Gjatë një deklarate për mediat nga zyra e selisë blu, zëdhënësja e Antikorrupsioni, Genta Vangjeli, tha se Kryebashkiaku Tavo i ka dorëzuar 7308 prona një kompanie private.

Nën drejtimin e Vangjel Tavos, Bashkia Himarë, ka shpallur fituese kompaninë ‘EC PRO PARTNERS’ shpk për një tender me vlerë mbi 500 mijë euro, me objekt: ‘menaxhimin e pronave’ në disa fshatra të Himarës.

Vangjeli deklaroi se dokumentet tregojnë se kompania private do të kryejë regjistrimin fillestar sistematik të pasurive, dhe të tjera e gjithashtu krijimin e bazës së të dhënave për rreth 7308 prona në Çorraj (944 prona), Fterrë (528), Gjilekë (962), Kallarat (750), Pilur (391) dhe Himarë (3733).

Sipas saj, kjo kompani private do të ketë një rol dominues në procesin që përcakton se kush është pronar dhe kush jo në një nga zonat më të lakmuara të Shqipërisë.

Ajo theksoi se dhe vetë Bashkia Himarë pranon në dokumentacionin e tenderit se ekzistojnë probleme të mëdha me kartelat, hartat kadastrale apo regjistrimet e pronave pasi shumë familje rezultojnë me prona të regjistruara në zona të ndryshme kadastrale dhe se administrata nuk ka kapacitetet e nevojshme për të zgjidhur këto problematika.

Në fund, ajo tha se Himara nuk është pronë e Vangjel Tavos apo Edi Ramës, po është është shtëpia e himarjoteve dhe pronat e tyre nuk mund të vendosen në shërbim të interesave të pushtetit dhe të klientëve të tij.

Deklarata e Genta Vangjeli:

Ajo që po ndodh sot në Himarë nuk është thjesht një procedurë administrative por një operacion i mirëorganizuar që rrezikon të vendosë në duart e interesave private fatin e mijëra pronave të banorëve të zonës.

Nën drejtimin e Vangjel Tavos, Bashkia Himarë ka shpallur fituese kompaninë ‘EC PRO PARTNERS’ shpk për një tender me vlerë mbi 500 mijë euro, me objekt: ‘menaxhimin e pronave’ në disa fshatra të Himarës.

Dokumentet tregojnë se kompania private do të kryejë regjistrimin fillestar sistematik të pasurive, dhe të tjera e gjithashtu krijimin e bazës së të dhënave për rreth 7308 prona në Çorraj (944 prona), Fterrë (528), Gjilekë (962), Kallarat (750), Pilur (391) dhe Himarë (3733).

Me pak fjalë, një kompani private do të ketë një rol dominues në procesin që përcakton se kush është pronar dhe kush jo në një nga zonat më të lakmuara të Shqipërisë.

Kompania fituese ka qenë më herët partnere në projekte miliona eurosh me ‘Gjikuria’ shpk, një emër i njohur për interesat e tij të mëdha ndërtimore dhe pronësore në bregdetin e jugut.

Kjo ngre dyshime serioze për një skemë që mund të përdoret për të favorizuar klientët e pushtetit në kurriz të pronarëve të ligjshëm.

Vetë Bashkia Himarë pranon në dokumentacionin e tenderit se ekzistojnë probleme të mëdha me kartelat, hartat kadastrale apo regjistrimet e pronave pasi shumë familje rezultojnë me prona të regjistruara në zona të ndryshme kadastrale dhe se administrata nuk ka kapacitetet e nevojshme për të zgjidhur këto problematika.

Por në vend që shteti të forcojë institucionet përgjegjëse dhe të garantojë mbrojtjen e pronës private, ja dorëzon këtë proces një kompanie private.

Kjo nuk është zgjidhje, kjo është një recetë e rrezikshme për manipulim. Në Himarë, ku prej vitesh zhvillohet një betejë për pronat dhe ku banorët kanë denoncuar vazhdimisht tentativa për tjetërsim, grabitje dhe përvetësim të tokave, një vendim i tillë nuk mund të konsiderohet rastësi.

Pyetja është e thjeshtë:

Kush do të përfitojë nga ky proces? Banorët e Himarës apo oligarkët dhe klientët e pushtetit deri tek vetë Edi Rama?

