Në përgjigje të pyetjeve të gazetarëve, Berisha u shpreh se një nga kërkesat e para është largimi i menjëhershëm i Kryeministrit Edi Rama, që sipas tij mbështetet plotësisht nga Partia Demokratike, pa asnjë hezitim.

Ai deklaroi se PD është gjithashtu në mbështetje të plotë të propozimit që mandati i kryeministrit të kufizohet në dy mandate, duke theksuar se kjo forcë politike është e gatshme që që nesër ta votojë një nismë të tillë.

“Në kërkesat e lexuara e të paraqitura nga Goxhaj, ripërsëritet dorëheqja e menjëhershme e Edi Ramës. Kërkesë kjo që ne e mbështesim pa asnjë rezervë, fuqimisht dhe kemi po atë thirrje. Së dyti, kërkohet, ndër pesë kërkesat e para, është kufizimi i mandatit të kryeministrit në dy mandate. Partia Demokratike është plotësisht dakord. Plotësisht dakord! Që nesër është e gatshme të votojë në parlament dhe të bëjë thirrje qytetarëve të votojnë për një masë të tillë.

Pse kjo? Sepse u bë e qartë se Edi Rama nuk lejon rotacionin e pushtetit. Nuk lejon. Për këtë jo se e themi ne, tashmë e thonë dokumentet ndërkombëtare. Atëherë ka një mençuri, ta përcaktojë kushtetuta, ta largojë kushtetuta.

Dhe të them dhe një gjë, si kryeministër, në qoftë se ti punon për një program, tetë vite i ke absolutisht të mjaftueshme. Jo për zbatimin 100% të tij nuk them, po për zbatimin e pikave më kryesore të tij dhe për zbatimin e tij në masën 80-90%.

Pra, çfarë qëndron në rastin e Edi Ramës, qëndron se ai qëndron në pushtet pa zgjedhje. Me farsë elektorale, me farsë elektorale. Dhe unë kuptoj që protestuesit duan t’i japin një përgjigje të tillë nëpërmjet ndryshimit të Kushtetutës.

Përsa i takon ligjeve të tjera, Berisha tha se qëndrimi i PD-së ka qenë i qartë dhe i njohur publikisht. Sipas tij, kjo parti ka kundërshtuar më shumë se çdo forcë tjetër ato ligje, duke ndjekur çdo rrugë të mundshme procedurale kundër tyre, përfshirë amendimin e ligjit për mbrojtjen e zonave të mbrojtura, trashëgiminë kulturore, koncesionet, PPP-të dhe investimet strategjike”, u shpreh ai.

The post Berisha mbështet kërkesat e protestuesve: PD pro kufizimit të mandatit të kryeministrit në dy mandate appeared first on Albeu.com.

Status i Kryeministrit Edi Rama:

Labinot Bislimin nuk e kam takuar asnjëherë, por nuk munda të mos e ndaj me ju këtë shkrim të tij të para dhjetë ditëve, duke falënderuar mikun tonë të përbashkët që ma nisi sot; më mirë vonë se kurrë:-)

VENDI I FLAMINGOVE APO VENDI I SHQIPONJAVE

A e dini se emri Shqipëri nënkupton vendin e shqiponjave? Shpesh kështu na përshkruajnë edhe mediat e huaja. Megjithatë, ndonjëherë pyes veten nëse jemi vërtet të tillë.

Këto ditë po i ndjek me vëmendje zhvillimet në Tiranë.

Mua më duket se kemi të bëjmë me një protestë të bukur, krijuese dhe tejet paqësore.

Madje, kam përshtypjen se shqiptarët kishin nevojë të rigjenin veten përmes njëri-tjetrit. Të dilnin bashkë, të bisedonin mes tyre si ndoshta nuk kanë bërë më parë. Më shumë sesa revoltë, kjo ngjan me një shpërfaqje dashurie. Një mënyrë për t’i thënë Shqipërisë: “Të duam.”

Por ç’lloj dashurie është kjo?

Besoj se është dashuria e atyre që ndjejnë se Shqipëria po transformohet me një ritëm aq të shpejtë, sa po u rrëshqet nga duart. Një mall për Shqipërinë e varfër, të paprekur dhe ende larg ritmeve të globalizimit e turizmit masiv.

