Lili tha se një grua kishte kuptuar që burri i saj shkonte me nusen e djalit, e këtë donte t’ia vërtetonte të birit. Bashkëshorti i saj e kishte pranuar dhe i kishte thënë se ‘më mirë të ndodhë brenda shtëpisë se sa jashtë’.

Detektivja vijoi duke thënë se zonja në fjalë kishte arritur që të bënte një video falë një pajisje që i kishte dhënë ajo. Videon ia kishte dërguar djalit, i cili kishte vite që jetonte pa dokumente jashtë Shqipërisë.

Pa emra dhe pa shkuar në thellësi, me jep ndonjë histori tronditëse që edhe për ty ka qenë tronditëse.

Historitë tek unë janë nga më të ndryshmet, nuk ngjajnë me njëra-tjetrën edhe pse thelbi është i njëjtë, por kanë ato historitë e ndryshme. Raste të çuditshme janë tradhtitë brenda për brenda familjes, që do të thotë kunata shkon me kunatin apo që janë brenda gjakut. Këto janë raste që mua më prekin shumë dhe është shumë e vështirë që unë të punoj në këto raste. Kam patur një rast, jo tani shpejt, që vjehrri shkonte me nusen e djalit. Djali ishte jashtë Shqipërisë, punonte jashtë. Ajo që më ka telefonuar për këtë gjë ishte vjehrra.

Po. Kur ma ka treguar historinë thoja ‘a është mirë kjo zonja’. Dyshoja në kuptimin që mbase nuk është mirë psikologjikisht.

Është rast ekstrem. Djali ishte në një shtet që nuk ishte i pajisur me dokumente dhe kishte shumë vite pa ardhur në Shqipëri. Ishte martuar, kishte bërë një fëmijë me nusen dhe ishte larguar. Shumë vite pa ardhur, vetëm komunikonte me telefon me bashkëshorten. Ajo jetonte me prindërit. Ky rast është në zonat e thella të Shqipërisë dhe jo në Tiranë apo qytete të mëdha. Vjehrra e nuses që e kishim si objektiv, kur e tregonte, unë dyshoja pasi ishte e pabesueshme për mua. Për mua është tabu e madhe, është ekstrem, fundi i botës.

Çfarë moshe kishte vjehrri dhe nusja?

Vjehrri gati 70 vjeç dhe nusja ishte 28-29 në atë kohë. Mënyra se si m’a transmetonte zonja në fjalë, më thoshte që ‘unë jam në dijeni dhe ja kam transmetuar dhe bashkëshortit’. Ajo tha se bashkëshorti kishte thënë se ‘është më mirë brenda shtëpisë se sa jashtë shtëpisë’.

Se donte t’ia faktonte djalit. Se me bashkëshortin ishte në rregull ajo pasi ai e kishte pranuar. Ajo donte të kishte bashkëpunim me djalin që t’u ndante nga nusja. Sepse është shumë e rëndë që t’ia transmetosh djalit vetëm me fjalë.

Çfarë ndodhi me këtë histori?

Unë thashë se është shumë e vështirë për t’i zbuluar këto raste se brenda në familje. Çfarë ndodh, ndodh brenda. E vetmja gjë që e ndihmova për t’a realizuar atë ç’ka ajo donte, për t’a transmetuar te djali i saj, unë e pajisa me një mjet të fshehtë që ne e përdorim. Ajo e faktoi vetë, thjesht e bleu. Pjesa e investigimit nuk funksiononte në atë lloj marrëdhënie. Ishte e pamundur se ato nuk do të dilnin jashtë, diku, sidomos në atë zonë ku ishin ato. Edhe po të dilnin, ato ishin brenda për brenda familjes, ça do faktoje. Po ka dalë me vjehrrin apo me nusen, kanë shkuar diku. Ishte tej mase e vështirë dhe e mora paraprakisht këtë dhe i thashë ‘ky rast nuk ndiqet në ambientet e jashtë, duhet brenda për brenda’. Zonja në fjalë shumë e zgjuar, ishte goxha e përgatitur dhe shumë bashkëpunuese. Ajo e realizoi vetë këtë gjë, kuptohet me ndihmën që unë ia shita pajisjen. Pasi unë kam folur më vonë, më tha ‘e realizova’. Telefonata e saj ka qenë shumë e lumtur pasi tha se ishte në bashkëpunim me djalin. Djali e mbështeste shumë nënën pas kësaj. Ajo ia kishte transmetuar në vija të përgjithshme por ishte e papranueshme.

