Sipas Sport Bild, klubi madrilen nuk ndodhet aktualisht në rrethana për të ndjekur sulmuesin e Bayern Munich, ndërsa edhe prapa skenave situata mes dy klubeve të mëdha evropiane paraqitet e qetë.

Raportohet se në fillim të qershorit, presidenti i Bayern, Herbert Hainer, dhe presidenti i Real Madridit, Florentino Pérez, kanë arritur një “pakt joformal mos-sulmi”, që parashikon se asnjëri klub nuk do të përpiqet të marrë lojtarë nga tjetri pa pasur më parë komunikim mes palëve.

Qëllimi i këtij pakti është të evitojë tensionet dhe të pengojë fryrjen artificiale të çmimeve në tregun e transferimeve.

Sa i takon të ardhmes së Olise, raportime të tjera nga Sky dhe emisioni “Transfer Update – The Show” bëjnë të ditur se Bayern Munich nuk ka shqetësime për situatën e tij.

Klubi bavarez është i bindur se nuk ekziston asnjë negociatë dhe asnjë kontakt nga Real Madrid për futbollistin francez.

Një burim nga klubi deklaroi: “Bayern është 100 për qind i sigurt se Olise do të qëndrojë këtë verë”.

Në anën tjetër, Real Madrid ka dalë me qëndrim zyrtar duke mohuar çdo kontakt me lojtarin ose me përfaqësuesit e tij, ndërsa ka nënvizuar raportet e mira me Bayern Munich dhe ka shprehur keqardhje për spekulimet në media.

Klubi spanjoll shtoi se çdo interes i mundshëm duhet të trajtohet drejtpërdrejt mes klubeve, në frymën e respektit të ndërsjellë.

Ndërkohë, Bayern Munich po mendon t’ia zgjasë kontratën Michael Olise deri në vitin 2031. Francezi pritet të renditet mes lojtarëve më të paguar të ekipit, së bashku me emra si Harry Kane dhe Jamal Musiala.

Aktualisht, marrëveshja e Olise me klubin nga Mynihu është e vlefshme deri në vitin 2029. 24-vjeçari iu bashkua ekipit nga Crystal Palace në verën e vitit 2024, falë një klauzole lirimi prej vetëm 53 milionë eurosh, dhe prej atëherë ka spikatur në Mynih. Në 107 ndeshje zyrtare, ai shënoi 42 gola dhe dha 54 asiste.

The post Bayern dhe Real Madrid bien dakord për një “pakt të heshtur” lidhur me Olise, dalin në pah detajet appeared first on Albeu.com.

Talenti kosovar i bashkohet skuadrës së re pas përfundimit me marrëveshje të kontratës së tij me NK Slaven Belupo. Ai ishte bërë pjesë e ekipit nga Koprivnica në verën e vitit 2024, kur u transferua nga Phoenix i Kosovës.

Në edicionin e fundit, Qestaj zhvilloi gjithsej 6 ndeshje zyrtare me ekipin e parë të Slaven Belupos, prej tyre 5 në kampionat dhe 1 në Kupën e Kroacisë.

Te Karlovaci, ai pritet të ofrojë freski në fazën sulmuese, më shumë alternativa në repartin ofensiv dhe garë më të madhe brenda skuadrës.

“Ernis, mirë se erdhe në Karlovac!”, thuhej në mesazhin e klubit kroat në momentin e prezantimit të futbollistit kosovar.

Qestaj është gjithashtu pjesë e Kombëtares së Kosovës U19, me të cilën aktivizohet me shumë sukses.

The post Ernis Qestaj zyrtarizohet te Karlovac, nis aventurën e re në Kroaci appeared first on Albeu.com.

Drejtuesit sportivë tashmë e konsiderojnë të mbyllur çështjen e Julian Alvarezit, pasi lojtari kërkoi zyrtarisht largimin nga klubi. Ata besojnë se nga shitja e tij do të sigurojnë një shumë marramendëse, mbi 150 milionë euro, nisur nga interesimi i klubeve si Barcelona, Real Madrid, Arsenal dhe PSG.

Në zyrat e Metropolitano-s pritet me optimizëm hyrja e kapitalit që parashikohet të vijë në qershor 2026. Këto para, së bashku me shitjet strategjike që janë planifikuar për norvegjezin Alexander Sorloth dhe mesfushorin argjentinas Thiago Almada, do të përdoren për të mbuluar operacionet për afrimin e tre futbollistëve të nivelit të lartë.

