Spiropali protest

Spiropali, who was absent from the Socialist Party parliamentary group meeting, responded indirectly to Edi Rama over his barbs and her statements about a ‘New Agreement’ with Albanians.

But for this to happen, according to Spiropali, the Socialist Party must cleanse itself, taking aim at former Deputy Prime Minister Belinda Balluku.

Although indirectly, Spiropali referred to the latter as a “tornado” and “rust” of the Socialist Party.

According to her, if the Socialist Party itself does not elevate and democratize, then it cannot bring about the change that is being sought.

Spiropali’s full reaction

Yes, we will have the New Agreement for Albania.🇦🇱

The Albania we want to build must be made, and we will make it, more open, fairer, more meritocratic, more European.

To achieve this, the Socialist Party must find the strength, gather its thoughts, cleanse itself, become more dynamic, more democratic, more cohesive, in order to remain forever young, forever clean, without tornadoes, without rust, without buffoonery.

Let us make the New Agreement great, deep, real, bearing in mind that if we do not elevate ourselves, we cannot improve the country.

The post Historic protest by thousands of Albanians, Spiropali ‘hits’ Rama and Balluku: The SP must cleanse itself, without tornadoes, rust or buffoonery! If we do not elevate ourselves, the country will not improve appeared first on Albeu.com.

spiropali protesta
Spiropali e cila mungoi në mbledhjen e Grupit të PS, iu përgjigj indirekt Edi Ramës për thumbat e tij dhe deklaratat e saj për një ‘Marreveshje te re’ me shqiptarët.

Por që kjo të ndodhë sipas Spiropalit, PS duhet të vetëpastrohet, duke goditur ish zv.kryeministren Belinda Balluku.
Edhe pse indirekt, Spiropali e ka quajtur këtë të fundit si “smërç” dhe “ndryshk” të PS-së.

Sipas saj nëse vete Partia Socialiste nuk lartësohet dhe demokratizohet atherë nuk mund të sjellë ndryshimin e kërkuar.
Reagimin i plotë i Spiropalit

Po, do ta kemi Marrëveshjen e Re për Shqipërinë.🇦🇱
Shqipërinë që duam të ndërtojmë duhet ta bëjmë, dhe do ta bëjmë, më të hapur, më të drejtë, më meritokratike, më europiane.
Për ta arritur këtë, Partisë Socialiste i duhet të gjejë forcat, të mbledhë mendjen, të vetpastrohet, të bëhet më dinamike, më demokratike, më kompakte, për të mbetur gjithmonë e re, gjithmonë e pastër, pa smërçe, pa ndryshqe, pa pehlivanllëqe.
Ta bëjmë Marëveshjen e Re të madhe, të thellë, të vërtetë, duke pasur parasysh, se po nuk lartësuam veten, nuk mund ta përmirësojmë vendin.

The post Protesta historike e mijëra shqiptarëve, Spiropali ‘godet’ Ramën dhe Ballukun: PS duhet të vetëpastrohet, pa smërçe, pa ndryshqe e pa pehlivanllëqe! Po s’u lartësuam, nuk përmirësohet vendi appeared first on Albeu.com.

Në këtë mbledhje mungoi deputetja e Shkodrës, Marjana Koçeku, e cila ka dalë si e pavarur dhe në një sërë reagimesh ka sulmuar qeverinë Rama për qëndrimet e saj.

Po ashtu, ka rënë në sy dhe mungesa e Elisa Spiropalit, kjo e fundit ka mbajtur qëndrime të forta kritike ndaj liderit të PS, Edi Rama.

Ajo që ra në sy ishte prezenca e Belinda Ballukut, tashmë me akuza të reja nga SPAK, për ‘pastrim parash’ dhe ‘fshehje pasurie’, ‘korrupsion’, etj.

Balluku sipas fotove të shpërndara nga PS, është ulur përballë Edi Ramës, ndërkohë që të enjten nuk mori pjesë në votimin e Amnistisë Penale, e cila kërkonte 84 vota.

Mungesa e saj në seancë detyroi socialistët të shtynin për pasdite votimet në Parlament, madje shkoi deri aty sa që u desh të vinte vetë Edi Rama nga Roma, që të bëheshin votat e nevojshme, 84.

