Sipas dokumentave të siguruara nga weblajm.com, kontrolle janë ushtruar tek kompania Lura shpk, e cila ka ndërtuar vilat në Lalëz njohur si Lura 1, 2 etj.

Po ashtu, pjesë e kontrolleve ka qenë edhe administratori kësaj kompanie Dodë Doçi.

Spak ka marrë autorimzimin e gjykatës për kontrolle dhe sekuestro tek subjektet që po kalon në filtër.

Ende sdihet cila është arsyea e kontrollit të Lura dhe z.Doçi ndërsa emri i tij rezulton në vendimin ki hetohen Salvador dhe Isa Aliu të dyshuar për 50 ton trafik kokaine dhe miliona euro pastrim parash.

Pjesë nga Dosja

Sendet te gjetura gjate kontrollit, si aparate telefonik, pajisje kompjuterike, (kompjutere/laptop) usb, pajisje te tjera memorizuese, hard disc, blloqe dhe flete shenimesh, si kontrata shitjesh, kontrata bashkepunimi, fatura likuidimi, dokumente qe mund te disponojne kompanite e ndertimit, lidhur me bashkepunimin e tyre me shoqgrite tregtare/kompani ndertimit, ne pronesi te shtetasve Isa Aliu, Nikoll Bibaj dhe Shpetim Bibaj si dhe telefona celulare te administratoreve te ketyre shoqerive dhe kontabilisteve te tyre si dhe ^do send tjeter qe lidhet me keto vepra penale, te sekuestrohen. / Marrë nga “Boldnews”

The post Dosja hetimore/ SPAK kontrolle tek biznesmeni Dodë Doçi dhe kompania “Lura” në Lalz appeared first on Albeu.com.

Sipas SPAK, të pandehurit akuzohen për disa vepra penale, përfshirë “Shpërdorim detyre”, “Shkelje të barazisë në tendera” dhe “Falsifikim dokumentesh”.

Në listën e të pandehurve përfshihen, përveç Isait, janë edhe:

Eljona Mydini, ish zëvendëskryetare e Bashkisë Kolonjë, e akuzuar për “shpërdorim detyre” në bashkëpunim;

Ergys Verdho, ish Drejtor i Përgjithshëm i Autoritetit Rrugor Shqiptar, i akuzuar për “shpërdorim detyre”;

Erald Elezi, ish Drejtor i Planifikimit Strategjik dhe Operacioneve pranë ARRSH, i akuzuar për “shpërdorim detyre”;

Genti Raça, përgjegjës i sektorit të preventivit pranë ARRSH, i akuzuar për “shpërdorim detyre”;

Donikë Shehu, ish specialiste e nivelit të lartë pranë ARRSH, e akuzuar për “shpërdorim detyre”;

Klarita Konomi, ish specialiste pranë ARRSH, e akuzuar për “shkelje të barazisë në tendera”;

Nikollaq Mihali, specialist pranë ARRSH, i akuzuar për “shkelje të barazisë në tendera”;

Erdit Salillari, përgjegjës sektori pranë ARRSH, i akuzuar për “shkelje të barazisë në tendera”;

Nga Bashkia Kolonjë: Erjon Cenko, Engjëll Dine dhe Ermal Zylfo, të akuzuar për “falsifikim dokumentesh” dhe “shkelje të barazisë në tendera”; Armand Tafil, Muharrem Tartari dhe Shpëtim Liço, të akuzuar për “shkelje të barazisë në tendera”;

Entela Çano, administratore e shoqërisë “A&E Engineering” sh.p.k., e akuzuar për “falsifikim dokumentesh”.

Nga hetimet ka rezultuar se një nga rastet kryesore lidhet me procedurën e prokurimit për ndërtimin e rrugës Korçë–Ersekë, me një fond limit rreth 2.8 miliardë lekë.

Sipas SPAK, Bashkia Kolonjë ka paraqitur dokumentacion sikur dispononte projekt për këtë rrugë, ndërkohë që në realitet nuk ekzistonte një i tillë. Hetimet kanë zbuluar se procesverbali i dorëzimit të projektit është falsifikuar nga punonjës të bashkisë në bashkëpunim me administratoren e një kompanie private.

Po ashtu, është konstatuar se fondi limit është përcaktuar në kundërshtim me ligjin dhe mbi bazën e të dhënave të paraqitura nga vetë subjekti i interesuar, i cili më pas ka fituar kontratën e mbikëqyrjes së punimeve.

Nga ekspertizat ka rezultuar se fondi i tenderit është fryrë me rreth 590 milionë lekë, duke shkaktuar dëm ekonomik për shtetin.

Një tjetër procedurë hetimore lidhet me tenderin për supervizimin e punimeve të kësaj rruge, ku anëtarët e komisionit të vlerësimit të ofertave dyshohet se kanë krijuar avantazhe të padrejta për një kompani të caktuar.

Ndërkohë, shkelje janë konstatuar edhe në një tjetër procedurë për mbikëqyrjen e punimeve të ujësjellësit në Ersekë dhe disa fshatra përreth.

Sipas SPAK, zyrtarë të Bashkisë Kolonjë, në bashkëpunim me kryebashkiakun Erion Isai, kanë përcaktuar fondin limit dhe kriteret e tenderit në mënyrë të paligjshme, duke favorizuar subjektin fitues.

Hetimet tregojnë se fondi është përllogaritur pa studim real tregu, janë përdorur oferta fiktive, specifikimet teknike janë hartuar nga vetë kompania fituese dhe kriteret e tenderit janë përshtatur për një subjekt të paracaktuar.