Partia Demokratike kërkon transparencë të plotë për këtë proces, verifikim të menjëhershëm dhe garanci ligjore se asnjë pronë e himariotëve nuk do të bëhet objekt manipulimi në favor të interesave private. Himara nuk është pronë e Vangjel Tavos as e Edi Ramës. Himara është shtëpia e himarjoteve dhe pronat e tyre nuk mund të vendosen në shërbim të interesave të pushtetit dhe të klientëve të tij. Koha e grabitjes së pronave me vulën e institucioneve duhet të marrë fund.

The post Skandal në Himarë/ PD: Kryebashkiaku Tavo i dorëzon 7308 prona një kompanie private, dyshime për grabitje me vulë zyrtare appeared first on Albeu.com.

Sipas Gazment Bardhit kryeministri duhet të informojë Kuvendin mbi masat që ka marrë qeveria për adresimin e çështjeve të ngritura në rezolutë, përfshirë ligjin për investimet strategjike dhe ndryshimet në ligjin për zonat e mbrojtura, të cilat janë gjithashtu pjesë e kërkesave të protestuesve.

Njoftimi për shtyp i Partisë Demokratike

“Sikurse jeni në dijeni prej datës 31 Maj 2026 e në vijim, në Shqipëri, qytetarë të paanagazhur politikisht, kanë thirrur protesta masive, që morën shkak nga mungesa e plotë e transparencës mbi një projekt zhvillimi në një zonë të mbrojtur. Prej ditësh tashmë masivisht qytetarët marrin pjesë dhe mbështesin këtë protestë paqësore, duke ngritur shqetësime që lidhen kryesisht me keqqeverisjen, abuzimin me pushtetin, mungesën e transparencës në projekte të caktuara, korrupsionin, apo mungesën e shërbimeve ndaj qytetarëve.

Ndër të tjera, qytetarët kanë paraqitur disa kërkesa që kërkojnë adresim të menjëhershëm, sepse janë të bazuara. Konkretisht, qytetarët kanë paraqitur 5 kërkesa, që përfshijnë:
1.Dorëheqjen e Qeverisë;
2.Shfuqizimin e statusit dhe kuadrit ligjor për investimet strategjike;
3. Shfuqizimin e kuadrit ligjor për Paketën e Maleve;
4. Anulimin e ndryshimeve në ligjin për zonat e mbrojtura;
5.Anulimin e ndryshimeve në ligjin për trashëgiminë kulturore shqiptare.

Është evident fakti që zëri i qytetarëve është dëgjuar nga isntitucionet europiane, ku së fundmi në seancën plenare të Parlamentit Europian, shumë eurodeputetë kanë diskutuar mbi zhvillimet në Shqipëri nisur nga protesta masive e qytetarëve. Vetë Parlamenti Europian, në datën 17 Qershor 2026, ka miratuar Rezolutën P10_TA(2026)0217 “Mbi raportin e Komisionit Europian për Shqipërinë për vitin 2025”. Ndër të tjera, në këtë Rezolutë, parashikohet se Parlamenti Europian:

Shpreh keqardhje të thellë për faktin se Ligji i Shqipërisë për Investimet Strategjike i vitit 2015 është zgjatur, duke pasur parasysh se dispozitat e tij mundësojnë procedura të përshpejtuara të dhënies së lejeve dhe reduktim të kontrollit mjedisor, gjë që rrezikon të ketë ndikime negative mbi zonat e mbrojtura dhe zona të tjera me ndjeshmëri të lartë mjedisore. Kërkon shfuqizimin e ndryshimeve të vitit 2024 në Ligjin për Zonat e Mbrojtura, të cilat lejojnë zhvillimin e infrastrukturës turistike në shkallë të gjerë brenda zonave të mbrojtura dhe transferojnë kompetenca kyçe të qeverisjes dhe vendimmarrjes te Këshilli Kombëtar i Territorit, duke dobësuar kështu mbikëqyrjen mjedisore.

Thekson se Komisioni Evropian e ka paralajmëruar Shqipërinë kundër veprimeve që mund të ndikojnë negativisht në rrugën e saj drejt anëtarësimit në Bashkimin Evropian, në kushtet e protestave të vazhdueshme kombëtare lidhur me një projekt zhvillimi luksoz në shkallë të gjerë, i cili kërcënon një zonë të mbrojtur natyrore ku jetojnë flamingot, fokat dhe ku ndodhen vende folezimi të breshkave. Mbështet kritikat e Komisionit në këtë drejtim dhe kujton se përafrimi me legjislacionin mjedisor të Bashkimit Evropian, përfshirë Direktivën për Shpendët dhe Direktivën për Habitatet, është një kusht paraprak për anëtarësimin në BE.