Objektivi i menaxhmentit të Atletico Madridit është i qartë dhe tejet ambicioz: ngritja e ekipit në një tjetër dimension, në mënyrë që skuadra të shndërrohet në kandidaten kryesore për fitimin e titullit në La Liga.

Për këtë arsye, sekretariati teknik ka përgatitur tashmë ofertat zyrtare për të sjellë njëkohësisht një qendërmbrojtës me peshë të madhe, një bomber zone që do të marrë përsipër barrën e golave dhe një organizator loje që bën diferencën në të tretën e fundit të fushës, i aftë të mbajë përgjegjësinë krijuese në skemën e Diego Pablo Simeones.

Guri i parë i projektit të ri në repartin defensiv është Cuti Romero.

Komiteti teknik i Atleticos po bën gati një ofertë fillestare prej 60 milionë eurosh, me synimin për të bindur Tottenham Hotspur që të pranojë transferimin përfundimtar të mbrojtësit argjentinas.

Ndërkohë, goditja e dytë e madhe e verës është menduar për sulmin, ku objektivi kryesor i trajnerit për pozicionin e qendërsulmuesit mbetet Lautaro.

Klubi madrilen synon të përdorë një pjesë të konsiderueshme të të ardhurave nga largimet e Sorloth dhe Almada për të provuar të bindë Interin, një nga forcat e mëdha të Serie A, që të lejojë largimin e kapitenit të tyre, i cili ka kontratë deri në verën e vitit 2029.

Nëse në Itali paraqiten pengesa të pakalueshme, stafi teknik i Atleticos ka gati edhe alternativa të nivelit të lartë, ku përfshihen nigeriani Victor Osimhen i Galatasaray, holandezi Brian Brobbey i Sunderland dhe portugezi Gonçalo Ramos i PSG.

Emri i tretë në këtë plan ambicioz është Kang-In Lee, mesfushori ofensiv i klubit parisien, i cili konsiderohet si zgjedhja kryesore për të marrë në dorë drejtimin krijues në mesin e fushës.

Futbollisti aziatik 25-vjeçar vlerësohet për driblimin dhe pasimin vendimtar, cilësi që e bëjnë atë profilin ideal për të mbushur boshllëkun e lënë nga ylli francez Antoine Griezmann, si dhe një partner të përshtatshëm për repartin ofensiv.

The post Atletico Madridi projekton tre goditje të mëdha në merkato me fondet nga largimi i Alvarezit appeared first on Albeu.com.

Siç raporton The Athletic, tekniku portugez synon afrimin e një lojtari të nivelit të lartë në këtë repart dhe e konsideron reprezentuesin argjentinas si një element të rëndësishëm të projektit të tij të ri në “Santiago Bernabeu”.

25-vjeçari Fernandez ishte ndër futbollistët më të dalluar të Argjentinës në Kupën e Botës, ndërsa thuhet se është i gatshëm të shtyjë përpara mundësinë e një kalimi te gjiganti spanjoll.

Megjithatë, Chelsea nuk synon të heqë dorë lehtësisht nga ylli i saj dhe për kartonin e tij kërkon më shumë se 130 milionë euro.

Në të njëjtën kohë, Real Madridi po ndjek edhe Ayyoub Bouaddin, pasi paraqitjet e tij bindëse me Marokun në Botëror kanë ngjallur interesin e klubit spanjoll.

Lille është i hapur të shqyrtojë oferta rreth 80 milionë euro për talentin 18-vjeçar, por në këtë moment ai nuk shihet si zgjedhja prioritare e madrilenëve.

Ndërkaq, Mateus Fernandes po zbehet si opsion në listën e Real Madridit, pasi mesfushori i West Hamit raportohet se ka prirje të zgjedhë një transferim te Tottenhami.

The post Real Madridi mban në fokus Enzo Fernandezin, Bouaddi mbetet alternativa e dytë appeared first on Albeu.com.

La Gazzetta dello Sport shkruan se emri i futbollistit francez është diskutuar gjatë kontakteve mes Juventusit dhe PSG-së në lidhje me transferimin e sulmuesit Randal Kolo Muani.

