Sipas të dhënave të studimit, perceptimi neto pozitiv për FSHF-në ka kaluar nga 47% në vitin 2016 në 52% në vitin 2026. Po ashtu, raporti nënvizon se 47% e të anketuarve kanë një imazh të fortë pozitiv për Federatën, nivel që rezulton mbi mesataren europiane dhe më i lartë se ai i organizatave të tjera sportive në Shqipëri.

Nga gjetjet e raportit rezulton se njohja e rolit të FSHF-së në administrimin, zhvillimin dhe promovimin e futbollit është ndjeshëm më e lartë se mesatarja europiane. Studimi thekson se besimi i qytetarëve se e kuptojnë rolin dhe aktivitetin e Federatës është 43% më i lartë se benchmark-u europian.

Raporti evidenton edhe një lidhje të drejtpërdrejtë mes njohjes së punës së Federatës dhe vlerësimit ndaj saj. Te qytetarët që thonë se janë të informuar mirë për aktivitetin e FSHF-së, 83% shprehen pozitivisht për institucionin.

Për sa i përket vlerave që publiku ia atribuon Federatës, shqiptarët e cilësojnë FSHF-në si një organizatë respektuese, progresive, të përgjegjshme dhe kompetente.

Këto vlerësime bëhen edhe më të theksuara tek ata që kanë më shumë informacion për aktivitetet dhe projektet e Federatës. Një nga përfundimet më domethënëse të raportit lidhet pikërisht me arsyet që ndikojnë në krijimin e një opinioni pozitiv për FSHF-në.

Pjesa më e madhe e të anketuarve e lidh këtë perceptim me përparimin dhe përmirësimin e vazhdueshëm të futbollit shqiptar, me zhvillimin e futbollit për fëmijë dhe të rinj, me investimet në infrastrukturë, si edhe me sukseset e Kombëtares shqiptare në arenën ndërkombëtare.

Studimi nxjerr në pah gjithashtu shkallën e lartë të njohjes së nismave të Federatës. Plot 63% e shqiptarëve shprehen se njohin të paktën një projekt ose iniciativë të FSHF-së. “Projekti 100 Fushat” rezulton iniciativa më e njohur, ndërsa programi “Topi Yt” krijon ndikim të fortë emocional dhe perceptim pozitiv te publiku.

Sipas raportit, 68% e shqiptarëve e lidhin FSHF-në me Kombëtaren shqiptare, në rritje krahasuar me vitin 2016. Ky tregues pasqyron ndikimin që ekipet kombëtare kanë në identitetin dhe imazhin e futbollit shqiptar.

Një tjetër element i rëndësishëm i studimit është mbështetja e publikut për zhvillimin e mëtejshëm të futbollit. Sipas anketimit, 85% e të pyeturve mendojnë se futbolli duhet të ketë më shumë mbështetje financiare, ndërsa 81% vlerësojnë se duhen politika dhe iniciativa shtesë për avancimin e tij.

Në përmbyllje, gjetjet e raportit konfirmojnë se investimet, projektet zhvilluese dhe rezultatet e arritura gjatë viteve të fundit kanë ndikuar në forcimin e imazhit të Federatës Shqiptare të Futbollit, si edhe në rritjen e besimit të publikut ndaj rolit të saj në zhvillimin e futbollit në vend.

The post Raporti i UEFA-s dhe Nielsen: Rritet vlerësimi për FSHF-në, publiku shqiptar e sheh avancimin e futbollit si meritë të Federatës appeared first on Albeu.com.

Ai do të jetë një grumbullim si asnjëherë më parë për Ligën e Kombeve.

Kjo, pasi UEFA ka vendosur që të bashkojë dritaret e shtatorit dhe tetorit në një ndalesë të vetme, duke bërë kësisoj që ekipet kombëtare të luajnë katër ndeshje radhazi pa ndërprerje brenda dy javësh grumbullim.

Kjo do të thotë se fati i pjesëmarrjes në Ligën e Kombeve, mund të vendoset menjëherë që në këtë grup ndeshjesh për kuqezinjtë.

Ata luajnë të parën më 26 shtator në Tiranë ndaj Bjellorusisë, për të vazhduar tre ditë më vonë në transfertë ndaj San Marinos e më pas më 3 tetor në Finlandë, para se të kthehen përsëri në Tiranë më 6 tetor për të mbyllur sfidat me San Marinon.

