Raporti thekson se 37-vjeçari zhvilloi javën e kaluar një takim me drejtuesit e skuadrës amerikane, me qëllim që të njihej më nga afër me projektin sportiv të klubit.

Pas disa ditësh reflektimi dhe pasi shqyrtoi alternativat që kishte në dispozicion, ai ka miratuar kalimin te ekipi nga Çikago.

Ndonëse kishte në tavolinë oferta shumë të leverdishme financiarisht nga klube të Saudi Arabia, Lewandowski ka zgjedhur të vijojë rrugëtimin e tij në Major League Soccer, aty ku synon të luajë vitet e fundit të karrierës si futbollist profesionist.

Mësohet se ai ka rënë dakord për një kontratë dyvjeçare me Chicago Fire, me opsionin që marrëveshja të zgjatet edhe për një sezon tjetër.

Sipas burimeve, përfitimi i Lewandowskit do të jetë afërsisht 10 milionë euro neto për sezon, ndërsa klubi i ka propozuar edhe një rol ambasadori pasi të mbyllë karrierën si lojtar.

The post Robert Lewandowski vendos për destinacionin e radhës, kalimi te Chicago Fire pritet të zyrtarizohet së shpejti appeared first on Albeu.com.

Në këtë kuadër, merkatoja e katalunasve mbetet shumë aktive. Presidenti Joan Laporta, së bashku me trajnerin Hansi Flick, janë duke ndërtuar një projekt të ri sportiv që nuk përfshin më sulmuesin veteran polak.

Media spanjolle raportojnë se stafi teknik ka përzgjedhur katër emra për të mbuluar boshllëkun në sulm, me profile të ndryshme edhe në aspektin financiar: Julian Alvarez, Mikel Oyarzabal, Gabriel Jesus dhe Fisnik Asllani.

Emri që kryeson listën e Barcelonës për qendrën e sulmit është Julian Alvarez. Sulmuesi i Argjentinës dëshiron të transferohet te gjiganti katalunas, por bisedimet me Atletico Madridin kanë hasur vështirësi serioze.

Klubi madrilen nuk pranon të hyjë në negociata për shitjen e tij dhe kërkon që Barcelona të derdhë të plotë klauzolën e largimit prej 500 milionë eurosh. Alvarez realizoi 20 gola në 49 ndeshje sezonin e kaluar dhe është i lidhur me kontratë deri në vitin 2030.

Për shkak të pengesave të qarta financiare që shoqërojnë këtë pistë, Mikel Oyarzabal paraqitet si një alternativë shumë bindëse. Futbollisti i Real Sociedadit përputhet me kërkesat taktike të Flick, i cili synon një sulmues dinamik, të aftë të lëvizë në thellësi dhe të kombinojë me pjesën tjetër të skuadrës.

Avantazhi i sulmuesit nga San Sebastiani lidhet edhe me harmoninë që ai ka krijuar te kombëtarja e Spanjës. Oyarzabal gëzon raporte shumë të mira me disa nga figurat kryesore të dhomës së zhveshjes te Barcelona, si Lamine Yamal, Pedri, Gavi, Fermin Lopez, Dani Olmo dhe Ferran Torres. Në 40 paraqitje ai shënoi 18 gola, ndërsa kontrata e tij zgjat deri në vitin 2028.

Alternativa e tretë që po shqyrtohet vjen nga Liga Premier dhe mban emrin e Gabriel Jesus. Sulmuesi brazilian synon të largohet nga Arsenali, ndërsa klubi anglez dëshiron të përfitojë nga shitja e tij përfundimtare gjatë afatit kalimtar të verës.

Ndonëse është përballur me lëndime, karakteristikat e tij teknike kanë lënë përshtypje të mira te trajneri gjerman. Me një vlerësim që luhatet mes 20 dhe 30 milionë eurove dhe me kontratë deri në vitin 2027, ai e mbylli periudhën e fundit me 6 gola dhe 2 asistime në 27 ndeshje.

Ndërkaq, emri i katërt në listën e stafit teknik të Barcelonës është Fisnik Asllani. Përfaqësuesi i Kosovës sapo ka lënë pas një etapë pozitive në Bundesligën gjermane, ku luajti me Hoffenheimin.

Bilanci i tij në kampionatin e kaluar tregon peshë të konsiderueshme në lojë, me 11 gola dhe 10 asistime. Megjithëse ka kontratë deri në verën e vitit 2029, drejtuesit e klubit e konsiderojnë Asllanin vetëm si një alternativë dytësore në rotacion.

The post Barcelona vlerëson katër alternativa për pasuesin e Lewandowskit, mes tyre edhe Fisnik Asllani appeared first on Albeu.com.

Emri i tij qarkullon nga Italia në Arabinë Saudite, por së fundmi në skenë ka dalë edhe Amerika.