SPAK dërgon për gjykim 12 të pandehur për shkelje në procedurat e prokurimit publik të zhvilluara nga Autoriteti Rrugor Shqiptar dhe Bashkia Kolonjë

Prokuroria e Posaçme kundër Korrupsionit dhe Krimit të Organizuar përfundoi hetimet dhe ka dërguar pranë Gjykatës së Posaçme të Shkallës së Parë kërkesën për gjykimin e procedimit penal nr. 280/1 të vitit 2020, në ngarkim të të pandehurve:

Erion Isai, me detyrën e kryetarit të Bashkisë Kolonjë, i akuzuar për kryerjen e veprave penale “Shpërdorimi i detyrës”, në bashkëpunim, “Shkelja e barazisë së pjesëmarrësve në tendera apo ankande publike”, në bashkëpunim, parashikuara nga nenet 248 e 25, 258 e 25 të Kodit Penal;
Eljona Mydini, ish zëvendëskryetare e Bashkisë Kolonjë, e akuzuar për kryerjen e veprës penale “Shpërdorimi i detyrës“, në bashkëpunim, parashikuar nga neni 248 e 25 i Kodit Penal;
Ergys Verdho, ish Drejtor i Përgjithshëm i Autoritetit Rrugor Shqiptar, i akuzuar për kryerjen e veprës penale “Shpërdorimi i detyrës“, në bashkëpunim, parashikuar nga neni 248 e 25 i Kodit Penal;
Erald Elezi, ish Drejtor i Drejtorisë së Planifikimit Strategjik dhe Operacioneve, pranë Autoritetit Rrugor Shqiptar, i akuzuar për kryerjen e veprës penale “Shpërdorimi i detyrës“, në bashkëpunim, parashikuar nga neni 248 e 25 i Kodit Penal;
Genti Raça, me detyrën e përgjegjësit të sektorit të preventivit pranë Autoritetit Rrugor Shqiptar, i akuzuar për kryerjen e veprës penale “Shpërdorimi i detyrës“, në bashkëpunim, parashikuar nga neni 248 e 25 i Kodit Penal;
Donikë Shehu, ish specialiste e nivelit të lartë pranë Autoritetit Rrugor Shqiptar, e akuzuar për kryerjen e veprës penale “Shpërdorimi i detyrës“, në bashkëpunim, parashikuar nga neni 248 e 25 i Kodit Penal;
Klarita Konomi, ish specialiste e nivelit të lartë pranë Autoritetit Rrugor Shqiptar, e akuzuar për kryerjen e veprës akuzuar për kryerjen e veprës penale “Shkelja e barazisë së pjesëmarrësve në tendera apo ankande publike”, në bashkëpunim, parashikuar nga neni 258, 25 i Kodit Penal;
Nikollaq Mihali, me detyrën e specialistit të nivelit të lartë pranë Autoritetit Rrugor shqiptar, e akuzuar akuzuar për kryerjen e veprës penale “Shkelja e barazisë së pjesëmarrësve në tendera apo ankande publike”, në bashkëpunim, parashikuar nga neni 258, 25 i Kodit Penal;
Erdit Salillari, me detyrën e përgjegjësit të sektorit të hartimit të projekteve të huaja pranë Autoritetit Rrugor Shqiptar, i akuzuar për kryerjen e veprës penale “Shkelja e barazisë së pjesëmarrësve në tendera apo ankande publike”, në bashkëpunim, parashikuar nga neni 258, 25 i Kodit Penal;
Erjon Cenko, Engjëll Dine, Ermal Zylfo, punonjës të Bashkisë Kolonjë, të akuzuar për kryerjen e veprave penale “Falsifikimi i dokumenteve, në bashkëpunim”, “Shkelja e barazisë së pjesëmarrësve në tendera apo ankande publike”, në bashkëpunim, parashikuara nga nenet 186/ 2, 258 e 25 të Kodit Penal;
Armand Tafil, Muharrem Tartari, Shpëtim Liço, punonjës të Bashkisë Kolonjë, i akuzuar për kryerjen e veprës penale “Shkelja e barazisë së pjesëmarrësve në tendera apo ankande publike”, në bashkëpunim, parashikuar nga neni 258, 25 i Kodit Penal;
Entela Çano, me detyrën administratore pranë shoqërisë A& E Enginieering” sh.p.k., e akuzuar për kryerjen e veprës penale “Falsifikimi i dokumenteve”, në bashkëpunim, parashikuar nga neni 186/2 i Kodit Penal.
Nga kryerja e veprimeve hetimore, provat e administruara rezultuan fakte penale për personat përgjegjës të autoritetit kontraktor dhe institucionet e tjera shtetërore, ndërvepruese në disa procedura prokurimi, të zhvilluara nga Autoriteti Rrugor Shqiptar dhe Bashkia Kolonjë.

1.Në lidhje me procedurën e prokurimit me objekt “Ndërtimi i rrugës Korçë Ersekë, Loti 2 (pjesa parë)”, me fond limit 2,879,999,858.89 (dy miliardë e tetëqind e shtatëdhjetë e nëntë milion e nëntëqind e nëntëdhjetë e nëntë mijë e tetëqind e pesëdhjetë e e tëtë pikë tetëdhjetë e nëntë) lekë me tvsh, zhvilluar nga Autoriteti Rrugor Shqiptar në datën 24.09.2020, ka rezultuar se:

Në lidhje me projektin e paraqitur si nismë e Bashkisë Kolonjë, në kuadër të procedurës së ndjekur për “Shërbim projektimi në formë dhurimi/donacioni” me objekt “Ndërtim rruga Korçë–Ersekë, Loti 2”, nga veprimet hetimore dhe provat e administruara është konstatuar se Bashkia Kolonjë nuk ka disponuar dokumentacion projektues të përgatitur prej saj për këtë objekt, ndonëse ekzistojnë korrespondenca zyrtare me Autoritetin Rrugor Shqiptar në të cilat paraqitet e kundërta.

