Në një reagim të publikuar në Facebook, Rexhepi thekson se Komuna e Tetovës mban përgjegjësi si bashkautore për anulimin e emrave të rrugëve dhe shesheve.

“Sot, në mbledhjen e strukturave partiake të BDI – Dega Tetovë, në prani të liderit Ali Ahmeti, u vendos qartë: Tetova nuk do të heshtë përballë këtij akti poshtërues ndaj historisë, identitetit dhe dinjitetit të saj. Pas heshtjes së Komunës së Tetovës ndaj kërkesës sonë për seancë urgjente dhe pas arsyetimit të Gjykatës Kushtetuese, ku dëshmohet se për gati një vit Komuna katër herë nuk i është përgjigjur kërkesave për dokumentacion, bëhet e qartë se kjo nuk është pakujdesi, por bashkëautorësi”.

Ai shton se, sipas tij, kjo çështje shkon përtej emërtimeve të rrugëve.

“Kjo nuk është vetëm çështje emrash rrugësh. Është tentativë për të mohuar Rilindasit, historinë, trashëgiminë dhe çdo të arritur shqiptare të ndërtuar me sakrificë në 20 vitet e fundit. Tetova është djepi i kulturës, arsimit dhe krenarisë shqiptare. Këtu kanë nisur dhe do të nisin lëvizjet që i çojnë shqiptarët përpara. Prandaj, nuk pranojmë të kthehemi pas dhe nuk pranojmë asgjë më pak se dinjitetin tonë të plotë”.

Rexhepi ka bërë thirrje që të premten, më 26 qershor, në ora 20:00, qytetarët të mblidhen në Sheshin Iliria dhe t’i bashkohen Marshit Protestues.

“Të premten, më 26 qershor, në ora 20:00, nga Sheshi Iliria, ftojmë çdo qytetar, çdo intelektual, çdo zë të lirë dhe çdo atdhetar, pa dallim bindjeje politike, të bashkohet në Marshin Protestues. Eja edhe ti. Zëri yt është zëri i Tetovës!”, ka shkruar Rexhepi.

The post BDI thërret protestë në Tetovë për çështjen e emrave të rrugëve: Historia nuk fshihet appeared first on Albeu.com.

Sipas MMPT-së, ky hap cenon drejtpërdrejt dinjitetin e shqiptarëve dhe, njëkohësisht, përbën sulm ndaj realitetit demografik, historik dhe shoqëror të Tetovës.

“Emrat që po tentohet të rikthehen nuk mishërojnë ndonjë vlerë për shumicën dërrmuese të qytetarëve të Tetovës. Ata lidhen me një sistem antivlerash, prej të cilit Maqedonia e Veriut është larguar prej kohësh dhe që bie në kundërshtim me orientimin evropian që synon vendi. Për shqiptarët, këta emra janë të lidhur me një regjim represiv dhe me një periudhë të errët, gjatë së cilës ata përndiqeshin në mënyrë sistematike, dëboheshin nga shtëpitë e tyre, pengoheshin të përdornin emra shqip për fëmijët dhe identiteti shqiptar përdorej si bazë për diskriminim”.

“Vendosja me imponim e emrave që nuk pasqyrojnë vullnetin e popullit, përveçse është antidemokratike, përfaqëson edhe një formë dhune psikologjike, që ua rikthen shqiptarëve kujtimin e një kohe të lidhur me nënshtrim, përndjekje dhe poshtërim. Kjo nismë, sipas tyre, po mbështetet nga aparati shtetëror, njësoj siç ndodhte dikur me aparatin shtetëror që diskriminonte shqiptarët gjatë komunizmit”.

“Shqiptarët nuk kanë marrë kurrë dëmshpërblim për përsekutimin sistematik të ushtruar ndaj tyre. As në plan moral, as politik dhe as historik. Ndërkohë, mbetjet shoviniste të atij sistemi po përpiqen sërish të ushtrojnë dhunë simbolike mbi qytetin, të mbuluara me petkun e luftës antifashiste, ndërsa në thelb shfaqin prirje të vjetra antishqiptare, të fshehura pas nostalgjisë komuniste-titiste”.