Shpreh shqetësim serioz se zhvillimet në vazhdim brenda zonës së mbrojtur Vjosë–Nartë tregojnë pasojat konkrete të këtyre ndryshimeve ligjore dhe rreziqet që ato sjellin për zonat me vlera të njohura ekologjike. Ndjek nga afër protestat masive dhe paqësore që po zhvillohen në këtë kuadër. I bën thirrje autoriteteve shqiptare që të vendosin menjëherë një moratorium për të gjitha procedurat e reja të lejeve, punimet ndërtimore dhe ndërhyrjet zhvillimore brenda zonave të mbrojtura, derisa dispozitat e papajtueshme të Ligjit të ndryshuar për Zonat e Mbrojtura të jenë shfuqizuar, në përputhje me kërkesat e kahershme të Komisionit dhe Parlamentit Evropian dhe në linjë me standardet përmbyllëse të Kapitullit 27, si dhe derisa të garantohet përputhshmëria e plotë me standardet e Bashkimit Evropian për mbrojtjen e natyrës. Nënvizon se çdo projekt në këtë zonë duhet t’i nënshtrohet vlerësimeve të plota të ndikimit në mjedis, në përputhje të plotë me standardet e BE-së, duke përfshirë një proces transparent konsultimi publik me komunitetet lokale, shkencëtarët dhe shoqërinë civile.

Në këto kushte, me qëllim dhënien e informacioneve dhe shpjegimeve lidhur me shqetësimet sa më lart, në kushtet kur kërkesat e qytetarëve shqiptarë që protestojnë janë gjetur të drejta edhe nga vetë Parlamenti Europian, në mbështetje të nenit 80, pika 1, të Kushtetutës dhe nenit 97, pika 1, të Rregullores së Kuvendit, Grupi Parlamentar i PD ka kërkuar zhvillimin e një interpelance urgjente me kryeministrin Edi Rama, në seancën plenarë më të parë, për të informuar Kuvendit mbi masat që ka marrë Këshilli i Ministrave për adresimin e shqetësimeve të evidentuara në Rezolutën e Parlamentit Europian për 3 pikat më sipër, që rezultojnë të jenë gjithashtu kërkesa të qytetarëve që prej rreth 3 javë protesojnë në mënyrë paqësore”, -thuhet në njoftim.

The post Protestat për Zvërnecin, PD kërkon interpelancë urgjente me Ramën: Të japë llogari për kërkesat e protestuesve dhe rezolutën e PE appeared first on Albeu.com.

Deklaratë e Partisë Demokratike:

Lidhur me Deklaratën e Komisioneres për Fqinjësinë dhe Zgjerimin, zonjës Marta Kos, për krizën e rëndë që po kalon vendi ynë, Partia Demokratike shpreh shqetësimin dhe thekson se ajo është e bazuar në informacionet e rrejshme paraqitur nga miku i saj Edi, dhe jo në realitetin ekzistues në vend. Ajo deklaratë injoron krizën e rëndë që ka mbërthyer Shqipërinë dhe i shërben Edi Ramës dhe jo zgjidhjes së krizës, përkundrazi e acaron dhe e thellon edhe më shumë. Partia Demokratike mbështet plotësisht 5 kërkesat e drejta të protestuesve si kushte për zgjidhjen paqësore të krizës.

The post PD reagon për deklaratën e Marta Kos: Bazohet te informatat e rreme të Ramës dhe thellon krizën appeared first on Albeu.com.

Çela ishte kandidat i PD në zgjedhjet parlamentare të vitit 2025 në listën e hapur, ku siguroi rreth 7,800 vota, duke u renditur ndër kandidatët më të votuar në qark.

Me profesion jurist, ai ka një eksperiencë të gjatë në administratën publike dhe në institucione shtetërore.

Gjatë karrierës së tij ka ushtruar detyrën e juristit në Posta Sh.A., ka shërbyer si inspektor në Shërbimin e Provës, si dhe ish-inspektor në Inspektoratin Kombëtar të Mbrojtjes së Territorit.

The post Zgjidhet kreu i PD-së në Lushnje, ja kush është juristi që do të udhëheqë demokratët appeared first on Albeu.com.

“Vij me strategji, jam strateg. Familja ime janë të anëtarësuar me PD që nga viti 1991, unë kam nisur që në klasë të katërt”, është shprehur Stresi ndër të tjera në një interviztë në emisionin “Shqipëria Live” në Top Channel.

