Ndryshe nga viti 2014, këtë herë vihet re mungesë e theksuar e ekspertizës ndërkombëtare, ndërsa palët po nxitojnë ta mbyllin hartën e re nën presionin e kohës.

Partia Socialiste mbron strukturën ekzistuese me 61 bashki, duke nxitur projekte ndërbashkiake. Platforma e Partisë Demokratike propozon rishikimin rrënjësor që synon rritjen e numrit të bashkive në mbi 92 njësi, duke u bazuar në kritere demografike, ekonomike dhe të identitetit historik. Përfaqësuesit e këshillave bashkiakë kërkojnë të zgjidhen problemet jetike të komuniteteve që po shpopullohen.

Reforma territoriale në Shqipëri ka rifilluar të jetë në qendër të debatit publik dhe politik. Por, siç ndodh shpesh me çështjet madhore të shtetit, edhe kësaj radhe, diskutimi rrezikon të mbetet peng i interesave elektorale, në vend që të shërbejë si platformë për ndërtimin e një qeverisjeje vendore funksionale për qytetarët, e drejtë dhe afatgjatë.

Pas eksperimentit të vitit 2014, i cili solli ndarjen e re në 61 bashki duke shkrirë mbi 300 komuna, me ndryshimet e këtij viti, shqetësimi është jo vetëm sa bashki duhen, por çfarë qeverisjeje vendore duhet dhe si mund ta përmirësojë jetën e qytetarëve në zonat e largëta të vendit që po braktisen me shpejtësi.

Tani, kur drafti i qeverisë dhe opozitës është në fazë konsultimi me komunitetet, ekspertët e pavarur bëjnë thirrje për maturi përtej interesave politike.

Afrim Krasniqi, nga Instituti për Studime Politike (ISP), thotë se këtë herë debatit për reformën i mungon ekspertiza ndërkombëtare, ndryshe nga 2014-a, pasi reforma po bëhet nën presionin e kohës. “Si ISP kemi parë modelet europiane dhe reforma të tilla marrin 2-5 vjet debat, te ne palët duan ta bëjnë brenda pesë muajsh.

Qoftë edhe ky detaj i rëndësishëm tregon se reforma mbetet e brishtë dhe nuk siguron se mund të jetë më funksionale sesa ajo që eksperimentuam”, tha ai.

Në thelb, vende si Shqipëria kanë vështirësi në kulturë politike dhe burime njerëzore për reforma të mëdha, kjo u pa edhe në Reformën në Drejtësi, por duhej të kishim disa kritere dhe standarde të qëndrueshme, si Kroacia, Sllovenia, Maqedonia e Veriut dhe vende të tjera rajonale të matshme me ne.

Partia Socialiste, në variantin e saj për reformën, që tani është në fazë konsultimi, synon të mbajë ndarjen aktuale territoriale duke rishikuar funksionet e financimet sipas meritës dhe jo sipas nevojave që kanë realisht komunitetet.

Propozimi i opozitës, sipas bashkëkryetarit për Reformën Territoriale, Luçiano Boçi, bazohet në ndarje krejt të re me më shumë se 92 bashki, duke marrë në konsideratë katër kritere kryesore. Kriterin demografik, ku llogaritet një masë minimale popullsie që siguron funksionalitetin, por pa e bërë atë absolut në zonat e thella.

Kriterin ekonomik dhe fiskal, që analizon nëse zona ka burime të veta, potenciale zhvillimi në bujqësi, turizëm, pyje e pasuri natyrore.

Kriterin e aksesit të qytetarit te shërbimi, duke parandaluar rastet ku qytetari humb një ditë pune për një certifikatë apo licencë dhe kriterin e identitetit territorial e përfaqësimit historik të zonave që u fshinë në vitin 2014.

Gerta Loku, anëtare e Këshillit Bashkiak në Mirditë dhe blegtore, propozon që një përqindje e konsiderueshme e fitimeve nga burimet natyrore pranë komuniteteve lokale t’i kalojë drejtpërdrejt bashkisë.

Ajo kërkon që fondet të mos shpërndahen vetëm mbi bazën e numrit të popullsisë, por të llogariten edhe metrat katrorë të territorit nën menaxhim. Kjo do të siguronte infrastrukturë dhe shërbime jetike si dritat dhe rrugët edhe për zonat me rënie drastike demografike.

Florian Bjanku, anëtar i Këshillit Bashkiak në Shkodër, ofron një qasje më strukturore dhe institucionale, duke propozuar krijimin e një niveli të dytë funksional të vetëqeverisjes vendore, siç është rajoni apo qarku me kompetenca reale.

Ai argumenton se sistemi aktual i kufizuar vetëm në nivel bashkish është i cunguar dhe i fragmentuar, pasi bashkitë sillen si njësi të izoluara pa koordinim rajonal.

Z. Bjanku propozon që ky nivel i ndërmjetëm të ketë autoritet ligjor, instrumente financiare dhe legjitimitet për të ndërtuar politika zhvillimi në shkallë më të gjerë, duke integruar sektorët e infrastrukturës, e turizmit dhe mjedisit.

Sipas Gent Kapratës, profesor urbanist, çështja kryesore e reformës nuk duhet të jenë vetëm kufijtë, por çfarë funksionesh, kompetencash, burimesh dhe përgjegjësish do të ketë niveli vendor.

Numri i bashkive nuk duhet të jetë pikënisja e reformës, por përfundimi logjik i saj, i dalë nga analiza e funksioneve që çdo nivel qeverisjeje duhet të kryejë.