Si përfundim mbaroi ky zinxhir shëmtie?

Unë kam parë dhe videon që më ka sjellë zonja në fjalë

Jam shokuar, nuk di çfarë të them.

Me atë rast kam vërtetuar se ka ardhur fundi i njerëzimit. Zonja në fjalë ia ka transmetuar videon djalit dhe ai është ndarë nga nusja.

I çoi videon e të atit me nusen?

Absolutisht. Djali ka ardhur në Shqipëri dhe pse ishte pa dokumente. Është përballur me këtë, ka marrë nënën dhe është larguar, me babain nuk ka asnjë komunikim.

Deri para pak kohësh kam patur kontakt me zonjën në fjalë dhe është në proces divorci. Po lufton për t’a marrë vajzën në kujdestarinë e tij. Ka një problem se është pa dokumente dhe është e vështirë për t’a tërhequr atje ku jeton. Ky është rasti më ekstrem për mua.

The post “Nëna i çoi djalit videon e babait me nusen…”/ Detektivja e njohur zbulon rastin EKSTREM të tradhtisë: Jam shokuar kur … appeared first on Albeu.com.

Ajo ka rrëfyer versionin e saj për atë që ndodhi në mëngjesin e ngjarjes, duke pretenduar se gjithçka ka nisur pas ndërhyrjes së policisë në ambientet ku ndodhej djali i saj.

Pyetje – Ju thoni se djali juaj nuk qëlloi i pari mbi policinë?

“Polici i ra me parë, pastaj qëlloi djali im. Policia nuk tha as dorezohuni, as që ishin polic. Violandi ishte fshehur në cep dhe kaloi lart”.

Pyetje – Sa kohë kishte Violandi që rrinte me ju?

“Violandi me mua jo se rrinte, ishte i dënuar 10 vite. Nuk me rrinte këtu mua, vinte thjesht ndonjëherë të hante bukë. Jetonte në mal, vetëm në mal. Asnjëherë nuk shkonte në fshat apo qytet. Kjo situatë ka 8 vite kështu. Për 10 gram hashash, dy gramë i gjetën në shtëpi, pastaj ja bene 10 gramë ”.

Pyetje – A ka kultivuar djali juaj këtu ndonjëherë hashash?

“Asnjëherë, në Vlorë punuam me ndertim, merrnin lek, bëmë 30 dhi rrace dhe i sollëm ketu në Lozhan ”.

Pyetje – A është e vërtetë që shteti u ka ndihmuar me fonde?

“Kemi marrë. Jo se më ka ndihmuar por i ka rregulla shteti këtu se unë e kam blegtorinë. Jo thotë Artan Hoxha farë Hashashi etj, ja shikoni shtëpinë. Çfarë nuk kemi dëgjuar”.

Pyetje – Si ndiheni ju si nënë, një punonjës policie ndërroi jetë?

“Më vjen shumë keq, edhe djali im të kishte vdekur. Nuk ka faj as djali im as polici. Se dhe polici i urdhëruar është. Ai të bënte këtë gjë, të thoshte; ‘Ndal”. Nuk do ishte situata e këtillë”.

Pyetje – A ka patur raste kur ka ardhur me pare policia dhe Renea për të kapur Violandin?

“Disa herë. Nuk bënë këtë që bënë këta. Jo se ka qenë shumë herë, një rast pata”.

Pyetje – Çfarë mesazhi keni për familjen e policit të rënë?

“Më vjen shumë keq, zere sikur me vdiq djali im. Me vjen keq e për të, as nuk i njoh, as nënën as babanë, as djalin. Me vjen shume keq. Jam me ata. Me dhimbset e ai djalë. Nuk e njoh e nuk me njeh. Detyra e tij”.