Sipas BBC: Chicago Fire ka vendosur kontaktet e para me përfaqësues të lojtarit, për të kuptuar nëse ekziston mundësia për një transferim në “tokën e premtuar”.

Chicago Fire, është një opsion shumë i mirë për Lewandowskin, pasi është një klub që do t’i garantonte pagën faraonike që Lewa merr në Barcelonë.

Mbetet për t’u parë se çfarë do të vlerësojë në fund polaku, aspektin sportiv apo financiarë.

The post I shumëkërkuar, Robert Lewandowski në qendër të merkatos, e duan dhe në Amerikë appeared first on Albeu.com.

Klubi katalanas përmes rrjeteve sociale, ka treguar rreth lëndimit të lojtarit.

Lewa ka pësuar një lëndim në kofshën e majtë, ku pritet të mungojë në ndeshjen miqësore të së dielës ndaj Comos.

Ai tashmë është futur në fazën e rikuperimit, por nuk dihet data e saktë e rikthimit të tij.

The post Dëmtohet Lewandowski, mungon në ndeshjen miqësore ndaj Comos appeared first on Albeu.com.

Sipas mediumit Al-Riyadiyah, sulmuesi polak e ka informuar agjencinë e tij për dëshirën e tij për të luajtur në Lindjen e Mesme.

“Nuk ka bisedime për momentin midis lojtarit dhe ligës saudite, por kjo do të ndodhë. Liga saudite do ta shohë atë të bashkohet me një nga klubet e tyre nga viti 2026”, ka thënë një zëdhënës i Gol International, agjencia që menaxhon Lewan.

Kjo nuk është hera e parë që Lewandowski është lidhur me një transferim në Arabinë Saudite, por deri më tani, ai dhe ekipi i tij kanë mohuar çdo interes.

Ata kanë këmbëngulur se përparësia e tij është të përfundojë kontratën e tij aktuale me Barcelonën, e cila skadon në verën e 2026 dhe bëhet e qartë se nuk ka plane për një rinovim përtej kësaj kontrate.

Ndryshe, fundi i sezonit të Lewandowskit u ndërpre nga një dëmtim dhe më vonë ai u tërhoq nga ndeshjet e Polonisë, duke përmendur lodhje mendore dhe fizike. Vendimi i tij çoi në tensione në Poloni dhe atij iu hoq shiriti i kapitenit.

The post Lewandowski pranon t’i bashkohet Superligës së Arabisë Saudite appeared first on Albeu.com.

Kjo lëvizje mund t’i hapë rrugë rikthimit të sulmuesit të Barcelonës në kombëtare, pasi ai kishte kushtëzuar kthimin me largimin e Probierz.

Përplasja mes tyre nisi kur Lewandowski u njoftua se shiriti i kapitenit do t’i kalonte mesfushorit Piotr Zielinski.

Pas kësaj, lojtari deklaroi publikisht se kishte humbur besimin te trajneri dhe se nuk do të luante më për Poloninë për aq kohë sa ai do të ishte në krye.

Në deklaratën e dorëheqjes, Probierz falënderoi bashkëpunëtorët, lojtarët dhe tifozët për mbështetjen gjatë periudhës së tij si trajner.

Federata Polake e Futbollit gjithashtu shprehu mirënjohje për kontributin e tij dhe i uroi suksese në të ardhmen.

Dorëheqja e tij vjen pas një Euro 2024 zhgënjyese, por Polonia ka treguar përmirësim në kualifikueset për Kupën e Botës 2026, ku ka mbledhur gjashtë pikë nga tre ndeshje.

Rikthimi i Lewandowskit mund të jetë një shtysë vendimtare për vazhdimësinë.

The post Buzëqesh Lewandowski, trajneri i Polonisë jep dorëheqje pas përplasjes me sulmuesin e Barcelonës appeared first on Albeu.com.

“Asnjë ndjenjë e keqe apo pakënaqësi. Ia hoqa shiritin e kapitenit për të mirën e ekipit. Pasi fola me shumë lojtarë dhe stafin e trajnerëve, bëra një analizë dhe vendosa ta ndryshoj kapitenin”. Në këtë pikë, Lewandowski e dyfishoi qëndrimin në një intervistë me “WP Sportowe”:

“Mora një telefonatë surprizë nga trajneri Michal Probierz, i cili më tha se do të ma hiqte shiritin e kapitenit. Nuk isha i përgatitur, po i vija fëmijët në gjumë. Biseda nuk zgjati as një minutë”, tha ish-lojtari i Bayernit dhe Borussia Dortmundit.

The post Heqja e shiritit te Polonia, Robert Lewandowski i tronditur: Po vendosja fëmijët në gjumë kur më lajmëroi trajneri appeared first on Albeu.com.