Nga provat e administruara, mbështetur edhe nga eskpertimi grafik i shkrimit dhe nënshkrimit të dokumentit, ka rezultuar se grupi i punës së Bashkisë Kolonjë, i përbërë nga shtetasit Erjon Cenko, Engjëll Dine, në bashkëpunim me personin që ka dhuruar projektin, shtetasen Entela Çano, administratore e shoqërise “A& E Enginieering”sh.p.k, kanë falsifikuar procesverbalin e marrjes në dorëzim të projektit nga Bashkia Kolonjë, ndërkohë që rezulton se nuk ka pasur projekt.

Sa i takon, përcaktimit të fondit limit për procedurën e prokurimit, nga ana e shtetasve Ergys Verdho, në cilësinë e titullarit të autoritetit kontraktor dhe personave të tjerë përgjegjës të Autoritetit Rrugor Shqiptar, shtetasit Erald Elezi, Genti Raça dhe Donikë Shehu, nuk rezulton të jetë ndjekur rruga ligjore për përcaktimin e fondit limit.

Në kohën e hartimit të preventivit përfundimtar, të përgatitur nga ana e shtetasve Erald Elezi, Genti Raça, Donikë Shehu, dokument i miratuar edhe nga Drejtori i Përgjithshëm i Autoritetit Rrugor Shqiptar, shtetasi Ergys Verdho, nuk rezulton të ketë pasur projekt të hartuar dhe propozuar nga Bashkia Kolonjë, siç është paraqitur si dokumentacion i formalizuar nga Bashkia Kolonjë.

Përcaktimi i fondit limit nga ana e grupit të punës, personat përgjegjës të Autoritetit Rrugor Shqiptar, shtetasit Erald Elezi, Genti Raça dhe Donikë Shehu, është bërë mbi bazën e të dhënave të përgatitura dhe të paraqitura dorazi nga vetë personi i interesuar, shtetësja, Entela Çano, administratorja e shoqërisë “A & E Engineering” sh.p.k, e cila që ka fituar më pas kontratën e mbikëqyrjes së zbatimit të punimeve për këtë objekt, ndërtimi i rrugës Korçë-Ersekë, loti i 2 (pjesa e parë).

Në përgatitjen e preventivit që ka shërbyer edhe për përcaktimin e fondit limit të autoritetit kontraktor, nga ana e shtetasve Ergys Verdho, në cilësinë e Drejtorit të Përgjithshëm të Autoritetit Rrugor Shqiptar dhe personave përgjegjës të tjerë, shtetasit Erald Elezi, Genti Raça dhe Donikë Shehu, është vepruar në kundërshtim me ligjin nr.162/2020 “Për prokurimin publik”, VKM nr.914, datë 29.12.2014 “Për miratimin e rregullave të prokurimit publik”, i ndryshuar, ligjin nr. 10296, datë 8.7.2010, “Për menaxhimin financiar dhe kontrollin”, të ndryshuar, ligjin nr.10164, datë 15.10.2009 “Për Autoritetin Rrugor Shqiptar”, VKM nr.276, datë 16.5.2018 “Për miratimin e organizimit, të strukturës, organikës dhe statutit të Autoritetit Rrugor Shqiptar”.

Nga provat e administruara, mbështetur edhe nga ekspertimi teknik vlerësues dhe kontabël, ka rezultuar se fondi i përcaktuar nga autoriteti kontraktor për këtë procedurë prokurimi është fryrë në vlerën 590,213,874(pesëqind e nëntëdhjetë milion e dyqind e trembëdhjetë mijë e tetëqind e shtatëdhjetë e katër) lekë, që përbën edhe dëm ekonomik të shkaktuar shtetit.

2.Procedura e prokurimit me objekt: “Supervizim i punimeve për ndërtimin e rrugës Korçë-Ersekë, loti i 2 (pjesa e parë)”, me fond limit 22,704,145 (njëzet e dy milion e shtatëqind e katër mijë e njëqind e dyzet e pesë) lekë me tvsh, zhvilluar nga Autoriteti Rrugor Shqiptar në datën 14.10.2020, ka rezultuar se:

Erdit Salillari, Klarita Konomi, Niko Mihali, nën cilësinë e anëtarëve të komisionit të vlerësimit të ofertave kanë vepruar në kundërshtim me ligjin nr. 9643, datë 20.11.2006 “Për prokurimin publik”, i ndryshuar dhe VKM nr.914, datë 29.12.2014 “Për miratimin e rregullave të prokurimit publik”, i ndryshuar, duke krijuar avantazhe dhe privilegje të padrejta për shoqërinë e shtetases Entela Çano, “A&E Engineering” sh.p.k.

3.Procedura e prokurimit me objekt: “Mbikëqyrje Punimesh Ndërtim i Ujësjellësit Ersekë dhe të disa fshtarave Faza e dytë nga burimet e Kozelit”, me fond limit 4,623,021.7 lekë me tvsh, zhvilluar nga Bashkia Kolonjë, zhvilluar në datën 06.10.2020, ka rezultuar se:

Në lidhje me përllogaritjen e fondit limit dhe hartimin e specifikimeve teknike, shtetasit Muharem Tartari, Engjëll Dine, Ermal Zylfo, nën cilësinë e anëtarëve të komisionit të përllogaritjes së fondit limit dhe hartimin e specifikimeve teknike, në bashkëpunim me titullarin e autoritetit kontraktor, shtetasin Erion Isai, kanë vepruar në kundërshtim me ligjin nr.162/2020 “Për prokurimin publik”, si dhe VKM nr. 914, datë 29.12.2014 “Për miratimin e rregullave të prokurimit publik”, i ndryshuar, me qëllim favorizimin dhe krijimin e privilegjeve të padrejta për shoqërinë fituese të kësaj procedure prokurimi, shoqëria “A&E Engineering” sh.p.k.