Ndërkohë që sot si fundjavë, Balluku është shfaqur në mbledhjen e Grupit të PS, duke qëndruar para kreut të PS, që la të kuptohet se mund të ketë të tjera rrjedhje nga radhët e socialistëve pas, Marjana Koçekut.

The post Pas ikjes së Marjana Koçekut, Spiropali mungon në mbledhjen e Grupit të PS, Balluku refuzoi paraqitjen në seancë kur duheshin 84 vota, i ulet Ramës përballë appeared first on Albeu.com.

Në fjalën e saj, Spiropali u shpreh se Berisha ndodhet në një kontradiktë politike, pasi sipas saj ai paraqitet njëkohësisht si denoncues i sistemit dhe si garantues i tij.

Spiropali shtoi se kreu i opozitës duhet fillimisht “të çlirojë sistemin, partinë dhe opozitën”, përpara se të kërkojë besimin e qytetarëve.

“Sali je i pabesueshëm, sepse njëkohësisht je edhe denoncuesi më i madh edhe garantuesi më i madh i sistemit. Kështu që kur të çlirosh sistemin, kur të çlirosh partinë, kur të çlirosh opozitën mund të flasim këtu dhe ndoshta terma doktor do të të ngjisin më shumë. Por sot për sot kontradikta e thellë e të qenit edhe denoncues edhe garantues nuk ta jep të drejtën të flasësh dhe i jep të drejtën qytetarëve të mos të të besojnë”, tha Spiropali.

Çfarë tha Berisha?

Berisha iu drejtua ish-ministres dhe deputetes Elisa Spiropali, duke e pyetur se si kishte mundësi që Balluku e quante Ramën pallosh dhe ai e mbronte, kurse atë që e quante Skënderbe e flaku.

“Dhe ju që po më shihni atje, do u bëj një pyetje unë këtu, si ka mundësi që ajo e quan Pallosh i Gjatë dhe ai bën gjithçka për ta mbrojtur, kurse ti e quan Skënderbeg dhe të flak. Cila është arsyeja? – tha Berisha.

The post Replika me Berishën, Spiropali: Sali je i pabesueshëm! Je edhe denoncuesi edhe garantuesi më i madh i sistemit, çliro opozitën appeared first on Albeu.com.

I pyetur nëse brenda Partisë Socialiste ka nisur të krijohet tension apo “kazani” po zien, duke përmendur edhe disa emra si Elisa Spiropali, Erion Braçe dhe Ogerta Manastirliu, Rama u shpreh fillimisht për Erion Braçen.

“Tani në PS, çfarë ndodh në PS? Ka ndonjë kështu, ndonjë fraksion ndonjë kështu, se ka disa emra që… Pashë një status të Elisa Spiropalit që ishte thumbues, i shkruar shumë bukur me ChatGPT besoj, se ishte shkruar shumë bukur; Erion Braçe që nuk pranon Ogerta Manastirliun. Ka kazan? Dhe ‘kazani’ te PS-ja ka filluar të ziejë pak besoj”, ishte pyetja që iu drejtua kryeministrit.

Rama u përgjigj: “Unë di që Erion Braçja ka qenë ai që është dhe thotë, do mbetet ky që është, këtë di unë. Nuk më duket se ka ndonjë gjë të re në kuptimin që ai ashtu ka qenë, ashtu është, ashtu do jetë dhe ashtu duhet të jetë. Është ekzaktësisht një njeri që është vetvetja dhe s’ka asnjë gjë për t’u çuditur. Është vetvetja. Ashtu është ai.”

Në ndërhyrjen e mëtejshme, Nikollë Lesi i tha se të njëjtën gjë kishte deklaruar edhe Blendi Klosi, duke pyetur nëse kjo ishte një linjë partie.

“Po ashtu është, ashtu është. Kush përpiqet ta imitojë, bën gabim”, u shpreh Rama.

Më pas biseda u fokusua te Elisa Spiropali.

“U more me Erion Braçen, harrove Elisa Spiropalin”, tha Lesi.

Rama u përgjigj shkurt: “S’ka gjë për të shënuar këtu. Çfarë ka?”

Nikollë Lesi vijoi duke pyetur nëse Spiropali mund të përjashtohej, duke iu referuar deklaratave të saj.

“Do përjashtohet? Se ajo tha ‘më përjashto. Më përjashto, më përjashto, më përjashto’. Domethënë që lutja vetëm ‘më hiq qafe’ apo nuk do të përgjigjesh?”

