S.M. i kërkoi trupit gjykues që seanca të mos jetë e hapur, me arsyetimin se duhet të mbrohet identiteti i fëmijëve të të akuzuarës Millaku, të cilët kanë qenë dëshmitarë gjatë procedurës.

I njëjti propozim u paraqit edhe nga mbrojtësja e të akuzuarës, avokatja Mirvete Hashani, për të njëjtat arsye, por kjo kërkesë u kundërshtua nga vetë Millaku.

“Kam qejf m’u kanë publike, me ditë gjithçka edhe tjerët çka unë kam vujt në atë shpi. Prej anës teme i pranoj gazetarët, unë jam viktimë këtu, jo këta. 30 vjet kam duru”, deklaroi e akuzuara Millaku.

Pavarësisht kësaj, kryetari i kolegjit të Apelit, Xhevdet Abazi, bëri të ditur se seanca do të mbahet e mbyllur për publikun, për shkak të mbrojtjes së interesit të fëmijëve të të akuzuarës Millaku.

Në këtë rast, kolegji gjykues përbëhet nga Xhevdet Abazi si kryetar, Kadrije Goga-Lubishtani si gjyqtare referuese dhe Skender Çoçaj si anëtar.

Në seancë ishin të pranishëm e akuzuara Nazmije Millaku së bashku me mbrojtësen e saj, avokaten Mirvete Hashani, si dhe e dëmtuara S.M. Nga Prokuroria e Apelit, ndërkaq, nuk mori pjesë askush.

Ndryshe, më 9 mars 2026, Gjykata Themelore në Prishtinë e shpalli fajtore Millakun për veprën penale “Vrasje e rëndë” dhe i shqiptoi dënim prej 20 vjet burg. Në të njëjtën kohë, ajo u lirua nga akuza për veprën penale “Armëmbajtje pa leje”, raporton “Betimi për Drejtësi”.

Sipas aktakuzës së Prokurorisë Themelore në Prishtinë, Nazmije Millaku ngarkohej se më 20 gusht 2024, në korridorin e përbashkët të shtëpive të tyre në Prishtinë, në mënyrë dinake dhe për motive të ulëta xhelozie, me dashje e kishte privuar nga jeta kunatin e saj Xh.M. Aktakuza përshkruan se e pandehura ishte ndier e parespektuar dhe e braktisur nga familjarët, duke menduar se tani i ndjeri kishte ndikim.

Në aktakuzë thuhet gjithashtu se e akuzuara ishte përgatitur paraprakisht për kryerjen e kësaj vepre penale, duke përfunduar kursin për aftësim në përdorimin e armëve të shkurtra, më pas ishte certifikuar dhe kishte blerë armë zjarri dhe municion. Sipas përshkrimit, ajo kishte shfrytëzuar momentin kur anëtarët e tjerë të familjes nuk ndodheshin aty dhe, pasi kishte parë tani të ndjerin Xh.M. duke kaluar në korridorin e shtëpisë për të shkuar në oborrin e përbashkët, kishte dalë në korridor dhe në mënyrë dinake kishte shtënë disa herë me armën e lartcekur në drejtim të tij, duke e goditur në pjesë të ndryshme të trupit. Si pasojë e plagëve, viktima kishte ndërruar jetë.

Autopsia ka konstatuar se vdekja e Xh.M. ishte e dhunshme dhe kishte ardhur si rezultat i destruksionit të trurit dhe gjakderdhjes masive të brendshme dhe të jashtme. Po ashtu, janë konstatuar 18 plagë të shkaktuara nga 11 të shtëna.

Me këto veprime, ajo akuzohej për veprën penale “Vrasje e rëndë” nga neni 173, paragrafi 1, nënparagrafi 1.4 të Kodit Penal.

