerë kanë drejtuar automjet nën ndikimin e alkoolit.

Sipas njoftimit, në Shkup janë evidentuar gjashtë persona që kanë vozitur pa patentë shoferi, njëri prej tyre i mitur. Dy raste të tilla janë regjistruar në Manastir, ku njëri ishte i mitur, ndërsa nga një person pa patentë shoferi është ndaluar në Dellçevë, Shtip, Kumanovë, Negotinë dhe Makedonski Brod.

Po ashtu, nga një person në Shkup dhe në Veles është konstatuar se kanë drejtuar automjet nën ndikimin e alkoolit.

“Pas dokumentimit të plotë të rasteve, ndaj tyre do të parashtrohen kallëzime penale përkatëse”.

“U bëjmë apel të gjithë pjesëmarrësve në komunikacion që t’i respektojnë rregullat dhe rregulloret e komunikacionit, të mos drejtojnë automjet pa e dhënë provimin për patentë shofer, ose nëse u është shqiptuar masë ndalimi për drejtim ose nëse janë nën ndikimin e alkoolit, si dhe të gjithë bashkërisht të kontribuojmë për një komunikacion më të sigurt”, thonë nga MPB.

The post 15 shoferë ndalohen në mbarë vendin për vozitje pa patentë dhe nën ndikimin e alkoolit appeared first on Albeu.com.

Sipas njoftimit, më 22.06.2026, rreth orës 18:20, efektivët policorë të NJPB Kavadar e ndaluan R.Sh. (18) nga Rosomani.

Me urdhër të Gjykatës Themelore të Kavadarit, është kryer kontroll në banesën e tij dhe në hapësirat ndihmëse, gjatë të cilit janë gjetur dhe konfiskuar marihuanë si dhe një substancë e bardhë në formë pluhuri.

I dyshuari më pas është dërguar në stacion policor, ndërsa për rastin është vënë në dijeni prokurori publik kompetent.

Nga MPB bëjnë të ditur se, pasi ngjarja të dokumentohet plotësisht, ndaj tij do të ngrihet kallëzimi përkatës.

The post Aksion antidrogë në Rosoman, arrestohet një 18-vjeçar appeared first on Albeu.com.

Sipas njoftimit të policisë, ngjarja ka ndodhur më 22.06.2026, rreth orës 22:50, në rrugën “Magjistralja e Adriatikut” në Shkup, ku forcat policore ndaluan një automjet të markës “Ford” me targa të Shkupit, që drejtohej nga M.I. (19) nga Shkupi.

Nga kontrolli i kryer është zbuluar se në automjet po transportoheshin rreth 90 dërgesa me produkte të ndryshme, të futura në qese të zeza dhe pa dokumentacion përkatës. Po gjatë verifikimeve, është konstatuar edhe se shoferi nuk kishte patentë shoferi të kategorisë B.

Policia bëri të ditur se pronar i automjetit është E.Sh. (20) nga Shkupi. Pas kontrollit, të dy janë shoqëruar në stacion policor dhe janë privuar nga liria për procedura të mëtejshme.

Ndaj M.I. do të ngrihet kallëzim penal për drejtim automjeti pa patentë shoferi të vlefshme, në bazë të nenit 297-a paragrafi 2 të Kodit Penal.

The post Dy të arrestuar në Shkup pas zbulimit të 90 dërgesave me mallra pa dokumente appeared first on Albeu.com.

Sipas të dhënave, më 21.06.2026 në ora 15:45, në NJPB Prilep është raportuar për një përplasje në këtë aks rrugor mes një veture pasagjerëse “Toyota” me targa të Manastirit, që drejtohej nga D.R. (24) nga fshati Musinc, komuna e Mogillës, një automjeti “Seat” me targa të Kavadarit, të cilin e ngiste V.M. (54) nga Manastiri, si dhe një automjeti “Mazda” me targa të Shkupit, i drejtuar nga G.M. (51) nga Shkupi.

Nga aksidenti, V.M. ka pësuar lëndime të rënda trupore, ndërsa me lëndime trupore kanë përfunduar bashkudhëtarët e saj S.V. (37), N.V. (40) dhe dy të mitur, të gjithë nga fshati Vozarci i Kavadarit, si edhe dy drejtuesit e automjeteve D.R. dhe G.M. Lëndimet janë konstatuar në Spitalin e Qytetit në Prilep, ndërsa një ekip hetimor i NJPB Prilep ka kryer këqyrjen në vendin e ngjarjes.

The post Shtatë të lënduar nga një aksident në aksin rrugor Prilep–Manastir appeared first on Albeu.com.

Kërkesa për këtë interpelancë ishte dorëzuar në maj nga e majta opozitare, e cila e akuzon Toshkovskin për sabotim të hetimeve, drejtësi selektive, punë joprofesionale të policisë dhe konflikt interesi.

Sipas Gashit, një ditë pas shqyrtimit të interpelancës për ministrin Toshkovski, në Kuvend do të zhvillohen pyetjet e rregullta parlamentare për kryeministrin dhe ministrat. Ai bëri të ditur gjithashtu se gjatë ditës së nesërme pritet të arrijë në Kuvend rebalanci i Buxhetit për vitin 2026.

Lidhur me seancën ku deputetët do të votojnë për përbërjen e rindërtuar të Qeverisë, Gashi tha se ajo do të caktohet pasi Qeveria ta dorëzojë propozimin në Kuvend.

“Pa pasur një propozim për ndryshim në Kabinetin Qeveritar, nuk mund të paragjykojmë asgjë. Varet nëse do të ketë një propozim të ri dhe kur do të paraqitet”, deklaroi Kryetari i Kuvendit.

The post Interpelanca ndaj ministrit Pançe Toshkovski në seancën plenare të së mërkurës appeared first on Albeu.com.