Juventusi është i hapur të marrë në shqyrtim oferta për Thuram, pasi klubi synon të vendosë në ekuilibër financat dhe të krijojë mundësi për të financuar afrime të reja gjatë afatit kalimtar.

Edhe pse 24-vjeçari ndiqet me interes edhe nga skuadra të Ligës Premier, ai besohet se e sheh një rikthim në Ligue 1 si alternativën e preferuar dhe e konsideron PSG-në vendin e duhur për vijimin e rritjes në karrierë.

Në rast se marrëveshja finalizohet, Thuram do të gjendej përballë një rivaliteti të madh në mesfushën e PSG-së, aty ku aktualisht bëjnë pjesë lojtarë si Vitinha, Joao Neves, Fabian Ruiz, Desire Doue dhe Warren Zaire-Emery.

Khephren Thuram u transferua te Juventusi nga Nice dhe është shndërruar në një prej elementëve më të dalluar të ekipit torinez, duke zgjuar interesin e disa prej klubeve më të mëdha në Evropë.

The post PSG shfaq interes për mesfushorin e Juventusit, Khephren Thuram appeared first on Albeu.com.

Në Torino, klubi po kalon një periudhë të rëndësishme analizash financiare dhe vetëm pas përcaktimit të vendimeve për buxhetin pritet të qartësohen më mirë prioritetet në merkato, si edhe përbërja e ekipit.

Një nga repartet që po shqyrtohet me kujdes është krahu i majtë i mbrojtjes, sidomos për faktin se ende nuk ka një pasqyrë të plotë për të ardhmen e Andrea Cambiasos.

Në këto rrethana, emri i Fran Garcias është rikthyer në vëmendjen e “Bianconerëve”, me mbrojtësin spanjoll që konsiderohet si një alternativë me interes në treg.

Megjithatë, raportimet bëjnë të ditur se ai nuk ka bindur plotësisht çdo nivel të stafit teknik të Juventusit.

Edhe vlerësimet e bëra më herët, në periudhën kur në krye ishte Igor Tudor, kishin nxjerrë në pah se spanjolli nuk përputhej me profilin fizik të kërkuar. Ndërkohë, edhe idetë aktuale të Luciano Spallettit duket se anojnë nga një mbrojtës më solid në fazën defensive, i cili mund të ofrojë më shumë ndihmë për qendërmbrojtësit.

Pikërisht për këtë arsye, Juventusi po tregohet i kujdesshëm dhe ende nuk ka marrë një vendim përfundimtar për një transferim të mundshëm.

Një lëvizje eventuale për Fran Garcian pritet të kushtëzohet nga largimet që mund të ndodhin në skuadër, si edhe nga hapësira financiare që klubi do të ketë në pjesën e mbetur të afatit kalimtar.

Aktualisht, mbrojtësi spanjoll është ende pjesë e Real Madridit, por nëse Juventusi zgjedh të avancojë interesimin e tij, e ardhmja e Fran Garcias mund të kthehet në një nga çështjet më interesante të merkatos së verës.

The post Fran Garcia mbetet opsion për Juven, por bardhezinjtë po peshojnë me kujdes lëvizjen appeared first on Albeu.com.

Barcelona prej vitesh po kërkon një futbollist që të marrë përsipër drejtimin e repartit ofensiv, dhe Alvarez përmbush profilin që kërkohet për shkak të moshës, eksperiencës dhe nivelit të paraqitjeve. 26-vjeçari nuk dallohet vetëm për golat, por edhe për presionin që ushtron, lëvizjet mes linjave, rikthimin në mbrojtje dhe aftësinë për të ngritur lojën e skuadrës.

Që nga ardhja e tij në La Liga, ndikimi i tij ka qenë i menjëhershëm. Me fanellën e Atletico Madridit, ai ka regjistruar statistika shumë të larta, duke realizuar 49 gola që prej bashkimit në vitin 2024, një tregues që shpjegon pse disa nga klubet më të mëdha të Evropës e konsiderojnë si një mundësi të rëndësishme në treg.