Pyetje – Do e takosh Violandin?

“Do e takoj se e kam djalë. Me dhimbset. Kam gjithë këto vite me të”.

Pyetje – Si ka mundësi që mbante armë, a e dinit ju? I rrezikohen jeta vetëm nga policia apo e të tjerë?

“Nuk e dija që kishte armë. Nuk e kisha parë asnjëherë me armë. Nuk ka djali ti thotë nënës mbaj armë”.

Pyetje – A ke tentuar ndonjëherë t’i mbushesh mendjen te dorëzohet?

“Shumë herë. Vetëm i vinte inat, thoshte të dënohem 10 vite për dy gramë hashash, nuk shkel në polici. Hashashi nuk u gjet në shtëpinë time apo në makinën time por në banesë të braktisur”.

Pyetje – Ka patur fjalë se Violandi ka shpëtuar këto vite sepse bashkëpunonte me policinë?

” Çfarë thua? Ata e kishin halë në sy. Halë në sy, çdo vend kontroll, nga të katra anët, kudo që dilte djali do bënin kontroll makinat e çfarë kishte me vete”.

Pyetje – Një ditë para ngjarjes, a iku bariu juaj nga puna?

“Ka ikur sepse e  kemi bërë me llaf që do merrte 1 milion lek rrogën po te rrinte mbi një vit. Ai ndenji 10 ditë dhe kërkonte 33 mijë lek ditën. Kaq lek ke – i thashë. Ishte shumë mashtrues”.

Pyetje – Ju besoni që Violandi nuk ka lidhje me lëndët narkotike? Flitet me bariun ka patur bashkëpunim?

“Çfarë nuk thonë. Nuk bëhet fjalë ta lajmëronte ai policinë, ai 10 ndenji. Kur u bë lenda narkotike, kur u shit për 10 ditë”.

The post Vrasja e efektivit Enea Mekolli/ Flet për herë të parë nëna autorit: Polici nisi të qëllonte i pari, më pas djali u hodh nga dritarja… appeared first on Albeu.com.

Ndërsa autori i dyshuar i vrasjes së efektivit Enea Mekolli, Violand Braçellari, ndodhet jashtë rrezikut për jetën por do të vijojë të marrë trajtim mjekësor te Trauma.
Nëna e Violand Braçellarit është shoqëruar nga forcat e policisë në ambjentet e drejtorisë së policisë vendore Korçë ku po merret në pyetje nga grupi i hetimit.

Mëngjesin e sotëm, në zonën malore të Lozhanit, Maliq, policia organizoi një operacion për arrestimin e Violand Braçellari, i cili prej vitesh ishte në kërkim dhe dyshohej se fshihej në një stan në malin e Bodës.

Sipas policisë, kur forcat “Shqiponja” rrethuan stanin dhe i kërkuan të dorëzohej, Braçellari refuzoi dhe hapi zjarr ndaj efektivëve. Nga të shtënat u vra në krye të detyrës efektivi Enea Mekolli, 34 vjeç, ndërsa u plagos me një plumb në nofull, kolegu i tij Edison Adri, 36 vjeç.

Braçellari ishte i dënuar në mungesë me afro 10 vite burg për çështje të lidhura me narkotikët dhe rezultonte në kërkim prej vitesh. Gjatë shkëmbimit të zjarrit ai u plagos nga policia dhe më pas u arrestua.

The post Vrasja e efektivit dhe plagosja e një tjetri në Korçë, shoqërohet në polici nëna e autorit Violand Braçellari appeared first on Albeu.com.

Ai publikoi një fotografi të vjetër krah nënës së tij të realizuar në vitin 2022.

“Para katër viteve para qendrës së rehabilitimit me nënën time”, tha ai fillimisht.

Më pas shtoi: “Në gjendjen më të keqe të mundshme, rikujtim për motivim”.

Me këtë mesazh, Fero duket se ka dashur të japë një reflektim personal dhe një sinjal motivues, duke kujtuar kohën kur po përballej me një situatë jo të mirë.