Nga MMPT theksojnë se çështja nuk kufizohet vetëm te rrugët dhe sheshet, por shtrihet edhe te përdorimi i gjuhës shqipe, emërtimet e shkollave fillore dhe të mesme, institucionet publike, hapësirat kulturore dhe mënyra se si paraqitet identiteti shqiptar.

“Rasti më skandaloz është institucioni shtetëror Muzeu i Tetovës, ku historia shqiptare e qytetit është lënë në harresë. Në vend që të paraqesë historinë e plotë të Tetovës, bashkë me kontributin dhe trashëgiminë shqiptare, ky institucion i ngjan më tepër një memoriali komunist, ku ofrohet një version ideologjik, i cunguar dhe i njëanshëm i historisë”.

“E gjithë kjo, sipas tyre, nuk do të ishte e mundur pa mbështetjen e ‘shqiptarëve të mirë’, ashtu siç i quante sistemi në kohën e komunizmit: shqiptarë të dëgjueshëm, vasalë, bashkëpunëtorë të sistemit dhe kundër interesit të popullit të vet. Bëhet fjalë për shqiptarë që për dekada kanë shërbyer si dekor politik, duke u dhënë legjitimitet vendimeve që shpërfillin identitetin e tyre. Ishin po këta ‘shqiptarë të mirë’, politikanë servilë, të paaftë dhe pa guxim politik, që lejuan pazare me Monopolin e Tetovës. Në vend që Monopoli të ruhej si dëshmi e masakrës dhe terrorit të ushtruar mbi shqiptarët, partitë politike lejuan që ai të fshihej nga kujtesa kolektive”, thonë nga MMPT./Telegrafi/

The post MMPT: Shfuqizimi i vendimit për emrat e rrugëve në Tetovë prek dinjitetin e shqiptarëve, jo vetëm anën juridike appeared first on Albeu.com.

Bashkëshorti i saj tha për “Sloboden Pecat” se është në kërkim të së vërtetës dhe do të nisë procedurat gjyqësore me ekspertë të huaj.

“Fillimisht na thanë që ta nxirrnim gurin nga veshka e saj, që veshka e saj të funksiononte. Pas operacionit, ata thanë se i hoqën veshkën për t’i shpëtuar jetën. Gruaja ime ka vdekur më 19 qershor dhe ka bërë tre operacione, tre herë është kthyer në sallë. Po kërkoj të vërtetën, djali im pesëvjeçar më pyet çdo ditë se kur do të vijë nëna e tij nga spitali”, tha bashkëshorti i së pacientes së ndjerë.

Ai sot ka marrë dy fletë-lëshime nga Klinika e Urologjisë dhe të dytën nga Klinika për Mjekim Intensiv dhe Reanimacion (KMIR).

Dokumentet “tregojnë” se diçka nuk shkoi pas operacionit të gurëve në veshka të 19 qershorit. Në fletëlëshim thuhet se gjendja e pacientes gjatë qëndrimit në sallën e rikuperimit, menjëherë pas përfundimit të trajtimit operativ në Urologji dhe zgjimit nga anestezia është përkeqësuar në mënyrë progresive.

Përkeqësimi pas operacionit të gurëve në veshka në Urologji, ka qenë me rënie të presionit, me prodhim dreni – gjak i freskët deri në 1300 mililitra, lëkurë e zbehtë e me djersë të ftohtë, gjatë së cilës i janë dhënë 3 njësi eritrocite, 2 plazma të freskëta të ngrira, bikarbonate, stimulimi i noradrenalinës, ndërsa një urolog u thirr urgjentisht për vlerësimin e gjendjes.