Propozimi i mazhorancës, konsolidimi funksional

Qëndrimi zyrtar dhe varianti kryesor i propozuar nga mazhoranca qeverisëse, e përfaqësuar nga Partia Socialiste, bazohet plotësisht në ruajtjen e strukturës aktuale me 61 bashki.

Qeveria fokusohet tërësisht te konsolidimi i tyre funksional dhe institucional, duke përjashtuar çdo lloj ndryshimi të hartës gjeografike apo të ndarjeve të reja territoriale.

Përmes këtij varianti, qeveria ka mbrojtur ndarjen e realizuar në vitin 2014, duke argumentuar se kthimi pas ose copëtimi i mëtejshëm i bashkive do të sillte rritje të pashmangshme të kostove administrative dhe do të dëmtonte eficiencën e menaxhimit të përgjithshëm të territorit.

Sipas platformës së qeverisë, harta aktuale u jep mundësi reale bashkive të kenë një masë kritike popullsie dhe burimesh për të ofruar shërbime publike cilësore.

Propozimi i qeverisë ka në fokus një reformë të thellë strukturore dhe financiare brenda sistemit ekzistues dhe kategorizimit të 61 bashkive ekzistuese, duke u bazuar tek ecuria e tyre financiare dhe menaxhuese.

Sipas këtij plani, bashkitë që performojnë mirë dhe tregojnë qëndrueshmëri do të marrin më shumë autonomi vendimmarrëse, ndërsa ato njësi që shfaqin probleme financiare apo borxhe të larta do të kalojnë nën monitorim të qeverisë dhe do t’u nënshtrohen planeve të rrepta të riorganizimit.

Një tjetër shtyllë e rëndësishme e variantit të qeverisë është decentralizimi financiar i orientuar nga performanca fiskale. Kjo nënkupton ofrimin e një asistence të shtuar dhe të posaçme për të gjitha ato bashki të vogla që nuk sigurojnë dot të ardhura të mjaftueshme nga mbledhja e taksave lokale.

Qeveria propozon rishikimin e formulës së grantit të pakushtëzuar që jepet nga buxheti i shtetit, me qëllim që të ndihmohen zonat më të prapambetura të vendit, pa pasur nevojë që ato të ndahen në njësi administrative më vete apo të krijojnë zyra të reja administrative.

Digjitalizimi i shërbimeve lokale dhe nxitja e shërbimeve ndërbashkiake përbëjnë një tjetër aks strategjik të mazhorancës. Qeveria synon shmangen e burokracisë përmes kalimit të shërbimeve lokale në platforma digjitale si e-Albania.

Në të njëjtën kohë, promovohet koncepti i shërbimeve të përbashkëta ndërbashkiake, siç është menaxhimi i mbetjeve urbane apo menaxhimi i ujësjellësve në nivel qarku ose rajoni, duke përfshirë edhe konceptin e bashkëmenaxhimit me privatët.

Sipas propozimit të mazhorancës, kjo do të bëjë që bashkitë e vogla të përfitojnë drejtpërdrejt nga ekonomia e shkallës, pa pasur nevojë të ndryshojnë kufijtë e tyre elektoralë apo administrativë. Qeveria synon mbajtjen e 61 bashkive, por me një reformë të thellë në menaxhim, financim dhe digjitalizim.

Propozimi i opozitës: Rishikim rrënjësor i hartës dhe i funksioneve

Platforma politike dhe teknike e Partisë Demokratike për reformën e re territoriale propozon qasje krejtësisht të ndryshme, duke synuar shtimin e numrit të bashkive në 92 të tilla ose më shumë dhe rikthimin e disa ish-komunave apo zonave rurale si njësi më vete.

Bashkëkryetari i reformës, deputeti i Partisë Demokratike, Luçiano Boçi, sqaron me detaje se kjo platformë nuk është ndërtuar mbi një prag mekanik të thjeshtë që bazohet vetëm mbi numrin e banorëve, pasi Shqipëria nuk paraqet një territor uniform. Një zonë malore, kufitare apo rurale nuk mund të matet kurrsesi me të njëjtin kut si një zonë urbane pranë Tiranës, Durrësit apo Fierit.

Opozita merr në konsideratë katër kritere kryesore shkencore dhe sociale për të vendosur vijën e re ndarëse.

Kriterin demografik, ku llogaritet një masë minimale popullsie që siguron funksionalitetin, por pa e bërë atë absolut në zonat e thella.

Kriterin ekonomik dhe fiskal, që analizon nëse zona ka burime të veta, potenciale zhvillimi në bujqësi, turizëm, pyje e pasuri natyrore për të mos qenë vetëm një zyrë pagash.

Kriterin e aksesit të qytetarit te shërbimi, duke parandaluar rastet ku qytetari humb një ditë pune për një certifikatë apo licencë, dhe kriterin e identitetit territorial e përfaqësimit historik të zonave që u fshinë në vitin 2014.

Mbi këtë bazë analitike, Partia Demokratike ka ndërtuar tri alternativa konkrete për zhvillimin e reformës.

Alternativa e parë fokusohet te rikthimi i afërsisë dhe përfaqësimit te qytetari, gjë që parashikon rritjen e numrit të bashkive në të gjitha ato zona ku ka një mungesë të theksuar shërbimesh.

