Krah Salianjit është dhe Alesia Balliu.

The post Ish-deputeti i PD Ervin Salianji i bashkohet protestës në Tiranë, shoqërohet nga ish-kandidatja Alesia Balliu appeared first on Albeu.com.

Në pamjet e publikuara në rrjetet sociale nga vetë Salianji, vihet re një numër i madh demokratësh, të cilët duket se kanë dalë kundër lidershipit të PD-së dhe kanë marrë pjesë në takimin e organizuar nga ish-deputeti demokrat.

Ajo që bie në sy në këtë takim është pjesëmarrja e Alesia Balliut, e cila, ashtu si Salianji, shpalli kandidaturën për kryetare të demokratëve, por sërish nuk u lejua të marrë pjesë në garën përballë Sali Berishës. Po ashtu, pjesëmarrës në këtë takim janë edhe disa figura të tjera të Partisë Demokratike.

Kujtojmë se Ervin Salianji prej kohësh ka dalë kundër vendimeve të marra nga kryedemokrati Sali Berisha dhe ka zhvilluar disa takime në qytete të ndryshme të vendit.

The post Takimi në Tiranë, Ervin Salianji mbush sheshin me demokratë, mes tyre edhe “rivalja” e tij appeared first on Albeu.com.

Në një postim, Salianji thekson se ndryshimi për të cilin ka nevojë Shqipëria kalon nga ndryshimi që duhet të pësojë së pari Partia Demokratike, e cila, sipas tij, ka ende energjinë dhe frymëzimin për të bashkuar njerëzit, dhe sjellë rrotacionin që ka nevojë vendi.

Ai bën me dije se takimi do të mbahet të premten, më 29 maj, në orën 18:00 te Akademia e Arteve, sheshi Nënë Tereza.

“Partia Demokratike është më e madhe se çdo individ. Ajo është pasuri e demokratëve dhe e të gjithë shqiptarëve të lirë, që prej 13 vitesh mbajnë mbi supe barrën e opozitës dhe shpresën për ndryshim.

PD ka ende brenda vetes energjinë, frymëzimin dhe fuqinë për të bashkuar njerëzit, për të hapur rrugë të reja dhe për të sjellë rotacionin që Shqipëria ka nevojë.

Ndryshimi i Shqipërisë kalon nga ndryshimi i Partisë Demokratike. I ftoj demokratët e Tiranës të na mbështesin e të bashkohen me ne në takimin e madh të së premtes.”, shkruan Salianji.

Një ditë më parë, Salianji doli në një deklaratë dhe akuzoi Sali Berishën për manipulim të procesit të zgjedhjes së kreut të PD-së, duke pretenduar se shifrat e pjesëmarrjes janë ‘fryrë’ artificialisht në disa degë.

Sipas ish deputetit, i cili s’u lejua që të kandidonte, në procesin që selia blu e cilësoi si referendum për shkak të faktit se vetëm Berisha ishte në garë, kanë marrë pjesë vetëm 5 mijë anëtarë dhe jo mbi 39 mijë.

The post Salianji njofton takim me demokratët në Tiranë: PD është më e madhe se çdo individ, ka ende energjinë për të sjellë rotacionin që ka nevojë Shqipëria appeared first on Albeu.com.

Salianji deklaroi se në degën Durrës 1 janë raportuar 321 votues nga 939 anëtarë të deklaruar, ndërsa sipas monitorimit të kryer nga mbështetësit e tij, kanë votuar realisht vetëm 269 persona.

Ai ngriti shqetësime edhe për degët e vogla, duke pretenduar se aty manipulimi ka qenë më i madh.

“Në Durrës unë kam deklaruar ditën që u zhvillua farsa që janë votuar 321 anëtarë nga 939 të deklaruara, flasim për degën Durrës 1. Nga numërimi që i kemi bërë një për një gjatë gjithë orëve, 11 orë, e shikoni sa hyjnë dhe dalin. Kanë votuar gjithsej 269 persona, një pjesë e madhe e tyre kanë shkuar për të votuar kundër, për të vendosur emrin tim, për të parë edhe pjesën tjetër, sa reale do të ishtë numërimi i votës kundër.