Ai ka folur edhe për lidhjen me reperin tjetër Noizyn, me të cilin tha se ka bërë shaka për ndasitë politike që kanë dhe se nuk e kanë problem. Teksa ka folur edhe për jetën personale duke thënë se psrtneren e ardhshme ka dëshirë të jetë politikane.

“Jam single, nusen e ardhme e dua politikane, serioze”, u shpreh Stresi.

Pjesë nga deklarata e Stresit: “Po merrem me muzikë dhe me postin e ri si anëtar i Këshillit Kombëtar të PD. Iniciativën e mora vetë, kam një periudhë shumë të ngarkuar. Që në ditën që jam zgjedhur anëtar i Këshillit Kombëtar, kam nisur punën me elektoratin tim. Dua të anëtarësoj sa më shumë të rinj me PD.

Vij me strategji, jam strateg. Familja ime janë të anëtarësuar me PD që nga viti 1991, unë kam nisur që në klasë të katërt. Te kjo foto ku unë jam krah Berishës. Unë jam spartani i PD dhe nuk i kam shitur asnjëherë idealet e mia. Këlliçi dhe Balliu më kanë sugjeruar dhe mbështetut dhe ndodhi.

Unë shkoj në seli çdo ditë. Takoj njerëzit aty, më presin shumë mirë, diskutojmë. Unë jam për rininë, nuk premtoj çudira për ta, por do të jem zëri i tyre dhe me ta. Berisha ende nuk më ka dhënë këshillë, pres ta takoj më padurim, kam bërë kërkesë që ta takoj dhe i premtoj se do të bëjmë gjëra të mira.

Babai im është njeriu më krenar për mua. Me Noizyn bëjmë shumë shaka për ndasitë politike dhe nuk kemi probleme për këtë. Vumë bast për zgjedhjet me 100 euro. Fitoi ai dhe kur ia dhashë, i thashë të m’i kthejë sepse zgjedhjet janë vjedhur. Bëjmë edhe humor.

Nëse do të bëhesha deputet, nuk do të më përballonin. Unë di shumë gjëra, edhe që nuk dihen. Kam miq socialistë, por në fund nuk bëjmë kompromis. Sa i përket Zvërnecit, unë jam pro investimit, por me transparencë ndaj popullit. Jam dakord që një kompani e madhe të investojë në Shqipëri, por këtu ka një ngërç.

Artistikisht, komuniteti LG, si quhet, është organizatë terroriste, sepse shuan familjen. Ata më përndjekin, por ky është mendimi im. Unë mbroj vlerat e familjes, traditës shqiptare. Kjo protestë për Zvërnecin më pëlqen se qytetarëve u ka dalë frika.

E them pa problem, tani mund të dalin në protestë edhe nga administrata. Gjithashtu, shumica e atyre qytetarëve janë votues të PS, që nuk janë të kënaqur me qeverinë. Djalit (Clevios) i uroj shumë suksese, është i talentuar. Jam rritur me të, nuk di asgjë rreth marrëdhënieve dhe asaj që bën ai, i uroj më të mirat. Jam single, nusen e ardhme e dua politikane, serioze”

The post “Jam strateg, nuk më përballojnë dot po të bëhem deputet di shumë gjëra!” Nga Noizy, familja e deri te politika e jeta private Stresi flet si zyrtar i PD: E dua nusen politikane appeared first on Albeu.com.

Opozita e cilësoi këtë udhëzim si të jashtëligjshëm dhe si një kërcënim për vlerat e familjes tradicionale. Ata gjithashtu ngritën shqetësimin se ky vendim rrezikon të shkurtojë fondet për shërbime të tjera jetike shëndetësore.

Nga ana tjetër, deputetët socialistë refuzuan prerazi që ministrja Sala të paraqitej në Komision për të dhënë llogari. Përmes fuqisë së kartonit, mazhoranca rrëzoi kërkesën, gjë që u konsiderua nga opozita si një shmangie e pastër e llogaridhënies.

The post Terapia hormonale në QSUT/ Debate dhe përplasje mes PS-PD në komisionin e Shëndetësisë appeared first on Albeu.com.

Ky vendim u miratua pa diskutime, ndërsa më pas seanca do të vijojë me diskutimet e deputetëve.

Komisioni për Ekonominë dhe Financat:
Milva Ikonomi kryetare, Erion Braçe zëvendëskryetar (PS), Eno Bozdo zëvendëskryetar (PD), Zamira Sina sekretare.

Komisioni për Çështjet Ligjore dhe Administratën Publike:
Ulsi Manja kryetar, Damian Gjiknuri dhe Oerd Bylykbashi zëvendëskryetarë, Aurora Mara sekretare.