Millaku akuzohej edhe se, nga 21 dhjetorit 2023 deri më 20 gusht 2024, në kundërshtim me ligjin e zbatueshëm për armët, kishte poseduar një armë zjarri, tre karikatorë dhe 39 fishekë, ndërkohë që megjithëse e kishte përfunduar kursin për përdorimin e armës, ende nuk ishte pajisur me leje për mbajtjen e saj. Sipas aktakuzës, arma ishte gjetur gjatë kontrollit në çantën e saj kur kishte shkuar në stacion policor, ndërsa një pjesë e municionit i ishte gjetur në dhomën e saj.

Për këto rrethana, ajo akuzohej edhe për veprën penale “Mbajtja në pronësi, kontroll ose posedim të paautorizuar të armëve” nga neni 366, paragrafi 1 të Kodit Penal.

The post Me kërkesën e palës së dëmtuar, Apeli zhvillon me dyer të mbyllura seancën ndaj Nazmije Millakut appeared first on Albeu.com.

Dy kushërinjtë ishin shpallur në kërkim, pasi më datë 27 janar janë konfliktuar me 45-vjeçarin dhe e kanë qëlluar me armë zjarri. Për shkak të dëmtimeve të marra, ai ndërroi jetë pas disa ditësh në spital.

Dy kushërinjtë i shkuan në shtëpi dhe pasi e kanë dhunuar fizikisht kanë qëlluar me armë drejt tij, duke i shkaktuar plagë të rënda.

Shkak i konfliktit dyshohet të ketë qenë një vajzë. Çumani i kishte dërguar mesazhe asaj, ndërkohë që ajo ishte në një lidhje me Dorian Ferrën.

Njoftimi i policisë:

Ekzekutohet masa e sigurisë “Arrest në burg”, për 2 autorët e dyshuar të vrasjes së një 45-vjeçari, në muajin janar 2026, në Shijak.

Specialistët e Seksionit për Hetimin e Krimeve të Rënda të Drejtorisë Vendore të Policisë Durrës ekzekutuan masën e sigurisë “Arrest në burg”, caktuar nga Gjykata e Shkallës së Parë e Juridiksionit të Përgjithshëm Durrës, për veprat penale “Vrasja me dashje”, kryer në bashkëpunim, dhe “Mbajtja pa leje dhe prodhimi i armëve, armëve shpërthyese dhe municionit”, për shtetasit:

-I. F., 38 vjeç dhe D. F., 36 vjeç (kushërinj), të dy banues në Shijak.

Këta shtetas ishin shpallur në kërkim pasi nga hetimet dyshohet se më datë 27.01.2026, në qytetin e Shijakut, janë konfliktuar për motive të dobëta me shtetasin D. Ç., 45 vjeç dhe e kanë qëlluar me armë zjarri. Për shkak të dëmtimeve, 45-vjeçari ka humbur jetën pas disa ditësh, në spital.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

The post Vrasja e Denis Çumanit në Shijak, arrestohen dy kushërinjtë autorë që ishin në kërkim (EMRAT) appeared first on Albeu.com.

Nga këqyrja paraprake e trupit të pajetë të Eglant Koçit është konstatuar një plagë tejshpuese në pjesën e pasme të kokës, e dyshuar se është shkaktuar nga arma e zjarrit. Trupi i të riut është dërguar në morg, ku do t’i nënshtrohet një ekspertize më të detajuar mjeko-ligjore.

Identifikimi i trupit, i gjetur në gjendje të avancuar dekompozimi në fshatin Cerrujë, u bë nga familjarët e Eglant Koçit, pasi policia e lokalizoi atë me ndihmën e dronëve.
Koçi rezultonte i zhdukur prej dy javësh, ndërsa për këtë ngjarje është shpallur në kërkim shoku i tij i ngushtë, Armand Shakaj.

The post Vrasja e Eglant Koçit! Trupi iu gjet një ditë më parë në Cerrujë/ Kishte një plagë në pjesën e pasme të kokës, dyshohet e shkaktuar me armë zjarri appeared first on Albeu.com.

Sipas hetimeve, Kolndreu dyshohet se ka fshehur në banesën e tij automjetin që pretendohet se është përdorur nga autorët e krimit. Ai është vënë në pranga nga uniformat blu, ndërsa hetimet për zbardhjen e plotë të ngjarjes vijojnë.