Kjo alternativë vendos si kritere që distanca të jetë mbi 15-20 kilometra nga qendra e bashkisë, e shprehur në kohë rreth 30 minuta udhëtim, si dhe një popullsi prej 4000-6000 banorësh në zonat fushore dhe 1500 banorësh në ato malore, sipas standardit europian.

Kjo alternativë rikthen shërbimet bazë dhe frenon shpopullimin pa krijuar kosto të larta nëse shoqërohet me rishpërndarje funksionesh.

Alternativa e dytë propozon një hartë të re funksionale, duke kombinuar krijimin e bashkive të reja me një rishpërndarje të funksioneve në qarqe.

Kjo qasje hibride krijon bashki të reja aty ku ka boshllëk shërbimesh dhe rishpërndan funksionet strategjike si planifikimi, mjedisi dhe emergjencat në nivel qarku, duke nxitur një autonomi fiskale të rritur për bashkitë e reja.

Alternativa e tretë parashikon decentralizimin real, që përfshin krijimin e bashkive të reja të shoqëruara me ndërtimin e 6 deri në 8 rajoneve të mëdha, ose duke ruajtur 12 qarqet aktuale me funksione të kufizuara.

Në këtë skenar, bashkitë marrin shumicën e kompetencave, ndërsa rajoni apo qarku kufizohet vetëm në tri funksione të qarta: planifikim territorial, koordinim emergjencash dhe projekte ndërbashkiake.

Propozimi synon që rajonet të jenë niveli i dytë i qeverisjes vendore, me buxhet të vetin të siguruar nga transfertat e shtetit, të ardhurat kombëtare të ndara dhe fondet europiane.

Reforma që kërkojnë këshilltarët bashkiakë nga terreni

Përfaqësuesit e këshillave bashkiakë i kanë analizuar sfidat e qeverisjes lokale dhe reformës që duhet kryer nga këndvështrimi gjeografik.

Gerta Loku, anëtare e këshillit bashkiak në Mirditë dhe blegtore, vë theksin te nevoja urgjente për të rishikuar ndarjen e përfitimeve nga pasuritë natyrore ujore dhe minerale me pushtetin vendor dhe komunitetet lokale.

Ajo propozon që një përqindje e konsiderueshme e fitimeve nga këto burime t’i kalojë drejtpërdrejt bashkisë, duke ndalur praktikën ku pothuajse çdo gjë përfundon në pushtetin qendror.

Sipas saj, zonat që mbajnë barrën e prodhimit të energjisë elektrike apo të shfrytëzimit nëntokësor, duhet të kenë përparësi ekonomike.

Një propozim specifik i saj lidhet me çmimin e energjisë, ku banorët e zonave burimore duhet ta paguajnë atë më pak se konsumatorët e tjerë, si një formë dëmshpërblimi për ndikimet mjedisore si mjegulla e krijuar nga liqenet artificiale.

Znj. Loku kërkon gjithashtu rritjen e rentës minerale, duke argumentuar se shfrytëzimi i nëntokës në Mirditë, Bulqizë apo Martanesh duhet të përkthehet në mirëqenie lokale dhe jo në shifra qesharake për buxhetet e bashkive.

Një pikë tjetër e rëndësishme e propozimit të saj është ndryshimi i formulës së financimit nga pushteti qendror. Ajo kërkon që fondet të mos shpërndahen vetëm mbi bazën e numrit të popullsisë, por të llogariten edhe metrat katrorë të territorit nën menaxhim.

Kjo do të siguronte infrastrukturë dhe shërbime jetike si dritat dhe rrugët edhe për zonat me rënie drastike demografike, duke parandaluar kthimin e tyre në zona fantazmë.

Nëse do të rikrijoheshin komunat apo njësitë administrative, ajo propozon që ato të kenë pavarësi dhe fuqi të plotë ekonomike për të shmangur varësinë totale nga kryetari i bashkisë qendrore.

Nga ana tjetër, Florian Bjanku, anëtar i Këshillit Bashkiak në Shkodër, ofron një qasje më strukturore dhe institucionale, duke propozuar krijimin e një niveli të dytë funksional të vetëqeverisjes vendore, siç është rajoni apo qarku me kompetenca reale.

Ai argumenton se, sistemi aktual i kufizuar vetëm në nivel bashkish, është i cunguar dhe i fragmentuar, pasi bashkitë sillen si njësi të izoluara pa koordinim rajonal.

Z. Bjanku propozon që ky nivel i ndërmjetëm të ketë autoritet ligjor, instrumente financiare dhe legjitimitet për të ndërtuar politika zhvillimi në shkallë më të gjerë, duke integruar sektorët e infrastrukturës, turizmit dhe mjedisit.

Përmes rastit të Shkodrës, ai ilustron se territore të mëdha hibride nuk mund të menaxhohen në mënyrë efektive pa një strukturë koordinuese që unifikon strategjitë e turizmit nga Alpet në bregdet dhe menaxhon sisteme mjedisore si Liqeni i Shkodrës dhe Lumi Buna.

Në kuadër të integrimit europian, z. Bjanku propozon që organizimi territorial të përshtatet me logjikën e politikave të kohezionit të Bashkimit Europian, të cilat bazohen te koncepti i rajonit si hapësirë funksionale.

Kjo strukturë e re rajonale do të mundësonte përthithjen efektive të fondeve europiane, si programet IPA të bashkëpunimit ndërkufitar, duke krijuar projekte të mëdha e të integruara me Ulqinin apo Podgoricën, në vend të nismave sporadike e të fragmentuara.