Komisioni për Çështjet e Brendshme dhe Mbrojtjen:
Bledar Çuçi kryetar, Olta Xhaçka dhe Klivis Balliu zëvendëskryetarë, Ilirjan Pendavinji sekretar.

Komisioni për Edukimin dhe Sportin:
Luciano Boçi kryetar, Evis Kushi dhe Hatixhe Konomi zëvendëskryetare.

Komisioni për Shëndetësinë:
Bardh Spahia kryetar, Eduart Shalsi zëvendëskryetar, Enerjeta Jaho sekretare.

Komisioni për Burimet Natyrore dhe Infrastrukturën:
Anila Denaj kryetare, Ceno Klosi dhe Blendi Himçi zëvendëskryetarë, Ilva Gjuzi sekretare.

Komisioni për të Drejtat e Njeriut dhe Informimin Publik:
Jorida Tabaku kryetare, Iris Luarasi zëvendëskryetare, Ardit Bido sekretar.

Komisioni për Bujqësinë dhe Zhvillimin Rural:
Blendi Klosi kryetar, Fadil Nasufi dhe Xhelal Mziu zëvendëskryetarë, Samir Hasalla sekretar.

Komisioni për Kulturën dhe Diasporën:
Ina Zhupa kryetare, Erion Malaj zëvendëskryetar, Arkenc Balla sekretar.

Komisioni për Europën dhe Punët e Jashtme:
Igli Hasani kryetar, Bora Muzhaqi dhe Albana Vokshi zëvendëskryetare.

Komisioni për Nismat Qytetare:
Fatmir Xhafaj kryetar, Ermal Elezaj dhe Ivi Kaso zëvendëskryetarë, Aulona Bylykbashi sekretare.

The post Komisionet e Përhershme Parlamentare/ PS merr drejtimin e shumicës, i lë PD-së vetëm 4 poste drejtuese appeared first on Albeu.com.

Ai tha se kryeministri Rama e di më mirë se askush tjetër, se për një projekt si Zvërneci rëndësi ka kush përfiton, kush është pronari dhe kush janë pronarët përfitues fundorë. Bardhi tha se shqiptarët duan emrat e atyre që fshihen pas kompanive, të cilëve kryeministri Rama u ka firmosur lejen e zhvillimit.

Reagimi i Gazmend Bardhit

Zoti Kryeministër,

E dëgjova dy herë fjalimin tënd 70-minutësh. Një mundim i madh, por doja të sigurohesha që nuk më kishte shpëtuar detaji më i rëndësishëm. Për fat të keq, ishin 140 minuta të çuara dëm. Nga fjalimi yt tani e kam të qartë çfarë mendon për Katarin, Gazën, Izraelin, Greqinë, Malin e Zi dhe për këdo tjetër, të fe e të pafe, që të doli përpara në ato 70 minuta.

Madje u njoha edhe me idenë prekëse të tërheqjes në katundin tënd të vogël në Surrel, mes vilës, pronave dhe halleve të jetës së fshatit. Por një gjë krejt e thjeshtë, që mund ta sqaroje në 30 sekonda, mbetet ende mister. Kush janë pronarët përfitues fundorë të projektit në Zvërnec që fshihen pas kompanisë së regjistruar në parajsë fiskale në Hollandë? Këtë nuk na e the, edhe pse për 70 minuta nuk le gjë pa na treguar:

Kush u interesua për Zvërnecin.
Kush po investon në Zvërnec.
Kush na ka zili. (Perlë.)
Kush po na mashtron. (Akoma më perlë.)
Madje dëgjuam me interes edhe për patriotizmin, vizionin dhe sakrificat e tua në emër të atdheut.

Por jo për pronarët.

Zoti Kryeministër,

Ti e di më mirë se askush tjetër se për një projekt të tillë nuk ka rëndësi vetëm kush interesohet, kush investon, kush e promovon apo kush del në fotografi. Këto dihen prej kohësh. Për një projekt si Zvërneci rëndësi ka kush përfiton. Kush është pronari. Kush janë pronarët përfitues fundorë.

Shqiptarët duan emrat. Emrat e atyre që fshihen pas kompanive-guackë dhe të cilëve ti u ke firmosur lejen e zhvillimit. Sot na the edhe se do të ndërtojnë ishuj në det. Kjo është një temë më vete, sepse po sot na sigurove gati me ngashërim se në këtë projekt nuk ka asgjë shtetërore. Se gjithçka është pronë private. Që kur deti në Vlorë është bërë pronë private dhe nuk e paskemi marrë vesh? Por mos u mundo sot për këtë. Sot pyetja është edhe më e thjeshtë.

