Vera, që po e komentonte ndeshjen për radion e njohur paraguaiane ABC, përdori në transmetim fyerje të rënda ndaj arbitrit nga El Salvadori, Ivan Barton, si edhe ndaj presidentit të FIFA-s, Gianni Infantino.

Shkaku i gjithë episodit ishte kartoni i kuq i ndëshkuar ndaj futbollistit të Paraguait, Miguel Almiron.

Mesfushori i Atlanta United vendosi dorën para gojës gjatë një përplasjeje verbale me një kundërshtar. Ndonëse ky veprim është parë prej vitesh si i zakonshëm te futbollistët anembanë botës, në këtë Kupë Bote ka hyrë në fuqi një rregull i ri që e ndalon rreptësisht.

FIFA ka vendosur të godasë praktikën e mbulimit të gojës, me synimin për të parandaluar që lojtarët të dërgojnë mesazhe raciste, homofobike apo fyese pa u kapur nga kamerat. Nxitja e drejtpërdrejtë për këtë ndryshim ishte skandali i mëparshëm në Ligën e Kampionëve mes Vinicius Junior dhe Gianluca Prestianni, ku u ngritën akuza të rënda për racizëm pa prova zanore.

Në momentin kur Almiron u përjashtua për shkak të këtij rregulli të ri, Jorge Vera reagoi në mënyrë të pakontrolluar.

Fillimisht ai e quajti arbitrin Barton hajdut, ndërsa më pas sulmet verbale i drejtoi ndaj drejtuesve më të lartë të futbollit. Në mikrofon ai bërtiti se FIFA e kishte vrarë futbollin dhe se Infantino mbante përgjegjësi të drejtpërdrejtë për këtë.

Më tej, pasi deklaroi se të gjithë duhet të turpëroheshin, ai iu drejtua edhe presidentit të Konfederatës së Futbollit të Amerikës së Jugut, Alejandro Dominguez. Vera i kërkoi të ndalonte së pozuari në foto me Infantinon, të tregonte guxim dhe, në fund, i quajti ata hajdutë të mallkuar.

Megjithëse Paraguai fitoi 1-0 ndaj Turqisë dhe mbeti me shanse reale për t’u kualifikuar në fazën e 1/16-tës, për Verën turneu ka përfunduar këtu.

Radiostacioni ABC, kompania e tij mëmë, reagoi menjëherë me një deklaratë ku i kërkoi FIFA-s ta rishikojë vendimin. Sipas tyre, bëhej fjalë për një incident të izoluar, gabimi ishte pranuar menjëherë dhe përjashtimi i përhershëm nga turneu përbën një masë ekstreme dhe qartësisht joproporcionale për një shkelje të parë që u shoqërua menjëherë me kërkimfalje.

Pak më vonë, edhe vetë komentatori publikoi një videomesazh në rrjetet sociale, ku u shfaq dukshëm i prekur nga pasojat e veprimit të tij. Ai tha se kishte vepruar nën ndikimin e emocioneve dhe presionit të madh të transmetimit live, ndërsa u kërkoi falje zyrtarisht FIFA-s, organizatës së gjyqtarëve, kolegëve dhe dëgjuesve.

Vera nënvizoi se deklaratat e tij ishin krejtësisht të gabuara, se ato pak sekonda nuk përfaqësonin një shembull të mirë dhe se ai merr përgjegjësi të plotë për gabimin. Ai shtoi gjithashtu se nuk kishte pasur kurrë synim të fyente personalisht askënd.

The post FIFA i heq përgjithmonë akreditimin komentatorit pas shpërthimit në transmetim live gjatë Kupës së Botës appeared first on Albeu.com.

Ai u bë vendimtar për skuadrën e tij me golin e fitores, por pas mbylljes së takimit, diskutimet nuk u përqendruan vetëm te paraqitja e tij në fushë.

Gjatë një përplasjeje mes futbollistëve, arbitri i ndeshjes Ivan Barton humbi orën e dorës.

Ora përfundoi në barin e stadiumit, ku u gjet nga Galarza, i cili e mori dhe madje e vendosi në kyç, duke vazhduar të luante për disa minuta me orën e gjyqtarit në dorë.

Videoja e këtij momenti nisi të qarkullonte me shpejtësi në rrjetet sociale dhe ngjalli shumë reagime nga tifozët, të cilët e përshkruan situatën si një nga skenat më të veçanta dhe më argëtuese të këtij Botërori.

Në fund nuk pati asnjë problem, pasi ora iu rikthye arbitrit Barton, ndërsa Galarza mbeti protagonist jo vetëm për golin që vulosi fitoren, por edhe për këtë ngjarje të pazakontë që i dha një tjetër ngjyrim sfidës Paraguay-Turqi.

The post Një skenë e pazakontë në Botërorin 2026: Matias Galarza u pa duke luajtur me orën e arbitrit appeared first on Albeu.com.

Turqia, ndonëse në dy takimet e para regjistroi 62 goditje drejt portës, nuk arriti të shënojë asnjë gol dhe mbeti pa asnjë pikë. Kjo e la jashtë raundit të dytë të turneut, ndërsa dy skuadra të tjera nga Grupi D do t’i bashkohen SHBA-së në garën për të siguruar një vend në fazën e 1/16-tës.

Sipas përllogaritjeve të platformës Football Meets Data, një barazim në ndeshjen e ardhshme do t’i dërgonte të dyja ekipet në fazën eliminatore me nga katër pikë secila.