Është mall për “bukë, kripë e zemër”. Për Tiranën e lagjeve të vjetra, ku fëmijët luanin në rrugë dhe në oborret e njëri-tjetrit. Për një lumturi të thjeshtë, që shpesh gjendej në varfëri e që sot duket sikur tretet në skicat e një ekonomie të re, ku njeriu nuk ecën më, por rend.

Rend sepse garon me komshiun. Me mikun. Me brezat e tjerë. Me vetveten.

Në këtë Shqipëri të re, askush nuk e zotëron plotësisht, por të gjithë kërkojnë ta mbajnë nën kontroll. Secili dëshiron ta formësojë sipas këndvështrimit të vet.

Atë e duan për vete ideologët e majtë dhe të djathtë. Konservatorët dhe liberalët. Nacionalistët dhe globalistët. Pro-amerikanët dhe anti-amerikanët. Laikët dhe fetarët. Të gjithë thonë se e duan Shqipërinë, por secili e sheh përmes pasqyrës së vet.

Problemi është se shumë prej tyre nuk dinë ta duan bashkë me njëri-tjetrin.

Pikërisht aty nis përplasja me zhvillimin.

Sepse zhvillimi ekonomik e nxjerr shoqërinë nga komoditeti i saj. E shtyn të ndryshojë. E detyron të pranojë ritme të reja, njerëz të rinj, ide të reja dhe një konkurrencë të re.

Flamingot nuk janë shkaku i vërtetë i protestës. Ato janë thjesht simboli.

Simbol i një rehatie të vjetër, i një ngecjeje të njohur dhe të kuptueshme. Një dëshirë për të qëndruar herë mbi njërën këmbë e herë mbi tjetrën, pa marrë vrull drejt së panjohurës.

Shqiponja është ndryshe.

Ajo nuk qëndron buzë ujit duke shijuar qetësinë. Nuk pret që bota t’i afrohet. Ajo fluturon lart. Sheh larg. Merr rrezik. Del në kërkim të gjahut.

Flamingoja kërkon rehati. Shqiponja kërkon horizont.

Prandaj unë nuk besoj se kjo protestë lidhet me Edi Ramën. As me urrejtjen. As me bukën e gojës. As me shumicën e parullave që valëviten në duar.

Të gjitha këto janë vetëm forma të ndryshme të të njëjtit shqetësim:

“Nuk po e përballojmë dot shpejtësinë e ndryshimit. Duam ta vëmë nën kontroll.”

Por kush do ta kontrollojë?

Ata që e kanë zëvendësuar dijen me teoritë e Facebook-ut?

Ata që flasin për zhvillim pa e kuptuar çfarë është zhvillimi?

Ata që të ardhmen e përfytyrojnë si kthim pas në të shkuarën?

Ata që jetojnë jashtë Shqipërisë, nuk duan të rikthehen kurrë, por e duan vendin vetëm si kujtim të varfërisë prej së cilës janë larguar?

Ata që e duan Shqipërinë përmes Palestinës ose e urrejnë përmes Izraelit?

Ata që e duan Shqipërinë përmes Greqisë, Turqisë apo Serbisë, por jo përmes vetë Shqipërisë?

Në fund, e gjitha kjo të ngjan me një protestë me shumë parulla, me shumë kërkesa që bien ndesh me njëra-tjetrën, me shumë nevojë për vëmendje dhe me shumë dëshirë për t’u takuar me njëri-tjetrin, por me pak qartësi për destinacionin.

Dhe kjo është arsyeja pse mua më duket më shumë si një protestë e flamingove sesa e shqiponjave.

Flamingot mund të qëndrojnë gjatë, herë mbi njërën këmbë e herë mbi tjetrën.

Por vendi i shqiponjave nuk ka kohë për të humbur.

Ai duhet të fluturojë. Duhet të kërkojë horizonte të reja. Duhet ta përshkojë tranzicionin e vet ekonomik dhe historik.

Për shqiponjat duhet të flasim tani.

Për flamingot do të kemi kohë më pas.

Cristiano Ronaldo vijon të shkruajë histori në futbollin botëror. Sulmuesi portugez u bë lojtari i vetëm në histori që ka shënuar në gjashtë edicione të ndryshme të Kupës së Botës.

41-vjeçari realizoi dy gola në pjesën e parë të ndeshjes ndaj Uzbekistan, duke iu përgjigjur në mënyrën më të mirë kritikëve dhe duke e çuar në 975 totalin e golave të karrierës së tij.