Kush janë pronarët përfitues fundorë?

Nëse nuk përgjigjesh dot, atëherë mos na harxho kohën me hartime patriotike dhe vegime apokaliptike. Sepse kështu mund të mbrosh ndonjë interes tëndin, por jo interesin publik. Dhe nga gjithçka që the në ato 70 minuta të mundimshme për t’u dëgjuar, vetëm një ide ia vlen të mbahet mend: Të ikësh në katundin tënd. Ide e shkëlqyer. I mbyllur në Surrel do të bëje shumë më pak dëm!

The post Bardhi reagon ndaj Ramës: Nuk kishte transparencë! Kush po investon në Zvërnec? appeared first on Albeu.com.

Mes emrave që kanë siguruar një vend në Këshillin Kombëtar bie në sy edhe reperi i njohur Arkimed Lushaj, i njohur për publikun me emrin artistik Stresi, i cili është zgjedhur anëtar i ri i këtij forumi drejtues të Partisë Demokratike. Në listën e fituesve figurojnë gjithashtu emra të njohur si Adriana Kalaja, Floriana Garo, Ilir Alimehmeti, Genc Pollo dhe Myslym Murrizi. Po ashtu vihet re një rritje e numri të përdaqësisë së vajzave dhe grave.

“Pas votimeve në Kuvendin Kombëtar të Partisë Demokratike që u mbajtën një ditë më parë, rezulton se kandidatët fitues për anëtarë të Këshillit Kombëtar të Partisë Demokratike, mes tyre kandidatë me pikë të barabarta në limitet e listës, janë pasqyruar si më poshtë.

Është për tu vlerësuar vullneti i anëtarëve të Kuvendit Kombëtar për të tejkaluar minimumin statutor për përfaqësimin e të rinjve, nga minimumi 15 % në 30 % të listës fituese, dhe po ashtu respektimi i kuotës së re për përfaqësimin e grave dhe vajzave.

Kjo është në të njëjtën frymë me mesazhin kyc të Kuvendit Kombëtar për ripërtëritjen dhe hapjen e Partisë Demokratike.

Gjithashtu, sqarojmë se listës fituese nga votimi i Kuvendit Kombëtar do t’i shtohet sipas pikës 2 të nenit 44 të Statutit, 15 % e anëtarëve përfaqësues të Diasporës, të cilët zgjidhen më vonë, me propozim të Kryetarit të Partisë dhe miratim me vendim të Kryesisë së PDSH”, thuhet në njoftomin e PD-së.

LISTA FITUESE PËR KËSHILLIN KOMBËTAR TË PARTISË DEMOKRATIKE:

ADELA QEMALLI

ADI FIKU

ADRIANA GJONAJ

ADRIANA KALAJA

ADRIANA TOLKA

AGRON KULIÇAJ

AGRON LOKA

AGRON QOKU

AIDA SHEHU

AKIL KRAJA

ALBANO STOLAJ

ALBERT AVDULAJ

ALBERT LOÇI

2

ALEKSANDËR BIBERAJ

ALEKSANDER LALA

ALFRED HALILAJ

ALFRED LELA

ALFRED PLLUMBI

ALKETA LUGAJ

ALKETA MUKAVELATI

ALMA KORE

ALTA AZIZI (HALUCA)

AMANDA ZEQIRI

ANA KADILLARI

ANDI DOLLAPI

ANDIA ULLIRI

ANDREA MANO

ANISA KADESHA

ANKELITA ÇELA

ANTON PJETERNIKAJ

ANXHELA MALKO

ANXHELO KARALLIU

ARBEN BEQIRI

ARBEN IBROJA

ARBEN QIRJAKO

ARBEN SEFGJINI

ARBEN SULO

ARDIAN FERO

ARDIAN MUKA

ARDIAN TURKU

ARJAN DEDEJ

ARKIMED LUSHAJ

ARLIND AHMETAJ

ARMEND MUSAJ

ARNOLD KARIQI

ARSEN DUSHKU

ARVIT BUSHATI

ASLLAN DOGJANI

ASTRIT KASAJ

ATIRD HOXHA

AUREL BYLYKBASHI

AVENIR PEKA

3

AVNI TOBLI

AZEM HAJDARI

BASIR ÇOLLAKU

BEDRI HOXHA

BESART LOGU

BESNIK ALIAJ

BESNIK DERVISHI

BESNIK DUSHAJ

BISLIM AHMETAJ

BJANKA ÇOPJA

BLED PRENDI

BLEDI KASMI

BRIKENA KASMI

BUJAR VUKAJ

ÇAJUP SHEHAJ

ÇLIRIM GJATA

DAFINA MUDA

DANIEL SINO

DANIELA MACAJ (ALIA)