Anëtarët e komisionit të përllogaritjes së fondit limit dhe hartimin e specifikimeve teknike, shtetasit Muharem Tartari, Engjëll Dine, Ermal Zylfo, në përllogaritjen e fondit janë bazuar pa kryer një studim real të tregut, duke u mbështetur në oferta fiktive të përgatitura nga vetë shoqëria fituese e kësaj procedure prokurimi, shoqëria “A&E Engineering” sh.p.k. Si dhe specifikimet teknike janë përgatitur nga administratorja e shoqërisë “A&E Engineering” sh.p.k.,shtetasja Entela Çano.

Në lidhje me hartimin e dokumenteve standarde të tenderit, anëtarët e njësisë së prokurimit, shtetasit Armand Tafil, Erjon Cenko, Shpëtim Liço, në bashkëpunim me titullarin e autoritetit kontraktor, shtetasin Erion Isai, kanë vepruar në kundërshtim me ligjin nr.162/2020 “Për prokurimin publik”, si dhe VKM nr. 914, datë 29.12.2014 “Për miratimin e rregullave të prokurimit publik” i ndryshuar, me qëllim favorizimin dhe krijimin e privilegjeve të padrejta për shoqërinë fituese të kësaj procedure prokurimi, shoqëria “A&E Engineering” sh.p.k.

Anëtarët e njësisë së prokurimit, shtetasit Armand Tafil, Erjon Cenko, Shpëtim Liço, në bashkëpunim me titullarin e autoritetit kontraktor, shtetasin Erion Isai, kanë miratuar dokumentet standarde të tenderit duke vendosur kritere të përcaktuara nga vetë shoqëria fituese e kësaj procedure prokurimi, shoqëria “A&E Engineering” sh.p.k.

Sqarim: Çdo person prezumohet i pafajshëm deri sa nuk vërtetohet fajësia e tij me vendim gjyqësor të formës së prerë.

The post Të akuzuar për shkelje e barazisë në tendera dhe shpërdorim detyre, SPAK dërgon për gjykim kryebashkiakun Erion Isai dhe 11 të tjerë appeared first on Albeu.com.

Berisha ngriti dyshime mbi ligjshmërinë e tokës, duke e cilësuar të gjithë skemën si një dëshmi të pastër të asaj që ai e quan “shteti i mafies”.

Sipas liderit të opozitës, ekzistojnë dyshime se toka në fjalë ndodhet tërësisht brenda kufijve që pretendohen nga Edi Rama, e ndjera Aneta Rama, Olsi Rama dhe i gjithë fisi Koleka. Berisha theksoi se investitori i regjistruar, Isa Aliu, nuk ka asnjë lidhje apo origjinë nga Vunoi, duke shtuar se bëhet fjalë për një absurditet juridik ku nuk ekzistojnë fare shitësit e pronës dhe as mënyra se si ata e kishin përfituar atë më parë.

“Nuk kemi mundur të gjejmë shitësit. Nuk ekzistojnë. Është rasti i parë në histori kur ka blerës pa shitës. Ky këmbë njeriu të vetin në Vuno nuk ka. E kuptoni çfarë ndodh në shtetit e mafies?”, deklaroi Berisha.

Më tej, kryedemokrati denoncoi manipulimin me dokumentet në Kadastër, ku sipas tij, një zonë e mbuluar plotësisht me shkurre është regjistruar qëllimisht si “pemëtore”.

Berisha: Kthehemi prapë te hoteli se duhet ta shohin shqiptarët se si ndërtohet parajsa, shihni fantazinë e tij.
Pra, për tre vite Isa Aliu bashkë me noterin nuk e kanë ditur se për regjistrimin në ASHK duhet kontrata e shitblerjes dhe raporti i vlerësimit…
Por pozicioni ku është blerë toka lë shumë për të dyshuar. Disa gjëra që janë të sigurta janë fakti se toka ndodhet në kufi me tokën e pretenduar nga Edi Rama.
Ndërsa dyshimi i fortë mbetet se kjo tokë është brenda kufijve për të cilën Edi Rama, e ndjera Aneta Rama dhe Olsi Rama pretendojnë bashkë me gjithë fisin Koleka.
Ne nuk kemi mundur të gjejmë shitësit. Nuk ekzistojnë. As mënyrën se si e kanë përfituar shitësit këtë tokë. Është rasti i parë në histori kur ka blerës pa shitës.
Se ky Aliu ose është nga Kavaja ose nga Elbasani… Ky këmbë njeriu të vetin në Vuno nuk ka.
E kuptoni çfarë ndodh në shtetin e mafies?
Në certifikatën e regjistrimit, zëri kadastral është shënuar pemëtore.
Është shënuar pemëtore në një vend që ka pasur absolutisht vetëm shkurre, më vjen keq… shiheni, a mund ta imagjinoni ju tani, shikoni është plot shkurre.
Nga na dolën bahçe këtu ku kudo ka shkurre.
Dhe dihet që ai që ka bërë projektin ai i ka prerë shkurret. Pemëtore… na doli pemëtore tani.
Pra në rast se nuk do ishte shënuar e tillë, çdo lloj forme përfitimi, qoftë me AMTP, qoftë me trashëgimi do ishte e pamundur të posedohej, pasi në Vuno janë ndarë me ligjin 7501 vetëm ullishtat.
Ndërsa për pronat e tjera që janë në proces gjyqësor, ose nuk kanë mundur të provojnë pronësinë, pasi kullotat nuk kanë qenë në pronësi të askujt.
Tani duhet të jemi pak të vërtetë, kullotat kanë qenë komunale. Në ligjin e perandorisë, toka, ajri dhe deti i përkisnin perandorit. Ai ua jepte ato me qira për mirëqenien e qytetarëve. Kjo është e vërteta absolute e Perandorisë Otomane.
Në kuadrin e saj, sigurisht në shkallën e një autonomie siç thotë Stavro Skëndi për Republikat e Alpeve, që thotë se ishin pothuajse si republika autonome, kishte një treg, megjithëse perandori e ushtronte edhe aty pushtetin. Por kishte disa lehtësira, një treg toke, por pastaj pjesa tjetër ishte gjithçka e perandorit.
Komunale.
Hajde në Alpe ju të çoj nga të gjitha bjeshkët janë vetëm dy-tre individuale, të gjitha të tjerat janë komunale.
Sepse perandori i kishte përcaktuar komunale. Që të hyjmë në të vërtetat siç janë. Do të thotë janë në përdorim.