Njoftimi:

Falë informacionit të siguruar nga Policia e Shtetit për vendndodhjen e një shtetasi të shpallur në kërkim, si dhe shkëmbimit në kohë reale të informacionit me autoritetet policore malazeze, Policia e Malit të Zi lokalizoi dhe kapi në Ulqin një shtetas të kërkuar në lidhje me ngjarjen e ndodhur më datë 26.04.2026, në fshatin Balldren.

Menjëherë pas kapjes, shtetasi u deportua në Pikën e Kalimit Kufitar Muriqan, ku iu dorëzua shërbimeve të Policisë Kufitare shqiptare dhe më pas u shoqërua nga shërbimet e Drejtorisë Vendore të Policisë Lezhë.

Në vijim të veprimeve të kryera nga specialistët për Hetimin e Krimeve Kundër Personit në DVP Lezhë, u bë ndalimi i shtetasit Besnik Kolndreu 40 vjeç, banues në fshatin Torovicë, për veprën penale “Përkrahja e autorit të krimit”, kryer në bashkëpunim.

Ky shtetas ishte shpallur në kërkim në zbatim të vendimit të Gjykatës së Lezhës, e cila i kishte caktuar masën e sigurisë “Arrest në burg”, në kuadër të hetimeve për ngjarjen e ndodhur më datë 26.04.2026, në fshatin Balldren, ku u vranë me armë zjarri shtetasit Kreshnik dhe Gentiana Mujeci, bashkëshortë.

Nga veprimet hetimore të kryera ka rezultuar se shtetasi B. K. dyshohet se ka ndihmuar autorët e kësaj ngjarjeje, duke fshehur në banesën e tij automjetin e përdorur prej tyre pas kryerjes së krimit. Automjeti u gjet dhe u sekuestrua nga shërbimet e Policisë gjatë kontrolleve të kryera në kuadër të hetimeve.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme procedurale.

The post Vrasja e Kreshnik dhe Gentiana Mujecit në Lezhë, arrestohet në Mal të Zi 40-vjeçari, dyshohet se përkrahu autorët e krimit (EMRI) appeared first on Albeu.com.

Veprimet hetimore dhe dëshmitë e mbledhura deri më tani kanë ndihmuar në rindërtimin e lëvizjeve të viktimës para atentatit.

Sipas burimeve hetimore, 45-vjeçari kishte dalë nga banesa e tij në Rrëshen rreth orës 06:00 dhe së bashku me një koleg pune ishte nisur drejt kompanisë së bazaltit në Reps, ku punonte.

Rreth dy kilometra para vendit ku ndodhi krimi, pasagjeri ka zbritur në një lokal, ndërsa 45-vjeçari ka vijuar rrugën i vetëm.

The post Zbardhen detaje të reja nga vrasja e Valter Lleshit/ Rindërtohet skema e atentatit, 45-vjeçari zbriti në një lokal dhe… appeared first on Albeu.com.

Panorama Online ka siguruar një foto të Gerd Gjinararit, ku duket ndryshimi që ka pësuar prej viteve.

I njohur me nofkën “Gjenerali”, Gjinarari u dënua me burgim të përjetshëm nga një gjykatë italiane në vitin 1997, pasi vrau “të fortin” e Tiranës, Naim Zyberi dhe në vitin 2014 u ekstradua në Shqipëri, ku Gjykata e Tiranës la në fuqi vendimin me burgim të përjetshëm.

Krimi ndodhi në një spital në Milano, ku Zyberi po merrte trajtim mjekësor. Në atë khë, hetimet zbuluan se Gjinarari dhe Arben Grori hynë në dhomën e spitalit, duke u paraqitur si të afërm të pacientit dhe realizuan ekzekutimin me armë zjarri, të cilën e kishin fshehur brenda një buqete me lule.

Pasi u ekstradua në vendin tonë, në vitin 2019, Gjinarari u lirua me kusht nga Gjykata e Korçës, vendim që shkaktoi reagime të forta. Më pas, Gjykata e Apelit e rrëzoi vendimin e lirimit, duke urdhëruar rikthimin e tij në burg.