AXHENDA

26.09.2026

Shqipëri-Bjellorusi

29.09.2026
San Marino-Shqipëri

03.10.2026
Finlandë-Shqipëri

06.10.2026
Shqipëri-San Marino

The post AXHENDA E KOMBËTARES/ Shqipëria kthehet në shtator me risinë e madhe të UEFA-s, do luhet si asnjëherë më parë appeared first on Albeu.com.

Sipas propozimit më të ri të UEFA-s ndryshimet më të mëdha do të ndodhin në sistemin e kualifikueseve të Europianit Euro 2032. Për edicionin në fjalë kombëtaret nuk do të ndahen në disa grupe, por do të ndahen në dy liga të ndryshme siç bëhet në Nations League.

Liga 1 do të përbëhet prej tri grupesh me nga 12 skuadra secili. Liga 2 do të përbëhet prej tri grupesh me nga 6 skuadra secila.

Risi do të jetë edhe në kalendar. Secila kombëtare do të luajë gjashtë ndeshje (në shtëpi ose transfertë) kundër gjashtë kundërshtarëve të ndryshëm. Një format ky i aplikuar nga UEFA edhe në rang klubesh në kompeticione si Champions, Europa League apo Conference League. Ajo që nuk është përcaktuar ende është mënuyra se si do të vendosen të kualifikuarat. UEFA ka bërë me dije se ekipet që klasifikohen më mirë në grupet e Ligës 1 do të kalojnë direkt për më tej. Vendet e mbetura vakant do të plotësohen pas zhvillimit të një faze play-off. Për këtë fazë UEFA nuk ka specifikuar se sa skuadra do të marrin pjesë.

The post Kualifikueset në Europian dhe Botëror, UEFA ndryshon formatin, ja me sa skuadra do të ndeshet Shqipëria appeared first on Albeu.com.

Në tribunën e stadiumit të Zenicës ishte edhe Aleksander Ceferin, president i UEFA-s, i cili ka zgjedhur Gabriele Gravina si zëvendëspresident të Ezkekutivit të Nionit.

Ceferin e ka mbrojtur aleatin e tij pas eliminimit të Italisë: “Në një farë mënyre jam i surprizuar nga eliminimi i Italisë. Nga ana tjetër, Bosnja ka një skuadër të re dhe të fortë, plus luajti në shtëpi. Kishte më shumë presion mbi Italinë. Bosnja e meritoi të shkojë në Botëror, Italia e humbi ndeshjen pas kartonit të kuq”, – tha fillimisht Ceferin.

Pasta jai foli për pozicionin e Gravinës dhe problemin e Italisë: “Faji i Gravinës? Kur isha president i Federatës sllovene, i thosha trajnerit: Nëse fitoni, ti dhe lojtarët jeni heronj. Nëse humbisni, faji do të bjerë mbi ne të dy. Nuk është përgjegjësi e Gabrieles dhe nuk do të sulmoja lojtarët e trajnerin. Ndoshta janë politikanët italianë që duhet të pyeten pse Italia ka një nga infrastrukturat futbollistike më të këqija të Europës.

Më trishton fakti që ka persona që presin ‘fshehur’ që diçka të shkojë keq e pastaj të dalin e të kruitikojnë. Nuk mbështesin Italinë, por veten e tyre. Më thoni, cili lojtar italian nuk është grumbulluar dhe duhej të ishte? Kështu e ka futbolli, edhe me lojtarët më të mirë në fushë e humb një ndeshje.

Gabriele është zëvendësi im i parë, shumë i rëndësishëm. Do të ishte humbje për federatën italiane. Për Europianin 2032 shpresoj që infrastruktura të jetë gati, në të kundërt turneu nuk do të luhet në Itali.

Italia është një nga emrat më të mëdhenj të futbollit dhe do të klthehet në maja. Problemi më i madh i furtbollit italian është raporti mes politikës futbollistike dhe politikës normale. Nëse janë në një linjë, Italia bëhet sërish kampione Europe dhe bote. Nëse njerëzit gjithmonë negativë vazhdojnë kështu, atëherë gjërat në futboll do të shkojnë tmerrësisht keq”.

The post Ceferin: Bosnja e meritoi Botërorin, Italia me infrastrukturë nga më të këqijat në Europë appeared first on Albeu.com.

Chelsea është gjobitur me 10.75 milionë £ dhe klubit i janë ndaluar transferimet me në një sesion të merkatos për “shkelje historike të rregullave”, tha Premier League.