Rama reagoi me një krahasim figurativ: “Kush thotë ‘hajde, këtu më ke, më vrit’ e thotë ngaqë të do apo jo? Kështu që nuk duhen marrë …”

Në këtë moment, Lesi ndërhyri: “S’e ka humbur dashurinë për Skënderbeun.”

Rama vijoi: “Jo, jo, nuk duhen marrë literalisht këto gjëra. Janë krejt normale për sa kohë nuk prekin atë vijën e kuqe.”

Gazetari këmbënguli duke thënë se, sipas tij, Spiropali e kishte kaluar vijën e kuqe.

“Vijën e kuqe ka prekur ajo. Dy vija të kuqe madje, po ti nuk do që ta thuash. Dy. Dy vija që i ka shkelur, dy vija të kuqe. Madje dëgjova kolegun Martin Leka që tha ‘e kisha përjashtuar për tre minuta’. Kështu tha Martini. I thashë ‘gabim të përjashtosh’. Jo – tha ai. ‘Unë e kisha përjashtuar – tha Martin Leka – në vend, në sekondë’. ‘Po Rama është tolerant – tha ai. Jo unë.’”

Në fund, Rama dha përgjigjen e tij më të drejtpërdrejtë për këtë çështje: “Çdo njeri mund të gabojë. Kush ka dhënë kontribute mund të gabojë dhe herën e dytë, e treta pastaj e ndan.”

Kur Lesi interpretoi deklaratën duke thënë se Spiropali ka një tjetër mundësi përpara përjashtimit, Rama shmangu thellimin e debatit: “Jo, këto janë si titujt e ‘Kohës’, tonë të parës. Se këtu jemi për Kohën tonë, nuk jemi për këto situata, për këto, shko te doktori.”

The post Përplasjet me Spiropalin/ Rama: Dy herë e fala, të tretën jo më appeared first on Albeu.com.

Malaj hedh idenë e krijimit të një lëvizje të re politike përballë asaj që ai e quan ‘pushteti absolut dhe i babëzitur i rilindasve, që vetëm rilindje nuk janë’.

Në qëndrimin e tij, Malaj thekson se Spiropali duhet të sfidojë për të fituar mbështetjen e publikut, veçanërisht të elektoratit gri dhe qytetarëve të zhgënjyer, të cilët shpesh shprehin pakënaqësinë përmes mospjesëmarrjes në votime.

Sipas tij, një sfidë e tillë duhet të synojë edhe rikthimin e besimit të “socialistëve të vërtetë”.

Komenti i plotë i Arben Malajt:

Mirmëngjesi! Elisa duhet të sfidojë dhe të meritojë mbështetjen publike, të elektoratit gri dhe të të zhgënjyerve, të cilët protestojnë me mospjesëmarrje edhe në votime.

Por sidomos, Elisa duhet të fitojë shpresën dhe mbështetjen e socialistëve të vërtetë.

Kur analizojmë qëndrimin deri tani sfidues të Spiropalit, mund dhe duhet të mbajmë parasysh disa momente:

Pas vitit 2005, PS-ja nuk është më partia për të cilën shumë socialistë, përfshirë edhe mua, u inspiruan dhe u bashkuan.
Nuk është më një parti e personaliteteve inspiruese si Dritëroi, Prof. Serveti, Nano dhe shumë personalitete të tjera.

PS-ja u krijua dhe arriti të jetë partia me demokraci të brendshme, ku nxitej dhe nuk dënohej mendimi ndryshe.

PS-ja kishte një proces përzgjedhës dhe promovues për mandatet e larta në politikë, në institucionet kushtetuese dhe në forumet partiake.

Pra, në këtë rast, Rilindja është një SHPK me pronar të vetëm dhe 100% të aksioneve,

ku ndalohet dhe dënohet mendimi ndryshe dhe

ku po vërtetohet se lakmia për pasurim kriminal ka infektuar rrënjët e saj.

Atëherë edhe Elisa, Erioni dhe kushdo tjetër politikan atdhedashës,

ka të drejtë të inspirohet dhe të veprojë pa frikë, i udhëhequr edhebnga integriteti i Churchill-it kur deklaronte: “Për parimet i ndryshoj partitë, por për partitë nuk i ndryshoj parimet.”

