Sipas Rregullores së Punës së Kuvendit, interpelanca shqyrtohet në një procedurë të përcaktuar qartë për paraqitjen dhe votimin. Diskutimi zhvillohet në seancë plenare, zgjat një ditë pune dhe duhet të mbyllet jo më vonë se ora 24:00 të po asaj dite, kur zhvillohet edhe votimi.

Në përmbledhjen e interpelancës, deputeti i “Të Majtës”, Amar Mecinoviq, vlerësoi se “Republika e Maqedonisë së Veriut është një vend i pasigurt për shkak të Ministrisë së saj të Brendshme” dhe se “aparati për sigurimin e qytetarëve nuk po funksionon siç duhet”.

“E vërteta është se situata e përgjithshme në Maqedoni nuk është aty ku duhet të jetë. Maqedonia është një vend i pasigurt për shkak të Ministrisë së saj të Brendshme, e cila nuk po bën ndryshime strukturore për të siguruar atë siguri. Maqedonia është një vend në të cilin aktivitetet normale mund të kenë pasoja më të mëdha sepse aparati për sigurimin e qytetarëve nuk po funksionon siç duhet, sepse shihet si një aparat për mbushjen e kuadrove politike”, tha ai.

Nga ana e tij, ministri i Brendshëm Pançe Toshkovski tha në përgjigjen e tij se do të angazhohej maksimalisht për të përmirësuar gjendjen.

“Do të bëj çmos që të përmirësoj të paktën një gjë në çdo segment, qytetarët e shohin dhe e dinë këtë. Nuk do të gënjej kurrë dhe do të përpiqem të jap çmos, koha do të tregojë nëse kjo do të jetë e mjaftueshme”, tha ministri.

Gjatë debatit, opozita pretendoi se kishte “skandale, lëshime dhe zero përgjegjësi” dhe kërkoi dorëheqjen e tij. Në anën tjetër, Toshkovski dhe deputetët e OBRM-PDUKM-së u kundërpërgjigjën duke përmendur “rezultate konkrete, efikasitet të rritur dhe grupe kriminale të shtypura”, me vlerësimin se nuk ka vend për kërkesë ndaj një ministri që “bën përpjekje dhe ka rezultate”.

The post Kuvendi i RMV-së rrëzon interpelancën ndaj ministrit të Brendshëm Pançe Toshkovski appeared first on Albeu.com.

Boçvarski rikujtoi se në nisje të mandatit, Toshkovski kishte premtuar një polici profesionale dhe efikase, reforma, nivel më të lartë sigurie dhe forcim të besimit te qytetarët. Sipas tij, ishin premtuar edhe kritere profesionale për avancim, të mbështetura në arsim, përvojë dhe aftësi, e jo në përcaktime politike.

Sipas deputetit të LSDM-së, në vend të reformave të paralajmëruara, janë sjellë zgjidhje ligjore që, siç tha ai, krijojnë mundësi për ndikim politik dhe partizim të policisë.

“U përpoqët përmes parimeve që nuk i takojnë një vendi që synon të anëtarësohet në Bashkimin Evropian dhe NATO, të cenoni parimin e sistemit të karrierës, ligj që seriozisht krijon hapësirë për ndikime politike dhe partizim të policisë si në periudhën deri në vitin 2017”, deklaroi Boçvarski.

Ai theksoi gjithashtu se ekspertët, sindikatat dhe opinioni profesional kanë paralajmëruar edhe më herët për rreziqet që lidhen me politizimin, mungesën e transparencës dhe dëmtimin e sistemit të meritës në MPB.

Boçvarski vlerësoi se qytetarët kanë parë nga afër një përkeqësim serioz të gjendjes së sigurisë në vend. “Në vitet e fundit publiku ishte dëshmitar i një serie vrasjesh, tentativash për vrasje, përleshjesh të armatosura dhe krimesh të tjera të rënda që krijuan ndjenjë pasigurie tek qytetarët”, tha ai.

Ai shtoi se shqetësim shtesë përbëjnë edhe dyshimet për zbulim të sekreteve zyrtare, aferat që lidhen me persona nga rrethet më të larta shtetërore, si dhe rastet që ngrenë pikëpyetje mbi efikasitetin e kontrollit të brendshëm në MPB.

The post Boçvarski: Pas dy vitesh, zotimet e Toshkovskit për siguri dhe polici profesionale dolën fjalë pa mbulim appeared first on Albeu.com.

Gjatë interpelancës së zhvilluar ndaj tij në Kuvend, ai sqaroi se Kuçulovski po ua drejtonte këto thirrje fëmijëve të moshës 14 dhe 16 vjeç.