“Klubi i Futbollit Chelsea ka kënaqësinë të konfirmojë se ka arritur një marrëveshje me Premier League në lidhje me çështjet rregullatore të së kaluarës, të cilat u raportuan vullnetarisht nga klubi në vitin 2022. Siç është njoftuar më parë, klubi ka raportuar vullnetarisht shkeljet e mundshme të rregulloreve nga e kaluara te të gjitha organet rregullatore përkatëse, duke përfshirë dështimin për të paraqitur pasqyrat e plota financiare që datojnë më shumë se një dekadë më parë.

Gjatë një hetimi gjithëpërfshirës të Premier Ligës, klubi zbuloi në mënyrë proaktive mijëra dokumente. Për më tepër, kur Premier Liga kërkoi informacion, klubi dha menjëherë përgjigje gjithëpërfshirëse dhe lehtësoi të gjitha rrugët e hetimit në mbështetje të një procesi kompleks dhe jashtëzakonisht të plotë. Klubi dëshiron të sqarojë se, pas një analize të plotë financiare të kryer nga Premier Liga, arriti në përfundimin se “në asnjë rrethanë klubi nuk do ta kishte tejkaluar humbjen maksimale të lejuar prej 105 milionë £ gjatë periudhës trevjeçare të vlerësimit të parashikuar në Rregullore”.

Klubi pranon plotësisht kushtet e marrëveshjes. Për qartësi, kufizimi nëntëmujor për regjistrimin e lojtarëve të Akademisë zbatohet menjëherë, por vetëm për lojtarët e Akademisë që janë regjistruar më parë në një klub tjetër të Ligës ose EFL në 18 muajt e mëparshëm. Nuk zbatohet për lojtarët aktualisht të regjistruar te Chelsea, lojtarët ndërkombëtarë ose lojtarët që paraqesin kërkesën e tyre të parë për regjistrim në kategorinë nën 9 vjeç”, shkruhet në njoftimin e klubit londinez.

The post Ka shkelur rregullat, pezullim merkatoje dhe gjobë 10 milionë stërlina për Chelsean appeared first on Albeu.com.

Gjatë kësaj mbledhjeje, ku i pranishëm ishte edhe zëvendës-presidenti i UEFA-s, Armand Duka, u prezantua përditësimi i Strategjisë së Qëndrueshmërisë së Futbollit 2030, që synon të ndërtojë mbi progresin e rëndësishëm të arritur deri më tani dhe të forcojë fokusin në veprimin kolektiv, matjen e rezultateve dhe përgjegjshmërinë në të gjithë ekosistemin e futbollit europian.

Strategjia e përditësuar ruan vizionin e saj origjinal, duke theksuar më tej impaktin social, respektin për mjedisin dhe menaxhimin e përgjegjshëm në organizimin e eventeve dhe infrastrukturës së futbollit.

Ndër të tjera, Komiteti Ekzekutiv miratoi edhe krijimin e një çmimi vjetor për arbitrin dhe arbitren më të mirë të vitit, duke vlerësuar performancat e tyre në kompeticionet e UEFA-s dhe do të nxjerrin në pah rolin e arbitrit si ambasador i federatës përkatëse kombëtare.

Kjo iniciativë synon të promovojë respektin ndaj arbitrave në gjithë komunitetin e futbollit, si dhe të frymëzojë brezat e rinj përmes modeleve pozitivë që mishërojnë përkushtim, integritet dhe standarde të larta profesionale.

The post Komiteti Ekzekutiv i UEFA zhvillon mbledhjen e parë për vitin 2026, në fokus përditësimi i Strategjisë së Qëndrueshmërisë së Futbollit 2030 dhe vlerësimi i arbitrave appeared first on Albeu.com.

Pas muajsh diskutimesh të zhvilluara në interes të futbollit evropian, UEFA, Klubet Evropiane të Futbollit (EFC) dhe Real Madrid CF njoftojnë se kanë arritur një marrëveshje në parim për mirëqenien e futbollit evropian, duke respektuar parimin e meritës sportive, duke u përqendruar në qëndrueshmërinë afatgjatë të klubeve dhe duke përmirësuar përvojën e tifozëve përmes përdorimit të teknologjisë. Kjo marrëveshje në parim do të shërbejë gjithashtu për të zgjidhur mosmarrëveshjet ligjore që lidhen me Superligën Evropiane, pasi këto parime të jenë zbatuar”.