Megjithatë, operacioni mbetet tejet i ndërlikuar për klubin katalunas. Alvarez ka kontratë deri në vitin 2030 dhe klauzola e lirimit përbën një pengesë të madhe, edhe pse qëndrimi i lojtarit ka ndryshuar dinamikën e çështjes. Te Barcelona janë të vetëdijshëm se një transferim i tillë do të ishte jashtëzakonisht i vështirë, por një futbollist i këtij niveli rrallëherë afrohet kaq shumë me tregun.

Pengesa kryesore është që Atletico nuk ka dëshirë të ndajë rrugët me yllin e vet. Klubi madrilen ka refuzuar tashmë një ofertë prej 150 milionë eurosh nga Real Madridi dhe nuk synon të hyjë në bisedime për një shumë më të ulët. Pikërisht kjo e detyron Decon të mendojë për lëvizje të forta në aspektin financiar.

Strategjia e parashikuar përfshin tre emra të rëndësishëm. I pari është Jules Kounde, vlera e të cilit në treg mund të shkojë pranë 100 milionë eurove në rast se vjen një ofertë serioze. Ndarja me të do të ishte e vështirë në planin sportiv, por do t’i sillte klubit të ardhura të konsiderueshme.

Emri i dytë është Roony Bardghji, shitja e të cilit mund të gjenerojë rreth 30 milionë euro nëse konkretizohet interesi i disa skuadrave evropiane.

Ndërkohë, lojtari i tretë është Marc Casado, për të cilin ekzistojnë oferta nga Liga Premier në vlerën e rreth 20 milionë eurove, shumë që do të ndihmonte në kompletimin e skemës financiare.

Nëse këto tre operacione realizohen, Barcelona do t’i afrohej shumës së kërkuar, edhe pse më pas do të duhej të përballonte edhe pagat dhe amortizimin. Bëhet fjalë për një investim të madh, por po aq i madh do të ishte edhe efekti i afrimit të njërit prej sulmuesve më vendimtarë të La Ligas.

The post Barcelona mendon tre largime për të siguruar 150 milionë eurot e nevojshme për Julian Alvarez appeared first on Albeu.com.

Në vazhdën e përforcimeve për edicionin e ri 2026/27 në Superligën e Kosovës, klubi kryeqytetas prezantoi sot (e martë) qendërmbrojtësin nga Shqipëria.

“FC Prishtina njofton transferimin e qendërmbrojtësit Anio Poçi, i cili bëhet përforcimi i dytë i skuadrës për sezonin 2026/27”, thuhet në fillim të komunikatës së klubit.

Më tej, në njoftim theksohet se Poçi vjen te bardhekaltrit pas një sezoni të suksesshëm në futbollin shqiptar, ku me Egnatian fitoi titullin kampion dhe regjistroi 40 paraqitje në të gjitha garat.

Klubi ka vlerësuar gjithashtu përvojën e mbrojtësit shqiptar, duke nënvizuar se ai aktivizohet në qendër të mbrojtjes dhe se gjatë karrierës së tij ka luajtur edhe në Greqi, te skuadra si Panionios, Proodeftiki dhe klube të tjera.

“Me përvojën dhe cilësitë e tij, Poçi pritet të jetë një vlerë e shtuar për repartin defensiv të skuadrës sonë në sezonin e ri”, përfundon njoftimi i Prishtinës.

Pas prezantimit zyrtar, futbollisti dha edhe fjalët e para për faqen zyrtare të klubit, duke u shprehur shumë i kënaqur për këtë transferim.

“Jam shumë i lumtur që jam pjesë e FC Prishtinës. Do të jap maksimumin tim për të ndihmuar ekipin të arrijë objektivat e vendosura. Me paraqitjet e mia do të mundohem të kontribuoj sa më shumë, në mënyrë që së bashku të përmbushim pritshmëritë e klubit dhe të tifozërisë”, ka deklaruar Poçi.

Duhet theksuar se para pak ditësh Prishtina zyrtarizoi edhe Kastriot Selmanin nga Egnatia, ndërsa në krye të skuadrës është emëruar trajneri i ri Orges Shehi, që vjen së bashku me ndihmësit e tij Sebino Plaku, Labinot Qosa dhe Alban Shala.

The post Prishtina e konfirmon Anio Poçin si afrim të ri appeared first on Albeu.com.

Edhe pse më herët iu refuzua një ofertë prej 150 milionë eurosh për Julian Alvarez, klubi spanjoll nuk e ka braktisur synimin për të afruar një emër të madh në repartin ofensiv gjatë këtij afati kalimtar.