Ky rrugëtim i tij në një mënyrë tregon se ndryshimi është i mundur, edhe pas periudhave të errëta.

Fero një kohë bëri edhe një distancim nga muzika, për t’iu përkushtuar jetës private.

The post Fero publikon një fotografi të para katër viteve nga qendra e rehabilitimit: Në gjendjen më të keqe të mundshme appeared first on Albeu.com.

Vasil Kallupi, njihet si biznesmen dhe ish-zyrtar ku ka shërbyer si këshilltar për turizmin, gjatë kohës që këtë ministri e drejtonte i ndjeri Bashkim Fino në vitin 2003.

Mesazhi i biznesmenit:

Sot zemra ime u thye në një mënyrë që nuk e kisha njohur kurrë më parë… humba shpirtin që më dha jetë, dritën që më udhëhoqi në çdo hap — mamanë time. 💔 Ajo nuk ishte vetëm nëna ime… ishte shpirti im binjak, lutja ime më e bukur, forca që më mbante kur unë rrëzohesha. Dashuria e saj ishte e pastër, e pafund, hyjnore… një dashuri që nuk do shuhet kurrë, edhe pse sot ajo nuk është më pranë meje. E ndjej në çdo frymëmarrje, në çdo kujtim, në çdo rrahje zemre… sikur një pjesë e saj jeton brenda meje përgjithmonë. Mami im i shtrenjtë, pusho në paqe… shpirti yt u bë dritë në qiell, por për mua do mbetesh gjithmonë shtëpia ime. 🕊️🤍

The post Ndahet nga jeta nëna e biznesmenit të njohur Vasil Kallupi, i biri ndan mesazhin e ndjerë në rrjetet sociale appeared first on Albeu.com.

Foshnja ka lindur dy muaj më parë, prematurë (7 muajsh). Është trajtuar në spitalin e Korçës e më pas në Tiranë, nga ku raportohet se ka dalë në gjendje të mirë shëndetësore, por pas kthimit në shtëpi ka shfaqur probleme të rënda shëndetësore.

Sipas po të njëjtave burime, dyshohet se ka qenë nëna ajo që nuk është kujdesur për foshnjën për ta ushqyer me gji dhe ky dyshohet të jetë shkaku kryesor i gjendjes së rënduar.

Po ashtu, dyshohet se nëna ka probleme të shëndetit mendor, por detaje të reja priten të zbardhen në vijim për të përcaktuar nëse kjo e fundit ka shfaqur shenja të përkeqësimit pas lindjes së fëmijës.

Policia ndodhet në pediatrinë e spitalit, ndërsa mjekët po bëjnë të pamundurën për të shpëtuar foshnjën 2 muajshe.

The post Ngjarje e rëndë në Korçë, foshnja 2 muajshe rrezikon jetën pasi nëna nuk e ushqeu me gji appeared first on Albeu.com.

Ajo ka zbuluar se e ka nisur djalin e saj për në shkollë, por ai nuk ka mbërritur aty. Më tej, ajo deklaroi se e ka kërkuar të birin në lagje dhe se nuk ka gjetur asnjë shenjë nga ai.

Më pas, i është drejtuar Komisartiatit të Policisë, ku ka bërë edhe një kallëzim.

“Djalin unë e kam nisur për në shkollë, me furgonin e shkollës dhe në momentin që djali nuk ka shkuar në shkollë mua më ka njoftuar mësuesja. Jam zgjuar dhe kam shkuar tek shkolla, kam kërkuar nëpër lagje, me atë idenë që mos ka ikur për ndonjë lojë por ai nuk ekzistonte në lagje Kemi hapur kamerat e shkollës por s’kemi parë gjë. Ku s’e kam kërkuar dje dhe nuk kisha asnjë kontakt. Pastaj nga ora 5 e gjys kam ardhur në Komisariat por kallëzimin e përfundova sot”, është shprehur ajo për Euronews.

