Në krye të këtyre konsultimeve ishin Ilir Muçaj, Sekretar i Përgjithshëm i MPJD-së, dhe Siiri Konigsberg, Drejtore e Përgjithshme për Çështje Evropiane në MPJ-në e Estonisë.

Gjatë takimeve u trajtuan raportet dypalëshe mes Kosovës dhe Estonisë, me theks të veçantë te mundësitë për forcimin e bashkëpunimit në fushën e zhvillimit digjital, inovacionit, arsimit dhe mbrojtjes.

Dy palët ndanë gjithashtu qëndrimet e tyre lidhur me procesin e integrimit euro-atlantik të Kosovës, perspektivën evropiane të rajonit dhe zhvillimet e fundit në Ballkanin Perëndimor.

“Në kuadër të drekës së punës të organizuar nga z. Martin Roger, Zëvendëssekretar për Çështje Politike në MPJ-në e Estonisë, u diskutua situata gjeopolitike në Evropë, përfshirë agresionin e vazhdueshëm të Rusisë kundër Ukrainës dhe implikimet e tij për sigurinë evropiane, si dhe bashkëpunimi shumëpalësh, përfshirë temat që lidhen me Këshillin e Evropës dhe organizatat e tjera ndërkombëtare.Pala estoneze rikonfirmoi mbështetjen e saj për perspektivën evropiane të Kosovës, ndërsa të dyja palët vlerësuan progresin e arritur në marrëdhëniet dypalëshe dhe shprehën gatishmërinë për të vazhduar dialogun e rregullt politik dhe zgjerimin e bashkëpunimit në fusha me interes të përbashkët”, thuhet në njoftim.

The post Muçaj dhe Konigsberg udhëhoqën konsultimet politike mes Kosovës dhe Estonisë appeared first on Albeu.com.

Sipas Haxhiut, gjatë këtij takimi është vënë në pah domosdoshmëria e një reagimi institucional më të shpejtë, si dhe e një bashkërendimi më të mirë mes të gjitha mekanizmave përgjegjës, në mënyrë që secili rast dhune të trajtohet me kujdesin dhe seriozitetin e kërkuar.

Në diskutim ka qenë edhe rëndësia e parandalimit të dhunës nëpërmjet edukimit, rritjes së vetëdijes publike dhe forcimit të koordinimit ndërinstitucional, ku përfshihen Policia, sistemi i drejtësisë dhe shërbimet sociale.

Postim i plotë:

Sot mirëprita në takim zëvendëskryeministren dhe ministren e Drejtësisë, Donika Gërvalla-Schwarz, njëkohësisht koordinatore kombëtare për mbrojtje nga dhuna në familje, dhuna ndaj grave dhe dhuna në baza gjinore. Theksuam nevojën për reagim të shpejtë institucional dhe koordinim më të mirë ndërmjet të gjitha hallkave përgjegjëse, në mënyrë që çdo rast dhune të trajtohet me seriozitetin dhe kujdesin e duhur.

Diskutuam gjithashtu domosdoshmërinë e parandalimit të dhunës përmes edukimit, rritjes së ndërgjegjësimit publik dhe forcimit të bashkëpunimit ndërinstitucional, përfshirë policinë, sistemin e drejtësisë dhe shërbimet sociale.

Lufta kundër dhunës me bazë gjinore kërkon angazhim të vazhdueshëm dhe zero tolerancë ndaj çdo forme të saj, si dhe krijimin e një mjedisi ku gratë dhe vajzat ndihen të sigurta e të mbrojtura në çdo hap të jetës.

The post Haxhiu zhvillon takim me Gërvallën, në fokus reagimi i shpejtë dhe bashkëpunimi institucional appeared first on Albeu.com.

Në këtë mbledhje, ku morën pjesë rreth 50 ministra të mbrojtjes nga vendet anëtare të NATO-s dhe shtetet partnere, në qendër të diskutimeve ishin zhvillimet më të fundit në fushën e sigurisë dhe gjendja në Ukrainë.

Takimi u drejtua nga ministri i Mbrojtjes i Gjermanisë, Boris Pistorius, Sekretari i Përgjithshëm i NATO-s, Mark Rutte dhe Sekretari i Mbrojtjes i Mbretërisë së Bashkuar, Dan Jarvis, ndërsa aty u ritheksua mbështetja e palëkundur për Ukrainën në mbrojtje të sovranitetit, lirisë dhe integritetit të saj territorial përballë agresionit rus.

Në margjinat e këtij organizimi, Maqedonci zhvilloi biseda të frytshme me zyrtarë të NATO-s dhe ministra të mbrojtjes nga vendet partnere, duke u ndalur te bashkëpunimi në fushën e mbrojtjes dhe sfidat aktuale të sigurisë. Republika e Kosovës mbetet e përkushtuar përkrah partnerëve dhe aleatëve të saj, në mbështetje të paqes dhe sigurisë globale.