The post SPAK e sekuestroi si të ndërtuar me paratë e drogës, Berisha: Toka e hotelit ndodhet në tokën që pretendon familja e Edi Ramës në Vuno! Shtet i mafias! appeared first on Albeu.com.

Lala tha se personi kyç i cili dyshohet si kreu i organizatës është Shpëtim Aliu, ndërkohë që ai furnizone edhe grupime të tjera.

“Bëhet fjalë për një organizatë, me disa grupime që kanë bashkëvepruar. Secili prej grupimeve ka patur një kre dhe organizator. Këto grupime kanë marrë sasi lëndësh narkotike te i njëjti furnitor, i njëjti person. Bëhet fjalë për hetim të nisur gjashtë vite më parë, në maj 2020, policia i është drejtuar SPAK me një referim, duke pretenduar se Shpëtim Aliu, 50 vjeç, kishte dyshime të ishte i përfshirë në trafikun e lëndëve narkotike. Në të njëjtin referim bëhej me dije se vëllai i tij ishte përfshirë në veprën penale të pastrimit të parave, atëherë flitej për rrjet supermarketesh në Elbasan. Kjo ka qenë pikënisja e hetimit.

Në vitin 2025, nga një tjetër dosje penale, është zbërthyer kodi i SKY ECC, Shpëtim Aliu, personazh i larguar herët në Elbasan, i vendosur në Ekuador, por frekuentonte edhe Dubain. Në Ekuador kishte krijuar lidhje me kartele dhe siguronte sasi t ëmëdha të kokainës.

Në momentin që është zbërthyer SKY ECC, nga përpunimi i të dhënave, SPAK ka firmosur 10 urdhër arreste dhe është ekzekutuar një prej tyre. Të tjerët janë në kërkim.

Grupi i drejtuar nga Shpëtim Aliu, bashkëpunonte me katër grupe, të Dritan Gjikës, grupimi i Eldi Dizdarit, grupimin e Armando Pacani, thuajse fantazmë për autoritetet shqiptare. I vetmi grup i papërfolur deri sot është ai i Sokol Bibaj, vëllai Nikoll Bibaj rezultonte biznesmen ndërtimi në Shqipëri, por nga ana tjetër vëllai konsiderohej grosist i kokainës që sillte miliona euro në Shqipëri.

Në ato pak materiale që kanë rrjedhur, Shpëtim Aliu siguronte miliona euro në periudha të shkurtra. Vëllai i tij Isa Aliu e informon, që kishte 6 mln euro kesh dhe i thotë brenda pak ditësh do marr 20 mln të tjera. Shumat që fitonin ishin marramendëse dhe investoheshin në ndërtim. Ka patur shqetësim mes vëllezërve për pastrimin e parave. Shpërtim Aiu e orientonte vëllain të groposte paratë.

Mënyrat innovative, kriptomonedha apo kompanive të vogla, kanë arritur të injektojnë miliona euro në tregun e ndërtimit.

SPAK ka sekuestruar 150 milionë euro, vila luksoze, hotele të lidhura me brande të njohura, llogari bankare, sipërfaqe toke.

Shpëtim Aliu ishte i kërkuar në vende të tjera, por nuk njihej në Shqipëri.

Karakteristike është që ky kartel kriminal, nuk rezulton deri tani të ketë patur vrasje mes rivalëve. Kanë bërë biznes të pastër.

Ka detaje në dosje thonë “Do të mbysim Europën me kokainë”. Nis 8 ton në muaj, e kështu me rradhë.

Grupimet nuk furinzoheshin vetëm nga Shpëtim Aliu, por edhe nga të tjerë, edhe të huaj”, deklaroi Lala.

The post “Do të mbysim Europën me drogë”, Lala shpjegon goditjen e SPAK ndaj kartelit të fuqishëm të kokainës appeared first on Albeu.com.

Pas kësaj, avokati i familjes Bajraj reagoi ditën e djeshme duke i cilësuar akuzat e deputetes si të pabazuara në prova dhe me karakter denigrues ndaj klientëve të tij. Në një qëndrim zyrtar, avokati Sokol Tahiraj theksoi se deklaratat e bëra publikisht përbëjnë, një sulm ndaj dinjitetit dhe reputacionit të personave që ai përfaqëson. Më tej në deklaratën e tij, Tahiraj tha se në një shtet të së drejtës askush nuk mund të shpallet fajtor pa vendim gjykate.