Më tej, ajo ka deklaruar se e ka marrë në telefon një grua, e cila i ka bërë me dije se 11-vjeçari ndodhej në Portin e Durrësit. Gjithashtu, ajo shprehet se ka lajmëruar të vëllanë, i cili më pas e ka gjetur.

Mes te tjerash,  ajo deklaroi se e kishte dënuar të birin, pasi para disa ditësh kishte pirë cigare me një shok.

“Sot që bëra kallëzimin më merr një grua në telefon pas dy orësh dhe më thotë “djali juaj është parë në portin e Durrësit”. Djali i tha asaj gruas se donte të shkonte në Kosovë, por ajo i tha: “Jo do rrish këtu me ne”. Djali filloi të qante. Telefonoj vëllain dhe ai niset direkt për atje dhe aty ka dalë patrulla dhe kanë gjetur djalin. Unë e kisha “dënuar” sepse para disa ditësh kishte pirë cigare me një shok “mistrec”, dhe i kisha thënë që nuk do të të japë më lekë për bukë sepse ke bërë një gabim tek shkolla”, deklaroi nëna e 11-vjeçarit.

Ajo nuk e dinte sesi 11-vjeçari ka shkuar në Portin e Durrësit. Po ashtu, ajo kishte një apel edhe për prindërit, teksa tha se nuk duhet që t’i lënë fëmijët vetëm.

“Nuk ia kam idenë si ka shkuar deri në Portin e Durrësit por shpresoj që ta zbuloj! Dua ta zbuloj sepse nesër mund të më ndodhë prapë kjo gjë, dhe do i lutesha çdo nëne të mos e linin fëmijën vetëm. Unë si nënë, e kam përjetuar shumë keq dhe nuk do e lë më vetëm asnjëherë në botë. Sepse qenka një dhimbje shumë e madhe, edhe gëzim edhe dhimbje, por mendoj që sot duhet t’i përkushtohemi më shumë fëmijëve”, u shpreh ajo.

The post Zhdukja e 11-vjeçarit në Tiranë/ Nëna zbulon detaje: E kapa duke pirë cigare, si e gjetëm në Portin e Durrësit appeared first on Albeu.com.

Ajo falënderon Zotin për forcën e dhënë në momentet më të vështira, si dhe mjekët, infermierët, familjen dhe të gjithë ata që e kanë mbështetur me lutje dhe dashuri. Postimi i saj është pritur me shumë mesazhe mbështetjeje dhe dashurie nga fansat dhe miqtë, të cilët e kanë përgëzuar për forcën dhe pozitivitetin që po përcjell.

Postimi i saj:

Sot i rashë gongut me një zemër që rreh plot mirënjohje.
Kjo nuk është vetëm fundi i një trajtimi, është dëshmi e forcës, besimit dhe durimit.

Faleminderit Zotit që më mbajti në këmbë, që më dha frymë kur u ndjeva pa fuqi, dritë kur u ndjeva në errësirë dhe njerëz të mirë rreth meje kur kisha më shumë nevojë.

Me zemër mirënjohëse falënderoj çdo mjek, çdo infermiere, familjen time dhe të gjithë ju që më mbajtët me lutje dhe dashuri. Rrugëtimi im nuk ka mbaruar ende, më presin kontrolle dhe hapa të tjerë, por sot po shënoj një fitore të madhe në këtë betejë dhe po festoj jetën.

Rrugëtimi im vazhdon ende, më presin kontrolle dhe hapa të tjerë, por sot ndalem një moment për të ndarë këtë fitore të madhe me ju në këtë betejë dhe për të festuar jetën që vazhdon.

The post Nëna e Beatrix Ramosaj shënon fitore në betejën shëndetësore: Sot i rashë gongut appeared first on Albeu.com.

Një i moshuar ka ndarë një sërë informacionesh dhe detajesh që lidhen me rrethanat e rrëmbimit, lëvizje të dyshimta dhe elementë që mund të hapin pista të reja hetimi për fatin e Bleonës.

Në “Ftesë në 5”, nëna e Bleona Matës, Bukuria, u shpreh se dhimbja e 15 viteve pa drejtësi po e vret çdo ditë dhe se hallat e saj duhet të jenë në burg për rrëmbimin që kanë bërë.