Ai gjithashtu, propozon rritjen e rolit të vetëqeverisjes vendore për të frenuar tendencën e centralizimit të menaxhimit të fondeve nga pushteti qendror.

Në dimensionin politik dhe kushtetues, z. Bjanku hedh idenë e rajoneve me drejtues të zgjedhur dhe kompetenca të qarta ekzekutive. Ai thekson se reforma nuk duhet të jetë vetëm një proces teknik i rishpërndarjes së kufijve në hartë, por një rishikim i thellë i strukturës së pushtetit.

Për të garantuar që ndryshimi të mos jetë vetëm në funksion të balancave elektorale apo avantazheve politike të momentit, ai propozon përfshirjen sistematike dhe të strukturuar të aktorëve lokalë, ku përfshihen universitetet, ekspertët vendas, përfaqësuesit e biznesit dhe vetë komuniteti, duke siguruar që vendimmarrja të mos mbetet një projekt i imponuar ekskluzivisht nga lart-poshtë./MONITOR

The post Reforma territoriale, betejë për kufijtë apo për qeverisjen appeared first on Albeu.com.

Boçi theksoi se Komisioni duhet të “prodhojë” një produkt që impakton pushtetin lokal për 30-40 vite dhe jo t’i rikthehen sikurse me atë të vitit 2015. Ai u shpreh se krahas dëgjesave me bashkitë, janë të nevojshme edhe dëgjesat me qytetarët. Këtu ai përmendi banorët e Mirditës, të cilët kanë bërë thirrje për t’u përfshirë në këtë proces.

Organizimi, theksoi ai, nuk duhet të bëhen nga bashkitë pasi pjesa më e madhe janë të kontrolluara nga maxhoranca por të ngrihet një sekretariat i pavarur për menaxhimin e tyre.

“Një propozim tjetër në lidhje me mënyrën e organizimit të dëgjesave. Nuk mund të jenë bashkitë vetë që t’i organizojnë se shumica e tyre janë në konflikt interesi, por të organizojmë një sekretariat teknik. Nëse i lëmë në dorë bashkive, kjo nuk do të na çojë te konkludimet reale se në shumicën e tyre dominohen nga maxhoranca.“, u shpreh Boçi.

Nga ana tjetër edhe deputeti Eno Bozdo kërkoi përfshirjen e ekspertëve ndërkombëtarë në këtë proces.

Luçiano Boçi: Meqenëse ka debat për çështjen e kohës, se ka një grup që ne duam të sabotojmë çështjen e reformës, shtrirjen e saj në kohë, ne kërkojmë kohë më shumë ndërkohë që koha qenka e përcaktuar dhe me një vendim parlamenti. Dëgjova edhe këtë tjetrën që të ecim se nëse kërkohen ndryshime i bëjmë gjatë rrugës. Nuk funksionon. Nuk ka një tendencë nga ana jonë për të sabotuar në kohë por produkti që duhet të dalë nga ky Komision i ngjasojë produktit të një reforme që impakton pushtetin lokal për 30-40 vitet e ardhshme dhe jo t’i rikthehemi pas 10 viteve siç ndodhi me reformën e 2015.

Ne kemi angazhimin që të punojmë pa u vendosur në këtë këmishë force dhe duke bërë që reforma të jetë konsulencë e gjerë me faktorët dhe aktorët. Në projekt kalendar është parashikuar që të bëhen dëgjesa, kryesisht konsiderohen publike, me kryetarët e bashkive. Publik për nga forma por ajo që po kërkojmë ne, ne na duhen edhe seanca dëgjimore me popullsi të atyre territoreve që shprehin kërkesën për të krijuar një hartë e re territoriale. Nuk mjafton vetëm sondazhi.

Propozimi ynë që të shtojmë në projekt kalendar këto dëgjesa. Një propozim tjetër në lidhje me mënyrën e organizimit të dëgjesave. Nuk mund të jenë bashkitë vetë që t’i organizojnë se shumica e tyre janë në konflikt interesi, por të organizojmë një sekretariat teknik. Nëse i lëmë në dorë bashkive, kjo nuk do të na çojë te konkludimet reale se në shumicën e tyre dominohen nga maxhoranca.

The post Reforma Territoriale duhet t’i rezistojë kohës/ Boçi në Komision: Të bëhen dëgjesa edhe me qytetarët, të menaxhohen nga një sekretariat i pavarur, Bashkitë kontrollohen nga maxhoranca appeared first on Albeu.com.

Lajmin e bëri të ditur nga foltorja kreu i grupit parlamentar të PS-së, Taulant Balla, i cili deklaroi se mazhoranca ka vendosur heqjen e këtij pike nga rendi i ditës, pa dhënë detaje të mëtejshme mbi arsyet e kësaj lëvizjeje.

“E heqim nga rendi i ditës ndryshimet në Komisionin e Reformës Territoriale! Do vijojë puna në Komisionin e Posaçëm të Reformës Territoriale.”, u shpreh Balla gjatë seancës.

Vendimi u shoqërua me reagime nga opozita. Deputeti i Partisë Demokratike, Luçiano Boçi, kërkoi që mazhoranca të mos mjaftohet vetëm me heqjen e pikës nga rendi i ditës, por të tërhiqet plotësisht nga ndryshimet e propozuara në Komisionin e Reformës Territoriale.

“Duhet të tërhiqeni nga ndryshimet në Komisionin e Reformës Territoriale, jo thjesht ta hiqni nga rendi i ditës! Tërheqja tregon vullnetin, shtyrja nuk tregon asgjë.”, u shpreh Boçi, duke theksuar se opozita e konsideron këtë proces të njëanshëm.