E dyta, ka një fushatë të mirëdirigjuar për ta goditur Elisën që në hapat e para që të tërhiqet.

Unë besoj dhe inspiroj që të kemi sa më shumë zëra alternative deri edhe kundërshtues edhe brenda Rilindjes.

Aq më tepër që PS-ja është duke u tkurrur nga keqqeverisja e vendit, për shkak të korrupsionit dhe sidomos nga kapja e shtetit.

Përballë këtyre sulmeve të divizioneve digjitale shpifëse të patronazhistëve nepotikë, të sponsorizuar edhe nga krimi, për Elisën, Erionin për mua në konkurrimin si i pavarur për kryetar bashkie në Vlorë, vlen shumë shprehja e Gëtes:

“Ke humbur pasurinë?

Ke humbur pak.

Ke humbur nderin?

Ke humbur shumë.

Ke humbur guximin? Atëherë më mirë të mos kesh lindur fare!”

Elisa duhet të vlerësojë rëndësinë e momentit.

Nëse inspirohet nga modeli hungarez, duhet kujtuar se Orbán u mund duke i dalë përballë, jo nga brenda, sepse sipas Senekës: “Nuk ka skllavëri më të turpshme se ajo e vullnetshmja.”

Rilindasit nuk duan të nxitojnë ta përjashtojnë Elisën vetëm për një qëllim:

T’i lënë sa më pak kohë të organizohet për një alternativë të re politike përballë Ramës.

Momenti, qartësia, vendosmëria, aftësia inspiruese dhe sfiduese

janë kolonat ku Elisa, por jo vetëm Elisa, mund të nisë një lëvizje të re politike përballë pushtetit absolut dhe të babëzitur të rilindasve, që vetëm rilindje nuk janë.

Sepse rilindasit e vërtetë vunë veten e tyre në shërbim të Shqipërisë, ndërsa këta po e shfrytëzojnë papërgjegjshmërisht vendin përmes një pushteti absolut që korrupton në mënyrë absolute.

Një apel për socialistët rilindas që u verbuan nga pasurimi i shpejtë deri dhe kriminal, vjen nga pastori gjerman Martin Niemöller kur apelonte:

“Kur erdhën për komunistët, unë nuk fola, sepse nuk isha komunist.

Kur erdhën për socialistët, unë nuk fola, sepse nuk isha socialist.

Kur erdhën për sindikalistët, unë nuk fola, sepse nuk isha sindikalist.

Kur erdhën për hebrenjtë, unë nuk fola, sepse nuk isha hebre.

Kur erdhën për mua, nuk kishte mbetur më askush të fliste.”

Ky do te jete fati I deputeteve qe vetë shërbejnë,

jo si deputet te votuesve

por si skllevër vullnetarë te kryetarit të partisë.

Ditë të mbarë!

The post Përplasjet brenda Partisë Socialiste/ Arben Malaj: Koha për të filluar lëvizje të re politike përballë pushtetit absolut, Elisa dhe Erioni politikanë atdhedashës appeared first on Albeu.com.

Në një intervistë për mediat, Braçe pranoi se shqetësimet e ngritura nga Spiropali janë reale dhe ndahen edhe nga figura të tjera brenda PS-së, përfshirë edhe vetë kryeministrin Edi Rama.

Sipas tij, thirrjet për riorganizim dhe hapje të partisë janë tregues i qartë se ekzistojnë probleme të brendshme që kërkojnë zgjidhje.

“Zonja Spiropali ka ngritur disa shqetësime që edhe qëndrojnë, edhe për mua qëndrojnë edhe për të tjerë aty, edhe për kryeministrin qëndrojnë. Në momentin që themi që duhet të rienergjizojmë PS, që duhet ta hapim PS, duhet ta bëjmë më demokratike, praktikisht kemi pranuar një seri problemesh që duhen kuruar”, tha ai në “Shqipëria Live”.

Më tej, Braçe pranoi po ashtu se brenda PS ka pabarazi në vlerësimin e kontributeve, por i pyetur nëse Spiropali është një prej këtyre rasteve, Braçe refuzoi të flasë me emra.

Sidorela Gjoni: Dje ka pasur diskutime brenda PS-së. Përplasja në distancë apo edhe ballë për ballë e asaj ajo që ndodh në PS. Keni ju një mendim për zërat e ndryshëm në PS-së, një koment që u diskutua dje ishte ai që mund të ketë bërë Rama drejtuar Elisa Spiropalit: “PS-ja dhe unë jemi investuar tek ti, ti nuk do të flasësh më”.