Me këtë dopietë, Ronaldo u ngjit edhe në vendin e parë të golashënuesve më të mirë të Portugalisë në historinë e Kupës së Botës. Ai arriti në kuotën e 10 golave, duke lënë pas legjendën Eusebio, që e mbante deri tani këtë rekord.

Po ashtu, kapiteni portugez u bë edhe golashënuesi i dytë më i vjetër në historinë e Kupës së Botës, në moshën 41 vjeç e 138 ditë. Rekordi vazhdon të mbahet nga Roger Milla, i cili shënoi në moshën 42 vjeç e 39 ditë.

The post Rama ndan postimin e Labinot Bislimit të AAK-së: “Flamingoja do rehati, ndërsa shqiponja kërkon horizont” appeared first on Albeu.com.

Kjo mbledhje mbahet vetëm pak ditë pas takimit të zgjeruar me qeverinë dhe grupin parlamentar, ndërsa vjen edhe në një moment kur në Tiranë, prej më shumë se tre javësh, po zhvillohen protesta ku kërkohet largimi i tij.

Pas përfundimit të këtij takimi me drejtuesit politikë, Edi Rama do të zhvillojë edhe një takim me kryebashkiakët. Ky takim është planifikuar për në orën 09:30, tek ish-hoteli “Dajti” në Tiranë.

The post Rama shkon në selinë e PS për takimin me drejtuesit politikë të qarqeve appeared first on Albeu.com.

Në një deklaratë publike të adresuar ndaj qytetarëve dhe mbështetësve, ai theksoi se protesta është paqësore dhe mbarëpopullore, ndërsa paraqiti kërkesat kryesore të saj.

Këto kërkesa janë: dorëheqja e panegociueshme e kryeministrit dhe e gjithë qeverisë; ngritja e një qeverie teknike tranzitore për jo më pak se 12 muaj; ndryshime kushtetuese dhe miratimi i tyre me referendum, ku përfshihet edhe ndryshimi i Kodit Zgjedhor, që sipas tij e ka mbajtur peng vendin që prej vitit 2008; ndryshime në ligjin për financimin e partive politike, pasi sipas deklaruesit, përmes tij financohen nga paraja e krimit dhe drogës; si dhe kufizimi i ushtrimit të detyrës së kryeministrit në jo më shumë se dy mandate.

Ai solli në vëmendje edhe kërkesat e artikuluara më herët, mes tyre anulimin e ndryshimeve në ligjin për zonat e mbrojtura, anulimin e ndryshimeve në ligjin për trashëgiminë kulturore, shfuqizimin e “Paktit të Maleve” dhe të statusit të investitorit strategjik.

Sipas tij, të gjitha këto përbëjnë “kontratën e re sociale” midis qytetarëve dhe shtetit. Ai shtoi se çdo hap i mëtejshëm do të përcaktohet pas diskutimeve me qytetarët, duke nënvizuar se protesta paqësore, demokratike dhe qytetare do të vijojë deri në realizimin e kërkesave.

The post Në ditën e 24 të protestës, përfaqësuesit publikojnë pesë kërkesat themelore appeared first on Albeu.com.

Duke ndarë edhe postimin e Ramës, ministri e shoqëroi atë me një koment ku vë përballë ata që kanë qenë pjesë e luftës dhe ata që, sipas tij, e mbështesin vetëm me fjalë. Ai kritikoi gjithashtu protestën, për të cilën pretendon se nuk ka as drejtim dhe as synime të qarta.

“Sa e lehtë është të mbështesësh luftën nga divani dhe të refuzosh të shkosh me shokët në fushëbetejë, njejtë si sot të marrësh “pëlqime” nga sheshi i një proteste, e cila nuk dihet nga ata që e përkrahin as se kush e drejton apo çfarë realisht kërkon të arrijë! Nuk ka turp më të madh se sa të hidhet baltë mbi gjakun dhe flamurin e UÇK-së – luftës më të lavdishme të popullit shqiptar për liri në trojet e veta duke e lidhur atë me sharlatanë që guxojnë të flasin në emër të heronjve të vërtetë. Turp vërtet i madh që dikush pretendon të flasë në emër të tyre apo në emër të patriotizmit duke dëmtuar drejtpërsëdrejti interesat kombëtare shqiptare! Ky lloj njeriu vetëm me iranianët dhe/apo gjakprishurit ka lidhje, sepse me UÇK-në asnjë lloj lidhje nuk ka!