“Nuk doja ta bëja publik këtë lloj informacioni, por ky është fakt. Tani, çfarë duhej të bënte policia, t’ia rregullonte flokët?”, iu drejtua Toshkovski deputetes së “Të Majtës”, Jovana Mojsoska.

Në fund të prillit, Ministria e Brendshme publikoi një njoftim ku thuhej se udhëheqësi i rinisë së “Së Majtës” kishte shfaqur një flamur palestinez në ndeshje dhe se, në përputhje me ligjin, synimi kishte qenë parandalimi i dhunës dhe i sjelljes së padenjë./Telegrafi/

The post Toshkovski: Kreu i rinisë së “Të Majtës” u ndalua pasi u thirri “vrasës” 14-vjeçarëve, jo për flamurin palestinez appeared first on Albeu.com.

Ai thekson se me këtë veprim, “E Majta” ka dëshmuar edhe një herë se, me vetëdije ose jo, po shndërrohet në aleatin më të dobishëm të LSDM-së dhe BDI-së.

Pas shpalljes së interpelancës nga “E Majta”, Toshkovski reagoi në profilin e tij në Facebook, ku shkroi se kjo është interpelanca e tretë e paralajmëruar kundër tij në më pak se dy vjet. Sipas tij, njësoj si dy rastet e mëparshme, edhe kjo është prezantuar përmes një konference për shtyp të inskenuar, më tepër si një performancë e lirë politike sesa mbi argumente thelbësore.

Sipas Toshkovskit, interpelanca përbën një të drejtë demokratike të opozitës, të cilën ai thotë se e respekton plotësisht.

“As nuk kam ikur dhe as nuk do të iki nga debati. Përkundrazi, do t’i përballoj argumentet aty ku duhet, në Kuvend, publikisht, para të gjithë deputetëve dhe para qytetarëve. Atje, të gjithë do të kenë mundësinë të thonë atë që mendojnë, dhe vendimin do ta marrin përfaqësuesit e zgjedhur të popullit, në përputhje me ndërgjegjen dhe përgjegjësinë e tyre. Por gjithashtu nuk mund të hesht për diçka që prej kohësh u është bërë e qartë qytetarëve. E majta ka treguar edhe një herë se, me vetëdije apo pa vetëdije, po bëhet aleati më i dobishëm i LSDM-së dhe BDI-së. Të njëjtat parti kundër të cilave kanë ndërtuar një imazh të një alternative dhe kanë premtuar një politikë të ndryshme, sot praktikisht po i mbrojnë ato përmes sulmeve ndaj kujtdo që përpiqet të vendosë rend, përgjegjësi dhe funksionimin e sistemit”, shkroi Toshkovski.

The post Toshkovski: Interpelanca synon politikisht të frenojë luftën kundër krimit dhe korrupsionit appeared first on Albeu.com.

Toshkovski theksoi në fjalën e tij se migracioni nuk duhet parë si një çështje e largët politike, por si një realitet të cilin e ndiejnë çdo ditë shtetet, institucionet dhe qytetarët.

Ai u shpreh se migracioni shihet në kufij, në komunitete dhe në jetën e njerëzve, duke shtuar se Maqedonia gjatë viteve ka kuptuar se menaxhimi i mirëfilltë i kësaj sfide kërkon investim të pandërprerë në burime njerëzore, përmirësim të infrastrukturës kufitare dhe bashkëpunim të afërt me vendet fqinje dhe agjencitë evropiane.

Duke folur për Paktin e ri të Bashkimit Evropian për migracionin dhe azilin, ministri theksoi se zbatimi i tij me sukses është i mundur vetëm nëse vendet e Ballkanit Perëndimor përfshihen aktivisht në procesin e përafrimit dhe zbatimit të politikave të reja.

Sipas Toshkovskit, pakti nuk mund të japë efekt të plotë nëse zbatohet vetëm brenda Bashkimit Evropian, ndërsa vendet e Ballkanit Perëndimor mbeten vetëm përballë pasojave dhe vështirësive. Ai kërkoi bashkëpunim real, mbështetje financiare të qëndrueshme, ndihmë operative dhe mekanizma formalë partneriteti që do të sigurojnë harmonizimin e legjislacionit, shkëmbimin e informacionit dhe veprimtari të përbashkëta.

Ministri shtoi se Maqedonia e Veriut mbetet e përkushtuar ndaj modernizimit të menaxhimit kufitar, zhvillimit të konceptit të kufijve inteligjentë, forcimit të trajnimeve dhe shkëmbimit të informacionit me institucionet partnere, si edhe mbrojtjes së kategorive të rrezikuara të qytetarëve dhe luftës kundër kontrabandimit të emigrantëve.

