Sipas BBC-së, i riu – i identifikuar vetëm si Beran A, në përputhje me ligjet austriake të privatësisë – u dënua gjithashtu edhe për një sërë veprash të tjera të lidhura me terrorizmin.

Beran A u arrestua pak para koncertit të parë nga tre shfaqjet e planifikuara në stadiumin “Ernst Happel” në Vjenë, pas një informacioni të ardhur si sinjalizim nga CIA. Menjëherë pas kësaj, të tri koncertet e planifikuara u anuluan, duke zhgënjyer rreth 200 mijë fansa.

Taylor Swift kishte deklaruar më herët se rasti i kishte sjellë “një ndjenjë të re frike”, ndërsa anulimi i koncerteve i kishte lënë edhe “një ndjenjë të madhe faji”. Megjithatë, ajo falënderoi autoritetet, duke shkruar se falë tyre “po vajtonin për koncerte të humbura dhe jo për jetë të humbura”.

Prokurorët thanë se Beran A ishte radikalizuar dhe kishte bërë betimin e besnikërisë ndaj Shtetit Islamik (IS). Ata shtuan se i riu kishte tentuar – por pa sukses – të siguronte armë në mënyrë të paligjshme, përfshirë edhe një mitraloz dhe një granatë dore.

Një psikiatër i gjykatës, Peter Hoffmann, deklaroi se i akuzuari nuk shfaqte shenja sëmundjeje mendore dhe se nuk kishte “asnjë shpjegim psikiatrik” për radikalizimin e tij.

Procesi gjyqësor u zhvillua në Wiener Neustadt, në jug të Vjenës. Në të njëjtin rast u gjykua edhe një tjetër 21-vjeçar, Arda K nga Sllovakia, i akuzuar se ishte pjesë e një qelize të lidhur me IS-in. Ai u dënua me 12 vjet burg, megjithëse sipas BBC-së nuk ishte i përfshirë drejtpërdrejt në planin për sulmin ndaj koncertit.

Beran A i tha gjykatës se ishte “i penduar”, para se juria të tërhiqej për disa orë për të marrë vendimin.

The post Dënohet me 15 vite burg shqiptari që tentoi të organizonte sulmin terrorist në koncertin e Taylor Swift në Vjenë appeared first on Albeu.com.

Sipas mediave vendase, ngjarja u shënua në orën 18:30 të pasdites së të mërkurës, ku një person hyri në një dyqan telefonash celularë dhe qëlloi pronarin e dyqanit, me origjinë pakistaneze, një herë në këmbë.

Autori i krimit hipi më pas në një BMW gri që po e priste jashtë dhe në të cilën ndodheshin tre persona të tjerë, të gjithë me origjinë shqiptare, ndërsa i plagosuri u dërgua menjëherë në spital për të marrë ndihmë mjekësore.

Pas një ndjekjeje nga policia, automjeti u gjet në rrugën “Tsounta” në Bulevardin “Kifissou”, në rrugën për në Lamia. Atje, automjeti i dyshuar u përplas me tre ose katër automjete dhe u ndal plotësisht.

Policia arrestoi tre persona me origjinë shqiptare në lidhje me incidentin, ndërsa një person tjetër është në kërkim.

The post Shqiptari plagos me armë pronarin e një dyqani në Greqi, arratiset me makinë dhe përplaset me disa automjete gjatë ndjekjes nga policia appeared first on Albeu.com.

Sipas policisë greke, viktima është 55-vjeçari Fatmir Dyrmishi, i cili po lëvizte me biçikletë në një kryqëzim në hyrje të qytetit. Në rrethana ende të paqarta, ai është përplasur nga një kamion, duke marrë plagë të rënda.

Shqiptari u transportua me urgjencë në spital, por nuk arriti t’u mbijetojë plagëve të marra.

Trupi i tij është dërguar në morgun e spitalit, ndërsa policia greke po heton rrethanat e aksidentit. Deri më tani, është shoqëruar drejtuesi i kamionit.