Më tej, Nufi shkroi: “Ndërkohë, Komandanti i vërtetë i UÇK-së është në Hagë, i mbajtur padrejtësisht! Ndërsa arkitekti i vërtetë i revolucionit të rrugëtimit të Shqipërisë drejt familjes së vlerave evropiane, duke bërë një transformim të jashtëzakonshëm për vendin është Edi Rama dhe këtë e kanë treguar më së miri shqiptarët me votën e tyre duke përkrahur atë masivisht dhe Partinë Socialiste të Shqipërisë!”

The post Ministri i Mbrojtjes: Është turpi më i madh të përdoret emri i UÇK-së për interesa politike appeared first on Albeu.com.

Në një mesazh të publikuar në rrjetet sociale, Sina shprehet se nuk pranon të barazohet me figurën e kreut të qeverisë dhe e konsideron atë përgjegjës për problemet që, sipas tij, i kanë nxjerrë qytetarët në protestë.

“Mos më thuaj se te fotografia ime sheh veten tënde. Unë nuk jam ti. Nuk jam ai që ka pushtetin prej vitesh në dorë. Nuk jam ai që firmos vendime që ndryshojnë jetët e njerëzve”, shkruan Sina në reagimin e tij.

Më tej, ai drejton kritika të hapura ndaj qeverisjes, duke e cilësuar kryeministrin si “autor të emigrimit të mijëra të rinjve”, të padrejtësive dhe të arrogancës së pushtetit.

Në reagimin e tij, Sina ndalet edhe te protesta qytetare në kryeqytet dhe thekson se ata që marrin pjesë nuk dalin në shesh për shkak të ndikimit të algoritmeve, influencerave apo forcave politike, por sepse përballen çdo ditë me vështirësi reale.

“Mijëra njerëz nuk mbushin sheshet sepse i manipulon algoritmi. Nuk protestojnë sepse ua kërkojnë influencerat. Nuk zemërohen sepse ua dikton opozita. Ata dalin në shesh sepse jetojnë realitetin çdo ditë”, shprehet ai.

Sipas tij, protesta ushqehet nga vështirësitë ekonomike, gjendja e shërbimeve publike dhe largimi i të rinjve nga vendi, ndërsa akuzon Ramën se po tenton të zvogëlojë arsyet e zemërimit qytetar.

Në përmbyllje të mesazhit të tij, Sina i kërkon kryeministrit të mos e përdorë fotografinë e tij për të justifikuar apo fshehur, sipas tij, dështimet e qeverisjes.

“Fotografia ime në murin tënd më bën pis. Mos e përdor për të larë përgjegjësitë e tua. Mos e përdor për të fshehur dështimet e tua. Unë nuk jam ti”, përfundon reagimin e tij.

Kjo kundërpërgjigje erdhi pasi më herët gjatë së martës, Kryeministri Edi Rama publikoi një mesazh të gjatë për protestuesit e tubimit që po mbahet në Tiranë prej 24 ditësh, duke përdorur edhe fotografinë e qytetarit.

Në atë mesazh, Rama tha se protestuesit nuk i konsideron humbës, por qytetarë që u kanë qëndruar besnikë bindjeve dhe shqetësimeve të tyre. Ai u shpreh se një pjesë e tyre mund të jenë të shtyrë nga probleme reale që lidhen me ekonominë, pronën, mjedisin, shëndetësinë apo padrejtësitë sociale.

Po ashtu, kreu i qeverisë argumentoi se zemërimi i qytetarëve shpesh shfrytëzohet nga aktorë politikë, komentatorë, influencerë dhe mekanizma të rrjeteve sociale për interesa të ndryshme, teksa u bëri thirrje protestuesve të mos lejojnë që shqetësimet e tyre të përdoren nga të tjerët.

Pikërisht ndaj këtyre deklarimeve dhe përdorimit të fotografisë së tij në postimin e Ramës, Erlis Sina publikoi reagimin, duke nënvizuar se është “thjesht një qytetar” dhe se pjesëmarrja e tij në protestë vjen nga bindjet dhe përvoja e tij personale, jo nga ndikimi i faktorëve politikë apo mediatikë.