Vetëm pak ditë më parë, rivalët historikë Barcelona njoftuan gjithashtu tërheqjen e tyre nga projekti i presidentit të Blancos. Çfarë ndodh tani? Siç raportohet nga Gazzetta, Real Madridi do të tërheqë padinë kundër UEFA-s për dëmet prej 4.5 miliardë eurosh që dyshohet se pësoi duke i mohuar Superligën dhe kështu duhet të ribashkohet me futbollin evropian. Meqenëse kjo është një marrëveshje midis palëve, mbetet të shihet se çfarë lëshimesh do të jepen nga organi më i lartë i futbollit evropian.

The post Superliga nuk ekziston më, pas Barcelonës tërhiqet edhe Reali appeared first on Albeu.com.

Kalendari ndërkombëtar për vitin 2026, parashikon që në pjesën e dytë të vitit, kur të luhet Liga e Kombeve, do të ketë për herë të parë një “dritare të gjatë” të ndeshjeve ndërkombëtare. Kjo do të thotë që ndeshjet ndërkombëtare të shtatorit dhe të tetorit do të bashkohen.

Sipas asaj që ka parashikuar UEFA, ekipet kombëtare do të luajnë 4 ndeshje në periudhën 24 shtator – 6 tetor, si dhe 2 ndeshjet e tjera në periudhën 12-17 nëntor të këtij viti.

Kjo është hera e parë kur aplikohet një dritare e përbashkët për shtatorin dhe tetorin nga UEFA, e cila e kishte parashikuar fillimisht një gjë të tillë vetëm për vitin 2027 pas kërkesave të klubeve evropiane që protestonin për vajtje-ardhjet e futbollistëve në pjesën e parë të edicionit.

Shqipëria në këtë edicion të Ligës së Kombeve merr pjesë në Ligën C dhe do të ketë si objektiv vetëm fitimin e grupit, pasi kësisoj mund të sigurojë të paktën pjesëmarrjen në play-off për EURO 2028.

The post Ngjeshet kalendari i 2026-s, UEFA aplikon një format të ri, ja kur do të luajë Shqipëria! appeared first on Albeu.com.

Por nëse pjesa e parë e vitit i kushtohet tërësisht Botërorit, në pjesën e dytë të 2026, vëmendja do të jetë te ndeshjet e Ligës së Kombeve, me një ndryshim radikal të vendosur nga UEFA.

Kalendari ndërkombëtar për vitin 2026, parashikon që në pjesën e dytë të vitit, kur të luhet Liga e Kombeve, të ketë për herë të parë një “dritare të gjatë” të ndeshjeve ndërkombëtare.

Kjo do të thotë që dritarja e ndeshjeve ndërkombëtare të shtatorit dhe të tetorit do të bashkohen.

Sipas asaj që ka parashikuar UEFA, ekipet kombëtare do të luajnë 4 ndeshje në periudhën 24 shtator-6 tetor, si dhe 2 ndeshjet e tjera në periudhën 12-17 nëntor të këtij viti.

Kjo është hera e parë kur aplikohet një dritare e përbashkët për shtatorin dhe tetorin nga UEFA, e cila e kishte parashikuar fillimisht një gjë të tillë vetëm për vitin 2027, pas kërkesave të klubeve evropiane që protestonin për vajtje-ardhjet e futbollistëve në pjesën e parë të edicionit.

Shqipëria në këtë edicion të Ligës së Kombeve, merr pjesë në Ligën C dhe do të ketë si objektiv vetëm fitimin e grupit, pasi kësisoj mund të sigurojë të paktën pjesëmarrjen në play-off për EURO 2028.

The post Vendimi i UEFA-s, ndryshim drastik për Kombëtaren në pjesën e dytë të vitit 2026 appeared first on Albeu.com.

Bëhet fjalë për sfidën mes Lihtenshtejnit dhe Uellsit që zhvillohet në orën 18:00.

Dy asistentët e tij do të jenë Arbër Zalla dhe Rejdi Avdo, ndërsa arbitër i katërt është përzgjedhur Jorgji.

Në VAR do të jetë greku Angelos Evangelou, ndërsa në AVAR, Kreshnik Barjamaj.

The post UEFA u beson arbitrave shqiptarë ndeshjen e eliminatoreve të Botërorit appeared first on Albeu.com.