Përçarja midis sulmuesit të Barcelonës dhe trajnerit ka ndodhur në këto orë, dhe qëndrimi i tij erdhi me një mesazh të drejtpërdrejtë të publikuar në profilin e tij “X”:

“Duke pasur parasysh rrethanat dhe humbjen e besimit tek trajneri i ekipit kombëtar polak, kam vendosur të ndaloj së luajturi për Poloninë derisa ai të jetë trajner. Shpresoj të jem në gjendje të luaj përsëri për tifozët më të mirë në botë”, shkroi Lewandowski.

Lewa, i cili ka luajtur më shumë se 150 ndeshje për Poloninë, duke shënuar mbi 80 gola, gjithmonë ka mishëruar fytyrën e ekipit kombëtar.

Përjashtimi i tij vullnetar përfaqëson një goditje të fortë për dhomën e zhveshjes dhe për tifozët, pikërisht në një kohë kur Polonia është e angazhuar në kualifikimet për Kupën e Botës 2026.

Mbetet për t’u parë nëse do të jetë një lamtumirë përfundimtare apo një përçarje që mund të “riparohet”.

The post Plas te Polonia, Robert Lewandowski largohet nga kombëtarja pas sherrit me trajnerin appeared first on Albeu.com.

Sulmuesi polak ka pasur sezonin më të mirë në Kataloni deri më tani, duke arritur në kuotën e 101 golave në 147 ndeshje në tri sezonet e fundit.

Sezoni 2024/25 ishte më produktivi për të në aspektin individual, me 27 gola në La Liga dhe 42 në total, duke humbur ngushtë në garën për “Këpucën e Artë” përballë Kylian Mbappé.

Pavarësisht efikasitetit të tij para portës, spekulimet mbi të ardhmen e tij afatgjatë nuk kanë munguar, ndërsa ai pritet të mbushë 37 vjeç në muajin gusht.

Lewandowski konfirmon vendimin për të ardhmen te Barcelona në sezonin 2025/2026.

Në prag të pushimeve verore, sulmuesi veteran foli për mediumin gjerman Bild, duke konfirmuar se nuk ka ndërmend të largohet dhe se fokusi i tij është plotësisht te Barcelona.

“Kam fituar mbi 30 trofe në karrierën time. Por jam ende i uritur për më shumë”.

“Nuk është një çështje për mua. Do të qëndroj edhe sezonin tjetër. Aktualisht, gjithçka që kam në mendje është Barcelona. Skuadra jonë do të jetë edhe më e fortë sezonin e ardhshëm”, ka deklaruar sulmuesi.

Kontrata aktuale e Lewandowskit me Barcelonën është e vlefshme deri në qershor të vitit 2026, por ekziston një opsion për zgjatje edhe për një vit tjetër, nëse ai vazhdon të ruajë nivelin e tij të lartë të performancës.

Plani veror i Barcelonës për Lewandowskin

Barcelona do ta monitorojë nga afër Lewandowskin gjatë pushimeve të verës për t’u siguruar që ai të rikthehet në formë optimale për fazën përgatitore të sezonit të ri.

Numri 9 i katalanasve ka vendosur të tërhiqet nga grumbullimi i Polonisë për ndeshjet e qershorit për shkak të lodhjes së akumuluar nga sezoni intensiv në kampionat.

“Për shkak të rrethanave dhe intensitetit të sezonit me klubin, së bashku me trajnerin kemi vendosur që të mos marr pjesë në grumbullimin e kombëtares polake në qershor”, përfundoi ai.

The post U tha se do të largohet nga Barcelona në verë, Lewandowski konfirmon të ardhmen appeared first on Albeu.com.

Ditën e sotme, ai ka refuzuar një tjetër ofertë nga Arabia Saudite, duke mos e menduar aspak largimin nga gjigantët spanjollë të futbollit.

Sipas raportimeve më të fundit nga mediat spanjolle, sulmuesi polak ka marrë sërish një ofertë “stratosferike” nga Arabia Saudite.

Megjithatë, veterani polak i sulmit e ka refuzuar ofertën dhe nuk ka në plan të largohet nga “blaugranat” para përfundimit të kontratës së tij, e cila skadon më 30 qershor të vitit 2026.

Ndërkaq, kujtojmë se në sezonin e parë te Barcelona, Lewandowski ka arritur të çojë topin plot 33 herë në rrjetë dhe të asistojë shokët e tij në 8 raste, në 46 përballjet e zhvilluara në të gjitha kompeticionet ku spanjollët ishin pjesëmarrës.

Ndërsa këtë sezon, ai ka arritur të shënojë plot 25 gola dhe të regjistrojë 9 asistime në 48 sfida.

The post “Thasët” me para mbi tavolinë, Lewandowski refuzon ofertën nga Arabia Saudite appeared first on Albeu.com.