The post Maqedonci merr pjesë në mbledhjen e 35-të të Grupit të Kontaktit për Mbrojtjen e Ukrainës appeared first on Albeu.com.

Haxhiu ka thënë se këto organizata, për shumë vite, kanë qenë pranë të mbijetuarave të dhunës seksuale gjatë luftës, duke ofruar përkujdesje, dokumentim, ndihmë ligjore e psikologjike, si dhe duke dëshmuar angazhim të vazhdueshëm për drejtësinë dhe dinjitetin e tyre.

“Për vite me radhë, këto organizata u kanë qëndruar pranë të mbijetuarave të dhunës seksuale gjatë luftës, me kujdes, dokumentim, mbështetje ligjore e psikologjike dhe me përkushtim të pandërprerë për drejtësinë dhe dinjitetin e tyre. Sot i falënderova për këtë punë të çmuar dhe për rolin që vazhdojnë ta kenë në mbështetje të të mbijetuarave”, ka thënë Haxhiu.

Në këtë takim u fol edhe për veprimet që institucionet duhet të ndërmarrin, në mënyrë që rruga e të mbijetuarve drejt njohjes dhe drejtësisë të bëhet më e lehtë dhe më dinjitoze.

“Diskutuam për rishikimin e afateve për aplikim, lirimin nga taksat gjyqësore, një hapësirë më të qasshme për Komisionin e Verifikimit, si dhe garancitë e një procesi të verifikimi ku të mbijetuarit trajtohen me dinjitet”, ka theksuar Haxhiu.

Sipas saj, zbatimi i këtyre masave do të ndihmonte në ndërtimin e një sistemi më të drejtë, më human dhe më të ndjeshëm ndaj nevojave dhe realitetit të të mbijetuarve.

The post Haxhiu takon të mbijetuarit dhe përfaqësuesit e organizatave që përkrahin viktimat e dhunës seksuale të luftës appeared first on Albeu.com.

Në pamjet e publikuara në rrjetet sociale nga vetë Salianji, vihet re një numër i madh demokratësh, të cilët duket se kanë dalë kundër lidershipit të PD-së dhe kanë marrë pjesë në takimin e organizuar nga ish-deputeti demokrat.

Ajo që bie në sy në këtë takim është pjesëmarrja e Alesia Balliut, e cila, ashtu si Salianji, shpalli kandidaturën për kryetare të demokratëve, por sërish nuk u lejua të marrë pjesë në garën përballë Sali Berishës. Po ashtu, pjesëmarrës në këtë takim janë edhe disa figura të tjera të Partisë Demokratike.

Kujtojmë se Ervin Salianji prej kohësh ka dalë kundër vendimeve të marra nga kryedemokrati Sali Berisha dhe ka zhvilluar disa takime në qytete të ndryshme të vendit.

The post Takimi në Tiranë, Ervin Salianji mbush sheshin me demokratë, mes tyre edhe “rivalja” e tij appeared first on Albeu.com.

Sipas njoftimeve zyrtare, Kos do të pritet fillimisht nga ushtruesja e detyrës së presidentes së Kosovës, Albulena Haxhiu. Takimi është parashikuar të mbahet në orën 10:00.

“Ushtruesja e Detyrës së Presidentes së Republikës së Kosovës, Albulena Haxhiu, pret në takim Komisioneren Evropiane për Zgjerim, Marta Kos”, thuhet në njoftimin e Presidencës.

Më pas, komisionerja europiane do të zhvillojë takim edhe me kryeministrin në detyrë të Kosovës, Albin Kurti, në orën 10:45.

“Kryeministri në detyrë i Republikës së Kosovës, Albin Kurti, pret në takim Komisioneren e Bashkimit Evropian për Zgjerim, Marta Kos”, thuhet në njoftimin e qeverisë.

Kjo vizitë shënon udhëtimin e parë zyrtar të Marta Kos në Kosovë, që prej marrjes së detyrës si komisionere për zgjerim në vitin 2024.

Ajo kishte planifikuar të vizitonte Kosovën më 12 mars, por vizita u anulua për shkak të zhvillimeve politike të asaj periudhe, kur presidentja Vjosa Osmani kishte nxjerrë dekretin për shpërndarjen e Kuvendit të Kosovës.

The post Marta Kos për herë të parë vizitë në Kosovë, takim me Albin Kurtin dhe Albulena Haxhiun appeared first on Albeu.com.

Ai njofton se në qershor Tirana do të mirëpresë ministerialin për Ukrainën.