E njëjta situatë në Korçë, janë votuar 165 persona, në Dibër 194, në Lezhë 345, Elbasan 256, Berat 141, Vlorë 210, Fier 220 dhe Shkodër 471.

Ka ndodhur një element tjetër që është i paimagjinueshëm. Degët e mëdha të PD që kanë qenë të monitoruara me kamera prej nesh kanë këtë rezultat. Degët e vogla, që nuk janë qendër qarku, psh në degën e Maliqit në Korçë nga 45 persona që kanë shkuar për të votuar, e kanë çuar numrin e anëtarësisë së votuar 800 e kusur njerëz. Pra manipulimi tek degët e vogla është në përmasa të mëdha sepse e dinin që nuk ka kamera”, tha ish deputeti.

Salianji shtoi se Partia Demokratike ndodhet “në dëshpërim”, ndërsa përgjegjës bëri edhe kolegët demokratë që sot heshtin. Sipas tij, Berisha është i refuzuar nga demokratët.

“Realiteti politik tregon refuzim të qartë të Berishës nga demokratët. Sali Berisha është braktisur nga demokratët dhe nuk pranon garë. Pavarësisht se e kam propozuar që ta ndryshojmë këtë nenin e statutit dhe të hyjmë në garë në kushtet e barabarta do të humbte në mënyrë dërrmuese. Jemi të zhytur në dëshpërim për shkak të pengmarrës që i ka bërë Berisha për interesa personale PD. Unë po e them sot, do të jetë cilido përgjegjës prej kolegëve që sot hesht. PD më pak sesa një vit nga sot do të jetë në fushatë elektorale, nuk e di si do dalin para demokratëve dhe çfarë do ti thonë që PD të jetë fituese përballë Edi Ramës”, tha Salianji.

The post Zgjedhjet për kreun e PD/ Salianji publikon dokumentet me shifra dhe akuzon Berishën: Është i braktisur, përgjegjës edhe kolegët që sot heshtin appeared first on Albeu.com.

Salianji e konsideron Berishën një kryetar jo legjitim, pasi thotë se kandidoi në kundërshtim me Statutin dhe pa lejuar kandidatë përballë. Ai paralajmëroi organizimin e një Kuvendi dhe vijimin e çështjes në gjykatë.

Kujtojmë se Sali Berisha, organizoi një Kuvend në stadium kur nisi procesin për t’i marrë vulën e partisë Lulzim Bashës.

Biseda në studio:

Artan Hoxha: Kur është Kuvendi i PD? Do të shkosh ti?

Ervin Salianji: PD jam unë. Unë do të bëj Kuvend më vete!

Artan Hoxha: Po si?

Ylli Rakipi: Do të bësh kuvend vërtetë?

Ervin Salianji: Pse kot flas unë? Kam nisur edhe proces tjetër unë. Së pari, institucionet funksionojnë me shkresa. Nuk kam shkresë pse jam përjashtuar. Kam dërguar shkresë me postë. Do të pres afatin ligjor.

Artan Hoxha: Do ti drejtohesh gjykatës?

Ervin Salianji: Patjetër.

Artan Hoxha: Beson te gjykatat?

Ervin Salianji: Do të vijoj procesin deri në fund. Kam folur me faktorin ndërkombëtar. Ja rezultati, e uroi njeri Berishën? Hyn ndonjë ambasador te dera e këtij? Ligjërisht do ta vazhdoj. Kam folur dhe kam informuar të gjithë faktorin. Po pres një element tjetër unë.

Ylli Rakipi: Kuvend për çfarë do të organizosh ti?

Ervin Salianji: Për të luajtur valle… Nuk e njohim ne Berishën, nuk është legjitim.

Ylli Rakipi: Pra do të kërkosh vulë?