Erion Braçe: PS ja ka investuar tek ne, jo ne tek PS-ja.

Sidorela Gjoni: Te Spiropali në këtë rast…

Erion Braçe: Unë flas për veten, nuk preferoj të flas për emra. Unë mendova që gjëja nuk po i thuhej vetëm zonjës Spiropali, por edhe mua ose të tjerëve në sallë. Unë vazhdoj të jem deficitar në PS. Në PS ka shumë njerëz që nuk e kanë pasur mundësinë që unë kam pasur. Janë socialistë të thjeshtë, në etapa të ndryshme, por edhe ata kanë pritur nga PS dhe nuk kanë marrë atë që meritonin.

Sidorela Gjoni: Ka të tjerë që kanë marrë më shumë se çfarë kanë merituar?

Erion Braçe: Patjetër që ka plot.

Sidorela Gjoni: A është Spiropali rast i tillë?

Erion Braçe: Nuk jam unë të bëj gjykatësin e kontributeve në PS. Mendoj që është partia që përmes proceseve demokratike t’i japi atë që meritojnë.

The post Reagimi i Spiropalit për paralajmërimin e kryeministrit, Braçe: Qëndrojnë ato që thotë, edhe Rama e di që është ashtu appeared first on Albeu.com.

Berisha renditi dy arsyet kryesore, që sipas tij Rama e shpalli armike: E para, Spiropali nuk mbrojti vjedhjet e Ramës me Lubinë dhe e dyta, ajo firmosi Bordin e Paqes, diçka që sipas kreut të PD, kryeministri nuk mund ta bëntë dot.

“Elisa u shpall armike për dy arsye, nuk mbrojti vjedhjet e Ramës me Lubi Ballukun. Pse e bëri nuk e di, por ajo nuk i mbrojti. Së dyti ajo firmosi Bordin e Paqes, që Rama nuk e firmosi dot. Në këtë mënyrë të ardhme aty ajo nuk kishte më. Arsyet e thella nuk e di, por këto janë probleme të brendshme të tyre”, tha kreu i PD.

Kujtojmë që Spiropali ka dalë herë pas herë me mesazhe kritike ndaj qeverisë, që kur ajo u distancua nga grupi socialiste në rastin e imunitetit të Belinda Ballukut.

Ditën e djeshme, ajo përcolli dje një mesazh të fortë duke ngritur shqetësimin për një model drejtimi që, sipas saj, po dominon sot PS-në dhe institucionet shtetërore. Ajo përshkruan një realitet ku institucionet nuk funksionojnë më si mekanizma vendimmarrjeje dhe llogaridhënieje, por si mjete presioni dhe kontrolli, duke u përdorur si “hanxhar” ndaj individëve, bizneseve, mediave dhe grupeve të caktuara.

Ish-kryeparlamentarja thekson se ky model i ndërtuar gradualisht përmes heshtjes dhe tolerimeve, po zëvendëson politikën me një strukturë të mbyllur dhe të centralizuar vendimmarrjeje.

Ish-ministrja tregon se e kanë këshilluar që të “heshtë” mbi atë se çka ndodh te qeveria. Por ajo bën të qartë se pavarësisht paralajmërimeve dhe sulmeve, nuk trembet nga “qen që s’e kafshojnë”.

The post Elisa Spiropali nuk mbrojti vjedhjet e Ramës me Ballukun/ Berisha tregon prapaskenat: Dy arsye pse ajo u shpall armike appeared first on Albeu.com.

Spiropali shkruan “Kudo dhe kurdo me Socialistët, për Shqipërinë siç i ka hije”, ndërsa ka postuar edhe një foto.

Kujtojmë që Spiropali ka dalë herë pas herë me mesazhe kritike ndaj qeverisë, që kur ajo u distancua nga grupi socialiste në rastin e imunitetit të Belinda Ballukut.

Ditën e djeshme ajo përcolli dje një mesazh të fortë duke ngritur shqetësimin për një model drejtimi që, sipas saj, po dominon sot PS-në dhe institucionet shtetërore. Ajo përshkruan një realitet ku institucionet nuk funksionojnë më si mekanizma vendimmarrjeje dhe llogaridhënieje, por si mjete presioni dhe kontrolli, duke u përdorur si “hanxhar” ndaj individëve, bizneseve, mediave dhe grupeve të caktuara.