“Diplomacia nuk kufizohet vetëm në sallat formale të takimeve; ajo zhvillohet kudo, edhe gjatë pritjes për fluturimin e radhës drejt angazhimit të ardhshëm.

Me kënaqësi pata një shkëmbim të frytshëm dhe thelbësor me Ministrin e Punëve të Jashtme të Ukrainës, @andrii_sybiha, mbi zhvillimet më të fundit në Ukrainë, përpjekjet e vazhdueshme për t’i dhënë fund luftës së padrejtë agresive të Rusisë, si dhe mbi panoramën më të gjerë të sigurisë evropiane.

Shqipëria ka qëndruar fuqishëm përkrah Ukrainës që nga dita e parë e agresionit brutal rus dhe do të vazhdojë ta mbështesë Ukrainën me përkushtim të palëkundur, në çdo mënyrë të mundshme.

Gjithashtu, shkëmbyem pikëpamje mbi rrugëtimin tonë respektiv drejt Bashkimit Evropian dhe nënvizuam rëndësinë e ruajtjes së ritmit për procesin e anëtarësimit evropian të të dy vendeve.

Diskutimi ynë preku gjithashtu marrëdhëniet dypalëshe dhe aktivitetet e ardhshme, përfshirë një takim ministror që do të mbahet në qershor në #Tiranë, duke rikonfirmuar bashkëpunimin tonë të ngushtë dhe angazhimin e përbashkët për paqe, siguri dhe stabilitet rajonal”, shkruan ministri.

The post Ministri Hoxha takim me homologun ukrainas: Në qershor Tirana mirëpret ministerialin për Ukrainën appeared first on Albeu.com.

Takimi zgjati rreth një orë, ku u diskutuan një sërë problematikash dhe u dhanë direktivat nga Hita.

Burime brenda mbledhjes, bënë të ditur se porositë e kryepolicit lidhen me goditjen e rasteve të kultivimit e shpërndarjes të lëndëve narkotike, po ashtu edhe me evidentimin e personave që janë të përfshirë në grupe kriminale.

Një tjetër porosi lidhet edhe me armëmbajtjen pa leje, si edhe me kontrollet që duhet të jenë të shtuara sidomos në institucionet arsimore dhe më gjerë, për të ruajtur rendin dhe sigurinë e qytetarëve.

The post Kryepolici Skënder Hita takim në Drejtorinë Vendore të Korçës, në fokus lufta kundër narkotikëve dhe krimi, zbardhen porositë appeared first on Albeu.com.

Kujtojmë se ambasadorja Guilfoyle, zhvilloi në mars një takim informal me kryeministrin Rama në Kryeministri. Ndërkohë, mediat greke i kanë kushtuar vëmendje marrëveshjes që do të nënshkruhet sot.

Bëhet fjalë për ndërtimin e një terminali lundrues për gazin e lëngshëm natyror në Devoll. Një projekt i tillë mbart një rëndësi të madhe për furnizimin me gaz të rajonit dhe për rolin e vendeve të Ballkanit në rrjetin energjetik evropian.

The post Ambasadorja e SHBA-ve në Greqi vjen sërish në Tiranë, pritet nga kryeministri Rama! Në fokus, marrëveshja energjetike appeared first on Albeu.com.

Bëhet fjalë për një takim rutinë, si ai i zhvilluar javën e kaluar në Milanelo, dhe që do të përsëritet sërish edhe sot në qendrën stërvitore, ku Furlani do të takojë grupin dhe stafin teknik.

ÇFARË KËRKON ALEGRI PËR TË ARDHMEN

Në fund të sezonit, temat për diskutim nuk mungojnë. Nga ndeshjet e mbetura, duke nisur nga përballja e rëndësishme ndaj Juventus, që janë vendimtare për objektivin Champions, deri te planet për sezonin 2026-27.

“Duhet të mendojmë jo për dy-tre muajt e ardhshëm, por për një ose dy vite”, ishte deklarata e Alegrit para ndeshjes me Veronën. Trajneri është i bindur se Milani nuk është prapa në projektin e tij dhe këto takime shërbejnë pikërisht për të përcaktuar strategjitë e së ardhmes, përfshirë edhe merkaton.”Kam nisur një rrugëtim këtu dhe dua ta vazhdoj”, kishte theksuar ai pas fitores së fundit.

Në këtë drejtim, pas punës së bërë këtë sezon, ku skuadra është ngjitur nga vendi i nëntë në të dytin, Alegri kërkon garanci për investime në lojtarë cilësorë dhe me eksperiencë. Për të vazhduar rritjen, Milani ka nevojë për përforcime të nivelit të lartë.

The post Takim në selinë e Milanit, Furlani, Tare dhe Alegri planifikojnë të ardhmen kuqezi appeared first on Albeu.com.