Në njoftimin për media thuhet se, gjatë vendosjes për paraburgimin, gjykata ka vlerësuar se janë plotësuar kushtet ligjore për shqiptimin e kësaj mase. Sipas provave të siguruara deri në këtë fazë, ekziston dyshimi i bazuar se më 22 qershor, rreth orës 08:15, në lagjen Arbanë të Prizrenit, në një objekt banesor, i pandehuri A.G., në cilësinë e personit përgjegjës për sigurinë dhe shëndetin në vendin e punës, nga pakujdesia nuk ka instaluar pajisjet mbrojtëse, nuk ka garantuar përdorimin e tyre kur ka qenë e nevojshme dhe nuk ka vepruar në përputhje me dispozitat apo rregullat teknike për masat e sigurisë në punë.

Sipas të njëjtit njoftim, në ditën kritike A.G., si shofer dhe përgjegjës i pompës së betonit, nuk e ka vendosur në mënyrë të sigurt këtë pompë. Gjatë zbrazjes së betonit nga mikseri, për një moment pompa ka rrëshqitur, ndërsa si pasojë e kësaj rrëshqitjeje është shkëputur një gyp nga pompa, i cili e ka goditur në kokë viktimën V.M., duke i shkaktuar vdekjen. Në njoftim theksohet se këto fakte do të vlerësohen më tej në fazat e ardhshme të procedurës penale.

Më tej bëhet e ditur se gjyqtarja e procedurës paraprake, duke u mbështetur në provat materiale të mbledhura deri tani dhe duke çmuar si të bazuar dyshimin për kryerjen e veprës penale nga i pandehuri, ka vlerësuar se me paraburgim sigurohet prania e tij dhe mundësohet zhvillimi normal, pa pengesa, i procedurës penale.

Njoftimi shton se hetimet ndodhen ende në fazën fillestare, ndaj duhet të dëgjohen dëshmitarët e rastit, të merret në pyetje i pandehuri dhe të sigurohen prova të tjera materiale. Po ashtu, duke pasur parasysh peshën e rëndë të pasojave të shkaktuara në vendin e punës, gjyqtarja e procedurës ka vlerësuar se paraburgimi, për momentin, është masa adekuate dhe e domosdoshme. Gjykata, sipas njoftimit, pret gjithashtu një trajtim të shpejtë dhe efikas të rastit nga Prokurori i Shtetit, me qëllim zbardhjen e plotë të ngjarjes.

The post Një muaj paraburgim për A.G. pas vdekjes së 26-vjeçarit në një punëtori në Prizren appeared first on Albeu.com.

Si rezultat i përplasjes, K. B. ka ndërruar jetë në vendngjarje. Ndërkohë, motra e tij, shtetasja F. B., si edhe djali i tij, shtetasi F. B., janë dërguar në Spitalin e Traumës, ku po marrin ndihmën e nevojshme mjekësore dhe ndodhen jashtë rrezikut për jetën.

Sipas Policisë së Lezhës, drejtuesi i kamionit, shtetasi A. M., është shoqëruar në Komisariatin e Policisë Lezhë, ndërsa ndaj tij po kryhen veprimet procedurale.

Në vendin e ngjarjes ndodhet grupi hetimor, i cili po punon për të sqaruar rrethanat e aksidentit.

The post Aksident me pasojë vdekjen në rrugën Lezhë–Milot, humb jetën në vend drejtuesi nga Kosova appeared first on Albeu.com.

Sipas familjes së tij, ai ka vdekur në mënyrë paqësore në shtëpinë e tij në Manhattan, si pasojë e problemeve shëndetësore të lidhura me moshën.

Ai ishte i rrethuar nga familjarët dhe njerëzit e tij të afërt në momentet e fundit.

Clive konsiderohet si një nga arkitektët e muzikës moderne, duke zbuluar dhe ndihmuar në karrierën e disa prej emrave më të mëdhenj të historisë së muzikës botërore, përfshirë Whitney Houston, Alicia Keys, Kelly Clarkson, Barry Manilow dhe shumë të tjerë.

Gjatë karrierës së tij disa dekadëshe, ka mbajtur pozita të rëndësishme në industrinë muzikore, përfshirë drejtimin e Columbia Records dhe më pas themelimin e Arista Records, duke ndikuar drejtpërdrejt në krijimin e dhjetëra hiteve globale.

Familja e tij e ka përshkruar si një figurë të jashtëzakonshme që ka lënë gjurmë të pashlyeshme në kulturën muzikore, duke theksuar se trashëgimia e tij artistike do të vazhdojë të jetojë përmes artistëve dhe këngëve që ai ka mbështetur gjatë jetës së tij.

Përveç karrierës profesionale, është vlerësuar edhe si një figurë familjare e përkushtuar, ndërsa njihej për eventet e tij të famshme para “Grammy Awards”, të cilat janë kthyer në traditë në industrinë muzikore.

The post Vdes legjenda e muzikës, Clive Davis appeared first on Albeu.com.

Si pasojë e përplasjes, drejtuesi i motoçikletës ka humbur jetën në vendngjarje për shkak të plagëve të marra.