Njoftimi

KALLËZIM PENAL DREJTUAR: PROKURORISË SË POSAÇME KUNDËR KORRPUSIONIT DHE KRIMIT TE ORGANIZUAR

KALLËZUES: BEHAR BRAJOVIQ SAFET RUSTEMI

KUNDËR: Marjana Koçeku, deputete e Kuvendit të Shqipërisë (e zgjedhur në Qarkun Shkodër)

I/E nderuar Prokurore;

Në mbështetje të dispozitave të Kodit të Procedurës Penale për kallëzimin e veprës penale, paraqes këtë kallëzim dhe parashtroj sa vijon.

FAKTET

Më datë 17.06.2026, deputetja e Kuvendit të Shqipërisë, Znj. Marjana Koçeku, ka publikuar në rrjete sociale (Facebook/Instagram), deklaratë e cila është riprodhuar gjerësisht në media, sa vijon: “Ky mesazh i drejtohet Bajrajve të Shkodrës. Nëse familjes teme i preket kjoftë edhe nji qime floku, unë s’kam me lanë pa ju shkatërrue, sa ta kem jetën.”

Me këtë deklaratë publike, deputetja: (a) i drejton familjes Bajri një kërcënim të hapur për ta “shkatërruar”; dhe (b) lë të kuptohet/pretendon publikisht se familja Bajri ka kërcënuar familjen e saj. Pretendimi se familja Bajri e ka kërcënuar është i pavërtetë dhe i pambështetur në asnjë provë të paraqitur. Anëtarë të familjes ndodhen aktualisht të privuar nga liria (në burg), dhe nuk kanë pasur asnjë mundësi faktike për të kryer veprimet që u atribuohen.
Deputetja nuk i ka paraqitur provat e pretenduara pranë organeve kompetente, por ka zhvilluar akuza publike në media e rrjete sociale, duke i atribuar rrejshëm familjes një vepër penale (kanosje) dhe duke cenuar rëndë nderin e dinjitetin e saj.
Deklarata nuk i drejtohet një individi të caktuar, por familjes/fisit Bajri në tërësi. Akuza dhe kërcënimi publik shtrihen kështu mbi çdo anëtar të familjes, përfshirë persona që nuk janë palë në asnjë procedim, të afërm dhe fëmijë të mitur, duke cenuar nderin, dinjitetin dhe sigurinë e tyre, dhe duke paragjykuar edhe ata që mbrohen nga prezumimi i pafajësisë. Shtrirja kolektive e deklaratës, zotimi publik për ta “shkatërruar” familjen “sa ta kem jetën” dhe konteksti i mundshëm i gjakmarrjes, së bashku me faktin që deklarata vjen nga një person me autoritet publik dhe është përhapur gjerësisht, përbëjnë rrethana rënduese që shumëfishojnë dëmin dhe rrezikun ndaj familjes.

Kallëzuesi ngre dyshimin se këto deklarata mund të jenë bërë edhe për përfitim politik e publik, në kontekstin e zhvillimeve të fundit politike të deputetes; megjithatë, vlerësimi i motivit i mbetet hetimit.
CILËSIMI I MUNDSHËM JURIDIK
Faktet e mësipërme mund të përbëjnë:

“Shpifja” (neni 120/2 i Kodit Penal) — atribuim i rremë publik i një vepre penale (kanosje) ndaj familjes Bajri.
Elementi objektiv:

Deputetja ka deklaruar publikisht:

“Ky mesazh i drejtohet Bajrajve të Shkodrës. Nëse familjes teme i preket kjoftë edhe nji qime floku, unë s’kam me lanë pa ju shkatërrue…”

Kjo deklaratë, sipas kallëzuesit, përçon te publiku mesazhin se familja Bajri ka ndërmarrë ose po ndërmerr veprime kërcënuese ndaj familjes së deputetes.

Edhe pse nuk thuhet shprehimisht “familja Bajri më ka kërcënuar”, lidhja logjike që krijohet është se ekziston një rrezik që vjen prej tyre, aq sa deputetja ndien nevojën të paralajmërojë publikisht se do të reagojë ndaj tyre.
Për pasojë, publikut i paraqitet si fakt se familja Bajri është e përfshirë në sjellje kriminale ose intimidimi.

Pavërtetësia e faktit
Sipas pretendimit të kallëzuesit:

nuk ekziston asnjë provë që familja Bajri ka kërcënuar deputeten ose familjen e saj;
nuk ekziston asnjë procedim penal, vendim gjykate apo akt zyrtar që mbështet një pretendim të tillë;
disa prej personave që identifikohen publikisht me familjen Bajri ndodhen të privuar nga liria dhe nuk kanë pasur mundësi faktike të kryejnë veprimet e nënkuptuara.
Në këto rrethana, deklarimi publik paraqitet si atribuim i një fakti të pavërtetë.

Cenimi i reputacionit:

Deklarata është bërë nga një deputete e Kuvendit dhe është shpërndarë gjerësisht në media kombëtare.

Për shkak të pozicionit publik të autores:

deklarata ka pasur ndikim të gjerë;
ka ekspozuar familjen Bajri para opinionit publik si burim kërcënimi dhe dhune;
ka cenuar nderin, dinjitetin dhe reputacionin e anëtarëve të familjes.
Elementi subjektiv:
Autorja ka vepruar me dashje, pasi:

ka identifikuar publikisht një familje të caktuar;
ka zgjedhur të bëjë deklaratën në rrjete sociale;
ka qenë e vetëdijshme për rezonancën publike që do të kishte deklarata e saj.
Prandaj mund të argumentohet se janë përmbushur elementet e veprës së shpifjes, paragrafi 2.