The post Qytetari Erlis Sina i kundërpërgjigjet Ramës pas përdorimit të fotos së tij në mesazhin për protestën appeared first on Albeu.com.

Kjo kërkesë është firmosur nga kreu i Grupit Parlamentar të PD-së, Gazment Bardhi, dhe është paraqitur në prag të përfundimit të punimeve të Kuvendit për këtë sesion parlamentar, që është planifikuar për të enjten.

Sipas demokratëve, kërkesat e paraqitura nga protestuesit në tubimet e fundit qytetare kanë interes të lartë publik dhe kërkojnë përgjigje institucionale përmes një debati parlamentar.

Në dokumentin e dorëzuar në Kuvend, theksohet se protestuesit kanë ngritur pesë kërkesa kryesore: dorëheqjen e qeverisë, shfuqizimin e kuadrit ligjor për investimet strategjike, anulimin e kuadrit ligjor të njohur si “Paketa e Maleve”, shfuqizimin e ndryshimeve në ligjin për zonat e mbrojtura dhe anulimin e ndryshimeve në ligjin për trashëgiminë kulturore shqiptare.

PD nënvizon se bëhet fjalë për tema që opozita i ka ngritur prej kohësh në Kuvend, ndërsa për to ka depozituar edhe nisma konkrete ligjore për shfuqizimin e akteve përkatëse.

Në kërkesën që u është drejtuar Konferencës së Kryetarëve dhe drejtuesve të Kuvendit, demokratët vlerësojnë se një debat në Parlament është i nevojshëm për të siguruar transparencë dhe llogaridhënie përballë shqetësimeve të shprehura nga qytetarët.

Po ashtu, Partia Demokratike kujton se edhe më parë ka kërkuar zhvillimin e një mocioni me debat lidhur me raportin e fundit të Parlamentit Europian dhe ecurinë e Shqipërisë në procesin e integrimit europian, duke theksuar se gjetjet dhe rekomandimet e atij raporti meritojnë diskutim të veçantë në Kuvend.

Tashmë mbetet të shihet nëse mazhoranca do ta pranojë kërkesën e opozitës për zhvillimin e këtij mocioni me debat përpara mbylljes së sesionit parlamentar, apo nëse kjo çështje do të lihet për sesionin e ardhshëm.

The post PD kërkon me urgjencë mocion me debat në Kuvend për protestat, para mbylljes së sesionit të enjten appeared first on Albeu.com.

Pas disa javësh demonstratash të shkaktuara nga ky projekt, Rama ka hedhur poshtë akuzat që e përshkruajnë si “Kumbari” i Shqipërisë. Protestat, të cilat janë quajtur “Revolucioni i Flamingove”, shpërthyen pas zemërimit publik për planin 4 miliardë dollarësh të Jared Kushner dhe Ivanka Trump në një ishull dhe pranë një rezervati natyror të njohur për flamingot. Sipas protestuesve, ky është një shembull i korrupsionit sistemik që u hap rrugë investitorëve ndërkombëtarë të ndërtojnë në zona të mbrojtura, ndaj ata kanë kërkuar dorëheqjen dhe ndjekjen penale të Ramës.

“Njerëzit thonë se unë jam udhëheqësi i gjithë kësaj. Unë u them shkoni në djall. Aq thjeshtë,” tha ai.

“Nuk më takon mua të vërtetoj se nuk jam Kumbari, i takon atyre të vërtetojnë se jam Kumbari”.

Rama deklaroi se investimet e Kushner kanë qenë të rregullta dhe se ato nuk lidhen me hetimin që po zhvillohet ndaj një ish-pronari të tokës.

Ndërkohë, prokurorët shqiptarë kanë lëshuar urdhër-arreste për më shumë se një duzinë biznesmenësh nën dyshimet për trafik droge dhe pastrim parash, mes tyre edhe një person që më herët kishte pasur në pronësi tokë në zonën ku pritet të zhvillohet projekti i Kushner dhe Ivanka Trump. Një zëdhënës i Kushner dhe partnerëve të tij të tjerë në Shqipëri nuk iu përgjigj kërkesave për koment.

Prokurorët shqiptarë kundër korrupsionit kanë lëshuar urdhër-arreste për 20 biznesmenë, për të cilët thanë se ishin të përfshirë në trafik ndërkombëtar droge dhe pastrim parash. Dyshohet se miliarda euro janë kanalizuar në projekte të mëdha ndërtimi në vijën bregdetare të Adriatikut dhe në kryeqytetin shqiptar.