Ervin Salianji: Do të vijojmë betejën derisa PD të jetë fituese.

The post Zhvillime “bombë” në Partinë Demokratike, Salianji deklaron se do të organizojë Kuvend appeared first on Albeu.com.

I ftuar në emisionin “Të Paekspozuarit” në MCN TV, Salianji tha me ironi se fishekzjarre në selinë e PD, pas shpalljes së “rezultatit” i hodhi Edi Rama.

Ndërkohë ish deputeti deklaroi se në proces morën pjesë vetë, 4 mijë vetë dhe jo 40 mijë siç deklaron Berisha dhe se mosha mesatare e tyre ishte 70 vjeç.

Pjesë nga biseda:

Ervin Salianji: Fishekzjarret i kishte hedhur Rama… Kur u konfirmua uzurpimi i PD, i hodhi Rama. Konfirmoje se keni gazetarë. Fishekzjarret i ka hedhur Rama. E dëgjove çfarë tha? Kanë vendosur për modernizimin. Doktori, modernja dhe ripërtëritja…

Ylli Rakipi: Zonja Albana lexoi rezultatin dhe do ta kemi doktorin kryetar deri në 2030 nëse do të jetë gjallë. Tani nga krahu i doktorit pretendojnë se pati 40 mijë votues.

Ervin Salianji: Kanë marrë pjesë 4800 anëtarë në të gjithë Shqipërinë. Nesër do të jem në konferencë dhe do ti sjell me link, sepse nuk ka formë tejtër, në 5 qendra votimi, ka patur kamera përballë dhe mund të numëroni sa kanë hyrë. Kanë votuar rreth 4800 anëtarë në të gjithë Shqipërinë.

Ylli Rakipi: Mos i ka futur komisioni pastaj…

Ervin Salianji: Në një zonë në Korcë e kanë çuar nga 62 mbi 800. Është një farsë. Këto shifra treguan pse Berisha nuk pranoi garën. Unë e njoh atë parti. Demokratët po të ishte garë dhe po të kishte garë me një kandidat Berisha, i humbte. Demokratët janë jo të zhgënjyer por në situatën kur ishte Basha në 2021. Dëshpërimi që ka kapluar demokratët dhe shoqërinë… Berisha ka shkelur statutin kur ka kandiduar por edhe kur nuk ka lejuar kandidimin e të tjerëve. Përse e kërkon ky mandatin? A tha si mundet Rama? Ai tha do ti zgjedhim deputetët dhe drejtuesit anëtarësia, i zgjodhi ky. Tha do të fitoj zgjedhjet lokale, i humbi. Tha nuk mi vjedh Rama zgjedhjet, e telendisi.

Ylli Rakipi: Pra ju thoni morën pjesë vetëm 10% e anëtarësisë?

Ervin Salianji: PD ka patur 120 mijë anëtarë, i bëri Basha 71 mijë, tani Berisha i çoi 50 mijë. I kanë krasitur. Elementi tjetër, vlerësoj shumë për sakrificën, por janë të pamjaftueshëm. Mosha mesatare e votuesve, këtyre 4 mijë, janë thuajse 70 vjeç.

The post Salianji për “zgjedhjen” e Berishës: Morën pjesë 4 mijë vetë, mosha mesatare 70 vjeç appeared first on Albeu.com.

Në një postim në Facebook, Salanji këmbëngul se pjesëmarrja e demokratëve në zgjedhje është disa herë më e ulët se numri që pretendon opozita.

Sipas Salianjit, deri në orën 18:00, në referendum kanë marrë pjesë në të gjithë Shqipërinë vetëm 3885 anëtarë, ndërkohë nga ana tjetër, deputetja Albana Vokshi deklaroi se deri në orën 18:00 kanë marrë pjesë mbi 28 mijë demokratë në nivel kombëtar.