Mësohet se viktima ishte banor i zonës, ndërsa familja e tij jeton në Shqipëri.

The post Aksident i rëndë në Greqi/ Kamioni merr përpara biçikletën, vdes 55-vjeçari shqiptar appeared first on Albeu.com.

Hetimet vijuan edhe në zonën përreth, ku në një kopsht lulesh – vend ku i riu ishte parë më herët – u zbuluan edhe 56 doza të tjera kokaine, me peshë rreth 42 gramë, të fshehura në katër kuti metalike çamçakëzi.

Kontrollet u shtrinë më pas edhe në banesën e tij, ku u sekuestruan dy doza të tjera kokaine, një dozë marihuane, rreth 1,500 euro para të gatshme, si dhe dy peshore elektronike dhe materiale të përdorura për paketimin e drogës. Gjykata në Forlì ka konfirmuar arrestimin e të riut, duke vendosur ndaj tij masën e qëndrimit të detyrueshëm në provincën Forlì-Cesena, deri në seancën e ardhshme gjyqësore, e cila pritet të zhvillohet në fund të muajit maj.

The post Pranga të riut shqiptar në Itali, trafikonte kokainë të fshehur në vazo lulesh e pako çamçakëzi appeared first on Albeu.com.

Autori i dyshuar, një 47-vjeçar ende i paidentifikuar u kap shpejt nga policia dhe është tashmë në paraburgim.

Sipas hetuesve, çifti kishte debatuar shpesh kohët e fundit, por motivi i aktit të dhunshëm mbetet i paqartë. Po ashtu është urdhëruar një autopsi për të përcaktuar shkakun e saktë të vdekjes.

Në vendin e ngjarjes u gjet edhe një armë zjarri pistoletë që dyshohet se është përdorur nga autori i krimit.

The post Krim i rëndë në familjen shqiptare në Austri/ Burri vret gruan, 38-vjeçarja gjendet e pajetë në oborrin e banesës appeared first on Albeu.com.

Ngjarja ndodhi në Ankona, rreth orës 07:00, në stacionin e trenit të linjës Pescara-Milano.

Viktima është një shqiptar 53-vjeçar, identiteti i të cilit nuk është bërë ende i ditur. Policia hekurudhore dhe zjarrfikësit shkuan në vendngjarje për të shpëtuar këmbësorin, por pa sukses.

Sipas raporteve fillestare, akti dyshohet se ishte i qëllimshëm. Kjo e bazuar në deklaratat e një dëshmitari që e pa 53-vjeçarin që jetonte në Merano, të binte qëllimisht në shina, ndërsa një tren i ‘Frecciarossa’ po afrohej nga jugu.

Skena ka qenë tronditëse për udhëtarë dhe qytetarë të shumtë, teksa hetimet janë në proces për zbardhjen e plotë të ngjarjes.

Paraprakisht, dyshohet për një akt flijimi, por pa e përjashtuar edhe faktorin e një aksidenti apo gjendjen shëndetësore.

Media italiane informon se shërbimi i rregullt i trenave në linjën Adriatike, ku ndodhi ngjarja, ka rifilluar së fundmi.

The post E rëndë në Itali, shqiptari goditet për vdekje nga treni appeared first on Albeu.com.

Sipas BBC, Abazi, shqiptar i Kosovës, u gjet fillimisht i plagosur me thikë në Parkun Tregtar Valley në Hesterman Way rreth orës 01:15 të mëngjesit të dielës.

Ai u dërgua menjëherë në spital, por nuk arriti të mbijetojë.

Lidhur me ngjarjen janë arrestuar 3 persona, dy vajza, të dyja 25-vjeçare, dhe një burrë 28-vjeçar. Njëra nga vajzat është liruar me kusht.

Sipas raportimeve, përveç 3 të rinjve, janë arrestuar edhe katër të tjerë mes të cilëve dyshohet të ketë pasur një përleshje.