“Kanosja” (neni 84 i Kodit Penal) — vetë deklarata e deputetes përmban një kërcënim publik për ta “shkatërruar” familjen.
Elementi objektiv:
Në të njëjtën deklaratë deputetja shprehet:

“Nëse familjes teme i preket kjoftë edhe nji qime floku, unë s’kam me lanë pa ju shkatërrue, sa ta kem jetën.”

Ky nuk është thjesht një reagim emocional apo figurë retorike.

Deklarata:

i drejtohet një subjekti konkret dhe të identifikueshëm (“Bajrajve të Shkodrës”);
përmban premtimin e një veprimi të ardhshëm ndëshkues;
përdor termin “ju shkatërrue”, i cili në gjuhën e zakonshme nënkupton shkaktimin e dëmit shumë serioz ndaj personit, familjes ose interesave të tij.
Krijimi i gjendjes së frikësimit:

Një familje e identifikuar në një deklaratë të tillë:

është vendosur nën presion publik;
është ekspozuar ndaj reagimeve të tretëve;
është vënë përballë një paralajmërimi serioz për hakmarrje.
Kjo është veçanërisht e rëndësishme duke pasur parasysh se deklarata nuk është bërë nga një person privat, por nga një figurë publike me autoritet institucional.

The post Safet dhe Behar Bajri kallëzojnë në SPAK Marjana Koçekun: Na ka cënuar nderin dhe dinjitetin appeared first on Albeu.com.

Sipas burimeve konfidenciale, mësohet se SPAK po ushtron kontrolle në banesën e Devi Agos, ish punonjës i AMP së juglindjes.

Ago dha dorëheqjen pak kohë më parë, ndërsa dyshohet se operacioni po zhvillohet për arsye të elementëve penalë për shpërdorim detyre.

Një tjetër i dyshuar është dhe Klevis Hoxha, ish-drejtor i policisë bashkiake si lidhje shoqërore e Agos.

Pritet që të zbardhen detaje të tjera në vijim.

The post SPAK “zbarkon” në Devoll, kontrolle në banesat e ish-punonjësit të AMP-së dhe ish-drejtorit të Policisë Bashkiake (EMRAT) appeared first on Albeu.com.

Salvatore Aliu ishte identifikuar si drejtues dhe si personi kyç në këtë grup kriminal në rolin e furnizuesit, organizatorit dhe financuesit të ngarkesave me kokainë, nga Ekuadori në vendet e BE por edhe në Shqipëri.

Sipas informacionit, vëllai i Salvatore Aliut, shtetasi shqiptar Isa Aliu, vlerësohet si personi kyç që bënte të mundur pastrimin e paratë të kokainës, nëpërmjet bizneseve, siç është rrjeti i supermarketeve Road House në Elbasan.

Salvatore Aliu dhe lidhjet e tij rezultoi se përdornin platformën e koduar të komunikimit “Sky ECC”.

Nga analizimi i të dhënave të “Sky ECC” kanë dalë të dhënat për këtë grup që vepronte në fushën e trafikit të kokainës.
Salavtore Aldiu alias Shpëtim Aliu njihet si Daja, Qero, Qerosi, Viktor, Albo Pelon, Oklid Elouejdi, Sokol Bibaj, Denis Matoshi alias Eldi Dizdari, Armando Pacani, Dritan Gjika, Florian Musai alias Naum Filo, Aleks alias Shkëlqim pepahj, Jetmir Pepaj, Naldi Yzeiraj e persona të tjetër të paidentifikuar që trafikonin drogë nga Ekuadori drejt vendeve të BE-së. Ndërkohë, Florian Musai, është i vetmi i arrestuar që i është komunikuar arresti me burg.

The post Zbardhen detaje te reja nga hetimet e SPAK për organizatën e Shpëtim Aliut, si pastroheshin paratë e k*kainës përmes bizneseve! Çfarë zbuluan bisedat në “Sky ECC” appeared first on Albeu.com.

Sipas tij, një pjesë e madhe e të ardhurave që burojnë nga aktiviteti kriminal nuk hyjnë drejtpërdrejt në Shqipëri si para “cash”, por kanalizohen më pas në investime të ndryshme ekonomike, duke u fshehur pas mungesave në kontrollin e burimit të tyre.

Karamuço theksoi se një nga problemet kryesore mbetet verifikimi i origjinës së fondeve, sidomos kur ato përdoren në investime të mëdha si ndërtimi, ku shpesh është e vështirë të gjurmohet burimi real i kapitalit.

Ai nënvizoi se sistemi aktual ende ka boshllëqe në identifikimin në fazat e para të investimeve, duke sugjeruar se një qasje më e fortë parandaluese do të ishte kontrolli i menjëhershëm i burimit të parave përpara se projektet të marrin leje ndërtimi.

Sipas tij, mungesa e një kuadri më të rreptë ligjor, përfshirë diskutimet e vonuara mbi kriminalizimin e pasurimit të paligjshëm, ka krijuar hapësira për këto fenomene.

Duke folur për rastin konkret, ai u shpreh se shifrat reale të drogës së sekuestruar janë shumë më të mëdha në ndikim ekonomik sesa vlerësimet fillestare, ndërsa theksoi se personat kryesorë të përfshirë zakonisht veprojnë jashtë territorit shqiptar.

Ai shtoi se sekuestrimet aktuale bazohen në të dhëna të regjistrave dhe dyshime fillestare, duke e konsideruar këtë vetëm fazën e parë të hetimit, ku më pas duhet provuar burimi i vërtetë i pasurive të vendosura nën sekuestro.

Karamuço e cilësoi këtë moment si një nga sfidat më të rëndësishme për SPAK-un, i cili sipas tij duhet të arrijë të dallojë më qartë pasuritë me origjinë kriminale nga ato të krijuara në mënyrë të ligjshme ndër vite.