The post PS tërheq nga rendi i ditës në Kuvend ndryshimet në Komisionin e Reformës Territoriale appeared first on Albeu.com.

Socialistët kërkojnë ndryshimin e formulës së përbërjes së komisionit, ku nga ndarja 50:50, tashmë anëtarët do të kenë 9 anëtar dhe opozita 8, ndërkohë që nga forma e organizimit me dy basHkë kryetarë, pritet që kryetari të jetë i PS, dhe një përfaqësues nga opozita të jetë në rolin e nënkryetarit.

Kjo sipas socialistëve bëhet që të vijojë puna e komisionit.

Pas bojkotit të bërë dje nga opozita për mbledhjen e Komisionit të Posaçëm të Reformës Territoriale, socialistët bënë me dije se nuk do të tërhiqeshin nga kërkesa e cila do të shqyrtohet sot në Kuvend.

Mes çështjeve që do të diskutohen në seancë plenare, janë edhe ndryshimet në ligjin “Për barnat narkotike dhe lëndët psikotrope” dhe në ligjin “Për mbrojtjen nga diskriminimi”.

Ndërkohë do të zhvillohet edhe një interpelancë me Ministrin e Drejtësisë, Besfort Lamallari, kërkuar nga deputeti I Partisë së Lirisë, Tedi Blushi.

Pikë tjetër në Rendin e Ditës është edhe Projektligji “Për parandalimin e konfliktit të interesave në ushtrimin e funksioneve publike” dhe Projektvendimi “Për ngritjen e Nënkomisionit për Zhvillim të Qëndrueshëm në përbërje të Komisionit të Përhershëm Parlamentar për Burimet Natyrore, Infrastrukturën dhe Zhvillimin e Qëndrueshëm”.

RENDI I DITËS

Në mbështetje të urdhrit nr. 9, datë 30.1.2026 të Kryetarit të Kuvendit, z. Niko Peleshi, rendi i ditës është si më poshtë vijon:

1. Miratimi i procesverbalit të seancës plenare të datës 22.1.2026. (Neni 44, pika 2, të Rregullores së Kuvendit)

2. Njoftime. (Neni 44, pika 3, të Rregullores së Kuvendit)

3. Interpelancë me Ministrin e Drejtësisë, z. Besfort Lamallari, kërkuar nga deputeti Tedi Blushi. (Neni 80 i Kushtetutës, neni 96 i Rregullores së Kuvendit)

4. Projektligji “Për ratifikimin e marrëveshjes së financimit, ndërmjet Republikës së Shqipërisë, përfaqësuar nga Këshilli i Ministrave i Republikës së Shqipërisë, Francës dhe Komisionit Evropian, për programin e bashkëpunimit (Interreg VI-C) Interreg Europe 2021-2027”. (Në mbështetje të neneve 78, 83, pika 1, dhe 121, pika 1, të Kushtetutës, dhe neneve 55, 73-77 të Rregullores, shumicë absolute votash për miratim) Pyetje Shprehet nismëtari Shprehet Komisioni përgjegjës për Ekonominë, Punësimin dhe Financat Dhënie mendimi Komisioni për Çështjet Ligjore dhe Administratën Publike Dhënie mendimi Komisioni për Europën dhe Punët e Jashtme Dhënie mendimi Komisioni për Bujqësinë, Ushqimin dhe Zhvillimin Rural Diskutime (Shprehen grupet parlamentare) Koha e votimit

5. Projektligji “Për ratifikimin e marrëveshjes ndryshuese nr. 1, me shkëmbim letrash, të marrëveshjes së financimit, ndërmjet Republikës së Shqipërisë, përfaqësuar nga Këshilli i Ministrave i Republikës së Shqipërisë, Republikës së Kosovës, përfaqësuar nga Zyra e Kryeministrit, dhe Komisionit Evropian, për programin e bashkëpunimit ndërkufitar Shqipëri–Kosovë, 2021–2027, ratifikuar me ligjin nr. 12/2024”. (Në mbështetje të neneve 78, 83, pika 1, dhe 121, pika 1, të Kushtetutës, dhe neneve 55, 73-77 të Rregullores, shumicë absolute votash për miratim) Pyetje Shprehet nismëtari Shprehet Komisioni përgjegjës për Ekonominë, Punësimin dhe Financat Dhënie mendimi Komisioni për Çështjet Ligjore dhe Administratën Publike Dhënie mendimi Komisioni për Europën dhe Punët e Jashtme Dhënie mendimi Komisioni për Çështjet e Brendshme dhe Mbrojtjen Dhënie mendimi Komisioni për Bujqësinë, Ushqimin dhe Zhvillimin Rural Diskutime (Shprehen grupet parlamentare) Koha e votimit

6. Projektligji “Për ratifikimin e marrëveshjes ndryshuese nr. 1 të rishikuar, me shkëmbim letrash, të marrëveshjes së financimit, ndërmjet Republikës së Shqipërisë, përfaqësuar nga Këshilli i Ministrave i Republikës së Shqipërisë, Malit të Zi dhe Komisionit Evropian, për programin IPA të bashkëpunimit ndërkufitar Mali i Zi – Shqipëri 2021–2027, ratifikuar me ligjin nr. 9/2024”. (Në mbështetje të neneve 78, 83, pika 1, dhe 121, pika 1, të Kushtetutës, dhe neneve 55, 73-77 të Rregullores, shumicë absolute votash për miratim) Pyetje Shprehet nismëtari Shprehet Komisioni përgjegjës për Ekonominë, Punësimin dhe Financat Dhënie mendimi Komisioni për Çështjet Ligjore dhe Administratën Publike Dhënie mendimi Komisioni për Europën dhe Punët e Jashtme Dhënie mendimi Komisioni për Çështjet e Brendshme dhe Mbrojtjen Diskutime (Shprehen grupet parlamentare) Koha e votimit