Ndërkohë, gjendja e pacientes u përkeqësua më tej, ajo merrte frymë me vështirësi, bebëzat e saj ishin zmadhuar mesatarisht dhe u transferua sërish në sallën e operacionit në repartin e Urologjisë.

Paqëndrueshmëria vazhdoi, ajo ishte e varur nga mbështetja e adrenalinës dhe asaj iu dhanë produkte gjaku dhe plazma.

Më pas, sipas dokumenteve, është bërë heqja e plotë e veshkës dhe gruaja është transferuar në Klinikën për Mjekim Intensiv dhe Reanimacion (KMIR).

Atje ajo ishte e intubuar, kishte lëkurë të zbehtë, presion të gjakut 90 me 60, me bebëza mesatarisht të zgjeruara që nuk reagonin ndaj dritës, kështu që iu dha adrenalinë.

Në venën jugulare i është vendos kateter venoz dhe filloi ringjallja intensive me solucione kristaloidale dhe koloidale. Ndërkohë, kërkoheshin produkte shtesë gjaku. Gjatë qëndrimit në KMIR, pacientja ka marrë sërish produkte gjaku, ndaj është thirrur urologu dhe gastroenterohepatologu për eko abdominale për shkak të fryrjes së stomakut.

Ajo u dërgua sërish në sallën e operacionit, ku iu dhanë produkte gjaku dhe u thirr kirurg abdominal dhe vaskular.

Por frymëmarrja e pacientes u bë shumë e ngadaltë dhe pas reanimimit të pasuksesshëm ajo vdiq.

Familja ende nuk i ka marrë rezultatet e autopsisë pato-anatomike.

Edhe pse nga Klinika e Urologjisë kemi kërkuar përgjigje, ende nuk ka asnjë reagim nga ata.

The post Ndërron jetë 32-vjeçarja nga Tetova pas operacionit për heqjen e gurëve në veshka appeared first on Albeu.com.

“E mitura mohoi çfarëdolloj implikimi apo veprimi qe ka shkaktuar pasoja vdekjeprurëse ndaj të miturit. Nga deklarata e saj mund të konstatohet një zhvendosje e pistës se hetimit në më se paku dy persona të tjerë deri më tani të pa identifikuar. Besojmë se Prokuroria pas një ekzaminimi të plotë të vendit të ngjarjes dhe sigurimit të provave do të zbardhet rasti dhe kryerësit e vërtet të veprës penale do të vihen para drejtësisë”, theksoi avokati mbrojtës.

Krimi ndodhi mbrëmjen e 21 dhjetorit tek vendi i quajtur “Banjat e Tetovës”. Më pas ajo hodhi trupin e pajetë në Shkumbin dhe u largua nga vendngjarja. Trupi i pajetë i adoleshentit u gjet në ujë, ndërsa pas arrestimit e dashura e tij pranoi vrasjen duke thënë se e goditi e mjete të mprehta në kokë pas një debati në makinë. Në seancën e djeshme ajo ka kthyer hetimet për këtë ngjarje pasi ka implikuar edhe dy persona të tjerë në ngjarje. Dyshja ishin të lidhur prej katër vitesh.

The post Dyshohet se vrau të dashurin, 17-vjeçarja nga Tetova mohon krimin, përfshin në ngjarje 2 persona appeared first on Albeu.com.

Sipas informatave të Alsat një person i dyshuar është arrestuar për vrasjen e të miturit.

Bëhet fjalë për një vajzë të lindur në vitin 2005.

Sektori i punëve të brendshme të Tetovës për momentin është duke hetuar mbi një tjetër person që mund të jetë i përfshirë në vrasje.

The post Humb jetën 16-vjeçari në Shkup, dyshohet ta ketë vrarë e dashura appeared first on Albeu.com.

Edhe pse kohëve të fundit kryetari i komunës së Tetovës Bilall Kasami ka bërë disa paraqitje ku edhe ka prezantuar iniciativën për ndryshime të emrave nga ajo periudhë, megjithatë deri më tani nuk ka asnjë lëvizje.