Nuk dihen ende rrethanat e ngjarjes, ndërsa autoritetet kanë kërkuar ndihmë se kushdo që ka informacion, pamje apo filmime që të ndihmojnë në hetim ti paraqesin ato.

The post E rëndë në Angli, vritet i riu shqiptar (EMRI) appeared first on Albeu.com.

Incidenti ndodhi më 20 korrik 2019, kur një grup të burgosurish shqiptarë u përleshën me një grup pakistanezësh brenda ambienteve të burgut.

Nga përplasja mbetën të plagosur tre persona, njëri prej të cilëve u godit me një thikë të improvizuar dhe pësoi plagë të rënda.

I burgosuri, me origjinë pakistaneze, u transportua menjëherë në Spitalin e Përgjithshëm të Hanias, ku iu nënshtrua një ndërhyrjeje kirurgjikale.

Ai luftoi për jetën për dy ditë në Njësinë e Kujdesit Intensiv, por nuk arriti t’u mbijetojë plagëve të marra.

Pas hetimeve, katër të burgosur u arrestuan për përfshirje në vrasje. Sipas dosjes hetimore, ata ishin identifikuar përmes pamjeve të kamerave të sigurisë së burgut.

Nga katër të pandehurit, njëri – me origjinë shqiptare – i cili kishte qëndruar në paraburgim gjatë gjithë këtyre viteve, u shpall fajtor për vrasje nga Gjykata e Apelit me Juri të Përzier dhe u dënua me burgim të përjetshëm.

Tre të pandehurit e tjerë u liruan nga akuzat për shkak të dyshimeve, në përputhje me parimin juridik “në favor të të pandehurit”.

Vendimi i gjykatës mbyll një proces të gjatë gjyqësor për një nga incidentet më të rënda të dhunës të regjistruara në burgun e Hanias.

The post Vrau pakistanezin në qeli, dënohet me burg përjetë i burgosuri shqiptar në Greqi appeared first on Albeu.com.

Arrestimi u krye nga Njësia e Policisë Ekonomike dhe Financiare e Leçes (GICO), e cila i komunikoi Velajt urdhrin e arrestimit të përkohshëm me qëllim ekstradimin drejt Shqipërisë.

Sipas autoriteteve, 41-vjeçari ishte dënuar nga Gjykata Penale e Lushnjës me dy vite burg për veprën penale të mbajtjes pa leje të armëve dhe eksplozivëve, e kryer në dhjetor të vitit 2015 brenda një lokali. Urdhri i arrestimit ishte lëshuar më 10 mars 2022.

Gjatë kontrollit të ushtruar në banesën ku ai fshihej, policia gjeti një pistoletë të kalibrit 7.65 me numër serial të fshirë, një karikator me katër fishekë, si dhe dokumente identifikimi të falsifikuara, të cilat dyshohet se i kishte përdorur për t’iu shmangur arrestimit.

The post I shpallur në kërkim në Shqipëri për armëmbajtje pa leje, arrestohet 41-vjeçari në Itali appeared first on Albeu.com.

Mediat greke, raportojnë se ngjarja ka ndodhur Agios Dimitrios në Athinë, ndërsa të plagosurit janë pronari 70 vjeç dhe djali i tij 39 vjeç.

Sipas informacioneve, autorët e sulmit me armë ishin tre persona që mbërritën me makinë në orën 2:40 në biznesin që ndodhej në rrugën Agoniston Polytechneiou .

Sipas të njëjtave informacione, pronari 70-vjeçar i biznesit, me origjinë nga Shqipëria, u qëllua në këmbë. Djali i tij 39-vjeçar u plagos në kofshë dhe pulpë.

Oficerët e policisë që mbërritën në zonë mblodhën gjithsej 4 gëzhoja. Pas të shtënave, tre autorët u larguan me makinë në drejtim të panjohur, ndërsa FBI-ja greke ka marrë përsipër hetimin e rastit.

The post Greqi, plagosen me armë zjarri pronari shqiptar i një restoranti dhe djali i tij appeared first on Albeu.com.