Mes emrave të përfshirë është edhe Artur Shehu, një shtetas me dy nënshtetësi SHBA-Shqipëri që jeton në Miami. Në vitin 2025, Shehu i shiti tokë pranë rezervatit natyror ku folezojnë flamingot kompanisë “Albania Land Development”, e lidhur me projektin Kushner. Kjo marrëveshje u vu nën shqyrtim nga prokurorët kundër korrupsionit, të cilët ngrinë 128 milionë euro pagesa deri në përfundim të hetimit. Edhe Shehu nuk iu përgjigj kërkesave për koment.

Nga zyra e tij me pamje nga bulevardi ku për më shumë se tre javë dhjetëra mijëra njerëz kanë protestuar çdo natë, Rama i tha FT se ishte e papranueshme të thuhej se ekonomia shqiptare mbështetet te pastrimi i parave.

“Të thuash se ekonomia shqiptare është bazuar në pastrimin e parave, kjo është e tmerrshme,” tha Rama për FT në zyrën e tij me pamje nga bulevardi ku dhjetëra mijëra njerëz kanë demonstruar çdo natë për më shumë se tre javë.

“Pastrimi i parave është pjesë e ekonomisë sonë, por nuk është një problem aq i madh,” shtoi ai.

“Mendoni se nuk ka pastrim parash në Londër? Ka. Por a mund të thoni se ekonomia britanike është në pjesë të madhe pastrim parash? Jo”.

Sipas Ramës, qeveria e tij u ka dhënë prokurorëve mundësinë të veprojnë më fort ndaj këtyre çështjeve, çka sipas tij ka rritur edhe perceptimin se Shqipëria është e mbushur me korrupsion dhe krim të organizuar.

“Në fakt është e kundërta. Shqipëria po lufton si kurrë më parë dhe është shumë më pak e korruptuar sot sesa ishte”.

Kryeministri përsëriti gjithashtu pretendimin se protestat janë ushqyer nga kundërshtarë të presidentit amerikan, mes tyre edhe Irani.

“Ka shumë interes për ta vrarë këtë projekt… për shkak të Trump,” tha ai.

“Nëse nuk do të ishte Jared Kushner… askujt nuk do t’i bëhej vonë për flamingot, për Shqipërinë, për asgjë. Është e gjithë urrejtja kundër Trump që krijon gjithë këtë shqyrtim”.

Rama u shpreh i bindur se planet për zhvillimin bregdetar do të vazhdojnë pavarësisht protestave.

“Pjesa e rëndësishme është se investitorët nuk janë kriminelë dhe nuk janë të përfshirë në pastrim parash,” tha Rama.

“Ata janë investitorë të mëdhenj. Është një shans historik për Shqipërinë”.

The post Rama për “Financial Times”: Nuk jam “Kumbari” i Shqipërisë appeared first on Albeu.com.

Rama u shpreh se kampusi përfaqëson një rezultat të protestës studentore të atij viti, duke theksuar se kërkesat e tyre u dëgjuan me vëmendje. Sipas tij, u veçuan të gjitha ato që nuk kishin lidhje me të ardhmen dhe me mundësitë reale, ndërsa mbi bazën e paktit për universitetin u ngrit një proces që prodhoi një sërë risish pozitive.

Ai shtoi se ky proces ka sjellë përmirësime të ndjeshme në kushtet e konvikteve dhe të universiteteve, si edhe një mbështetje më të madhe për arsimin e lartë. Mes të tjerash, kryeministri theksoi se qeveria është e ndërgjegjshme që kjo punë duhet të avancojë edhe më tej.

The post Rama në Durrës prezanton kampusin e ri “Aleksandër Moisiu”: Produkt i kërkesave të studentëve në 2018 appeared first on Albeu.com.

Pas disa javësh tubimesh, Rama hodhi poshtë akuzat se është “Kumbari” i Shqipërisë. Protestat, të cilat janë quajtur “Revolucioni i Flamingove”, shpërthyen pas zemërimit publik për projektin e planifikuar prej 4 miliardë dollarësh të Jared Kushner dhe Ivanka Trump në një ishull dhe në afërsi të një rezervati natyror të njohur për flamingot. Demonstruesit kanë kërkuar dorëheqjen e Ramës dhe ndjekjen e tij penalisht, duke pretenduar se ekziston korrupsion sistemik që u hap rrugë investitorëve ndërkombëtarë të ndërtojnë në zona të mbrojtura.