Nga ana tjetër, humbja e cilësdo skuadër mund të nënkuptojë edhe përfundimin e rrugëtimit të saj në këtë kompeticion.

Kujtojmë se Paraguai në ndeshjen e parë u mposht 1-4 nga SHBA-të, ndërsa këtë mëngjes triumfoi 1-0 ndaj Turqisë.

Australia e nisi turneun me suksesin 2-0 përballë Turqisë, por më pas u mund 0-2 nga Shtetet e Bashkuara të Amerikës.

The post Barazimi i çon të dyja përpara, humbja mund të sjellë eliminimin në Grupin D të Kupës së Botës appeared first on Albeu.com.

Ngjarja ndodhi në ndeshjen ndaj Turqisë, kur anësori me përvojë i Atlanta United, pjesë e përfaqësueses së Paraguait që nga viti 2017, kreu pikërisht këtë veprim. Si pasojë, në minutën e tretë të kohës shtesë të pjesës së parë, ai u largua drejt dhomave të zhveshjes me karton të kuq.

Një rol të rëndësishëm në këtë vendim pati mbrojtësi turk Mert Muldur, i cili njoftoi menjëherë arbitrat për gjestin e Almironit.

Pasi pamjet u kontrolluan në VAR, arbitri nga El Salvadori, Ivan Barton, vendosi të zbatojë “Ligjin Vinicius”, duke e ndëshkuar Almironin me të kuq dhe duke e bërë atë futbollistin e parë që përjashtohet në bazë të këtij rregulli.

Cili është ai rregull?

Dy muaj më parë, FIFA paraqiti dhe IFAB miratoi njëzëri dy ndryshime në Rregullat e Lojës së Futbollit gjatë një seance të posaçme të mbajtur në Vankuver. IFAB është shkurtimi për Bordin i Shoqatës Ndërkombëtare të Futbollit.

Ky institucion është organi më i vjetër dhe më i lartë që merret me përcaktimin dhe ndryshimin e rregullave të futbollit. Organizata konfirmoi se rregullat e reja do të zbatohen në Kupën e Botës dhe një prej tyre është pikërisht “Ligji Vinicius”.

Presidenti i FIFA-s e mbështeti këtë masë dhe tashmë ka arritur ta çojë përpara me vendosmëri. Arsyeja që çoi në miratimin e saj ishte skandali i muajit shkurt dhe ndeshja Benfica-Real në Ligën e Kampionëve.

Aktivizuesi i rregullit

Në atë përballje, Vinicius dhe Mbappe pretenduan se lojtari kundërshtar Gianluca Prestianni e kishte quajtur “majmun” brazilianin e Realit. Megjithatë, fjalët e tij nuk mund të lexoheshin nga buzët, pasi ai i kishte mbuluar ato me fanellë gjatë momentit kur shqiptoi fyerjen e pretenduar raciste.

Pas hetimeve, mesfushori argjentinas i Benficës u pezullua me tri ndeshje, por për homofobi. Ai pranoi se i kishte thënë Viniciusit se ishte “peder” dhe për këtë u ndëshkua, ndërsa pretendimi i Viniciusit se ishte ofenduar në mënyrë raciste nuk u provua.

Megjithatë, pikërisht kjo ngjarje u bë arsyeja që FIFA të miratonte rregullin në fjalë, për të cilin u ra dakord në asamblenë e fundit në shkurt, menjëherë pas ndeshjes mes Benficës dhe Realit.

The post Almiron hyn në histori në Kupën e Botës si futbollisti i parë i ndëshkuar me të kuq nga “Ligji Vinicius” appeared first on Albeu.com.

Skuadra turke u mund me shifrat 0-1, ndonëse luajti me një futbollist më shumë që nga mbyllja e pjesës së parë.

Golin që vendosi takimin e realizoi Matis Galarza, i cili shënoi me një goditje nga largësia vetëm pas dy minutave lojë.

Pas atij momenti, Turqia mori kontrollin e plotë të lojës dhe krijoi disa mundësi për gol, por nuk arriti në asnjë mënyrë t’i konkretizojë.

Vështirësitë për Paraguain u shtuan kur Miguel Almiron u përjashtua me karton të kuq pas ndërhyrjes së VAR-it në minutën 45+3’.

Megjithatë, edhe Can Uzun dhe Deniz Gul nuk u treguan të saktë pranë portës, pasi shpërdoruan disa raste nga afërsia, çka ndikoi dukshëm në këtë humbje.

Në këtë mënyrë, pas dy paraqitjeve zhgënjyese, Turqia eliminohet nga Botërori, ndërsa Paraguai mbetet në lojë për kualifikim në fazën e eliminimit direkt.

The post Paraguai mposht Turqinë dhe e nxjerr nga Botërori 2026 appeared first on Albeu.com.

Pas humbjeve të pësuara në ndeshjet e para, të dyja skuadrat e kanë fitoren si një domosdoshmëri.

Me SHBA-në që e ka siguruar tashmë kualifikimin në fazën finale, gara mes këtyre dy përfaqësueseve mbetet e hapur për pozitën e dytë.

Formacionet zyrtare:

Turqi: Cakir; Kadioglu, Bardakci, Demiral, Muldur; Calhanoglu, Yuksek; Yildiz, Guler, Akgun; Akturkoglu

SHBA: Gill; Caceres, Gomez, Alderete, Alonso; Gomez, Cubas, Galarza, Almiron; Pitta, Enciso

Takimi do të startojë në ora 05:00.

The post Turqia dhe Paraguai synojnë rikthimin, publikohen formacionet zyrtare appeared first on Albeu.com.