Ish-kryeparlamentarja thekson se ky model i ndërtuar gradualisht përmes heshtjes dhe tolerimeve, po zëvendëson politikën me një strukturë të mbyllur dhe të centralizuar vendimmarrjeje.

Ish-ministrja tregon se e kanë këshilluar që të “heshtë” mbi atë se ç`ka ndodh te qeveria. Por ajo bën të qartë se pavarësisht paralajmërimeve dhe sulmeve, nuk trembet nga “qen që s’e kafshojnë”.

The post Kudo dhe kurdo me socialistët/ Elisa Spiropali nis takimet me bazën e PS: Për Shqipërinë siç i ka hije (FOTO) appeared first on Albeu.com.

Përmes një postimi në rrjetet sociale, ajo përshkruan një realitet ku institucionet nuk funksionojnë më si mekanizma vendimmarrjeje dhe llogaridhënieje, por si mjete presioni dhe kontrolli, duke u përdorur si “hanxhar” ndaj individëve, bizneseve, mediave dhe grupeve të caktuara.

“Vjen koha kur në një moment, institucionet fillojnë të funksionojnë si zgjatime të vullnetit të pak njerëzve. Disa ministri dhe agjensi shtetërore nuk reagojnë më ndaj ligjit dhe detyrës, por ndaj urdhrit. Nuk i përgjigjen procedurës, por klanit. Dhe në këtë pikë, çdo biznes, çdo media, çdo individ e kupton se nuk është më përballë një shteti, por përballë një makinerie të pashpirt që mund të përdoret kundër tij”, shprehet ajo.

Ish-kryetarja e Kuvendit, Elisa Spiropali thekson se ky model, i ndërtuar gradualisht përmes heshtjes dhe tolerimeve, po zëvendëson politikën me një strukturë të mbyllur dhe të centralizuar vendimmarrjeje.

“Këtë model kam refuzuar dhe refuzoj. Ky është modeli që nuk duhet të jetë pjesë e Partisë Socialiste: Refuzimi i realitetit ku institucione publike me fytyrë personale përdoren si hanxharë për të frikësuar, dhe ku mbajtja e ndikimit nuk kërkon performancë, por kontroll. Ku pjesa e ndershme e administratës detyrohet të zbatojë deri urdhëra të paligjshëm për interesa dhe presione eprorësh të dhunshëm dhe fuqiplotë”, vijon Spiropali.

Gjithashtu, ish-ministrja e Jashtme, Elisa Spiropali tregon se e kanë këshilluar që të ‘heshtë’ e mos të flasë më mbi atë se çka ndodh te qeveria socialiste. Por ajo shton se pavarësisht paralajmërimeve dhe sulmeve, nuk trembet nga “qen që s’e kafshojnë”.

Mes të tjerash, ish-ministrja tha se PS po zëvendësohet nga një strukturë fosile me emërime okulte, ndërsa shton se institucionet përdoren si hanxhar.

REAGIMI

Po më këshillojnë të hesht. Me të njëjtën mënyrë që përdoret në këto raste: rri rehat, mos bëj zë, do të të vërsulen, nuk ia del dot.

E kuptoj këtë “këshillë”. Është praktike. Madje edhe e mençur në një kuptim të ngushtë, mediokër, meskin. Por është pikërisht kjo lloj “mençurie” që ka ndërtuar klimën ku ndodhemi sot.
Problemi nuk është një individ, një konflikt, një mosvotim në Kuvend, apo një keqkuptim brenda pushtetit.

Problemi është një model që është instaluar gradualisht dhe që sot funksionon pothuajse pa pengesa. Një model ku institucionet nuk janë më hapësira vendimmarrjeje, por instrumente presioni. Ku vendimet nuk merren bashkarisht, por veç. Ku ligji interpretohet sipas nevojës së momentit, dhe jo sipas parimit vizionar.

E kam parë nga afër këtë transformim. Nuk është diçka që ndodh me një vendim të vetëm. Ndodh me tolerime të vogla, me heshtje të arsyetuara, me ndërhyrje që fillimisht duken të padëmshme dhe më pas kthehen në të rëndësishme, deri vendimtare.