Sipas raportimeve nga Ramon Alvarez de Mon, emri kryesor në listën e dëshirave të Real Madridit është Michael Olise. Anësori i Bayern Munichut konsiderohet si profili i duhur për të sjellë më shumë krijimtari dhe ekuilibër në krahun e djathtë të sulmit, një pozicion që në klub vlerësohet si kyç për të ardhmen.

Në ambientin e brendshëm të klubit ekziston bindja se reprezentuesi francez mund të ndërtojë edhe një bashkëpunim shumë të fortë me Kylian Mbappe, duke krijuar një dyshe tepër të rrezikshme në fazën sulmuese.

Gjithsesi, madrilenët nuk janë përqendruar vetëm te ky variant. Real Madridi ka përzgjedhur edhe opsione të tjera të nivelit “Galactico”, nëse lëvizja për Olise nuk arrin të realizohet.

Ndonëse kohët e fundit kanë qarkulluar lajme për kontakte mes palëve, Real Madridi ka deklaruar publikisht se nuk ka zhvilluar bisedime me përfaqësuesit e futbollistit. Pavarësisht kësaj, sipas burimeve pranë klubit, skenarët e brendshëm për një operacion të mundshëm mbeten ende në fuqi.

Nga ana financiare, një transferim i tillë do të ishte shumë i vështirë, pasi raportohet se kostoja e përgjithshme e operacionit mund të shkojë deri në 222 milionë euro.

Me Jose Mourinhon në drejtimin e skuadrës dhe me synimin për të ngritur një ekip dominues për vitet që vijnë, Real Madridi duket i përgatitur për të ndërmarrë një tjetër goditje të madhe në tregun e transferimeve./

The post Real Madridi vendos për Michael Olise, ndërsa Bayern Munich kërkon mbi 220 milionë euro appeared first on Albeu.com.

Pas triumfit të Argjentinës ndaj Austrisë, Alvarez e pranoi publikisht mbrëmë dëshirën për t’u larguar, ndonëse sinjalizoi se para përfundimit të Kupës së Botës nuk pritet të mbyllet ndonjë marrëveshje.

“Nuk është koha për të folur për këtë, por nuk mund ta fsheh. Po përpiqem të jem i sinqertë. Kam folur me njerëz në Atletico Madrid dhe mendoj se një transferim është zgjidhja më e mirë për të gjithë. Dua ta përmbush ëndrrën time”, u tha Alvarez gazetarëve.

26-vjeçari, i cili ka fituar gjithçka me River Plate, City dhe Argjentinën, synon të kalojë te një skuadër ku mund të sigurojë trofe të tjerë.

Atletico Madridi e transferoi Alvarezin nga Manchester City dy vjet më parë për 75 milionë euro. Gjatë kësaj periudhe, ai ka realizuar 49 gola dhe ka dhënë 17 asistime në 106 paraqitje, por pa arritur të fitojë ndonjë trofe.

Mësohet se “ëndrra” e tij është Barcelona, por raportet mes dy klubeve janë acaruar. Klubi katalanas ka tentuar tashmë ta afrojë Alvarezin, mirëpo oferta prej 100 milionë eurosh është hedhur poshtë.

Madje, Atletico Madrid ka paralajmëruar se mund ta padisë Barcelonën për mënyrën si i është afruar lojtarit, ndërsa ka bërë të ditur se sulmuesi mund të largohet vetëm nëse paguhen 500 milionë euro.

“Nuk ka asnjë shumë për të cilën Barca mund ta blejë Julian Alvarez. Ai nuk do të transferohet te Barcelona”, tha Atletico për gazetën AS, e cila citoi një burim nga klubi: “Ose do të paguajnë klauzolën e blerjes prej 500 milionë eurosh ose nuk do të ketë asgjë nga marrëveshja”.

Alvarez është i lidhur me një kontratë katërvjeçare, ku përfshihet edhe klauzola e lartpërmendur e lirimit. Kishte pasur raportime se Atletico do të pranonte ta shiste për 150 milionë euro, por ato dolën të pavërteta.

The post Atletico vendos kushte të hekurt për Julian Alvarez dhe i dërgon mesazh të qartë Barcelonës appeared first on Albeu.com.