Puna e parë që do të duhet të bëhet është këshilli i komunës së Tetovës të sjell vendim. Por, ky vendim duhet që të miratohet me parimin e badenterit apo këtë propozim vendim ta votojnë shumica e këshilltarëve maqedonas në këshillin e komunës. Për këtë nevojitet një marrëveshje paraprake mes grupeve të këshilltarëve./ina

The post Tetova do të ndryshojë emrat e shkollave dhe rrugëve appeared first on Albeu.com.

“Kemi filluar me gjitha parapërgatitjet e duhura për realizimin e procesit zgjedhorë që do mbahet më 20 gusht. Komisioni tani bën  revidimin e listave të anëtarëve të këshillave zgjedhor. Afatin e fundit për pranimin e listave nga ana e partive politike apo të pavarurve e kemi deri më 15 korrik në ora 24, dhe të njëjtët duhet t`i dorëzojnë listat, ndërsa më pastaj brenda 24 orëve komisioni do shqyrtojë ato lista dhe nëse ka parregullsi njoftohen të njëjtat që ti përmirësojnë brenda 24 orëve dhe të sjellim vendimin për pranim apo jo të listës së dorëzuar”, tha Nazmi Dauti, Kryetar i KZK.

Deri më tani asnjë parti politike, nuk ka dorëzuar listat e kandidatëve për këshilltarë. Ndërsa partitë që planifikojnë të garojnë thonë se akoma s’është vendosur për koalicionime.

“Deri më tani nuk ka ndonjë koalicion. Ka pasur bisedime vetëm me ASH por deri më tani nuk ka ndonjë koalicion mes nesh. Më 12 korrik Lëvizja Besa ka thirrur kuvendin qendror ku do diskutohet për listat e këshilltarët dhe do jepen propozime pas çka do merret vendimi i partisë”, u shpreh Besar Durmishi nga Lëvizja BESA.

Më 20gusht në Tetovë do të votohet në gjithsej 117 vendvotime, ndërsa numri i votuesve, pritet të jetë rreth 83 000. Shpërbërja e këshillit të komunës së Tetovës u bë pasi paraprakisht nuk u arrit të miratohet llogaria përfundimtare e buxhetit, deri në 31 mars ashtu siç parashikonte ligji për vetëqeverisje lokale. / Alsat.mk/

The post Tetova përgatitet për zgjedhje, pranimi i listave deri më 15 korrik appeared first on Albeu.com.

Siç mëson TetovaSot, Ministria e Vetëqeverisjes lokale i ka rekomanduar Qeverisë që në përputhje me ligjin të shpërbeje këshillin komunal dhe të shpall zgjedhje.

Pas kësaj, pritet tashmë që Qeveria të martën ta miratojë vendim dhe më pas Kryetari i Kuvendit, Talat Xhaferri, t’i shpall zgjedhjet të cilat pritet të mbahen njëkoheshit me ato në komunën Mavrovë e Rostushë, më 20 gusht.

Zgjedhjet e jashtëzakonshme për këshillin e Tetovës vijnë pasi kreu i Tetovës me pa aftësinë e tij dështoi në miratimin e llogarisë përfundimtare në afatin e paracaktuar ligjor që paraqet thyerje flagrante të ligjit dhe është bazë e menjëhershme për shpërndarjen e këshillit komunal.

Se fundmi, Kasamin e kanë ndjekur një sërë skandalesh dhe protestash në menaxhimin e Komunës, ndërsa kanë dështuar edhe apelet e tija të vazhdueshme për mospjesëmarrje të tetovarëve në festën e 20 vjetorit të BDI-së me ç‘rast dhjëtëra mijëra tetovarë iu bashkëngjitën festës. /tetovasot/

The post Tetova më 20 gusht shkon në zgjedhje, “bie” Bilall Kasami appeared first on Albeu.com.