Ndërkohë, drejtuesi i automjetit, 24-vjeçari Luljan Vena, është shoqëruar në Komisariatin e Policisë së Fushë Krujës për veprime të mëtejshme procedurale.

Grupi hetimor po punon për të zbardhur rrethanat e aksidentit dhe për të përcaktuar shkaqet që çuan në ngjarjen tragjike.

The post EMRI/ Aksident i rëndë në aksin Fushë Krujë-Laç, “Benzi” përplas për vdekje drejtuesin e motorit appeared first on Albeu.com.

Trupi i pajetë është konstatuar nga vajza e saj, e cila ka njoftuar menjëherë shërbimet policore.

Mësohet se 55-vjeçarja jetonte me djalin e saj, i cili një javë më parë kishte shkuar në Greqi për punë sezonale, ndërsa fëmijët e tjerë jetojnë në Tiranë dhe në Greqi.

Grupi hetimor ndodhet në vendngjarje dhe po punon për sqarimin e plotë të rrethanave, ndërsa ende nuk ka një njoftim zyrtar për shkaqet e vdekjes.

The post E rëndë në Maliq, 55-vjeçarja gjendet pa shenja jete në banesë, për çfarë dyshohet appeared first on Albeu.com.

Përplasja ka qenë fatale dhe biçiklisti ka humbur jetën në vendngjarje dhe ende mbetet i paidentifikuar.

Policia e qarkullimit rrugor ka bllokuar kahun e lëvizjes drejt Tiranës, për të kryer dokumentimin e ngjarjes.

Sipas të dhënave të para hetimore, dyshohet se drejtuesi i biçikletës ka qenë duke udhëtuar në mes të rrugës dhe drejtuesi i “Benz”-it, edhe pse është munduar ta devijojë mjetin, nuk ka shmangur dot përplasjen fatale.

The post Aksident me vdekje në autostradën Lushnje-Rrogozhinë (FOTOT) appeared first on Albeu.com.

Mësohet se trupi i Besnik Koka është gjetur i pajetë në liqen, pa shenja dhune.

Ndërkohë, uniformat blu bëjnë me dije se, grupi hetimor po punon për dokumentimin e plotë me prova ligjore të rrethanave të ngjarjes.”

Njoftimi i policisë:

“Gjirokastër/Informacion paraprak

Rreth orës 17:30, në liqenin e Viroit, është gjetur i pajetë, dyshohet i mbytur në liqen, shtetasi B. K., 62 vjeç, banues në Gjirokastër, me detyrë roje në ambientet e zonës së Viroit, pranë Agjencisë së Shërbimeve Komunitare dhe Utilitare, në bashkinë Gjirokastër.

Nga këqyrja paraprake e trupit nuk janë konstatuar shenja dhune. Grupi hetimor po punon për dokumentimin e plotë me prova ligjore të rrethanave të ngjarjes.”, njoftoi policia.

The post Humbi jetën në liqenin e Viroit/ Jep detaje policia: 62-vjeçari ishte me detyrë roje në ambientet e zonës së Viroit appeared first on Albeu.com.

Burimet bëjnë me dije se viktima është identifikuar si Besnik Hasalla, 65 vjeç, i cili raportohet të jetë banues në fshatin Garunjas.

Paraprakisht thuhet se 65-vjeçari po drejtonte një mjet bujqësor, kur papritmas në rrethana të paqarta ka humbur kontrollin dhe mjeti ka përfunduar sipër tij duke i shkaktuar plagë të rënda në trup. Fatkeqësisht Hasalla nuk ka arritur t’u mbijetojë plagëve të marra.

Sakaq bëhet me dije se në vendngjarje kanë mbërritur forcat e policisë të cilat po punojnë për zbardhjen e plotë të ngjarjes.

Pritet të dalin detaje të reja në vijm.

The post Tragjike në Lushnjë! Mjeti bujqësor përmbyset dhe zë poshtë fermerin, 65-vjeçari vdes në vend appeared first on Albeu.com.

Si pasojë e plagëve të marra, ajo ka humbur jetën në moment. Policia ka shkuar në vendngjarje, ndërsa po heton më shumë mbi shkaqet dhe rrethanat e aksidentit.

The post Aksident me vdekje në aksin Rrëshen-Reps, humb jetën shtetasja nga Kosova appeared first on Albeu.com.

Sipas informacioneve paraprake, i moshuari ka qenë duke mbledhur qershi së bashku me djalin dhe të afërm të tjerë, ndërsa ka zbritur nga pema duke thënë se nuk ndihej mirë.

Pas kësaj, ai ka humbur jetën. Nga deklarimet paraprake mësohet se viktima ka pasur një ndërhyrje në zemër.

Policia ka shkuar në vendngjarje për të bërë zbardhjen e plotë të rrethanave, teksa po mbledh dëshmitë dhe mbetet në pritje të rezultateve të autopsisë dhe ekspertizës mjeko-ligjore.

The post Po mblidhte qershi me familjen, humb jetën i moshuari në Kolonjë, ja për çfarë dyshohet appeared first on Albeu.com.