Postimi i Salianjit:

“Braktisje totale e farsës për të uzurpuar PDSh!
Demokratët përbuzën dhe poshtëruan provokimin për gjasme zgjedhje; pjesëmarrja ne degët qëndër qarku deri në përfundim në orën 18:00;
Votues që morën pjesë: 3,885
Tiranë 1,072
Durrës 321
Kukës 370
Korçë 165
Dibër 194
Lezhë 345
Elbasan 256
Berat 141
Vlorë 210
Gjirokastër 120
Fier 220
Shkodër 471
Tani teatri me shtyrje orari ishte i tepért, votojnë miliona shqiptarë dhe nuk shtyhet si mund të shtyhet tek degët e medha qe ne total kanë as 20.000 votues sipas uzurpatorit por nderkohë nuk kanë votuar as 4000 gjithsej!”, shkruan Salianji.

The post “Braktisje totale e farsës për të uzurpuar PDSh”/ Salianji: 4 mijë demokratë votuan në referendumin për konfirmimin e Berishës si kryetar appeared first on Albeu.com.

Salianji shkruan se përmes votës apo shënimit të emrit të tij në fletën e votimit, po shprehin qëndrimin e tyre dhe po tregojnë se Partia Demokratike nuk është pronë personale.

“Ju jam mirënjohës secilit nga Shkodra në Korçë, Vlore, Kukës, Fier, Dibër, Elbasan, Gjirokastër, Berat, Lezhe, Durres e Tiranë. Nga çdo degë po vërshojnë reagimet dhe fotot e fletes se votimit!”, shkruan ai.

Ish-deputeti i cili u përjashtua nga kandidimi për kreun e partisë, thekson se, “kur gara vritet, kur alternativa përjashtohet dhe kur vula përdoret për të mbajtur peng opozitën, demokratët dinë të reagojnë me dinjitet”.

“Ne nuk dorëzohemi. Do ta çmontojmë këtë farsë me kurajo, me demokratë të lirë dhe me besimin se Partia Demokratike do t’u kthehet anëtarëve dhe qytetarëve”, thekson ai.

Reagimi i Salianjit:

Falenderim dhe mirënjohje për çdo demokrat që sot ka zgjedhur të shënojë qartësisht preferencën e tij.

Po më vijnë qindra mesazhe dhe foto nga demokratë që, përmes votës, shkrimit të emrit apo refuzimit të farsës, po tregojnë se Partia Demokratike nuk është pronë personale. Ju jam mirënjohës secilit nga Shkodra në Korçë, Vlore, Kukës, Fier, Dibër, Elbasan, Gjirokastër, Berat, Lezhe, Durres e Tiranë. Nga çdo degë po vërshojnë reagimet dhe fotot e fletes se votimit!

Falenderim edhe për mijëra demokratë të tjerë që e kanë braktisur dhe përbuzur farsën e uzurpimit të Partisë Demokratike për interesa personale.

Kur gara vritet, kur alternativa përjashtohet dhe kur vula përdoret për të mbajtur peng opozitën, demokratët dinë të reagojnë me dinjitet.

Këto mesazhe janë më shumë se mbështetje personale. Janë një refuzim i frikës, i imponimit dhe i shndërrimit të PD-së në një strehë për interesa personale!

Ne nuk dorëzohemi.

Do ta çmontojmë këtë farsë me kurajo, me demokratë të lirë dhe me besimin se Partia Demokratike do t’u kthehet anëtarëve dhe qytetarëve.

The post FOTO/ Salianji nxjerr fletët e votimit me emrin e tij: Kur gara vritet, demokratët reagojnë me dinjitet! appeared first on Albeu.com.

Sipas Salianjit, kur opozita bashkon votat me qeverinë në ditët më të vështira të saj, nuk kemi më përballje politike, por mbijetesë të ndërsjellë.

“Të bashkosh votat me Ramën dy javë rresht, në momentin kur qeveria është nën presion për korrupsionin, zgjedhjet, standardet demokratike dhe integrimin europian, është mëkat ndaj shoqërisë dhe tradhti ndaj demokratëve që kanë sakrifikuar për të rrëzuar këtë regjim”, shkruan Salianji.