7. Projektligji “Për ratifikimin e marrëveshjes ndryshuese nr. 1, të rishikuar, me shkëmbim letrash, të marrëveshjes së financimit, ndërmjet Republikës së Shqipërisë, përfaqësuar nga Këshilli i Ministrave i Republikës së Shqipërisë, Republikës së Maqedonisë së Veriut, përfaqësuar nga Sekretariati për Çështjet Evropiane, dhe Komisionit Evropian, për programin IPA të bashkëpunimit ndërkufitar Maqedonia e Veriut – Shqipëri, 2021 – 2027, ratifikuar me ligjin nr. 71/2024”. (Në mbështetje të neneve 78, 83, pika 1, dhe 121, pika 1, të Kushtetutës, dhe neneve 55, 73-77 të Rregullores, shumicë absolute votash për miratim) Pyetje Shprehet nismëtari Shprehet Komisioni përgjegjës për Ekonominë, Punësimin dhe Financat Dhënie mendimi Komisioni për Çështjet Ligjore dhe Administratën Publike Dhënie mendimi Komisioni për Europën dhe Punët e Jashtme Dhënie mendimi Komisioni për Çështjet e Brendshme dhe Mbrojtjen Diskutime (Shprehen grupet parlamentare) Koha e votimit.

8. Projektligji “Për disa shtesa dhe ndryshime në ligjin nr. 8874, datë 29.3.2002, “Për kontrollin e lëndëve që përdoren për fabrikimin e paligjshëm të lëndëve narkotike dhe psikotrope””. (Në mbështetje të neneve 78 dhe 83, pika 1, të Kushtetutës, dhe neneve 55, 68 dhe 73-77 të Rregullores, shumicë e thjeshtë votash për miratim) Pyetje Shprehet nismëtari Shprehet Komisioni përgjegjës për Shëndetësinë dhe Mirëqenien Sociale Dhënie mendimi Komisioni për Çështjet Ligjore dhe Administratën Publike Dhënie mendimi Komisioni për Europën dhe Punët e Jashtme Dhënie mendimi Komisioni për Bujqësinë, Ushqimin dhe Zhvillimin Rural Diskutime (Shprehen grupet parlamentare) Koha e votimit

9. Projektligji “Për disa shtesa në ligjin nr. 7975, datë 26.7.1995, “Për barnat narkotike dhe lëndët psikotrope”, të ndryshuar. (Në mbështetje të neneve 78 dhe 83, pika 1, të Kushtetutës, dhe neneve 55, 68 dhe 73-77 të Rregullores, shumicë e thjeshtë votash për miratim) Pyetje Shprehet nismëtari Shprehet Komisioni përgjegjës për Shëndetësinë dhe Mirëqenien Sociale Dhënie mendimi Komisioni për Çështjet Ligjore dhe Administratën Publike Dhënie mendimi Komisioni për Europën dhe Punët e Jashtme Dhënie mendimi Komisioni për Bujqësinë, Ushqimin dhe Zhvillimin Rural Diskutime (Shprehen grupet parlamentare) Koha e votimit

10. Projektligji “Për disa shtesa dhe ndryshime në ligjin 10221, datë 04.02.2010 “Për mbrojtjen nga diskriminimi”. (Në mbështetje të neneve 78, 81, pika 1 dhe 83, pika 1, të Kushtetutës, si dhe neneve 55, 68 dhe 73-77 të Rregullores, shumicë e thjeshtë votash për miratim) Pyetje Shprehet nismëtari Shprehet Komisioni përgjegjës për të Drejtat e Njeriut dhe Mjetet e Informimit Publik Dhënie mendimi Komisioni për Çështjet Ligjore dhe Administratën Publike Diskutime (Shprehen grupet parlamentare) Koha e votimit

11. Projektligji “Për parandalimin e konfliktit të interesave në ushtrimin e funksioneve publike”. (Në mbështetje të neneve 81 dhe 83, pika 1, të Kushtetutës, dhe neneve 55, 68 dhe 73-77 të Rregullores, shumicë e thjeshtë votash për miratim) Pyetje Shprehet nismëtari Shprehet Komisioni përgjegjës për Çështjet Ligjore dhe Administratën Publike Dhënie mendimi Komisioni për Ekonominë, Punësimin dhe Financat Dhënie mendimi Komisioni për Europën dhe Punët e Jashtme Dhënie mendimi Komisioni për Drejtat e Njeriut dhe Mjetet e Informimit Publik Diskutime (Shprehen grupet parlamentare) Koha e votimit

12. Projektvendimi “Për ngritjen e Nënkomisionit për Zhvillim të Qëndrueshëm në përbërje të Komisionit të Përhershëm Parlamentar për Burimet Natyrore, Infrastrukturën dhe Zhvillimin e Qëndrueshëm”. (Në mbështetje të nenit 78, pika 1, të Kushtetutës dhe neneve 19, pika 2, 21, pika 1, dhe 55, pika 1, të Rregullores së Kuvendit, shumicë e thjeshtë votash për miratim) Koha e votimit

