Barcelona prej vitesh po kërkon një futbollist që të marrë përsipër drejtimin e repartit ofensiv, dhe Alvarez përmbush profilin që kërkohet për shkak të moshës, eksperiencës dhe nivelit të paraqitjeve. 26-vjeçari nuk dallohet vetëm për golat, por edhe për presionin që ushtron, lëvizjet mes linjave, rikthimin në mbrojtje dhe aftësinë për të ngritur lojën e skuadrës.

Që nga ardhja e tij në La Liga, ndikimi i tij ka qenë i menjëhershëm. Me fanellën e Atletico Madridit, ai ka regjistruar statistika shumë të larta, duke realizuar 49 gola që prej bashkimit në vitin 2024, një tregues që shpjegon pse disa nga klubet më të mëdha të Evropës e konsiderojnë si një mundësi të rëndësishme në treg.

Megjithatë, operacioni mbetet tejet i ndërlikuar për klubin katalunas. Alvarez ka kontratë deri në vitin 2030 dhe klauzola e lirimit përbën një pengesë të madhe, edhe pse qëndrimi i lojtarit ka ndryshuar dinamikën e çështjes. Te Barcelona janë të vetëdijshëm se një transferim i tillë do të ishte jashtëzakonisht i vështirë, por një futbollist i këtij niveli rrallëherë afrohet kaq shumë me tregun.

Pengesa kryesore është që Atletico nuk ka dëshirë të ndajë rrugët me yllin e vet. Klubi madrilen ka refuzuar tashmë një ofertë prej 150 milionë eurosh nga Real Madridi dhe nuk synon të hyjë në bisedime për një shumë më të ulët. Pikërisht kjo e detyron Decon të mendojë për lëvizje të forta në aspektin financiar.

Strategjia e parashikuar përfshin tre emra të rëndësishëm. I pari është Jules Kounde, vlera e të cilit në treg mund të shkojë pranë 100 milionë eurove në rast se vjen një ofertë serioze. Ndarja me të do të ishte e vështirë në planin sportiv, por do t’i sillte klubit të ardhura të konsiderueshme.

Emri i dytë është Roony Bardghji, shitja e të cilit mund të gjenerojë rreth 30 milionë euro nëse konkretizohet interesi i disa skuadrave evropiane.

Ndërkohë, lojtari i tretë është Marc Casado, për të cilin ekzistojnë oferta nga Liga Premier në vlerën e rreth 20 milionë eurove, shumë që do të ndihmonte në kompletimin e skemës financiare.

Nëse këto tre operacione realizohen, Barcelona do t’i afrohej shumës së kërkuar, edhe pse më pas do të duhej të përballonte edhe pagat dhe amortizimin. Bëhet fjalë për një investim të madh, por po aq i madh do të ishte edhe efekti i afrimit të njërit prej sulmuesve më vendimtarë të La Ligas.

The post Barcelona mendon tre largime për të siguruar 150 milionë eurot e nevojshme për Julian Alvarez appeared first on Albeu.com.

Lajmin e ka konfirmuar eksperti i merkatos Fabrizio Romano. Siç raporton ky i fundit, Barcelona do të paguajë 2 milionë euro plus bonuset tek Copenhagen për shërbimet e sulmuesit 19-vjeçar.

Roony Bardghji pritet t’i bashkohet ekipit të parë të katalanasve, ndërsa pritet të nënshkruhet vetëm kontrata. Sezonin që lamë pas, sulmuesi suedez regjistroi vetëm 5 paraqitje pasi dëmtimet e kufizuan.

View this post on Instagram

A post shared by Fabrizio Romano (@fabriziorom)

The post E KRYER/ “Blindohet” sulmi i Barcelonës, 19-vjeçari gati të transferohet në Spanjë appeared first on Albeu.com.