Gjatë takimit priten disa sesione tematike të përqendruara te përgatitjet për Konferencën e Pestë Ministrore të Procesit të Pragës dhe Planin e ri të Veprimit 2028–2032, politikat aktuale të migrimit në rajon, si dhe masat dhe veprimet konkrete për adresimin e sfidave të migracionit.

The post Toshkovski kërkon bashkëpunim dhe mbështetje konkrete për përballimin e migracionit appeared first on Albeu.com.

Kërkesa për këtë interpelancë ishte dorëzuar në maj nga e majta opozitare, e cila e akuzon Toshkovskin për sabotim të hetimeve, drejtësi selektive, punë joprofesionale të policisë dhe konflikt interesi.

Sipas Gashit, një ditë pas shqyrtimit të interpelancës për ministrin Toshkovski, në Kuvend do të zhvillohen pyetjet e rregullta parlamentare për kryeministrin dhe ministrat. Ai bëri të ditur gjithashtu se gjatë ditës së nesërme pritet të arrijë në Kuvend rebalanci i Buxhetit për vitin 2026.

Lidhur me seancën ku deputetët do të votojnë për përbërjen e rindërtuar të Qeverisë, Gashi tha se ajo do të caktohet pasi Qeveria ta dorëzojë propozimin në Kuvend.

“Pa pasur një propozim për ndryshim në Kabinetin Qeveritar, nuk mund të paragjykojmë asgjë. Varet nëse do të ketë një propozim të ri dhe kur do të paraqitet”, deklaroi Kryetari i Kuvendit.

The post Interpelanca ndaj ministrit Pançe Toshkovski në seancën plenare të së mërkurës appeared first on Albeu.com.

Në adresimin e tij, Toshkovski tha se të dhënat që posedon Ministria e Punëve të Brendshme tregojnë një rritje të ndjeshme si të dhunës në familje, ashtu edhe të dhunës mes bashkëmoshatarëve. Sipas tij, ekspozimi ndaj dhunës brenda familjes mbetet një nga faktorët kryesorë të rrezikut për shfaqjen e sjelljeve agresive te fëmijët dhe të rinjtë.

“Gjatë periudhës nga 1 janari deri më 28 maj të këtij viti janë regjistruar 768 vepra penale që kanë të bëjnë me dhunën në familje, kundrejt 460 në periudhën e njëjtë të vitit të kaluar, që paraqet një rritje prej 67 për qind. Vetëm në dy javët e para të qershorit janë regjistruar edhe 89 vepra të reja penale në këtë fushë”, deklaroi ministri Toshkovski.

Ai bëri të ditur se MPB-ja vepron me shpejtësi dhe vendosmëri në rastet e dhunës në familje. Gjatë këtij viti, sipas tij, janë dorëzuar 601 kallëzime penale, ndërsa ndaj 609 personave janë ndërmarrë masa të ndjekjes penale.

Sa i përket dhunës mes bashkëmoshatarëve, ministri njoftoi se gjatë këtij viti janë evidentuar 93 incidente në 64 shkolla, shifër kjo që tregon rritje në krahasim me vitin e kaluar.

“Veçanërisht shqetësues është fakti se dhuna ndaj fëmijëve është dyfishuar më shumë, ndërsa vepra penale e përdhunimit të fëmijës nën moshën 15-vjeçare është regjistruar gjashtë herë, krahasuar me vetëm një rast në periudhën e vitit të kaluar. Këto janë të dhëna që nuk guxojnë të mbeten pa reagim”, theksoi Toshkovski.

Sipas tij, ndërhyrja penal-juridike është e domosdoshme, por zgjidhja afatgjatë kërkon parandalim të hershëm, njohje në kohë të rreziqeve dhe veprim të bashkërenduar nga institucionet.

Toshkovski vuri në pah edhe nevojën për shkëmbim informacioni mes policisë, shkollave dhe qendrave për punë sociale, në mënyrë që fëmijët e ekspozuar ndaj dhunës të identifikohen me kohë dhe të shmangen pasoja të tjera negative.

Ministria e Punëve të Brendshme, shtoi ai, e mbështet plotësisht përgatitjen e një protokolli të unifikuar për veprim në rastet kur ka dyshime për dhunë dhe do të vazhdojë me trajnime të pandërprera për nëpunësit policorë, për njohjen sa më të hershme të shenjave të dhunës në familje, veçanërisht kur fëmijët janë viktima ose dëshmitarë.

The post Toshkovski: Dhuna që nis në familje nuk duhet të arrijë në shkolla, ajo duhet zbuluar dhe parandaluar para se të kthehet në vepër penale appeared first on Albeu.com.