13. Projektvendimi “Për ndryshimin e vendimit nr. 75, datë 27.10.2025 “Për ngritjen e Komisionit të Posaçëm për Reformën Administrativo-Territoriale në Republikën e Shqipërisë”, i ndryshuar. (Në mbështetje të neneve 77, pika 1, dhe 78, pika 1, të Kushtetutës dhe të neneve 24 dhe 55, pika 1, të Rregullores së Kuvendit, shumicë e thjeshtë votash për miratim) Koha e votimit

14. Diskutime për çështje jashtë rendit të ditës. (Në mbështetje të nenit 45 të Rregullores së Kuvendit: Çdo deputet mund të flasë jo më shumë se 5 minuta dhe nëse diskuton në emër të grupit parlamentar, jo më shumë se 8 minuta. Koha e diskutimeve për çështje jashtë rendit të ditës nuk mund të jetë më shumë se 60 minuta.)

The post Mazhoranca dhe opozita përballen sot në Kuvend për Reformën Territoriale appeared first on Albeu.com.

Ndërsa fryma e kësaj nisme ishte pozitive, zbatimi ka qenë sfidues, duke rezultuar në shërbime publike të mangëta në zonat kritike, duke përfshirë furnizimin me ujë, menaxhimin e mbetjeve, transportin publik, arsimin, kujdesin për fëmijët dhe reagimin ndaj fatkeqësive – analizoi Banka Botërore në marrëveshjen e re që nënshkroi me qeverinë shqiptare vitin e kaluar.

Banka vuri në dukje se shumica e autoriteteve vendore, kanë rezultuar të paafta për të fituar kapacitetin operacional dhe financiar për të menaxhuar dhe për t’i ofruar këto shërbime në mënyrë të qëndrueshme.

Për rrjedhojë, shërbimet e ofruara janë të pamjaftueshme dhe me cilësi të ulët të shërbimit. Nga ana tjetër, kjo ka pasur ndikim të drejtpërdrejtë negativ në kapitalin njerëzor, mjedisin dhe mundësitë ekonomike.

Nisur nga kjo situatë, Banka Botërore, në ciklin katërvjeçar të bashkëpunimit 2023-2027 do të adresojë shumë problematika në menaxhimin lokal.

Banka Botërore, rekomandoi një koordinim efektiv ndërmjet ministrive dhe ndërmjet qeverisjes qendrore dhe vendore, duke e vendosur si objektiv të politikave të saj në marrëveshjen aktuale.

Koordinimi ndërmjet ministrivedhe agjencitë ishte sfiduese, veçanërisht në angazhimet transformuese ndërsektoriale. Shumë prej projekteve të planifikuara, kanë mbetur në udhëkryq pasi ka përplasje të kompetencave ndërmjet institucioneve qendrore dhe atyre lokale.

Përpjekjet për decentralizim në vitin 2014, transferuan përgjegjësinë për ofrimin e shërbimeve publike (furnizimin me ujë, kanalizimet, menaxhimin e mbeturinave, arsimin, kujdesin për fëmijët në arsimin parashkollor dhe reagimin ndaj fatkeqësive) nga qeveria qendrore tek autoritetet lokale.

Analiza e detajuar e Bankës Botërore, vuri në dukje se shumë autoritete lokale nuk kanë qenë në gjendje të fitojnë kapacitetin operacional dhe financiar për të menaxhuar dhe për të siguruar këto shërbime në mënyrë të vazhdueshme, duke rezultuar në ofrim të pamjaftueshëm dhe cilësi të ulët.

Mangësitë në koordinim, mungesa e standardeve dhe mekanizmave të llogaridhënies kanë kontribuar që mangësitë të vazhdojnë dhe të kenë ndikim të drejtpërdrejtë negativ në kapitalin njerëzor, mjedisor dhe ekonomik.

Qeverisja e dobët e bashkive, e ka bërë sfidë zhvillimin e qëndrueshëm kryesisht në pesë drejtime referon Banka Botërore:

Së pari; ofrimi i shërbimeve publike ishte i mangët në zonat rurale dhe ndikoi në thellimin e mëtejshëm të pabarazive.

Së dyti; zonat urbane përfitojnë nga një mbulim më i mirë me shërbime publike, por cilësia e shërbimeve është dhe shpesh ka krijuar probleme sociale dhe mjedisore.

Së treti; nivelet e larta të ndotjes, mbipopullimi dhe planifikimi i mangët po gërryejnë cilësinë e jetës.

Së katërti; mangësitë në menaxhimin e mbetjeve të ngurta dhe ujërave të zeza, minojnë konkurrencën dhe zhvillimin e qëndrueshëm në sektorët e bujqësisë dhe turizmit.

Së pesti; mungesa e shërbimit të kujdesit për fëmijët minon aftësinë e grave që të marrin pjesë në aktivitete ekonomike.

The post Banka Botërore: Reforma territoriale la fshatin pa shërbime dhe përkeqësoi cilësinë e tyre në qytet appeared first on Albeu.com.

Sipas Alibeajt, bashki të falimentuara, bashki pa shërbim, transport publik dhe bashki që vendosin taksë në mes të pyllit, është reforma e bërë nga mazhoranca.

“Me rilindjen urbane i keni shndërruar bashkitë në kopje të njëra-tjetrës. Bashki pa tradita, që po shpopullohen. Prandaj është e nevojshme që të rishihet reforma territorial. Bashki pa demokraci lokale, këtë nuk e kuptoni ju. Pushteti vendor, nëse ka një vlerë është pikërisht kjo. Pushteti që i jepet qytetarëve që të kontrollojë kryetarin e bashkisë”, tha Alibeaj.