DANJELA SHYTI

DASHAMIR TAHIRI

DASHNOR ALIKO

DAVA MARKU

DENISA KELE

DESADA XHETANI

DESANTILA ORIZAJ

DHURATA ÇUPI

DORIAN TELITI

DRITAN CANI

EDITH HARXHI

EDLIRA HARIZI

EDVIN CAMI

EGLANTINA SHKEMBI

ELEINA QIRICI

ELGI HYKA

ELISABETA MICALLIU

ELISABETA SKRAPARI

ELJONA SHKRELI

ELONA MARGILAJ

4

ELVIS MALASI

EMA BUSHATI

EMILIA KOLIQI

EMILJANO DERVISHI

EMILJANO KAPLLANI

EMRI VATA

ENDIRE BUSHATI

ENKELEDA VELIU

ENKELEJDA SALLAKU

ENRI CENO

ERALDA BANO TASE

ERGES ESKIU

ERGYS HASA

ERJON ZOGU

ERVIN ALLA

ERVIN MINAROLLI

ERZEN LAÇI

ETION KAPEDANI

EVA METAJ

EVEREST DEDAJ

FASLLI GERMIZI

FASLLI GOGA

FATJON BATHORJA

FATJON MANI

FATMIRA KOLA

FERIDE RRAHMANAJ

FESTIM MAQINAJ

FIONA NISHANI

FIORALBA DIZDARI

FLORIANA GARO

FRANC NURI

GAZMEND DIBRA

GAZMIR SPAHIJA

GENC POLLO

GENTI ÇELA

GENTIAN ÇELA

GENTIAN KAPRATA

GENTIAN KOÇI

GJENARIN KAPCARI

5

GJOK VUKSANI

GJON GJONMARKAJ

GLAUK OLLDASHI

GRIGELS MUÇOLLARI

HAKI MUSTAFA

HAVZI AHMATI

ILDA ZHULALI

ILIR ALIMEHMETI

ILIRJAN KOKA

ILIRJANA KUÇANA

IMELDA KRAJA

INDRIT HOXHA

INES NURJA

IVI SHANAJ

JAMARBER MALLTEZI

JONATHAN PANO

JUELA MEÇANI

JULIA EMIRI

JULIAN BEQIRI

JURGEN SPAHO

KASTRIOT SULKA

KELTIS KRUJA

KLEMENT ÇELA

KLODIAN LATA

KLODIAN MUÇO

KRESHNIK BOZHO

KRISELA PRENDI

KRISTINA GJOKA

LAVIOLA GUMA

LEDIA SHTUFI

LEDINA MANDIA

LEDIO NURAJ

LEDOR MARKU

LEFTER GESHTENJA

LEONIDHA KOKAJ

LILI SULA

LINDITA METALIAJ

LISANDER HOXHA

LISARDI STARO

6

LODOVIK HASANI

LORANCA HOXHA

LORENC HOXHA

LORENC LUKA

LUIGJ GJERGJI

LUKAS HEIDORN

MAKSIM KOLA

MAL BERISHA

MALVINA LIKA

MANJOLA RESNJAKU

MARASH LOGU

MARIGLEND DOCI

MARIO RUNA

MARJAN GECI

MARJANA BRUNGA

MEFAT TORBA

MERITESHA VELMISHI

MILOSAO PALUSHI

MIMOZA HAJDARMATAJ

MIMOZA REXHVELAJ

MIRELA SHALA

MIRELA TABAKU

MIRELINDA ÇOLLAKU

MYQEREM TAFAJ

MYSLYM MURRIZI

NDRIÇIM KULLA

NEADA STANA

NEVTON KODHELAJ

NIKOLA KEDHI

NIKOLIN ÇALI

OLEG HANKU

OLGERT RAKIPLLARI

OLTION MERDARI

PARID MAHMUTAJ

PARID TEFERIÇI

PETRIT DODA

PJERIN KODRAÇAJ

PREL GJONI

QEMAL HOXHA

7

REI JOLLDASHI

RENIS GJOKA

REZENBRIK SERJANI

RUBENS SHIMA

SALVADOR KAÇAJ

SEVALGON BERISHA

SHAQIR MANJANI

SHKELQIM HYSAJ LEPENICA

SHYQYRI MYRTOLLARI

SILVA HASAJ

SKËNDER UKU

SPARTAK TOPOLLAJ

SPIRO KSERA

SUINA ASLLANAJ

SUZANA GUXHOLLI

SUZANA NUMANI

TEDI KOPLIKU

VALDETE VORPSI

VASIL KULLA

VIKTOR GJINI

VILSON BITRAJ

VIOLA KAPIDANI (KULLOLLI)