“Ne gjendemi në një hyrje të një strehimores e cila gjendet në një bllok ndërtesash në qytet, këtu është hyrja dhe ne do futemi brenda për të parë nëse e njëjta është e pastruar”, raporton gazetari, Senat Zylbehari.

Kjo strehimore ka kapacitet të madh, por mungon sistemi i ajrimit, tulatet edhe rrjeti i energjisë elektrike. Dyert janë të dëmtuara dhe të ndryshkura, gjë që dëshmon se tashmë gjatë kohë askush nuk është përkujdesur për këto hapësira mbrojtëse.

“Ka këtu shumë ujë edhe papastërti të tjera, që do të thotë qytetarët nëse duhet të strehohen në këtë strehimore do ta kenë të vështirë pasi që nuk ka as kushte minimale”, raporton gazetari, Senat Zylbehari

Për strehimoret që gjenden poshtë ndërtesave të banimit, përgjegjës janë këshillat banesore. Vizituam njërën prej tyre, ku kushtet ishin më të mira.

“Gjendemi në një strehimore tjetër në një banesë kolektive këtu në qytetin e Tetovës dhe për dallim nga strehimorja tjetër kjo strehimore është më e vogël, por është e mirëmbajtur”, raporton gazetari, Senat Zylbehari.

Në këtë strehimore përpos sistemit të ajrimit që ishte i rregulluar, kishte edhe makineri për të filtruar ajrin, ndërsa edhe dyert ishin në gjendje të mirë.

“Si çdo strehimore tjetër edhe kjo strehimore ka një dalje rezervë apo urgjente dhe nga pamjet mund të shihet se kjo është e mirëmbajtur dhe është funksionale”, raporton gazetari, Senat Zylbehari.

Nga komuna e Tetovës thonë se strehimoret janë në kompetencë të Drejtorisë për Mbrojte dhe Shpëtim dhe Këshillat banesorë.

“Sa i përket çështjes së strehimoreve, në territorin e komunës sonë ekzistojnë 3 strehimore të mëdha të cilat i menaxhon Drejtoria për Mbrojtje dhe Shpëtim dhe ka 100 strehimore tjera në nivel të ndërtesave të banimit për të cilat janë përgjegjës këshilli banesor i të njëjtave”, thanë nga Komuna e Tetovës.

Një strehimore tjetër të madhe që e vizituam ishte në gjendje edhe më të keqe. Hyrja ishte bllokuar me mbeturina. Këta bunkerë tashmë duket se kanë mbetur vetëm pjesë e historisë, ndërsa vlen të theksohet se nuk janë përdorur asnjëherë që kur janë ndërtuar gjatë sistemit jugosllav./TV 21/

The post Bunkerët e Tetovës! Nuk u përdorën kurrë, shumica tashmë të lënë pas dore appeared first on Albeu.com.

Shkaku sipas autoriteteve komunale ndër tjerash është se N.P. Tetova Transport nuk është e regjistruar dhe se të punësuarit e kësaj ndërmarrje figurojnë si të punësuar në vetë Komunën e Tetovës.

“Njoftohen qytetarët dhe opinioni i gjerë së për shkak të kaosit, mungesës së sigurimit të të punësuarve, shkaku se ndërmarrja nuk është e regjistruar dhe të punësuarit e ndërmarrjes NP “Tetova Transport” figurojnë si të punësuar në komunë, si dhe për shkak të parregullsive të shumta, ndërpritet përkohësisht transporti publik. Duke pasur parasysh që të mos dëmtohet edhe më shumë xhepi i qytetarëve për shpenzimet e pakontrolluara. Kjo gjendje do të zgjatë deri sa të përfundojë skenimi final i gjendje së krijuar në këtë ndërmarrje nga strukturat e mëparshme udhëheqëse”, thuhet në njoftim.

The post Ndërpritet transporti publik në Tetovë appeared first on Albeu.com.