“Pra e gjithë kjo para nuk është se mbërrin këtu. Këtu mbërrin për shkak se ne kemi ende probleme me identifikimin që në fillim të parave, mënyrës se si pastaj investohen, leja e ndërtimit, burimi i të ardhurave, këtë e kemi ende dhe prandaj dhe kodi penal është kërkuar me insistim pasurimi i paligjshëm që të jetë vepër penale.

Pra mos presim ne të na thotë Holanda, shikoni se keni një grup aty që ka pastruar që në 2020-ën lekët, paratë e tyre.

Por ne që në momentin që shikojmë vetë që ky po ndërton, menjëherë shkojmë dhe i themi ku i ke paratë, më jep faturat, ku e ke burimin e të ardhurave. Pra që aty ti e parandalon dhe e bën një klimë jo inkurajuese për këta për të ardhur dhe për të investuar më.

Është vonuar pak ky Kod Penal që mund të zgjidhte një pjesë të këtyre problemeve. Por tani ne jemi në një fakt të kryer që ka ndodhur vërtet. Ata dy emrat që janë drejtuesit, ata gjithmonë kanë qenë jashtë, asnjëherë s’kanë qenë në Shqipëri.

50 ton nuk janë 150 milionë euro, janë shumë më tepër, po janë jashtëzakonisht shumë më tepër. Pra këto janë kapur çfarë dalin nga regjistrat hipotekorë të kadastrës, pra që mund të ketë një emër, një familjar, një gjë e tjerë e tjerë.
Dhe është faza e parë. Pra ti i bën sekuestron dhe pastaj i shikon, ti ke dyshimet aktualisht për këtë, pra ende s’ke një provë të rëndësishme. Ore me çfarë parash e ke bërë këtë? Se na ka ndodhur raste të tjera që i kemi bllokuar fillimisht dhe ai ka thënë unë jam biznesmen që nga ’90-ta për këtë histori. Atëherë çfarë?

Pra ky është momenti më i rëndësishëm i SPAK-ut me gjithë këtë punë galopante dhe shumë të mirë që po bën, që arriti të dallojë kush është nga burimet kriminale që është investuar dhe kush është nga burime të ligjshme, burime të tjera.

Prandaj përzgjidhen biznesmenët, se është shumë e vështirë ta ndash kur fillon burimi i paligjshëm dhe ku është burimi që ti ke ndër vite, që ashtu je shfaqur vërtet në regjistrat publikë që je i tillë dhe ke investuar me kalimin e kohës, zëra tregtarë e tjerë e tjerë. Pra kjo është gjëja, sfida që ne kemi si institucion”, u shpreh ai.

The post SPAK sekuestron 150 mln euro, Karamuço jep detaje se ku investoheshin paratë në Shqipëri appeared first on Albeu.com.

Hoteli “Zig Zag”, i ndërtuar në faqen e kodrës në zonën e Jalës, njihet si një strukturë akomoduese me 5 yje dhe me kapacitet rreth 200 dhoma. Sipas të dhënave të raportuara, ky aset është pjesë e listës së pasurive të sekuestruara sot nga SPAK në kuadër të hetimeve për pastrim parash dhe investim të të ardhurave kriminale në ekonominë formale.

Në total, Prokuroria e Posaçme ka sekuestruar 491 pasuri, me vlerë të përllogaritur rreth 150 milionë euro. Mes tyre përfshihen hotele, vila, apartamente, troje dhe pasuri të tjera të paluajtshme në disa prej zonave më të rëndësishme të vendit, përfshirë Tiranën, Durrësin, Elbasanin, Lezhën, Shkodrën, Dhërmiun, Sarandën dhe vijën bregdetare shqiptare.

LEXO edhe BKH zbarkon te biznesmenë ndërtimi/ Kontroll te Redi Peza i “Porto Lalzit”, Ardi Kollçaku i “Anchor Invest”, si dhe te Kujtim Shtufi i “Ferro Beton”

LEXO edhe Nga dosja e SPAK/ Si u shpronësua toka te “Air Albania” për llogari të kartelit të drogës

Sipas SPAK, grupi i dyshuar kriminal drejtohej nga Dritan Gjika dhe Eldi Dizdari, ndërsa në qendër të skemës së pastrimit të parave dyshohet se qëndronte Isa Aliu. Hetuesit dyshojnë se të ardhurat e siguruara nga trafiku ndërkombëtar i kokainës janë futur në Shqipëri dhe janë investuar në sektorin e ndërtimit, turizmit dhe pasurive të paluajtshme.

Në kuadër të këtij operacioni, masa sigurie “arrest me burg” janë lëshuar edhe për Nikoll Bibaj, Sokol Bibaj, Armando Pacani, Naldi Yzeiraj, Oklid Aliu dhe Shpëtim Aliu.

Sekuestrimi i hotelit “Zig Zag” në Jalë tregon se hetimi i SPAK nuk është kufizuar vetëm te emrat e dyshuar të trafikut të drogës, por është shtrirë edhe te asetet luksoze ku dyshohet se janë ricikluar milionat e kokainës. Bregdeti, ndërtimi dhe turizmi janë tashmë në qendër të hetimit si sektorë ku paratë e krimit dyshohet se janë kthyer në prona, resorte dhe investime me fasadë të ligjshme.

The post SPAK sekuestron hotelin luksoz me 5 yje në Jalë, pjesë e pasurive 150 milionë euro të grupit kriminal appeared first on Albeu.com.

The post Goditja e grupit të trafikut të lëndëve narkotike dhe pastrimit të parave/ Nga Dritan Gjika te Armando Pacani, zbardhen emrat e grupit kriminal që u godit nga SPAK appeared first on Albeu.com.