Vjen koha kur në një moment, institucionet fillojnë të funksionojnë si zgjatime të vullnetit të pak njerëzve. Disa ministri dhe agjensi shtetërore nuk reagojnë më ndaj ligjit dhe detyrës, por ndaj urdhrit. Nuk i përgjigjen procedurës, por klanit. Dhe në këtë pikë, çdo biznes, çdo media, çdo individ e kupton se nuk është më përballë një shteti, por përballë një makinerie të pashpirt që mund të përdoret kundër tij.

Nëse këto mekanizma përdoren edhe ndaj atyre që kanë mbrojtje publike, me detyra të larta shtetërore, çfarë ndodh me ata që nuk kanë asnjë zë?
Kur struktura shtetërore të emëruara, të promovuara dhe të kontrolluara nga e njëjta dorë, tashmë jo formale, të paraprira nga portale të paguara me para të errëta, fillojnë të sulmojnë në mënyrë brutale deri edhe familjarë, në punë të tyre, atëherë kuptohet qartë se kufijtë janë tejkaluar, dhe se nuk bëhet më fjalë për politikë.

Nuk kam asgjë për të fshehur. Pikërisht për këtë arsye, këto sulme nuk më trembin. Përkundrazi, më bëjnë edhe më të qartë për atë që duhet thënë e duhet bërë.

Këtë model kam refuzuar dhe refuzoj. Ky është modeli që nuk duhet të jetë pjesë e Partisë Socialiste: Refuzimi i realitetit ku institucione publike me fytyrë personale përdoren si hanxharë për të frikësuar, dhe ku mbajtja e ndikimit nuk kërkon performancë, por kontroll. Ku pjesa e ndershme e administratës detyrohet të zbatojë deri urdhëra të paligjshëm për interesa dhe presione eprorësh të dhunshëm dhe fuqiplotë.

Dhe paralelisht me këtë, është ndërtuar një tjetër deformim i brendshëm. Një parti e gjallë, po zëvendësohet nga një strukturë fosile ku gjithçka filtrohet përmes emërimeve okulte. “Drejtorokracia” është kthyer në mënyrë funksionimi. Ka zëvendësuar politikën me administrim besnikërie.

Kjo nuk është ajo për të cilën është ndërtuar Partia Socialiste. Nuk është as modeli që i ka dhënë legjitimitet pushtetit të saj ndër vite.
Për këtë arsye, kjo nuk mund të trajtohet si një çështje personale. Nuk është një përplasje me dikë. Është një mospajtim me një mënyrë funksionimi që po bëhet normë.

Nuk kam frikë nga sulmet. Kam jetuar e jetoj ndër rreshtat e pavdekshëm lasgushianë;
“Shpirtkatran që më qërtojnë, janë qën’ që s’më kafshojnë.”
Jo se jam e paprekshme, por sepse nëse do të kisha frikë, do ta kisha zgjedhur heshtjen shumë më herët. Heshtja është gjithmonë opsioni më i lehtë në këto situata.
Halli është se ky model nuk prodhon vetëm padrejtësi. Ai prodhon largim. Largon njerëzit nga politika, nga besimi, nga vetja, nga vendi. E bën jetën të vështirë, jo për shkak të mungesës së mundësive, por për shkak të kontrollit mbi to.

Dhe nëse kjo vazhdon, nuk do të kemi më një debat politik për mënyrën si qeveriset vendi, por një mungesë të vrazhdë, të shëmtuar dhe deformuese të llogaridhënies institucionale.
Për mua kjo nuk është një çështje thjesht personale. Është një detyrim për të thënë se shumçka duhet ta bëjmë më mirë. Jo unë, por Koha e kërkon.
Ndarja e rëndësishme që duhet bërë qartë nuk është mes njerëzve. Është mes sektorëve funksionues shtetërorë, dhe strukturave abuzive personale.
Partia Socialiste e ka pasur dhe e ka energjinë e nevojshme për përmirësime dhe transformim në dobi të Shqipërisë dhe të shqiptarëve.

The post “Hesht, ose…!”/ “Sulmet nuk më trembin” – Mesazhi i fortë i Spiropalit: Refuzoj modelin ku institucionet përdoren si ‘hanxhar’ ndaj mediave dhe bizneseve appeared first on Albeu.com.