“Njerëzit thonë se unë jam udhëheqësi i gjithë kësaj. Unë u them shkoni në djall. Aq thjeshtë,” tha ai.

“Nuk më takon mua të vërtetoj se nuk jam Kumbari, i takon atyre të vërtetojnë se jam Kumbari”.

Nga ana tjetër, prokurorët shqiptarë kanë lëshuar urdhër-arreste për më shumë se një duzinë biznesmenësh të dyshuar për trafik droge dhe pastrim parash, mes tyre edhe një person që më herët kishte pasur në pronësi tokë në zonën ku pritet të zhvillohet projekti i Kushner dhe Ivanka Trump. Një zëdhënës i Kushner dhe partnerëve të tij të tjerë në Shqipëri nuk iu përgjigj kërkesave për koment.

Rama këmbënguli se investimet e Kushner ishin të rregullta dhe se nuk kishin asnjë lidhje me hetimin që po zhvillohet ndaj një ish-pronari të tokës.

Në intervistën për FT, të zhvilluar në zyrën e tij me pamje nga bulevardi ku dhjetëra mijëra njerëz kanë protestuar çdo natë për më shumë se tre javë, Rama kundërshtoi idenë se ekonomia shqiptare mbështetet te pastrimi i parave.

“Të thuash se ekonomia shqiptare është bazuar në pastrimin e parave, kjo është e tmerrshme,” tha Rama.

“Pastrimi i parave është pjesë e ekonomisë sonë, por nuk është një problem aq i madh,” shtoi ai.

“Mendoni se nuk ka pastrim parash në Londër? Ka. Por a mund të thoni se ekonomia britanike është në pjesë të madhe pastrim parash? Jo”.

Prokurorët shqiptarë kundër korrupsionit kanë lëshuar urdhër-arreste për 20 biznesmenë, për të cilët thanë se ishin të përfshirë në trafik ndërkombëtar droge dhe pastrim parash. Sipas dyshimeve, miliarda euro janë kanalizuar drejt projekteve të mëdha të ndërtimit përgjatë bregdetit të Adriatikut dhe në kryeqytetin shqiptar.

Mes emrave të vënë në shënjestër është edhe Artur Shehu, një shtetas me dyshtetësi SHBA-Shqipëri, që jeton në Miami. Në vitin 2025, Shehu i shiti tokë pranë rezervatit natyror ku folezojnë flamingot kompanisë “Albania Land Development”, e lidhur me projektin Kushner. Kjo marrëveshje tërhoqi vëmendjen e prokurorëve kundër korrupsionit, të cilët ngrinë 128 milionë euro pagesa në pritje të hetimit. Edhe Shehu nuk iu përgjigj kërkesave për koment.

Sipas Ramës, qeveria e tij u ka dhënë mundësi prokurorëve të hetojnë më me agresivitet, por kjo ka rritur edhe perceptimin se Shqipëria është e mbushur me korrupsion dhe krim të organizuar.

“Në fakt është e kundërta. Shqipëria po lufton si kurrë më parë dhe është shumë më pak e korruptuar sot sesa ishte”.

Ai përsëriti gjithashtu pretendimin se protestat janë nxitur nga kundërshtarët e presidentit amerikan, duke përmendur mes tyre edhe Iranin.

“Ka shumë interes për ta vrarë këtë projekt… për shkak të Trump,” tha ai.

“Nëse nuk do të ishte Jared Kushner… askujt nuk do t’i bëhej vonë për flamingot, për Shqipërinë, për asgjë. Është e gjithë urrejtja kundër Trump që krijon gjithë këtë shqyrtim”.

Rama u shpreh i bindur se planet për zhvillimin bregdetar do të vijojnë, pavarësisht protestave.

“Pjesa e rëndësishme është se investitorët nuk janë kriminelë dhe nuk janë të përfshirë në pastrim parash,” tha Rama.

“Ata janë investitorë të mëdhenj. Është një shans historik për Shqipërinë”.

The post Rama për Financial Times mohon akuzat: Nuk jam “Kumbari” i Shqipërisë, u them shkoni në djall appeared first on Albeu.com.