The post Alibeaj-mazhorancës: Po vidhni në tavolinë zgjedhjet lokale të 2023 appeared first on Albeu.com.

Komentet Paloka i bëri në një lidhje me “Radarin Informativ” në Abc, ku foli për Reformën Territoriale dhe për ftesën për bashkëpunim të Berishës ndaj grupit të drejtuar nga Alibeaj.

Pjesë nga biseda:

Xhokaxhi: Ndoshta ka qenë kërkesa e parë e Berishës ndaj Alibeajt për të dalë me një draft të përbashkët për territoriale. A ka patur përgjigje nga Alibeja, dhe pse nuk i kërkoht5e të dilni sëbashku në zgjedhje?

Paloka: Ftesa e zotit Berisha ishte në kuadrin brenda lëvizjeve konkrete të deputetëve të PD. Është normale, madje sot ishte thirrje publike, por thirrje të tilla publike dhe jopublike janë bërë në vazhdimësi. Deklarata janë një gjë dhe vullneti për të realizuar atë që shpreh deklarata duhet të faktorizohet. Nuk mund të ecet vetëm me deklarata.

Xhokaxhi: Si mund të konkretizohet, do të duhet një iniciativë konkrete?

Paloka: Po u them diçka më shumë ka patur një takim për territorialen mes Bylykbashit dhe Çupit, për fat të keq nuk është konkluaduar për arritje në bashkëpunim. Ndarja e zonave lëviz me një ose dy bashki, por territorialja nuk është thjeshtë ndarje apo numrash. Nuk është se ulemi siç bëri Rama, që bëri një ndarje elektorale. Çështja nuk është të bëjmë një ndarje të tillë. Qëllimi kryesor është që qytetarët nga reforma e kaluar dolën më të humburit, se nuk marrin më shërbimet e tyre, pra janë disa kritere që duhen zbatuar në reformën territoriale. Unë mendoj se shumë pak mbetet për të bërë që të shkojmë në një draft.

Xhokaxhi: Dalja me një draft të vetëm është më i rëndësishëm?

Paloka: Mund të gjendet ndonjë justifikim për pjesën teknike, por në rastin konkret jemi pothuajse me të njëjtin numër, kriteret duhet të jenë po të njëjta. Nuk ka ndonjë pengesë reale që të dalim me një draft të përbashkët, për të bërë hapa konkret drejt bashkëpunimit. Ne duhet të jemi koshinetë, Rama nuk do të bëjë reformë territoriale siç kërkojmë ne, ai do vazhdojë të këmbëngulë për atë territor që i shërben atij./Abcnews.al/

The post Ftesa e Berishës për Alibeajn, Paloka: Është e rëndësishme të dalim me një draft për territorialen, por ata na kanë refuzuar appeared first on Albeu.com.

Enkelejd Alibeaj: Një nga takimet që i kemi pasur format shumë kohë më parë. Objekt i takimit të gjitha ato reformat që i kemi nisur në parlament dhe ju i keni ndjekur. Takim i parë që do të pasohet nga të tjerë, qoftë në këtë format apo të tjera.

The post Mbledhja me 8 ambasadorët për reformën Territoriale, Alibeaj: Do pasohet me takime të tjera appeared first on Albeu.com.

Deputetët që nuk i janë bashkuar Foltores së Berishës propozojnë rritjen e numrit të bashkive nga 61 që sjanë sot në 94, ndërkohë që numri i banorëve për njësi vendore ulet nga 75 mijë në 50 mijë.

Me rritjen e numrit të bashkive, rritet edhe numri i këshilltarëve bashkiakë në të gjithë vendin. Aktualisht janë 1607 këshilltarë, ndërkohë që po u rrit numri i bashkive, numri i këshilltarëve pritet të shkojë në 2114.

Propozimet e grupit të Alibeajt

Nga 61 bashki që është sot, shkon në 94 bashki

Ulet nga 75 mijë në 50 mijë numri i banorëve për njësi vendore

Ulet nga 471 km2 në 315 km2 sipërfaqja mesatare për njësi vendore

Rritet nga 61 kryetarë në 94 kryetarë numri i të zgjedhurve vendorë. Numri i këshilltarëve rritet nga 1607 në 2114

Numri i bashkive për qark rritet nga 5.1 bashki në 7.4 bashki.

The post Harta territoriale, zbulohen propozimet e grupit të Alibeajt, sa bashki të reja do të shtohen appeared first on Albeu.com.

“Rekomandojmë te kemi 6 rajone, dhe te hiqet emri qark”, tha ai. Ai theksoi më tej se Shqipërisë i duhet një ligj, i cili garanton referendumet lokale.

“Shqipërisë i duhet ligji për referendume lokale”, tha ai.

Partia Demokratike, grupimi i drejtuar nga Enkelejd Alibeaj, ka bërë të ditur se do të propozojë rritjen e numrit të bashkive nga 61 në 92 bashki dhe uljen e numrit të qarqeve në 6 rajone.

Ndërsa mbështetësit e Sali Berishës kanë kërkuar 95 bashki  dhe 5 rajone. Aktualisht Shqipëria numëron 12 qarqe dhe 61 bashki.

The post Reforma territoriale, ekspertët e opozitës: Shqipërisë i duhet ligji për referendume lokale appeared first on Albeu.com.