Postimi i Ervin Salianjit:

Në vend që opozita të ishte alternativa morale dhe politike përballë pushtetit, po shohim një marrëveshje të heshtur mbijetese: Rama mban pushtetin, Berisha mban partinë. Dhe në fund humbësi i vetëm mbeten qytetarët shqiptarë, të cilëve po u merret e drejta për të zgjedhur mes alternativash të vërteta.

Berisha voton për Ramën, Rama garanton pa garë Berishën nesër dhe qytetarëve u hiqet çdo mundësi reale zgjedhjeje.

Kur opozita bashkon votat me qeverinë pikërisht në ditët më të vështira të saj, nuk kemi më përballje politike, por mbijetesë të ndërsjellë.

Të bashkosh votat me Ramën dy javë rresht, në momentin kur qeveria është nën presion për korrupsionin, zgjedhjet, standardet demokratike dhe integrimin europian, është mëkat ndaj shoqërisë dhe tradhti ndaj demokratëve që kanë sakrifikuar për të rrëzuar këtë regjim.

Kur narrativa është se Shqipëria jeton në regjim dhe se integrimi europian duhet të bazohet mbi meritë, atëherë pyetja është e thjeshtë:

çfarë merite ka Edi Rama që sa herë ndodhet në zgrip, merr oksigjen politik nga Sali Berisha?

The post Salianji: Opozita dhe qeveria, marrëveshje të heshtur mbijetese, Rama mban pushtetin, Berisha partinë! Kur bashkohen votat s’ka më përballje politike appeared first on Albeu.com.

Berisha tha se Salianji mund të shkruante letra sa të donte si njeri i lirë, por ai ishte i vetëpërjashtuar.

Gjithashtu, kryedemokrati akuzoi ish-ligjvënësin se atë letër ia kishin shkruar “nga zyra e Ramës apo ndonjë tjetri”.

“Partia Demokratike është anëtarë e të gjitha atyre institucione dhe ai që shkruan letër është i përjashtuar nga kjo parti, por ai është i lirë të shkruajë letra, sikundër është i lirë t’i drejtohet organeve të partisë, gjykatës së partisë, ku të shprehë ankesën, megjithëse ai u vetëpërjashtua, zgjodhi vetë vetëpërjashtimin”, u përgjigj Berisha.

Dhe teksa e akuzoi Salianjin për bashkëpunim me “armikun” politik, mazhorancën socialiste, shtoi se, “ato letra nuk kanë asnjë vlerë” për të.

“Ndaj letrat e shkruara nga zyra e Ramës apo ndonjë tjetri, s’kanë asnjë vlerë për Sali Berishën, secili mund të shkruajë letra”, tha kreu i selisë blu në mbyllje të konferencës.

Anëtari i Kryesisë së Partisë Demokratike, Ervin Salianji, i është drejtuar me një letër Presidentit të Partisë Popullore Europiane (PPE), Manfred Weber, si dhe drejtuesve të partive kryesore të qendrës së djathtë europiane pjesë e PPE-së, mes tyre Kancelarit të Gjermanisë Friedrich Merz dhe Kryeministrit të Greqisë Kyriakos Mitsotakis, për të shprehur shqetësimin lidhur me zhvillimet e fundit në Partinë Demokratike të Shqipërisë dhe shkeljen e standardeve demokratike të funksionimit të saj.

Në letër, Salianji ngre shqetësimin për bllokimin e garës për kryetar të Partisë Demokratike, mosrespektimin e statutit të partisë, përjashtimet arbitrare të anëtarëve dhe kandidatëve, mungesën e transparencës dhe shkeljen e rregullave themelore të pluralizmit politik.

The post Letra e Salianjit për PPE-të, reagon lideri demokrat: Ai zgjodhi vetëpërjashtimin, shkresat janë shkruar nga zyra e Ramës, s’kanë vlerë për Sali Berishën appeared first on Albeu.com.