XHEMAL GJUNKSHI

XHEVAHIR BILJA

XHORXHIA NIÇO

XHULIA XHEKAJ

YLLI ASLLANI

YLVINA NDOJ

ZEF HILA

The post Emra të rinj dhe të vjetër, vuloset “armata” e re e Partisë Demokratike/ Publikohen rezultatet, demokratët që do të jenë anëtar të Këshillit Kombëtar, mes tyre dhe Stresi appeared first on Albeu.com.

Ish-deputeti i PD e cilësoi Berishën si uzurpator të PD që kërkon ta bëjë partinë si pronë private, teksa vuri në dukje se vetëm bashkimi i demokratëve i sjell tek fitorja.

“Uzurpatori ka shqetësim cilindo që e do Partinë Demokratike fituese, për uzurpatorin ata janë problemi, e shqetësojnë në rehatinë e tij të bashkëqeverisjes me Ramën. Problemi sot është mentaliteti që kërkon bindje të verbër, përjashtim dhe frikë në vend të garës, debatit dhe meritës. Deklarata e Sali Berishës se “kushdo që bashkëpunon me Salianjin s’ka punë me PD” është dëshmia e qartë se problemi i Partisë Demokratike nuk është mungesa e mbështetjes, por mungesa e demokracisë. Për mbeshtetje nuk pati guxim te përballeshim në garë!”, tha ai mes të tjerash në një postim në rrjetin social, që e shoqëron edhe me pamje filmike nga takimi i djeshëm me mbështetësit e tij në Tiranë.

Ai thekson se demokratët nuk kanë nevojë për “lista miqsh, por për projekt fitues”.

Salianji u shpreh se PD nuk do bëhet shumicë duke përjashtuar anëtarët e saj, por duke u bashkuar.

“Një parti politike nuk mund të funksionojë si pronë personale e askujt. Në një parti demokratike nuk përjashtohen njerëzit sepse mendojnë ndryshe, nuk shpallen armiq ata që bashkëpunojnë me kolegët e tyre dhe nuk vendoset besnikëria ndaj individit mbi interesin e partisë. Demokratët nuk kanë nevojë për lista armiqsh, por për një projekt fitues që bashkon dhe jo përçan. PD nuk do të bëhet shumicë duke përjashtuar demokratët. PD bëhet shumicë duke i bashkuar ata. Kjo është beteja dhe ne nuk do ti shmangemi deri në fund!”, shkruan ai.

Postimi i plotë i Ervin Salianjit:

“Uzurpatori ka shqetësim cilindo që e do Partinë Demokratike fituese, për uzurpatorin ata janë problemi, e shqetësojnë në rehatinë e tij të bashkëqeverisjes me Ramën.

Problemi sot është mentaliteti që kërkon bindje të verbër, përjashtim dhe frikë në vend të garës, debatit dhe meritës.

Deklarata e Sali Berishës se “kushdo që bashkëpunon me Salianjin s’ka punë me PD” është dëshmia e qartë se problemi i Partisë Demokratike nuk është mungesa e mbështetjes, por mungesa e demokracisë. Për mbeshtetje nuk pati guxim te përballeshim në garë!

Një parti politike nuk mund të funksionojë si pronë personale e askujt. Në një parti demokratike nuk përjashtohen njerëzit sepse mendojnë ndryshe, nuk shpallen armiq ata që bashkëpunojnë me kolegët e tyre dhe nuk vendoset besnikëria ndaj individit mbi interesin e partisë.

Demokratët nuk kanë nevojë për lista armiqsh, por për një projekt fitues që bashkon dhe jo përçan.

PD nuk do të bëhet shumicë duke përjashtuar demokratët. PD bëhet shumicë duke i bashkuar ata. Kjo është beteja dhe ne nuk do ti shmangemi deri në fund!”.

The post “Ata që i shkojnë pas s’kanë punë me PD”/ Salianji i përgjigjet Berishës: Uzurpatori ka shqetësim cilindo! Deklaratat e tij tregojnë se problem është mungesa e demokracisë! appeared first on Albeu.com.