“Kjo dhimbje po më djeg e përvëlon. Por shpresat e mia ringjallin dritë që një ditë do e përqafoj me mall. Mendoj që njëherë do t’ia dëgjoj zërin. Ai dinte shumë gjëra ai zotëria, e falënderoj. Kur ka qenë tek ‘Njerëzit e Humbur’, gjithë fshatarët e mbajtën të fshehtë këtë para policisë se kishin frikë.

Atë ditë është parë një makinë me targa Vlorë. Përse vonoi kaq drejtësia, e përjetojmë këtë dhimbje. Ai zotëria ka thënë: jam moshë e vjetër, e kam ditur këtë informacion por nuk më ka lënë familja. Nuk dua të vdes me këtë brengë, ka thënë. Po të ishte drejtësia e mirëfilltë, nuk do ishin bërë 15 vite dhe 5 vajzat të rrinë të lira. Ato të ndëshkohen me burg derisa të flasin të vërtetën. Ato e dinë pse e kanë tregtuar vajzën. Ato duhet të futen atje ku e meritojnë”.

Ajo hodhi akuza edhe mbi babanë e Bleonës, që nuk e ka denoncuar kurrë humbjen e vajzës.

“Po si ta kërkojë babai, ku është turpi. U zhduk vajza, gjithmonë kishin presion nga vëllezërit. Duke marrë presion mos të nxirrte motrën në TV. Unë denonco, ai tërhiq. Nuk e di çfarë babai është, nuk ka zemër të kërkojë evladin e vet” – u shpreh nëna e Bleonës.

The post Dëshmia tronditëse pas 15 vitesh për Bleona Matën, flet nëna: Hallat e saj duhet të jenë në burg! appeared first on Albeu.com.

Një i moshuar ka ndarë një sërë informacionesh dhe detajesh që lidhen me rrethanat e rrëmbimit, lëvizje të dyshimta dhe elementë që mund të hapin pista të reja hetimi për fatin e Bleonës.

Në “Ftesë në 5”, nëna e Bleona Matës, Bukuria, u shpreh se dhimbja e 15 viteve pa drejtësi po e vret çdo ditë dhe se hallat e saj duhet të jenë në burg për rrëmbimin që kanë bërë.

“Kjo dhimbje po më djeg e përvëlon. Por shpresat e mia ringjallin dritë që një ditë do e përqafoj me mall. Mendoj që njëherë do t’ia dëgjoj zërin. Ai dinte shumë gjëra ai zotëria, e falënderoj. Kur ka qenë tek ‘Njerëzit e Humbur’, gjithë fshatarët e mbajtën të fshehtë këtë para policisë se kishin frikë.

Atë ditë është parë një makinë me targa Vlorë. Përse vonoi kaq drejtësia, e përjetojmë këtë dhimbje. Ai zotëria ka thënë: jam moshë e vjetër, e kam ditur këtë informacion por nuk më ka lënë familja. Nuk dua të vdes me këtë brengë, ka thënë. Po të ishte drejtësia e mirëfilltë, nuk do ishin bërë 15 vite dhe 5 vajzat të rrinë të lira. Ato të ndëshkohen me burg derisa të flasin të vërtetën. Ato e dinë pse e kanë tregtuar vajzën. Ato duhet të futen atje ku e meritojnë”.

Ajo hodhi akuza edhe mbi babanë e Bleonës, që nuk e ka denoncuar kurrë humbjen e vajzës.

“Po si ta kërkojë babai, ku është turpi. U zhduk vajza, gjithmonë kishin presion nga vëllezërit. Duke marrë presion mos të nxirrte motrën në TV. Unë denonco, ai tërhiq. Nuk e di çfarë babai është, nuk ka zemër të kërkojë evladin e vet” – u shpreh nëna e Bleonës./Top Channel/

The post Dëshmia tronditëse pas 15 vitesh për Bleona Matën, flet nëna: Hallat e saj duhet të jenë në burg! appeared first on Albeu.com.