Pas këtij vendimi, Gjinarari nuk u paraqit më për ekzekutimin e masës dhe u shpall në kërkim ndërkombëtar.

Tashmë pas arrestimit në Begjikë, pritet që Gerd Gjinararin të ekstradohet drejt vendit tonë.

The post “Gjenerali”, u arrestua në Belgjikë, ja si ka ndryshuar Gerd Gjinarari, i dënuari për vrasjen e Naim Zyberit! (FOTO) appeared first on Albeu.com.

Ngjarja e rëndë ndodhi rreth orës 07:10 dhe ka tronditur zonën.

Sipas burimeve nga hetimet, një nga pistat kryesore që po shqyrtohet është ajo e hakmarrjes.

Dyshohet se viktima mund të ketë pasur lidhje të mëhershme me ngjarje kriminale në zonë, përfshirë një dyshim për përfshirje në vrasjen e Anton Kelit në Rrëshen, i cili rezulton të ketë qenë i afërm i Armando Gjinit.

Megjithatë, policia sqaron se deri tani Valter Lleshi nuk ka qenë i hetuar apo i skeduar si i dyshuar për atë ngjarje. Hetimet po vijojnë për të zbardhur motivin e plotë të krimit dhe për të identifikuar autorët e vrasjes.

The post U vra me me armë zjarri, ky është 45-vjeçari Valter Lleshi appeared first on Albeu.com.

Raportohet se sherri që ka degjeneruar deri në dhunë ka ndodhur mes të pandehurve për rrëmbimin dhe vrasjen e Denis Dobrës.

Të përfshirë në këtë dhunë fizike brenda një institucioni të drejtësisë janë Fatjon Bushgjokaj, Aleksander Bushgjokaj, Kristi Bushgjokaj dhe Petrit Hoxha (Çakraj).

Menjëherë pas përplasjes fizike seanca, është ndërprerë ndërsa në ambientet e jashtëm të GJKKO kanë shkuar forca të shumta policie.

The post Plas sherri në seancën për vrasjen e Renis Dobrës në GJKKO, të pandehurit përplasen me njëri-tjetrin (EMRAT) appeared first on Albeu.com.

Të tjera detaje janë zbardhur në lidhje me vrasjen e 45-vjeçarit Valter Lleshi, ngjarja e ndodhur në fshatin Shkorret të Mirditës. Sipas infrormacioneve, ai dyshohet se ka qenë i implikuar në vrasjen e Anton Kelit në Rrëshen në vitin 2020.

Ngjarje që asokohe u lidh me hakmarrje për prishje të pazareve të drogës.

Po ashtu, bëhet me dije se 45-vjeçari Valter Lleshi punonte si shofer kamioni në një kompani që nxjerr inerte nga lumi Mat, ku më 15 mars të këtij viti iu vendos një sasi lënde plasëse në mjetin me të cilin punonte.

Asokohe Lleshi i shpëtoi atentatit, ndërsa këtë të hënë persona ende të paidentifikuar i zunë pritë teksa ishte duke shkuar në punë.

The post Detaje nga vrasja e Valter Lleshit në Mirditë, 45-vjeçari dyshohet se kishte qenë i implikuar në eliminimin e Anton Kelit 6 vite më parë… appeared first on Albeu.com.

Viktima është identifikuar si Valter Lleshi, rreth 45-vjeç. Ai është konstatuar pa shenja jete në automjetin tip “Toyota”, me të cilin po udhëtonte në momentin e ngjarjes.

Menjëherë pas marrjes së njoftimit, në vendngjarje kanë mbërritur shërbimet e policisë dhe grupi hetimor, të cilët kanë nisur veprimet për zbardhjen e plotë të rrethanave të krimit.

The post Zbardhen detaje nga vrasja e 45-vjeçarit në Mirditë, viktima u gjet i pajetë brenda në një automjet appeared first on Albeu.com.